الكـــــراكــــيب

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-11-2018, 04:20 PM الصفحة الرئيسية

مدخل أرشيف الربع الثالث للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-08-2013, 10:06 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


الكـــــراكــــيب

    فتح باب الشارع ..مد راسه للداخل موجها لها الامر بعبارة واحدة :
    - لموا اثاث البيت بكرة راحلين للبيت الجديد خلاص .. وقفل عائدا دون ان ينتظر منها تعقيبا ..
    اما هي كانت تجلس في كرسي الخشب القصير (بنبر) مقابل عنقريب العدة ( سرير ) تجفف فيه الاواني بعد غسلها ..
    بدون ما تشعر وجدت نفسها تضحك وتقول في نفسها : حقيقة شر البلية ما يضحك .. قال لموا اثاث البيت .. والله ما في شي مضيعنا ومفقرنا غير فلسفة الراجل دا ..
    وبجولة تفقدية عملت مسح على ما يسميه اثاث البيت .. اولا البنبر الذي تجلس عليه الان .. متهتك وحبالة متدلية تستعين عليه بمخدة حتى تستطيع الجلوس .. وامامها عنقريب العدة فهو ايضا متهتك تتدلى حباله لكن تمت مباصرته بما وقع في ايديهم من من حبال او سيور بلاستيك .. فهو في النهار منشفة اواني وفي الليل سرير للبنت الصغيرة بعد ان يفرش لها بلحاف .. وفي الراكوبة نفسها يوجد عنقريبين آخرين ( سريرين من الخشب) .. والراكوبة نفسها وجودها امام الغرفة الوحيدة التي تتوسط الحوش هي بمثابة صالة للمقيل واستقبال الضيوف .. اما الغرفة الوحيدة فبها سريرين من الحديد ودولاب دلفتين فقط .. تعلوا رأسه شنطة العرس وكرتونة التلفزيون التي ذهب التلفزيون في ظرف طارئ وبقيت هي لتشهد بأنه كان هنالك تلفزيون لكن هل هي من ضمن قائمة الاثاث التي ذكرها ... اكيد ..مافي شك .. وهنالك عدة كراتين تعلوا رأس الدولاب بها عدة اغراض لاتذكر تفاصيلها ..
    طاولات صغيرة ثلاثة احداهما معاقة تستند على ثلاثة ارجل فقط ... وكذلك ثلاثة كراسي بلاستيك بيضاء اكيد هؤلاء من الاثاث .. ثم تخرج من الغرفة للتتجه بنظرها الى مكان آخر .. المزيرة بها حمالة زير يستند عليها زير قديم تزين الطحالب الجزء الرطب منه .. مغطى بصينية هي في الاصل غطاء لجردل البوهية الذي تستخدمه هي الآن في غسل الاواني ( برضو من الاثاث شاءت ام ابت )..
    تنهدت زفرة حرى قبل ما تقوم تفتح الباب الذي بدأ احدهم بطرقه ..

    (عدل بواسطة درديري كباشي on 07-08-2013, 01:16 AM)

                   |Articles |News |مقالات |بيانات

06-08-2013, 04:21 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    تفتح الباب جارتها سعاد اخبار التي يقلبونها في بعض الاحيان هي وباقي الجارات بسعاد رادار ..وتدخل فيها سلام بحزن مصطنع ..
    -صحي يا محاسن اختي راحلين وسايبننا ؟
    - بسم الله القال الكلام دا منو ؟
    - الخبر مالي الحلة وطش اضاني كدا .
    - خبر شنو ومتين ملا الحلة كمان ( هي تدري بان جارتها سعاد لقطت العبارة من فم عمر وهو يأمرها بتجهيز الاثاث للرحول كعادتها في التصنت ..
    فردت لها ببرود في اصرار لجرجرتها في فضح التجسس : بري مافي اي كلام زي كدا ..
    - اجي كيف الكلام دا وانا سمع اضاني عمر بيقول ليكم جهزوا العفش للرحيل يا محاسن ..
    - طيب مالك تقولي الخبر مالي الحلة وانتي لقطتي بنفسك من عمر وانتي الراح تنشريه في الحلة مافي غيرك ..
    - شنو النفس الحار دا ما يمحاسن انتي بقيتي تكرهيني للدرجة دي ؟
    -انا لا اكرهك ولا بحبك انتي بس سيبي تصنتك على الجيران وخليهم يتخذوا قرارتهم براحتهم بدل ما تلفحي كلامهم وتنشريه عند الناس لقاية ما الفكرة تبقى حقيقة ..
    - يعني انتو لسع ما عايزين ترحلوا .
    - ياختي انتي مالك نرحل ولا ما نرحل مضايقنك في حاجة ؟ مضيقين عليك بيتك ..؟
    - بالعكس انا جايا عشان اقول ليكم حاتوحشونا ..
    - خلينا نروح اول او ادينا فرصة نفكر كويس بعدين تعالي واسينا وهسع انا ما فاضية ليك عندي شغل كتير ؟
    - يعني بتطرديني من بيتك اقصد الكان بيتك دا ؟
    - افهميها زي ما تفهميها ..
    - هسع انا حالتي قلت اساعدك في ربيط العفش .. ولا وينو هو ذاتوا العفش البربطو ( اهي هي هي ) فتك بعافية حاتوحشينا والله ..

    خرجت جارة السوء مخلفة الغمة خلفها .. تقول محاسن في نفسها والله انا مفروض عشان المرة دي بالذات اوافق ارحب ولو الى العشوائي ذاتو الله يكفينا شرها

    (عدل بواسطة درديري كباشي on 06-08-2013, 04:58 PM)

                   |Articles |News |مقالات |بيانات

06-08-2013, 05:12 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    قليل ويفتح الولدين الباب حاضرين من المدرسة لتلاحقهم امهم بالاوامر ..
    -خلاص جيتو يا اولاد ؟ براحة غيروا هدومكم ديل بدون ما تصحوا اختكم نايمة في الاوضة وتعالوا ساعدوني ابوكم قال نلم الاثاث عشان حانرحل بكرة .
    - الاثاث دا شنو يا امي ..
    -يعني العفش يا اهبل ..
    - خالد صاحبي في المدرسة قال ابوهم امس خلاص رمى اساس البيت هم فرحانين يعني جدعوا عفشهم ..؟؟
    - يا ولد داك اسمه الاساس بالسين والعفش اسمه الاثاث بالثاء ثور ..
    - والفرق شنو يا امي .
    - الاساس حق البنا يعني لامن يحفروا في الارض ويبنوا داخل الارض داك اسمه الاساس البيتبني عليه البيت .. هسع ما تضيعوا الوقت امشوا غيروا هدومكم والبسوا هدوم البيت .. وانت يا خالد امشي لعمك عبدو بتاع الدكان كان عندو كراتين فاضية يديك ليهم .
    - يا امي نحن راحلين وين ؟
    - والله ما عارفة يا ولدي انا وابوك كنا نتناقش بالليل لانه سيد البيت قال ليه لازم تزيدوا الايجار ميتين لانه بته دخلت الجامعة ومحتاجة لمصاريف زيادة اها ابوك اتحمق وقال لازم يفتش لينا بيت تاني بدل الراجل الطماع دا .

    -طيب حا نرحل وين ؟ والمدارس كيف حاتنقلونا ولا ابوي حا يوصلنا بالموتر معاه كل يوم ويرجعنا .

    - يا ولدي كلامك كتر كدا ماله انا لسع المواضيع دي ما ناقشتها مع ابوك
                   |Articles |News |مقالات |بيانات

06-08-2013, 06:47 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    يفتح الباب عمر ويدخل محملا باكياس الخيرات على غير العادة .. حيث كان لايأتي الا بصبحة كيس الخبز ..او احيانا كيلوين من الموز او بطيخة في اول الشهر تظهر كالهلال ثم تختفي في باقيه ..
    اما اليوم الاكياس معباة بالكور الصفراء التي ربما تكون برتقال او مانجو .. اضافة الى الموز .. وحتى الخبز ليس النوع المعهود .. انما نوع اسمر شهي من انتاج المخبرز الآلي كما يبدو ..
    نظرت محاسن له في وجهه وفي الاكياس وبدأت الاسئلة تشع من وجهها مثل الشعاع دون ان تنطق بكلمة ..

    - عارفك عايزة تقولي الحاجات دي من وين ؟

    - حسع انا فتحت خمشي اها وقت جتو براك خير الحاجات دي من وين ؟

    - تتذكري زميلنا عبد الرحمن الحكيت ليك عنه داك ..

    - اها ماله ودخلو شنو بالاكياس دي ؟

    - ما تصبري ياخ خليني اكمل ليك القصة ..

    - والحكاية فيها قصص كمان ..

    - شوفي هنا يا محاسن انا طريقتك دي ما عا########ي مالك نفسك حار كدا الليلة ..

    - يا راجل تفتح الباب نص النهار وبدون اي مقدمات وانت واقف في الباب تقول لي لمو الاثاث ومش عارف شنو عشان حانرحل بكرة هو الكرور والكراكيب دي اسمها اثاث ؟.. لغاية ما سعاد رادار تلقط كلامك وتنشرو في الحلة وانا بعد شوية متأكده انه نسوان الحلة راح ينفتحوا فيني وداع وبكا وانا الوحيدة الما فاهمة حاجة ولا عارفة راحلين وين ..

    - معليش انا آسف ما عبد الرحمن كان منتظرني برة في العربية وكنا مستعجلين ..

    - مين عبد الرحمن دا .؟

    - انا من قبيل احاول احكي ليك مين عبد الرحمن دا وانتي ما عايزة تديني فرصة ..
                   |Articles |News |مقالات |بيانات

06-08-2013, 08:08 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    - عبد الرحمن زميلنا دا يا ستي ليك كان زميلنا في المصلحة او هو زميل دراسة وود حلة من زمان حكيت ليك عنه كتير لكن انتي بتنسي .. اها قبل خمسة سنوات اغترب في دول الخليج .. وانا اليوم بالصدفة كنت في مغلق عمنا رشاد داك .. اها هو جا داخل وهاك يا سلام بالحضن والاشواق الكتيره .. وسالتي انت وين وعملت شنو سألني عنك وعن الاولاد .. وكنت سبحان الله بسأل عمنا رشاد عن بيت للايجار يتناسب مع دخلنا ..بس من جا عبد الرحمن ودخلنا في سلام حار عمنا رشاد قال لي بس يا عمر مشكلتك اتحلت طالما انت وعبد الرحمن دا اصحاب من زمان ..

    - اها واتحلت كيف ..؟
    - ما تصبري ما انا جاييك .. شوفي هنا نحن مؤجرين البيت دا بيكم ..

    - بميتين الف في الشهر ..

    - وسيدو قال عايز زيادة كم ..

    - زيادة ميتين ..

    - يعني كلها اربعمائة الف وانا راتبي خمسمائة تفتكري حا نقدر نعيش بالمائة الباقية دي كيف ؟

    - اها خلينا في المهم انا عاوزة اعرف عبد الرحمن دا حل المشكلة كيف ؟؟

    - اها عبد الرحمن دا بيبني ليه في عمارة فيلا طابقين في حي راقي لكن لسع ما شطبها وكان بيشتري مواد البنا من عم رشاد ..

    - اها وبعدين ..

    - المهم بيته فيه غرفة وحمام سايفون وحوش ديل جاهزات كان ساكن فيهم حارس بعايلته .. اها الحراس ديل خلقوا ليه مشاكل مع الجيران لدرجة انه الجيران فتحوا فيه بلاغ اكثر من مرة وقالوا ليه لو ما قادر تتم عمارتك دي وتسكن فيها يا اما تبيعها او تطلع الناس ديل ..

    اها انا وقعت ليه في جرح ..

    - سجمي ما تقول لي عايزنا نشتغل غفرا للعمارة ؟؟

    - انتي ما تاخديها بالفهم دا .. الحياة مصالح مشتركة ..

    - اها آخدة بياتو فهم ..

    - بفهم انه نحن نسكن في العمارة محل الناس ديل بعد ما مرقهم هو بالشرطة .. ونوفر المصالح لبعض ..

    - يعني نحن حانحرس العمارة حتى كمان بدون راتب مقابل نسكن مجانا ..

    - والله هو قال لي اديكم راتب شهري مايتين الف شوفي النعمة دي كيف نسكن مجانا وناخد كمان راتب ؟؟

    - يا فرحة امك بيك .
    - ياخي انتي ما تاخدي الموضوع بحساسية كدا كمان والحياة مصالح مشتركة يعني هو محتاج لينا زي ما نحن محتاجين ليه ..

    - اها عبد الرحمن اداك العربون عشان كدا جيت خامي الحيرات دي كلها ؟؟

    - لا لا لا دي حاجة كدا قبل الاتفاق ياخ الراجل دا بس بعد السلام وحكاية الظروف راح قاطع فيني الف درهم اماراتي وبعد اصرار والحاح قبلتها منه ؟

    - ما قصرت عارفاك نفسك ابيه ..

    - اها قلتي شنو موافقة ولا خلينا في عكنا دا مع خالتك سعاد رادار ..

    - لا كله الا سعاد دي الجبرك على المر شنو قال الامر منه ..
                   |Articles |News |مقالات |بيانات

06-08-2013, 11:45 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    - أها هسع بالدراهم ديل اول حاجة تجيب لينا تلاجة عشان نضوق البارد زينا وزي الناس الزير الحار دا هرى مصارينا .ز
    - وتلفزيون كمان يا ابوي ..
    - هوي براحة براحة انتو قايلنها لف درهم ولا الف استرليني المهم كلامك صاح التلاجة اهم شئ هسع الواحد بيجيب اكل اليوم باليوم يعني لو كان عندنا تلاجة كان مليناها لحم وخضار ..
    - اهي يقصر الملح يا ابو حسام وخالد ما بتقصر يعني التلاجة هي الكانت مانعاك تجيب اللحم والفواكه ؟؟
    - ياخ انتي كمان ما تحكيها شديد مانتي عارفة البير وغطاها . المهم عبد الرحمن وعدني انه راح يدفع لي راتب ستة شهور مقدما يعني جايانا مليون ومائتان الف كمان زيادة ..

    - ما شاء الله المال ما بيحسدوه الا اصحابه . اها يا ابو حسام عايزاك تجيهنا وتحول لينا كراكيبنا دي لاثاث جد جد-

    - ما تقولي لي كمان عايزة غرفة نوم الفايز ولا المحاميد ز

    - هوي مالي الدرجة دي كمان .. المهم لحافات قدر رجلينا عشان المرة الجاية لامن تقول لينا لموا الاثاث نفهم انت قاصد شنو ؟

    - انت بس حارقاك كلمة الااثاث دي ؟؟

    - ما حارقاني بس غايظاني عدييل كدا لامن تقول لي لمي الاثاث وانت قاصد الكرور القاعدين فيهو دا ؟
    - يا ولية احمدي ربك في ناس بينوموا في الواطاه دي .

    - حامدة وشاكرة وصابرة حصل مرة شكيت ليك ولا قارنت ليك بيتنا ببيوت الناس ..

    -الحمد لله يا ام حسام حقك محفوظ بس العين بصيرة واليد قصيرة .ز
    - والرزق عايز السعي ..

    - هسع انجاز الليلة دا مارزق جابوا لينا السعي عشان تعرفي انا ما مستسلم ..

    - واكبر انجاز فيه اول مرة في تاريخ السودان غفير عندو شهادة جامعية .

    - يا ولية تاني رجعنا للموضوع دا ما قلنا ليك دي ما غفارة دا اسمه تبادل مصالح ..

    تسميه تبادل مصالح ولا تسميه بورصة انت حر لكن في النهاية نحن غفرة حارسين عمارة

    - طيب الغفارة مالا ما رزق حلال ؟
    ياهو قالوا العاجز يغلبك بالله هسع الجاب سيرة حلال وحرام منو؟.

    - طيب اقول ليك شنو ؟ عندك حل تاني ممكن يوفر لينا مصدر دخل زيادة يخلينا نعيش في بيت باربعمائة الف بدون ما نحتاج لحاجات تانية انتي ناسية مصاريف المدارس والعلاج واللبس دا غير الاكل والشراب وكله في مائة الف بس ؟

    - ما انا قلت ليك رضيت وموافقة .ز
    -طيب النقة في شنو ؟

    - ما تخلينا نفش خلقنا ونندب حظنا يمكن ننفس شوية .ز

    - طيب عليك الله ما تطفشي مننا الرزقة الجاتنا دي ..

    - خلاص ماشي يلا قوم ساعد الاولاد في تربيط العفش دا اقصد الاثاث على بال ما اسوي ليكم الغدا .
                   |Articles |News |مقالات |بيانات

07-08-2013, 00:13 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    في العصر اجتهد عمر مع زوجته واولاده في تجميع العفش وتعبئته في الكراتين ..
    جمعت محاسن عدتها والتي معظمها عبارة علب معلبات مواد غذائية وجركانات زيت فارغة كانت تجمعها من اخواتها المغتربات عند حضورهن للاجازة بعض منها تكون مليئة بالطيبات والبعض آخر تجمع الفوارغ لاستخدامها لحفظ البهارات وغيرها من مواد المطبخ .. ستفت كراتينها مع ما لها من اطباق وكاسات .. هي كانت سعيدة بالتغيير رغم تعاستها بنوع هذا التغيير .. وتمنت لو تكتم الخبر على طريقة رحولها وخاصة من سعاد اخبار . واشماتة سعاد فيها لو عرفت انهم راحلين كغفراء لعمارة تحت التشييد ..في النهاية صبرت نفسها بانها مالها ومال سعاد تغور في ستين داهية طالما انها لن تراها مرة اخرى في حياتها ... المهم هم راح يسكنوا في عمارة بغض النظر عن شكل هذه العمارة وكما وعد عمر بالتدريج حايكون عندهم عفش جد جد بدل هذه الكراكيب .. ويمكن كمان تقدر تستقبل اخواتها وقريباتها لو كان شكل البيت مهيأ جد .. بدلا ان كانت تتهرب من دعوتهن وتتضايق من زيارهن في هذا البيت التعيس الذي كل شئ فيه يرمز للبؤس والتعاسة .
                   |Articles |News |مقالات |بيانات

07-08-2013, 00:13 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    وبعد قليل فعلا بدأ وفد النساء في التجمع كما تنباـ ت محاسن بان سعاد اخبار فت الخبر في القرى والحضر وبعد ما شاهدن الاثاث مربط بالكراتين بدأت التعليقان ابتندرته اكبرهن سرا حاجة فاطمة
    .
    - ووب علي يا محاسن يعني الكلام دا صحي ؟؟ قاطعتها سعاد .ز
    - يعني انا بكذب كمان ومتين كذبت عليكم ..
    - آىىي يا حاجة فاطنة نسوي شنو والله ما كان رغبتنا نفارقكم .. لكن تعرفي دائما اصحاب الملك طماعين بعد ما كنا نفع ليه نص الراتب لسع طمعان في الزيادة ..

    - الله يازاهم يا بتي لا بيراعوا عشرة الجيران ولا بيهمهم شئ بس قروشهم وكروشهم الما بتتملي دي ..

    سعاد تتطلع لباقي الاخبار : اها وعلى وين نويتو اذا الله هون ..( عبارة فيها كثير من التهكم والسخرية ) كانها تقوم ستهيموا في الشوارع على وجوهكم .ز

    لكن محاسن من شدة غيظها خطر في بالها كذبة بيضاء ترد بها كرامتها التي مرمطتها سعاد فقالت : بري عبد الرحمن اخوي دا عندو عمارة في حي المغتربين قال لينا اسكنوا فيها هو ما محتاج ليها على لاقل نراقب ليه عملية البنا مرة واحدة ونتفك من طمع اصحاب الاملاك ديل ..
    سعاد : وانتي متين عندك اخو اسمه عبد الرحمن ؟؟
    - وانتي بتعرفي اخواني من وين وعارفاهم كلهم عبد الرحمن اخوي اخونا الكبير ود ابونا كان في امريكا من نحن صغار ..

    حاجة فاطمة : الله يخليه ليكم يا بتي والله فكاكم من زلة الايجار وبلاويه ..

    سعاد : اها والعمارة بتعرفوا تسكنوا فيها ولا حا تاخدو كورسات في حي العمارات .. اهي هي هي هي ؟

    محاسن : والسكن عايز ليه عرفه والقال ليك منو نحن ما قعد نعرف العمارات وسكنتها .. هي يا سعاد ابلعي لسانك السام دا في حنكك وانا كان رحلت من الحلة دي اول سبب هو انتي نحن البيت دا مش غالبنا ندفع اجاره انا عبد الرحمن اخوي دا قال لي اشتريه ليك وابني ليك فيه اوضة وصالتين وصالون قلت ليه بري ماا بسكن في حتة زي دي .. معليش يا حاجة فاطنة ما يكون راس الصوت هبشك ..

    - يا بتي انا براي كنت مستكتراكم على السكنة دي انتي وعمر ولدي متعلمين وفاهمين مقامكم اكبر من بيت زي دا ..

    - الله يخليك يا حاجة والله كلامك يبرد القلب .. مش زي ناس واحدين كدا ..

    سعاد : والله كان مقامهم اكبر ما عارفاه..

    حاجة فاطمة : يا سعاد يا بتي الكلام الجارح مافي ليه داعي نحن جايين نودع الناس ديل عشان حا نفقدهم مش جايين نطردهم ونخليهم يحمدوا ربهم لانهم مفارقننا

    (عدل بواسطة درديري كباشي on 07-08-2013, 00:42 AM)

                   |Articles |News |مقالات |بيانات

07-08-2013, 09:19 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    جمل عاطفية كيرة تبادلها النسوة بالتأكيد اضافة لمطعنات جارة السوء سعاد اوبحلول المغرب بدأ النسوة في الانصراف ..

    تعود محاسن بعدها لزوجعا عمر : وف هنا يا راجل انا سعاد غاظتني لامن قلت ليها العمارة الماشين نسكن فيها حقة عبد الرحمن اخوي اطريت اكذب عشان افش غيظي من مطاعنتها وانت عارف هي ما بتستلم هسع حاترسل راجلها الدلدول يسألك من التفاصيل اوعى تغير كلامي وتصغرنا قدام الناس ..

    - يعني عايزاني اكذب تسلم من الكذب يا عمر بن الخطاب ... على الاقل ما تقول له الحقيقة او حتى احسمه بكلام رجال قله انت دخلك شنو عندك معانا حاجة .. انت اصلا من زمان قلت متغاظ منه مرته لافه في الحلة بتوبها تلقط في الاخبار وتفتن في الناس وهو يعاين ليها وخاتي كرسيه جمب الباب واول واحد يتلقى حصتها من الاخبار ..
    - لا لا فهمتك ما عندك مشكلة حا افشكم فيهم فشة ما يعلم بها الا الله .

    وقليل من الوقت ويطرق الباب ..

    -محاسن : اها دا هو ماقلت ليك كلامي ما تميتو سمح ..

    وفعلا يفتح الباب واذ بالطارق كما توقعت محاسن تماما هو عبد الله زوج سعاد مراسلها في الاخبار الذكورية حتى تخلطها على ما عندها من معلومات لتصيع بها خبرا جديدا في عكس هوى صاحبها .. واخونا عمر كلام زوجته وصدق توقعها زاد غضبه وغله على الرجل المتراكم عبر السنين فقابله بوجه لا يسر ..

    - عمر : نعم خير في حاجة ؟

    - استغفر الله يا عمر اخوي انا سمعت انكم راحلين فجيت قلت اودعكم لو ما قدرت اخليكم تغيروا رايكم من الرحول ..

    - لا تعال خلينا نغير راينا من الرحول احسن اها مكنتك شنو الراح تخلينا ما نرحل ..

    - ياخ انا عندي بيتي التاني الفي طرف الحلة داك النص التاني فاضي فيه اوضة وصالون تعالوا ارحلو فيه وانا ممكن اديكم اعفا سنة كاملة من الايجار ..

    - متشكرين جدا يا شيخنا ود مقابل شنو يعني ؟
                   |Articles |News |مقالات |بيانات

07-08-2013, 09:19 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    جمل عاطفية كيرة تبادلها النسوة بالتأكيد اضافة لمطعنات جارة السوء سعاد اوبحلول المغرب بدأ النسوة في الانصراف ..

    تعود محاسن بعدها لزوجعا عمر : وف هنا يا راجل انا سعاد غاظتني لامن قلت ليها العمارة الماشين نسكن فيها حقة عبد الرحمن اخوي اطريت اكذب عشان افش غيظي من مطاعنتها وانت عارف هي ما بتستلم هسع حاترسل راجلها الدلدول يسألك من التفاصيل اوعى تغير كلامي وتصغرنا قدام الناس ..

    - يعني عايزاني اكذب تسلم من الكذب يا عمر بن الخطاب ... على الاقل ما تقول له الحقيقة او حتى احسمه بكلام رجال قله انت دخلك شنو عندك معانا حاجة .. انت اصلا من زمان قلت متغاظ منه مرته لافه في الحلة بتوبها تلقط في الاخبار وتفتن في الناس وهو يعاين ليها وخاتي كرسيه جمب الباب واول واحد يتلقى حصتها من الاخبار ..
    - لا لا فهمتك ما عندك مشكلة حا افشكم فيهم فشة ما يعلم بها الا الله .

    وقليل من الوقت ويطرق الباب ..

    -محاسن : اها دا هو ماقلت ليك كلامي ما تميتو سمح ..

    وفعلا يفتح الباب واذ بالطارق كما توقعت محاسن تماما هو عبد الله زوج سعاد مراسلها في الاخبار الذكورية حتى تخلطها على ما عندها من معلومات لتصيع بها خبرا جديدا في عكس هوى صاحبها .. واخونا عمر كلام زوجته وصدق توقعها زاد غضبه وغله على الرجل المتراكم عبر السنين فقابله بوجه لا يسر ..

    - عمر : نعم خير في حاجة ؟

    - استغفر الله يا عمر اخوي انا سمعت انكم راحلين فجيت قلت اودعكم لو ما قدرت اخليكم تغيروا رايكم من الرحول ..

    - لا تعال خلينا نغير راينا من الرحول احسن اها مكنتك شنو الراح تخلينا ما نرحل ..

    - ياخ انا عندي بيتي التاني الفي طرف الحلة داك النص التاني فاضي فيه اوضة وصالون تعالوا ارحلو فيه وانا ممكن اديكم اعفا سنة كاملة من الايجار ..

    - متشكرين جدا يا شيخنا ود مقابل شنو يعني ؟
                   |Articles |News |مقالات |بيانات

07-08-2013, 09:41 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    جمل عاطفية كيرة تبادلها النسوة بالتأكيد اضافة لمطعنات جارة السوء سعاد اوبحلول المغرب بدأ النسوة في الانصراف ..

    تعود محاسن بعدها لزوجعا عمر : وف هنا يا راجل انا سعاد غاظتني لامن قلت ليها العمارة الماشين نسكن فيها حقة عبد الرحمن اخوي اطريت اكذب عشان افش غيظي من مطاعنتها وانت عارف هي ما بتستلم هسع حاترسل راجلها الدلدول يسألك من التفاصيل اوعى تغير كلامي وتصغرنا قدام الناس ..

    - يعني عايزاني اكذب تسلم من الكذب يا عمر بن الخطاب ... على الاقل ما تقول له الحقيقة او حتى احسمه بكلام رجال قله انت دخلك شنو عندك معانا حاجة .. انت اصلا من زمان قلت متغاظ منه مرته لافه في الحلة بتوبها تلقط في الاخبار وتفتن في الناس وهو يعاين ليها وخاتي كرسيه جمب الباب واول واحد يتلقى حصتها من الاخبار ..
    - لا لا فهمتك ما عندك مشكلة حا افشكم فيهم فشة ما يعلم بها الا الله .

    وقليل من الوقت ويطرق الباب ..

    -محاسن : اها دا هو ماقلت ليك كلامي ما تميتو سمح ..

    وفعلا يفتح الباب واذ بالطارق كما توقعت محاسن تماما هو عبد الله زوج سعاد مراسلها في الاخبار الذكورية حتى تخلطها على ما عندها من معلومات لتصيع بها خبرا جديدا في عكس هوى صاحبها .. واخونا عمر كلام زوجته وصدق توقعها زاد غضبه وغله على الرجل المتراكم عبر السنين فقابله بوجه لا يسر ..

    - عمر : نعم خير في حاجة ؟

    - استغفر الله يا عمر اخوي انا سمعت انكم راحلين فجيت قلت اودعكم لو ما قدرت اخليكم تغيروا رايكم من الرحول ..

    - لا تعال خلينا نغير راينا من الرحول احسن اها مكنتك شنو الراح تخلينا ما نرحل ..

    - ياخ انا عندي بيتي التاني الفي طرف الحلة داك النص التاني فاضي فيه اوضة وصالون تعالوا ارحلو فيه وانا ممكن اديكم اعفا سنة كاملة من الايجار ..

    - متشكرين جدا يا شيخنا ود مقابل شنو يعني ؟
                   |Articles |News |مقالات |بيانات

08-08-2013, 07:48 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    ) ياخي مقابل خدماتكم لينت انت وزوجتك الاستا>ة العظيمة كم مرة ساعدتونا في مداكرة الاولاد ونجاحهم دون ما نقدم ليكم اي خدمة .
    ) ياخي كتر خيرك وفيك الخير لانه ما يحفظ الظوف الا اهله وانا اشكرك على الروح الجميلة دي .

    ) يا عم حقكم نحن بس كنا مدخرنو ليكم لوقت الحاجة والله ..

    ) انا اشكرك جدا يا ابو عاطف وربنا ينجح ليكم اولادكم ونحن ما راح ننسى ليكم المبادرة دي لكن نحن خلاص قررنا ومافي رجعة .
    = طيب ورونا على الاقل ماشين على وين وكيف حليتو مشكلة السكن دي ؟

    = لا بس واحد اخونا عند بيت تحت التشطيب طلب مننا نسكن فيه لغاية ما تنحل مشكلة السكن .

    ° هو اخوك انت انا سمعت انه هو اخو الاستا>ة محاسن ..

    = اااااااا طيب اخو زوجتي ما يعتبر اخوي ؟

    = مافي شكل مافي شك ..

    = طيب ما تتفضل تشرب نعانا الشاي .. يا محاسن سوي الشاي .

    = لا بس انا مستعجل كنت عاوز اعرف محل بيتكم وكدا ..

    = متشكرين يا باشا نحن زاتنا لامن نعرف اسم الحي حا نقول ليكم على طول بس عندنا شغل كتيير تستيف عفش وكدا ..

    = عايزين مساعدة وكدا ..

    = لا لا لا العملية بسيطة ما محتاجة
                   |Articles |News |مقالات |بيانات

08-08-2013, 07:48 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    ) ياخي مقابل خدماتكم لينت انت وزوجتك الاستا>ة العظيمة كم مرة ساعدتونا في مداكرة الاولاد ونجاحهم دون ما نقدم ليكم اي خدمة .
    ) ياخي كتر خيرك وفيك الخير لانه ما يحفظ الظوف الا اهله وانا اشكرك على الروح الجميلة دي .

    ) يا عم حقكم نحن بس كنا مدخرنو ليكم لوقت الحاجة والله ..

    ) انا اشكرك جدا يا ابو عاطف وربنا ينجح ليكم اولادكم ونحن ما راح ننسى ليكم المبادرة دي لكن نحن خلاص قررنا ومافي رجعة .
    = طيب ورونا على الاقل ماشين على وين وكيف حليتو مشكلة السكن دي ؟

    = لا بس واحد اخونا عند بيت تحت التشطيب طلب مننا نسكن فيه لغاية ما تنحل مشكلة السكن .

    ° هو اخوك انت انا سمعت انه هو اخو الاستا>ة محاسن ..

    = اااااااا طيب اخو زوجتي ما يعتبر اخوي ؟

    = مافي شكل مافي شك ..

    = طيب ما تتفضل تشرب نعانا الشاي .. يا محاسن سوي الشاي .

    = لا بس انا مستعجل كنت عاوز اعرف محل بيتكم وكدا ..

    = متشكرين يا باشا نحن زاتنا لامن نعرف اسم الحي حا نقول ليكم على طول بس عندنا شغل كتيير تستيف عفش وكدا ..

    = عايزين مساعدة وكدا ..

    = لا لا لا العملية بسيطة ما محتاجة
                   |Articles |News |مقالات |بيانات

11-08-2013, 05:29 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    ,وفي المساء كان عمر واسرته قد خلصوا من تربيط الاثاث وتجهيزة للرحول

    وتمددوا في الحوش استعداد ليوم غد يوم مغادرة هذا الحي العتيق او قل كما قال عمر لزوجته غدا سيغادرون البؤس للابد ..

    - انت بالصحي يا عمر راجل سعاد كان عايز شنو اوعى يكون جرجرك في الكلام ..

    - ياخ الراجل دا نحن ظلمناه ساي تتصوري كان عايزنا نرحل في بيتهم التناي بالناصية وايجار سنة كاملة مجان ..

    - يا سلام ؟ معقولة ابراهيم راجل سعاد ابخل اهل الارض عازنا نسكن في بيته بالمجان يا خ دا معذب المؤجرين المعاه لامن رحلوا خلو البيت .. اها مقابل شنو يكون عاوز يجرجرك في الكلام او عى تكون قلت ليه حقيقة الغفارة دي كمان ..

    - يا ولية ما تظلمي الناس قال نحن قعد نساعدهم في تعليم اولادهم والمذاكرة عشان نحن ناس متعلمين وكدا ..
    -طيب دا نفع فيهم ما سعاد شايلة حالنا في الحلة وكاشفة اسرارنا مكلها حتى اولادهم لامن نشرح ليهم تمسك تجرجهم في الكلام عشان تطلع منهم اخبارانا المهم انت قلت ليه شنو ..
    -اتعذرت ليه بشدة وقلت ليه نحن عندنا اخونا ادانا بيت ونحن راحلين ما راح نتراجع ..
    - الحمد لله طمنتتني ..

    - يلا خلاص نوموا عشان بكرة ورانا شغل كتيير

    -يلا تصبح على خير .
                   |Articles |News |مقالات |بيانات

11-08-2013, 08:33 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    وفي الصباح كانت سيارة شاحنة من ماركة دينا تقل اسرة عمر وكراكيبه كما تسميه زوجته او اثاه كما يصر هو ..
    بعد دموع اهل الحارة الصادقة منها والمزيفة ,, وعبارات الوداع المألوفة في هذا المقام من نوع ربنا يعدل الخطوة وربنا يطيب ليكم المقام الجديد ..
    بالنسبة لمحاسن كانت تنظر للخلف والسيارة تطوي الطريق مبتعدة بمشاعر متباينة بين الحزن على الفراق لبعض الناس الطيبيين مثل الحاجة الطيبة حاجة فاطنة والتي زرفت دموعا صادقة ..وكذلك الخوف من المجهول الذي يقوده لها زوجها هي وصغارها ..
    صحيح هو رجل طيب ونواياه سليمة لكنه مندفع ودائما لايبحث وضع خطواته بعمق وهذا تحديدا ما اخافها من هذه الخطوة .. سيسكنون في عمارة تحت التشطيب بدلا عن الغفراء السابقين .. خطوة ظاهرها رحمة لكن باطنها عذاب لو اختها ببعدها الاجتماعي ..
    طبعا لا يوجد افضل او اجمل من تسكن مجانا في بيت واسع وجميل .. لكن هذه الخطوة ستكون مباركة لو كان السكن وفرته جهة العمل سوى كانت حكومة او قطاع خاص .. لكن .. بس الحمد لله على كل حال .. وصلت هذه المرحلة بعد ان اخذت تنهيدة طويلة قطع هواجسها زوجها ..
    - مالك يا ام العيال بتفكري في شنو مفروض انتي تكوني فرحانة نحن راح ننطلق لحياة جديدة..
    - والله يا عمر ما اكذب عليك قلبي غايتو مقبوض من الخطوة دي حاسة بنفسي ما مرتاحة ليها ..
    - يا ولية احمدي ربك دي نعمة ما كنا نحلم بيها .
    - اقول شنو بس الله يجعلها نعمة ما تكون نقمة ..
    يقاطع الحديث احد الاطفال الذي تكدسوا مع والديهم في كبينة السيارة مع السائق ..
    - يا امي نحن الحلة الراحلين ليها دي اسمها شنو ..
    - انا عارفة اسأل ابوك دا ..
    - يسالني لشنو انا ما قلت ليك راحلين في مخطط
                   |Articles |News |مقالات |بيانات

11-08-2013, 09:09 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

    - مخطط شنو كمان ما عنده اسم .
    - مخطط جديد لحي المغتربين .. انت مستعجلة مالك حاتشوفي الحي كله راقي عمارات وفلل فخمة يا ولية اصبري شوية ..
    - ما يانا صابرين شايفنا قعد نناتل هسع .
    -هوي يا محاسن انا طريقتك دي ما مريحاني .
    - انا الطريقتك دي ما مريحاني .
    - اريحك كيف يعني مفروض اعمل نو ؟
    -زي خلق الله ما بيعملوا لامن يكونوا راحلين لبيت جديد ..
    - خلق الله بيعملوا شنو لامن يكونوا راحلين لبيت جديد .
    - اولا بيمشوا يشوفوا البيت ويعرفوه محتاج شلنو بوهية ولا ابواب ولا شبابيك ولا مراح ويشوفوا الجيران كيف والبيت نفسه قابل للسكن مش يخموا عفشهم ويرحلوا ..
    - انا معاك بس دا لامن الناس يكون عندهم خيارات كتييرة وبدايل .. لكن نحن قولي ما نفع معانا كنا حانجيب اربعامئة الف من وين عشان نواصل في البيت الكنا قاعدين فيه دا ..
    - ما انا كنت شغالة في امانة الله انت مرقتني من شغلي وقلت انت راحجل البيت انا علي تربية الاولاد وانت توفر لينا الرزق ..
    - تاني فتحتي الكلام دا .. طيب ما هو انا مواصل في عهدي ..
    - مواصل عملت شنو يعني انت عاوز تودينا غفراء لعمارة كل الفرق انه سيدها صاحبك .
    - يا ولية الموضوع دا مش ناقشناه وانتهينا منه وقلنا نحن ما ماشين غفرا نحن ماشين نعمل تبادل مصالح ..
    - ماشي يا اخوي تبادل مصالح تبادل مصالح ..

    - اهو نحن دخلنا حلتنا الجديدة ..

    وفعلا الحي يبدو انه جديدة صحيح فيه بعض الفلل الفخمة المكتملة لكن به كير من القطع الفارغة والمباني غير المكتملة ..

    واخيرا تقف الشاحنة امام فيلا تحت التشييد بها حوش ذو سور علي من الطوب الاحمر .ز والمباني عبارة عن طابقين مبني بهما الهيكل الاسمنتي المسقوف ولكن الغرف غير مقفلة
    نزل عمر مع السائق وفتحول الباب الكبير ودخلت الشاحنة للداخل وطلب عمر من زوجته واطفاله النزول .. ونزل الحمالون من ظهر الشاحنة وبدأوا في تفريغها من الاثاث .

    داخل الحوش في الزاوية صحيح توجد غرفة مكتملة في زاوية الدكان ويبدو من شكلها انها مشروع لدكان مستقبلي .ز هي الوحيدة الجاهزة والمطلية باللون الاخضر وبها مروحة سقف ولها بلاط من الرخام .. شكل الغرفة كان جميل مما جعل محاسن تهدا قليلا .. وكذلك توجد في الركن حمامات مجهزة جيدا بمعدات الغسل وبها رخام ابيض .. بصورة مختصرة كانت السكنة فعلا اخم وافضل من سكنهم السابق بمراحل .. فقط ينقصها مكان للطبخ .. لكن في الركن الثاني توجد غرفة اخرى معروشة ويبدو انه صاحب العمارة كان سيخصصها للسائق الخاص لانه ملحق بها حمام خاص .. عمر عندما شاهد زوجته وقفت عندها طويلا قال لها رأيك شنو نحول الغرفة هذه لغرفة نوم بعد ما نبيضها ونضربها بوهية ونترك الكبيرة للصالون وتكون غرفة للاولاد ..
    - محاسن طيب نطبخ وين ؟

    - ما ممكن نعمل لينا راكوبة للطبخ ..

    - طيب لامن البنايين يكونوا شغالين انا اقعد وين ..

    - ما عليك ما اظن صاحبنا عنده قدرة لمواصلة البناء ..

    - على كل حال هو اقتراح لو عايزاه نخليه هو المطبخ خلينا نجهزه كمان ..

    - لا لا خليه مطبخ احسن ..

    وفي الاركان الاخرى كان يوجد عدة كراكيب وبراميل قديمة محرقة لم ينشغل بها الزوجين اذ انهم كانوا مشغولين بتجهيز السكنة وفرش الاثاث ..
                   |Articles |News |مقالات |بيانات

13-08-2013, 06:59 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

                   |Articles |News |مقالات |بيانات

13-08-2013, 06:59 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الكراكيب (Re: درديري كباشي)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de