|
|
 تبريركو للاعذار الجاهزة
|
فكرة بيزنس ابن لذين
من هسع نقول للسيدوزير الاستثمار جهز لينا الارض والعرض خليه علينا
واختانا من ناس ام دوم ومن جاورهم
بس من خرتوم اتنين وانت جايي على القصر
ونحن علينا بالمسثمرين ..
حا نشيد برج عالي فيه مكاتب فخمة وخبرا من وزن تقيل من امثال منصور خالد وانت طالع
السودان ارض خصبةعلى هكذا بيزنس
وملاحظة جلطات المسئولين في الاحداث العاصفة وتبريراتهم الفطيرة التي اضحكت علينا العالم
نحن خبرانا مهمتم يجهزوا العذر والتبرير بمجرد وقوع الحدث
ونتعاقد مع الوزارات السيادية بالذات
ويكون عندنا صحفيين يعدوا اسئلة والاجوبة مكشوفة من الخبرا يحفظها المسئول قبل يوم
سيبكم من ناس طاهر ساتي العكاليت ومن لف لفهم وممنوعين من دخول مباني الشركة الفخمة
|
|
 
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
يعني مثلا لو غارت طائرات اسرائيلية مرة ثانية على اي منشأة
تروح رسائل الكترونية للمسئولين ووزير الدفاع والداخلية ووالي الخرطوم تقول له هوسسسس ولا كلمة
خلينا نجهز التبارير وندرس الحالة ونجرب الخيارت
يعني مثلا تبرير نيران صديقة الاستخدمته امريكا في بداية غزو العراق ما مناسب معانا
لانه نحن ما عندنا نيران صديقة في الخرطوم ولا حتى خارجها
لكن في نفس الوقت اكيد ما حا يكون التبرير من نوع مكنة لحام وجات بالليل وطفت الانوار وقت الصلاة
ولا تبريرات من نوع البنقو ذاتو ما حرام
اقول ليك خبرا من وزن منصور خالد وانت طالع
بس لكن الدفع بالدولار
دا استثمار مش اي كلام
زمان المصريين قالوا هو الكلام بفلوس
لا بفلوس ونص
ومال العلاقات العامة وكليات الاعلام والخبرا الاستراتيجيين ديل ضيعوا عمرهم اوانطة؟
| |
|
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
والخدمات ليست سياسية فقط
حتى ممكن رياضية
يعني هزائم الانديةوخروجها من قولة تيت في البطولات الافريقية
وهزيمة المنتخبات التي ادمنت السفر والعودة حتى من غبر خفي عمك حنين
وتبريرات رؤساء الاندية من نوع الملعب محفر والحكم ما معانا ولقينا معاملة سيئة والفندق كان بعيد من الملعب
كلها تبريرات قديمة ومستهلكة حيكون معانا محللين رياضين من وزن رابح مادجر
حيقولوا كلام علمي نصه بالفرنسي والجمهور نخليه يصفق ويقول بركة الاتغلبنا
| |
|
|
|
|
|
|
|
|
 Re: تبريركو للاعذار الجاهزة (Re: درديري كباشي)
|
سلام درديرى,,| Quote: بس من خرتوم اتنين وانت جايي على القصر |
تنميط ممكن يوديك التوج !!!
بعدين هم زاتو قالو عاوزين
يفرغوا سنتر الخرطوم وينقلوا
الخدمات للأطراف,,
شوف ليك أطراف وأختا السنتر..
| |
|
|
|
|
|
|
|
|
|
Re: تبريركو للاعذار الجاهزة (Re: أيمن الطيب)
|
اطراف وين يا ابو الطب عاوز تهيج علينا الاهالي من هسع ؟
بس نكابس في الوسط دا ليه هو اللبنانيين والاتراك واحسن مننا في شنو ؟
وبعدين نحن راح نخلق فرص وظيفية حقيقة للشباب
يعني اسثمار اسثمار مش اي كلام من نوع اخطف واجري ويحلها الف حلال
| |
|
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
وحيكون عندنا قسم اجتماعي خاص لناس مثتى وثلاث ورباع
بالذات المشكلة الاساسية في الزوجة الثانية
حكاية كان عندنا اجتماع مع الوزير
ويرجع من الاجتماع بالليل وريحة الخمرة والبخور واصلة آخر الشارع
حكاية الاجتماعات والمأموريات دي اصبحت مكشوفة عند بنات حواء السودانيات
محتاجين لتبريرات ممتازة طويلة الامد لتمرير حقيقة الزوجة الثانية ..
لانه حتى التبريرات الدينية اصبحت ما مبلوعة عند النساء
وكذلك الاجتماعية من نوع اهلها مساكين وابوها ميت واخوانها صغار وعايز اخش بيهم الجنة ..
يا راجل قول كلام تاني
ما عندك تعال عندنا
| |
|
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
ووزير المالية البيقول جاياني اتنين مليار
المناسبة شنو
ما حا اقول ليكم
يذكرني بدعاية الدقيق
شنو اكل حلو دا
هو ما بيعرف انه مجرد اعلان سيادته راح يخلق instability زي ما بيقولوا علماء الاقتصاد
وفعلا حصل خلق فجوة لم تستطع الاثنين مليار ان تردمها
بسبب الدرابه التي اطلقها قبل عام
تعال عندنا يا عم حا نوريك كيف يمكن ان تخفض سعر الدولار بتصريح فقط ونحن عندنا خبراء اقتصاديين
مش اي كلام
| |
|
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
وماتنسوا كمان حيكون عندنا مكتب خاص بناس السدود
ابشر يا عم بتاع السدود
نحن حانديك كلام تقنع الاهالي انه تهديم بيوتهم وغمر مزارعهم بالمياه
وبيع اراضيهم للمستثمرين دا في صالحهم عديييييل
ولو عاوز النيل دا ترصه سدود زي اساور الرقاصة الهندية ما عندك عوجة تب
اها شين قولك
وكمان تقدر تعمل سد في القاش وفي خور بركة وطوكر البحر الاحمر زاته كان داير
مافي زول يقول لك بغم
كيف؟ دي خليها علينا..
تدفع بس
| |
|
|
|
|
|
|
|
|
|
Re: تبريركو للاعذار الجاهزة (Re: عوض أبو عيش)
|
أبشر يا عم عوض
اصلا مدام ما قادرين يطوروا الجيش على الاقل نبرر التطويرات اقصد نطور التبريرات
حا نخصص مكتب على الهواء مباشرة يتابع العمليات ويجهز تقرير ما يخرش الميه على قول المصريين
| |
|
|
|
|
|
|
|
|
|
Re: تبريركو للاعذار الجاهزة (Re: درديري كباشي)
|
تنويه
لو في واحد خريج ثانوي وشغال امين مخزن في منظمة خيرية وهو فقير ابن ستين فقير وبنى عمارة خمسة طوابق في حي راقي
ما يجينا بالله ما عندنا ليه اي تبرير غير عبارة بلا يخمك
| |
|
|
|
|
|
|
| |
أيمن الطيب
garjah
عوض أبو عيش
فيس بوك
تويتر
انستقرام
يوتيوب
بنتيريست