|
Re: قصاصات غير مسؤولة .. وبعض الصور (Re: حافظ انقابو)
|
تذكرة: الخرطوم هذه الأيام .. أجواء مرتفعة الحرارة .. لن أبالغ ان قلت انها وصلت نصف الغليان نهار اليوم الآن وانا أكتب هذه الكلمات اليكم من نص "الحوش" واتصبب عرقاً .. كـ"الزير الجديد" ومع ذلك نجد عبدالرحمن الخدر قد أتحذ قراره بتغيير مواقف المواصلات .. دون دراسة ... ولا يدري انه بطريقة أو اخرى أنه يتسبب في أن يكتوي الناس بشمس هذه الايام مساسقين بين موقف السكة حديد "غرب كبري الحرية" حتى محطة شروني "شرق مسجد شروني" وبالعكس مسافة اقدرها بحوالي 350 متر أو تزيد ... في حين وجود اختناق مروري غير عادي بشارع الامام المهدي من صينية الحرية حتى مستش\فى الاسنان في أوقات الزروة .. ما يجعل من خيار البص الدائري صفر .. لنا الله يا الخضر
_____________ ومع ذلك أيضا ارتفعت حرارة الجيب .. بما أن التاريخ 24 مايو .. يا لها من أيام
| |
|
|
|
|
|
|
Re: قصاصات غير مسؤولة .. وبعض الصور (Re: حافظ انقابو)
|
Quote: وجود اختناق مروري غير عادي بشارع الامام المهدي من صينية الحرية حتى مستش\فى الاسنان |
انفابو سلام وهل الامام عندو علم لانو التشكيل الوزاري علي الابواب وطبعا علاقة الحريه بالاسنان كبيره واخبار شارع السجانه هل هناك اختناق مروري ولا ممكن الناس تتخارج بي شارع الغابه
| |
|
|
|
|
|
|
Re: قصاصات غير مسؤولة .. وبعض الصور (Re: Haju Muktar)
|
وعليكم السلام يا هجو مختار
Quote: وهل الامام عندو علم لانو التشكيل الوزاري علي الابواب وطبعا علاقة الحريه بالاسنان كبيره واخبار شارع السجانه هل هناك اختناق مروري ولا ممكن الناس تتخارج بي شارع الغابه |
هههههههههههههههههههههه خليك من ديل يا هجو البار فاتح ؟؟ ومكيف ولا ما مكيف؟؟
__________________ شارع السجانة طولت منو الواحد بقى خردة .. العيا انتهى مننا حليل زمان .. زمن الحوامة كل يوم نص الخرتوم
| |
|
|
|
|
|
|
Re: قصاصات غير مسؤولة .. وبعض الصور (Re: حافظ انقابو)
|
الحبيب الحبوب هشام
Quote: التحية ليك يا انقابو .. ما عايزين كمساري يا حبيب . |
عز الطلب بس تعال فووووق قبل ما يحي عادل الباهي يشبكنا عربي عربي لا
__________________ رسلت ليك المعلوم .,. انشاء الله وصلك؟؟
| |
|
|
|
|
|
|
Re: قصاصات غير مسؤولة .. وبعض الصور (Re: حافظ انقابو)
|
العريس انقابو .. مالك جايب لينا الهوا يا زول زولك ود الباهي ده براهو زغرد ولبس الهلال وعرض في نص البورد دا .. لو منتظر واطاتك صبحت وما حتكمل نص دينك قريب .. نصيحة كدا اتخارج بدري بدري .. هسع قصاصاتك الغير مسئولة دي ما بتخرب ليك السوق وكدة ..
سوق براحة ما تقوم تقلبا لينا هنا نقعد في المساسكة ..
----------------------- يا منقة وصلني بي الأسم والعنوان والتلفون بدون Attachments
| |
|
|
|
|
|
|
Re: قصاصات غير مسؤولة .. وبعض الصور (Re: هشام كمال عبادي)
|
حبيبنا هشام
Quote: لعريس انقابو .. مالك جايب لينا الهوا يا زول زولك ود الباهي ده براهو زغرد ولبس الهلال وعرض في نص البورد دا .. لو منتظر واطاتك صبحت وما حتكمل نص دينك قريب .. نصيحة كدا اتخارج بدري بدري .. |
كتلتني بالضحك ياخ ! حرام عليك ياخ طعميتك دي حااااارة والله عادل دا صاحبي وانا ما برضى بيه
___________ بيني وبينك انا لو انتظرت عادل الباهي جد جد اتورطت .. هسة الزول تلقاه عرس خواجية 333ومركب لينا مكنة محترم الا ربع
| |
|
|
|
|
|
|
Re: قصاصات غير مسؤولة .. وبعض الصور (Re: حافظ انقابو)
|
بعد كل هذه الحرارة والسموم التي التهمت وجوهنا ... الامطار تنزل في الكلاكلة والشقيلاب والجموعية والجزيرة اسلانج "الله يزيجهم" ونحنا ناخد الغبار بالعادم |:)
_________________ الان غبار حجب الرؤيا تماما بالخرطوم
| |
|
|
|
|
|
|
|