الجيش خط أحمر!

Quote: وووويلكموووو ياسر منور المنبر ... ما خيبت ظني - داهية مؤسس - من العنوان لـ المداخلة الأولى .. الجيش خط أحمر و كل الشكر و العرفان لــ علامة التعجب ^^

Quote: جيش ما عندو خط أحمر ولا يحمي سيادة وطنية، جيش يسترجل على مواطنه ويستنعّج في حدود بلاده لا يعتد به، جيش قيادته العسكرية متحزبة لا يخدم غير أهدافها الحزبية. فكما قلناها مراراً هذا الجيش لابد أن يتم تهديمه وأعادة بنائه بناءً وطنياً، بعد أن يُوضّع أساس الدولة التي تمثل شعوب السودان. هذه الحروب الدائرة الآن بداية لتفكيك هذا الجيش المخصي في قيادتيه العسكرية والسياسية.

(عدل بواسطة Ahmed Alim on 05-22-2013, 04:02 AM)

Quote: ابشعفور كيفنك وماك طيب ... نفترض أنو نحن* والمعانا والمع المعانا والمع الحكومة والمعارضة وأمريكا والجيش زاتو اتفقوا على الكلام ده ... المشكلة في التنفيذ ... يعني التهديم دا يتم كيف .. أشرح لينا فكرتك في بيريسترويكا الجيش السوداني بطريقة موضوعية نتفق معاك فيها... عشان مايبقى كلام ساكت ...

Quote: الايامات دي الجيش بقى خط أحمر شديييد لانوا دا آخر حنك عشان يساعدم في التعبئة العامة لتجييش مليشيات لحماية الخرطوم من ثوار الجبهة الثورية. الجهاد، الجنة، تراب الوطن، حماية العقيدة وماشابهها من أحناك سادت ثم بادت بقوا براهم يخجلوا يقولوها :)، أما ناس سائحون ودبابون بقوا في التخارجم. لكن حنك الجيش دا حنك ذكي جداً في الوكت دا على وجه التحديد لتخاطب به جموع كبيرة في الخرطوم وشمال السودان ووسطه عموماً لانه بشمل فئات كبيرة و أغلبها معارضة أو كارهة للانقاذ لكنها في ذات الوقت ممكن تقبل بإستمرارية الانقاذ خوفاً من نظام جديد يقوده ثوار الهامش! خاصة وانوا الكيزان نجحوا لحد كبير في شوطنة كل ماهو قادم من الهامش! فثوار الهامش حسب الدعاية الانقاذية هم مدعومين من إسرائيل والماسونية، عنصريين حاقدين، قتلة، مغتصبين، .... الخ، وكمان حنك الجيش دا حيقع في جرح لجموع كبيرة من معارضي الانقاذ المنادين بالديمقراطية والحرية ودولة المواطنة لكن في نفس الوكت ما عندهم أي إستعداد نفسي انوا يحكمهم ناس من الهامش حتى ولو لفترة إنتقالية:) ...عشان كدا انا نهائي ما حأندهش لو شفنا في الايامات القليلة الجاية مقالات ومقابلات تلفزيونية لمعارضين معروفين للانقاذ من اليمين واليسار تحثنا على دعم الجيش الوطني! خاصة مع التحية

Quote: الكيزان نجحوا لحد كبير في شوطنة كل ماهو قادم من الهامش! فثوار الهامش حسب الدعاية الانقاذية هم مدعومين من إسرائيل والماسونية، عنصريين حاقدين، قتلة، مغتصبين، .... الخ،

Quote: يا حليل السودان يا صاحب، السودان بدأت فرتكته من 89، وبرعاية هذا الجيش الخائب ؛ وظل هذا الجيش الذي يستعدى مواطنه في كل مكان، وأرضه مستباحة في الحدود الأربعة.. هذا الجيش يحمي الفساد المستشري في كل مكان، من رئاسة الجمهورية حتى رئاسة اللجنة الشعبية، فساد يشهد عليه المراجع العام والبرلمان المخصيان.. الفساد أصبّح معلوم حتى لمن به صمم. إن كنا حقيقةً نريد أن لا يتفرتك السودان، فلنبدأ بفرتكت هذا الجيش الراعي للخراب.

Quote: العوض المسلمي سلامات يا صاحب يا حليل السودان يا صاحب، السودان بدأت فرتكته من 89، وبرعاية هذا الجيش الخائب ؛ وظل هذا الجيش الذي يستعدى مواطنه في كل مكان، وأرضه مستباحة في الحدود الأربعة.. هذا الجيش يحمي الفساد المستشري في كل مكان، من رئاسة الجمهورية حتى رئاسة اللجنة الشعبية، فساد يشهد عليه المراجع العام والبرلمان المخصيان.. الفساد أصبّح معلوم حتى لمن به صمم. إن كنا حقيقةً نريد أن لا يتفرتك السودان، فلنبدأ بفرتكت هذا الجيش الراعي للخراب. ------- من يستهدفنا يا العوض، ولماذا نحن مستهدفون؟