|
|
 إبداعات بايرة ..!!
|
كانت الواحدة منهن بتقول ليك عايزة أقرا ..
أمبارح واحدة أتحفتني بي رد جدييد بالنسبة لي لمن سألتها أها ما عرسوك لسة ؟؟
ردّت لي بي إبتسامة مجرمة :
سمحة المهلة ..
وأعقبتها بــ:
زين عالم جمييييل..
|
|
  
|
|
|
|
|
|
|
|
Re: إبداعات بايرة ..!! (Re: وليد محمد المبارك)
|
صديقي اللدود عمر الفاروق ياخ اولا حمد لله علي سلامة العودة والبركة في الشوفه يا خوي سمعتو و جابوه ليك ..
غايتو يا عمر الحمد لله انها ما قالت ليك (العرض مستمر او عرض جنن العالم ) ,, ذي ما قال كبسور .. غايتو يا عمر بعد شوية كده ممكن الواحد يعرس اثنين في يوم واحد لانو المسالة بقت صعبة شديد خلاص .. كدى انزل السودان وانت تشوف بأم عينيك يا شليق .. بس انزل براك بدون الحكومة .. ياخ ولا اقول ليك انسى وخلينا في صاحبتك دي ,, هسة يقولو حرشك ياسر ههههههههههه والله مشتااااقون يا حبيب .. اها رمضان ده سمعت انو فنانك المكجن داك في اغاني اغاني غايتو من هسة شوف ليك دبارة لي رمضان ده ...
تحياتي : ياسر العيلفون
| |
|
|
|
|
|
|
|
|
|
Re: إبداعات بايرة ..!! (Re: ياسر السر)
|
سلامات عمر الفاروق
لعلكم بخير
(بايرة ) دي ياخي كلمة ما لطيفة ..وتفتقر الحساسية
مجرد رأي.. يمكن وان كان لا بد لعكس لعكس طرافة أو بداهة رأيتها ..ابداعات أختنا مثلا
مع الشكر
| |
|
|
|
|
|
|
|
|
|
Re: إبداعات بايرة ..!! (Re: rosemen osman)
|
والله ما لطيفة كما قالت زوزمين بحق؛ وتطلق على السلع الكاسدة خصوصا التي يصعب تخزينها كالخضروات. واستخدام هذه الكلمة فيه إهانة للمراة والسؤال نفسه "إنتِ ما عرسوك؟" ما لطيف. كان يجب أن تقترب من هذه المرأة بلغة مختلفة.لغة مساندة لها في ظروف علاقات بلدنا المتخلفة بين الرجل والمرأة.علاقات في معظمها تجن على المرأة.
| |
|
|
|
|
|
|
|
|
|
Re: إبداعات بايرة ..!! (Re: Bushra Elfadil)
|
| Quote: والله ما لطيفة كما قالت زوزمين بحق؛ وتطلق على السلع الكاسدة خصوصا التي يصعب تخزينها كالخضروات. واستخدام هذه الكلمة فيه إهانة للمراة والسؤال نفسه "إنتِ ما عرسوك؟" ما لطيف. كان يجب أن تقترب من هذه المرأة بلغة مختلفة.لغة مساندة لها في ظروف علاقات بلدنا المتخلفة بين الرجل والمرأة.علاقات في معظمها تجن على المرأة. |
بالحته الفيها الموس
زززززززززززززط
| |
|
|
|
|
|
|
|
|
|
Re: إبداعات بايرة ..!! (Re: Bushra Elfadil)
|
Quote: ابداعات أختنا مثلا
|
وفعلاً هي أختنا يا روزمين ..وصاحبة المقولة أخخختي شقييقتي بت أمي و أبوي وياهو ده كلامنا ومشاغلاتنا دون حساسيات وما أدراك ما لطيفة وعيب عليك يا عمر ..
صدقيني يا روزمين تخلي الدنيا طبيعية وحلوة بتكون الحياة حلوة وجميييلة..
تعقدوها بتتعقققد ليكم عقد شديدة ..
فااا شنو ؟
سمحة المهلة ..
أو كما قالت أختنا 
تخريمة :
أها يا وليد إقتراحك طرشق ..مع إنو مرة سألت أخوي الباير برضو فقال لي والله يا عمر نحن بعد ده إلا نرجع لي زمن هابيل وقابيل ونعرس أخواتنا البايرات ديل ..بس المشكلة إننا خايفين نتكاتل في واحدة انا أخوك الباير التاني داك ..عاد يا أخوي نجيب لينا غراب من وين ؟
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
بشرى فاضل..
| Quote: وتطلق على السلع الكاسدة خصوصا التي يصعب تخزينها كالخضروات. |
وإنت قايل الخضروات مااا بتحس؟؟
انا بعرف لي عجورة قالوا ليها بايرة بقت خيارا أو كما قال عادل إمام خيييررررااراايا ..
الخضروات دي ما تشوفا كده بتحس يااخ..
صدقني يا بشرى الموضوع أبسط من بسيييط بس إنتو الحساسيين زيادة..
| |
|
|
|
|
|
|
|
|
|
Re: إبداعات بايرة ..!! (Re: وضاحة)
|
| Quote: .وصاحبة المقولة أخخختي شقييقتي بت أمي و أبوي وياهو ده كلامنا ومشاغلاتنا دون حساسيات وما أدراك ما لطيفة وعيب عليك يا عمر |
رجعها ليهم بالحته الفيها المسمار
ززززززززززززززززززززززززززززززززززززززززززززززززززززززززززززط
| |
|
|
|
|
|
|
|
|
|
Re: إبداعات بايرة ..!! (Re: وليد محمد المبارك)
|
حامد الغبشاوي..
غايتو الجكس الفي زين جميييل النصيحة حسب ما خليناهو زمان ..
عالمك القاصدو ده كان عالم الحساب بي الثانية والخط بيشخشخ وما بعرفو ليك الإنترنت بطئ فياااا اخوي ده مااا عالمنا :)..
وضاحة :
البيسبمع تعاطفك ده يقول أولادك بيقروا في كي جي تو ..
إستلفي العبارة ساااي يا اختي إستلفي وإستخدميها ما عندنا حقوق نشر يا ختي ..
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
Quote: أها يا سحس وشن الدبااارة ؟؟
باقي ليك سجود السهو بيحلني بعد ده؟؟ |
هههههههههه حلوة دي ياعمر الفاروق .. أوسكار والله
قلت لي حقوق النشر مطلوقة في السهلة يعني ...... عُلم ، و سمحة المهلة ، سوداني عالم أجمل ^__^
| |
|
|
|
|
|
|
|
|
|
Re: إبداعات بايرة ..!! (Re: رشا احمد)
|
يا رشا يا كحيل..
هيي كمان ما مطلوقة شدييييد ..مسموح ليك بإستخدامها للإجابة على عشرة أشخاص بس..
النصيييحة لو إنتي النوع الممكن يتسأل أكتر من عشرة مرات والحال لسسسة في حالو فالمهلة مااا بتحلك فطوااالي ركزي مع دعايات STC وموبايلي ..
| |
|
|
|
|
|
|
|
|
|
Re: إبداعات بايرة ..!! (Re: رشا احمد)
|
والله يا رشا يا كحيل لو صورتك طلعت بتشبه صورة بروفايلك من النخر ولي فوق فقطع شك ناس سودانيز ما ح يقصروا ..
لكن يا اختي كان صورتك طلعت من النخرة ولي تحت بي شنبا ده فناس سودانيز ومصرانيز وتشادانيز وكل الدول المجاورة ما أظن يخدموك في الحتة دي :)
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
يو ديس ابوينتد مي يا عمر الفاروق ... اها انا كمان الا البعجبو النصف الآخر من الوجه .... العجبو تقليدي دا زاتو ما فنان و ما بلفق معاي يا اخوي
هي سموها مهلة ليه؟ ^__^
و كل التحايا لمالكة الحقوق الطريفة
| |
|
|
|
|
|
|
|
|
|
Re: إبداعات بايرة ..!! (Re: حجة امنة)
|
| Quote: اها انا كمان الا البعجبو النصف الآخر من الوجه .... |
في الحالة دي انا ما عندي ليك حاااجة يا رشا ..
وللضمان كده كل البقدر أقولوا ليك تنضمي لي قوات الدفاع الشعبي وتستشهدي في واحدة من معارك ابو كشوة ولا إسمها شنو ديك حينها أحسن أنك قد تتزوجي بي ود حور..
تخريمة :
ما تمشي بعيد في ود حور دي سمح ؟
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
| Quote: انظر لأريحية رشا مقابل تشنج مستلفي لسانها - ولسان الاخريات - روزمين وبشرى! |
أسسسة يا ملاسي بعد كم يوم ح تلقى ليك بوست مشعلق هنوووك في صدر صفحات سودانيز تونسا فإلتقيا فتحابا فعقدا فتزوجا ..باركو لي رشا
ما تستهون بي الأريحية دي يا سحس ياخ ..
ولا شنو يا رشرش ..
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
حجة امنة ..متصبرا؟ ولا برضو ماااهلة ؟ :)
Quote: هذه الخدمة غير متوفره لهذا المشترك
والله العبارة دي قاعده تقولا واحدة صحبتي |
جالك كلامي؟؟ مش قلت ليك البايرات ديل مبدعات؟
| |
|
|
|
|
|
|
|
|
 Re: إبداعات بايرة ..!! (Re: عمر الفاروق)
|
Quote: حجة امنة ..متصبرا؟ ولا برضو ماااهلة ؟ :)
|
لالا
مورطبته واللهي
بعدين بعد إذنك يا عمر الفاروق دايره أسال وليد الشفت دا سؤال
شنو حركات الصفقة فووووق العاملا في البوستي دا
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
كلمة بايرة .. كلمة جارحة .. وما ظريفة في حق أياً كانت ... بارت وبايرة وبار الشيء أي أصبح غير مستثمر ، كقولهم أرض بور ، ويبور الشيئ أي لا يجد رواجاً أو إقبالاً .. ( ويرجون تجارة لن تبور ... )
الغريب العامة والخاصة من قومنا مكنكشين فيها .. كأنما نكاية في واحدة ما .. لن تكون إلا امرأة
قبيلة الرندوق . يلفون حولها بشكل راقي ... يقول ليك دي " بورسودان " وبورندي ، وبوركينافاسو " وبايرن ميونخ إذا كانت مسكينة وروحها رياضية ... أنا شخصياً أفضل كلمة "غير متأهلة " ... ليس للنهائي ونصف النهائي بل لنصفها الثاني ...
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
كلمة بايرة .. كلمة جارحة .. وما ظريفة في حق أياً كانت ... بارت وبايرة وبار الشيء أي أصبح غير مستثمر ، كقولهم أرض بور ، ويبور الشيئ أي لا يجد رواجاً أو إقبالاً .. ( ويرجون تجارة لن تبور ... )
الغريب العامة والخاصة من قومنا مكنكشين فيها .. كأنما نكاية في واحدة ما .. لن تكون إلا امرأة
قبيلة الرندوق . يلفون حولها بشكل راقي ... يقول ليك دي " بورسودان " وبورندي ، وبوركينافاسو " وبايرن ميونخ إذا كانت مسكينة وروحها رياضية ... أنا شخصياً أفضل كلمة "غير متأهلة " ... ليس للنهائي ونصف النهائي بل لنصفها الثاني ...
| |
|
|
|
|
|
|
|
|
|
Re: إبداعات بايرة ..!! (Re: وضاح عبدالرحمن جابر)
|
محمد يا حمزة..
يا اخوي نقول شنو ونخلي شنو..في سودانيز دي تكتب اييي شي يجوك امثقفاتية يمسخوهو ليك.. وكما قال الشاعر الجاهلي
الحمام كان طار سوو ليهو شمار..فشخرة وبوبار..
تخريمة..
يا وضاح شوفت كيف سمحة المهلة..ودي الحكمة من البوست.. :-):-):-)
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
عمر الفا روميو
ازيك يا عم الحاج
روميو ده ما زول جولييت داك
داير اقول ليك شنو
والله الواحد نفسه كان يسهم وويشارك فى هذا الموضوع الحيوى
لكين ما بالكيبورد حيله
الغريبة قبل كم يوم سمعت لى كم نكته كده فى ذات السياق
بالله شوف "فى ذات السياق" دى كيف
هههههههههه
قالو واحده برضو نفسها تتزوج، سموها زى ما دايرين عاد
المهم قاعده كده براها قالت
يا رب مطره عرسان
قامت اتلفتت كده لقت ليها شوية شفع سوغار بتجارو
قالت الحمد لله
بدت تنقط
احتمال تكون نكته قديمة لكين والله يا داب سمعتها
لكين الأظرف منها ديك بتاعة القالو ليها اغنيتك المفضلة شنو ؟
قالت
شباب العزة يتقدم
ههههههه
| |
|
|
|
|
|
|
|
|
|
Re: إبداعات بايرة ..!! (Re: أبوذر بابكر)
|
نسيت اقول ليك يا فاروغ
طبعا لا يفوت على فطنة سعادتكم
انه ال الفا روميو دى واحده من افخم وافخر العربات
ما قاعد اقول سيارات طبعا
فا شنو
قلت بدل اقول ليك
عمر الفاروغ
قلت احسن الفا روميو لأنها فخمة وسمحة
وكذلك أنت يا صديقى
| |
|
|
|
|
|
|
|
|
|
Re: إبداعات بايرة ..!! (Re: أبوذر بابكر)
|
| Quote: شنو حركات الصفقة فووووق العاملا في البوستي دا |
ايوااااااااااااااااااااااااااااااااااااااااااااا
قصدك بين القوسين يعني
سمح !!!
انت قايلة لندن دي بعيد .. ولا قايلاني زي عمر الفاروق ده ما باشروا ليي ليها .... بلم فيه 
| |
|
|
|
|
|
|
|
|
|
Re: إبداعات بايرة ..!! (Re: وليد محمد المبارك)
|
بي مناسبة السياق دي يا ابوذر..إسمك ده دحين ما في ذات السياق؟؟ مفروض تكون اسة يعيش وحيدا ..:-):-)
البايرة قالوا عرسوها بعد عمرها فات ال 45..عزمت نسوان الحلة قعدة جبنة ثم قالت ليهن:
هوووووي يا نسوان..عرس وعرست ليكن..زوووولة تسألني من ولادة ماااف..:-)
تخريمة..
ارفع السماعة يا وليد..قال لندن بعيييدة قال..
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
غايتو يا عمر يا فاروق سمحة المقدرة
يمين الله البوست دا لو عملو زولاً مسيكين زى حالاتنا إلا يقوم جاري ويخلي شبطو وراهو
هسع الناس تقرأ وتمشي
ولسان حالهم يقول
مااااااااالنا والفاروغ أب لساناً طويل
ثم
تحياتنا وسلامات
| |
|
|
|
|
|
|
|
|
|
Re: إبداعات بايرة ..!! (Re: عاطف عمر)
|
| Quote: يمين الله البوست دا لو عملو زولاً مسيكين زى حالاتنا إلا يقوم جاري ويخلي شبطو وراهو |
عشان كده ياعاطف يظل عمر من امتع الناس في الكتابة في هذا المنبر
مشكلتو بتاع مزاجات ومايطرانا - نحن رابطة اصدقاء عمر في الاسافير - الا بعد يفيض بينا الكيل ونقررررب ننساه
بيعرف يسوق كويس والبورد عاوز سواقة بي مهل .. زول يسألك عن الرخصة ماف
-
هسع عمر ده رخصتو مطوَفة تصدق
| |
|
|
|
|
|
|
|
|
|
Re: إبداعات بايرة ..!! (Re: حيدر حسن ميرغني)
|
Quote: وضاحة :
البيسبمع تعاطفك ده يقول أولادك بيقروا في كي جي تو ..
إستلفي العبارة ساااي يا اختي إستلفي وإستخدميها ما عندنا حقوق نشر يا ختي .. |
هوووووووووووووووووى يا عمر بطل حقارة
انا ما ببور انت ما سمعت بى بت المنبور ما بتبور
| |
|
|
|
|
|
|
|
|
|
Re: إبداعات بايرة ..!! (Re: وضاحة)
|
عاطف يا عمرنا :
Quote: يمين الله البوست دا لو عملو زولاً مسيكين زى حالاتنا إلا يقوم جاري ويخلي شبطو وراهو
|
سودانيز أوت لاين ده الغنا ليهو وردي :
ما بيدوك لي زولاً مسيكين ..إلا زولاً عندو طين ولا شنو كده ما عارف البوبا عليها تقيل .. :)
أها إنت كان بوبتك ما تقيلة سبب وااحد يخليك تعمل بوست زي ده ماف .. :)
ثم وإنو انا زول سااااي ياخ ما تشوفني كده .. حتى اسأل مني عمر جنابو ..
| |
|
|
|
|
|
|
|
|
|
Re: إبداعات بايرة ..!! (Re: د.محمد حسن)
|
يا روز ميين؟؟ :-)
أي نعم قلبي أسود لكن كمان للدرجة دي..:-)
خلي البهناك للبهناك وماا لي هنا بيي هونا:-):-)..
أسة فييي ذمتك النسوان يموتن في الحرب وإنتي لابسة ليك توب ربط؟؟ عيييبي لي الكااامل.. :-):-)
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
هههههههههههههههههههههههههههههه
ضحكي الفوق دا ما عشان بوستك البايخ دا
عشان قبل اقل من نص ساعة متشاكلة انا واختي:)
قول لي في شنو؟؟
لقتني برد على واحدة صحبتي من زمن الجامعة ..سالتني قالت لي ما اتزوجتي لسه يا سارة؟
قلت ليها بايرة والحمد لله..
اختي لقطت بايرة دي كيف ما بعرف
وتعال شوف..كلام روزمين دا اضربو في مية
وللللللليه تقولي عن روحك كدا وللللللليه تهييني روحك ولللللللليه وووولييييييييه
حسستني اني طابور خامس ما "بايرة" هههههههههههههههههههههه
اها كان اختتتتتي بتتتتتت امي وابوي بتقول فيني كدا روزمين حتعمل فيني شنو؟؟ ههههههههههههههه
اها في بالك انا ممكن اكون شنو في الخضروات والفواكه ديل ؟؟
روزمين العزيزة
سلااااامات :)
| |
|
|
|
|
|
|
|
|
|
Re: إبداعات بايرة ..!! (Re: سارة علي)
|
والله يا سارة انتي تصنيفك من الفواكه هو الموز في السوق الشعبي امدرمان بعد الساعة 7 مساء حيث يصبح الكيلو بي 500 جنيه بالقديم ومعاهو. 2 كيلو مجان..
النصييييحة يا سارة إنتي كمان بورتك قااااسية..
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
السلام عليكم
ومن غير استاذ ,, يا عمر الفاروق
اضحك علي مين واللا مين ...... ؟؟
وحاة النبي حيرتونا !
معلومة لا تهمك : دراسة نفسية تقول عندما تكون عازباً فإن كل ما تراه هو ان الازواج السعداء
وعندما تكون متزوجاً فكل ماتراه هو ان العزاب السعداء"
| |
|
|
|
|
|
|
|
|
|
Re: إبداعات بايرة ..!! (Re: ahmedona)
|
كع ..كرع :
ما ممكن نخت الإتنين في صحن واحد ؟؟؟ الزول يكون عزابي على متزوج كده ؟
يا أحمدونا :
يا زول في ناس عملوها خماس وسداس وسباع والحال لسسسة فييي حالو .. :)
| |
|
|
|
|
|
|
|
|
|
Re: إبداعات بايرة ..!! (Re: عمر الفاروق)
|
والله يا سارة بالغتي
أولن
تجي بكرعينك لى عمر في البوست دا
وتانين
تديهو باص في خط ستة تخليهو يتفنن إحراز هدفو
أها
خمي وصري
النصيحة لى الله .. كنت قايلك تفتيجة جد جد
| |
|
|
|
|
|
|
|
|
|
Re: إبداعات بايرة ..!! (Re: عاطف عمر)
|
عمر كيفنك....
والله كان ما بعرفك أقول إنت ذاتك مبدع....
فى واحدة مبدعة شديد تركت وصية قالت لما أموت الرسول فيكم كان ما شلتونى فى سرير دبل....
المسميات فى بلدى قاسية....ويتعامل معهم المجتمع كأن ما هم فيه بسبب أياديهم...ربنا يصلح حال الجميع..
تقديرى وإحترامى للجميع........
تلفونك بدينى خارج الخدمة....شوف السبب ورن..
| |
|
|
|
|
|
|
| |
عمر الفاروق
أمير محمد ادريس
وليد محمد المبارك
ياسر السر
عواطف ادريس اسماعيل
وضاح عبدالرحمن جابر
حيدر حسن ميرغني
rosemen osman
Bushra Elfadil
Hussein Mallasi
حامد الغبشاوي
وضاحة
رشا احمد
ياسر منصور عثمان
فرحات عباس
محمد حمزة الحسين
أبوذر بابكر
عاطف عمر
د.محمد حسن
سارة علي
عبدالله كع
ahmedona
ismeil abbas
فيس بوك
تويتر
انستقرام
يوتيوب
بنتيريست