|
|
 البوستات المشفرة .. الحل معاها شنو؟ نفهمها كيف نحنا؟؟؟
|
السلام عليكم
بصراحة كده من الحاجات المتعبة جدا تشفير البوستات! والكلام ده يختص بالناس البرالمة وقليلي الدخول للمنبر (زي حالاتي كده) ..
علامات البوست المشفر:
1- تلقى العنوان مختصر جدا على شاكلة ( أمممك .. (ز....)، الحكاية انتهت .. قصة كده كده .. تضامني مع فلان .. وأحيانا تضامني الكامل بدون ذكر الفلان .. إلخ)
2- البوست فيهو كلمة أو كلمتين وبعد داك تستمر برضو المداخلات كلمة كلمتين، على طريقة خد وهات.
3- الردود كلها تحمل هذه الأيقونات:   
4- أن يكون البوست أو الرد عبارة عن صورة ما، وفي الغالب تكون صورة مضحكة أو صورة شخص/ شيء في وضع حرج.
5- لو حاولت متابعة الردود ما حتفهم أي حاجة تدخل بي حمد وتمرق بي خوجلي، وأحيانا تعوزك لفة بي رأس الرجاء الصالح وممكن تفهم وممكن لا.
6- أحيانا يوضع رابط لمداخلة في البوست من بوست آخر يكون هو سبب التشفير ودي ممكن تقصر عليك المسافة وممكن تزيدك حيرة ( شن جاب لي جاب ).
7- المصيبة الكبيرة أحيانا يوضع اقتباس وما يوضع رابط ودي بتقوم ليك قرون وتشيب راسك على بال ما تفهم.
8- غالبا يكون البوست مشفر لصالح (شلة معينة) وما حتفهم البوست إلا لو كنت عضو في الشلة دي، أو عضو في شلة أخرى تقوم بفك التشفير لك ^___^
9- أحيانا بكون البوست غرضه الشماتة في شخص لسقوطه في مشكلة أو مقلب وفي هذه الحالة يجتهد المشفرون في إخفاء شخصية المعني بالأمر مع وضع أمارات للتشويق.
10/ أحيانا يكون الغرض طرح موضوع أو قول كلام لا يستحب قوله لاعتبارات (أخلاقية/اجتماعية/ما شابه)
|
|
  
|
|
|
|
|
|
|
 Re: البوستات المشفرة .. الحل معاها شنو؟ نفهمها كيف نحنا؟؟؟ (Re: محمد جلال عبدالله)
|
اقتراحات لفك حيرة المساكين الذين لا يفهمون التشفير:
1- أن يكتب صاحب التشفير بداية أن هذا البوست مشفر حتى لا نتعب أنفسنا في تفكيك رموزه
2- أن يضع المداخلة سبب البوست في البداية وبعد ذلك القارئ مخير في أن يواصل أو يترك القراءة
3- أن يوضع مفتاح التشفير عند شخص معين ويقال مثلا: مفتاح هذا البوست عند فلان الفلاني، ويتولى هذا الفلان توضيح الأمر تدريجيا وبأسلوب مشوق.
4- أي اقتراحات أخرى
أقول قولي هذا ومع السلامة
| |
|
|
|
|
|
|
|
|
 Re: البوستات المشفرة .. الحل معاها شنو؟ نفهمها كيف نحنا؟؟؟ (Re: محمد جلال عبدالله)
|
Quote: سلامات محمد جلال عبدالله ومشتاقين ياخي
هاك المفتاح والقفل ... وإن شاء الله ما يجهجك تشفير ... وأشكر ودالصايم ذو القلب الكبير والضحكة الكبيرة
|
وعليكم السلام أستاذ عيدروس وبالأكتر والله
أها مع إنو أديتني القفل والمفتاح
لكن برضو دي حيرة فوق حيرة
أها ده نوع البجيب قرون ذاااتو
ويخليك تتساءل: ده منو القال كده؟ وقال كده لي منو
وقال كده لي شنو .. غايتو بس الله غالب!
| |
|
|
|
|
|
|
|
|
|
Re: البوستات المشفرة .. الحل معاها شنو؟ نفهمها كيف نحنا؟؟؟ (Re: محمد عبد الماجد الصايم)
|
عيدروس وود الصايم .. الله يحبكم زي ما بتحبونا والله برضو بنحبكم
لاكين بتاعت سلفيا ديك سوت فيني سواة!!!
ياخ لو تعبان داير أقول أح ساي يمكن أتلفت يمين شمال حتى أقولا ^____^
-----------
بالمناسبة والمناسبة جابت المناسبة
أنا والله لمن قلتها كنت فاكرها كلمة عادية
لأنو لمن كنا صغار كنا بنقولا عااااادي
في الكورة في البلي ولمن نقرق على زول بنقول ليهو ( حـ .. أنا يا مغلوب مثلا أو يا تعبان)
كانت كلمة عادية ما عارف هل تطورت المفردة في الألفية الجديدة وأصبح لها مدلولات أخرى؟؟
لا بالجد ما كنت قايلها كلمة شينة قدر ده
ويا ود الصايم والله براءة الأطفال الوكت داك لا كنا بنعمل حركة مصاحبة ولا غيرو
الحركات دي عندكم إنتو ديل أصحاب النوايا السيئة ^___^
| |
|
|
|
|
|
|
|
|
|
Re: البوستات المشفرة .. الحل معاها شنو؟ نفهمها كيف نحنا؟؟؟ (Re: محمد جلال عبدالله)
|
الفاضل اسماعيل عباس
Quote: ألأخ/محمد جلال..............السلام عليكم..
عليك بالمتابعة والمذاكرة يوياً...من أجما البوستات البحبها فيها بتم شغل ذهنى..
البوس المشفر تعال ليه فى نهاية اليوم....يكون أفضل..
تقديرى وإحترامى للجميع. |
المشكلة أنا واحد من الناس ما عندي روح طويلة
يعني البوست من يقلب صفحة تانية ده طرفي منو
بعدين بوستات التشفير ممكن في دقايق تبقى 5 صفحات
لأنو المداخلات قصيرة وسريعة
شاكر مرورك
| |
|
|
|
|
|
|
| |
محمد جلال عبدالله
محمد عبد الماجد الصايم
aydaroos
محمد إبراهيم علي
ismeil abbas
الصادق الخالدى
محمد المسلمي
فايزودالقاضي
فيس بوك
تويتر
انستقرام
يوتيوب
بنتيريست