|
Re: أصدق ما كتبه الطوربيد معاوية رداً على حسين ملاسي فلم يعقب (Re: بدرالدين الطائف)
|
سلامات يا حبشي ... من باب كل زول بونّسه غرضه فأنا ارى دي هي الأصدق :) Re: اعتذار
Quote: كل عام وكافة المتداخلين بخير سورى للتاخير لانو عندى مداخلة واحدة اكرر اعتذارى واسفى للاخ ود البشرى وان ما كتبته بشانه هنا فى المنبر لا اساس له من الصحة وله اعتذار بلا حدود حتى يرضى’’ شكرى لكل المتداخلين |
بالله شوف قوّة العين زول يقول انا كذّبت عديل كدا ولسّة حايم ينثر الأكاذيب مغسّل وشّو ببول حمير عديل كدا :)
| |
|
|
|
|
|
|
Re: أصدق ما كتبه الطوربيد معاوية رداً على حسين ملاسي فلم يعقب (Re: محمد البشرى الخضر)
|
Quote: ما كتبته بشانه هنا فى المنبر لا اساس له من الصحة |
ود البشرى سلام كلام معاوية هنا يحتمل اثنين: - إما أنه الف الحكاية من الصفر وهو المسئول عنها كليا ويتحمل تبعاتها. - إما أن هناك شخص آخر الًف الحكاية وأوصلها لمعاوية وقام معاوية بنشرها دون التثبت من مصدرها وفي هذه الحالة تكون مسئوليته جزئية. وطالما أنه أعتذرنتمنى أن تقبل الإعتذار وتنسى الموضوع
وودي للحبشي تحية
| |
|
|
|
|
|
|
Re: أصدق ما كتبه الطوربيد معاوية رداً على حسين ملاسي فلم يعقب (Re: MOHAMMED ELSHEIKH)
|
Quote: كلام معاوية هنا يحتمل اثنين: - إما أنه الف الحكاية من الصفر وهو المسئول عنها كليا ويتحمل تبعاتها. - إما أن هناك شخص آخر الًف الحكاية وأوصلها لمعاوية وقام معاوية بنشرها دون التثبت من مصدرها وفي هذه الحالة تكون مسئوليته جزئية. وطالما أنه أعتذرنتمنى أن تقبل الإعتذار وتنسى الموضوع |
محمد الشيخ يا خوي في الحالتين إبتزاز تـافــه و قــذر و محاولة دنيئة لإرهاب و إسكات الخصم ...
و الله حيرتونا ... دائماً الدفاع عن الباطل بدخلك في حتات بايخة جداً....
| |
|
|
|
|
|
|
Re: أصدق ما كتبه الطوربيد معاوية رداً على حسين ملاسي فلم يعقب (Re: عصام علي أحمد)
|
المثل حق مافيش دخان من غير نار معطل تماما في السايبر السوداني لانه الموضوع الجاب الدخان بيكون اصلا لا اساس له من الصحة اي من الطوربيدات يالف القصة ينشرها عبر قنوات الشمار الشامل بعداك تحول لقصة حقيقية من شدة التكرار مرة في واحدة هنا من نوعية الطوربيد دا كتبت بيان انتهازية تزوجت رجل عجوز عشان يوديها ماليزيا المهم ضحكنا في الموضوع وافتكرتوا انتهى الى ان ج ذهبت صديقة الى امريكا وجات سيرتي وقام زول ردد الكلام دا بكل ثقة صاحبتي قالت ليه بيان ح دي جات ماليزيا عندها اربعة اطفال وزوجها كم دفعة قدامها اها الزول دا قاليها قرأ الكلام في سودانيزاولاين وبعدها اكتشفت آل شيوع مؤلفين قصة كاملة شاملة عن حياتي لا اساس لها من الصحة موزعنها على الناس بقنوات شمارهم الشامل العزاء دائما ان الناس البتعرفك وزاملتك يعرفون الحقيقة ولذلك يا ود البشرى سيشهد لك من يعرفك ودي الشهادة الوحيدة التي يعول عليها وما عداها مجرد كلام اسافير لا اساس له
| |
|
|
|
|
|
|
Re: أصدق ما كتبه الطوربيد معاوية رداً على حسين ملاسي فلم يعقب (Re: MOHAMMED ELSHEIKH)
|
يا محمد الشيخ تفتكر انا لو عايز إعتذار أصلا كان غالبني اقبل اعتذارو من تاني يوم لمّا وعى وضرب لي تلفون وانا ما ردّيت عليه بالنسبة لي المسألة ليست شخصية كما تبدو لك وللبعض الفكرة هي أنا أكسر عينك و أبتزاك بأي كلام عشان تبعد عن طريقي وما مشكلة أعتذر ليك بعدين و خلاص الموضوع ينتهي ودا سلوك للاسف منتشر في البورد والبعض يفتكرها فتونة وما انتشرت إلاّ لضعف الأعضاء وخضوعهم لإبتزاز المبتزين احنا- أو انا - اتربيت على انو الراجل يعمل السبعة وذمّتها لكن لا يكذّب, الكذب جبن لا يليق برجل له كرامة وأيضا اتربيت على عدم الخضوع لأي ابتزاز واتربيت على اني ما اسيب حقي
فا شنو... اعفيني من رجاء قبول الإعتذار لأني ببساطة ما طلبته ولا كان هدف بالنسبة لي
| |
|
|
|
|
|
|
|