|
|
|
 Re: على كل من يصاب بالزائدة أن لا يجري أي عملية جراحية لإزالتها (Re: جدو)
|
اكيد بتهظر??? صح?
عليك الله قول :بهظر
يا فرانكلى يا اخوى فى ناس بيمشوا المستشفى فى حالة من الالم الرهيب. ايوه, فجاءة كده من غير مقدمات. و بيكون الوضع كالاتى: اما العملية او الموت فى نفس اللحظة. وفى ناس كتار ماتت بالسبب ده.
_____________________________________________________
و الله يا فرانكلى لو ما بخاف الله كنت اديت دعوة كاربة كده (مع صيام يوم و قراءة يس) انها تجيك عشان نشوف حكاية الماء المعقم ده.
الله يديكم الصحة والعافية ولا حوجكم لعملية. لكن لو احتجتوها... اعملوا العملية. ما تسمعوا كلام فرانكلى
| |
 
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: smart_ana2001)
|
| Quote: يا فرانكلى يا اخوى فى ناس بيمشوا المستشفى فى حالة من الالم الرهيب. ايوه, فجاءة كده من غير مقدمات. و بيكون الوضع كالاتى: اما العملية او الموت فى نفس اللحظة. وفى ناس كتار ماتت بالسبب ده. |
طبعاً هذا في الحالات المتأخرة جداً وقد يموت المريض حتى أثناء العملية
الطب الحديث لا يقدم حلول بل يعقّد الأزمة ويقوم على العامل النفسي للمريض بأنّه الحل الأخير والناجع وهذا وهم
الناظر للعلاج بالوخذ بالإبر acupuncture لا يجد مثل هذا الكم الهائل من العمليات الجراحية
والطب التقليدي أو الفطري في إفريقيا وأميركا الاتينية وأسيا يقدم حلول تكفي المرضى تبعات السموم التي تسمى أدوية الطب الحديث وأغلب هذه الحلول بدون عمليات جراحية
على كل إسنان التفكر في الكون ودراسة أحوال الحيوان والإنسان ومن ثمّ ممارسة الطب الذي يريد دون الحوجة لمراجعة أي طبيب أو صيادلة يبيعونا السموم باسم الدواء
| |
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: جدو)
|
| Quote: طيب بالنسبة للعمليات التي تجرى في المستشفيات الحكومية مجاناً والتي ينتفي فيها عامل الربحية !!!! |
لا يفوت عليك أنّ الربحية هي العائد المباشر الذي يدفعه المريض للجرّاح
كل العمليات الجراحية عبارة عن تجارة مربحة
من مواد تخدير وشاش وحقن ومشارط وتجهيزات غرفة العمليات والأجور الشهرية للأطباء والفريق العامل
هذه ميزانية كبيرة يدفعها المواطن بطريقة غير مباشرة
ولكون العمليات الجراحية خاصة للزائدة لا داعي لها يعتبر اجراؤها عمل ربحي بحت
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Frankly)
|
Quote: ذات الجنب هي الزائدة الدودية
|
الاكتشاف.. الذي من أجله قام هذا البوست..
وإلا يكون عندك شهوة كتابة ساكت.. 
أيام حادث الشهيد الزبير الله يرحمو.. كنت قايم من عملية زايدة..
اعتقدت جازماً.. بعدها.. كاعتقادك أعلاه.. أن لا فائدة من اجتثاثها..
فمازالت آلام ذات الجنب.. تمشي وتجي فوقي.. (اكتشفت لاحقاً.. أنها قولون عصبي)
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: نادر)
|
يعتقد الكثيرون أن الطب الربحي يحتاج لدراسة جامعية
وقد سطر التاريخ أنّ هناك من لم يكمل الأساس ومارس منة الطب (بصورة غير رسمية حسب القواعد المتعارف عليها) ولكن لم يسجل التاريخ أنّه لم ينجح في علاج المرضى الوافدين إليه
الموضع يحتاج لعمق تفكير وتدبر في خلق الله وكيف تعيش الكثير من مخلوقات الله دون الحاجة لهذه العمليات الجراحية
كل إنسان يستطيع أن يتفكر في نفسه وفي بيئته ويستنبط علاجات لأي داء كان
حتى الإيدز يصير علاجه أمراً يسيراً خارج تعقيدات وتأويلات الطب الربحي
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Elawad)
|
| Quote: يجب شراب خمس لترات من الماء يومياً وعندها إن شاء الله شفاء |
هذه من طرق الوقاية ان تشرب الماء حتي لا تترسب المواد علي الزائدة.
اما اذا حدث و ترسبت حتي تعفنت و صار الشخص يحس بالالم فالوقت ليس كافيا لان تشرب عليها خمس لترات. الرائدة تنفجر في فترة قصيرة و لذلك ينصح بأجراء عملية لاستئصالها
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Mahjob Abdalla)
|
Quote: هذه من طرق الوقاية ان تشرب الماء حتي لا تترسب المواد علي الزائدة.
اما اذا حدث و ترسبت حتي تعفنت و صار الشخص يحس بالالم فالوقت ليس كافيا لان تشرب عليها خمس لترات. الرائدة تنفجر في فترة قصيرة و لذلك ينصح بأجراء عملية لاستئصالها |
هذا هو بيع الوهم
عن شخصي فقد تفكرت وتدبرت في مخلوقات الله وفي الطب الصيني والطب الشعبي الإفريقي والطب الأمريكي لاتيني والطب الأسيوي القديم ووصلت لفكرة أن يكون كل إنسان طبيب نفسه يجرب في نفسه دون الرجوع لأي طبيب ويستفيد من تجارب الأخرين والأخرين هنا تعني كل الحيوان والإنسان خارج قاموس الطب الربحي
لا داعي لأي تطبيب أكاديمي
وأسأل مجرب ولا تسأل طبيب
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Frankly)
|
عن إذنك يا كمال
احاول اضيف بعض المعلومات عن مرض التهاب الزائدة الدودية..
يحدث التهاب الزائدة في حوالى 90% من الحالات نتيجة لانسداد فتحة الزائدة التي توصل مع المصران الاعور (caecum) وتسمى obstuctive inflamation
وهي من أكثر الاسباب شيوعا لالام البطن الحادة Acute Abdomen ومن أعراضها ألم تقلصي شديد حول السرة يستقر بعد عدة ساعات في الجانب الأيمن من أسفل
البطن وتكون مصحوبة بغثيان وفقدان شهية (فقدان الشهية من أكثر الاعراض ثبوتاً ووجود شهية عادية للأكل يكاد ينفي وجود التهاب الزائدة) وقد يصحبها نوبتين أو ثلاثة
من الاستفراغ ..قد يكون هناك ارتفاع بسيط في درجة الحرارة. يتم التشخيص سريرياً clinical diagnosis في معظم الحالات (سريرياً بمعنى من الاعراض والكشف على المريض
بواسطة الطبيب ودون الحوجة لاجراء تحاليل معملية أو أشعة) يتم تأكيد التشخيص في بعض الحالات المبهمة والتي لا يمكن الحكم عليها سريرياً بواسطة الموجات فوق الصوتية (ليست ذات
دقة عالية في تشخيص التهاب الزائدة) او عن طريق الاشعة المقطعية ولها اليد العليا في تأكيد التشخيص ..
العلاج: العلاج الوحيد لالتهاب الزائدة متى ما تم تشخيصها هو الجراحة وليس هناك مجال لاستخدام العلاج التحفظي ..
عند حدوث التهاب في الزائدة هناك واحد من ثلاثة نتائج متوقعة الحدوث في حالة عدم التدخل الجراحي :
1: زوال الالتهاب وشفاؤه resolution نسبته أقل من 10%.
2: تتحول الى ما نسميه زائدة متحجرة ِAppendix mass . وتحتاج للعلاج بالمضادات الحيوية الوريدية لمدة لا تقل عن 5 أيام ثم إزالة الزائدة جراحياً بعد مضي فترة شهرين او نحوها.
3: الانفجار متسببة في عواقب وخيمة مثل (انتان الصفاق) ترجمة دراب صاح؟ peritonitis
أجاركم الله البيريتونايتس دا حاجة بطالة جداً وعلاجها صعب ونسبة الوفاة فيه تدنو من ال 50%..
إذا استمرت الأعراض أكثر من 36 ساعة تزيد احتمالية انفجار الزائدة واحتمالية مضاعفات ما بعد العملية..
العملية الجراحية نفسها تعتبر غير ذات ضرر ونسبة حدوث مضاعفات منها أقل من 1%..
أرجو أن أكون وفقت في إضاءة بعض الجوانب حول التهاب الزائدة الدودية وعسى ما أكون أثقلت أو طولت عليكم ..
تحياتي
| |
|
|
|
|
|
|
|
|
 Re: على كل من يصاب بالزائدة أن لا يجري أي عملية جراحية لإزالتها (Re: جدو)
|
يمكن أن أدعى أننى أفهم مايرمى له هذا البوست.
ويمكن أن أقول أن المقارنة غير دقيقة بين هذا البوست والمقصود أو مايرمى إليه..
وغايتو يافرانكلى لو واحد فقط اتبع ماتقوله بالحرف ومات فاطلب من الله أن يسامحك ويعفو عنك..
ياخى التوعية الصحية جزء من العلاج. وفى بعض الأمراض التوعية الصحية جزء هام جدا.
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Balla Musa)
|
Quote: يمكن أن أدعى أننى أفهم مايرمى له هذا البوست.
ويمكن أن أقول أن المقارنة غير دقيقة بين هذا البوست والمقصود أو مايرمى إليه.. |
كدي نورنا عليك الله يا د.بلة
شكله كدة قاعدين نعرض برة الدارة..
المهم.. المعلومات أعلاه مبذولة في إطار التوعية الصحية
قلنا ننتهز الفرصة دي الواحد يكتب ليه كلمتين تلاتة الناس تستفيد منها
تحياتي
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: جدو)
|
| Quote: ولكن يجب أن نطلق لعقلونا حرية التفكر والتدبر |
سلامات يا فرانكلي ..
يا خوي حرية الفكر ما بناباها .. لكن الفيك اتعرفت ..
عقلك دا ما جاك مزاك تطلق ليهو ( حرية التفكر والتدبر ) إلا في البيقطع رزقنا .. (( أقصد رزق أصحابنا الجراحين )) ..
و الله إعمال الفكر دا أتاريهو مضر خلاص ..
أنا يا زول من الليله دي زول ( نقل ) ساي ..
.
.
مشكور على الدردقة ..
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: أحمد الابوابي)
|
سلام فرانكلي ..
Quote: يجب شراب خمس لترات من الماء يومياً وعندها إن شاء الله شفاء
وإن مات أجره على الله
|
نسيت أن تضيف (على الريق) بالنسبة للخمسة لترات موية ..
أما (وأن مات أجره على الله) ، فقد ذكرتني الفكي الأدى حجاب لي مزارع عشان يزح الأسد من طريقو في الغابة وبعد كم وصية قال ليهو : ولو الأسد أكلك بعد دا كلو إنشالله ما تنفعو !!
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: منتصر عبد الباسط)
|
Quote: لا يقصد الدين كتدين وعبادة
بل يقصد الفتوى أو التفسير للنصوص أو نحو ذلك دون احاطة كافية |
اي معرفة دينية يمكن التبحر فيها فقط بالتحصيل الذاتي دونما ادني
حاجة لتعليم مؤسسي, بل ثبت بالتجربة المعاشة ان المؤسسة الدينية
ماهي الا حاضنة لتفريخ الجهالات التي افرغت الدين من مضامينه
لحد الخروج الكامل من العصر, فصارت امة لا اله الا الله خارج
بؤرة الوعي الانساني بفضل مؤسسات رضاعة الكبير وشراب
بول الابل وفتاوي حامل كيس الفساء
اما موضوع البوست ف Little Knowledge is too dangerous
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: صالح عبده)
|
Quote: بعد النبي الكريم محمد (ص) انقطع الوحي .. واكتملت الرسالة
وكل شاة معلقة من عرقوبا .. الحساب فردي
لا تفتي لي .. ولا افتي ليك
اذا كان ح اهرب من امي وابوي وزوجتي وابناء .. ح تصدقني لو قلت ليك بنفعك يوما!؟ |
{وَمَا أَرْسَلْنَا مِنْ قَبْلِكَ إِلَّا رِجَالًا نُوحِي إِلَيْهِمْ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (43)
لو الناس مشت برأيك ده ما كان فضل فيها دين ذاتو
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: صالح عبده)
|
غايتو انا كتبت وصيتي ان جاتني زائدة دودية ووصلت حالة اغماء اصلوا مافي جراح يهوب على بطني دي وانت ياكمال تتحمل المسئولية.
ياكمال ياخي انت ممكن توصى الناس بشرب كميات كبيرة من المياه لفائدة أجهزة الجسم كووولها انكلودنق الزايدة الددودية عشان الناس تسوى بما يعرف عند قبيلتنا الpreventive maintenance
لكن أن تصل الحالة الىforced outage والناس ماتتدخل والله دي تكون فرية.
مع سلامي وتحياتي للجميع هنا
| |
|
|
|
|
|
|
|
|
 Re: على كل من يصاب بالزائدة أن لا يجري أي عملية جراحية لإزالتها (Re: MOHAMMED ELSHEIKH)
|
Quote:
{وَمَا أَرْسَلْنَا مِنْ قَبْلِكَ إِلَّا رِجَالًا نُوحِي إِلَيْهِمْ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (43)
لو الناس مشت برأيك ده ما كان فضل فيها دين ذاتو
|
انت فهمت شنو يا صديق من الاية الكريمة دي!؟
وهل انا ملزم بي فهمك!؟
وربنا ح يحاسبني عليو!؟
لو بتضمن لي مكر الله ... وتجيب لي عهد منو عز وجل ..
من الليلة دي انا من حيرانك المريدين
غير كدا فهمك تضايرو عليك
ما بلزمني
انا تكليفي مباشر، وعلاقتي -بعد محمد (ص)- مباشرة مع إلهي وبارئي
ما محتاجك ولا محتاج فهمك .. ولا محاسب عليهم
----------
هل في رأيك انو الامام ابي حامد الغزالي هو فعلاً (حجة الاسلام) (زين الدين) و(عالم العلماء)!؟
يعني اسألو انتصح ليو (اقصد "احياء علوم الدين“) ارجع ليو عادي وانت وهو بعدين بتحلوني!؟
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: فتح الرحمن حمودي)
|
Quote: انت فهمت شنو يا صديق من الاية الكريمة دي!؟
وهل انا ملزم بي فهمك!؟
وربنا ح يحاسبني عليو!؟
لو بتضمن لي مكر الله ... وتجيب لي عهد منو عز وجل ..
من الليلة دي انا من حيرانك المريدين
غير كدا فهمك تضايرو عليك
ما بلزمني
انا تكليفي مباشر، وعلاقتي -بعد محمد (ص)- مباشرة مع إلهي وبارئي
ما محتاجك ولا محتاج فهمك .. ولا محاسب عليهم
----------
هل في رأيك انو الامام ابي حامد الغزالي هو فعلاً (حجة الاسلام) (زين الدين) و(عالم العلماء)!؟
يعني اسألو انتصح ليو (اقصد "احياء علوم الدين“) ارجع ليو عادي وانت وهو بعدين بتحلوني!؟ |
يخيل لي اما انك رديت علي زول تاني و لخبطت
او حافظ كلمتين عايز تقولهم
ياداب وقع لي ملاسي قصد شنو بكتابة لمجرد الكتابة
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: أسامة البلال)
|
Quote:
أهلنا زمان قالوا الما عندو شيخ شيخو الشيطان
|
برضو رأي
لكني ما شايف اي مانع انو الزول يكون شيخو عقلو دا، يقلب فيو أي رأي ..
يقبل البقبلو، و يرفض البرفضو .. دون اعتبار لانو جا من منو، ما دام ما نبي
-------
بما انو كلام فرانكلي هنا ما منطقي .. نرفضو
وكلام بلة بهناك المنطقي فيو والله باخد بيو طوالي (مش لانو ما شيخ او عالم دين خلاس كلامو يترفض طوالي)
يا صديق يازول مش احسن تحترم نفسك!؟
انت قايل قلة الادب بتغلب زول؟
انا كان دعيتك عشان تعلق على كلامي!؟
لو فهمك على قدرك ما تحترم نفسك يازول احسن ليك!؟
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Hafiz Bashir)
|
Quote:
هسه هنا وينو الكلام عن العلم او عن الدين في الكوت الإنت اقتبستو دا؟؟
|
ممكن توريني الكوت الانا اقتبستو من الاساس؟
انا شلت الصورة الانت جبتها، وتحتها وش ضاحك
انا شايف السخرية من المتدين بالشكل دا وختو في طرف نقيض للعالم دا جزء من الحجة القلت انها ما صحيحة تماماً
ببساطة لاني اعتقد انو الدين ما علم بس ..
والعلم ذاااتو فيو الما محتاج ليو كتاب يقروهو، بكتسبوهو بالعمل والتأمل والاخلاص في العبادة
اصلاً المقارنة ما مناسبة (في وجهة نظري) لاختلاف الهوية وتقاطع الهوية بين المقارننين
----------
عموماً اعتذاري لو شايف اني قولت (كلامك) ما لا يقوله
لكن دا (فهمي ) انا ليو
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: فتح الرحمن حمودي)
|
اول حاجة يا فتح الرحمن (قيقراوي سابقاً) سلام عليكم و إن شاء الله إنت طيب
يا عزيزي الصورة الأنا جبتها الكلام الفيها عن رجل الدين و ليس عن الدين و لا عن المتدين
و رجل الدين هو الشخص الذي يعتقد و يعتقد الآخرون أنه متخصص في الدين و يقوم العامة بتوكيله بالتفكير نيابة عنهم في امور دينهم و بالتالي تصبح لديه سلطة في الوساطة بين الأفراد و ربهم
و يا عزيزي أنا بفتكر إنو رجل الدين بالفهم دا ما عندو أساس من الدين أصلاً لأنو المسئولية في الدين هي مسؤلية فردية (و كل آتيه يوم القيامة فردا) و معرفة ما يليني من الدين هي معرفة ضرورية و فرض عين علي و ما بتنفع فيها أي نوع من الوكالة
و أفتكر إنك ما مختلف معاي في النقاط دي حسب ما فهمته من مداخلاتك هنا
السينتيست هنا يا قيقراوي هو الباحث عن المعرفة سواء كان متدين ولا ما عندو دين و المقارنة في مجملها عن إحتكارية المعرفة التي يدعيها رجل الدين و هذه هي الفكرة الأساسية في البوست دا
_______________________________
لم أجد مبرراً لإعتذارك فلك مطلق الحرية في فهم كلامي على أي شاكلة تراها
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Hafiz Bashir)
|
Quote:
و رجل الدين هو الشخص الذي يعتقد و يعتقد الآخرون أنه متخصص في الدين و يقوم العامة بتوكيله بالتفكير نيابة عنهم في امور دينهم و بالتالي تصبح لديه سلطة في الوساطة بين الأفراد و ربهم
و يا عزيزي أنا بفتكر إنو رجل الدين بالفهم دا ما عندو أساس من الدين أصلاً لأنو المسئولية في الدين هي مسؤلية فردية (و كل آتيه يوم القيامة فردا) و معرفة ما يليني من الدين هي معرفة ضرورية و فرض عين علي و ما بتنفع فيها أي نوع من الوكالة
و أفتكر إنك ما مختلف معاي في النقاط دي حسب ما فهمته من مداخلاتك هنا
|
سلامات يا حافظ
لا ما مختلف معاك في الجوهر كلو كلو
الحاجة الوحيدة العاوز ابرز اختلافي معاك فيها حتة رجل الدين والمتدين .. بشكل جلي
انا شايف اصلاً مافي فرق .. اي متدين، هو رجل دين ... حسب اعتقادي
وللكل الحرية في اعتقاد/لا اعتقاد ما يرونه صحيحاً
-------
ودا القلتو للاخ صديق، قعد يقول في كلامو الفارغ اعلاه
(بالممناسبة يا صديق البوست دا موضوعو محدد .. مرحب بي وجهة نظرك دي ذاتا .. في مظنها لكن!)
اما جلب تخرصات اخرين، رديت عليها فدا عمل غير نزيه ولا كريم
الحجة تقارع بالحجة من جنسها
عادي انك ما تفهم كلامي .. وعادي انو يكون غلط ذاتو
لكن البتعمل فيو دا ما كريم في حقك
علق على كلامي هنا بما يستحقه .. و والله احترمو ليك
اما تعليقك هنا دا .. بغشك لو قلت ليك بحترمو او احترمك!!
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: فتح الرحمن حمودي)
|
| Quote: انا شايف اصلاً مافي فرق .. اي متدين، هو رجل دين ... حسب اعتقادي |
تمام شديد يا فتح الرحمن.. كدا نقطة الخلاف واضحة
في فرق بين فهمك إنت لكلمة رجل دين و الفهم الإصطلاحي السائد
حسب فهمي للبوست إنو بيكرس لتنصيب رجال دين بمعنى متتخصيصين في الدين و لهم معرفة بالدين تفوق الآخرين.. و كلمة رجل دين هنا عندها معنى إصطلاحي لتمييز فئة من الناس دون غيرهم بالمعرفة او بعلاقة خاصة برب الناس كلهم.. و دا المعنى السائد و رجل الدين بالمعنى دا موجود في المجتمع و كمان في حاجة إسمها هيئة علماء السودان مكونة من رجال الدين و ديل منوط بيهم يفتوك في أدق تفاصيل علاقتك بربك و موش بس يفتوك كمان بتتبعهم سلطات تنفيذية
و تاني حاجة أنا عندي إعتراض على كلمة رجل دين دي لأنها كلمة غير محايدة جندرياً.. و و بالتالي أختلف معك في صياغ الجملة دي " اي متدين، هو رجل دين" حتى و لو أخذت فهمك لكلمة رجل دين
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: سيف النصر محي الدين)
|
Quote: Mohd Edris
اعطيكم معلومة نشرت حديثا في الواشنطن بوست الاميريكيية خلاصتها بان الزائدة الدودية شئ زيادة و بدون دور مفهوم غلط و لا ينصح بازالتها
حاول اجيب البحث |
نعم الزائدة الدودية لديها وظيفة مناعية اذ تحتوي علي عقد ليمفاوية
تقوم بوظيفة دفاعية عكس ما اشيع عن انها لا وظيفة لها, لكن عندما
تلتهب لا مناص من الازالة, ويمكن الاستغناء عن دورها المناعي لوجود بدائل مناعية في الجهاز الهضمي...
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Hisham Osman)
|
Quote:
قال شيخنا علامة عصره و زمانه ستيفن جاي قولد عبارة صارت قاعدة اصولية لدى العلماء -الجد جد- لا يحيد عنها الا منافق معلوم النفاق:
(ٍScience and religion are non-overlapping magisteria)
|
يا النبي نوح!!
جانا تعصب رجال* العلم كمان!؟
بتهزر يا ابو السيوف في الحتة دي [ لا يحيد عنها الا منافق معلوم النفاق] مش؟
--------
فعلاً اي شيء كويس/نافع .. ممكن يلم فيو متعصب يحولو لكارثة
دا شيخي المحدثني قال كدا ..
وكل زول حر في شيخو
* اها ما رأيكم دام فضلكم يا حافظ؟
في رأيي مسألة الاعتراض على (رجل) لكل الجنس البشري دي تنطع ساي يا فردة ..
محتاج تغير كل اللغة .. مطلق لغة
ودي بتكون من لزوم ما لا يلزم .. عندنا حتات اهم منها اسي
انت قايل البديهيات الذكرتها هنا دي غايبة عن زول من منكريها؟
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: سيف النصر محي الدين)
|
| Quote: انت قايل البديهيات الذكرتها هنا دي غايبة عن زول من منكريها؟ |
المشكلة شنو في إني أذكر بعضاً من البديهيات؟
و وقت أنا بقول في بديهيات إنتي مغالطني و مبرز إختلافك معاي في شنو؟
انا كان دعيتك عشان تعلق على كلامي!؟
| Quote: ودي بتكون من لزوم ما لا يلزم .. عندنا حتات اهم منها اسي |
عندكم إنتو منو؟ و هل أنا مشمول بنون جماعتكم دي؟ بمعنى تاني - و من باب ذكر البديهيات - هل أنا ملزم بإتباع ترتيبكم للحتات حسب أهميتها؟
| Quote: في رأيي مسألة الاعتراض على (رجل) لكل الجنس البشري دي تنطع ساي يا فردة |
يا ساتر.. يا فردة راييك على العين و الراس بس ما يلزمنيش
و دام الإحترام بيننا
و السلام
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Hafiz Bashir)
|
Quote:
و وقت أنا بقول في بديهيات إنتي مغالطني و مبرز إختلافك معاي في شنو؟
انا كان دعيتك عشان تعلق على كلامي!؟
|
والله لحدي اللحظة دي ما فاهم الزعلك شنو في كلامي يا حافظ؟
انت قريت الجملة (المقتبسها) لحدي آخرها؟
امكن اختيار كلمة (بديهيات) ادتك احساس انو كلامك ما مهم؟
يا ربي؟
ان كان ذلك كذلك فابداً والله دا ما المقصود
(بس مش كان احسن تنتظر ردي على (المشكلة وين) قبل ما تتسرع بالرش دا؟
الحاصل شنو هو اليومين ديل!؟
ياخي انا قصدت المعنى الاقوى، بحيث انو (المنكرين) يكونوا بنكروا حقائق ثابتة وبائنة بذاتها بالضرورة!
بعدين التذكير حتى بـ(البديهيات) كانت واحدة من مهام الرسول (ص) .. فالذكرى تنفع المؤمنين
ما قالوا ليو بلغ الرسالة، وقرض على كدا .. ول شنو؟
ما شايف عيب في وصف كلام بأنو (بديهي) كلو كلو
---------
(نا) النصب والاحتيال دي بتشملنا انا وقيقراوي
ما عزمت ليها زول
اها اعتذر ليك تاني تجي تحرجني انو مافي ليو داعي .. ول تقبل داك محل دي
افتكر مافي داعي للبذار .. ول شنو؟
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: Balla Musa)
|
| Quote: ويمكن أن أقول أن المقارنة غير دقيقة بين هذا البوست والمقصود أو مايرمى إليه. |
شكراً لتداخلك أنت بالذات د. بلة موسى
ممكن توضح لنا أين يكمن خلل المقارنة بين هذا البوست وبوستك
Quote: وغايتو يافرانكلى لو واحد فقط اتبع ماتقوله بالحرف ومات فاطلب من الله أن يسامحك ويعفو عنك..
ياخى التوعية الصحية جزء من العلاج. وفى بعض الأمراض التوعية الصحية جزء هام جدا. |
سبحان الله يا د. بلة
ألم تفكر لحظة في تبعات من يتبع كلماتك أنت
لماذا الورع الزائد مع كلام البشر والإسهاب في اللاموضوعية مع كلام الله؟؟؟
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: وليد محمد المبارك)
|
| Quote: والله لحدي اللحظة دي ما فاهم الزعلك شنو في كلامي يا حافظ؟ |
اينعمنو أنا خصيتك ب 5 مداخلات خلال يومين من مجمل متوسط 10 مداخلات في الشهر و إنه لقدْر لو تعلمون كبير
لكين كمان برضو ما كبير شديد لدرجة إنو يكون في تفاعل و إنفعال من شاكلة الزعل و السرور و ما شابه ذلك
و العقد الذي بيني و بين منبر بكري كلو بينتهي بماوس كليك فقط
__________________________
أنا بس محتار في الدِقة الكاتلاك دي و خلاك تصر تبرز* اوجه الخلاف و تتجاهل اوجه الأتفاق
و كمان برضو مستخسر سبعة مداخلات مني في بوست مهبب زي دا
*تبرز دي من عندك و عاجبني ساي كدا بس
| |
|
|
|
|
|
|
|
|
 Re: على كل من يصاب بالزائدة أن لا يجري أي عملية جراحية لإزالتها (Re: Hafiz Bashir)
|
Quote: يا تبارك ويا بله
نعمل العملية و ما نعمل ؟
بالله نورونا ... عشان ما نطش ساي ؟
يا تبارك انت بتعرف العميري ؟
اها العميري ده ما مات في توريت |
سلامتك يا وليد ... بلة موسى الدكتور ما انا .. انا ما بقدر انصحك تعمل عملية ولاّ لأ ...
وعبدالعزيز العميري توفي بمستشفى امدرمان 4/7/1989 ... ما فاهم علاقتو شنو ...
... المهم ....
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: تبارك شيخ الدين جبريل)
|
| Quote: ممكن توضح لنا أين يكمن خلل المقارنة بين هذا البوست وبوستك |
أصلا يا فرانكلى مافى مقارنة عشان نبحث أين الخلل فيها.
أسامة البلال
الله سبحانه وتعالى يسر الذكر وقال لنا ذلك حتى لايكون لنا حجة عندما نركن للآخرين يفكروا نيابة عنا وينفحونا بفتاويهم..
نفس الحكاية لو أنت مطلع جيدا على الطب لاتحتاج لشهادة لتكتب فيه مجلدات من التوعية الصحية..
هذا مع أن كتب الطب لم يأتى تأكيد من خالقها وخالق من كتبها تفيد بتيسيرها للذكر..
يا أسامة البلال
ربناخالقنا قال لنا هاكم دا الذكر وأنا يسرته لكم يجينا فرانكلى يقول لا, أبدا, الذكر دا صعب ومابتفهموه
إنت تاخد بكلام فرانكلى وأنا آخذ بكلام الله وأصدقه مائة بالمائة وانت حر وانا حر وفرانكلى حر..
وأنا سأظل مؤمنا بماقاله الله واسرح ماشئت وما شاء وسعى وتقواى فى آفاق اليسر الإلهى المبذول لى كمخلوق ..
| |
|
|
|
|
|
|
|
|
|
Re: على كل من يصاب بالزائدة أن لا يجري أي عملية جراحية لإزالتها (Re: تبارك شيخ الدين جبريل)
|
Quote: سلامتك يا وليد ... بلة موسى الدكتور ما انا .. انا ما بقدر انصحك تعمل عملية ولاّ لأ ...
وعبدالعزيز العميري توفي بمستشفى امدرمان 4/7/1989 ... ما فاهم علاقتو شنو ...
... المهم .... |
هاهاهاهاهاهاهاهاهاهاهاهاهاها
والله يا تبارك بقيت تشبه لي فرانكلي الايام دي
هاهاهاهاهاهاهاهاهاهاهاهاهاهاهاهاهاها
المعذرة ياخ .. انا قاصد فرانكلي
قصدي اقول لي فرانكلي انو العميري مات بالزايدة العلاجها بالموية دي .. او كما قيل
هاهاهاهاهاهاهاهاهاهاهاهاهاهاهاهاهاهاهاهاها
هاهاهاهاهاهاهاهاهاها
فرانكلي = تبارك
متعه ما بعدها متعه ... لكنه العقل الباطن فاعذرونا
| |
|
|
|
|
|
|
| |
Frankly
جدو
مرتضى احمد عبد القادر
smart_ana2001
عوض أبو عيش
Elawad
Mahjob Abdalla
Balla Musa
أحمد الابوابي
ناذر محمد الخليفة
انصاف ابراهيم عبدالعزيز
محمد أبوالعزائم أبوالريش
سيف اليزل سعد عمر
أسامة البلال
زياد جعفر عبدالله
منتصر عبد الباسط
بدر الدين احمد موسى
Hisham Osman
صالح عبده
Mohammed Sedeq
MOHAMMED ELSHEIKH
وضاحة
معاوية المدير
Hafiz Bashir
ALZOLZATOO
سيف النصر محي الدين
مدثر صديق
حيدر حسن ميرغني
تبارك شيخ الدين جبريل
فيس بوك
تويتر
انستقرام
يوتيوب
بنتيريست