|
عندما يبكي طفلك طوال الليل و.....؟!
|
و في انتظارك عمل شاق صباحاً ودوام طويل.....وفي ناس مكان عملهم بكون بعيد جدا من مكان السكن مما يتطلب الاستيقاظ المبكر
نفرض ان الطفل كان مريض
هل تخرج من غرفة النوم وتشوف مكان هادي تنوم فيهو وتترك زوجتك تساهر للصباح براها مع الطفل ؟
لو ساهرت معاها للصباح ممكن تضيع الشغل او تمشي منهك وغير مركز مما ينعكس على اداءك وربما يقود لاخطاء جسيمة في العمل
لو تركت زوجتك براها مع الطفل ومشيت نمت بحجة انو انت برضو تعبان ورا اكل العيش وشغلك دا في النهاية ليهم هم...هل دا مبرر كافي؟
قد تتذمر زوجتك وتقوليك انت اناني...الطفل دا مابرضو حقك انت ليه تخليني اساهر معاهو براي...والموضوع يبقى مشكلة وربما تكبر شديد
ماهو الحل الامثل لهذا الاشكال؟
|
|
|
|
|
|
|
|
Re: عندما يبكي طفلك طوال الليل و.....؟! (Re: احمد سيد احمد)
|
الحل الأمثل لمشكلتك دي؟ تودوه لي أقرب أخصائي أطفال.. لو قال ليكم نصيح وما عندو حاجة....تحمدو ربكم وتعتبرو بكاهو دا زيو وزي أي حفلة مدورة في الشقة الجنبكم... براهو بتعب من البكاء وبنوم...
أصلا مافي نوبة بكاء بتشتغرق أكتر من ساعة
| |
|
|
|
|
|
|
Re: عندما يبكي طفلك طوال الليل و.....؟! (Re: nazar hussien)
|
Quote: لو تركت زوجتك براها مع الطفل ومشيت نمت بحجة انو انت برضو تعبان ورا اكل العيش |
الاجابة حسب نوع البكاء ....اذا عيان او جعان ليهوا الحق .... لكن اعتقد ان تربية الاطفال في الشهور الاولى في السودان غلط ...يعني بي سبب و بدون سبب بدوى الطفل يرضع ..و ده سبب اساسي بخلى الطفل بد داك صعب التحم فيهو .. المهم الكلام المقتبس اعلاه اعتقد انو حل مثالى هههههههههه........
| |
|
|
|
|
|
|
Re: عندما يبكي طفلك طوال الليل و.....؟! (Re: مدثر صديق)
|
سلامات اخونا حسين واجابتك نموذجية عديل كدا ماشاء الله
اخونا نزار تحياتي...مرات بكاء 10 دقايق او 5 كفيل باشعال فتيل الازمة التى تتكرر كثيرا واكيد الموضوع ما مرة في السنة لكن نتيجة تكرار ومناكفات في كل مرة يحصل
اخونا مدثر سلامات معانا اخونا في السعودية الدوام بتاعو كان على بعد 400 كيلومتر من مكان سكنو وبجي كل نهاية اسبوع ومرات زي دا الحفلة تدور وهو يكون بكره قايم دغش عشان يقطع 400 كيلو
قلت لي تتذرع باكل العيش وهمو هههههههه والمسكينة تاكل نارها براها؟
| |
|
|
|
|
|
|
Re: عندما يبكي طفلك طوال الليل و.....؟! (Re: مجدي عبدالرحيم فضل)
|
اعتقد انوا الطفل مفروض يرضع كمية معينة في اليوم حسب وزنوا ....و كده و كمان اعتقد انو الطفل ما مفروض يبكي الا في حالتين فقط جعان ....او عيان ...يمكن ان تلاحظ الفرق بين الاطفال في السودان و اطفال الاوربيين ....؟؟ اتمنى ان تفتح لينا بوست عن تربية الاطفال ........... .... في واحد من اصدقائي تزوج و جابوا ليهوا (طفل) قال لى ( ده يربوهوا كيف ...نحن زاتوا عاوزين تربية )!!!!
| |
|
|
|
|
|
|
|