|
Re: الناس البتسأل عن أين القائد تلفون كوكو: شاهدوا هذا الفيديو !! (Re: Kostawi)
|
كوستاوينا
يا كوستاوي ,الفيديو دا فيهو جون قرنق, و الحركة الشعبية دي هي الحركة الشعبية الام فيما كان جنوب السودان, و كانت تنظيم عسكري خاض حرب ضد جيش السودان و كانت تسيطر على اراضي "محررة" و لها اسرى و جون قرنق هنا جاء شخصيا و صور فيديو و معه اخرين (و الاخرين ديل اظنهم من التجمع الوطني) و تحدث لأسرى الجيش, و دي لدرجة ممكن تعتبر شفافية, و ضمن سلامة الاسرى. لكن الوضع مختلف في جبال النوبة تلفون كوكو مغيب من الانظار, و بقى زي البطاطسة الحارة كل واحد (ناس الجنوب و الحركة الشعبية شمال) يجدعوه للتاني و التاني يجدعو لأن امره غير معروف! مسئول من حكومة جنوب السودان قال تلفون كوكو تم تسليمه للحركة الشعبية شمال, و الحركة الشعبية شمال قالت لا هو موجود في سجن قاعدة في الجنوب, يعني بالعربي يا كوستاوي لا توجد اي ضمانات لسلامة تلفون كوكو بل غير معروف هل هو حي ام ميت, هل الامرين سيان هنا يا كوستاوي ياخ?
يعني افهم كدة انك لا تمانع في اعتقال المواطنين و اخفاء اماكن وجودهم لو فعلت ذلك الحركة الشعبية, لكنك ضد الاعتقال لو تم من حكومة الانقاذ?
كوستاوي تحسس مبادئك!
| |
|
|
|
|
|
|
Re: الناس البتسأل عن أين القائد تلفون كوكو: شاهدوا هذا الفيديو !! (Re: بدر الدين احمد موسى)
|
يا بدر السما الحركة الشعبية شمال (الما أم) ما عندها حق أسر أعدائها العسكريين?
يعني تقتل? ما تجيبو حي?
بكرة دي لو الحركة (الما أم) دخلت كادقلي بجيشها البحارب ضد جيش المؤتمر الوطني و أسرت مجموعة من أفراده, مفروض تعمل ليهم شنو?
في حين جيش الإنقاذ ما عندو ثقافة (السجون)....يعني ردم فقط.
ياخ أنا وضعت الفيديو دا عشان الناس بتعرف إنو الحركة الشعبية, كان الأم أو الولد لديهما أسلوب واحد و ثقافة واحدة...القائد تلفون كوكو,في رائي أنا, أسير حرب و لو حكومة الإنقاذ و الحركة (الأم أو بتها) عايزين يصلوا لإتفاق في تبادل الأسرى فلهما ما لهما.
المهم الحركة الشعبية شمال لها كل الحق في أسر أعدائها العسكريين
| |
|
|
|
|
|
|
Re: الناس البتسأل عن أين القائد تلفون كوكو: شاهدوا هذا الفيديو !! (Re: Sulaiman Adam)
|
كوستاوينا
تحياتي
Quote: يعني تقتل? ما تجيبو حي? |
يا كوستاوي, هل تم اسر تلفون كوكو في معركة? ام انه قال كلام لم يرضي الحركة الشعبية?
لو قال كلام و تم استدعائه لجوبا و من ثم اعتقاله, فيا كوستاوي, هو سجين حرية ضمير و تعبير, يعني دا انتهاك لحقه في التفكير و التعبير و المعارضة, و ليس لأنه قبض عليه في الميدان و في يده دانة! و غير كدة يا كوستاوي, من المهم تحديد هل في سجون حكومة الجنوب, ام في يد الحركة الشعبية شمال. و لو هو في يد الحركة الشعبية شمال, فعليها توضيح الامر للسودانيين لأن اعتقاله يطعن في مصداقيتها كتنظيم يعرض نفسه كمحارب من اجل الديمقراطية و حقوق الانسان, و ما لم تأتي بمسوغات و اسباب مقنعة, فيا كوستاوي, عليك انت ايضا ان تدين سلوك الاعتقال الجزافي غير المقيد.
| |
|
|
|
|
|
|
Re: الناس البتسأل عن أين القائد تلفون كوكو: شاهدوا هذا الفيديو !! (Re: معاذ الفحل)
|
Quote: يا كوستاوي, هل تم اسر تلفون كوكو في معركة? ام انه قال كلام لم يرضي الحركة الشعبية? |
يا بدر السما ياخ ما "تستكرتنا" حافي كدا إحترم عقولنا Yes كوكو أسر في معركة أضخم من معارك الرصاص
لغاية دلوقت ما جاوبت على السؤال الأول هل الحركة (هناك و هنا), كحركة أو حزب عندها الحق في أسر الأعداء العسكريين
القائد تلفون كوكو ما مواطن عادي زي بدر السما أو كوستاوي القائد تلفون عسكري قدر الدنيا...قائد لمنظومة عسكرية و له أتباع يعلم عن الحركة و أسرار الحركة و تاكتك الحركة ما لم يعرفه المواطن بدر السما.....دا شغل رصاص و أسرار و مووووووت بالثانية
كلامك الفوق دا ممكن يكون صحيح لمن الحركة تسجن المواطن بكري أبو بكر (الهولنا دا) الما بعرف يفرق بين تلودي و كلوكي و كادقلي و أبو جبيهة
فيا بدر السما نديك فرصة تانية لنقد و تفكيك كلامك القلتو دا في بوست آخر (أوعك تلف و تدور و تتعصب....سمح!)
| |
|
|
|
|
|
|
|