|
|
 يا زريباب :لو البريروغارزيتو مشوا , شيلوا عمو هيثم العمل ليكم كوكا ده!
|
يا زريباب : لو البريروغارزيتو مشوا , شيلوا عمو هيثم العمل ليكم كوكا ده
دي فرصة ذهبية إنه عمو هيثم يرجع ليكم ونرتاح منه لأنه صراحة نحن ما ناقصين رواكيب , هسه لو عمو هيثم ده كان لاعب معاكم , كان عطل اللعب زي دقيقتين كده والقون ما كان جا , وما كان بويا بكى بي دموعه كده , وما كان معاوية فداسي بقى يزازي بيكم كده يخش ولا ما يخش!!!
بريركم ده خلوهوا يرجع يبيع خيشو وجركاناته الفاضية , ماله ومال القرايي إم دق؟؟
بالمناسبة كان في لاعبين لابسين فنلة بي رقم واحد , عندكم شكوى المره دي ولا حتاكلوها على اللباد؟؟
|
|
 
|
|
|
|
|
|
|
|
Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Mohamed Abdelmotalib Hassan)
|
فريق على راس إدارته بتاع شوالات خيش وجركانات وملاكم غير محترف , شن عرفو بالكورة؟ أصلاً فريق تركيبته الإدارية كده , وعقلية لاعبين لا تبعد عن عقلية اليوميات بتاعة البنيان , ضعف في كل شي , فريق كمؤسسة غير مؤهل لإعتلاء أي منصة تتويج خارجية , حيظل كده إلى أن تقوم الساعة , الكلام ده قلته ليكم سنة تزعمية وتزعين , قلتوا لا , ومليتوا الدنيا تنظير ونقة , يلا خموا وصروا , أحسن ليكم ظاطو أنه طار من هسه لأنه قون الثانية صفر أول أمبارح ده , الكان ليكم بمثابة رصاصة الرحمة , قطع شك لو ماكان جا , وإتأهلتوا , كان عشمتوا زي كل مره وفي النهاية ضغطكم يرتفع والكولسترول يرتفع , وده بصراحة ما كويس لأنه كان حيخلق لينا ندرة في الأدوية المنقذة للحياة , والناس الفعلاً محتاجين يروحوا في شربة موية , لذا خيراً فعلوا : بوية , وفساوي الراكوبة , وجمعة (قورنال) وأخوانهم.
الفكرة بتاعة التغيير الفي الثانية الأخيرة ده كان فكرة منو بالله؟؟
صدقوني لو حنستوا عمو هيثم ده ورازيتوهو شوية كده حيرجع ليكم , وبطنكم تبرد , عشان ما تبقى عليكم : ("طيران" وخراب ديار))!!
((لا برنساً حفظ , ولا تأهلاً تأهل!!)).
وكدا!!
(عدل بواسطة Mohamed Abdelmotalib Hassan on 04-08-2013, 01:44 AM)
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Mohamed Abdelmotalib Hassan)
|
عمو هيثم ده ظاططو شفقان شديد ياخي , يعني هسه لو كان طاطي شوية لي غارزيتو , وجرا واطي للبرير , هسه كان بعد الكورة دي غارزيتو يتوكل , والبرير أهو من نفسه شايفه عامل ليه حركة في شكل إستقالة , وكان الجو خلى ليهم وحمل الجمل بما حمل , يعني كان ضرب كل العصافير بي (مسمار) واحد في الثانية الأخيرة.
ياخي إنتو فتوا الزول بتاع خفي حنين ظاطو : عمو هيثم وطار , البرير "هوك "عامل مستقيل , وغارزيتو التمرين الجاي حيتضرب ويشتت , وتأهل ما إتأهلتوا , والله البقت عليكم لا بقت لا حكت!!
إنتو فارشين وين للمصائب المركبة دي؟؟
"الفاااااتحا".
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: حيدر بشير)
|
جمهورنا ده جايب كاسات من برا ما ضروري يتغير , بعدين مش ياهو جمهوركم الدق المدرب قبل أسبوع؟ ومش ياهو الجمهور الحطم كراسينا؟
ده كله ما مهم , المهم لما تغيروا غارزيتو والبرير أهم حاجة ترجعوا الراكوبة عمو هيثم ده , عمل لينا نفسيات وكجانا في الدوري المحلي ظااااطو , وأي كورة ثابتة جاي غازي كيعانه ومقوس ضهروا زي النشاب , الكلام ده يعملوا هناك عندكم , مرضنا مرض ده ياخي!!!
الله يحلنا منه ياخي!!!
وليك الإحترام والتجلة وأحر التعازي!!!
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Mohamed Abdelmotalib Hassan)
|
البشوف فصاحتكم دى يقول خلااااص انتا اتاهلتو وبنتيجة كبيرة
ياخ انتا مضروبين ومذلولين ومفضوحين جوه وبره
فريق عبارة عن كوامر وعاهات فريق بلاروح
الهلال سيدكم وسيد بلدكم دى خرج بفارق هدف واحد فى اخر كسر من الثانية
وجاب تلاته اهداف رجالة وحمرة عين
انتو الهدف جبتو بشق الانفس وفطيستكم الاسمو اكرم ده جايبين فى قووون من نص الملعب
انتو غير الفصاحة وفليق الحجار عندكم شنو ياضلنا
فريق فيهو موسي الزومه وضفر والعجب ده فريق ده البركة فى هيثم الصنع ليكم الهدف
امشو شوفو الوالى بوين خلى يصلح استاكم الكسرو الرعاع ديل
| |
|
|
|
|
|
|
|
|
|
Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Sulaiman Adam)
|
| Quote: دي فرصة ذهبية إنه عمو هيثم يرجع ليكم ونرتاح منه لأنه صراحة نحن ما ناقصين رواكيب , هسه لو عمو هيثم ده كان لاعب معاكم , كان عطل اللعب زي دقيقتين كده والقون ما كان جا , وما كان بويا بكى بي دموعه كده , وما كان معاوية فداسي بقى يزازي بيكم كده يخش ولا ما يخش!!! |
والله يامحمد لم اشاهد هيثم مصطفى يؤدي مباراه من قبل مع الهلال في الخمسه سنوات السابقه مثل ما ادى مع فريق المريخ مباراته الاخيره
اما ناس البرير وغارزيتو ... لاتعليق
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: وليد عبد اللطيف)
|
بالنسبة لي قون الكسر في الثانية :
1- نضم صوتنا لصوت جميع الزريباب , ومن هنا حنقدم طلب للفيفا , إنه من الليلة ولي قدام يشوفوا لينا طريقة للأقوان البتجي في كسر من الثانية دي , لأنها بصراحة أقوان فيها سرقة لمجهود اللاعبين , وبصراحة قون بايخ شديد وبيأثر على شعبية اللعبه , (نأنو) ما ممكن اللعيبة ديل يخلوا التزعين دقيقة دي كوووولها وما يحلى ليهم يجيبوا قونهم إلا في كسر الثانية الأخيرة دي , ونتعهد بعمل ورشة عمل لمناقشة هذا المشكلة العويصة شديد , وستتبعها ورشة عمل تانية لمناقشة مشكلة القون البجي في كسر كسر كسر الثانية ظاااطها.
2- لو وافقت الفيفا على توصياتنا حنطالب بتطبيق القرار بأثر رجعي عشان فريق السواسيو ده ياكل نيم عشان حركتهم السخفيفة بتاعة القون الفي الكسر الأخير من الثانية ده , بس إنتو يا زريباب أعملوا ليكم همة معانا وتقلوا الجيب عشان الموضوع ده فيه دفع وزبالة تقيلة لعمكم حياتو , ولو بقيتوا جاهزين أدونا سلك وخلوا الباقي علي , والببقى علي أنا هين , لو إنتو بتقبلوا (بــ و يا)!
بالنسبة لي باص القون :
1- إنتو لسه عايشين بي عقلية القرن الطمنطاشر داك , اللاعب البقيف تزعين دقيقة ويكفي يجدع باص قون وينهي المباراة؟ الكلام ده عندكم هناك في زريبة العيش , عندنا في المريخ ما في كلام زي ده , البرينسة بتاعتكم دي طعمها زيها وزي موسى الزومة وقلق سابقاً ومصعب عمر ونورالدين عنتر سابقاً.
2- تأليه اللعيبة ده ما عندنا في مريخ العظمة , يعني سيدنا هيثم عنخ آمونكم ده , مجرد لاعب لا ينقص ولا يزيد كثيراً عن محمد موسى ولا ضقل ولا نجم الدين الأروش , ولا أمير كمال الراكوبة , وعشااااان باص القون العاجبكم ده أهو نحن ما قلنا حاجة , تعالوا شيلوهوا , بخيت وسعيد عليكم , علينا يمهل وعليكم يسهل , خلصونا منه عشان الكوكا الماسكاكم دي تفك ولو شوية.
3- يازريباب إنتو حتى حاسدننا على باص قون عمو هيثم عنخ آمون ده؟ ياخي حتى الغنماية لو لقيتها مشردة وأهلها طاردنها , ووفرت ليها ضل وأديتها قش , آخر النهار بتديل شخبة لبينة , مش كتر خيرنا لمينا ليكم فضيحتكم وعاركم بعد طردتوا حبة الفؤاد ده؟ لا بالله , يعني كمان عايزنه ما يدي باص قون؟ إنتو أصلكم زريباب ولا مناشير؟؟
3- نحن فصيحين بي حقنا , جايبين كاسات من برا , ودي فرمالتنا , لما تجيبوا كاس مريسة من برا , ما عندنا مانع تتفاصحوا علينا , ولحدي الوكت داك تسمعوا فارغتنا , وتاكلوها على اللباد ومن سكات , إنتو كاس ما تجيب , لسان ما تلم؟
أموت أنا في حنك وجرسة القون البجي في آخر كسر من الثانية ده , يعني ما يحسبوهو ولا شنو؟
ويييييييييييييو!!!
| |
|
|
|
|
|
|
|
|
|
Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Mohamed Abdelmotalib Hassan)
|
فأر وعنظزة وطولة لسان :
Quote:
الفيفا يمهل الهلال 24 ساعة لسداد 600 الف دولار مستحقات المحترفين الأجانب
السبت 13 أبريل 2013 الساعة 1:42
الفيفا يمهل الهلال 24 ساعة لسداد مديونية المحترفين
تفيد متابعات قوون اللصيقة للاحداث بان الاتحاد الدولي لكرة القدم فيفا قد امهل الهلال حتي يوم غد الاحد لسداد مبلغ ستمائة الف دولار عبارة عن مديونية خاصة باللاعبين المحترفين الذين انهي الهلال تعاقده معهم خلال الفترة الاخيرة وهم المدرب كامبوس ،يوسف محمد وايفوسا.
جماهير الهلال تناشد الاقطاب بالتدخل لسداد مديونية الهلال الدولارية
اعربت جماهير الهلال عن قلقها وانزعاجها للمهلة التي منحها الفيفا للهلال لسداد مديونية المحترفين خلال 24 ساعة.
وناشدت الجماهير كبار اقطاب النادي بالتدخل السريع لسداد المديونية وانهاء الازمة التي ستكلف الهلال متاعب مالية جديدة. |
http://goansport.net/new/node/9381
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Mohamed Abdelmotalib Hassan)
|
يا وليد الحكم على اللاعب أكيد ما بكون بي مباراة ودوره في تلك المباراة , في عوامل كتيرة هي بتحدد قيمة اللاعب ودوره في الميدان , عمو هيثم عنخ آمون ده لعب في الأمير البحراوي زي عشرة سنوات , وفي زريبة العيش سبعتاشر سنة , يعني حيكون سجل في الأمير عمره كم سنة؟
وعلى كل حال وطالما مستواه ده حتى في الهلال ما قدمه , ده سبب قوي كمان عشان الزريباب ديل يشيلوهوا , إن شاء الله يجيب ليهم كاس العالم للأندية , نحن في المريخ ما عايزن رواكيب , عندنا من نوعه ده كفااااية , وهي براها ما ناقصه , كلنا عارفين إنه تسجيل عمو ده ما كان لي سبب سوى تصفية حسابات سواء منه أو من بعض إداريي المريخ الأغبياء , و فش غبينة من اللاعب بعد شعوره بالإهانة البالغة بعد كل السنوات التي قضاها في الزريبة.
هسه الشيكات الإتبرع بيها عمو هيثم ده لي لجنة مسجد الزريبة كلها إرتدت , والبرير عامل نفير وإستنفر مية تاجر عشان يغطوا الشيكات , وفوق عندك الفيفا عايزة ستمية ألف ضوررار.
بعدين فريق الزريباب ده مستحيل يجيب ليه عمار من برا , لأنه ضاربه شيطان , وفيهم عضم شقاوة الزريباب ديل وحشاهم ده لا ببرد ولا بالهم بهدا.
كنت إتمنيت شطب عمو هيثم ده من فريق الزريباب عشان نرتاح منه في الفريق القومي , وفعلاً إتشطب (لكن لي أذانا) , وهسه بتمنى يستغنوا عن غارزيتو عشان نتعاقد معاه في المريخ ويطفش لينا عمو هيثم عنخ آمون ده , شاحد ربي غارزيتو يجي لاحقك يا عمو هيثم عندنا , الشافك مسجل في أهلي عطبره ما كضب , تلعب مع قلق راس , وتقعد ليه كنب كمان.
شاحدك يا الكريم!!!
| |
|
|
|
|
|
|
|
|
 Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: محمد البشرى الخضر)
|
ود البشرى :
مافي أي حاجة غالبانا الحمدلله , كلامي ياهو زاتو في محله بخصوص عنخ آمون ده , وهي مسألة وقت ويغادر , وأنا والله مافي حاجة مخففة علي تسجيله عندنا إلا كمية الغلغلة اللي أصابت الزريباب جراء شطبه أولاً , وجراء تسجيله عندنا ثانياً.
إذا نحن عذابنا واحد , فإنتو عذابكم مزدوج ومركب , والعذاب ده حيبقى ثلاثي ورباعي لما يكتمل سيناريو مغادرة غارزيتو ونتعاقد معاه , والبرير أهو شتت.
وجع في قلب إسرائيل!!
| |
|
|
|
|
|
|
|
|
|
Re: يا زريباب :لو البريروغارزيتو مشوا , شيلوا عمو هيثم العمل ليكم كوكا (Re: Sulaiman Adam)
|
أهو وإنتو الكنتو مصدقنوا لاعب معاكم ولعب معاكم
فعلاً , عمارو شنو ليكم؟ ياتو كاس مريسه جابوا ليكم
من برا مثلاً؟
يعني عندنا حيجيب التايهه مثلاً , والله التقول بتتكلم عن
دروكبا!!!
فريق تمنين سنة بلاهي بي كاس , عملتوا لينا قوبه ظاتو
بي كاسكم الزانقكم تمنين سنة ده , فريق زريبة ضاربو شيطان
لا (جنا( لا (تنا)!!
الله يحلنا من هذا البلاء , وخلوهو يرجع ليكم عشان الكوكا
دي تفككم شوية.
والله أنا مستغرب فريق الزريباب لسه في ناس بتشجعه؟؟
حاجة غريبة لكن!
| |
|
|
|
|
|
|
| |
Mohamed Abdelmotalib Hassan
Sulaiman Adam
وليد عبد اللطيف
محمد البشرى الخضر
فيس بوك
تويتر
انستقرام
يوتيوب
بنتيريست