يا حليلك يالحضري

Quote: الغلب ما عيب العملتوه امس ياهو العيب

(عدل بواسطة tmbis on 04-06-2013, 10:10 PM)

Quote: موش كان عندك موضوع ياوليد عن النفس الطويل للاعبي المريخ في البطولات مقارنه بلاعبي الهلال هذا الموسم او حاجه من هذا القبيل ؟

نفس طويل كيف اذا كان البجيب القون ما لاعب
والبحرس القون ما لاعب

Quote: والله يا عمر انا غير مطمئن بتاتا الاتنين ناقصهم المحتاجنو الهلال محتاج ما يدخل فيه قون ودفاعو ما مضمون والمريخ محتاج لقون واحد وهجومو قاعد في السهلة

Quote: العملتوه امس ياهو العيب

Quote: كيف يا هشام هنا ولا في البلد ديك ياخ امبارح دلوكتك كانت وين ؟

..

اها قمتا اتنفضتا وقفلتا تلفوني ..

لكن حق الليلة ده ابدا ما شفتو ..
جابت ليها فليع كمان ..




-------------------
انا سادي ليك خانة في دبي يا شفت ..
مكانك شاغر يا فردة ..
يا حليلك بالكتير ما بالشويه ..

Quote: نقص في الدفاع اهم زول باكو الشمال

Quote: وفي الهجوم لا مقارنة بين اديكو وساكوها ومن سجلهم

لا توجد مقارنة ابداً و في الاصل ( موانزا ) و ( سليماني ) ما مهاجمين صريحين وهما لاعبي وسط متقدم .. وفي الموسم السابق اغلب اهداف الفريق بيحرزها المهاجمين عكس هذا الموسم

Quote: يعني عالج مشكلة الارتكاز وصانع اللعب وقام قداها قدام ووراء

مشكلة الفريق في السابق كانت في الوسط ولفترة طويلة وخاصة الوسط المدافع وفي هذا الموسم تم معالجتها بافضل لاعبي محور في الساحة ( رمضان عجب وعلاء الدين يوسف وامير كمال ) ومرتضي كبير . وزي ما تفضلت طالما تم معالجة مشكلة الوسط بلاعبين وطنيين مفروض الفرص التانية تكون للمحترفين وعلي مستوي عالي

او اقلاها تكون خانة بخانة
ذهب ليما طرف شمال ــــ سجل طرف شمال
ذه ساكواها واديكو مهاجمين ـــ سجل مكانهم مهاجمين وكده اامور بتكون ظابطة

واليقيظك اكتر الفريق به اربعة محترفين ( باسكال و موانزا وسليماني وماكسيم ) والفريق لاعب بمحترف واحد من البداية ( باسكال ) ... وموانزا لعب متاخر

طيب المحترفين ديل لماذا تم تسجيلهم ؟؟

غايتو نتمني ان تتم معالجة هذه الاخطاء

وباقي الموسم ده خلونا نحكو مع الصفيراب ديل

مودتي !

(عدل بواسطة طارق حرسي on 04-06-2013, 11:44 PM)

Quote: هاردلك يا حبيب و الحمد لله علي كل حال وحظ أوفر في المرات القادمة ان شاء الله البيزعل في مبارة اليوم المريخ لعب كورة جميلة مقارنة بالمباريات السابقة و استحواز تام للكرة واجبار المنافس علي اللعب في ملعبه في اغلب الاوقات في المباريتين وجد المريخ فرص كثيرة ضاعت ولم تجد من يترجمها الي اهداف المريخ بلا مهاجمين و بطولة زي دي عايزة ليها مهاجمين ( فرفارين ) يركبوها في مأذنة الجامع المريخ يفتقد المهاجمين القناصين المهاريين السريعين اصحاب الحلول الفردية

Quote: البيزعل في مبارة اليوم المريخ لعب كورة جميلة مقارنة بالمباريات السابقة و استحواز تام للكرة واجبار المنافس علي اللعب في ملعبه في اغلب الاوقات

Quote: دا نفس الكلام الإتقال بعد مباراة الإتحاد مدني في الدوري و استيقظتو على الحقيقة في الكورة البعدها و البعدها و البعدها التيم الأنغولي جاي باستراتيجية واضحة مبنية على الدفاع و التراجع الكامل و اجادة الهجمات المرتدة و سرعتها لما تيم يلعب قدامك بتكتيك زي دا تسعة لاعبين في منتصف ملعبه بديك احساس انك مستحوذ ومسيطر على الكباراة وهي في الحقيقة سيطرة كاذبة و استحواذ غير فعال شنو يعني ماسك الكورة و بتلعب بيها باصات عرضية بين مدافعينك ولعب طويل؟ كم ضربة ركنية في الشوط الأول تحديدا للمريخ كم للتيم الأنجولي؟ كم هجمة فعّالة؟ أخطر هجمة في الشوط الأول - آكشوالي هي قوون بس الله غالب :) - المرقها باسكال من ورا خط المرمى الشوط التاني كان أنغولي تماما عملوا العايزينه قفلوا الدفاع وانتو ساعتوهم باللعب الطويل حتى قون المريخ نتيجة لباص طويل و سرحة من مدافعي الأنغولي بعد جابوا قونهم وشبه اطمأنوا على النتيجة الجزء الأخير من الكورة بعد تعادل المريخ الناس ديل هاجموا عديل كدا و عملوا فيكم الدايرنه شي مقاسات وشي يهدّوا الكورة و شي يسرّعوا الإيقاع الما عارف الحاصل يقول ملعوبة في انغولا, بصراحة كدا التيم دا ظهر بشكل مغاير لكورتو الأولى و فاجأكم عديل في رأيي التشكيلة هي الأنسب بس اعتقد الباشا كان مفروض يلعب من البداية و طالما كلتشي ما جاهز موانزا على ايه حال افضل من محمد موسى هاردلك تعيشوا وتاخدوا غيرها, وتاني حاولوا اجلّوا الشماتة شوية عشان ما تجيبوا لروحكم الجلا :)

Quote: يا تمبس المشكلة مافي القون الاف سايد المشكلة في القون الما اوف سايد وما حسبو نحن ما عندنا كورة انتو لا عندكم لا كورة ولا اخلاق