|
|
 أخيرا يا غارزيتو البرير ...؟
|
كنت ابحث عن هديـة من السماء تعيد مجد الهلال .. وتنظم الاوراق المبعثرة.
بعد أن عجز ابناء الهلال المحاربين القدامى .. عن قلب التربيزة من أمام البرير .. ومن خلفـه عجوزه المدلل غارزيتو واشباحـه الذين استوردهم كلعيبة منتهي الصلاحيـة .. على شاكلة ، ايكانغـا اسوا نموذج مر على الفرقة الهلالية .. ممنذ ان بدأ أو ابتدا ما يسمى بقانون الاحتراف والذي لم تستفد منه الكورة السودانية .. ولم يقدم لنا ما يذكر في مجال تطوير اللاعب السوداني أو حتى على مستوى النادي وحان الوقت للحديث وبكل صراحـة عن هذا البند المهم .. فمعظم اللعيبة كما ذكرنا تأتينا في شكل عاهات مستديمة وتأتي لتختم حياتها الكرويـة وتجمع اكبر عائد مادي .. والدليل على ذلك عدم استفادة فرقنا من اللاعب بالنحو الجيد .. الصرف على اللاعب اكثر من الصرف على النادي .. وجود اللاعب في الكشف خصما على الكثير من اللعيبة الوطنيين الذين يفوقونه مرات ومرات في المستوى .. صحيا وبدنيا وذهنيا.
والملاحظة الثانية .. هي اننا نحتفي باللاعب اكثر مما يجب .. بل ونخلق له مجسمات من الذهب الخالص والشمع ونهتف له .. وهو لا يعني شيئا وكثيرا ما أخرجنا من المنافسات بالمستوى المتدني الذي يظهر به نتاج ارتزاقـه فهو يعتقد انه اتى كلاعب محترف وولائه يتمركز على المادة التي بمقابلها يعمل .. كالسيارة التي لا تسير إلا بالوقود .. والدليل على ان ما يأتينا من لعيبة عبارة عن مخلفات اندية هو عدم سماعنا بتلك الاسماء التي نهتف لها ونحملها على الاعناق .. ولا نرى لها قائمة تقوم بعد أن يرحلوا من عندنا .. فهم عادة يذهبون ويلفون حول أنفسهم أو ربما يقوم الوكلاء بإعادة تدويرهم لنا بعد سنة أو شهور عديدة أو يقوموا بدور الالتفاف من الداخل ... وذلك بإعادة انتاجهم مرة أخرى بأحد الاندية وبأقل من المردود المالي الذي جأءوا به متعاقدين مع أحدى فرق المقدمـة .. ولو نظرنا لتاريخ الاحتراف .. لوجدنا أن منذ بداية هذا القانون والتعامل بـه .. أن هناك لعيبة يعدون بعدد الاصابع تم الاستفادة منهم وقدموا مردود ضخم مقارنة بما دفع لهم .. واخص بذلك بعض اللعيبة الذين مروا على تاريخ الهلال امثال .. يوهانس ، وسادومبـا فهم لعيبة اصحاء بدنيا وذهنيا ولكن الاخير سادومبا تدخلت المادة .. وبعض الاحقاد من بعض الافراد في المجتمع الهلالي وتلك امور لانود الخوض فيها .. على الاقل في الوقت الحالي إلى حين فتح كل الملفات .. والايام القليلة القادمة ستظهر العديد من الحقائق .
|
|
  
|
|
|
|
|
|
|
 Re: أخيرا يا غارزيتو البرير ...؟ (Re: فايزودالقاضي)
|
امس فرحتا
وقلتا ارجع اشجع من جديد
لكن
مصرت ليمونة واقلعت عن التشجيع فوراً
واتذكرت التحذير المصاحب لكل فريق
تحذير من الفرق السودانية
التشجيع ضار بالحنجرة
........................................
العزيز / تمبس تحياتي
والجات في القون طيرتنا
والجات في البرير فرحتنا
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: الجنيد حمد)
|
| Quote: وقلتا ارجع اشجع من جديد |
عاين يا الجنيد مسالة اني انا القدامك دا اشجع الهلال دا في وجود غارزيتو والبرير دي حاجة اصلو ما بتجي في راسي ..
حتى ولو جابو لي استاد الهلال دا في خشم بابنـا ..
ودي مقولة شهيرة كتبتها هنا دا في البكان دا من فترة طويلة .. امس لاول مرة اشعر اني ما فرحان بالرغم من الاهداف الهلالية .. وكنت للاسف الشديد بتمنى انو الهلال يجيب تلاتة اقوان لكن يدخل فينا الهدف القاتل .. والحمد لله حصل ما حصل ..
لو تأهل الهلال امس يا جنيد دي كانت اكبر ماسورة في التاريخ ممكن تكتب للهلال .. في ظل وجود البرير وايكانغا وغارزيتو وسينكارا ..
لو تأهل الهلال أمس بتلك الطريقة المخجلة من نقض هدف واضح جدا للفريف الضيف ونقض الحكم المرتشي لهدف سليم مية المية .. لكنا فرحنا ونحن نكيل الرماد على انفسنا وفي اعيننا بالتحديد .. بالرغم من اننا اكتر من تجرع من ظلم التحكيم .. وفساده في القارة الافريقية .. لكن ابدا .. لن نستخدم السلاح الذي قتلنا به من قبل .. افضل لنا الف مرة ان نلعب كرة نضيفة .. ويعرف الجميع الهلال بكرته المميزة . لا بشراء ذمم التحكيم ولا برشـوة امثال هذا الحكم المجرب من قبل ..
لابد كان من هزة عنيفة تقتلع كل الفشل من جذورة .. وكنت اتمناها مدوية اكثر ويقوم شعب الهلال باقتلاع البرير وغارزيتو بالقوة الجبرية وليس بان ينالو شرف التنحي بناء على طلبهم الخاص وبعد ان قتلوا كل شئ جميل في ابناء الهلال ..
لو استمر البرير وغارزيتو بالهلال وبعض اللعيبة الاشباح سنستمر في مقاطعة الهلال وتشجيع الهلال .. لن نكتب من أجل ان ندمر الهلال لن سنكتب من أجل ان نصحح المسار ولابد اخيرا من عودة ابناء الهلال المدربين .. أو الاداريين الذين يعرفون قدر الهلال .. لا بتلك الفئة التي تحكم الهلال وكأن الهلال مستوطنة خاصة به يديرها بماله وبحماقته ويديرها بجهازه الاعلامي الموجه من أجل ان يظل في كرسيه
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: فايزودالقاضي)
|
بل حان وقت نقلع هيثمنا ونرجع ليكم شغيلكم يا ود القاضي...
هسي انتو بتخجلوا...واللا عندكم ذمة
هيثم قارورة...وسيبا.. وجرايدكم وجماهيركم نبذت لامن ربي غفر لها...
هسي بقيتو تغنوا ليه...
حقكم؟؟
هسي لولا ناس البرير وغارزيتو ديل الشغيل دا بدقها في الهلال؟؟؟
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: nazar hussien)
|
الاخ/ تمبس
سلام
يعني هي بقت على المدرب والبرير!!
كل المدرجات كانت في فرح ومرح من الدقيقة 80 وبدأت احتفالية العبور.. ولكن..
وامبارح لولا الهدف اللعين في أخر لحظة.. هل سيكون الموقف من المدرب، الرئيس واللاعبين بنفس الصورة؟
ياخي معليش وهاردلك .. والكورة اصلا مدورة...
الدعوة موجهة لاحتفالية الزعيم اليوم
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: Abdlaziz Eisa)
|
Quote: الاخ/ تمبس
سلام
يعني هي بقت على المدرب والبرير!!
كل المدرجات كانت في فرح ومرح من الدقيقة 80 وبدأت احتفالية العبور.. ولكن..
وامبارح لولا الهدف اللعين في أخر لحظة.. هل سيكون الموقف من المدرب، الرئيس واللاعبين بنفس الصورة؟
ياخي معليش وهاردلك .. والكورة اصلا مدورة... |
يا عبد العزيز الله يسلمك ياخ ..
معضلة الهلال في الوقت الحالي كانت فعلا البرير وعارزيتو .. البرير لا يصلح بأن يكون زعيما لأمة الهلال .. هذه اعترافات المريخاب قبل الاهلـة .. اتى البرير بغارزيتو الذي قام بتنفيذ اجندة البرير .. والمتمثلة في استعداء بعض اللعيبة ..
عنتريات البرير في اجهزة الاعلام .. مختلفة خلقت فجوة بين جماهير الهلال .. البرير استخدم النظرية اليهودية حقت اخلق خلل وفرتق الناس وباعد بيناتهم يسهل عليك ادارتهم .. لكن فشلت النظرية .. من انحاز للبرير خسر الرهان اخيرا .. ومن انحاز للهلال وضح جليا ذلك في مباريات الهلال الأخيرة والاقبال الجماهيري الضعيف الذي انعكس على اداء الاولاد داخل الميدان ..
الجمهور الشفتو امس دا لا يمثل ولا ربع جماهير الهلال وهي دخلت وعارفه تماما ان الهلال فقط بالحماس سيخلق من الفسيخ شربات .. لكن كانت بينها وبين قرارة نفسها انه ليس الهلال .. فالهلال يمتع اولا لعبا قبل النتيجـة .. ماتت روح الهلال عندما ماتت روح اللعب بالطريقة التي ادخلها فيهم هذا الغارزيتو بمساعدة البرير .. اصبح الهلال ليس هو الهلال لا لعبا ولا نتيجـة .. اشبه بحالكم فهل المريخ هو المريخ ..؟
اراكم في نفس الغلطة الكبيرة تكرروها كما فعلناها في الهلال .. ما زلتم تتحدثون بنفس النغمـة المتفاءلة .. لكن سيقع الفاس في راسكم عما قريب حتى وان تخطيتم هذا الفريق .. وتقدمتم لمرحلة أخرى عندها يكون لسان حالكم .. اريتنا طرنا قبل أن يطير الهلال .. لانو البهدلة وقتها ح تكون بالشوالات .. جوه وبره .. انتو قايلين المنافسة الافريقية دي دوري السودان ..؟ واللا قايلين نفسكم ح تلاقو النيل الحصاحيصا لي قدام ..؟ 
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: nazar hussien)
|
| Quote: بل حان وقت نقلع هيثمنا ونرجع ليكم شغيلكم يا ود القاضي... |
لا يا نزار .. لا لعودة هيثم مصطفى .. كل من سولت له نفسه انو يلبس الفنله الحمراء تحديدا ويقف ندا لجماهير الهلال فهو لا يحق له ان يرتدي شعار الهلال مرة أخرى .. فالهلال عقيدة وليس شعار ترتديه ثم تعود لتخلعه لترتديه .. ما حدث من البرير وغارزيتو في شأن هيثم .. حدث في شأن الامة الهلالية اجمع .. وحدث ابان تواجد هيثم بالهلال فكأن يجب عليه ان يقود اخوانه بداخل الهلال إلى ما فيه صلاح للهلال في النهاية اللعيبة هم الذين لهم السبق في قيادة النادي لانهم داخل الملعب هم الذين يقررون بروحهم القتالية بتنفيذهم والتزامهم بخطة اللعب ..
نفس اللعيبة هم الذين اعطوا الثقة للمدرب غارزيتو للاسف الشديد .. حتى خرج بنا المرة تلو الأخرى ..
لو كان لهيثم مصطفى دور فعال .. بين اللعيبة .. لما تنازل عنهم .. ولو كان لهيثم على الاقل قدر يثير من احترام لجماهير الهلال لما ارتدى هيثم فنلة الفريق الضد ... والتي من لحظتها حرمت عليه جماهير الهلال عبارتهم المحببة لهم سيدا ..
للاسف فات الاوان ان يعود هيثم للدفاع عننا .. وعن شعارنا .. ربما نجد خيرا في الشغيل الذي ليس هو ابن النادي ولا يدين بالولاء .. مثله مثل اي لاعب نقوم باستجلابـه مثله مثل ايكانغا اسواء كابوس مر على الهلال مثلة مثل قودوين وسادومبا الذين ما زلنا نغني لهم .. فهم ليسم هلالاب بالفطرة كهيثم مصطفى .. لكنهم تعلموا عندنا عشق الهلال .. وتربوا على ايدي عظماء الهلال ..
| |
|
|
|
|
|
|
|
|
 Re: أخيرا يا غارزيتو البرير ...؟ (Re: فايزودالقاضي)
|
Quote: حبيبي ده ما موعد البوستات الجادة ...
خلينا نكمل زوطاتنا بعد داك اعمل فيها جاد ..
قال حان وقت الحديث بكل صراحـة عن هذا البند المهم ههههههه
طولة لسان على الفاضي |
عارف يا حبشي .. الليلة جيب ليك تلاتة جوالات ولصقم مع بعض .. وجيب ليك شاشة سينما عديل .. انت قايل حقنا بنخليهو ..؟
اضف لذلك ..
نحن ما بنرد للفرحانين بالليل الفرحانين بنرد ليهم بالليل بتاع اليوم التاني .. الي هو الليلة ..
وشايفك جادي انت كمان .. وبتفتش ف يالمراقات من حسع دي على شاكلة ..
الهلال طار .. ونحن الليلة برضو ح نطير .. والهلال احسن مننا وإلخ إلخ ..
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: أمير محمد ادريس)
|
| Quote: جات من مصلحة الهلال بخروج البرير وغارزيتو |
يا امير دا كان آخر العلاج ..
والكي هو خروجنـا مبكرا ، من البطولة المحببة لي نفسياتنا .. بعد أن أخرجنا غارزيتو من اكثر من مناسبة افريقية العام السابق .. تمسك البرير به طيلة هذه الفترة .. خصم من تاريخ الهلال .. كل الطرق كانت تؤدي إلى فشل الهلال بي نسخته الغارزيتيه والبريريـة ..
كرة القدم حسابات ..
ومثلما هناك نقاط واهداف تحسم بها الجولات هناك ايضا نقاط واهداف يخرج بها المهزوم وتكتب في سجلة .. ويكتب في سفر المدرب انجازاته واخفاقاته .. واذا كان غارزيتو ضرب معاهو الحظ مع مازيمبي فهذا الغارزيتو الان يضرب معاهو الحظ ويضربنا في عشقنا وفي صميمنا ومن خلفه سنده هذا البرير .. وبعض اشباحه الذين يجبرنا على تحمله على شاكلة ايكانغا الذي اطاح بتاريخ الهلال ومن خلفه هذا السنكارا .. الخلل الواضح جدا في دفاعات الهلال وهو الذي ايضا يفرض فيه غارزيتو فرضا علينا ..
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: وليد محمد المبارك)
|
| Quote: الغلب عااااااااااااااااادي |
طيب لو الغلب عادي مالك ما شايفنك في الحفلة بتاعت شندي دي .. خليتنا نتباطن مع الجماعة براهم وحسع دي ضهورم لسة مبقبقة ...
Quote: لكن السويتوه امبارح ده اسمو شنو ؟
هاهاهاهاهاهاهاهاهاهاهاهاهاهاهاا يعني لا اتاهلتو .. لا سويتو السمعة |
امبارح السويناهو كتير ..
خد مثلا على سبيل المثال لا الحصر ..
1. طلعنا لينا منكم بي كم محلل زوايا وتشريح لجسم الانسان لما يكون لاعب كورة داخل الميدان
2. طلعنا لينا بي كم خبير تحكيم دولي يصلحو انو يمثلونا في المحافل الخارجيـة .. بدل ما نحن قاعدين ساكت وغنانا ما واصل للناس .
3. طلعنا لينا بي مجموعة متميزة من مناديب توزيع الادويـة وبخاخات الازمـة .. ودواء الضغط والسكري .. امبارح نحن عارفين انو الضغط والعصر الاتعصرو الفريق العاجي دا ما اتضغط واتعصر براهو .. ونحمد الله على الهدف الجاء في الزمن الضايع .. حفاظا على الارواح والممتلكات .. الفريق العاجي ما عندنا فيهو كبير غرض .. لكن شوف بلاهي البورد دا بيغلي كيفن .. يعني امس كان انتهت بي تلاتته دي .. الليلة كان بكري الشر بره وبعيد مسود المنبر دا وضاربو كمان باللون الفوشيــا ..
بالمناسبة ..السويناهو امس دا .. اكان قدرتو تسووو ربعو .. جيد ليكم .. اصلو تكونو ما قصرتو ...
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: وليد محمد المبارك)
|
| Quote: الغلب عااااااااااااااااادي |
طيب لو الغلب عادي مالك ما شايفنك في الحفلة بتاعت شندي دي .. خليتنا نتباطن مع الجماعة براهم وحسع دي ضهورم لسة مبقبقة ...
Quote: لكن السويتوه امبارح ده اسمو شنو ؟
هاهاهاهاهاهاهاهاهاهاهاهاهاهاهاا يعني لا اتاهلتو .. لا سويتو السمعة |
امبارح السويناهو كتير ..
خد مثلا على سبيل المثال لا الحصر ..
1. طلعنا لينا منكم بي كم محلل زوايا وتشريح لجسم الانسان لما يكون لاعب كورة داخل الميدان
2. طلعنا لينا بي كم خبير تحكيم دولي يصلحو انو يمثلونا في المحافل الخارجيـة .. بدل ما نحن قاعدين ساكت وغنانا ما واصل للناس .
3. طلعنا لينا بي مجموعة متميزة من مناديب توزيع الادويـة وبخاخات الازمـة .. ودواء الضغط والسكري .. امبارح نحن عارفين انو الضغط والعصر الاتعصرو الفريق العاجي دا ما اتضغط واتعصر براهو .. ونحمد الله على الهدف الجاء في الزمن الضايع .. حفاظا على الارواح والممتلكات .. الفريق العاجي ما عندنا فيهو كبير غرض .. لكن شوف بلاهي البورد دا بيغلي كيفن .. يعني امس كان انتهت بي تلاتته دي .. الليلة كان بكري الشر بره وبعيد مسود المنبر دا وضاربو كمان باللون الفوشيــا ..
بالمناسبة ..السويناهو امس دا .. اكان قدرتو تسووو ربعو .. جيد ليكم .. اصلو تكونو ما قصرتو ...
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: الأمين كامل الأمين)
|
هارد لك تمبس ...
امس وانا بتفرج على الكورة والكم الهائل من الاهداف الضائعة امام المرمى والله تذكرت
القناص سادومبا بالجد ده كان جوه ...
ولكن نسال الله ان ينظر القائمين بامر الرياضة فى السودان بشى من الجدية مرة واحدة بس
وانظر لحال مريخ هلال والمنتخب بالذات وانت تحس بما ارمى اليه ,
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: بدر الدين اسحاق احمد)
|
| Quote: وبعض الاحقاد من بعض الافراد في المجتمع الهلالي وتلك امور لانود الخوض فيها .. على الاقل في الوقت الحالي إلى حين فتح كل الملفات .. والايام القليلة القادمة ستظهر العديد من الحقائق . |
افتتتتتتتتتتتتتتتتتتتتتتتتتتتتتح يا عمك ..
ولا راجى اليوم الاسود (كاااااااااااااااك )
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: نور الدين عثمان)
|
كلام في الصميم يا تمبا
كلنا إعتكفنا محبوبنا الهلال حتي ذهاب البرير وغازيتو وإكتفينا بتشجيع أولادنا في شندي (;
أما ودالقاضي والبشاري ووليد فما جاءوا لنقاش
التجاهل
التجاهل
التجاهل
وإن شاء الله الجاي أجمل ولا نامت أعين الوصيفاب
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: وليد محمد المبارك)
|
طبعا قبال ما نكمل كلامنا عن الهلال وعن غارزيتو والبرير .. شايف الجماعة بتاعين شندي فوق جو جاريين ..
يبدو انو البطان حق شندي القبل يومين لحدت الان ما برااا ..
وأهو طبعا حال الصفوة .. تلقاهم ببكو في الحالتين .. فوز الهلال وهزيمـة الهلال .. ومؤخرا هزيمة الاهلي شندي ..
فلذلك يا عزيز بشاشا القارئ .., لا تستغرب ان يتكالب على البوست المساكين جدا من الصفوة ..
كل واحد جاري خروفو ..
الغريبة انو نحن قاعدين نستقبل تهانيهم وبكائيتهم كلو على الرقم حقنا المخصصنو للمناسبة الزي دي .. يعني نحن غيرنا منو البتحملم ؟؟
لكن ..
الواحد فيهم لما يتضرب من اهلي شندي القريبة دي .. تلقاهو دفن دقـن وعمل رايح .. وغير الشريحـة زاته ..
لكـن ..
سوون اور ليييتر زي ما قال الشاعـر .. ح نفرش ليكم الملاية اكان الليلة او بكره القريبة دي .. بس بعدين ما تشبكونـا نحن في المريخ نهوى ونحن في المريخ .. شنو كدا ما عارف .. ؟
وطبعا زي ما عارفين بعدين نحن بنناديكم بالاسم عشان ما تقولوا ما كلمناكم من حسع دي
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: وليد محمد المبارك)
|
الاخ / تمبس وضيوفه سلام ،،،
تعرف ياتمبس معاي عمك جلكين جائي من السودان زيارة ولسوء حظو مشى عمل عمرة أمس وجاء خاتي الكورة في بالوا وجاء من مكة لجدة مستعجل جداَ وحضر الشوط الثاني وتم الكورة لابس الإحرام . بعد ماجاء قوون الجماعة عمك جر دين عميق جدا لقارزيتو والبرير والهلال والسودان واليوم عايز يعيد العمرة مرة ثاني ،،،
تحياتي
| |
|
|
|
|
|
|
|
|
 Re: أخيرا يا غارزيتو البرير ...؟ (Re: الأمين كامل الأمين)
|
| Quote: أتمنى أن يذهبا الى غير رجعه كليهما " البرير والعجوز " فهم سبب النكسه وكل الضغف الذى حدث للهلال العملاق |
يا الأمين لو كانوا ذهبوا على اقل تقدير .. بعد مباراة الذهب الأولى ..
لكان يمكن لنا تدارك القليل ونقلل من الفادحـة الموجعة في حق الامة الهلالية ..
لكان الان وببعض الروح القتالية التي لعب بها الاولاد امس .. وبعيدا عن هذا الايكانغا وهذا السنكارا .. لكنا على اقل التقدير اقتنعنا أن هناك تغيير حدث في الفريق .. لكن ان تظل الاخطاء هي الاخطاء وان تظل العنتريات وفرض الاخطاء علينا بقوة السلاح والعضل فهذا لا يحتمل ..
ما حدث للهلال طيلة الفترة السابقة من العام الماضي .. جريمـة تدون في التاريخ الهلالي .. تظل مقرونة باسم الأمين وتذكر ايضا مقرونة بسجل اسواء مدرب مر على تاريخ الهلال غارزيتو ..
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: tmbis)
|
فى تقديرى المتواضع ان ذهابهم هو بداية التصحيح ،، وان يذهبا الآن برضو احسن من يمرضونا باقى الموسم وثق ان الهلال سوف يعود اقوى واكبر واعظم لو كان من يديره فى مقام عظمائه السابقين
* فى واحد لاقاك فى المطار وقال معجب بيك قرب يسحب اعجابه ههههههههههههه
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: عمر الفاروق عبد الله الشيخ)
|
Quote: يا عبد العزيز الله يسلمك ياخ ..
معضلة الهلال في الوقت الحالي كانت فعلا البرير وعارزيتو .. البرير لا يصلح بأن يكون زعيما لأمة الهلال .. هذه اعترافات المريخاب قبل الاهلـة .. اتى البرير بغارزيتو الذي قام بتنفيذ اجندة البرير .. والمتمثلة في استعداء بعض اللعيبة ..
عنتريات البرير في اجهزة الاعلام .. مختلفة خلقت فجوة بين جماهير الهلال .. البرير استخدم النظرية اليهودية حقت اخلق خلل وفرتق الناس وباعد بيناتهم يسهل عليك ادارتهم .. لكن فشلت النظرية .. من انحاز للبرير خسر الرهان اخيرا .. ومن انحاز للهلال وضح جليا ذلك في مباريات الهلال الأخيرة والاقبال الجماهيري الضعيف الذي انعكس على اداء الاولاد داخل الميدان ..
الجمهور الشفتو امس دا لا يمثل ولا ربع جماهير الهلال وهي دخلت وعارفه تماما ان الهلال فقط بالحماس سيخلق من الفسيخ شربات .. لكن كانت بينها وبين قرارة نفسها انه ليس الهلال .. فالهلال يمتع اولا لعبا قبل النتيجـة .. ماتت روح الهلال عندما ماتت روح اللعب بالطريقة التي ادخلها فيهم هذا الغارزيتو بمساعدة البرير .. اصبح الهلال ليس هو الهلال لا لعبا ولا نتيجـة .. اشبه بحالكم فهل المريخ هو المريخ ..؟
اراكم في نفس الغلطة الكبيرة تكرروها كما فعلناها في الهلال .. ما زلتم تتحدثون بنفس النغمـة المتفاءلة .. لكن سيقع الفاس في راسكم عما قريب حتى وان تخطيتم هذا الفريق .. وتقدمتم لمرحلة أخرى عندها يكون لسان حالكم .. اريتنا طرنا قبل أن يطير الهلال .. لانو البهدلة وقتها ح تكون بالشوالات .. جوه وبره .. انتو قايلين المنافسة الافريقية دي دوري السودان ..؟ واللا قايلين نفسكم ح تلاقو النيل الحصاحيصا لي قدام ..؟ |
الاخ العزيز/ تمبس
سلام
نفس هذا المدرب اشدا به الكثيرون هنا في العام الماضي عندما حقق بطولة الدوري الممتاز
وكالعادة فان المدرب هو اول الضحايا في حالة اخفاق الفريق
فلا ادري لانه غارزيتو هو نفس المدرب ونفس اللعيبة فقط بنقصان هيثم وعلاء
والهلال ظهر في هذا الموسم بمستوي طيب في اولى المباريات
لكن حدثت الانتكاسة منذ لقاء القمة
فلو قدر للهلال الفوز الكان مضمون في لقاء القمة من خلال المباراة لكان الموقف اليوف شيئا آخرا
ويبدو ان الهلال استكان للتقييم الاجوف الذي يظهر كل شهر
وصدق الجميع بأنهم تاني افضل فريق افريقي او عربي
وهو تقرير فقير ولا علاقة له بالواقع
لان الهلال لا يدخل حتى في العشرة فرق الاوائل في افريقيا
الخلاصة فهذه السنة جدباء للهلال بينما المريخ ما زال في الطريق
ولا يمكن ان نقارن الهلال بالمريخ
وليس من الصحيح عشان الهلال طار نقول مافي كورة ومافي مستوى
براكم برة
تحياتي
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: Abdlaziz Eisa)
|
Quote: الخلاصة فهذه السنة جدباء للهلال بينما المريخ ما زال في الطريق
ولا يمكن ان نقارن الهلال بالمريخ
وليس من الصحيح عشان الهلال طار نقول مافي كورة ومافي مستوى
براكم برة |
والله يا عبد العزيز انا كنت ماشي كويس .. وبقرا في كلامك حرف حرف ومع كل حرف كان الرد بجيني في راسي ..
لكن بي صراحـة لما وصلت لي حتات الاقتباس دي .. غلبني كتر علي
اقوليك حاجة ..؟
اصلو ما بحرمك من حاجة .. ولا ح اقارن بين الهلال والمريخ .. الهلال الجاب تلاتة اقوان في استادو ودخل فيهو قوون واحد وطيرو ..
ولا ح اقارن بين المريخ الكان الاستاد كلو محتاج منو لي هدف واحد .. فرررد هدف على اقل تقدير ..
قام فتحه .. واترشه جووه استادو .. بي هدفين ..
اهـا شفته كيف ..؟
وتقولي برضو براكم بررره ..؟
| |
|
|
|
|
|
|
|
|
|
Re: أخيرا يا غارزيتو البرير ...؟ (Re: tmbis)
|
Quote:
اقوليك حاجة ..؟
اصلو ما بحرمك من حاجة .. ولا ح اقارن بين الهلال والمريخ .. الهلال الجاب تلاتة اقوان في استادو ودخل فيهو قوون واحد وطيرو ..
ولا ح اقارن بين المريخ الكان الاستاد كلو محتاج منو لي هدف واحد .. فرررد هدف على اقل تقدير ..
قام فتحه .. واترشه جووه استادو .. بي هدفين ..
اهـا شفته كيف ..؟
وتقولي برضو براكم بررره ..؟
|
لا حول الا بالله يا تمبس..
المداخلة دي بالذات كنت عايز أعدل فيها بعد النتيجة..
لكن رشاشاتكم ديل شغلوني وما أدوني فرصة
أهو يا بختك قبضتني بي حاجة..
ولأني كنت متفائل كتير وعارف بل ضامن العبور..
لكن بالجد م كنت واضع حكاية السحر دي
والفقراء الجبتوهم من وين وين..
كجّرتوا لينا أكرم والدفاع
وده كلو حسد
كيدوا كيدكم والله معانا
والوالي رجع!!
| |
|
|
|
|
|
|
| |
tmbis
أمير محمد ادريس
فايزودالقاضي
الجنيد حمد
nazar hussien
Abdlaziz Eisa
وليد محمد المبارك
الامين موسى البشاري
نور الدين عثمان
بدر الدين اسحاق احمد
أسامة البلال
haroon diyab
حامد بدري
فيس بوك
تويتر
انستقرام
يوتيوب
بنتيريست