|
بورداب(تركيا) أرجو المساعدة بمعلومات عن علاج العظام بــ(استنبول)
|
انا الان باستنبول وابحث عن عناوين اطباء ومستشفيات جيدة في علاج وجراحة العظام للست الوالدة حيث لديها كسر في اليد منذ العام 1992م ومشت روسيا مرتين ومصر وعملت 14 عملية بين موسكو والقاهرة والسلاح الطبي ومستشفى الشرطة ولكن بعد مضى وقت قليل من العملية بتعاني من عدم التأم العظم ومن ثم المسمار بيطلع من مكانه
ارجو المساعدة باسماء وعناوين اطباء او مستشفيات كويسة في جراحة العظام
ــــــــــــــــــــــــــــــــــــــــــــــــــــــــــــ صورة الاشعة والتقرير الطبي الان بحوزتي اتمنى انو اعرضها على طبيب جيد ومتخصص
ياريت من لديه تجربة سابقة في علاج العظام بتركيا يراسلنا على المنبر او على الايميل [email protected]
|
|
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: محمد التاج)
|
اهلا بيك اخ محمد التاج
Quote: هل ولادتك معك الان في تركيا؟ |
لا ابدا يا التاج ما زالت بالخرطوم ونحن الان في مرحلة ايجاد المشفى والطبيب المناسب وبعد داك هي تجي على حسب دعوة المستشفى
Quote: لو موجودة في الخرطوم انصحك بمستشفي شرق النيل. فيها طبيب سوداني شاطر جدا اسمو د. الرشيد (قبل فتره كان في بوست عنو هنا في البورد).
|
ياريت مزيد من المعلومات لانها بالتهاب اليد نتيجة لانو المسمار طلع من محله ما قادرة تقعد كدي اديني اسمه بالكامل وعنوان العيادة وتبقى محاولة / انا حاسة بالذنب لاني عاجزة لحدي الان انو اوجد ليها حل ومكلمة كم زول وكم مستشفى هنا في استنبول بس مافيش رد
كتر خيرك اخي التاج وشكرا على المشاركة والاقتراح
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: امير طمبل)
|
Quote: نفس الموضوع حصل مع الست والدتي كانت وقعت و عندها كم كسر في يدها اليسار بعد رحلة طويلة مع الاطباء أخيرا أحضرتها هنا الي دوحة الخير نتواصل حاليا في المستشفي الكوبي و صراحة تحسنت جدا عموما إقتراح بأن تاتي بها الي هنا |
ألــــــــ100ـــــف سلامة للست والدتك وشكرا على الدعوات الطيبة يا اخ امير
امي حصل ليه الكسر من سنة 1992م بسبب (التوب )/ ولولا لطف الله كان خنقها وقتلها الحمد لله واتعملت ليها اول جبيرة (غلط) ودا سبب المعاناه لحدي الان مشت مصر وعملت عملية وما نفعت وقبلها في السلاح الطبي وفي الشرطة ومن ثم عملت عمليتين على مرتين في روسيا المشكلة انو بعد مدة قليلة المسمار بجي طالع من موضعه غير الالتهاب الحصل ليها في اليد بسبب كثرة العمليات (14) عملية لحدي الان
المهم نحن حنحاول مع المستشفى بتاعكم ولو ما عندك مانع ممكن ارسل ليك التقرير في الايميل لانو بحوزتي الان ونشوف راي الطبيب واللي بيقرروا يكون واحد من الاحتمالات لدينا
شكرا يا أمير وان شاء الله عاجل الشفاء للست والدتك
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: mayada kamal)
|
تحياتي ميادة اسال الله لوالدتك الشفاء العاجل وكل سنة وهي طيبة بمناسبة عيد الام
عزيزتي شيلي اوراقك وتحاليل امك كلها وصور الاشعة والتقارير الطبية امشي مستشفي شرق النيل بالخرطوم لدي زملاء وأصدقاء اعزاء شغالين هناك لا يعلي عليهم محمد عثمان سابل وللاسف هاجر في الشهر الماضي لظروف السودان الصعبة ...... لكن د. شرف الجزولي ما زال موجود قولي ليه انا مرسلة من قبل د. احمد التيجاني (حمودي) استشاري النساء والتوليد بايرلندا اخدي منه مواعيد وخليه يشوف والدتك واخدي برايه علي مسئوليتي . وبصراحة انا عارف مقدراتهم وشفت شغلهم والبتعمل في اوروبا كله بعملوه وعلي افضل .... برغم التدهور السريع النسبي للمحيط الحولهم وانا عملوا لوالدتي عمليتين في العام الماصي ربنا يوفقك ويدي امك العافية
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: أحمد التجانى حمودى)
|
مرحب بيك يا دكتور حمودي
Quote: وانا عملوا لوالدتي عمليتين في العام الماصي |
ألف الف سلامة للست والدتك اتمنى تكون الان بلغت الصحة والعافية
Quote: لكن د. شرف الجزولي ما زال موجود قولي ليه انا مرسلة من قبل د. احمد التيجاني (حمودي) استشاري النساء والتوليد بايرلندا اخدي منه مواعيد وخليه يشوف والدتك واخدي برايه علي مسئوليتي . وبصراحة انا عارف مقدراتهم وشفت شغلهم والبتعمل في اوروبا كله بعملوه وعلي افضل .... برغم التدهور السريع النسبي للمحيط الحولهم |
شكرا على المشورة وان شاء الله حيعملو بيها لحدي ما نشوف مووضع علاج برا دا حيرسي على اي دولة لحدي الان لدين خيارات قطر ـ تايلاند- تركيا على حسب رد الاطباء هناك
شكرا ليك مرة تانية على الاستشارة يا دكتور وربنا يطمئنك على الست والدتك
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: mayada kamal)
|
Quote: قون ايدن (صباح الخير) على قول الاتراك يا اخي مجاهد مستشفى جراح باشا دا مووش مستشفى حكومي على حد علمي؟؟ وما اظن يبقلو يعالجوها باعتبار انها ما عندها اقامة اتخيل لي ولا شنو؟ |
قون ايدن أنسي ميادة
بقول ليك :
عادي الوالدة بتجي بفيزا شهر أو 15 يوم
ويقبلوها وتتعالج بشكل طبيعي في أي مستشفى حكومي
وحاليا بقول في طفل بتعالج من ال Cancer في مستشفى حكومي في استنبول
فما صعبة قال ليك
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: مجاهد محمد الهادي)
|
Quote: وحاليا بقول في طفل بتعالج من ال Cancer في مستشفى حكومي في استنبول |
لا حول ولا قوة الا بالله طفل وكمان بي كانسر ربما يشفيه / ويملى عين امه وابوه بيه اميييييييييين
طيب عموما المستشفى ما بعيد من السكن بتاعي بمشى ليهم واهو الارضة جربت الحجر وان شاء الله لي خير وشكرا ليك انت وزولك الاتصلت عليه على المبادرة وان شاء الله في ميزان حسناتكم وبينا تواصل ان شاء الله يا مجاهد تحياتي
| |
|
|
|
|
|
|
Re: بورداب(تركيا) أرجو المساعدة بمعلومات عن علاج العظام بــ(استنبول) (Re: mayada kamal)
|
Quote: لا حول ولا قوة الا بالله طفل وكمان بي كانسر ربما يشفيه / ويملى عين امه وابوه بيه اميييييييييين
طيب عموما المستشفى ما بعيد من السكن بتاعي بمشى ليهم واهو الارضة جربت الحجر وان شاء الله لي خير وشكرا ليك انت وزولك الاتصلت عليه على المبادرة وان شاء الله في ميزان حسناتكم وبينا تواصل ان شاء الله يا مجاهد تحياتي |
ان شاءالله خير وربنا ييسر أمر الوالدة ويكرمها بالشفا التام العاجل حاضر وبتابع بوستيك هنا ان شاء الله
| |
|
|
|
|
|
|
|