|
دعواتكم لزميلنا المفكر د.الباقر العفيف بالشفاء العاجل
|
|
 Re: جزاء سنمار (Re: درديري كباشي)
|
تاني يوم جا الوزير من الصباح يكورك : مولاي مولاي
- اها في شنو يا تور الله الانطح
-جيتك بالنجيضة ..
-اها قول
-قالوا في مقاول تركي كدا يرقص الطوب عديييل اسمه سمنار ولا سنمار ما عارف ؟
- المهم وين هو الحقنا بيه سريع ..
-انا رسلتيه وقالوا حايجي في قافلة الساعة اتناشر دي ..
- طيب روح استقبله من المطار اقصد الجمال ونزله في قصر الضيافة ...
لكن قبل ما تدخله علي عايزكم تنقنقوه تاكلوا اكل عمره ما حلم بيه وتستخدم افخم الاواني عندنا ذهب وفضة وانت طالع ..
وما تدخلوا علي الا بعد اسبوع ..
- ليه يا مولانا الحكمة في كدا شنو ؟؟
-يا بليد ما انا لازم اعيشه في نعيم عشان هو يحاول يفكر بخياله في نعيم افخم من العندنا ويجيب العجب ( قبل ما يعتزل)
| |
 
|
|
|
|
|
|
|
|
Re: جزاء سنمار (Re: درديري كباشي)
|
اها يا زول عمك سنمار بعد ما ضرب المشاوي والفواكه وحضر ليك حفلات الطرب والهجيج راسه اتلحس قال الا يشوف الملك
الوزير جا للملك وقال المقاول دا قال عاوز يقابلك ...
وسنمار دا كان زول ثرثار خلاص يا زول كلامه كتير تب ..
اها دخل ليك على الملك اولا هاك يا بوس في الراس وفي الرجلين ..
الوزير يقول ليه يا زول انت جنيت ولا شنو ما براحها على الملك عاوز تجيب ليه حساسية كمان بشلاليفك الكلها تمباك دي ؟
-اها الملك الحكاية عجبته وقال للوزير خليه يعبر عن شعوره ياخ ..
-لكن هو شعور نصاح يا مولانا ؟؟
-سنمار : اها مولاي الملك انت عاوزني لي شنو ؟
| |
|
|
|
|
|
|
|
|
|
Re: جزاء سنمار (Re: درديري كباشي)
|
اها يا زول عمك سنمار بعد ما ضرب المشاوي والفواكه وحضر ليك حفلات الطرب والهجيج راسه اتلحس قال الا يشوف الملك
الوزير جا للملك وقال المقاول دا قال عاوز يقابلك ...
وسنمار دا كان زول ثرثار خلاص يا زول كلامه كتير تب ..
اها دخل ليك على الملك اولا هاك يا بوس في الراس وفي الرجلين ..
الوزير يقول ليه يا زول انت جنيت ولا شنو ما براحها على الملك عاوز تجيب ليه حساسية كمان بشلاليفك الكلها تمباك دي ؟
-اها الملك الحكاية عجبته وقال للوزير خليه يعبر عن شعوره ياخ ..
-لكن هو شعور نصاح يا مولانا ؟؟
-سنمار : اها مولاي الملك انت عاوزني لي شنو ؟
| |
|
|
|
|
|
|
|
|
|
Re: جزاء سنمار (Re: درديري كباشي)
|
اها يا زول عمك سنمار بعد ما ضرب المشاوي والفواكه وحضر ليك حفلات الطرب والهجيج راسه اتلحس قال الا يشوف الملك
الوزير جا للملك وقال المقاول دا قال عاوز يقابلك ...
وسنمار دا كان زول ثرثار خلاص يا زول كلامه كتير تب ..
اها دخل ليك على الملك اولا هاك يا بوس في الراس وفي الرجلين ..
الوزير يقول ليه يا زول انت جنيت ولا شنو ما براحها على الملك عاوز تجيب ليه حساسية كمان بشلاليفك الكلها تمباك دي ؟
-اها الملك الحكاية عجبته وقال للوزير خليه يعبر عن شعوره ياخ ..
-لكن هو شعور نصاح يا مولانا ؟؟
-سنمار : اها مولاي الملك انت عاوزني لي شنو ؟
| |
|
|
|
|
|
|
|
|
|
Re: جزاء سنمار (Re: درديري كباشي)
|
الملك : شوف هنا يا سمنار اخوي انت طبعا قعدت معانا اسبوع شف البلد كيف زرت الجنائن والقصور والانهار عجبتك ؟
-كيييف يا مولاي ياخ انتو عندكم جنة عدييل هنا ياخ وجوكم زاتو اوروبي .
-الملك اها شفت النعيم دا كله ما عاجبني انا عاوزك تبني لي قصر فوق الخيال قصر لاسكنه انس ولاجان ..
- يازول ها دا كلامك علي باليمين دا انا ابني ليك قصر يغني عليه الكابلي ( بتاع زمان) بس اهم حاجة تديني مساجة مجاورة للنهر
- يابني خد المساحة الانت عاوزهاالبلد واسعة والحمد لله ..
- عايزة مساحة اقل شئ خمسين الف هكتار ( هو الهكتار دا شنو يعني كم متر بالعربي كدا)
| |
|
|
|
|
|
|
|
|
|
Re: جزاء سنمار (Re: درديري كباشي)
|
-كدي قول يا سنمار انت ليه عاوز القطعة مجاورى للنهر فكرتك شنو يعني .
-يا مولاي انا عاوز امرر ترعة من النهر تدخل جوة القصر وتمر بعند بلاطك وتكون مغطية بالقزاز اها السمك دا يجي لافي بقدامك كدا زي الركشات .
-وما هي الركشات يا سنمار .
-هذه دابة المستقبل ما تشغل بالك بيها المهم اها انت ممكن من كرسيك دا تعزل في السمك تقول ليهم مثلا البلطية ديك عايزة محشية بالرز والقرموط البوراها دا تشووه بالفحم اما الشعور النبيلة ديك عايزها مندي وكدا .. اها الترعة نفسها تدخل المطبخ والجماعة يحضروا ليك العشا حسب طلبك ..
-عظيم ياخ انا ارتحت ليك عديل اها وتاني شنو ..- لسع يا مولانا في افكار كثيرة في شكل الغرف والسراير والبلكونات المتحركة واسكت خليها في سرك ..
- يا سلام عليك يا ابو السم ياخ .. ياخ انا ارتحت ليك عديل كدا .. اها ممكن القصر يخلص في كم كدا ..
-يعني اذا توفرت المواد في زمن معقول سنة لسنتين بسلمك المفتاح ..
| |
|
|
|
|
|
|
|
|
|
Re: جزاء سنمار (Re: درديري كباشي)
|
أخونا درديري،
جيتاً جيت، وين الغيبة؟ ان شاء الله المانع خير
أفتقدناك وحكاويك الطريفة، كنا فرشنا السكه ورود لو كلمتنا كان بالجيه
سلام
عثمان دُنقس
| |
|
|
|
|
|
|
|
|
|
Re: جزاء سنمار (Re: درديري كباشي)
|
| Quote: بشلاليفك الكلها تمباك دي |
اوووووووووو ياحاج حمد لله على السلامة
بركة بالشوفة
ــــــــــــــــــــــــــــــــــــــــــ
بعد الغيبة دى ، داير تخمنا الخمة دى
فدان من الاشواق والحاجات السمحة
| |
|
|
|
|
|
|
|
|
|
Re: جزاء سنمار (Re: درديري كباشي)
|
المهم سنمار طلب من الملك عددكبير من العمالة المهره والغير مهرة
واليات وشئ حجار من الصين ومواسير من امريكا
عفوا الزمن داك طبعا امريكا ذاتها ما ولدوها
وما كان في مواسير ولا سوق مواسير
لكن سنمار شرع في البناء وزود المبنى بمجاري مائية ( نظام تكييف مركزي وكدا)
وبوهيات سليدور الالمانية
والالمان بتاعين زمان وصلوا
لكن كان اسمهم الروم
يازووول القصر دا بقى تحفة والناس تتونس بيه قبل الملك النعمان يسكنه
اخيرا قال الملك يسجل لزيارة ليتفقد المنشأت ويتابع سير العمل عن كثب
وكانت الزيارة ناجحة بكل المقاييس
| |
|
|
|
|
|
|
|
|
|
Re: جزاء سنمار (Re: درديري كباشي)
|
سنمار فرحان بانجازة طبعا كان اول واحد راح استقبل الملك
وطاف به في جميع ارجاء المبنى شارحا له عن التطورات التي حدثت في عالم البناء
وزي ما قلنا سنمار كان ثرثار ومزودها بحبة عوارة ..
الملك قال له والله شغلك سمح بالحيل وما حصل شفت او سمعت بقصر زي كدا في الدنيا دي ..
سنمار طبعا تبسم ضاحكا من قوله مزهوا فرحا
اها الملك قال له هسع يا سنمار كان قالوا لك ابني قصر زيه تاني تقدر تبنيه ؟؟
سنمار العوير قال : افوا علي باليمين ابني احسن منه هيييع ..
الملك حرقته طبعا وجر فيه نور طويييل كدا ( نظام هجوم بالنظر)واسرها في نفسه
سمنار العوير فاكرها نظرة اعجاب ..
| |
|
|
|
|
|
|
|
|
|
Re: جزاء سنمار (Re: درديري كباشي)
|
| Quote: وكانت الزيارة ناجحة بكل المقاييس |
ههههههههههههههههههههههههه
دي زيارة بتاعة سيادة الريس ولا شنو من 89 لي هسع كل زيارتو ناجحة بكل المقاييس
هسي طبعا بقى زي الركشة ممنوع عبور الكباري
--------------
نرجع لبوستك بتاع عمك سمنار دا
يا اخي والله فيه خلطة عجيييييييييبة خاااااااااااااص
الجد والهزل
القديم والجديد
التراجيديا مؤخرا بعد مايرموا سمنار والكوميديا حاليا
--------
درديري لمن قلت ابعد عن الافغاني انا قاصد الصنف ههههه
يا اخي انت جميل جمال ما عادي
ما لاقي حاجة اقولها ليك الا اجازيك زي سمنار
بعد ما تكمل القصة اجي اعضيك واقول ليك تبا لك
والله امتعتني خااااااااااااااااالص
--------
| |
|
|
|
|
|
|
|
|
|
Re: جزاء سنمار (Re: علي دفع الله)
|
مشكور يا ابو علوة
كل ما في الحكاية هو نقل تراثنا القديم قبل ما تغمره مياه السدود
حكاية السدود القايمة في البلد اليومين دي
كانت جوة بس
هسع بقت برة وجوة
صدق حميد لامن قال
فلا النيل القديم ياهو ولا يانا
رقاب تمر الجدود تنهد ولا يانا
بالنسبة للافغان
زراعة وبيع الافيون ما حرام
لكن شرابه حرام
فكانت قوية منك
| |
|
|
|
|
|
|
|
|
|
Re: جزاء سنمار (Re: درديري كباشي)
|
سنمار عايز ينفرد بالملك وقال يطلع بيه فوق احسن عشان يقدم كل اوراقه وطلبات على انفراد
فقال يا مولاي لو طلعت معاي فوق السطوح وشفت المنظر من هناك حا تنبهر اكتر كمان ..
هو سنمار كان طمعان في حاجات كثيرة عاوز اولا يتم تعيينه وزيرا للاسكان كان ما رئيس وزرا عديل
وعايز ولدوا يعرس بت الملك وولد اخوه يمسك المالية يا زول الراجل طموح خلاص وقال لازم يبهر الملك دا لامن يآمن بعدين يرفع الطلبات
الملك ووافق وقال للحاشية انتظرونا هنا وطلع ليك مع عمك سنمار
وفي السطوح سنمار العوير قال اول يرمي الكرت الاخير بتاعه بعدين يقدم الطلبات
قال للملك : تعرف يا مولاي عندي سر عجيب ما عايز زول يعرفه غيرك ..
المالك قال له : لسع عندك اسرار قول كمان يا وش السعد ..
سنما : تعرف يا مولاي في هذا القصر لبنة ( طوبة) اذا سحبتها انهار كل المبنى على من فيه وقتلهم جميعا ..
الملك قال : يا راجل ؟؟
سنمار : والله صحي ..
الملك : وفي زول غيرك عارف سر الطوبة دي ولا انت بس
سنمار : ابدا مولاي وانا ما عايز زول غيرك يعرفها
الملك : ايش رايك انا نفسي ما عايز اعرفها ..
سنمار : كيف يا مولاي انت الخير والبركة زاتها
الملك : بلا بركة بلا بنك فيصل معاك ولا عايز زول يكون عارفها .. ومسكه من تلابيبه ..
سمنار : مولاي مولاي الكلام دا عيب منك انت فهمتني غلط والله ..
مولااااااااااااااااااي قالها سنمار وهو يسبح في الهواء قبل ان يرتطم باالارض ..
| |
|
|
|
|
|
|
|
|
|
Re: جزاء سنمار (Re: درديري كباشي)
|
اتلم العوام والشوام على جثة سنمار الملقية على سطح الارض والكل مندهش في انتظار الملك ليحل لهم اللغز
الوزير : يا مولاي الراجل دا ماكان مبسووووط طالع معاك ليه انتحر ؟؟
( عايز يجهز استمارة المخارجة للملك)
الملك : تقول شنو يا وزيرنا الهام الراجل دا حساس اكثر من اللازم ...
الوزير ليه ماله انتحر قال القروش شوية ..
الملك : قروش شنو انت عارف لو قال عاوز املا له القصر دا دهب ودولارات ما بيغلبني ولا كثير عليه ؟؟
الوزير : اها طيب ماله ..
الملك : بس قلت ليه بوهيات سادولين كانت احسن من سيليدور الالماني وقام زعل ورمى نفسه ..
الوزير : كانن كدا لازم نستدعى السفير الالماني ..
الملك : لا استدعوا سفيرنا من هناك ونعلن المقاطعة بين البلدين احسن ..
احسن على قولك .. وراح شمار طموح سنمار في مرقة انانية الملك ..
ويا دار ما دخلك شر
اقصد دخلك واستوطن فيك ليوم الليلة ..
| |
|
|
|
|
|
|
|
|
|
Re: جزاء سنمار (Re: درديري كباشي)
|
| Quote: قاليه ياخ كسرى انشاء الله بالملاح اليغرقو ياخ .. |
تعرف يا دريري، كسرى دا يكون انقرض بأثر رجعي من الكلام الفوق دا.
تسلم
دُنقس
| |
|
|
|
|
|
|
|
|
|
Re: جزاء سنمار (Re: Osman Dongos)
|
ابو عفان يا عميق
انا زلقتها كدا وسط الكلام زي الشطة الخضراء في البيتزا وما تتخيل حد يتوقف عندهاالاالبتحرقو
تسلم يا جميل
| |
|
|
|
|
|
|
|
|
|
Re: جزاء سنمار (Re: محمد بابكر محمد)
|
والله اردوغان اتمرغ مردغة ما يعلم بها الا الله
سحروه كيزان العرب
كلهم ماسكين ليك في التجربة التركية التجربة التركية لامن جابو ليه الكفوة
| |
|
|
|
|
|
|
| |
Osman Dongos
محمد بابكر محمد
علي دفع الله
Abuobeida Ali Abdullah
فيس بوك
تويتر
انستقرام
يوتيوب
بنتيريست