|
الجواز والإقامة ...........؟؟؟؟؟؟؟؟؟
|
الزميل بصحيفة البيان الإماراتية صلاح عمر الشريف من المولعين بمتابعة هذا الموقع .. كثيراً مايحدثني يناقشني في ما يكتب فيه سواء كان داخل المنبر او في الاخبار والمقالات وله مشاركات عديدة وتعليقات على الموضوعات .. صلاح سولت له نفسه ان يخاطب "سيد الحوش" طالباً الانضمام للموقع رسمياً فبعث الايميل مشفوعاً برقم هاتفه الجوال وأسماء عدد من الزملاء الاعضاء هنا كمعارف له ولكن تفاجأ كما انا بطلب بدا لى غريباً حداً وهو ان يرسل صورة من جواز السفر والاقامة حتى تتم المصادقة على انضمامه لسودانيز اون لاين الاخ الكريم بكري نعلم تماماً ان هناك العديد من المشكلات ولكن كمان مااظن انها تحصل ان تطلب صورة من جواز السفر والاقامة
|
|
|
|
|
|
|
|
Re: الجواز والإقامة ...........؟؟؟؟؟؟؟؟؟ (Re: Mohd Ibrahim)
|
1-اها لو الواحد ما عنده جواز سفر؟؟ 2-عادي الناس ممكن تصور جوازات لاشخاص آخرين؟ ما هو الحل لهذه المشكلة؟ 3-التذكية اسلم طريقة لتسجيل اعضاء جدد متمكنين من الكتابة 4-في 2013 ظهر مجموعةمن الاعضاء وطلعوا بيس ساااي وما بمستوى البورد وده نتيجة لسياسة القبول بصورة من الجواز.
يا بكري راجع سياستك دي.
| |
|
|
|
|
|
|
Re: الجواز والإقامة ...........؟؟؟؟؟؟؟؟؟ (Re: عصام علي أحمد)
|
Quote: يمكن بكري عايز يقدم لينا فى اللوتري
|
لا حولا يا عمك عصام والله دي أوسكار الأوسكار
_______________ سلامات يا عثمان فضل الله .. وليك التحية بكري مضطر والمضطر بطلب الاقامة :) نحنا غايتو دخلناها ساي لا اقامة لا جواز .. رقم وطني ما عندي تحياتي لك والاسرة
| |
|
|
|
|
|
|
Re: الجواز والإقامة ...........؟؟؟؟؟؟؟؟؟ (Re: اسامة عثمان السيد)
|
الاستاذ عثمان فضل الله سلامى ليك و لضيوفك الكرام اسف للتاخير فى رد عليكم و ما عندى كلام بعد كلام الاستاذ على عبدالله بشير اعلاه و للاخوة من الفيسبوك ...اكبر المواقع تتعرض للتهكير و نحن لا نضع معلومات الاعضاء الشخصية فى السيرفا و نحتفظ بها فى جهاز غير متصل بالانترنت م كل المعلومات التى تراها فى ملفات الاعضاء فقط الاسم حتى الايميله لا نظهره و باقى المعلومات هو حر فى اضافتها او عدم اضافتها و لا نطلب منه اضافتها و لكل موقع شروطه و لوائحه ...نظام التزكية و التلفون متعب لنا و للاعضاء و تسجيل الاعضاء الجدد يحتاج الى اسابيع حتى يكتمل ... وشكرا
| |
|
|
|
|
|
|
Re: الجواز والإقامة ...........؟؟؟؟؟؟؟؟؟ (Re: اسامة عثمان السيد)
|
السيد احمد محمد بشير مع كامل الاحترام للا قدميه والسنيريه في الموقع ولكن هلا حكيت لنا عن لجنة اختياركم وشروط انضمامكم للموقع ليرجع الموقع لعهده الاول ويختار الاعضاء بالتذكيه حتى يتم تحاشي الاعضاء البيس. مع تحياتي للاخ عثمان صاحب البوست وكما افاد الاخوه اثبتت التزكيه صعوبة ملاحقة العضو في حالة المخالفه للقوانين.
| |
|
|
|
|
|
|
Re: الجواز والإقامة ...........؟؟؟؟؟؟؟؟؟ (Re: هشام قريب الله صديق)
|
يا اخونا استهدوا بالله انتو ما عندكم موضوع ولّ شنو؟
هذا البوست لمناقشة موضوع معين فلا تحرفوه عن مساره
ذكرت في مداخلتي وبكل وضوح أن البعض من دفعة نظام التسجيل الجديد 2013
طلعوا بيش سااااي وليس كلهم ....... فالرجاء ما تتحسسوا ساااي
مع احترامي الشديد ليكم كلكم. كلكم دي قاصد بيها الإعضاء الجُدد الجادين وكذلك البيش :)
تحياتي.
و أكرر لابد من التذكية / لانه لايمكن لأحد البورداب أن يذكي شخص (بيش سااي) لنيل العضوية لأنه أي سيييك ميييك من العضو الجديد ح يكون مسئول منه البوردابي القديم الذي قام بالتكذية.
أتمنى أن تكون وضحت الرؤية ....... ولو اضفنا على شروط قبول العضوية اقتراحات ملاسي كده ح يكون 100%
| |
|
|
|
|
|
|
|