|
|
 الشاعر شمتان بن منتظر الفرج الديمقراطي فى قصيدة يا يا سائق البوباي نقلآ عن درب الانتفاضة
|
نقلآ عن درب الانتفاضة يا شباب واحد حريف انزل الكاركتير المصاحب للقصيدة
لاهاي
الشاعر : شمتان بن منتظر الفرج الديمقراطي
يا سايق البوباي
أووب على وواي
أنا الغبيان رجيت ال Veto من شنغهاي،
وفي ساعات،
أنا الرقاص
أنا الممنوح هدية عيد وسام قناص،
أنا الحوطني شيخ كدباس
أنا الغناي
بقيت بكاي
أخش بي جاي
أكورك واي
وحلقيdry
كلامي كبار
كلام خرخار
كلام خارم
كلام بارم
كلام زول شارب نبيذ تسفاي
أسوي شنو؟
من أمريكا،
من بلجيكا،
من موسكو،
ومن طوكيو
وصلني اللوم
جفاني النوم
قعدت براي
ِحردت الشاي
ندهت الفقرا من سنار ولي السقاي.
ينجوني
يغتوني
ويلغوا السفرة لي لآهاي
يا تو زعيم بيدور لاهاي؟
والله العظيم، و الله العظيم، والله العظيم
وحرم ما بزورا براى
لابد من خمسين يسافروا معاي
فينا فلان
Plus علان
وموسى هناي
نقول للصولجان باي باي
نسيب السلطة وآ أسفاي
تسيب عرس الشهيد والعرضة يا مولاي
وتمشي عديل سجون لاهاي؟
ود أم زقده يا الحداث وما سواي
ود أم زقده يا العند المحن جراي
ود أم زقده يا مارشالنا
يا حاكمنا
يا تيس بانقا الخراي
ود أم زقده يا سارق الخزن
حراق بنوك
زوار صكوك
معدوم الضمير و الرأي
واللهِ الليلة ود أم زقده:
كان يرقص ال Flamingo
كان يسطل شهور بالبنقو
كان يطلب لجوء في الكونغو
لابد من لاهاي
ياسايق البوباي
لالفة جاي لاجاي
ودى الزعيم لاهاي
|
|
 
|
|
|
|
Saifeldin Gibreel
فيس بوك
تويتر
انستقرام
يوتيوب
بنتيريست