|
|
 هل اتاكم حديث (المفاجأة الاستراتيجية) ..!! ؟
|
ويا خبر النهارده بى فلوس بكرة ببلاش ....
هكذا كتب ( البطل) تحت عنوان شرقا فى اتجاه الغرب ...
فى صحيفة الخرطوم .. الجا ملاسى يتريق عليها ...
ولان ملاسى دائما بيشوف فقط الجزء المافى من الكوب ...
ما بنشتغل بيه وبنقرا ....
المقال علقو بكرى فوق ولكن لانو بكرى ذوقوا كعب
فى المقالات فقد الكثيرين الثقة فيما يعلق ...
وبقينا ما بنضغط علي المعلق دا لو جا الجيش ....
لكن عنوان البطل الجاذب كان هو سبب ضغطى على
المقال .. قبل استمتاعى به فى جريدة الخرطوم ...
فالتحية للجريدة العملاقة والتى ولدت باسنانها
ويا جبل ما يهزك ريح ....
ـــــــــــــــــــــــــــ
وكما قالت الطقطاقة رحمة الله عليها
والما عندو خال يشترى لى خاااال ...
|
|
  
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
ادناه مقال البطل ::
هل عبرت صيوان أذنك – أعزك الله – تلك الطرفة عن السكير (في زمان ما قبل شرائع الدغمسة)، الذي لم يعرف للمساجد باباً، ولكن بعض ذويه وأصدقائه ألزموه ذات مرة بمصاحبتهم الى صلاة الجمعة بأمل هدايته وتقويمه؟ جلس الرجل على مضض يستمع الي خطبة الجمعة، والإمام يصرخ غاضباً ويصب شواظاً من نار علي السلطات المحلية التي صادقت بفتح متجر لبيع الخمور علي مسافة قريبة من المسجد. وعندما ألقى المساء بظلاله، ذهب الرجل الي المتجر، مستدلاً بالوصف الذي قدمه الامام في خطبة الجمعة، واشترى زجاجة خمر، ثم تبين انه يعرف صاحب المتجر معرفة شخصية فصافحه بحرارة وقال له: (مش عيب يا راجل ما تكلمنا عن إفتتاح البار، ونسمع من إمام الجامع)؟!
ذكرتها وأنا أقرأ مقالاً عاصفاً ناسفاً سطره علي المنبر الإلكتروني التفاعلي سودانيزاونلاين الدبلوماسي السابق والناشط الحقوقي نورالدين منان. الاستاذ نورالدين غاضب على القيادي في الحركة الشعبية السيد ياسر عرمان. لماذا؟ لأن ياسر – بحسب نورالدين- "يكره النوبيين". والواقع ان المقال عنوانه: (لماذا يكره ياسر عرمان النوبيين)؟ غير أن كراهية القيادي الحركي الشعبوي لبني جلدتي– حتي لو صحت وقام عليها الدليل – ليست من أغراض يومي هذا. وإنما الذي لفت نظري حقاً في المقال عبارة قيل أنها جرت علي لسان ياسر عرمان أثناء فعاليات مؤتمر عقد بواشنطن بتاريخ 22 يناير الماضي، نظمته مجموعة (أعمل من اجل السودان) الأمريكية، شارك فيها ياسر، بحضور الناشط الحقوقي نورالدين منّان وشخصيات سودانية وأمريكية أخري.
سُئل ياسر خلال إحدي المناقشات عن سبب وقوفه ضد إنضمام حركة تحرير كوش النوبية الى الجبهة الثورية، فصدرت عنه إجابة، والعهده علي الاستاذ نورالدين، تظهر الاستخفاف بالنوبيين وتتهمهم ضمناً بأنهم ربما كانوا وراء نكبات وكوارث حلت بالسودان. من ضمن ما ورد علي لسان القيادي الحركي الشعبوي، وأنا هنا أنقل النص: (جعفر نميري نوبي، والصادق المهدي نوبي، والشخص الذي سيخلف المشير عمر البشير علي رئاسة الجمهورية، بكري حسن صالح، نوبي ايضاً)!
أدهشتني هذه المقولة الشهباء الجامحة من منطلقات وزوايا عديدة. إذ كنت حتى لحظة وقوفي علي كلمات ياسر تلك أعتقد أن المشير عمر البشير لن يخلفه أحد، وأنه هو نفسه لن يكمل عهدته الرئاسية أساساً! ذلك أن الفهم السائد والعقيدة الطاغية التي خلقتها ورسخت قواعدها أجواء وأدبيات كاودا وكمبالا و الجبهة الثورية و"الفجر الجديد" هي أن نظام الانقاذ أيامه معدودة، وأن الجبهة الثورية – التي جاهرت باعتمادها العمل الثوري المسلح نهجاً لإسقاط النظام - في طريقها الى الخرطوم، وأن حشودها ستدخلها فاتحة في صبحٍ قريب .
ولكن ها هو ياسر عرمان يفاجؤني مفاجأةً إستراتيجية، كما هو المصطلح في كليات الحرب. ها هو يربكني ويقلب حساباتي رأساً علي عقب، فيؤكد على نحوٍ قاطع أن الأمر غير ذلك، وإنه ليس هناك ثمة فتح (جبهوي ثوري) قريب ينقذنا من الإنقاذ ولا من يحزنون. بل وعلى العكس تماماً فإن رئيسنا المفدى عمر البشير سيُكمل في واقع الأمر عهدته الرئاسية حتى العام 2015، ثم يسلم عصا الماريشالية ومفاتيح الرئاسة من بعده للفريق بكري حسن صالح!
لا بأس. الخير في ما اختاره الله. عموماً أنا لا أخفي سعادتي بالخبر الذي نقله إلينا ياسر، وهو خلافة الفريق بكري حسن صالح، وتوليه رئاسة الجمهورية في العام 2015، حتى أنني أصبحت أشعر أنه – أى حبيبنا ياسر - يستحق حلاوة البشارة! وبكل التجرد والأمانة أصارحك – أعزك الله - بأن سعادتي ذاتية المنطلق، إذ أنني أعرف الفريق بكري معرفة وثيقة. أن تكون لك صلة شخصية مباشرة برأس الدولة القادم ميزة رفيعة بغير شك، تُعلي من شأنك وتعزز هيبتك، وتوطد مكانتك بين الورى. كان الفريق بكري حسن صالح ، في زمن مضى، وقبيل التحاقه بالقوات المسلحة، يعمل في وظيفة إدارية بوزارة الزراعة والغابات. وكان زميلاً في العمل وصديقاً لأحد أخوالي، الذي كان يناديه (بكوري)! ولكنني تقديراً لفارق السن كنت أناديه هو أيضاً: يا خال! (فلينبئ أحدكم الاستاذ الطيب مصطفى بأن فترة خؤولته الرئاسية قد آذنت بانتهاء، وان خؤولاتٍ أخرى تمشى وراء الشجر، وذلك حكم التاريخ وسنة الله الماضية)!
يا سيادة الفريق .. يا خال: لا أجد علي شفتي ما أقوله بعد أن وقفت علي هذه الأخبار السارة سوي ألف مبروك. ولكنني عاتبٌ عليك، كونك لم تخبرني بهذه التطورات الهامة، وتركتني أسمع الخبر من إمام الجامع!
نقلاً عن صحيفة (الخرطوم)
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
ورغم انو البطل دغمس الطرفة وشرحها وشررحها
وطلع ع ينا .... انت مش كنت تكلمنى يا بطل تقول لى
احكيها لى قبل ما تكوجنها كدا ؟؟
اما اذا تجاوزنا عن كوجين الطرفة فبقية المقال ....
لقيتك لماااااح ...
يحتاج لى ناس الشفرات يجو يفكو الشفرة ....
ــــــــــــــــــــــــــ
ناس ملاسى يمتنعون .. عن اعمال الفك والتركيب ...
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
السؤال الاستراتيجى ...
هل كشفت تلك الاجابة (ان صحت) ...
عن امنيات كامنة وامال .. ام عن قناعات ؟؟؟
ــــــــــــــــــــــــــــــ
يا لها من مفاجأة استراتيجية بحق ..
ذكرتنا طيب الذكر الكوشى النوبى النبيل بشاشا ....
كم نحتاج لعدتك يتاعت الفك والتركيب اليوم يا بشبش ....
اظهر وبان عليك الامان ....
| |
|
|
|
|
|
|
|
|
 Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
ههههههههههههههههههههه
البطل قال ليكم عرمان ح يزوغ
زي ما زاغ قبل كـدا من انتخابات الرئاسة!!
غايتو قناعتي التامة إنو كل الناس الملمومة على السلطة ديل
بقعدو مع بعض كل يوم ويولعوا ليهم حجر شيشة زااابط عشان
يفكروا بكره يعملوا شنو في باقي الشعب السوداني الفضل!!
كلها مسرحيات على خشبة محمد أحمد يا دندون!!
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Hussein Mallasi)
|
يااا شهاب سلامات
انت عرفتها .. وبتعرف جيدا اننا خرطوميين حتى النخاع
حتى اسال سيف ...
مجرد اسم الخرطوم يداعب مشاعرنا ...
ناس قلبها الاصلى يابانى ...
مشتاقين والله .....
ـــــــــــــــــــــــــــــــــــــــ
يا ملاسى انا عارفاك بتضهب لكن
ما قايلاك لى درجة بتقرأ كتابة الباقر عبد الله !!!
بصراحة دى كبيرة شوية .....
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Asim Fageary)
|
Quote: بس كلو كوم والبعمل فيهو الباقر أحمد عبد الله كوم تاني؛
ما عارف فهمو لاذكروا محاسن موتاكم شنو
إذا - في عدد الأمس - وبدلاً من أن يذكر محاسن المرحوم شيلا؛
ذكر محاسنه هو على فتحي شيلا - وأبنائه - عندما كانوا جميعاً في جدة! |
هههههههههههههه
دينا خالد يا ابنتي
اعتقد من باب حسن الظن ان ياسر عرمان يقصد ان بكري حسن صالح سيخلف البشير على المدى القريب والقريب جدا جدا
في اشارة لموضوع مرض البشير او لاي خطط او حركات ثعلبية ناوين يقوموا بيها الكيزان ديل
اما لو كان قال الكلام ده ساااي كده زي مافهم البطل
فلاحولا ولا حولا
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Asim Fageary)
|
Quote:
ورغم انو البطل دغمس الطرفة وشرحها وشررحها
وطلع ع ينا .... انت مش كنت تكلمنى يا بطل تقول لى
احكيها لى قبل ما تكوجنها كدا ؟؟
اما اذا تجاوزنا عن كوجين الطرفة فبقية المقال ....
لقيتك لماااااح ...
يحتاج لى ناس الشفرات يجو يفكو الشفرة .... |
بالجد جقمسة شديدة لما فقدت الطرفة طرافتها
بالله اسع ناس منان وعرمان ديل عايزين بالجد يحكمونا؟؟؟؟؟
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: د.نجاة محمود)
|
بعد حكمنا بشبش وأب رياله ربع قرن من الزمان ودمروا البلاد وقهروا العباد
وأتاحوا الفرصة لحماتهم شلة الحرامية والمفسدين وناهبي البلد ما كتيره أي واحد أحكمنا..
| Quote: بالله اسع ناس منان وعرمان ديل عايزين بالجد يحكمونا؟؟؟؟؟ andCcedil;andiquest;andiquest;andiquest;andiquest;andiquest; |
يكفي عرمان أن ذكر اسمه يثير الرعب في قلوب الطغمة وزبانيتها..
احتراماتي ،،
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد على طه الملك)
|
ههههههههههه يا دكتورة
جبتى سنارتك فى المياه الصافية دى مالك ياخ ..
لقيتك ختااااية 
طه الملك !
اندراوة شنو كمان ... جنك كلكى ....
خالد عبوهاب !!
| Quote: في اشارة لموضوع مرض البشير |
البطل دا قاع يسافر السودان ياخ
ما تقولو ما لم يقله ...
فك الشفرات لو فات حدو بنقلب الى ضده ....
ما تجيب سيرة البحر كل زول يموت بى راحتو فى زول قال ليكم
نحن مستعجلين ...
الله هونينى ...
ــــــــــــــــــــــــــــ
وا بشاشاه ه ه ه ه .....
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد على طه الملك)
|
Quote:
أدهشتني هذه المقولة الشهباء الجامحة من منطلقات وزوايا عديدة. إذ كنت حتى لحظة وقوفي علي كلمات ياسر تلك أعتقد أن المشير عمر البشير لن يخلفه أحد، وأنه هو نفسه لن يكمل عهدته الرئاسية أساساً! ذلك أن الفهم السائد والعقيدة الطاغية التي خلقتها ورسخت قواعدها أجواء وأدبيات كاودا وكمبالا و الجبهة الثورية و"الفجر الجديد" هي أن نظام الانقاذ أيامه معدودة، وأن الجبهة الثورية – التي جاهرت باعتمادها العمل الثوري المسلح نهجاً لإسقاط النظام - في طريقها الى الخرطوم، وأن حشودها ستدخلها فاتحة في صبحٍ قريب .
|
اهلنا فى غرب السودان يابطل بقولوا
ضرضرى وطييه .... لووووووووب ...
ملعوب يا ملاسى مش متعوب ...
اتصلح مع البطل دا مرة ....
ــــــــــــــــــــ
يعنى عادى الزول ممكن يرسل لى البطل فى ايميلو المنشور دا
يا قول ود البشرى
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
سلام يا دينا
"عن امنيات كامنة وامال .. ام عن قناعات ؟؟؟" (الاقتباس لا يعمل)
أمنيات وآمال دي كيف يعني؟! أما قناعات فممكن لو حوّرنا إجابة ياسر التالية (إن صحت)
"والشخص الذي سيخلف المشير عمر البشير علي رئاسة الجمهورية، بكري حسن صالح، نوبي ايضاً"
إلى: والشخص الذي يعدّه البشير لخلافته...الخ
مع العلم إنو النوبيين كشعب ما بناباهم
---------------
شخصيا بالنسبة لي شايف فقط سخرية البطل المعتادة من المعارضة أيا كانت
مع إعجابي الكبير بأسلوبه ولغته بغض النظر عن أهداف محتوى كتاباته
زي حسين خوجلي مثلا
--------------
عموما منتظرين التفكيك
| |
|
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد محمود محمد)
|
يا دندون ياخي عندي ليك فكرة
بما إنه انا وانت خرطوميين شديد
ما تجي نعمل لينا حكومة منفى
او حكومة مستقبل
على الأقل ما يكون فيها زول بي ريالة
ومنها نتفادى ود الصايم دة لأنه نوبي ومن الحاج يوسف
تليشة:
هو نحن البشير عرفن ليه شنو عشان يحكمنا بكري
كمال عباس وكيكي ممكن يساعدوك بالتفكيك غايتو
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
Quote: يا سيادة الفريق .. يا خال: لا أجد علي شفتي ما أقوله بعد أن وقفت علي هذه الأخبار
السارة سوي ألف مبروك. ولكنني عاتبٌ عليك، كونك لم تخبرني بهذه التطورات الهامة،
وتركتني أسمع الخبر من إمام الجامع! |
بركة الجات منك ياجامع .. مش كدا ؟؟
وكما يقول عامة المسلمين علقها فى رقبة عالم واطلع سالم ...
ــــــــــــــــــــــــــــــ
طالما هم مستسلمين ... واحنا مالنا !!!
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
الأخت دينا...المعلومة موحودة في موقع (سودارس)| Quote: عرضت وزارة الإعلام بولاية نهر النيل فيلم "آمال وأحلام" وهو أول فيلم روائي سينمائي بالسودان إخراج الرشيد مهدي وإنتاج إبراهيم ملاسي، وقال عدد من النقاد الفنيين إن التجربة كان من شأنها أن تؤسس لصناعة السينما بالبلاد. |
....أذا كانت المعلومة خطأ ...فأنا أعتذر( لك)...عن أيراد معلومة دون ان استوثق منها ...ولا أعتذر لهذا الملاسي ..الذي يحتاج أن يتأدّب في الحديث مع الآخرين...فكلنا نستطيع لغة الشتائم هذه..(لكن كل واحد بيعمل ب أصلو)...تحياتي
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد محمود محمد)
|
كتب حسين ملاسي عام 2005 في هذا الرابطيعني يا أخت دينا حتى الدكاترة و المتخصصين ما عارفين ملاسي ...وحقيقةً المعلومة المبذولة في الصحف قبل ظهور النت كانت تتحدّث عن الرشيد مهدي كمخرج لهذا الفيلم ...يعني الواحد المعلومة دي ما يقراها (ب جهل)..ألاّ ملاسي ده يكون بيعرفو شخصياً!!
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
Quote: ل اتاكم حديث (المفاجأة الاستراتيجية) ..!! ؟ (Re: Hussein Mallasi)
غايتو البيقع بين إيديكم الله يحلّو
شابكنو بي جهل بي جهل
هو الرجل غلط في البخاري |
الأخ معاوية ...الموهوم ده فاكر انو غلِطْنا في المخرج (روسيلليني)...بعدين الناس الجوا السودان بالبابور 119 ديل عندهم مشكلة مع التاريخ ...عشان كده المسألة دي حساسة جداً بالنسبة ليهم ..أما حكاية أتحلّ منهم دي ..ف ما تخاف ..طالما بِقَتْ جهالة ..نوريهو الجهاة ال جد ..بالمناسبة سمعت بالبابور 119 ده؟ ..تحياتي
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Hussein Mallasi)
|
| Quote: ليتك اجتهدت قليلاً - مثلما تفعل الآن - قبل أن (تتنبر) بجهلك! |
يا اخينا ما في جاهل غيرك ...قلنا ليك المعلومة دي حتى المتخصصين ما عارفينها ...(بأعترافك)...يعني معلومة غااااامضة حتى للمتتخصصين في السينما ...وانت الوحيد ال الأوردتها .. وما كذبناك ...أما الأجتهاد ف ده عشان نورّيك أنك أنسان سئ الأدب ولا تحسن مخاطبة الآخرين ..
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد محمود محمد)
|
هل هو مستند فيما ذهب اليه (ولا ادري حقيقة ما الذي ذهب اليه) علي شيئ سوي تأويل عبارة ياسر عرمان التي تشبه .. زي علي عثمان الشايقي وزي نافع الجعلي ولا قوش الشايقي ولا اي زول في مجري حديث الرفض ...يعني لا بحث علمي ولا دراسة يعني مجرد تأويل اقرب للخطأ يجعل من مقاله مجرد كتابة ساي تحتوي علي عبارة واحدة لياسر عرمان والباقي حواشي.
----
المقالات بقت فعلاً عايزة ليها فك شيفرة
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Gafar Bashir)
|
أخي محمد محمود تحية طيبة
دعك من هذا المنحى بالله، والمسألة لا تحتاج لسوى الاعتذار
ويا حسين ردك كان قاسيا بدون داعي يستلزم ذلك
هدوء رجاءا حتى يصل البوست لمبتغاه
أما موضوع جهل د. وجدي كامل (يا حسين) فسأفرد له بوستا منفصلا
خاصة أن الرجل لا يملك اشتراكا في المنبر يمكنه من رد الإساءة
كمان برضو ما عايزين نحرف البوست
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
| Quote: دعك من هذا المنحى بالله، والمسألة لا تحتاج لسوى الاعتذار |
........تحياتي أخ معاوية ..أما عن الأعتذار ..فقد أعتذرت لصاحبة البوست عن أيرادي لمعلومة متداولة في معظم الكتابات ...وحتى المختصين في السينما مثل الدكتور لديهم نفس المعلومة ...ولكن هذا الدعيّ أراد أن يسئ الأدب (و الناس تفوّت)...أما المنحى ال بتقصدو (ف عينة الزول ده )...ده الأسلوب البيلجمو من الأساءة للآخرين ...فما أسهل قلة الأدب .... وللأسف هي دواء ناجع للكثيرين ...لك شكري و احترامي
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
ملاسى ومحمد ... قواسيب من الود ..
البوست ده جميل ما مفروض يحصل ليهو انحراف ( اخلاقى )
يا استاذه دينا
سامعانى يا اختى وبت امى وأبوى .....؟؟؟؟
بنفس منطق عرمان فانا ضد ان يحكمنا عرمان .. عارفه ليه ...؟؟
البشير ده جعلى ... حاكمنا ليهو 24 سنه حتى الان .. يجى يخلفو عرمان الجعلى .. ؟
لا عايزين الناس اللى ما شاركوا .. مثلا واحد من الزغاوة او الفور
او ... او... من الناس الما حاملا سلاح .. لازم يكون من الناس الحاملا .. علم ..
دكتوراة فى الاقتصاد .. علوم سياسية ... زراعة .. هندسة .. طب . الخ ....
لانو افتكر ده السلاح المفروض يكون متوفر فى رئيسنا .. عشان يطور لينا البلد ..
اكيد لما الرئيس يكون مستواه التعليمى ادنى من الشعب الطربيزة بتكون مايلة
وفى الحالة دى القيم (game ) بكون ما لزيز .. شفتى كيف ..
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
كتبت دينا
Quote: يا مدير ...
قبل ما يجوك انت كمان .. متاكد انو ما عندو عضوية ؟؟ |
كنت أود أن أفتح بوستا منفصلا عن موضوع ملاسي ود. وجدي كيلا أحرف هذا البوست عن غايته
ولكني اعتبر مداخلتك أعلاه اذنا بالاستمرار في رحابة ديوانك
في سياق السجال بين الزميلين حسين ملاسي ومحمد محمود (تجدونه أعلاه) وصف الأول الثاني بالجهل وزاد:
| Quote: لا تتوهم أن وجدي كامل أعلم منك .. فكلاكما سيان! |
(الغريب أن علامة التعجب من ملاسي نفسه)
وأصل الحكاية أن المخرج السينمائي د. وجدي كامل نسب في مقال له قبل عدة سنوات إخراج فيلم "آمال وأحلام" إلى الراحل الرشيد مهدي
وهو في الحقيقة من إخراج الراحل إبراهيم ملاسي، ولم ينس الزميل ملاسي لدكتور وجدي هذه "الهفوة" في حق والده، فكان أن نعت الدكتور
بالجهل، وفي ماذا؟ في مجال السينما
ونرجو من الأخ حسين أن يبرر لنا إطلاق هذه الصفة بهذه المجانية
تاليا مقتطفات من سيرة المخرج السينمائي د. وجدي كامل:
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Hussein Mallasi)
|
بالإمكان أن تضيف لسيرته الذاتية ما تشاء ولكنك لن تستطيع أن تنقص منها حرفا
خليك موضوعي يا ملاسي، وورينا جهل وجدي السينمائي دا جبتو من وين
ولّ هو كلام والسلام
يلّا ورينا الجهل دا وين
الواحد يعمل فيها عارف أي حاجة وللتدليل على ذلك يديك كلمتين أو سطر بالكتير، موحيا بأنه يحتفظ بباقي المجلّد في ذهنو
أها لما يتزنق يفقد المنطق ويقعد يقول ليك كوارع و باسم
يلّا يا حسين، نصف البورداب ديل بحترموك وبدافعوا عنك، أرجو ألا تخذلهم
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
المدير !
السى فى دى مرقتها من وين ؟
وجدى كايس الشغل ؟ لوووووووب
والله ضحكت ذى الناس البفتشو فى الشغل ديك.. والسى فى بتاعتهم حايمة ...
مع خالص احترامنا للدكتور ,,, الفوق دى يادكتور نكته اطلقها على
حسن موسى ... وسارت بها العربان ... بهذر بس
ـــــــــــــــــــــــ
يا مدير ملاسى شن عرفو..
عايش طول عمره لك سينما ما عندو ...
لكن ابوهو سينمائى كبير ورائد
ف زول بى السى فى الفوق دى ما كان يودرو
يعنى هى السينما السودانية فيها كم فيلم عشان يودروهم ؟؟
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
مشاركة من الفيس بوك ..| Quote: محمد محمود هذا الدعى حسين ملاسى لانه الناس سكتت ليهو فى سودانيز وهو كما يظهر من حديثه وردوده للمتابع لسودانيز عبارة عن تعالى ولغة مطاعنات لا ترتقى للرجولة فى المواجهة الله يكرمك فشنو لانه الناس تسكت ليهو ماتخليهو فيهو فرعنة اولاد بمبا واعتزازهم بى بعرقهم حقا استغرب وجود مثل هذا الدعى فى صحافة اليوم ولكنى لا استغرب الهوان فى زمن الانقاذ فهو منتوج طبيعي لفكرهم واضمحلال الفكر والثقافة فى السودان |
المطاعنات وسؤ الأدب مع الآخرين ... من وراء ال كيبورد ..دليل على شخصية مريضة و########ة...و(شغل الردحي)..ال عملو الآن يشبهو تماماً...تحياتي
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: Hussein Mallasi)
|
Quote: صفه "برقاصين القرد" ثم أتي راقصاً معتذراً بحسبان أنه قد كتبها تحت تأثير رد
الفعل .. ليس جاهلاً متنبراً بجهله فحسب بل ولاحساً لصفاقته بعذر أفدح من الجهل! |
أنت ما بتفهم يا اخوي ...لاحس شنو و صفاقة شنو ؟...أها رقاصين القرود دي حقتك انت...الأعتذار لوجدي على وصفك ليهو بالجهل ..و انو أنا ال أقحمتو في الموضوع بأستشهادي بكتابتو ...أما رد الفعل المقصود ..غهو ما بدر منك من أساءة .....أها كدة فنّطنا ليك الكلام ...كوتتك في محلها ...الأعتذار لوجدي عن أساءتك ليهو ...فهمت يا أحمد رجب؟
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد محمود محمد)
|
| Quote: أتقدم للدكتور وجدي بخالص أعتذاري ...على ما أصابه من رشاش ..كرد فعل من هذا (الملاسي)..لأني استشهدت بحديثه ...رغم أنه في البوست المذكور رد على حديث وجدي كامل بكل أدب ...وجاء اليوم ليتحدث عن الجهل و الكوارع ... |
..هذا هو كلامي أيها المتحاذق ....هل فبه أي أشارة لأساءة صدرت مني ...تستوجب الأعتذار؟....أما قصة القرود ..فلو ظننت أنها كانت موجّهة لغيرك ...تبقى مُصيبة
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: تبارك شيخ الدين جبريل)
|
هل سيجيب حسين ملاسي على معاوية الزبير ؟؟!
Quote: البرلوم محمد محمود ...
اتوقعتك تجى تعتذر والله .....
وتقول انك فعلا تحدثت بجهل ....
لكن ما حصل لعل المانع خير .... |
دينا خالد ...
اتوقعتك تجي تطالبي حسين ملاسي باعتذار صريح زي ده والله .....
لانو برضو تحدث عن دكتور وجدي كامل صالح بجهل ....
لكن ماحصل لعل المانع خير ....
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: خالد عبدالوهاب)
|
Quote: دينا خالد ...
اتوقعتك تجي تطالبي حسين ملاسي باعتذار صريح زي ده والله .....
لانو برضو تحدث عن دكتور وجدي كامل صالح بجهل ....
لكن ماحصل لعل المانع خير .. |
البرلوم خالد عبدالوهاب
ايمانا منى بالمسئولية التاريخية الملقاة على عاتق الاختى ( ما عرفت اخت
الكسرة على التاء من وين عموما كسرناها ليكم عشان الواحد عامل حساب
اللغة ومقدر عامل المسافة البيناتنا ) . دينا . وتضامنا مع البرلوم ابو الخلد
نطالب سعادتك بادانة واضحة وصريحة . للسينير ملاسى فعنصرة السناير دى مرفوضة ..
اما فيما يختس بالسيد حسين ملاسى ابن السنمائى الشهير فأرى أنه لا بد من باب
الاخوة والمحبة والزمالة ان يقدم أعتذارا للاخ محمد البرلوم وعضو الدايرة 55
القولد .فيا ملاسى أنت غلطان اعتزرلو ياخى ما فوكا حاجة وبرضو بحبك
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: الصادق سيكا)
|
حتى يستجيب جاك دريدا لطلب دينا خالد بالحضور لتفكيك نص مصطفى البطل
وأيضا لمنح حسين ملاسي مزيدا من الوقت للتشاور مع نفسه في شأن الاعتذار
نقدم هذا المقتطف من شهادة الناقد والمخرج السينمائي المعتق عبد الرحمن نجدي
بحق د. وجدي كامل
"ينتمي وجدي كامل إلي الجيل الثاني من السينمائيين السودانيين الذين تعلموا فنون وتقنيات السينما بالخارج بغية تحقيق سينما سودانية مؤثرة و حقيقية مرتبطة بحياة الناس ومتصلة بالمجتمع وهموم الوطن، كان أكثرنا طموحا وحماسا لتحقيق أفلام ترفع من قيمة السينما السودانية، كان وجدي وسيظل يطمح في تحقيق أفلام متميزة مفتوحة علي العالم فالسينما في آخر هي حياته كله،
وعندما عاد وجدي للسودان بعد إكمال دراسته بمعهد الدولة في منتصف ثمانينات القرن المنصرم كان يحمل معه أحلاما كبيرة كبر بلده السودان آنذاك، ولم يخطر في باله أو بال غيره من السينمائيين أن السودان لم يكن أصلا مهيأ لتحقيق الأفلام ولا يملك إستراتيجية أو رؤية واضحة لدعم برامج الفنون والثقافة،
ببساطة السينما كانت تحتاج لمناخ صحي يعيشه ويعايشه المبدع، ولحسن الحظ أكتشف مبكرا وجدي مأزق السينما الذي وضع نفسه فيه:
(مأزق السينما في السودان هو مأزق من مآزق السودان والدولة ، مأزق الفنون و الثقافات الوطنية التي كان من المؤمل أن تلعب السينما دورا مهما في الإبلاغ عنها، وبالتالي الكشف عن السياسات الاجتماعية والتاريخية وهموم وقضايا الواقع السوداني والتراث الثقافي القائم علي مساحة المليون ميل مربع ..... (وجدي كامل - جريدة الخرطوم 30 نوفمبر 1995)
واكتشف وجدي أنه من المستحيل العيش من (عرق السينما) وحدها فأمضي نصف حياته في الترحال بين مدن عربية واوربية فذهب إلي ليبيا وعمل بجامعة قار يونس ، وحاول العمل بابوظبي ثم قطر و رجع مرة أخري إلي موسكو (1990 – 1993) وأكمل دراساته العليا ونال الدكتوراة في علوم الآداب والفنون وكان موضوع أطروحته حول جماليات السينما الأفريقية جنوب الصحراء ويبحث فيها عن الجذور والعلاقات الثقافية لعدد كبير من المخرجين الأفارقة، وأستقر به الحال كعضو هيئة تدريس بقسم الأعلام بجامعة الخرطوم،
وبعدها أصبحت السينما مجرد هواية عند وجدي كامل من منظور سبل كسب العيش الحلال رغم احترافيته العالية التي مكنته من تحقيق 14 فيلما وثائقيا في فترة عقد من الزمان نال عن بعضها جوائز عالمية وتقدير النقاد وجمهوره المحدود
سينما وجدي كامل تنتمي إلي عالم المهمشين والغلابة حققها بكثير من الحميمية والصدق الذي لا يخفي رؤيته الشخصية لما يدور في بلده السودان، وكانت قناعاته النظرية مماثلة لقناعاته العملية فقدم أيضا الكثير من الأوراق عن دور الفيلم التسجيلي في تعزيز قضايا السلام الثقافي ( إن الصورة المتحركة إن وجدت التوظيفات الخلاقة تستطيع العمل بأنساق نشطة لا مثيل لها في تعميق قيم أحترام التنوع وثقافة الآخر و معتقده )
وسعي وجدي مثله مثل أستاذه (بريخت ) وملهمه (قرنق) أن يقتلع جذور المشكلة والخروج من النفق المظلم، ذلك الذي تعيشه السينما السودانية في ظل غياب تقاليد إنتاج سينمائي وعدم توفر البنية التحتية فاقترح قيام ميثاق شرف بين السينمائيين السودانيين والحكومات السودانية المتعاقبة فيما يتعلق بتعامل الحكومات مع السينما رغم ثبات موقفه الفكري والتقدمي غير القابل للنقاش،
كان وجدي يهدف بذلك إلي فتح الأبواب له ولغيره من السينمائيين السودانيين لإنتاج أفلام تنحاز إلي الشارع ، كان علي علم بأمراض السينما السودانية، وأيضاً الحلول، ولكن ذهبت كل مقترحاته وأحلامه سدي في ظل نظام جاء يحمل معه مشروعه الخاص به وكوادره المدربة،
ولكن من تجارب التاريخ البعيدة والقريبة نعرف أن (الديكتاتوريات ) تفرض علي المبدعين أوهاماً كاذبة وخيارات لا مستقبل لها، وهذا ما فرض علي وجدي كامل خروجا رابعا من وطنه السودان وربما يمتد هذه المرة لسنوات."
--------------------------
كتب الزميل خالد عبد الوهاب
| Quote: هل سيجيب حسين ملاسي على معاوية الزبير ؟؟! |
لن يجرؤ
-------------------------
كتبت دينا
| Quote: وجدى كايس الشغل ؟ لوووووووب |
نو بودي إز بيرفكت
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
الأخوان الضيوف الجدد في هذا المنبر
محمد محمود، خالد عبد الوهاب، الصادق سيكا
تحية ترحيب ومودة، أما بعد
أعرف يقينا -فايت الحد- أن حسين ملاسي لن يعتذر، فمثله لا يُطلب منه اعتذار،
لأن العادة -هنا- جرت بأن يهب الجمع للوقوف بجانبه إذا ما تعرض لما يُوجب الاعتذار، لا العكس.
لكنني أردت فقط أن أسجل عليه -وعلى غيره- هذا الموقف وأحفظه في الأرشيف، إلى حين استحضار.
وشكرا لكم لقول الحق. والسلام.
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: معاوية الزبير)
|
| Quote: أعرف يقينا -فايت الحد- أن حسين ملاسي لن يعتذر، فمثله لا يُطلب منه اعتذار، |
__________..الأخ معاوية الزبير أنا شخصياً لا أريد منه أعتذاراً...فعلاوةً على سؤ أدبه ...فقد بان غباؤه للجميع حينما اعتذرت للدكتور وجدي عما لحقه من سؤ من هذا الملاسي ... فظن البائس أنني أعتذر عن شئ صدر مني تجاه وجدي ...فكال لي المزيد من قاموسه الساقط...بالنسبة لي لا هو ولا أعتذاره لهم وزن عندي ...دمت بألف خير
| |
|
|
|
|
|
|
|
|
 Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
Quote:
المقال علقو بكرى فوق ولكن لانو بكرى ذوقوا كعب
فى المقالات فقد الكثيرين الثقة فيما يعلق ...
وبقينا ما بنضغط علي المعلق دا لو جا الجيش ....
|
ومازالت ..
تقديرات بكري بيش
ومازلنا متمترسين .. ستظل وقفتنا على خط النار رائعة طويلة
مافي بطل، ولا خال دسم ح يزحزحنا من موقفنا المبدئي دا
--------
البطل مرر اجندة عبركم زي الترتيب .. وشغل الناس بالغبار الكثيف الاثارو حول ياسر عرمان والفجر الجديد .. ليمجد ويسوق زول زي (بكري حسن صال) وكأنو مافي حاجة!!
يا لبؤسك يا صديقتي (او كما قال سميي ورفيقنا في الخضرة )
اكيد ما مقصود بالقصة الاضحاك يا دندن ..
اشرعوا الاجتهاد في (ما يستفاد من هذا الحديث)
القصة دي ذات مغزى ودلالة .. عشان كدا البطل ضغط على الثيمات البتخدم غرضو (اليوم) ممكن تقري في المقال .. او كما قال
وفي نفس الوكت حافظ على المفارقة الرئيسية (ممكن تقري الرئاسية) بتشبيه نفسه بالطشمنجي بالجيب خبر المنكر من بيت الله .. ابعد احتمال!!
العلاقة العاطفية بين الطيار والقنقنر مبررة جداً .. الحب في ذاتو مبرر كافي
اها حب زول زي (بكري حسن صالح) بكل تاريخو الاتقاذي النتن دا مبررو شنو!؟
مسكتوا ضنب الككو!؟
و وجهتوا كل اسلحتكم على ياسر عرمان -رغم اي حاجة- والفجر الجديد رغم رأيي الشخصي فيو ان لا جديد هناك (في آخر النفق المظلم دا) .. وليس ثمة فجر سيأتي ..
لكن اقبل بكري حسن صالح .. وابقيو بطل .. دي فعلاً لا يقدر عليها الا (البطل) بالتعريف .. هكذا!
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد على طه الملك)
|
Quote:
أهو خمي وصري ..
بكرة الخال الجديد بكتب قيقاراوي كايس العرس ^ _ ^
أنا بررررا.
|
لي اصلو هو خال حمور؟
(اقرأ "خالي جراب .. اي كيسو فااااضي كفؤاد ام موسى)
---------
البطل اسي انا الوحيد الشكرتو هنا ..
زول كتاب مافي ذلك شك .. لكن محتوى كتابتو -هنا- بيييييييييييييض .. ابيض ما يكون
تحس بيو ما عاوز يفوت عمودو بس ..
التقط معلومة فارغة المحتوى والمضمون، وجايي باني عليها؟
في ذمتك دي ياسر عرمان الطلع للربى والتلاف من 1983م وفات الناس مسااااااااافة بفهم متقدم جداً جداً لسودان جديد .. وحظي بمكانة وقرب من قائد عظيم زي جون قرنق ممكن يكون لسة طريقة تفكيرو بالبؤس الما بشوف بيو في بكري حسن صالح عيب وااااحد!؟
العب غيرا يا بطل ..
او تعال احلف لينا بي الله انك مصدق "حديث" السفير منان .. الموضوع والضعيف دا!
انت قايلنا جايين هنا ساكين لينا كيس يا بطل ول شنو!؟
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: فرحات عباس)
|
| Quote: في ذمتك دي ياسر عرمان الطلع للربى والتلاف من 1983م وفات الناس مسااااااااافة بفهم متقدم جداً جداً لسودان جديد .. وحظي بمكانة وقرب من قائد عظيم زي جون قرنق ممكن يكون لسة طريقة تفكيرو بالبؤس الما بشوف بيو في بكري حسن صالح عيب وااااحد!؟ |
أنا يا قيقرا قريتها من زاوية تانية وهي انه ياسر عرمان بكل الضجيج العامله دا و جبهة ثورية وسودان جديد وقيامة رابطة مقتنع أن الإنقاذ لن تزول - تُزال - بأخوي وأخوك لكن هناك تغيير ما - تغيير صغير في إطار الإنقاذ الكبير - و هو مهيّأ للتعايش مع هذا التغيير
و الله ثم البطل أعلم بما في صدره
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: محمد البشرى الخضر)
|
Quote:
أنا يا قيقرا قريتها من زاوية تانية وهي انه ياسر عرمان بكل الضجيج العامله دا و جبهة ثورية وسودان جديد وقيامة رابطة مقتنع أن الإنقاذ لن تزول - تُزال - بأخوي وأخوك لكن هناك تغيير ما - تغيير صغير في إطار الإنقاذ الكبير - و هو مهيّأ للتعايش مع هذا التغيير
|
هي لكن يا ود البشرى (الحديث) بنقلو بسند ضعيف زي دا وبجوا بقيموا بيو فقه؟
البطل سيد العارفين، لكن عامل غمران ساي
الكلام دا سطحي جداً ومافي منطق او واقع بدعمو، والبطل حريف، ؤ منان دردقا ليو في طبق من ذهب
لن يجرؤ البطل على وضع التحليل دا على لسانو (اقرا قلمو) هو همسلف
------------
دا كلو كوم .. وتشكير رواكيب الانقاذ دا كون (التصحيف مقصود)
الكون ذلك المجهول!!
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: قيقراوي)
|
كتب كمال الزين...| Quote: دندون طوالي عاملة مشاكل , ولحسن حظك انا ماقادر ادخل اليومين ديل , لكن يا أخ محمد محمود ترقيص القرود دي شغلة الناس الحمر او شريحة يطلق عليها في معجم العنصرية السودانية (الحلب)وما كل احمر حلبي لان الحلب هم الغجر او هم غالبا جاؤوا الى السودان من منطقة (نقادا) وهي قرية بصعيد مصر بمحافظة قنا , لكن اذا ترقيص القرد ده قاصد بيهو حمرة ملاسي فعليك تجاوز ملاسي والاعتذار لوجدي كامل صالح عبدالسيد (ابوصلاح) نفسه لأنه ايضا اهلو اكثر حمرة من ناس ملاسي :) معذرة يادينا على الجية من تحت الباب , بكرة بجيك بالدرب ,, تحياتي للجميع خاصة معاوية الزبير البقى بقدرة قادر معاوية المدير نسبة لكتابة دينا حالد لاسمه بدون علم (تقرأ بجهل ) ههه والسلام |
_____أكيد أنا قاصد ملاسي ... أما وجدي كامل ..فقد تجنّى عليه ملاسي (لا أيدو لا كراعو)...وأصبح مصنّف جاهل زيّو زيّي واحد..... أما قصة ما كل أحمر حلبي ...أوافقك عليها و أبصم بالعشرة ...والدليل الردحي الشفتو ده ...أشكرك كتير
| |
|
|
|
|
|
|
|
|
 Re: هل اتاكم حديث (المفاجأة الاستراتيجية) ..!! ؟ (Re: محمد محمود محمد)
|
Quote:
تحياتي للجميع خاصة معاوية الزبير البقى بقدرة قادر معاوية المدير نسبة لكتابة دينا حالد لاسمه بدون علم (تقرأ بجهل ) ههه والسلام
|
( )
------------
كخبير اعتذارات (معياري) انا شايف انو دينا مدينة لمحمد محمود باعتذار .. غير ذي عوج
بالجد يا دينا ما ليك اي حق في ترديد جهالات ملاسي في حق اخونا محمد محمود
الحق، حق عاد .. والفضل، فضل
وبعد اعتذار دينا لمحمد محمود .. هو يعتذر لملاسي، وللدكتور ..
وقبل دا ملاسي يعتذر لمحمد محمود
وانتو التلاتة كدا بسلامتكم تعتذروا لينا انحنا ديل عن تسميم جو حوار (مفترض) بترديد عبارات صاعقة زي (جاهل) (ترقيص قرود) (حلب)
ول شنو يا الركاب!؟
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: قيقراوي)
|
ووووووووووووو غايتو قيقا لما يعقبك على بوستك
لاتحمد عقباه كلو كلو ...
يعنى تقصد نحولوا لى بوست اعتذارات ؟؟
الواحد بقى منبركم دا يعمل البوست ويجى يشرحوا امرنا لله ....
انا فى معرض مكاواة مع معاوية قلت لى
دا اسم فيلم اخرجو ابو ملاسى ....
تااااااااااااح جا زولك دا قال المعلومة دى غلط
الفيلم اخرجو زول تانى جاب اسمو ...
دخل ملاسى قال ليهو لا ... الفيلم اخرجو ابراهيم ملاسى
ولا تتحدث بغير علم ... اها الغلط وين هنا ؟؟ انت يا قيقا
طوااااالى بتخلى الله دا بى وراك !
وحتى لو قال لى تقرا بجهل فهو لم يتجنى عليه فالرجل
حقيقة افتى بجهل فى معلومة ممكن زول يوم يجى يقوقل بعد 20 سنة
تطلع ليه معلومة غلط .... ذى ما عمل هو هسه قوقل طلعت ليه معلومة
وجدى الخطأ ....
لحد هسه ملاسى دا ماشى ذى الورد ....
لما جابو اسم وجدى اها ملاسى عابو اكتر باعتبار انه هو رجل سينمائى
فاذا نحن لقينا العذر لى محمد لانو بقوقل ساى .. فمن وين نجيب العذر لى رجل
سينمائى بكل هذا السى فى الطويل وعريض كيف يجهل سينمائى كبير او يتجاهل
اسم اول من اخرج فيلم سينمائى فى السودان ؟؟؟ وبافتراض انو دا حصل
لماذا لم يصحح وجدى هذا الخطا ؟ حتى لا يقوقل الناس معلومة وينقلونها بثقة عنه
كما فعل محمد باعتبار انها معلومة السينمائى الضليع !
لازم تكون اقوى من معلومة دينا المسكينة دى ....
وبرضو نحن النعتذر ؟؟؟؟؟؟؟؟؟؟؟؟؟
قيقا .....
اختشى ....
ـــــــــــــــــــــــــــــ
اذا اتى اى شخص ونطق بمعلومة تنم عن جهله بها ...
اذا فهو يجهلها ... انتو متحسسين من شنو ؟ ما فهمت عليكم !!
لسه انا ما فهيميت .... ما فهيميت ...
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
سلام للجميع ...أولاً يا أخت دينا كل الفلسفة الجبتيها دي ...بنيتيها على أفتراض أني (ب اقوقل ساكت)... وما عارف من وين ليك أني أوردت المعلومة بعد ال (google search )؟..أنا ذكرت أنو المعلومة دي هي المتاحة في كل وسائل الأعلام من قبل _النت)... وبعد كلام ملاسي دخلت (google)..ووجدت نفس معلومتي في أحد المواقع ..بعد داك وجدت تصحيح ملاسي لوجدي في المنبر ده سنة2005..يعني ما تبهتي الناس على أوهام في راسك .......ثانياً لغتك ما اختلفت كتير من لغة ملاسي ...ولكن تغاضيت عنها لأسباب كثيرة ...ليس آخرها أنك صاحبة البوست ...ولو انا أوردت معلومة غير موثوق منها ...وجدتك تستحقي الأعتذار ...ففعلت ....ثالثاً أنا أعتذرت ليك عن أيراد المعلومة بكل أدب و شجاعة ..رغم ما أصابني من أساءة ...ف مافي داعي ترجعي تاني تبرري أساءة ملاسي لي ..وانا شخصياً ما طلبت منك ولا من ملاسي أعتذار ...بعدين قِصة تاااااااااااااح جا زولك ...ده أسلوب ما جميل ...زي ما أنا كنت مهذّب معاك بافترض ألقى نفس الأسلوب في الحديث عن الآخرين ...أخيراً أنا ال بأعتذر ليك عن دخولي من الأساس في الموضوع ده ...و حسبي الله و نعم الوكيل
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: قيقراوي)
|
كضبا كاضب يا كمال الزين
فالحلب ليسوا هم النقادة ...
النقادة ديل بى بلدهم ذى ما قلت انت اسمها نقاده فى صعيد مصر
مسيحين فروا من الاضهاد ضد المسيحين وقتها الى السودان مع
جموع كبيرة من مسيحيى دول الشام ايضا واستقر بهم المقام فى العديد
من المدن السودانية شمالا وجنوبا شرقا وغربا .. بذات ديانتهم بذات
مهنهم بذات نسبهم الى بلادهم ومدنهم المعروفة ... ديل ما الحلب ..
( القيبسس ) .. القاصدهم انت تعريفهم مختلف ...
وعلى فكرة ديل اغلبهم مسلمين ...
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: دينا خالد)
|
الأخ قيقراوي ...تحياتي ...أنا اعتذرت للدكتور وجدي على ما لحقه من اساءة من ملاسي ...لأني استشهدت بكلامه في أيرادي لمعلومة الرشيد مهدي ...ولم أعنيه في أي عبارة تستوجب الأعتذار...لك شكري و احترامي| Quote: Quote: أتقدم للدكتور وجدي بخالص أعتذاري ...على ما أصابه من رشاش ..كرد فعل من هذا (الملاسي)..لأني استشهدت بحديثه ...رغم أنه في البوست المذكور رد على حديث وجدي كامل بكل أدب ...وجاء اليوم ليتحدث عن الجهل و الكوارع ... |
| |
|
|
|
|
|
|
|
|
|
Re: هل اتاكم حديث (المفاجأة الاستراتيجية) ..!! ؟ (Re: قيقراوي)
|
سلام يا كمال الزين
تعرف، وجدي بفتخر بأنو جدو أبو صلاح، ومن ذلك ما غرسه فيه من بذور الشعر
(راجع القصائد التي كتبها وجدي للراحل محمود عبد العزيز
"عشان نغني" "رحل الغمام" ..)
لكن مشكلة ملاسي إنو بيستغل حكاية العرقية دي على نقيضين:
1- يستدر بها شفقة الآخرين (عاينو دا قال لي يا حلبي، فيهرع أخوال فاطمة
للاصطفاف بجانبه)
2- يتعالى بها على الآخرين (اقرأ: العبيد السود ديل)
فيصطفي من يستحقون الرد على مداخلاتهم (من وجهة نظره) ثم -على قول الشوام-
يستظرط الآخرين
----------------------------
وفي كل الأحوال يا كمال: من هو السوداني؟!
القيامة على الأبواب ولسه بنتناقش حول هويتنا
to hell yakh
| |
|
|
|
|
|
|
|
| |
دينا خالد
شهاب الفاتح عثمان
محمد عبد الماجد الصايم
Hussein Mallasi
Asim Fageary
محمد على طه الملك
معاوية الزبير
محمد محمود محمد
طارق جبريل
الصادق سيكا
كمال سالم
تبارك شيخ الدين جبريل
قيقراوي
فرحات عباس
محمد البشرى الخضر
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست