دعواتكم لزميلنا المفكر د.الباقر العفيف بالشفاء العاجل
|
|
 ملاح تقلية بالتونة.. يللا علينا جاي
|
كعادتي مساء كل خميس أمشي لدار أبناء القرير بالرياض.. ولست من أنصار لعب الكتشينة التي يحبها كثيرون... جلسنا نتسامر أنا ,وبعض الإخوان.. تطرقنا في حديثنا الى إحد هموم (العزابة) وهو إعداد الوجبات.. أخبرنا صلاح حسب الله ، أحد المتسامرين أنه عندما كان بليبيا كانوا يعملون حلة التقلية بدون لحم ويستبدلونه بالتونة... راقت لي الفكرة وصممت أن أجربها (أعجل ما تيسر) ... اليوم قمت بإعداد أول حلة تقلية بالتونة وحتما لن تكون الأخيرة .. ووداعا أيها الجزارون... وداعا للكليسترول وأمراض الشرايين.. وشكرا لصديقي صلاح حسب الله... هذا البوست هدية لإخواتنا بالمنبر ولجميع العزابة وأشباه العزابة
هذا البوست جادي تماما. ولا هزل فيه. وأنا زول عندي رسالة تجاه نفسي وتجاه كل من يهمني أمره بأن نتخير أطعمتنا ونبحث دائما عن الطعام والشراب ذو الفوائد الصحية خاصة إذا كانت أسعاره في متناول الجميع ... وبما أن السمك عموما أفضل صحيا من اللحوم الحمراء ، فإنها فرصة طيبة أن نعمل طبقنا المفضل ( ملاح الويكة بالقراصة) باستخدام التونة... والعاوز يعرف الوصفة، يجيب ورقة وقلم لكتابة الوصفة:
المقادير:
2 بصلة متوسطة
علبة تونة 185 جرام (صلبة)
ويكة يابسة
توم
بهارات (كسبرة+فلفل+ شمار)
صلصة
أولا: حمر البصل تحمير كويس
افتح علبة التونة وابعد الزيت بتاعا الفي العلبة وكبها فوق البصلة وابدا في السواطة لمدة دقيقتين تلاتة.. بعد داك زيد موية ساخنة للحلة وغطها لفترة ربع ساعة على الأقل أو تلت ساعة.
مستخدما مصفى كبير طلع التونة والبصل من الحلة واخلط في الخلاط ورجع للحلة مرة أخرى
ضيف الصلصة والبهارات ولا تنسى الملح
اهرس التوم (وقدر ما يكتر أحسن) وكبو في الحلة
بعد أن تأخد الصلصة فترتها ويتنهي (زبدها)
ضرضر الويكة واستخدم المفراكة
بالنسبة لقوام الويكة فيكون حسب المزاج: مدمني القراصة : ملاح يكون تخين (تمشي فوق السوسيوة) ولمحبي الكسرة ممكن يخلوها رقيقة شوية
وبالهناء والشفاء
|
|
 
|
|
|
|
|
|
|
|
Re: ملاح تقلية بالتونة.. يللا علينا جاي (Re: maman)
|
ســلامات .. (من أين أتيت يا فتى) على وزن (من أين أتى هؤلاء) مع الفارق .. هذا من أجمل وأفيد ما قرأت .. سوف اقوم بعملها دائماً.. حقيقة عجبتني جداً وهي تصب في فكرة (عولمةالمطبخ السوداني) .. أكيد أوجه من (الكجيك في رأيي).. تشكر وسلمت
| |
|
|
|
|
|
|
|
|
|
Re: ملاح تقلية بالتونة.. يللا علينا جاي (Re: maman)
|
قبل عشرة سنوات أيامنا العزابة كنا بنعملها دوما
وتؤكل بالعصيدة لأن السكن كان مع ناس بحيبو العصايد
جبت الأولاد ، إقترحت على المدام تعمل تجرب تقلية التونة
قالت لي قوم لف .
تحياتي منان وشكلو كدا ح يكون خميسنا معاكم تاني
| |
|
|
|
|
|
|
|
|
|
Re: ملاح تقلية بالتونة.. يللا علينا جاي (Re: حسين ديقول)
|
سلام يا معلم مامان ..كيف مشتاقين والله .
أهم شئ تكون خليت الوصفة مع ناس سليمان
حا نجيهم انا والجميلابي يوم الخميس ..
لكن قوليهم احتياطي كدا ختوا فول على الجمب ..من البوش ..
لانه التونة زاتها خشم بيوت .. شئ ياباني وشي تايواني .. وفي نوع تونة علبتها بقت بخمستاشر ريال يعني الكيلوا منها بيكون بمائة وخمسين ريال ( نصف خروف مبرد) ..
عموما الفكرة حلوة ومفيدة وبتفك حيرة زول متقريف
| |
|
|
|
|
|
|
|
|
|
Re: ملاح تقلية بالتونة.. يللا علينا جاي (Re: درديري كباشي)
|
Quote: جبت الأولاد ، إقترحت على المدام تعمل تجرب تقلية التونة
قالت لي قوم لف . |
ديقول يا عمك .. النسوان ديل بتواصن مع بعض ولا شنو ههههههههههه
.
.
.
.
.
عمنا مامان ياخ كيف صحتك واحوالك
وانا لسة ما زلت عازم نفسي جلسة طمبور خميسية في جمعية القرير
| |
|
|
|
|
|
|
|
|
Re: ملاح تقلية بالتونة.. يللا علينا جاي (Re: نادر النور آدم)
|
| Quote: كعادتي مساء كل خميس أمشي لدار أبناء القرير بالرياض.. ولست من أنصار لعب الكتشينة التي يحبها كثيرون... جلسنا نتسامر أنا ,وبعض الإخوان.. تطرقنا في حديثنا الى إحد هموم (العزابة) وهو إعداد الوجبات.. أخبرنا صلاح حسب الله ، أحد المتسامرين أنه عندما كان بليبيا كانوا يعملون حلة التقلية بدون لحم ويستبدلونه بالتونة.. |
شكرا الأخ مامان
لكن جيت متأخر إنت ما سمعت اهلك ناس منطقة أم بادر ومنطقة الحمراء
هسَّع ناس العطروني
سوُّوا ملاح التّوني
يا سلام تقلية التونة عندنا سنين بناكل فيها والله حتي نسينا الشرموط
والآن ناس منطقة أم بادر وحمرة الشيخ وما جاورها وناس مليط وما جاورها
إنتقلوا من تقلية التونة الي التونة بالمكرونة........!
وكلها اتتهم من ليبييا كما ذكرت لأن هذه المناطق هي محطات جمركية
بس نصيحة أخيرة بعد ما تحمِّر البصلة
حمِّر ايضا التونة بالبصلة ثم اسكبها في "الملاح"
عشان بشيل ليك ريحة السَّمك واهم شئ الثوم الثوم
محبتي وأرقد عافي
ومن تغدَّا تمدَّا
| |
|
|
|
|
|
|
|
|
|
Re: ملاح تقلية بالتونة.. يللا علينا جاي (Re: عبيد الطيب)
|
شكرا شكرا أخ عبد الرحمن,
بالطريقة دي إنت أكتر زول (رسالي) .. (بالمعنى الإيجابي للمصطلح .. عندي أنا طبعاً)
صدقني أنا سبقتك على اكتشاف تقلية التونة ولكنك سبقتني في مشاركة الفائدة, وعندي (قوم) حناكيش لا يستسيغون رائحتها ... عفا الله عنهم ...
في السودان أصبح الفسيخ يجهز في شكل بودرة وكنت أيضاً أول من جرب تقلية الفسيخ البودرة وكانت أكثر روعـة (وأفوح رائحـة طبعاً)
دعنا ننشر هذه الوجبات كحلول صحية وسريعة ورخيصة التكلفة في آن واحد
لك التحية عزيزي
أحمد الشايقي
| |
|
|
|
|
|
|
| |
maman
محمد شيخ الدين ابراهيم
saidahmed shami
حسين ديقول
عبد الحكم ابراهيم الحاج
نادر النور آدم
عبيد الطيب
أحمد الشايقي
فيس بوك
تويتر
انستقرام
يوتيوب
بنتيريست