دعواتكم لزميلنا المفكر د.الباقر العفيف بالشفاء العاجل
|
|
 قالت حرمنا المصون : عيد الحب للمساكين والفارات
|
صحيت من الصباح عامل فيها حا احرج حرمنا المصون واسبقها بالعيدية بمناسبة عيد الحب
قفلت ليها : كل سنة وانت طيبة
قال لي : وانت طيب ... المناسبة شو ؟
قلت ليها وانا شمتان : عيد الحب ياخ .. انت انت بتتنسي !!
فاجابتني : يا زول هو,,,,ي عيد الحب ده للمساكين والفارات .. البحبو يوم واحد في السنة .. ما لينا نحن ... هسع الزول يستنى ليه 360 يوم عشان يحب .. عاد ده لام ده عاد
|
|
  
|
|
|
|
|
|
|
 Re: قالت حرمنا المصون : عيد الحب للمساكين والفارات (Re: Hussein Mallasi)
|
التحية لصاحب البوست
| Quote: أحسبها صادقة مع تحفظي على تبريرها |
اخونا حسين دة احيانا بديني احساس انو انحن عايشين في العصر الاموي
وانو سكان المنبر ديل جايين من ,,بعلبك ولا من (بلاد ماوراء النهرين)
رفقا بنا يا هذا (فهذولاء ) ناس الله ساي ....
انا لله ياخ 
اقترح توزيع عدد واحد (مختار الصحاح) و (القاموس المحيط) مع كل مداخلة من (ذالوك)) النوع
ـــــــــــــــــــــــــــــــــــــــــــــــــــــــــــ
بالنسية لموضوع البوست ف دة "شعرا ما عندنا ليهو رقبة"
طبعا كنت مستمتع جدا بالبوست لحدي ما (عترت) لى (درابة) حسين الفوق دي
اقول قولى هذا واستغفر الله لي ولكم
| |
|
|
|
|
|
|
|
|
|
Re: قالت حرمنا المصون : عيد الحب للمساكين والفارات (Re: أيمن محمود)
|
وليد سلامات
حرمنا المصون بحمد الله وتوفيقه لمو فيها الخليجيات المعاها فى الشغل واقنعوها انو الفالنتاين رجس من عمل الشيطان
بعد ما اشترت لى هدية
جات زهجانة قالت لى هسى الناس ديل ماكانو يكلمونى الكلام دة قبل ما اشترى
شوف يازول الهدية حادسها واديك ليها فى عيد رمضان
| |
|
|
|
|
|
|
|
|
|
Re: قالت حرمنا المصون : عيد الحب للمساكين والفارات (Re: جمال ود القوز)
|
كلامها صاح ياوليد
عايز توريها الحب يافاره!! - والدها عليه رحمة الله كتب درر الحقيبة
عاشت وتربت فى بيت لايعرف غير الكلام المنظوم
اسباب تشوقي نظرتك واسباب نفورك نظرتي
هواى يعجز فكرتك وجمالك يعجز فكرتي
في الصد تزيد في جبرتك في الحب ازيد في خبرتي
دايما اردد ذكرتك هل مرة فهت بذكرتي
انت الذى اتعبتني وانت الذى بك راحتي
لو ان هلاكي ولي دنيت احيا وتحل بي فرحتي
كم رددت اهاتي كم دوى في الافق صدى صيحتي
سندس وعسجد حلتك ولما انا الهوى حلتي
ماذا جنيت يامعبدى ماذا جنيت ياقبلتي
رفقا بمن يهواك يا من انت صفوة سادتي
رحماك بي ضاق الفضاء رحماك طالت وحدتي
جيوش اشتياقي هزمتني زادت انتي
لو كنت قربي لاسرها اجعل لحاظك سنتي
ياروحي ياراحي ويانورى يانارى ياجنتي
بهوى الهلاك في هواك ليتخذ العوازل سنتي
قوم لف بلا فالنتاين معاك
| |
|
|
|
|
|
|
|
|
|
Re: قالت حرمنا المصون : عيد الحب للمساكين والفارات (Re: ALZOLZATOO)
|
يا شفت كل فلنتاين وانت بخير ياخ
اهو الناس كلها بتعايدك وتهنيك تكون بقيت مساكين وفارات ولا شنو يا شفت ؟؟
ياخ دينا بذات لووووبها من تحت تحت كدا قالت الا تفلتنليك
هى مالا اوعا تكون موقوفة ؟..يكون بقى عليها قول الشاعر
يتداخل الشفاتة الصحى صحى من الفيس وسعات الباندوث شنو كدا ما عارف ..
| |
|
|
|
|
|
|
|
|
|
Re: قالت حرمنا المصون : عيد الحب للمساكين والفارات (Re: عصام علي أحمد)
|
Quote: صحيت من الصباح عامل فيها حا احرج حرمنا المصون واسبقها بالعيدية بمناسبة عيد الحب
قفلت ليها : كل سنة وانت طيبة
قال لي : وانت طيب ... المناسبة شو ؟
قلت ليها وانا شمتان : عيد الحب ياخ .. انت انت بتتنسي !!
فاجابتني : يا زول هو,,,,ي عيد الحب ده للمساكين والفارات .. البحبو يوم واحد في السنة .. ما لينا نحن ... هسع الزول يستنى ليه 360 يوم عشان يحب .. عاد ده لام ده عاد |
سلام يا وليد
كله اوكى ... بس فى حاجة ناسيها
كل سنة وانتى طيبة حــاف كدا ؟؟
ما معاها هدية .. خاتم و لا حلق
كان حتشوف رد فعل مختلف ياخ
هدية انشالله ...
طوة تيفال
ههه
| |
|
|
|
|
|
|
| |
وليد محمد المبارك
أيمن محمود
Hussein Mallasi
Mohamed Mekki
عبد الله فقير
جمال ود القوز
عصام علي أحمد
عمران حسن صالح
داليا حافظ
أمير محمد ادريس
وضاحة
الفاتح سليمان
saidahmed shami
عبدالوهاب علي الحاج
ALZOLZATOO
احمد الأمين على إدريس
زياد جعفر عبدالله
فيس بوك
تويتر
انستقرام
يوتيوب
بنتيريست