|
|
 حاجات نفسك تعملها وما منطقيه
|
امس ماشيه اجيب حاجات من سعد قشره فى بحرى
واتذكرت شارع العرايس الفى المؤسسه
يشرح لزول قلبه وهو بيعاين فى الابيض ابيض المفترن دا
قوم ايه بقى
قولت فيها شنووووووووووووو حسى دى
لو ركنت عربيتى ونزلت دخلت واحد من المحلات دى
وقست لى فستان زفاف ساى
من نفسسسسسسسسسسسسسسسسى كده ساى
هو يعنى لاااااااااااااااازم يكون فى عريس عشان اقيس
اقلها الزول يكون اخد خبره لمن تجى ساعه الصفر
ويكون حدد اتجاهو والشى الحيختاروا ويكسب زمن
اكتر هاجس للفتاه فستان زفافها
وانا بككككككككككككككره البوديهات الشوهوا بيها فساتين الزفاف
يعنى الوحده ما قادره تلبس استرابلس يبقى ما تتشالق وتشيل فستان استرابلس وتبشتنه ببودى
الاسترابلس جماله استراااااااااااااااااااااااابلس
المهم
خطرت فى بالى الفكره حقت الموضوع
اكيد اى زول فينا بتجى افكار لحاجات نفسه يعملها وهى فعليا ما منطقيه
فشنووووووووووووووو قولكم
|
|
 
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
يعجبني في بوستاتك يا رانيا في انك تتصدريها بنفسك وتقدميها كأنها تجربة علمية انت ادواتها .. قد يسئ البعض فهم المقصد وتلاقي البوست راح في اتجاه مختلف
الخواجات كانوا اشطر مننا في قواعد لغتهم وقسموا التمني لثلاثة انواع
النوع الاول وهو النوع الممكن يتحق بشروط معقولة F1
النوع الثاني وهو ذو شروط تعجيزية ويستحيل يتحقق الا بمعجزة f2 مثلا تقول لو كنت بعرف بطير هسع كان مشيت السودان حضرت المولد ورجعت
ونوع ثالث كان ممكن يحدث لو رجع الزمن للورا F3 يعني مثلا تقولي لو كان وافقت بخطوبة فلان ديك كان هسع يكون عندي طفلين ..
.............................
اعلاه هي محاولة للحفاظ على البوست حتى لا ينحرف ويتحول الى مسألة شخصية
و الغنى السوداني ملئ بانواع الامنيات اعلاه
مثلا لمصطفى سيد احمد
نفسي في داخلك اعاين ولروي روحي واشوف منابعك
نموزج لنوع f2 لانه عمره ما راح يقدر يعاين في نفسها حتى لو بجهاز الترا ساوند
حا راجع بنماذج
| |
|
|
|
|
|
|
|
|
|
Re: حاجات نفسك تعملها وما منطقيه (Re: اساسي)
|
| Quote: فشنووووووووووووووو قولكم |
تلفحي أقرب استرابلس وتنكشي شعرك وشوية ليب قلوز وتاخدي صورة زي الورد ..الحياة دي قصيرة والحاجة
الفي نفسك أعمليها حبيبتي طال ما أنها ما بتضر زول ..
وتذكري دائما حكمة الفيلسوف قيقراوي قدس الله سره ..المافي شنو ؟ \
ياخ أنت زولة نضيفة من جوة وأنا قاعدة أحب صدقك الله يديك الفي مرادك ..قولي آميين
| |
|
|
|
|
|
|
|
|
Re: حاجات نفسك تعملها وما منطقيه (Re: داليا حافظ)
|
دلويه العسل
تسلمى حبيبتى
غايتو من كم سنه كده فاتت شديد :)))))) كان بنت اهلى عروس جات تلبس عندنا وتتجهز
قومت يا زوله سرقت طرحتها وناديت اخويه
حنسته يصورنى بيها لضمان اقلها تبقى عندى ذكرى جميله
لكن احساس الفستان بيكون اجمل
ودى مابراها البتمنى احققها
غايتو نفسى اسااااااااااافر براى كده جزيره اركب فيها مكنة سايح واسيح
يا اقيف فى نص شارع القصر الساعه 3 صباحا اكورك
فستان الزفاف كان مجرد مدخل اتسبب فى فكرة البوست وموضوعه
واكيد داخل كل واحد فينا شى بيتمنى يعمله وخجلان يعمله لاسباب بيزينطيييييييييييييييييه
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
يا رنوية عاااارفة موضوع الفستان كان مدخل..
بس القصدي أقولو انو في حاجات بنفتكرا ما منطقية لأنو الناس حيرفضوها ..لكنها عادية ..عندي صديقتي ما متزوجة ..وكانت مهلوسة بالحنا وأنها نفسها تتحن ..، سقتها لأقرب حنانة ولمن بيقينا على الجد قالت بتحنن أيديها بس ـ حسب العرف ـ وفي رأي كان انو القصة ما حتحلا كدة لأنها رضخت للفكرة الأصلا مهجساها ..المهم في الأخر وافقت أنو الحنا تكون في باطن القدم عشان ما تظهر وفي نفس الوقت تكون حققت الفي نفسها..ما كان في يدي اضغط عليها أكتر من كدة لانو ما من حقي ..
عشان كدة كل زول يحدد المنطقي في ما يليهو حسب أفكاره وتقيده بالحاجات المفروضة علينا تحت اسماء مختلفة ..
| |
|
|
|
|
|
|
|
|
|
Re: حاجات نفسك تعملها وما منطقيه (Re: داليا حافظ)
|
اتفق معكى دلويه
وكده شجعتنى اعمل الصبحيه النفسى فيها بدون عريس
ههههههههههههههههههههههههههههههههه
فى مره انا وصحباتى روحنا حرقتنا على ربه
قومنا قررنا نجيب غنايه ونتلم فى بيت وحده فينا العصر نهجج
الحكايه والله كانت لذيذه
الضحكنى ان الغنايه الجبناها تسئل فينا المناسبه شنو
نقول ليها ساى عايزين نهجج بس ونفك الكبت الفينا
وهى ما قصرت عرفت الفوله وهججت حنان الدلوكه زاطووووووووووووووووو
عشان كده فعلا صدقتى فى القولتيه وخساره صحبتك ما كان عندها الشجاعه تكسر حاجز المنطق وتعمل الما منطق عشان تفش نفسها وامنيتها
| |
|
|
|
|
|
|
|
|
 Re: حاجات نفسك تعملها وما منطقيه (Re: رانيه محمد الشيخ)
|
Quote: امس ماشيه اجيب حاجات من سعد قشره فى بحرى
واتذكرت شارع العرايس الفى المؤسسه
يشرح لزول قلبه وهو بيعاين فى الابيض ابيض المفترن دا
قوم ايه بقى
قولت فيها شنووووووووووووو حسى دى
لو ركنت عربيتى ونزلت دخلت واحد من المحلات دى
وقست لى فستان زفاف ساى
من نفسسسسسسسسسسسسسسسسى كده ساى
هو يعنى لاااااااااااااااازم يكون فى عريس عشان اقيس
اقلها الزول يكون اخد خبره لمن تجى ساعه الصفر
ويكون حدد اتجاهو والشى الحيختاروا ويكسب زمن
اكتر هاجس للفتاه فستان زفافها
وانا بككككككككككككككره البوديهات الشوهوا بيها فساتين الزفاف
يعنى الوحده ما قادره تلبس استرابلس يبقى ما تتشالق وتشيل فستان استرابلس وتبشتنه ببودى
الاسترابلس جماله استراااااااااااااااااااااااابلس
المهم
خطرت فى بالى الفكره حقت الموضوع
اكيد اى زول فينا بتجى افكار لحاجات نفسه يعملها وهى فعليا ما منطقيه
فشنووووووووووووووو قولكم |
صاحبتي زمان عملت حاجة قريبة لحاجتك دي..
رسمت حنة بالقلم الشيني ولبست لبس العروس وإتصورت بالدهب كامل..
وبعدين أجرت ليها فستان أبيض وبرضه مشت ليه الكوافير وإتصورت بيه..
دلوقتي صور زواجها الهظار كلها في الالبوم مبسوطة بيها..
........
........
أفتكر أي إنسان من حقه يعمل أي حاجة بتفرحه ومافيها أذية للآخرين..
أفرحي بشقاوتك وبحبك للحياة وأنبسطي..
فماهو منطقي لك قد لا يكون منطقي للآخرين..
الإخرين ديل ممكن يطرشقوا ليك الفكرة في راسك قبل ما تعمليها!
أفكارك حلوة يا رانية..
| |
|
|
|
|
|
|
|
|
|
Re: حاجات نفسك تعملها وما منطقيه (Re: Muna Khugali)
|
تسلمى يا منى
والله سعيده ان المداخلات اغلبهم من بنى جنسى
ودا فعلا حسسنى انكم فهمتونى صح
الروتين فى الحياه بقى ممل
ولو الزول جرب يعمل حاجه خطرت له فى بالو يعملها ونسى ولو لدقايق فهم الناس الحواليه حيكون فيه شنو
بالجد حيمر بتجربه حتفضل له ذكرى باقى عمره كل ما يتذكرها يبتسم ويضحك من جواه
انا فى الجامعه ما خليت لى شى كان نفسى فيه ما عملته
كنت فى فريق الطايره والسله وبجانب انى كنت كويسه فى دراستى
يوم التخرج جاتنى اولة الدفعه تقول لى انتى عارفه انا بحسدك
قولت ليها سجمى حالتك انت اولة الدفعه
قالت لى للاسف اى اولة الدفعه لكن ما حتذكر اى شى من حياتى الجامعيه غير الدراسه
لكن انتى استمتعتى بيها فعلا وعندك ذكريات فيها احلى
عشان كده ما بتهاون فى تنفيذ اى فكره ما حتضر غيرى وحتسعدنى
غايتو فى مره لو سمعتى فى زوله نطيت من الكبرى القديم البيدخل على امدرمان من الخرطوم حكون انا
ههههههههههههههههههههه
نفسى اجرب احساس الطيران والهبوط الاضطرارى فى المويه
:)))
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
يا رانية أنا غايتو كتير بنفذ الحاجة وبعد داك بعرف انها ما منطقية
أول ما انتهينا من الدفاع الشعبي وماشين الجامعة كانت عندي سخانة في القدمين
أختي الكبيرة قالت لي النجلبطن ليك بحنة ( الحنة زارعنها في حوشنا ) قلت ليه أبشري
قومي طوالي بعد العشاء اعجني ديك يا الحنة ومشينا بالنفاج بيت الجيران ، جابو الطربيزة
مددت ليك رجلي وقعدو يحننو فيهن ، قمن قلت لي أختي تم جميلك وحنني لي اليدين كمان
زولتك طوالي حننتهن بعد يومين مشين الجامعة برلوم كرت ، الناس كلها مفتكرني عريس
وأنا لا هسع ما عارف عملت كدا ليه.
الحكاية التانية
جيت الخرطوم في بداية سمستر وفي نفس اليوم الجيت فيه مشيت أبيت عند خالي
أها لقيت ليك عربية مسافرة البلد ، طوالي قلت ليهم أنا راجع معاكم
رجعت وصلت بعد منتصف الليل ، دخلت البيت نمت في الديوان والصباح
مشيت لناس البيت ، الجماعة اتهجموا،
امي من الدهشة جيت ليه قلت ليه ما عارف
وللآن ما عارف رجعت البلد ليه
| |
|
|
|
|
|
|
|
|
|
Re: حاجات نفسك تعملها وما منطقيه (Re: أيمن محمود)
|
حسى منو فينا اليزعل يا ايمن
لو قريت باقى الامنيات كان عرفت انى ما اشرت للقصدته انت بردك
وكان بفهمك يبقى امنيتى انى انط من فوق الكبرى انتحار واعراض سن اليأس
ولا انى اركب موتر اعراض استراجال
ولا رايك شنو
عموما ما تزعل نحنا بنتناقش
وورينا الحاجات النفسك تعملها وما منطقيه
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
اخت لى كرسى قدام باب بيتنا فى المنارة فى ام درمان واقرا جرايد اليوم الصباح
واتغدى الساعة 3 ظهر واتخارج على اقرب ميدان سنتر ليق اشوف ولاد الحلة بيلعبو كورة
وامشى بعد المغرب لنادى الحلة العب وست اوهارت او كنكان 14 وارجع البيت زى الساعة 10
اتعشى فول حار بزيت السمسم واشوف السهرة وشرطا تكون فرسان فى الميدان
اها كده كيف مش ده المستحيل زاتو
| |
|
|
|
|
|
|
|
|
 Re: حاجات نفسك تعملها وما منطقيه (Re: Mohamed Eltayeb)
|
معذرة يا رانيا
يا محمد الطيب
إنشاء الله ياخ نتقابل
لو على التذكرة ساهلة
لكن أنا اعمل خروج وعودة كيف؟
جهجهت باكاتي
أنا بجتهد وبخت حرف "أ" بين محمد والطيب عشان أكمل الأسم لو ياهو تكون أنت هوتميل
وتكون بالغت هنا من 2009 وأنا ما جايب خبر؟
الصبح بينا الماسنجر هسة مارق أشوف لي عشاء ما منطقي
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
سلام يا رانيا
| Quote: ما قادر تمشى حفيان ليه |
كان مشيت حفيان بقولوا مجنون
بعدين المشي الأنا قاصدو ما داخل البيت بس لأنو أنا المشي في الفرش والسيراميك والبلاط ما بعجبني
أنا عايز أمشي حفيان عديل يعني أمشي الشغل، أمشي أزور ناس ، محل ما أمشي أكون حفيان قدمي دا يلامس التراب ما لي أي علاقة بجزم وشرابات وشباشب لمدة شهر الخ
| |
|
|
|
|
|
|
|
|
|
Re: حاجات نفسك تعملها وما منطقيه (Re: محمد بابكر محمد)
|
اديها كده يا محمد قرن ونص
وحفيد حفيد حفيد حفييييييييييييييييييييد حفييييييييييييييييد حفيييييييييييييييييييييييييييييييدك حيحقق ليك امنيتك
لكن الموشكل حيكون فى انعدام مكونات السليقه
قالوا الجماعه ممشينها كبسولات ساى
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
| Quote: تقول لو كنت بعرف بطير هسع كان مشيت السودان حضرت المولد ورجعت |
ي رانيا بمشى احضر مع درديرى المولد ويغشينى معاهو فى الرجعه ، الحله مامشكه بلقى لى خواجات قاعدين عندهم عدة
| Quote: قالوا الجماعه ممشينها كبسولات ساى |
| |
|
|
|
|
|
|
|
|
|
Re: حاجات نفسك تعملها وما منطقيه (Re: رانيه محمد الشيخ)
|
 غايتو امس قربت اعمل حاجه وكان بتكون ما منطقيه
انى انزل من العربيه
ادق الجماعه الفى الاستوب
المصريين يمسحوا العربيه
ولمن نهرتهم عملوا فينى حركه زبااااااااااله
والغاظنى اكتر مافى زول حتى ادخل من الحوالينى بنهره سسسسسسسسسسسساى
| |
|
|
|
|
|
|
| |
اساسي
داليا حافظ
Muna Khugali
أيمن محمود
حسين ديقول
الصادق ضرار
عادل عبدالعزيز عبد الرحيم
حمد عبد الغفار عمر
Rawia
Deng
محمد بابكر محمد
محمد حسن محمد ادم
عبد الله عبد العزيز
فيس بوك
تويتر
انستقرام
يوتيوب
بنتيريست