بالسودان فحص الايدز قبل عقد الزواج

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 05:33 AM الصفحة الرئيسية

مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-02-2013, 07:17 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


بالسودان فحص الايدز قبل عقد الزواج

    استمعت لقصة محزنة جدا من صديق سعودي حسب راويته:
    كان له ابن عم تخرج من الجامعه وهو معتدل السلوك لم يفارق المملكة منذ ولادته بعد أن تم توظيفه بالحكومة خلق صداقات مع بعض الزملاء وكانت دائما النقاشات عن المستقبل والحياة الزوجيه بعد العمل كما هو قرر بعد كم سنة ان يتزوج بعد ان قام بخطوبة ابنة عمه اقترح عليه الاصداقاء الذهاب معهم للبحرين للترفيه وخاصه هو مقبل علي زواج وليس له اي خبره جنسية ((منها اجرب وتكون دعم ليهو في الحياة الزوجيه بقاعدة اسأل مجرب ما تسأل طبيب)). وكانت رحلة واحده لم تتكرر فيها تعرف علي بنت روسية استمتع بليلة حمرا .
    عندما قدم لانهاء مراسم الزواج وكما معتاد هنا يتم عمل كشوفات طبية لسؤ الحظ كان بالكشف الطبي اصابة بمرض الايدز.
    وحسب رواية ابن عمه منذ تلك اللحظة الي الان اين هذا الرجل لا يدرون اختفي من وجه الارض ومن حياتهم في ظروف غامضة.


    نجي لي تجربتي الشخصية مع الايدز

    موضوع الفحوصات الطبية والتشخيص عايز كثير من النقاش اصلو الشغالين عندنا هنا في السودان بالرغم من احترامنا ليهم ماعندهم اوتوكيت التعامل المهني ،حصل معاي موقف عند اجراء الفحوصات الطبية لزوم اكمال المستندات للسفر الي المملكة العربية السعودية بعد اخذ عينات الدم بمعمل استاك وذلك بعد صفوف تبدأ من الساعه الخامسه صباحا والانتظار الممل كان عايز تطلع من الصف تحجز بي طوبه بعد موافقة من هو امامك وخلفك ثم يتم تحديد مواعيد لاستلام النتيجة بمظروف مختوم عليه لتسليمها للسفاره السعودية بالخرطوم وفي يوم استلام النتيجه هذا يوم الامتحان يكرم المرء أو يهان ...
    بمجمع فتح الرحمن البشير اجيك واحد اطلع في كنبه ماسك نتيجة الفحوصات بيد واليد الاخري بها الكشف ....... اخونا يبدأ في قراءة الاسماء بالدور.......وقتين اقول فلان الفلاني تبتسم .. تفرح ... تنطط.. معناها انت نظيف دي عايزه ليها زغروده تستلم ظرف التحليل .. من هناك جري للسفاره سعيد وفرحان…
    اخونا الطالع في الكنبه لنهاية الكشف ما قال اسمك واطاتك اصبحت…
    كنت واقف صاحبنا شغال فلان الفلاني – انده في الاسماء انا اقول بعد ده – فلان الفلاني انا اقول يا ولد اصبر انت طوالي شفقان – اعاين للظروف في يد الراجل لما الظروف بقت شوية ... أصبحت في موقف لا يحسد عليه ...كرعي ما شالني قعدته في الواطة . الظروف انتهت !!!!!!
    قلته خلاص زولك لحقني امات طه ... اقبل وين امشي وين ياربي امشي بالحدود اسمرا اقول للناس ماشي السعودية اطش مليون سؤال داير في راسي وانا قاعد في الواطه متفرشخ خاتي يدي في راسي.... كان معاي جماعة كده الظاهر برضو معاي في الفيلم واحد كان قاعد في الكنبة مع جلوسي في الواطه الراجل اقوم وإقعد بعد شوية قعد في ظهري ماحسيت بيهوا والله حقيقة ، الراجل قايلني كرسي وانا الهموم الدخلت راسي اكبر من حجم الراجل .....اعاين للزول الكان معاهو الظروف اقول ياربي اعمل فيهو شنو الح قير الما قال اسمنا الواحد لو ما الصبر والحيرة كان ارتكب جناية.....
    بعد شوية اشوف ليك واحد جاء عليهو شايل ظروف قلت ديل ظروف الناس العندهم الايدز ذاتم انا المقعدني شنو ما ازوغ اصلو وقت ما بدونا ليهو ظرف السجم امشي خلاص حارس شنو بعد كده…. سمعنا اشاعة قالو ناس الامن بجو إسوقو الناس معاهم بي ظروف كشف الحال.... بعدين قول ادوني ليهو ناس الامن خلوني أقع بيهو وين؟؟؟
    شويه كده اشوف الراجل البنده في الاسماء طلع الكنبه تاني بدون أي مقدمات طوالي دخل في الموضوع عباس الشريف قال اسمي الوساويس اشتغلت ود أم زقده عايز ابشع بينا ناس ما عندها رحمة ...تاني قال الاسم ما قدرته اقوم من الواطة كرعي اترجرجن راسي لفه يدي بردن.
    كان معاي زولا رفقة سفر واجراءات اتعرفنا علي بعض من أهلنا ناس الحاج عبدالله برضو مسافر السعودية.... استلم ظرفو من بدري الراجل سعيد وعلامات السعادة قنطر سفتو في الشفة العليا ولإكمال مرحلة السعادة اتناول ليهو علبة برنجي ختاها في جيبو القدام . الصباح كنا متواعدين نتقابل نشيل فحوصاتنا نمشي السفارة .
    من قابلتو قال لي (( ها زول مالك قميصك زرارة تحت او زرارة فوق زي دراويش النوبه))
    الراجل قاعد معاي متحير في موضوعي راسو ضارب من عدم استلام شهادة فحص الايدز وقتين شاف الراجل بقول في اسمي ثلاثة مرات وأنا ساكت قاعد في الواطه ونيابة عني عشان اخلص من الموضوع كورك ايوه ايوه ايوه بصوت عالي التفت ناحيتي لقي واحد منتكل في ظهري بصورة غريبه ما باقي ليهو كان اخت البردعه اركبني حمار دفرو بطريقة غبينه الراجل لو ما ايدو لحقت الواطه كان خشمو ادشدش قال ليهو القاعد فيهو ده حيطة جالوص ما بتشوف انت..... شالني من ضراعي استغفرتك يا مالك روحي شديت حيلي وقفت عاينت للراجل !!!
    لقيتو واقف مبتسم ..
    تاريهو يا قلبي الحنين ..
    راجيني بي شوق السنين..
    ياربي واقف من متين ؟ عشان نخلص الموضوع................
    عاينت ليهو في وشو كبر الإبتسامة استعدل سجارة البرنجي في زاوية خشمو ... حسدتو في حالو ...وقلته هع هع ناس الجزيرة ديل نجيضين والله غير البول هرسيا ما تجيهم الحبه .
    راح صاحبنا قال لي (( ها زول ها انت تليفة مالك مصنقر كده زي العندك جنازه والعره ده تخلي اقعد في ظهرك ما تقول ليهوا توور لي غادي وقتين جاء عليك...... كدي قوم الزول ده بقول في اسمك أهجم عليهو شوف لينا نجاح و ل ساقط) .
    في هذه اللحظات اصبحت مثل الطفل الصغير يمين شمال صديقي جرجرني نص المسافة ربع المسافة تميته تتكل والباقي غلبني قعدته في الواطه وواصل هو ناحية بتاع الكنبه شايفو اتكلم معاهو الموضوع كلو اصبح لي حلم حلم بعد شويه زولنا قعد كورك . (( ها عباس ها عباس تعال اصل هنا الناس ديل قالوا تقاريركم اتاخرت كانت مع مراسلة تاني تعال شيل ظرفك ها زول ها نضيفه انت وقت بتخاف بتهابش مالك )) .
    دار فتح الرحمن البشير كلها اتلفتت تعاين للزول البهابش....
    الراجل قال كلام كثير فارغ مع دوشة الراس ما قدرته اركز ومضمون الكلام الطلع منو اصبح غير مهم جاني نشاط قوي نطيت من الواطه زي حمل الخريف وقت وقفت لقيت ما عندي جزمة في رجلي حفيان قلته ما مشكلة جريت لي صاحبي والراجل الشايل الظرف....
    اول كلمه قلته ليهو يا خوي الحاصل شنو بتهذيب وانكساره….
    قال لي استلم ظرفك خلينا نشوف شغلنا......
    قلته اولا نستلم ظرفي من الزول اللئيم ده كان عايز اجيب لينا جلطه… بعد استلمت ظرفي والله العظيم الراجل ده اديتوا كف بي يدي الشمال لانو اليمين كان فيها الظرف قلبته تاني اديتو ليك بيدي اليمين بعد استعدلت الظرف بي الشمال أعتقد لي حسي الراجل بكون مدور من الكف.
    مع اندهاشة رفيقي وهجمة العسكري وجوطة الناس حصلت دوشة.

    نواصل
                   |Articles |News |مقالات |بيانات

19-02-2013, 07:24 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46513

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    يا اخ انت زول ممتع والله

    شكرا الدسيس

    والف حمد لله على سلامتك
                   |Articles |News |مقالات |بيانات

19-02-2013, 07:42 AM

الامين موسى البشاري
<aالامين موسى البشاري
تاريخ التسجيل: 09-08-2009
مجموع المشاركات: 15238

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    عبس يا عبس

    كيف حالك يا صــديق الأمس واليوم وكل يوم
    خطوة في الاتجاه الصحيح وإن جاءت متأخرة قليلاً
    وكذلك هناك خطوات اهم منها كان يجب ان تسبقها
    وهذه الخطوة هي فحص ما قبل الزواج للأمراض الوراثية الأخرى
    هناك مآســـي كثيرة في هذا الجانب اقلها اصابة الاجيال القادمة بالانيميا المنجلية
    أتمنى تفعيل هذه الفحوصات ايضاً لتكتمل الصورة خاصة ونحن مشهورون بكثرة زواج الاقارب


    تحياتي
                   |Articles |News |مقالات |بيانات

19-02-2013, 07:52 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: الامين موسى البشاري)

    صحي كلام صاحبك انت وكت بتخاف بتهبش مالك ؟؟؟


    عبس نحن لسع عارفين الجراب مليان بلاوي وحكاوي


    ولسع منتظرين
                   |Articles |News |مقالات |بيانات

19-02-2013, 08:39 AM

محمد عبد الله الامين
<aمحمد عبد الله الامين
تاريخ التسجيل: 14-01-2013
مجموع المشاركات: 1706

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: درديري كباشي)

    من كترت بلاودي الزمن ده

    انا مع فحص الايدز قبل اكمال مراسيم الزواج في السودان

    تابع يا عباس حكيك جميل
                   |Articles |News |مقالات |بيانات

19-02-2013, 08:56 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: محمد عبد الله الامين)

    الوقائع والاحداث حقيقه ربما هنالك بعض الاضافات من الكاتب في صياغة الدراما فهي لا تخرج النص عن الاحداث الحقيقيه.
    حكاية صاحبنا في الاحداث الواقعيه بتبقي زي كان في مسطول عند بداية نكت المساطيل(( نطلع منها)).

    كان يعمل مديرا لاحدي المؤسسات الزراعية الكبيرة في السودان وبطبيعة عمل هذه الوظيفة يتم منح صاحبها منزل حدادي مدادي به حديقة كبري .
    كانت له صداقات وشلليات منذ ايام العزوبية يتسامرون بالليل في احتساء العرق وكان ارتباطه بالمنزل من خروجه للعمل حتي المغرب بعدها يشد الرحال الي اصدقائه بسكن العذاب يعود ليلا الي المنزل وتكرار خروجه من المنزل ازعج الزوجه عرضت عليه وبما ان المنزل كبير ان يدعو كل مرة احد اصدقائه بالمنزل للسمر بحديقة منزلهم وهي فكرة تبعد زوجها عن شرطة الانضباط ومشاكل العوده وهو في حالة سكر ومنها لانعاش الحياة الزوجيه وافق الزوج.
    كانت زوجته في غاية الجمال واول يوم لدعوته احد اصدقائه وبعد ان اوشكت الجلسة علي الانتهاء كانت الزوجة في زيارة للجيران حضرت للمنزل وجدت الضيف مع زوجها سلمت عليه ولملمت اطرافها لداخل المنزل.
    بعد الانتهاء من العشاء صاح المدير مناديا ابنته الصغيره..... يا بت تعالي غسلي لي عمك فلان يدو.
    ثم دار النقاش التالي بين الضيف والبت والمدير مستمعا للنقاش.
    الضيف: ازيك يا شاطرة اسمك منو وعمرك كم سنة.
    جاوبت البت بالعمر والاسم ثم اردف الضيف
    يا سلاااااااام عليك والله تشبهي امك...
    عيونك بالله الخالق الناطق عيون امك
    ماشاءالله شعرك طويييييييييييل الظاهر جايباهو من امك
    يا بتي والله انتي طيبة طيبة برضو بتكوني جايباها من امك
    ثم انتهت من غسيل الايدي ووقفت تساعد والدها في لملمة العدة باقي العشاء.
    استاذن الضيف صاحب المنزل في الوداع..........
    أها يا فلان مع السلامة
    يا بت امشي قولي لي امك عمك فلان الضيف قال ليك مع السلامة !!!!!!!!!!
    نظر المدير الي صديقه باسغراب وقال له:
    بالله عليك الله بعد ده خش جوه اقطع ليك قدوم من المرأة.

    المطلع بكون منتظر نهاية القصة وعلاقتها بالايدزالعلاقة القدوم او في رواية اخري ((البوسة)).
    حكاية القدوم مستبعده مننا حاجات تانية مانعاني اما حكاية الحلاقة وغيره بقينا الواحد من الاحصائيات المهمولة والكبيرة عن حالات الايدز بالسودان عند ذهابنا اجازة نحطاط الولد لازم تحلق ليهو من هنا ((الوقاية خير من العلاج)) لو لا قدر الله عندك طفل مرض لازم تتاكد وتقيف جمب الممرضة لو فيها حقن تفتح عينيك زي الريال اب عشرة ....هذا علي الصعيد الشخصي.
    الزواج بنجيهو.
                   |Articles |News |مقالات |بيانات

19-02-2013, 09:14 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: يا اخ انت زول ممتع والله

    شكرا الدسيس

    والف حمد لله على سلامتك


    بق بق يا زعيم سلام
    الذ انا و ل اصحاب السمو خلي بالك احنا في المملكة ما تجيب لينا هواء
    حسي اجيني صاحبي بتاع الفيس اقول لي انت زول لذيذ عيبك مصاحب ود الباوقة
    شاكر يا حبيبنا مرورك الكريم
                   |Articles |News |مقالات |بيانات

19-02-2013, 09:25 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: عبس يا عبس

    كيف حالك يا صــديق الأمس واليوم وكل يوم
    خطوة في الاتجاه الصحيح وإن جاءت متأخرة قليلاً
    وكذلك هناك خطوات اهم منها كان يجب ان تسبقها
    وهذه الخطوة هي فحص ما قبل الزواج للأمراض الوراثية الأخرى
    هناك مآســـي كثيرة في هذا الجانب اقلها اصابة الاجيال القادمة بالانيميا المنجلية
    أتمنى تفعيل هذه الفحوصات ايضاً لتكتمل الصورة خاصة ونحن مشهورون بكثرة زواج الاقارب


    تحياتي


    امينكوف
    سلام يا باش اخبارك والاسرة الكريمة
    تناقشنا قبل ايام انا وصديق عن امتعاض السودانيين وزهجم من فحوصات تجديد الاقامة السنوية .
    فعلا الانسان عدو نفسه بالله زول القي ليهو فحوصات كل سنة مجانيه وعشان اعمل جك اب لي حالتو الصحية اكون زهجان.
    حكاية الفحص قبل الزواج الطبي العام نجدها في غالبية الدول مهمة .
    ولو انا عندي بنت او ولد في سن زوج بدون فحص استحيل تتم المسألة للحالات الزكرتها انت فوق وهي اسلم طريقة لتنشأت اسرة معافية بدون امراض. امنياتنا المسألة ينتبه ليها المجتمع السوداني وحكاية الكوار خلاس انتهت. تحياتي وتقديري
                   |Articles |News |مقالات |بيانات

19-02-2013, 09:38 AM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1598

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: ها زول ها نضيفه انت وقت بتخاف بتهابش مالك



    ههههههههههههه ضحكتني اضحك الله سنك ياخي

    فعلا قلة العقل من المسعولين ماها كويسة والله

    ها ا زول ما بتجيك الحبة أمسك في ربك وبس
                   |Articles |News |مقالات |بيانات

19-02-2013, 10:13 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: مجاهد محمد الهادي)

    Quote: صحي كلام صاحبك انت وكت بتخاف بتهبش مالك ؟؟؟


    عبس نحن لسع عارفين الجراب مليان بلاوي وحكاوي


    ولسع منتظرين

    ابو الدر يا صديق سلام
    اخبارك والله مشتاقين
    يا زول صاحبي بهترش ساكت عشان ما تمشي لي بعيد اخوك بخاف من عدو الحقن وعدوي موس الحلاقة
    والله يا ابو الدر انت عارف المشغوليات لو لا ذلك لهلكنا سودانيز بالحكاوي
    تحياتي للاسرة الكريمة
                   |Articles |News |مقالات |بيانات

19-02-2013, 10:18 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4250

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: مجاهد محمد الهادي)

    سرد شيق محبوكـ ..
    يرسلكـ رأساً لمعايشة تلكـ الأحداث ..
    ويغمسكـ في أتونها بكل سلاسة ..
    يمسكـ بتلابيبكـ لايدعكـ ..
    لتكون فصلاً من فصولها ..
    تعايشها لحظة بلحظة ..
    تعرق وتجف ..
    خوفاً من أن يكون إسمكـ ..
    ضمن المغضوب عليهم ..
    ارتداد ذكرياتي لتكـ الأيام الله لا عادها ................

    دسيس .. كيفنكـ ........
                   |Articles |News |مقالات |بيانات

19-02-2013, 02:06 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: جمال ود القوز)

    Quote: من كترت بلاودي الزمن ده

    انا مع فحص الايدز قبل اكمال مراسيم الزواج في السودان

    تابع يا عباس حكيك جميل

    محمد عبدالله سلام يا وجيه
    شكرا يا الحبيب علي الاضافة
    اعتقد بدون تعقيدات الفحص الطبي الشامل اصبح مهم
    قبل الدخول في اي تفاصيل للزواج
    تخطب جاتك موافقة الاثنين فحص لا ضرر لا ضرار
    ومن المفروض الاسر تعي بهذه الخطوة المهمة
    تقديري وشكري
                   |Articles |News |مقالات |بيانات

19-02-2013, 02:20 PM

د.نجاة محمود


للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    لا اثق في اي فحص في السودان حيكون طاقي ولا ما اتعمل اصلا
    وصاحبك بتاع المعمل رصا النتيجة ساي
    المفروض يكون مكان معتمد في كل مدينة
    ونعم للفحص الطبي قبل الزواج للامراض المعدية والمخدرات
    للزوجين
                   |Articles |News |مقالات |بيانات

19-02-2013, 02:21 PM

د.نجاة محمود


للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    لا اثق في اي فحص في السودان حيكون طاقي ولا ما اتعمل اصلا
    وصاحبك بتاع المعمل رصا النتيجة ساي
    المفروض يكون مكان معتمد في كل مدينة
    ونعم للفحص الطبي قبل الزواج للامراض المعدية والمخدرات
    للزوجين
                   |Articles |News |مقالات |بيانات

19-02-2013, 02:50 PM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1598

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: د.نجاة محمود)

    Quote: لا اثق في اي فحص في السودان حيكون طاقي ولا ما اتعمل اصلا
    وصاحبك بتاع المعمل رصا النتيجة ساي
    المفروض يكون مكان معتمد في كل مدينة
    ونعم للفحص الطبي قبل الزواج للامراض المعدية والمخدرات
    للزوجين


    لايك مع أغلب الكلام

    بس في الفحوص النضيفة قد لا تكون شي سائد بس هناك مراكز شغلها مظبوط والله أعلم
                   |Articles |News |مقالات |بيانات

19-02-2013, 02:40 PM

عوض أبو عيش
<aعوض أبو عيش
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    .. والله الأيام ديك صعبة خلاص..

    أنا شخصياً.. ما وقفت من قراءة سورة يس حتى ندوهوا اسمي..
    ولا كمان واحد مثقفاتي جمبي.. بتونس.. قال الإيدز ده ممكن ينقلوا ليك.. طباخ في مطعم.. جرح يدو وهو بقطع في السلطة..
    اتخيل ليك الناس كلها كرهتو ليك.. ويقولوا في سرهم ((ده وقتو)..

    في مقال نشرته سايبرياً.. سنة 2008 كنا ننادي بهذا الإجراء..


    Quote: في مقال مثير للجدل نشر على صحيفة الحياة عدد اليوم يظهر رقم مذهل لمصابي الإيدز في السعودية، وهذه السعودية البلد الإسلامي الذي تتكسر فيه مخالب هذا المرض في درع تطبيق الشريعة الإسلامية، والذي غالباً ما يكون المصاب به هو الساعي إليه الذاهب لاستيراده من الخارج.. وحتى لا أطيل وبعد أن تقرأ هذا المقال.. أود أن تسال نفسك عزيزي العضو العسيلاوي والزائر الكريم .. ما هو الحال في بلادنا؟!! وما هي آخر الأرقام؟؟!! وموضوع نقاشنا (( هل الفحص قبل الزواج -ولو كان غير إجباري- مهم في السودان)) وهل (غطي قدحك) التي يشتكي منها الكثير من العلماء والأطباء والتي غالباً ما تكون في القرى والأرياف (بتاعتنا دي) هل تسبب مشكلة؟! ..
    * هل المقابل المادي للفحص كبير حتى ينأ عنه الجميع؟!
    * هل في سبيل الصحة والتأكد من خلو الزوجين من مرض خطير مثل الإيدز وغيره من الأمراض التي تنتقل إلى الأبناء بالوراثة (تهون كل القواسي) ؟؟!!
    هل.. وهل .. وهل!! الكثير من التساؤلات التي لا تستحضرني الآن وأكيد أنكم ستطرحونها لإثراء هذا الموضوع والوصول إلى رؤى وقناعات نستفد منها..

    إذا ما هو رأيك؟


    وإلى المقال (المخيف)
    «الأيدز» يلغي زواج 46 شاباً وفتاة خلال 5 أشهر
    تحطمت آمال 46 شاباً وفتاة في السعودية، كانوا على وشك الزواج، قبل أن تُكتشف إصابة أحد الطرفين، بفيروس «الإيدز»، وذلك بعد أن تم تطبيق الكشف الإلزامي عنه، ضمن فحص ما قبل الزواج، منذ بداية العام الهجري الحالي، بعد أن كان محصوراً سابقاً في أمراض الدم الوراثية. فيما أعاد التهاب الكبد الوبائي (ب، ج)، خلط أوراق 2284 شاباً وفتاة، بعد أن اكتشف أن أحد العروسين مصاب بالمرض، وبخلاف «الإيدز» فإن قرار الزواج هنا، بيد الطرف السليم، الذي سيقرر الارتباط بشخص مريض أم لا، على غرار إصابة أحد الطرفين بأمراض الدم الوراثية، التي صدر قرار إلزامي بالفحص عنها قبل الزواج قبل نحو خمس سنوات، وخضع له نحو مليون شخص.
    وأكد وكيل الوزارة المساعد للطب الوقائي الدكتور خالد علي الزهراني، في تصريح لـ «الحياة»، أنه «بعد إضافة الإيدز والتهاب الكبد الوبائي بنوعيه (ب) و (ج)، إلى برنامج الفحص الطبي قبل الزواج، اكتشف 23 حالة مصابة بالإيدز، و897 حالة مصابة بالتهاب الكبد الوبائي من نوع (ب)، و245 حالة مصابة بالتهاب الكبد الوبائي (ج)».
    وأوضح الزهراني، أنه «يتم إعطاء نصائح وتعليمات للمصابين بالتهاب الكبد الوبائي (ب) و (ج)، إذ إن هناك تطعيمات معينة للأطراف المصابة، وينصحون باستخدام العازل أثناء الجماع، إن كانوا عازمين على الزواج»، لافتاً إلى أن قرار إدراج فحص الإيدز والتهاب الكبد الوبائي قبل الزواج، «لقي حماسة أكثر مما كنا نتوقع، خصوصاً من جانب أولياء الأمور، لأنه في النهاية يصب في مصلحة أسرة سليمة مستقبلاً». وتعتزم وزارة الصحة إقامة حملة توعوية لمدة عام كامل، لتوعية المجتمع، حول أهمية تقليل نسبة الإصابة بالأمراض الوراثية والمعدية، وحماية الأجيال المقبلة.



    وكان الموضوع.. عن غطي قدحك.. وهو السائد عندنا في السودان..
    ومشاكلوا الوراثية.. الكثيرة..


    تحياتي.. والله ذكرتنا أيام الجهجة واستاك.. وتبلغ البندول.. عشان تطشش فحص التهاب الكبد..

    ونظريات ما عارفين صحتها المعملية..
                   |Articles |News |مقالات |بيانات

19-02-2013, 03:15 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عوض أبو عيش)

    Quote: سرد شيق محبوكـ ..
    يرسلكـ رأساً لمعايشة تلكـ الأحداث ..
    ويغمسكـ في أتونها بكل سلاسة ..
    يمسكـ بتلابيبكـ لايدعكـ ..
    لتكون فصلاً من فصولها ..
    تعايشها لحظة بلحظة ..
    تعرق وتجف ..
    خوفاً من أن يكون إسمكـ ..
    ضمن المغضوب عليهم ..
    ارتداد ذكرياتي لتكـ الأيام الله لا عادها ................

    دسيس .. كيفنكـ ........

    جيمي سلام يا وجيه
    شاكر ومقدر الاضافة الثرة
    واكيد تقديري للكلمات الجميلة
    ايام الفحوصات يا جمال والتكسر في الخرطوم والتهجس بالليل كانت صعبة خاصة بي ناس تقفلت بيهم سبل العمل والحياة الكريمة بالسودان ياخ ممكن الوباء بتاع الكبد إطيرك.
    لو تذكر قالو في دكتورة في بحري بتعالجو في اسبوع الناس كانت بتحاول ما تفقدك الامل
    اما الايدز كنت بسمع اتنين بتونسو قدام استاك قالو في فكي اديك مسواك الصباح تتسوك بيهو جماعة استاك افتشو ارض واطه ما إلقوهو يعني الايدز دخل ايضا من عمل الاناطين والشبكش زي الكورة وتقعد في صفوف ناس الفيز ياما تسمع عجائب فعلا كانت ايام.
    تقديري وشكري
                   |Articles |News |مقالات |بيانات

19-02-2013, 03:31 PM

ناصر حسين محمد

تاريخ التسجيل: 09-01-2013
مجموع المشاركات: 5192

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    يأأأخ والله انت مبدع بشكل غير محدود ،،،

    والله اتمنيت انك تواصل ،،
    وياريت يأخ عباس تجدعنا ببوست من العينة دي كل يوم ،،
                   |Articles |News |مقالات |بيانات

20-02-2013, 06:17 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: ناصر حسين محمد)

    Quote: لا اثق في اي فحص في السودان حيكون طاقي ولا ما اتعمل اصلا
    وصاحبك بتاع المعمل رصا النتيجة ساي
    المفروض يكون مكان معتمد في كل مدينة
    ونعم للفحص الطبي قبل الزواج للامراض المعدية والمخدرات
    للزوجين


    سلام يا دكتورة نجاة
    من المؤسف جدا حتي الان في وطنا العزيز لا يوجد احترافية في التعامل مع المهن ومصداقية
    من السهل استخراج شهادات صحية لشخص مصاب بي بلاوي الدنيا وهي نفضيفة
    مرت علي مشكلة لاحد السودانيين هنا لم يتمكن من استخراج الاقامة بعد حضورة وكان التهاب الكبد الوبائي سبب في أن يتم ارجاعه السودان علما بان شهادات السودان كانت نضيفة.
    الاغرب من هذا حاليا مكاتب الاستقدام بالسودان تطلب من صاحب الفيزا عمل تحاليل تجربة إن كان هنالك اصابة باي مرض عشان اتصرفو في معالجة المشكلة قبل ان تدخل السفارات ..... حاجة عجيبة
    كما تفضلتي بالافادة عن أن يكون المحل معتمد ومهني وله مصداقية هذا هو الاهم.
    اكيد تقديري
                   |Articles |News |مقالات |بيانات

20-02-2013, 06:32 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: تحياتي.. والله ذكرتنا أيام الجهجة واستاك.. وتبلغ البندول.. عشان تطشش فحص التهاب الكبد..


    عوض سلام يا وجيه
    ياخ والله انت لذيذ يا الحبيب خشيت معانا فلم الرجفه انت في البندول و ل واحد معانا واقف في الصف من الصباح طلع روحي بي حكاية امسك لي محلي وانا جاي بين كل فترة وفترة وقت زهجت منو سألتو: يازول شنو غلبتنا زي المنشار طالع داخل حكايتك شنو؟؟؟ اتضح زولك قالو ليهو اشرب زيت مع عرديب عشان لو في ملاريا او التهاب وباء الكبدي بطشو والشراب اكون علي الريق فك ليك فيهو اسهال مع الجوعه ومعالخوفه وقت قربنا لي نهاية الصف والرجفه الطلعات اصبحت مضاعفة ياخ ايام غايتو غريبة. شكرا للكابشر الذي رفد المفترع مع خالص التقدير.
                   |Articles |News |مقالات |بيانات

20-02-2013, 10:01 AM

محمد عوض السيد
<aمحمد عوض السيد
تاريخ التسجيل: 17-06-2011
مجموع المشاركات: 966

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    سلامات عوافي

    والله انا لامن عرقت معاك بقرايتي لكلامك يا الدسيس

    الفحص في السودان زاتو ناس بره مامقتنعين بيه
    ولما تمشي السعودية تاني بعيدوه ليك من اول وجديد


    وارقد عافية
                   |Articles |News |مقالات |بيانات

20-02-2013, 10:17 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: محمد عوض السيد)

    تحياتي الأخ عباس

    Quote: بمجمع فتح الرحمن البشير اجيك واحد اطلع في كنبه ماسك نتيجة الفحوصات بيد واليد الاخري بها الكشف ....... اخونا يبدأ في قراءة الاسماء بالدور.......وقتين اقول فلان الفلاني تبتسم .. تفرح ... تنطط.. معناها انت نظيف دي عايزه ليها زغروده تستلم ظرف التحليل .. من هناك جري للسفاره سعيد وفرحان…
    اخونا الطالع في الكنبه لنهاية الكشف ما قال اسمك واطاتك اصبحت

    أنت محظوظ بالجد حسب ما رويته في نهاية المأساة
    تعرف أنا قصتي بدأت من لحظة إنت قاعد في الواطة متفرشخ خاتي يديك في راسك
    Quote: كنت واقف صاحبنا شغال فلان الفلاني – انده في الاسماء انا اقول بعد ده – فلان الفلاني انا اقول يا ولد اصبر انت طوالي شفقان – اعاين للظروف في يد الراجل لما الظروف بقت شوية ... أصبحت في موقف لا يحسد عليه ...كرعي ما شالني قعدته في الواطة . الظروف انتهت !!!!!!
    قلته خلاص زولك لحقني امات طه ... اقبل وين امشي وين ياربي امشي بالحدود اسمرا اقول للناس ماشي السعودية اطش مليون سؤال داير في راسي وانا قاعد في الواطه متفرشخ خاتي يدي في راسي


    انقر حصل معاي شنو ؟ واستمر مسلسل الرعب دا كلو كم يوم ؟
                   |Articles |News |مقالات |بيانات

20-02-2013, 10:29 AM

الامين موسى البشاري
<aالامين موسى البشاري
تاريخ التسجيل: 09-08-2009
مجموع المشاركات: 15238

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: Mohamed E. Seliaman)

    Quote: تعرف أنا قصتي بدأت من لحظة إنت قاعد في الواطة متفرشخ خاتي يديك في راسك


    Quote: انقر حصل معاي شنو ؟ واستمر مسلسل الرعب دا كلو كم يوم ؟




    عباس بسببو وعنده مبررات للخوف انت مالك
    ..
    ..


    __
    cc : وهبه
    cc: خضر حسين
    cc: To whom it may concern
                   |Articles |News |مقالات |بيانات

20-02-2013, 10:53 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: الامين موسى البشاري)

    Quote: يأأأخ والله انت مبدع بشكل غير محدود ،،،

    والله اتمنيت انك تواصل ،،
    وياريت يأخ عباس تجدعنا ببوست من العينة دي كل يوم ،،

    ياخ والله انت زول رائع بشكل خيالي
    احمد ناصر سلام وتحية يا وجيه
    اولا الف مليون ترليون شكر علي الثناء
    سوف نواصل إن لم يكن هنا بمفترعات جديدة
    نتمني أن نتشرف بزيارتكم
    والله يا ناصر لو لا المشغوليات كل يوم بنفك ليك واحد ولا يضير أن يكون كل يومين ثلاثة يا الحبيب
    تقديري وشكري
                   |Articles |News |مقالات |بيانات

20-02-2013, 11:26 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: عباس بسببو وعنده مبررات للخوف انت مالك

    قبلها بشهرين كنت طالع يا عمك من عملية جراحية خطيرة
    وبأيدي خواجات
                   |Articles |News |مقالات |بيانات

20-02-2013, 03:18 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: Mohamed E. Seliaman)

    Quote: الخرطوم: مسرة :

    أدانت محكمة النظام العام بالكلاكلة برئاسة القاضي وليد خالد فتاة خرساء تحت طائلة المادة (146) من القانون الجنائي (الزنا) وأوقعت عليها عقوبة الجلد (100) جلدة حداً، وذلك لإنجابها لمولود «سفاحاً» بمنطقة الكلاكلة جنوب الخرطوم، واستعانت المحكمة بمترجم لاستجواب المدانة حيث اوصفت لها كيفية ارتكاب الجريمة قائلة إن المتهم هو ابن الجيران وإنه كان يصطحبها إلى منزله عندما يلتقيها في الطريق ويمارس معها الرزيلة بعد أن وعدها وأوهمها بالزواج وعندما حبلت منه تركها، ودون ذووها بلاغاً في مواجهتهما عندما علموا بالواقعة، وأقرت بالجريمة بعد أن وضعت حملها، فيما أنكر المتهم صلته بما نسب إليه من اتهام ونفى علاقته بالمولود في الوقت الذي أكدت فيه نتيجة المعامل الجنائبة عبر فحص (DNA) نسب المولود إليه إلا أن المحكمة قالت إن هذه الجرائم الحدية يتم إثباتها بالشهود والإقرار، وبإنكار المتهم وعدم وجود شهود اتهام تم شطب الاتهام في مواجهته وإخلاء سبيله. اخر لحظة





    يتطور العلم يوميا مع تطور الكوارس المرضية والجريمة الجميع ينادي بالفحص الطبي قبل الزواج في محاولة لايقاف جريمة اجتماعية يتضرر منها الاطراف وايقافها يعني بان هنالك اسر سوف تنشا معافيه وخالية من الامراض في اسقلال التطور العلمي لمصلحة الانسان والملفت للنظر نجد أن الامة والدعاة والقضاء دائما يقفون موقف سلبي في الاستفادة من العلم وتفسير النصوص بطريقة بدائية وبما أن فحص الdna لتحديد النسب اصبح معترف به عالميا كما ان الفحص قبل الزواج ايضا في مرتبة واحدة من الاستخدام العلمي في الحياة الاجتماعية تقف هذه الحالة او القرار القضائي في الحكم ببطلان الاعتماد علي ال dna عثرة في الحد من الجرائم وتعطيل سير الحياة بصورة حضارية يرفض بعض الائمة التعامل مع التكنلوجيا والعلم في شكل الاحكام القضائية والحياة الاجتماعية لو نظرنا لهذا الرفض لا نجد مبرر له مثلا هل لا يجوز الحج بالطائرة هي وسيلة حديثة للتنقل أم لا يجوز استخدام اشعة الليزر في العمليات الجراحية وعشان الواحد تكون حجتو صحيحه لازم اركب جمل او حصان وايضا التداوي بالاعشاب للامراض المستعصية مثل السرطان وغيره. وصل العلم مؤخراً إلى أن زواج الأقارب يؤدي إلى بعض الأمراض الوراثية و غير الوراثية تلحق بالصغار و لاسيما الأمراض العقلية ، والعلم في تطور (وَمَا أُوتِيتُمْ مِنْ الْعِلْمِ إِلاَّ قَلِيلاً) معناهو في اشاء كثيرة سوف تكتشف لاحقا ما المانع في استخدام العلم حتي تكون الحياة ساهلة.
                   |Articles |News |مقالات |بيانات

21-02-2013, 06:26 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: سلامات عوافي

    والله انا لامن عرقت معاك بقرايتي لكلامك يا الدسيس

    الفحص في السودان زاتو ناس بره مامقتنعين بيه
    ولما تمشي السعودية تاني بعيدوه ليك من اول وجديد


    وارقد عافية


    حبيبنا محمد عوض السيد سلام وتحايا
    شاكر ومقدر للمساهمة
    امورنا في السودان مكوجنه ممكن تطلع فحص نضيف بي علاقات ممكن بي قروشك وهي الغالبة
    مستوي الفساد في السودان خلي اي زول اقابض في مقولة ((حقنا كم))
    ونتيجة لذلك اصبح هنا أو في أي دولة اجنبيه تشدد لاعادة الفحص والتدقيق
    مع تحياتي
                   |Articles |News |مقالات |بيانات

21-02-2013, 08:12 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    Quote: انقر حصل معاي شنو ؟ واستمر مسلسل الرعب دا كلو كم يوم ؟

    سلام يا حبيبنا Mohamed E. Seliaman
    تعرف يا الحبيب مع سبب الخوف من تلقي ليك مرض اعطل سفرك
    بتلقي هنالك هواجس وهي الاخطر التي تجعل الخوف يتملكك
    حكاية الشغل والحياة الكريمة التي اتفقدت في السودان
    إن كان بسبب الصالح العام وبرنامج التمكين أو بسبب الوظيفة في السودان غير مجدية
    وتطلعات الانسان اكبر من حفنة الجنيهات التي تسمي الماهية
    اضافة للاسرة التي تنتظر منك الكثير.
    اكيد تقديري
                   |Articles |News |مقالات |بيانات

24-02-2013, 07:56 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: عباس الدسيس)

    يا أستاذ عباس
    برنامج مجمع فتح الرحمن البشير دا كان برانامج عجيب جدا.

    Quote: تعرف يا الحبيب مع سبب الخوف من تلقي ليك مرض اعطل سفرك
    بتلقي هنالك هواجس وهي الاخطر التي تجعل الخوف يتملكك

    نتائج الفحص أحيانا كان يوزعها واحد من ناس النظام العام بتاعين المجمع
    وكانت بعض النتائج تطلع إيجابية في موضوع التهاب الكبد الفيروسي
    زولك بتاع النظام العام ينادي الزول باسمه ويقول له :
    التأشيرة حقتك دي شوف واحد من إخوانك أو أولاد عمك أديها ليه.
    ثم يقدم نصيحة للجميع:
    يا جماعة عشان ما يظهر عندك مشكلة في الفحص
    قبل ما تجي المختبر شوف ليك أقرب محل مرطبات واقطع ليك كوز برتقال
    أو قال كوز عرديب
    وبعداك كان طلع في نتيجتك مشكلة تعال لومني .
                   |Articles |News |مقالات |بيانات

26-02-2013, 07:01 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: بالسودان فحص الايدز قبل عقد الزواج (Re: Mohamed E. Seliaman)

    Quote:
    نتائج الفحص أحيانا كان يوزعها واحد من ناس النظام العام بتاعين المجمع
    وكانت بعض النتائج تطلع إيجابية في موضوع التهاب الكبد الفيروسي

    Quote: زولك بتاع النظام العام ينادي الزول باسمه ويقول له : التأشيرة حقتك دي شوف واحد من إخوانك أو أولاد عمك أديها ليه

    سلام يا الحبيب عشوائية في التعامل مع الجمهور لو زول سمع الجملة اعلاه اقع مغمي عليه شوف الكلام يصلك مفاجي والناس كلها تسمع خصوصية في النتيجة مافي.
    Quote: . ثم يقدم نصيحة للجميع: يا جماعة عشان ما يظهر عندك مشكلة في الفحص قبل ما تجي المختبر شوف ليك أقرب محل مرطبات واقطع ليك كوز برتقال أو قال كوز عرديب وبعداك كان طلع في نتيجتك مشكلة تعال لومني .

    فعلا الحاصل وكما ذكر حكاية البندول وحاجات تانية كثير
    اكيد تقديري للاضافة
    مع خالص الشكر
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de