أنا شــــايقي .

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-10-2018, 11:38 AM الصفحة الرئيسية

مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-01-2013, 01:05 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


أنا شــــايقي .

    فجأتن كدي جاتني حالة بتاعة قعونجات وحبيت أعرِف نفسي
    ما عارف ليه ؟
    يمكن السبب إني شايقي :)
    أحمل من جينات الغتاتة الكثير " حسب تعريف بني كجَه "
    مولود وبيني وبين النيل ميتين متر ، ورغم إني مرقت من البكان المضلِم داكـ وأنا لا أستطيع أن أنطق اسم أمي صحيحاً ، لكني وكل ما ذهبت لزيارة أهلي ،
    بلد بي تِحِت أحس بحنين عجيب جداً لباقي النيمة الكانت قرب باب الكُشر
    كتير جداً بتذكر طعم القراصة الهرونــا بيها من صغار
    ومديدة الحلبة المالية الحلة ريحة كلما أتى الليل
    وصوت الحمير لامن تهنِق بالليل
    والليمونة الكانت مدفونة تحت زير ناس أمي " حاجة الشاتي " والشلتها من البيت " تحت الزير " دون أن أخطر أحداً
    وأخذت علقة من الوالد الحبيب لأنو اعتبرني سرقتها .
    وسرقتي لحمار عمي على صالح " الله يرحمو " كلما أرسلني أبي لسوق مروي من أجل " الصعوت "
    وصوت رادي عمي الأخدر الشبع خبت بالعصاية كلما شخشخ صوتو
    آخر مرَة مشيت سنة 2008 جيت شايل معاي بوست :
    Quote: لم تعطنا تربية المدينة كل دسم ( البلد ) الذي افتقدناه ...
    والبلد هي مصطلح (مسقط الرأس) عند أهلي الشايقية .. فإن ذهب (الشايقي) إلى أقرب المُدن كان الأمر سفـــــراً خارج (البلد) .. رغم أن الأمر تمَ من غير " زوادة " **
    والبلد دائماً لها ذات الصفات والتصرفات (واللمَات ) والمشاوير اليومية ...
    البهايم ومشوار (حش القش العصراوي) يتشابه في كل البيوت ...
    صوت النعاج وهي تنتظر وجبة العشاء ( البرسيمي الطازجة) .. يتشابه في كل البيوت
    (والحريم ) في طريقهن إلى البيوت "والشمس إلى زوال تقريباً " (والواقود) أعلى الرأس ( يتمخطر ) في ذات الهيبة إلى أجله المحتوم وقوداً ( لقُرَاصة ) العشاء....
    ريحة لبن شاي المغرب (المقنن) والذي أيضاً يتشابه في كل البيوت ....
    بيرغر وكاتشب داخل (باصات) مــــــــروي ....
    المهم :
    جونا شايقية جدد ، غيرو الأفكار وبدلو في الكلمات ولقيت نفسي زعلان وجيت جاري شايل بقجة غبينتي في قوش هنا : ( يا عواليــــــــق !!!!!!!! )
    وختمت غبينتي بتعريف يخص أهلي القراب البعرفم وبيعرفوني :
    Quote: أنا زول مولود في الضلمه جنب البحر وسط النخيل (أبو دوم مركز مروي ) وأمي بت عم أبوي ما يجي واحد من شايقية لندن ديل يغالطني

    .....
    هو الموضوع كان شنو ؟؟
    أيوا اتذكرت
    بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟
                   |Articles |News |مقالات |بيانات

27-01-2013, 01:16 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4927

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    Quote: بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟

    نضمن كيف انو سؤالك ده ما غتيت ؟
    أحب الشوايقة والما شوايقة

    (عدل بواسطة أيمن محمود on 27-01-2013, 01:25 PM)

                   |Articles |News |مقالات |بيانات

27-01-2013, 01:32 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: أيمن محمود)

    هلا بكـ * أيمن محمود
    وباعتباركـ برلوم لسه ما عرفنا " مويتكـ " لكن كساتر من حسي بسألكـ :
    إنت بتآكل ويكــه ؟




    ...........
    * نظام إستلاب نجدي وكده يعني


    ___________
    مراحب والله يا أيمن عضواً بحوش بكري
                   |Articles |News |مقالات |بيانات

27-01-2013, 01:20 PM

صبري طه

تاريخ التسجيل: 10-08-2009
مجموع المشاركات: 9660

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

                   |Articles |News |مقالات |بيانات

27-01-2013, 01:32 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: صبري طه)

    Quote: أنا شــــايقي .

    لكن مامستفيد ..

                   |Articles |News |مقالات |بيانات

27-01-2013, 01:37 PM

وضاحة
<aوضاحة
تاريخ التسجيل: 16-01-2005
مجموع المشاركات: 8880

للتواصل معنا

FaceBook
تويتر Twitter
YouTube


Re: أنا شــــايقي . (Re: فايزودالقاضي)





                   |Articles |News |مقالات |بيانات

27-01-2013, 01:51 PM

Elsanosi Badr

تاريخ التسجيل: 29-03-2008
مجموع المشاركات: 4097

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    والنعم بالشوايقة


    يكفي ان يكون لك لك اخ او جار من الشوايقة لتكتشف انه انت او اخ لك لم تلده امك

    يكفي ان يقابلك شايقي في الغربة فيكون لك السند والعضد الذي تحلم به

    ويكون لك السودان متمثلا في شخص.


    تحياتي يا ابو محمد


    احبكم ياخي واحب (حنانكم) زاتو


    _______

    والدتي عندها طلب مقدم لشقيقتها الشايقية عشان تنتمي ليهم فطلبت منها ان يمضي 35 مليون سوداني عشان يقبلوها
                   |Articles |News |مقالات |بيانات

27-01-2013, 02:30 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: Elsanosi Badr)

    Quote: احبكم ياخي واحب (حنانكم) زاتو
    الدكتور " الطاعم " خالس خالس السنوسي بدر
    ياخي حالتكـ ما مشيت القُرير *
    اليجيكـ ود جبرين المسخوط ويتم ليكـ الباقي :)






    ___________
    * المحل الطلعوا منو الشوايقة يبكوا
                   |Articles |News |مقالات |بيانات

27-01-2013, 01:57 PM

خالد احمد محمد

تاريخ التسجيل: 10-08-2009
مجموع المشاركات: 599

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    شكرا ليك يا عمران على الكلام المشلخ السمح ده ... وصدقنى (بلود ) بى تحت وبى فوق كلها قاعد تتشابه فى ديارنا الجميلة ديك بى بناتها خدارها وواقودها ونخيلها وبناتها السمحات المفرزعات وسط الجروف ينافسن وبقوة اجمل
    حسان العالم بهاء واناقة ..... واب دوم مركز مروى دى ذكرتنى حبوباتنا والواحدة تلقاها حاضنة الرادى من الساعة اتنين ونص فى انتظار نشرة تلاتة وخصوصا نشرة الوفيات زمن ماكان فى جوال وفجاتن تسمع وووووب على فلان مات !!!! توفى فلان
    الفلانى اخو فلان وولد فلان وودعم علان من ( ...... ) مركز مروى ...... الكلام ده زمن ( الصائح ) كان اتنين من الشباب الاقوياء من اصحاب الحمير الفارهة التى تستطيع عبور عدد من القرى لنشر خبر وفاة او عودة غائب ......
    من الزومة احلى سلام يا قريبى ....
                   |Articles |News |مقالات |بيانات

27-01-2013, 02:43 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد احمد محمد)

    Quote: من الزومة احلى سلام يا قريبى ....
    أها يا خالد متل الريدة والاحترام البنشيلو لبعض ده هو الهارد فشفاش بعض " الأشقياء "
    زينا زي أيِ مجتمع فينا الطالح والصالح والغتيت والخربان كلو كلو .
    بس بينا المحنَة والاحترام
    أنا على مستواي الشخصي لا يهمني كثيراً أن أكون شايقي أو حلبي :) ، يهمني أن لا يعيرني أحد بأني شايقي
    وأننا أهل غل وغبائن وغتاتات وكلام كتير فارغ
    في تلكـ اللحظة سأرفع الإعلان عالياً : أنا شايقي
                   |Articles |News |مقالات |بيانات

27-01-2013, 02:12 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    زميلة الحوش الشايته ضفاري : وضاحة
    حسي التطرف لزومو شنو ؟
    هاكي شوفي " وأقري " قال شنو شاعرنا في نورا :
    Quote: هيْ .. أقيفِنْ .. ‏
    نورا فِيكِنْ ؟ . ؟ ‏
    نورا ... نقّاحة الجِّروفْ .. ‏
    نورا ... حَلاّبة اللِّبيني .. ‏
    للصغيرين والضِّيوفْ ‏
    نورا ساعة الحَرْ يولِّعْ .. ‏
    تنقلِبْ نسمة وتطوفْ ‏
    تَدِّي للجيعان لقيمة ‏
    وتَدِّي للعطشان جغيمة ‏
    والمَخَلِّي الحال مَصَنقِرْ .. ‏
    في تَقَاة اللّيل تَندْقِرْ .. ‏
    تدِّي لي باكر بسيمة ‏
    تَكْسي للماشين عَرَايا ‏
    وفوقا ينقطّعْ هديمه ‏
    حسي زي نورا دي بتلد ليها جناياً رابط جزلانو ؟
                   |Articles |News |مقالات |بيانات

27-01-2013, 02:15 PM

وضاحة
<aوضاحة
تاريخ التسجيل: 16-01-2005
مجموع المشاركات: 8880

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    والله يا عمران من ولدونا اهلى الجعليين بقولوا لينا الشوايقة ديل بخيلين احزروهم

    الشوايقة رجالنن حنان ومليانين رومانس

    بس نسوانن كدايس بخربشوا وخاصة مرت الولد

    حولة
                   |Articles |News |مقالات |بيانات

27-01-2013, 02:21 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    ياعمران عليك الله تجلي وضاحة دي
    هي صحي صحبتي لكن كك * اصيل



    ــــــــــــــ
    * احسن ناس .
                   |Articles |News |مقالات |بيانات

28-01-2013, 06:36 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    Quote: بس نسوانن كدايس بخربشوا وخاصة مرت الولد
    عشان كدي يا أخت وضاحة أم محمد رفيقة العمر جعلية قلبه حااااار تسد عين الشمس
    أكان ربطت جزلاني زماااااااااااان كان تخارجت
                   |Articles |News |مقالات |بيانات

27-01-2013, 01:58 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: فايزودالقاضي)

    Quote: لكن مامستفيد ..

    ده ما ياهو الجايب لينا الهوا يا فايز ، بقت الحكاية مربوطة حسي بالنضم الفارغ ده ، لكن بيني وبينكـ زولنا اسماعيل حسن بيديكـ الإحساس ده لامن يقول :
    Quote: يوم تموت
    ينعوك في كل الجرايد
    ويكتبوا عنك قصائد
    والخطيب واقف يوصف
    كان وكان
    كان وحيد هذا الزمان
    بس تصور ..يا فلان
    وينسبوك لي كم قبيلة
    بي فروعك وبي اصولك
    ويصبحوا أهلك كتار
    وكلهم ناس سمان
    بس تصور يا فلان
    لو قبيل اتلموا فوقك
    وأنت حي
    وكل زول أداك ريال
    كنت واثق...كنت لي أسع دا..حي
    ياحليلك يافلان
                   |Articles |News |مقالات |بيانات

27-01-2013, 01:49 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: صبري طه)

    أها يا صبري إنت كمان جيتني بالحتة الفيها الحديدة
    صوت الطنبور تصدق بيخليني زي العايز ( أبكي )
    رغم إنو تربيتي كانت وسط ناس ود القاضي الحبشي
    مرات بجيني إحساس إنو شعري بالشايقي كان ممكن يكون حسي مالي قنوات النيل الأزرق والشروق :) كان اتربيت وسط الناس الحنان
    نضال حسن الحاج دي فايتانا بشنو ؟
                   |Articles |News |مقالات |بيانات

27-01-2013, 01:53 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    غايتو ياوضاحة يوم بتكتلي ليك شايقي

    -
    هسع عمران صاحبي ده شوفتي جزلانو وين




    سلامات ياصاحب
                   |Articles |News |مقالات |بيانات

27-01-2013, 02:14 PM

هجو الأقرع
<aهجو الأقرع
تاريخ التسجيل: 19-07-2006
مجموع المشاركات: 9023

للتواصل معنا

FaceBook
تويتر Twitter
YouTube


Re: أنا شــــايقي . (Re: حيدر حسن ميرغني)

    انساب

    احباب

    اولادعم

    حنية لمن تخوف

    تحياتى يا عمران
                   |Articles |News |مقالات |بيانات

27-01-2013, 02:23 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14359

للتواصل معنا

FaceBook
تويتر Twitter
YouTube


Re: أنا شــــايقي . (Re: حيدر حسن ميرغني)


    شكرا عمران فقد عبرت عني,

    وفي وسط كم هائل من الدعاية السلبية ليس فقط من صاحب لفظة (العواليق) وافاعيله في الأبرياء طالبي الحقوق ولكن أيضاً النكات التي أصبحت ممضوغة بهبل شديد وأفاعيل غيرهم مثل صاحب (الحقنة) الشهيرة ...

    هذه الكراهية تمشي على قدمين لم يجلبها أحد لاسم قبيلته مثلما جلبها هؤلاء رغم استمرار تأكيدنا بأن قبيلة هؤلاء هي معتقدهم السياسي وليس غير

    تحياتي

    أحمد الشايقي
                   |Articles |News |مقالات |بيانات

29-01-2013, 06:22 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: أحمد الشايقي)

    أستاذي الفاضل أحمد الشايقي
    لكـ التحايا والاحترام
    Quote: هذه الكراهية تمشي على قدمين لم يجلبها أحد لاسم قبيلته مثلما جلبها هؤلاء رغم استمرار تأكيدنا بأن قبيلة هؤلاء هي معتقدهم السياسي وليس غير
    يظل بني وطني أصحاب جمال غير أن أصحاب الصوت العالي " قليلي العدد والمعتقد " هم من يجلبون لنا عار الفهم والتصرف
    نسأل الله العافية
                   |Articles |News |مقالات |بيانات

28-01-2013, 06:47 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: حيدر حسن ميرغني)

    Quote: هسع عمران صاحبي ده شوفتي جزلانو وين
    يا حيدر كيفنكـ
    في زمن فات كنا موظفين منظمات بأحد معسكرات جنوب القضارف ، وبحكم تواجدنا وسط اللاجئين الأثيوبين كنا قريبين منهم جداً
    بالليل جات مرة داخلة علينا تكوركـ الحقو الراجل ، مشينا لقينا كم واحد متلمين عايزين يقلعو الراجل رجلو الصناعية المليانة قروش
    قالو هم أقاربو والراجل من عرفو أيِ خمسمية جنيه تتلم يشيله ويحشره في رجلو
    وهو حسي قرب يفارق وعايزين يلمو منو اللماهو
    أها أنا " كشايقي " قربت اتم الخمستاشر سنة وسط أعراب نجد
    أكان سويت سواة الحبشي ده حسي أكان أكون جار المشير في كافوري
                   |Articles |News |مقالات |بيانات

27-01-2013, 02:15 PM

رانيه محمد الشيخ

تاريخ التسجيل: 18-10-2010
مجموع المشاركات: 3696

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    يا زول
    يعنى
    لصراحه
    كده
    بيعجبنى فيهم الشعر الناعم واللون الغامض
    امتزاج جمالى عججججججججججججججججججججيب
    والعيون السوده البتخلى الطير يقع من سماه
    وملامح الما دشنه
    لكن
    يعنى
    لصراحه
    كده
    مخهم فى الحريم كعب شدددددددددددددددددددديد
    برغم انهم رومانسيين قادر الله
    وغيورين غيرة اخنق فطس
    لكن
    يعنى
    لصراحه
    كده
    الشكك دا ماااااااااااااااا حلو
    وان الانثى مفروض تكون مفعوصه طوالى معاهم
    المهم
    حمشين
    ودمهم حار
    لكن بالجنبه كده
    عينهم زايغه
    ويحبوا الهبطرش
    لكن مع ناس البيت العين قويه زى الصقر
    ودا انفصال فى الشخوصه ما جميل
    :)))))
                   |Articles |News |مقالات |بيانات

27-01-2013, 02:36 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)


    البوست ده انا بعتبر نفسي ما شفتو

    يا عمران الشوابقة في محلية مروي 87000 نسمة
    في ريفي ومدينة الحصاحبصا 68000 نسمة
    في الحاج يوسف و شرق النيل 400,000 نسمة
    في ولاية الخرطوم عموم قريب 2 مليون


    شوفولنا الوطن البديل
                   |Articles |News |مقالات |بيانات

27-01-2013, 02:42 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: osman righeem)

    Quote: يا عمران الشوابقة في محلية مروي 87000 نسمة
    في ريفي ومدينة الحصاحبصا 68000 نسمة
    في الحاج يوسف و شرق النيل 400,000 نسمة
    في ولاية الخرطوم عموم قريب 2 مليون
    شوفولنا الوطن البديل



    يعني شوايقة كسلا ديل لقوا بديل ولا شنو ياخال ؟ ..



    ثم ليك وحشة والله ..

    (عدل بواسطة فايزودالقاضي on 27-01-2013, 02:46 PM)

                   |Articles |News |مقالات |بيانات

27-01-2013, 04:17 PM

عبدالمجيد الكونت

تاريخ التسجيل: 15-04-2009
مجموع المشاركات: 5613

للتواصل معنا

FaceBook
تويتر Twitter
YouTube


Re: أنا شــــايقي . (Re: osman righeem)

    قبل فترة كان في خبر بتاع مظاهرات في مروي دعما لي قوش

    نزلت الخبر ومعاه صور وانا متأكد انه مافي اي زول قبلي نزل الخبر هنا

    جوني ليك كمية من الناس ناطين وشبكوني ليك عشان قريبك وما عارف شنو وشنو وقدر ما طولت بالي ما وصلت معاهم لي نتيجة ... المهم خليت ليهم البوست ومشيت ... بعد يومي جاء واحد اسمه الدومة حنضل منو كده ما عارف ... عمل كوبي بست للخبر ... جو نفس الناس شبكوه النضال والنصال وهلمجرا .... حينها تحسرت على سودان كان بين يدينا ....


    احبك ياقريبي واحب الشوايقة من اولهم لي اخرهم
    وكان ما جيت من زي ديل يا اسفاي يا ماساتي يا زلي
                   |Articles |News |مقالات |بيانات

03-02-2013, 06:18 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: عبدالمجيد الكونت)

    Quote: حينها تحسرت على سودان كان بين يدينا ....
    تأكد يا صديقي بأن ليل " الغث " لن يطول
                   |Articles |News |مقالات |بيانات

27-01-2013, 02:36 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)

    قلت كدا اخيريا قريبي

    طيب واناهلالابي

    نهديك قول اخونا حاتم حسن الدابي الفنان فيموجة الدهب


    ياحليل الحريم دمعن انسكب
    قالن الرجال فاتو الدهب
    فرحن اول شى والخيال كضب
    الواحدة تتلقاك تضحك باسطة تب
    تحلم بالقروش وتحلم بالدهب
    كملن الصبر والكلام وجب
    لامن الفرح فيهن اتقلب
    والضحك الكتير الليلة صار غضب
    شكوي للكريم وقدمن الطلب
    قالن الرجال كايسين السبب
    شردو من البيوت والوضع صعب
    لا رجعو للبيوت لا جابو الدهب
    المعرس والعذب
    قام فات الدهب
    والبي السنين اغترب
    قال ماشى الدهب
    اصحاب الرتب فاتو الدهب
    يااهل الترب
    قومو للدهب
    اللقى السبب من البيت هرب
    قالو مشى الدهب
    قعدن الحريم وحرسن البيوت وسافر اب شنب
    الخلة العروس فى شهر العسلوساق ابو النسب
    وفاتو الدهب
    قولو للشيوخ الشراد وجب والحقو الدهب
    ملوك الطرب بطلو الغنا وفاتو الدهب
    المعلمين الواحد كان كتب
    يكتب الدهب
    طلاب المدارس فارقو الكتاب وبقرو فى الدهب
    أئمة المساجد وجهو الخطب
    لى خير الدهب
    حتى الاطفال اتخيلو اللعب
    مصنوعة من دهب
    ياهيثم والعجب بطلو الكفر وقومو للدهب
    الناس فى تعب والتعب كعب
    حايمين بالهجير زي كلاب لهب
    الدماغ يفور ويحرق العصب
    والمرض خطير ونحن فى مطب
    بي سبب الدهب
    الحقو الاسر من مرض الدهب
    دة خلى المجتمع للريح فى مهب
    والرجع عيان بي وجع ركب
    والنصيح يئن قاعد فوق لهب
    الكريم رازق ورزقو ما اتحجب
    بس الزمو اليقين دون ضجيج وسب
    يااهلنا الفى البيوت كان غاب اب شنب
    بيلعب اب ضنب
    وكان لعب اب ضنب الوضع اضطرب
    ولو الوضع اضطرب يبقى كل شى ذهب
    والسبب الدهب
                   |Articles |News |مقالات |بيانات

27-01-2013, 02:44 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: درديري كباشي)

    يادرديري ...سلامات وكل سنة وانت طيب ياخي ..
    والله منور البورد واكبر الاضافات انت رغم الصفر الكبير ..

    Quote: طيب واناهلالابي

    اخير الشايقي ..

                   |Articles |News |مقالات |بيانات

27-01-2013, 02:49 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: أنا شــــايقي . (Re: فايزودالقاضي)

    سلام يا ود القاضي يا احمر يا ولد الاحمر

    يعني البحر الاحمر والمريخ


    تعرف رغما عن انه نحن شايقية تجميع الشرق

    يعني زي الكامري المصنوعة في استراليا

    ما شفنا الشايقية حتى الآن

    لكن العرق يحن

    والكلام الحنين ما بناباه

    والحمد لله ورثنا شدة الشايقي الدس جزلانه في جيب الحرامي البايت جمبو

    خلاه طول الليل يفتش ويسب
                   |Articles |News |مقالات |بيانات

27-01-2013, 02:45 PM

saidahmed shami
<asaidahmed shami
تاريخ التسجيل: 08-01-2013
مجموع المشاركات: 2344

للتواصل معنا

FaceBook
تويتر Twitter
YouTube


Re: أنا شــــايقي . (Re: درديري كباشي)

    آه يا بلدى

    قولة ازيك وكيف الحال
    واهلاً ياخى حبابك عشرة من دون كشرة
    والف سلام
    وين القاها بعيد عن بلدى
    ولقمة كسرى ولو بى مويه مع ست ريدى
    وين القاها بعيد عن بلدى
    آه يا بلدى ومليون آهة
    وحاتك غيرك مالى عزة
    ومافى وجاهة
    ***
    وقع ما سمى
    قلبى وحاتك مما فاتك يوم ما انجم
    آه يا بلدى
    يا زول قادل
    جلابيى فرد ويحيدى
    قديمى نضيفى سيف كاويها
    قانع بيها وبارم العمى
    نفس غنيانى جيوبك فاضى
    بس للمحتاجين دايماً مليانى
    عليك عوافى
    يا المابتعرف قولة مافى
    وما بديك ما عندك ضمة
    وساعة الحارة وكت تتلم
    ديوش وديوش
    ما بتندس حرم فى الحوش
    جفير سكينك تجدعو غادى
    دمك يغلى تفور وتهوش
    تبشر زين تنطط زين
    تقول فى دارك عندك بوش
    وعدوك لى بعضو يصيح حوش
    مسور يا بلدى ومابتنحاش
    يا المتل الغيم للفى بيوضة
    يجيبلو رذاذ ومعاهو دعاش
    يا الذكرك دايماً فى قلبى
    يا الزارع الورد على دربى
    انا ابنك عاق جافيت حبى
    وجيت هنا فى الغربة متكرن طاش
    بكيت وبكيت والشوف من عينى
    بقالى طشاش
    قروش الجن دى اريت يا وطنى
    بعيد عن ارضك ما تتلم


                   |Articles |News |مقالات |بيانات

27-01-2013, 03:25 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: أنا شــــايقي . (Re: saidahmed shami)

    انا شوفت ارضنا قبل سنوات بس..
    وفرحانة ببلدي وبشايقيتي كأني عشت فيها من ساعة ولدوني..
    ومابيأثر في حبي الكلام الفاضي نوع دي عنصرية منكم ساكت..
    واي زول ما بيحب منطقتو عنده اسبابه..
    والبيحب منطقته عنده أسبابه
    والموضوع في نهايته حنين وتجارب وذكريات وأرض وخالات وعمات وجدود..ودم يخليك تحن لأي حاجة هناك..
    زي حنينك لأمك وأبوك...
    ........
    ........
    أما بعد..
    بالبتشتموا الشايقة بسبب (البعض)
    إنتو غلطانين..
    لأنه البعض ده موجود في كل القبائل وكان دايرين ممكن نعدهم ..
    وإن كمان دايرين الشايقي ينكر إنه شايقي..
    برضه دي ما بتلقوها..
    في شان شنو ينكر محنته وحبه لاهله السمحين وأرضه؟
    سلام للزومة فوق والزومة تحت..وكريمة ومروي والمقل..وشوق رهيب لنوري
    والبركل والحزيمة و...و.....
    وأنا ماشية ليهم كلهم قريب..

    .........
    .........

    شايقية وهلالابية أحمد الله

    سلام يا عمران
                   |Articles |News |مقالات |بيانات

27-01-2013, 03:33 PM

ناصر حسين محمد

تاريخ التسجيل: 09-01-2013
مجموع المشاركات: 5193

للتواصل معنا

FaceBook
تويتر Twitter
YouTube


Re: أنا شــــايقي . (Re: Muna Khugali)

    تغيرت نظرتي للشايقية تماما بفعل احتكاكي بهم
    فهم ابناء بلد اصيلين ،،
    وابناء عمومتنا ،،
    واحترت في مصدر النكات البتحكي عنهم لانها مخالفة للحقيقة



    كســـــــــــرة شايقية :

    شايقي سايق كارو لاقهو جماعة الرفق بالحيوان جلدوه اربعين سوط في ظهره
    رجع البيت ظهره مورم ،،
    دخلته يكورك لمرته :( يانفيسي ،، يانفيسي )
    ظهري يانفيسي ،،

    مرته : مالو ظهرك ،، فيه شنو
    الشايقي : لاقوني ناس الرفق بالحيوان ،، وقالوا الحمارة ما بتأكل ادوني اربعين سوط في ظهري ده ..!
    مرته : واشيليلي ،، واحليلي ، واشليلي
    طيب اكان شافوني انا ( يكتلوووووووكا )
                   |Articles |News |مقالات |بيانات

28-01-2013, 08:00 AM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: أنا شــــايقي . (Re: ناصر حسين محمد)

    حنان وجدعان ...يكتلم الشوق...تاسرهم الكليمي الطيبي وتقودهم الي حتفهم وهم راضون بي فسمتهم القسما ربهم خالق الجود والموجود...
                   |Articles |News |مقالات |بيانات

27-01-2013, 03:34 PM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7238

للتواصل معنا

FaceBook
تويتر Twitter
YouTube


Re: أنا شــــايقي . (Re: Muna Khugali)

    Quote: شايقية وهلالابية أحمد الله

    سلام يا عمران

    حرم يابت العم كمان كان قلتي كدا وختيتي معاها ريــال مدريد أمانة ما تكوني أسعدتينا أن وأخوي عمران دا !!

    هييييع !!!


    ياعمران بمناسبة الريــال :
    علي ولدي عمره خمسة سنوات مدريدي قح ، قام جلط شعرو كدا وجاني قالي لي
    Dadi, does it look like Christiano's ? x
    قلت ليه لا لا ، شعرك شين !!
    قما زعل قال لي :
    you want to say that it looks like Arbeloa's?x
    والله ضحكت من رباطابيتو ومن معرفتو لأسماء اللاعبين الجيدين والمكروهين من المشجعين!!
                   |Articles |News |مقالات |بيانات

27-01-2013, 03:40 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31104

للتواصل معنا

FaceBook
تويتر Twitter
YouTube


Re: أنا شــــايقي . (Re: عبد اللطيف بكري أحمد)

    Quote: شايقية وهلالابية أحمد الله

    و أنا بقول مليون الحمد لله للأولى و مليون الحمد لله للتانية ......

    Quote: أنا شــــايقي .

    يعني إلا تقولها .... ما ظااااااااااااااااهر

    من أول مرة شفتك عرفتك (لو سألتني عرفتني كيف في البوست دا بتتعوق)
                   |Articles |News |مقالات |بيانات

28-01-2013, 07:00 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: ABUHUSSEIN)

    Quote: من أول مرة شفتك عرفتك (لو سألتني عرفتني كيف في البوست دا بتتعوق)
    إذا حكومتكـ الموقرة من عندينا اتحداكـ تمد لسانكـ بكلمة
    هذا لا يمنع تشوف الخاص وين وترسل فيهو وجهة نظركـ ياخي
                   |Articles |News |مقالات |بيانات

27-01-2013, 03:51 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: Muna Khugali)

    Quote: شايقية وهلالابية أحمد الله

    لاحول الله ..
    طيب اوزنيها بالمريخ ..
                   |Articles |News |مقالات |بيانات

29-01-2013, 08:12 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: أنا شــــايقي . (Re: Muna Khugali)

    الشوايقة القدام عينينا ديل....كان مسكت منهم الطوارق بس ا طارق الامين العوض...وطارق جبريل...وطارق العوض




    فأتي لي بقبيلة فيها ثلاث طوارق بوزن من ذكرت...من حيث الزوق والادب واللطافة والشهامة والتجرد والابداع
    ونكران الذات...والحنية والموهبة والرجالة....وعييييييك قل ما شئت
                   |Articles |News |مقالات |بيانات

27-01-2013, 03:40 PM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7238

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)

    Quote: يا زول
    يعنى
    لصراحه
    كده
    بيعجبنى فيهم الشعر الناعم واللون الغامض
    امتزاج جمالى عججججججججججججججججججججيب
    والعيون السوده البتخلى الطير يقع من سماه
    وملامح الما دشنه
    لكن
    يعنى
    لصراحه
    كده
    مخهم فى الحريم كعب شدددددددددددددددددددديد
    برغم انهم رومانسيين قادر الله
    وغيورين غيرة اخنق فطس
    لكن
    يعنى
    لصراحه
    كده
    الشكك دا ماااااااااااااااا حلو
    وان الانثى مفروض تكون مفعوصه طوالى معاهم
    المهم
    حمشين
    ودمهم حار
    لكن بالجنبه كده
    عينهم زايغه
    ويحبوا الهبطرش
    لكن مع ناس البيت العين قويه زى الصقر
    ودا انفصال فى الشخوصه ما جميل
    :))))



    إنتهيتي مننا غايتو رسمممممي وشعبي !!
                   |Articles |News |مقالات |بيانات

27-01-2013, 03:43 PM

وضاحة
<aوضاحة
تاريخ التسجيل: 16-01-2005
مجموع المشاركات: 8880

للتواصل معنا

FaceBook
تويتر Twitter
YouTube


Re: أنا شــــايقي . (Re: عبد اللطيف بكري أحمد)

    يا جماعة عندى سؤال

    ليه الجعليين والشوايقة طوالى بتناقروا ضد بعض ؟
                   |Articles |News |مقالات |بيانات

27-01-2013, 03:53 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: أنا شــــايقي . (Re: وضاحة)

    Quote: ليه الجعليين والشوايقة طوالى بتناقروا ضد بعض ؟


    ممكن اجاوب ؟
                   |Articles |News |مقالات |بيانات

27-01-2013, 03:55 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31104

للتواصل معنا

FaceBook
تويتر Twitter
YouTube


Re: أنا شــــايقي . (Re: osman righeem)

    Quote: ممكن اجاوب ؟

    إنت حا تكون منحاز كالعادة

    إذا جاوبت إنت أنا برضو بجاوب ....
                   |Articles |News |مقالات |بيانات

27-01-2013, 03:55 PM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: أنا شــــايقي . (Re: osman righeem)

    Quote: ممكن اجاوب ؟


    خاتنك للكبيرة ياخال
    فما تكبر الصغيرة
                   |Articles |News |مقالات |بيانات

27-01-2013, 04:05 PM

خالد عبد الله محمود
<aخالد عبد الله محمود
تاريخ التسجيل: 28-11-2004
مجموع المشاركات: 5393

للتواصل معنا

FaceBook
تويتر Twitter
YouTube


Re: أنا شــــايقي . (Re: osman righeem)



    غايتو يا عمران جكسيكم مبالغة ..
    نادر ما تلقي ليكـ شايقية شينة

    غايتو كان عندنا بت جيرانا شايقية جمرة بس زي ما قال محمد موسي



                   |Articles |News |مقالات |بيانات

27-01-2013, 04:21 PM

وضاحة
<aوضاحة
تاريخ التسجيل: 16-01-2005
مجموع المشاركات: 8880

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد عبد الله محمود)

    اها يا جماعة وين الاجابةا
                   |Articles |News |مقالات |بيانات

27-01-2013, 04:29 PM

خالد احمد محمد

تاريخ التسجيل: 10-08-2009
مجموع المشاركات: 599

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد عبد الله محمود)

    مساء جميل لكل المارين بى جاى ..... وتحية خاصة للزول الكتابتو طاعمة اخونا ( عمران ) .....
    ومادام كترت سيرة انو الشوايقة ديل ناس مميزين ( وش ضاحك ) لازمن تجى سيرة التريال المميز ( معلقات الشايقية ) ( العابرات ) ( محمد احمد الحبيب ) ..... كدى شوفو الزول ده قاعد يقول شنو وحجم الجمال الداخلى الساكن الزول ده والناس الحوالينو :
    يا عابرة عبر الدم شايلك شرايني
    أنا بي لقاك مهتم بس كيف تلاقيني
    لو عمري يتقدم وأضمن تلاقيني
    أنا بعدو ما بندم لو مُتَّ في حيني
    دنيا العذاب والهم ماشيها وحداني
    لي غيري بتبسم وفي قلبي احزاني
    رغم الصبر علقم في صبري متفاني
    مع اني بتألم من جوة وجداني
    الطيف يزيدني اشواق في النوم يناجيني
    ويرحل بدون إشفاق ساعة يصحيني
    يا طيفا كان مشتاق لي مين مخليني
    طفل الغرام العاق .. ربيتو ومابيني
    يا عابرة دنيا الجن بي كل أعاصيرا
    لو سعدي ما ممكن احسن لي من غيرا
    أنا بي لقاك مؤمن لكني في حيره
    يصعب لقاك كيفن والدنيا بي خيرا
    نهر الاماني سراب يا عابرة ارويني
    غير ما السما الصباب طول مجافيني
    والليل يزيدني عذاب في جوفو يطويني
    كل ما الدمع ينساب من جفني يسقيني
    يا عابرة حتى الآن عينيكي آسراني
    سحراً ملكني زمان سكنتو اشعاري
    راجيك زمن عطشان ما صبت امطاري
    ليه في سحاب دخان يا القمرة تنضاري ؟
    يا اماني لي بكرة والليلي والبارح
    شايلك معاي ذكرى كان واعي كان سارح
    بس يوم تبين سفرة يا عابرة بي الواضح
    في نيتي من فترة داير اجيك نازح
    آه لو قدرت اجيك .. رؤياك مراد عيني
    أكسير حياتي وشيك من حزني يشفيني
    من اشتياقي إليك يا عابرة دسيني
    ما بين رموش عينيك شيليني ختيني
    وأنا كنت شئ مجهول يا عابرة لولاكي
    مع أني أول زول من بين ضحاياكي
    فرشّتِي عمري الشاق اشعار من إملاكي
    كانت على الاطلاق أجمل هداياكي
    مصباحك المسحور جاهرني عاميني
    سايق خطاي مبهور يسوقني يوديني
    ما عارف المقدور بالفرقة راجيني
    خارج نطاق النور حايم حواليني
    عابرة الزمن ظلام .. في ظلمو متوالي
    بقت الحقيقة احلام واحزاني شيء عادي
    واصبح علي الزام كل ما صدح شادي
    اهديك مدى الايام .. ألحاني وانشادي
                   |Articles |News |مقالات |بيانات

27-01-2013, 04:53 PM

maman
<amaman
تاريخ التسجيل: 21-11-2002
مجموع المشاركات: 1041

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد احمد محمد)

    الأخ عمران وضيوفه الكرام

    تحية

    حكاية (عشماني والورر) من الحكاوي الظريفة التي قرأتها.. كاتبها حسن العليش من أبناء جزيرة مساوي... (عشماني) إحدى عجائز الحلة ولكنها ما زالت متشبثة بالحياة، تصر على ممارسة حياتها كباقي الناس. تركب حمارتا و(تندلا بي تحت) عشان تجيب القش للبهائم وتلقط خدار للملاح وتفسخ القنقر.. ولكنها في ذلك اليوم لم تضع في حسبانها ما يخبؤه لها القدر.. حينما قفز ذلك (الورر) اللعين أمام الحمارة.. ولنرى ما حدث... كما صاغه (حسن العليش):

    قالت عشماني لصاحباتها وهي تحكي ما حدث

    نهر حُمارتي والجبنة رأماني رأسي يسوي في التح ترح و بالضهاري شاققت طلعت بي دريب ود عدلان .. جيت عِند الحفير والجدول مليان والواطة شرباني والموية مدفقي في درب الساقي حُمارتي إتعدت وبي وسط العيش ماشي وأنده في الشرايف.
    أشوفلِك الورر المرق من الجدول الضكر وطار زي العُصار وإتقلب في حوض العيش والحمارة قالت بي كدي ورمتني علي صفحتي .
    البرسيم واللوبي كلو فوقي وقفيفتي بي مُلاحة إنكبت في المُوية.. كُراعي إتلوت مِن تِحت وساعةً طويلي وأنا في محلي وفي حالاً كُتُر وغالبني القومة .
    والورر سمع أضاني يسوي في البط بط مرقة في الدسامعة .
    وأنا راقدي في بِكيني نعلتو تكيتو صفحة صفحة قلتلو شكيتك علي الله ، وإنت أكان فيك فايدي ما سموك ورر يالعاطل ، حايم في الجروف وتمرُق من الحلفي تدخُل في الطرفي لا عندك شغلة ولا مشغلة ، العوم مِتل أخوانك ما قعد تعرفو تغطس زي الحجر وتبنقر في نُص البحر من خوفك .
    رفاقتك قاعدين وساكنين في الدالات والشلالات هِناك وسط الحجار والكير القاطِع في الحامداب.. الصغير فيهُن يشيل العروس بي عريسة فوق ضهرو ويعديهُن البحر في عِز الدميري.. أقعُد إنت هني أحبس الدروب والراكِب كُلو أهجمو وأرمو . رجيت الله يرميك في إيد الكراقنا والا التكارنة ينجضوك وياكلوك .

    ولاد الحلال جابوني وصلوني لكن المخروقة والترقوي الدخلتن ما ب تمرق ومِنُو العوض وعليهُ العوض .
    وإتقلبت علي صفحتة وكوركت الحقوني الحقوني،، الكُراع الكُراع ، الإيد .. شكيتك علي الله يالورل ،،،،
                   |Articles |News |مقالات |بيانات

27-01-2013, 05:14 PM

الفاتح سليمان
<aالفاتح سليمان
تاريخ التسجيل: 14-09-2009
مجموع المشاركات: 1734

للتواصل معنا

FaceBook
تويتر Twitter
YouTube


Re: أنا شــــايقي . (Re: maman)

    ها ناس هووي سلام

    تحية لارض النيل كلها ولمروي المقل نوري القرير اوسلي كريمة


    ولكل المناطق هناك






    " target="_blank">
                   |Articles |News |مقالات |بيانات

27-01-2013, 06:18 PM

منال

تاريخ التسجيل: 21-07-2009
مجموع المشاركات: 3511

للتواصل معنا

FaceBook
تويتر Twitter
YouTube


Re: أنا شــــايقي . (Re: الفاتح سليمان)

    ازيك ياعمران

    انا الليله جابونى الشوايقه

    عندى فيهم ناسا عزاز وبحبهم محبة شديدة

    تحياتى لكل المتداخلين الشوايقة ^_____^
                   |Articles |News |مقالات |بيانات

27-01-2013, 06:32 PM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46568

للتواصل معنا

FaceBook
تويتر Twitter
YouTube


Re: أنا شــــايقي . (Re: maman)

    يا جماعة عندى سؤال

    ليه الجعليين والشوايقة طوالى بتناقروا ضد بعض ؟

    ..............................................................

    وضاحة لم تات لحوار

    هييع الشايقية

    نوري

    القرير

    الكرفاب

    ديم ود حاج

    البركل

    الككر

    صديق احمد

    عبد الرحيم البركل

    النصري

    حسن الدابي

    تلب

    ود الزومة

    صديق احمد

    طارق العوض

    عبد القيوم

    جعفر السقيد

    حاتم الدابي

    وعمران حسن صالح

    يا سلاااااااام

    .....................................

    على فكرة اخوان عمران شايقي بنكهة جعلية

    كع
                   |Articles |News |مقالات |بيانات

27-01-2013, 08:56 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: maman)

    معليش يا سادة يا طيبين حا أميَز حكاية مامان دي وبي لونه الأزرق زاتو لأنها بالجد متعتني طريقة الحكي
    Quote: نهر حُمارتي والجبنة رأماني رأسي يسوي في التح ترح و بالضهاري شاققت طلعت بي دريب ود عدلان .. جيت عِند الحفير والجدول مليان والواطة شرباني والموية مدفقي في درب الساقي حُمارتي إتعدت وبي وسط العيش ماشي وأنده في الشرايف.
    أشوفلِك الورر المرق من الجدول الضكر وطار زي العُصار وإتقلب في حوض العيش والحمارة قالت بي كدي ورمتني علي صفحتي .
    البرسيم واللوبي كلو فوقي وقفيفتي بي مُلاحة إنكبت في المُوية.. كُراعي إتلوت مِن تِحت وساعةً طويلي وأنا في محلي وفي حالاً كُتُر وغالبني القومة .
    والورر سمع أضاني يسوي في البط بط مرقة في الدسامعة .
    وأنا راقدي في بِكيني نعلتو تكيتو صفحة صفحة قلتلو شكيتك علي الله ، وإنت أكان فيك فايدي ما سموك ورر يالعاطل ، حايم في الجروف وتمرُق من الحلفي تدخُل في الطرفي لا عندك شغلة ولا مشغلة ، العوم مِتل أخوانك ما قعد تعرفو تغطس زي الحجر وتبنقر في نُص البحر من خوفك .
    رفاقتك قاعدين وساكنين في الدالات والشلالات هِناك وسط الحجار والكير القاطِع في الحامداب.. الصغير فيهُن يشيل العروس بي عريسة فوق ضهرو ويعديهُن البحر في عِز الدميري.. أقعُد إنت هني أحبس الدروب والراكِب كُلو أهجمو وأرمو . رجيت الله يرميك في إيد الكراقنا والا التكارنة ينجضوك وياكلوك .
    ولاد الحلال جابوني وصلوني لكن المخروقة والترقوي الدخلتن ما ب تمرق ومِنُو العوض وعليهُ العوض .
    وإتقلبت علي صفحتة وكوركت الحقوني الحقوني،، الكُراع الكُراع ، الإيد .. شكيتك علي الله يالورل ،،،،
    عندي عماتي إتربن في البلد وما طلعن منها ، واحدة الله يرحمه " أم الخير " والتانية " النعيمة أو النعمه " إتملت شيب
    لامن كنت اقعد اسمع القصص كنت استغرب للحبكة وطريقته
    العبارات العجيبة ولو غيرناها لاختلف المعنى وراحت روح الحكاية بنضم البلد الصااااااااااح داكـ .
    صدق في الوصف ضافت ليهو عبارات البيئة الكثير فصار مشهدا درامتيكيا ممتعا
                   |Articles |News |مقالات |بيانات

28-01-2013, 07:03 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد عبد الله محمود)

    Quote: غايتو كان عندنا بت جيرانا شايقية جمرة
    يا خالد عبد الله ده زاتو الجايب لينا الحسد
                   |Articles |News |مقالات |بيانات

27-01-2013, 07:17 PM

رانيه محمد الشيخ

تاريخ التسجيل: 18-10-2010
مجموع المشاركات: 3696

للتواصل معنا

FaceBook
تويتر Twitter
YouTube


Re: أنا شــــايقي . (Re: عبد اللطيف بكري أحمد)

    العفو يا عبد اللطيف
    عندى اولاد اهلى شوايقه وفرد لى شديد
    لكن دى الخلاصه من عشرتهم
    ههههههههههههههههههههههه
                   |Articles |News |مقالات |بيانات

27-01-2013, 07:48 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 5057

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)

    حيا الله عمران وضيوفه،
    من حق كل إنسان أن يعتز بذاتو وأهلو وقبيلتو!
    ومن حقو أيضاً أن يعتقد بأنو ناسو هم أحسن البشر!
    وتقريباً ده الشيء الطبيعي!
    ومن كان كذلك حقاً، فلن يعتدي أبداً على شعور الآخرين أيضاً بالانتماء
    إلى قبائلهم وأجناسهم!

    وأصلاً مشكلة العنصرية لا تُحل إلا من خلال إحياء كلّ إنسان
    لقيم الاعتزاز بذاتو وناسو وأهلو!

    فمسألة رمي قبيلة كاملة بالسوء والعنصرية، بسبب انتماء البعض ليها،
    ظاهرة برزت في هذا المنبر،
    وهي ظاهرة خطيرة وخاطئة!


    +++
                   |Articles |News |مقالات |بيانات

27-01-2013, 08:44 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: أنا شــــايقي . (Re: صلاح عباس فقير)

    يا قريبي أنا ان بقيت انبهلت هني وفتحت اللبقة ألتي ببقالكم دميري رسمي
                   |Articles |News |مقالات |بيانات

27-01-2013, 09:00 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: أنا شــــايقي . (Re: طارق جبريل)

    صديقي العزيز عمران

    كلنا شوايقه كان رضي ابو حسين كان ابي

    وكان ابي بنكلم ليهو الحكومه


    هسي بعد شويه حيجيني ناطي
                   |Articles |News |مقالات |بيانات

27-01-2013, 09:33 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31104

للتواصل معنا

FaceBook
تويتر Twitter
YouTube


Re: أنا شــــايقي . (Re: طارق ميرغني)

    Quote: كلنا شوايقه كان رضي ابو حسين كان ابي

    وكان ابي بنكلم ليهو الحكومه


    هسي بعد شويه حيجيني ناطي



    سويتها شينة شديد ......

    عفيت منك يا فوزية الشايقية .....
                   |Articles |News |مقالات |بيانات

28-01-2013, 06:37 AM

المسافر
<aالمسافر
تاريخ التسجيل: 10-06-2002
مجموع المشاركات: 4966

للتواصل معنا

FaceBook
تويتر Twitter
YouTube


Re: أنا شــــايقي . (Re: ABUHUSSEIN)

    Quote:


    بس بسأل إنتو قرابة " أو معرفة " رسولنا العظيم صلى الله عليه وسلم لكفار مكة قللت من شأنه عند الله ، ومن آمنوا به ، شيئاً ؟


    رسولنا الكريم (ص ) ربنا رفع له ذكره ووضع عنه وزره


    وربنا كريم
    وبالناس رؤوف رحيم

    انشاءالله بعد ده يجيب العواقب سليمة
                   |Articles |News |مقالات |بيانات

28-01-2013, 06:41 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46568

للتواصل معنا

FaceBook
تويتر Twitter
YouTube


Re: أنا شــــايقي . (Re: المسافر)

    عثمان ود اليمني

    عبد الله محمد خير

    مصطفى شحرفان

    نواصل
                   |Articles |News |مقالات |بيانات

28-01-2013, 06:55 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)

    Quote: ودا انفصال فى الشخوصه ما جميل
    هو انفصال الشخوص ده تطير عيشتو
    ده معلَق في رقبة أيِ سوداني وخاصة القبائل المعنونة نفسة بأنها الأكبر
    طريقة التربية والتعامل بتخلق الإزدواج في شخصية الناس غصباً عنهم لكن بعد داكـ التعليم ومعاشرة باقي خلق الله بتعلم كتير
    لكن السؤال :
    هل يكون ذلكـ سبباً مباشراً لتقليل قيمة أحدهم باعتباره شايقي ؟
    يفعل البعض ذلكـ للأسف الشديد
    علماً بأن بعض الآخرين من بني شايق وبسبب نظرة ضيقة وقلة فهم يكون رد فعلهم أسوأ وبالتالي تكون التهمة جاهزة بتعنصرهم .

    ...
    شكراً زميلة الحوش : رانية محمد الشيخ
                   |Articles |News |مقالات |بيانات

28-01-2013, 08:25 AM

إدريس محمد إبراهيم
<aإدريس محمد إبراهيم
تاريخ التسجيل: 13-03-2006
مجموع المشاركات: 2672

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    عمران أخوي كيفنك ....


    أحب الشايجية جداً وأعشق أغنياتهم وأشعارهم حتى الثمالة رغم إني من المحس ومتزوج محسيه بت خالتي وطبعاً لا مانع في مثنىً وثلاث ورباع ... (التقول عزام فرح بس وله معتز قريش بس ..) ...

    وأغلب أصدقائي من الشعراء شوايجه .. عماد الدين عبد الرحيم (سو رضايا ..) .. الواثق عبد الرحمن مثالاً ....

    حسع صديق الموج يجيك ناطي يقول ليك أنا شايجي ...ياخ الزول ده لو قلت ليهو أنا من أم صفقاً عراض يجي ناطي ليك في حنانك ... عالم جنها سلبطه ....عامل زي واحد قريبتنا كده كل ما يكون في بكى تلقاها ست البرش ... هههههههه ....

    (عدل بواسطة إدريس محمد إبراهيم on 28-01-2013, 08:27 AM)

                   |Articles |News |مقالات |بيانات

28-01-2013, 08:28 AM

عاطف رميتي

تاريخ التسجيل: 26-01-2010
مجموع المشاركات: 979

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    لـيـــــــنـا واصــــل يـا حـنـيــــــن وابـقـى واصل
    الــدرب قـــدامــك أخـضـــر والوداد البينا واصل

    والكـلـيــمــات الـتـطـمــن نحن منتظرين وصولا

    المودة وكامل الحب والاحترام ياعمران على البوست الحنين >>>
                   |Articles |News |مقالات |بيانات

28-01-2013, 08:36 AM

عمار محمد ادريس
<aعمار محمد ادريس
تاريخ التسجيل: 28-09-2011
مجموع المشاركات: 295

للتواصل معنا

FaceBook
تويتر Twitter
YouTube


Re: أنا شــــايقي . (Re: عاطف رميتي)

    قول 1
                   |Articles |News |مقالات |بيانات

28-01-2013, 08:58 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7489

للتواصل معنا

FaceBook
تويتر Twitter
YouTube


Re: أنا شــــايقي . (Re: عمار محمد ادريس)

    سلام يا عمران

    أمممسك حبل الصبر ياخ

    الشايقية ناس لطاف ياخي

    تعرف مرة كنت شغال في خلاء السعودية دا في مزرعة وجاري شايقي (أبو شريف)

    المهم حالتنا كانت واحدة مرة قاعدين كانت في جمال واقفة جنبنا وفعلا كان منظرا جميل سمينة ومبغبغة

    واحد من البدو جاء ماشي وقف عربيتو ونزل وقاعد يعاين في الجمال دي قريب ساعة

    أبو شريف قال لي يلاكا نشوف الزول دا موضوعو شنو

    أبو شريف قال ليهو ليك ساعة بتعاين في الجمال دي عايز تشتريها ولا شنو ؟

    البدوي قال ليهو لا بس ربنا قال أو لم ينظروا إلى الأبل كيف خُلقت

    أبو شريف قال ليهو أها انت هسة عرفتها كيف خُلقت ول لسه
                   |Articles |News |مقالات |بيانات

28-01-2013, 09:31 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: أنا شــــايقي . (Re: حمد عبد الغفار عمر)

    والله ي أخوى كان البقولوا فيكم ماكان صاحبناك ذاتو .....

    Quote: عشان كدي يا أخت وضاحة أم محمد رفيقة العمر جعلية قلبه حااااار تسد عين الشمس
    أكان ربطت جزلاني زماااااااااااان كان تخارجت


    لكن أظن موضوع الغتاتة ده حاول تناقشو بينك وبين نفسك...أظنو فيه شىء من الصح..

    أول مرة ماتكون غتيت وتطلع النصيحة....الله يحفظ أم محمد ومحمد ويحفظك.

    بوست طاعم.

    تقديرى وإحترامى لك وللجميع.
                   |Articles |News |مقالات |بيانات

28-01-2013, 11:54 AM

مزمل خيرى
<aمزمل خيرى
تاريخ التسجيل: 29-03-2009
مجموع المشاركات: 5630

للتواصل معنا

FaceBook
تويتر Twitter
YouTube


Re: أنا شــــايقي . (Re: ismeil abbas)

    ياعمران ازيك ياخى ..
    من زمااان ونحن صغار بنسمع بمثل بيقول " كان لقيت جنا الدابى وجنا الشايقى .. اقتل جنا الشايقى وخلى جنا الدابى "
    الكلام دة كيف ..؟

    * ابوجوان


    ___
    * كدة اتذكرتنى ؟
                   |Articles |News |مقالات |بيانات

28-01-2013, 12:32 PM

خالد عبدالوهاب

تاريخ التسجيل: 18-01-2013
مجموع المشاركات: 558

للتواصل معنا

FaceBook
تويتر Twitter
YouTube


Re: أنا شــــايقي . (Re: مزمل خيرى)
                   |Articles |News |مقالات |بيانات

29-01-2013, 06:45 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: أنا شــــايقي . (Re: خالد عبدالوهاب)

    سلامات ياعمران ومشتاقين

    عارف ياحبيب انا كل مرة بجي بتاوق

    وبمشي ... بس مادام جابت ليها غتاتة

    امسك عندك .... من اتولدت

    جارنا باليمين عمك علي مكي من مروي له الرحمة

    وبالشمال عمك محجوب الحداد من الكرو اطال الله عمره

    وبي ورانا عمك عطا خير السيد من قشابي وسيد الدكان

    صالح الدباوي له الرحمة .... يعني متحاوط بالشوايقة

    من كل الاتجاهات ويمين اتحاسب عليهو يوم الدين

    ديل ناس ولا كل الناس ..... ولو قعدت احكي ليك

    بي حنية الشوايقة حا اطلعك انت الجعلي وانا الشايقي

    ياحبيب ديل اجمل خلق الله .

    وبس
                   |Articles |News |مقالات |بيانات

29-01-2013, 11:15 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: haroon diyab)

    أعتذر لكل الأحباب عن تأخيري الرد على مداخلات الأحباب والوعد بالتواصل مستمر
    ......
    من أكبر عيوب مساحات النت الممتدة تداخل البعض في مواقع بأسماء وهمية منها يكتسبون شجاعة من شرب كأساً من العرقي التالف ثم فجأة صار أبو عرام
    وهذا نموذج واضح لما ذكرت :
    صديقنا عماد عبد الله قال كلاماً حميلاً وهو يقوم بإنزال هذا الفيديو :

    قال :
    Quote: صباحات أواخر الشتاء عليكم يا أيها الديامة ..
    هذا البلد عجيب .. هجين من المسكنة ، و الفتونة ، و كسر الجناج ، و الراس الفي السما ، و الزارعنا غير الله اليجي يقلعنا ، و جبرة الخاطر ، و نحنا الساس ، و عزه التي في هواها ، و حليل موسى ، و جدك بيضبح الشايل .. و يا غِرِق يا جيت حازِما ..
    في بلدٍ غير هذا و في غيرما زمانٍ تأكل فيه الحرائر من أثداء عزتها .. لرعت الدولة مبدعيها .. مبدعيها من طرف . لكن ( سبايا نحنُ في هذا الزمانِ الرخو ) ..
    هذا الزول عجيب .. فنان شعبي بديع .. ايقاعه مضبوط حد الإذهال .. الجرس الموسيقي الذي نضم به هذه الكلمات المجغمسه و دوزنها على الغنا .. ثم حال الحزن الذي يطلع من نظراته فيوجع القلب .. ثم الكواريك التي يطلقها حرى فكأنما ينفث نار قهره و غبنه الكبير .
    هذه كوميديا سوداء .. ملهاة غاية في البؤس و الجمال في آن ..
    أعتذر لمن سوف يألمه هذا الغناء و يوجع .. لكن - و أنا القادم من أتون الخرطوم - حال هذا الزول الجميل أفضل أفضل أفضل من أحوال الخلايق هناك .. الخلايق التي أقعدها الفساد و الظلم و الفقر و الإهمال و الحوجة و انعدام الوجيع . الخرطوم التي حولها النظام الإسلاموي الفطيس لمكان ينضح بالعفونة و المسكنة و نقص المروة و الدين و النخوة و مخافة الحساب في يوم الدينونة ، الدينونة لكل هذا الخراء الذي أفرزه النظام الشيطاني هذا و ولغت فيه المخاليق التعاسى ، فريدي الجمال ..
    ما من حي و لا طريق فيك يا خرطوم إلا و به درويش أو مجنون أو متسول أو من ذهل فكضم و سكت .. لكن ، الحساب ولد يا عصبة السؤ .. الحساب بعدين ولد .

    ...
    تفاجأت بداخل تعليقات الفيديو المرفق بموقعة الأصلي بتعليق لا يأتي إلا من صاحب اسم وهمي يقول :
    غير السكر وسرقة البلد وشبق نساءكم واصواتكم النكرة ماشفنا ليكم حاجة فى البلد دى
    أدناه صورة للتعليق من الموقع :
                   |Articles |News |مقالات |بيانات

30-01-2013, 06:15 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: ismeil abbas)

    Quote: لكن أظن موضوع الغتاتة ده حاول تناقشو بينك وبين نفسك...أظنو فيه شىء من الصح..

    طيب وين حق الصحوبية ؟
    مش مفروض تسترني ياخي ؟
    ههههههههههههههههههههههههههه
                   |Articles |News |مقالات |بيانات

31-01-2013, 08:30 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: عاطف رميتي)

    Quote: المودة وكامل الحب والاحترام ياعمران على البوست الحنين >>>
    شكراً يا عاطف ياخي
    وقول ليهم بلاهي
    وريهم انو مشاعرنا ياها زاته
    وقلوبنــا ياها زاته
    البيجي بعد داكـ شايل غباين سياسة ولا حقد وتار بايت ما يقول ديل الشايقية
    ديل زيهم وزي أيِ شذاذ مجموعات تانية
                   |Articles |News |مقالات |بيانات

29-01-2013, 12:03 PM

رانيه محمد الشيخ

تاريخ التسجيل: 18-10-2010
مجموع المشاركات: 3696

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    اكيد اخى عمران
    مافى اى سبب بيدى اى عذر لاى انسان يقلل من قيمة انسان حتى لو فيه السبعه وذمتها
    حتى لو الانسان غلط ما معنى كده انه سيىء
    احنا بشر
    فينا الصح وفينا الغلط
    مافى زول فينا كامل اصلااااااااااااااااا
    ولا بيعيب الزول انه غلط طول ماهو بيسعى انه يصلح من شأنه
    ردى الاول كان هزار بحت ما جادى
                   |Articles |News |مقالات |بيانات

29-01-2013, 12:10 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: رانيه محمد الشيخ)

    Quote: ردى الاول كان هزار بحت ما جادى
    بالعكس اختي رانية اعرف تماما الفرق بين ما تقصدين وما يقصدوه وطبعاً والله جاييكـ في الرد بس كترة المداخلات أربكتني
    لكـ العتبى زميلة الحوش
                   |Articles |News |مقالات |بيانات

29-01-2013, 07:23 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    صادق المواساة للأخ علاء تمبس





    ..
    عودة لاحقة إن الله هوَن
                   |Articles |News |مقالات |بيانات

29-01-2013, 08:19 PM

حسين ديقول
<aحسين ديقول
تاريخ التسجيل: 17-01-2013
مجموع المشاركات: 954

للتواصل معنا

FaceBook
تويتر Twitter
YouTube


Re: أنا شــــايقي . (Re: عمران حسن صالح)

    سليمان الشايقي ، جار في عطبرة في الستينات بالطبع قبل أن نولد نره

    قط ، لكن يتردد ذكر اسمه عند الوالد والوالدة رحمها الله إلى الان

    عمل عسكريا بسلاح المدفعية الآن متقاعد وأظن أنه يعمل خدرجي في

    سوق مروي حاليا.

    أولاد جعفر ابن ادريس ( ميرغني ـ ادريس ـ حمزة رحمه الله ) من أهل الزومة

    رحلنا بالقرب منهم سنة 1985 خالطناهم وخالطونا في الفرح والكره ولم

    يعكر صفونا شي حتى الآن برشنا واحد وأضيحتنا واحدة وسار على ذلك

    الأبناء .

    منذ ذلك التاريخ
                   |Articles |News |مقالات |بيانات

30-01-2013, 02:03 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: أنا شــــايقي . (Re: حسين ديقول)

    Quote: الشوايقة القدام عينينا ديل....كان مسكت منهم الطوارق بس ا طارق الامين العوض...وطارق جبريل...وطارق العوض




    فأتي لي بقبيلة فيها ثلاث طوارق بوزن من ذكرت...من حيث الزوق والادب واللطافة والشهامة والتجرد والابداع
    ونكران الذات...والحنية والموهبة والرجالة....وعييييييك قل ما شئت

    نزار حسين يا حبيب
    الله يجبر بي خاطرك ياخ
    اعطيتني اكثر مما استحق
                   |Articles |News |مقالات |بيانات

30-01-2013, 03:51 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: أنا شــــايقي . (Re: طارق جبريل)

    Quote: نزار حسين يا حبيب
    الله يجبر بي خاطرك ياخ
    اعطيتني اكثر مما استحق


    يشهد الله لم أقل إلا ما رأيته حقا يا طارق جبريل
    وضيف علي ما ذكرت....انكم تشتركوا كذلك في النقاء والاصالة

    (إن شاء الله تدخل في أضافريك)

    القال ليك أبقي كده منو؟؟؟
                   |Articles |News |مقالات |بيانات

30-01-2013, 06:21 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: أنا شــــايقي . (Re: nazar hussien)

    مدام جات سيرة الطوارق

    قلنا نحصل المولد دا يمكن ينيبنا ثواب

    انا قايلا في الاول الطوارق القبيله المعروفه في افريقيا

    ازيك يا عمران
                   |Articles |News |مقالات |بيانات

30-01-2013, 09:45 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: أنا شــــايقي . (Re: طارق ميرغني)

    Quote: مدام جات سيرة الطوارق

    قلنا نحصل المولد دا يمكن ينيبنا ثواب

    انا قايلا في الاول الطوارق القبيله المعروفه في افريقيا

    ازيك يا عمران


    إذا شايقي... ضيف علي الميزات الفوق دي (وحريف وست...)
    كميزة أضافية تمتاز بها علي الطوارق الفوق ديل
                   |Articles |News |مقالات |بيانات

31-01-2013, 08:26 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: أنا شــــايقي . (Re: nazar hussien)

    اعتذاري وتقديري لكل متداخل لم أجد ما يكفي من الزمن للترحيب بمروره
    لكم العتبى أصدقاء الفضاء الواسع
    .....
    الحمد لله أن عاد إنسان إلى إنسانيته وتركـ عنه الســوء
    Quote: الشايقية وتاريخهم الأسود في السودان..
    هؤلاء من نصر الإنجليز ضد المهدية.. هؤلاء رقيق الإنجليز..
    هؤلاء من لا صلة أو رابط لهم بهذا الوطن..
    العياذ بالله أن تكون شايقيا..

    كن أي شئ كان.. كن إنسانا.. لا لا لا تقل لي أنك شايقيا..
    خاصة بعد الإنقاذ..
    وصدق أهلنا قديما وقبل زمان طويل قبل الإنقاذ عندما كانوا يقولون:
    لو وجدت الدبيب وولد الشايقي.. أقتل ولد الشايقي وأترك ولد الدبيب..
    سبحان الله.. إنهم كانوا يقرأون لنا المستقبل..
    العياذ بالله أن تكون شايقيا.. كوزا.. شيوعيا.. أو بوذيا
    قبيــــلة الشايقيـــــة...!!
    شكراً عبد العزيز عيسى
    ربحت نفســـكـ
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de