|
|
|
 Re: بأمر مدير القتاة ... التيل الازرق يتم تحويلها الى جامع (Re: الصادق سيكا)
|
استبشرنا بها خيرا ً فى زيادة الوعى المعرفى حينما أتتنا بنكة سودانية خالصة ..
وسمحنا لها أن تدخل بيوتنا بعد أن دخلت قلوبنا .. ظنناها واحسنا فيها الظن أن
تأتى بطرح جديد يختلف نكهةً ومذاقاً عن تلفزيون النظام الطارد ..
توقعناها أن تكون سيدة الفضاء السودانى ولعلها كادت لولا ( ألفتها )
السيد الاستاذ حسن فضل المولى الذى يقتل كل جميل ..
لقد ذكرنى هذا الرجل ( الفة ) مدرستنا الابتدائية الاخ العزيز على
عباس الذى كان قاسياً وكاتماً لانفاسنا ولم يكن يسمح حتى ( ظرطتنا )
ان تخرج للعلن . (له منى التحية على البعد ).
نعم يا سادتى .. مدير القناة يتصرف بعقلية الالفة تماما فيما يتعلق فى
أمر التعامل مع المذيعين والمذيعات ..
| |
  
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: الصادق سيكا)
|
Quote: تماشياً مع روح القانون والإنضباط في قناة النيل فقد أصدرت قناة النيل الأزرق قراراً آخر بإيقاف المذيعة إسراء سليمان عن مزاولة العمل لفترة شهر من إصدار القرار وذلك بعد أن خالفت روح القانون والإنضباط .
تفاصيل القرار جاءت تفيد بأن إدارة قناة النيل الأزرق قد قررت إيقاف المذيعة الشابة إسراء سليمان بسبب المظهر حيث خالفت المذيعة مواصفات المظهر المطلوبة بالفضائيات وعليه بعد أن إجتمعت اللجنة فقد خرجت بقرارها والذي جاء يحمل إيقاف المذيعة إسراء سليمان لفترة شهر من إصدار القرار بعد أن إستمعت إليها اللجنة من خلال الإستجواب الذي تم معها وبعدها جاء قرار إيقافها .
الجدير بالذكر بأن اللجنة قد أوقفت من قبل المذيعة إسراء عادل نهائياً عن العمل ثم إيقاف المذيعة شهد المهندس أيضا وعدد من المذيعات بهذه القناة حتى تسود روح القانون
|
المصدر
http://www.sudaneseonline.com/news-action-show-id-58024.htm
| |
|
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: الصادق سيكا)
|
| Quote: بأن إدارة قناة النيل الأزرق قد قررت إيقاف المذيعة الشابة إسراء سليمان بسبب المظهر |
يعنى البنية مشت الشغل ام فكو ولّه ايه ...؟ اليس هذا الخبر يعتبر مسيئاً لهذه البنت ...؟
الا يؤثر فى نفسياتها وسط الزملاء والاهل والمعارف ومحبى هذه النجمة ..؟
ثم لكم أن تتخيلوا خبرا هكذا اليس له ابعاد وظلال سالبة على أسرتها ..؟
ربما دمر خبرا هكذا حياتها .. ربما تكون على عتبة الزواج .. حقيقةً انا لا أعرفها جيدا
لكن محدثى ذكر لى أنها بنت فى غاية التهذيب ومن اسرة فى غاية الاحترام وانى أصدقه القول
لاننى من بيت سودانى وأعرف أخلاق أخواتى الماجدات من السودان بغض النظر عن اى منطقة
كنّ فيها أو أتين منها .
انا استنكر خبراً هكذا . هذا المدير ظلّ يمارس نهجه الالفوى هذا دون مراعاة لمشاعر العاملين معه فى الحقل الاعلامى
| |
|
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: الصادق سيكا)
|
Quote: ياخي والله ذكرتني الألفوات والشخصيات النمطية كلها في السودان
الألفوات بتشابهوا في أي مدرسة كانوا
|
الحبيب عاصم فقيرى .. قواسيب من الود
نعم يا عزيزى عاصم .. روح الالفة دى بتكون متغمصة الانسان ولو
ماقدر يتخارج منها بتكون ملازماهو طيلة حياتو حتى فى البيت
تلقاهو متأمر على المرة او الاطفال ..
Quote: وخفراء المستشفيات كذلك تميزهم لياقتهم (من لايوق)
أنماط من الإدارة الشعبية على وزن الدبلوماسية الشعبية
|
بى مناسبة خفراء المستشفيات مع انى زعلان لكن خلينى أحكى ليك دى ..
مره عندى ود اختى رضيع رقدوهوا حوادث اطفال بحرى .. كلمونى جيت
جارى من الشغل .. عندى دولاب فى مكن الشغل طلعت الزى الرسمى ولبست
ملكى ونسيت الكارنية .. جيت أدخل المستشفى حلف مايدخلنى بتاع الباب ..
شايف الناس بجوا بقولوا ليهو شرطه يقول ليهم الكارنيه وين .. يقولوا ليهو طبيب
بفتح ليهم على طول .. اها لفيت وجيت راجع قلت ليهو طبيب .. قال لى بطاقة وين
الظاهر هو حافظ كل الدكاترة الشغالين فى بحرى انا افتكرتوا ما بحب الشرطة غتاته منو .
المهم فى النهاية لقيت زميل دخلنى .
| Quote: حتى هلما جرا دي فيها لياقة غريبة وتعجيبة |
بظروفك من ناس سيدى الصادق انا بره
| |
|
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: علي الكرار هاشم)
|
سلام يالصادق
يعني انت شايف اي حاجه مانافعة
في نظرك تبقي مسجد استخفاق
بالمساجد ولاشنو؟
وتاني حاجة انت فاتح بوست وبتسئ
للقناة وانت ماعارف اسباب الفصل
شنو يعني لوكنت ماملم بكل الموضوع
ماتشيلك هاشمية ساي افهن الحاصل
وتعال اتكلم لكن حتة انو عندي صديق
قال بعرف فلان وفلانة دا كلام ماعندو
معني .
ولك كل الاحترام اخي سيكا
تسلم
| |
|
|
|
|
|
|
|
|
 Re: بأمر مدير القتاة ... النيل الازرق يتم تحويلها الى جامع (Re: سليمان القرشي)
|
سليمان قرشي ...
Quote: سلام يالصادق
يعني انت شايف اي حاجه مانافعة
في نظرك تبقي مسجد استخفاق
بالمساجد ولاشنو؟ |
متين شفت ليك جكس يشرح النفس ولاّ تفريج قلوب في المسجد؟
كدى اكتب لينا لستة بى الحاجات النافعة (غير التكييف) الفي المسجد ..
كرب ... وازعاج ... ونفاق ... وتمثيل سخيف ... وخطب جاهلة مذلة ومهينة للعقل ...
... المهم ....
| |
|
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: الصادق سيكا)
|
| Quote: تعرف انا قريت العنوان وافتكرت انوسينما النيل الازرق سوف تحول الى جامع |
والفلم هندى ..
زمن جميل يا عبداللطيف على شريف ..
| Quote: حسن رجل قوي الشخصية |
يا على الكرار هاشم اوكى ماشى .. لكن كمان ما يكون شديد الغلظة على العاملين
يديهم مساحة شوية يتنفسو فيها ياخ ..
شكرا لمروركما .. عبداللطيف و الكرار مع قواسيب ودى وفدادين احترامى
| |
|
|
|
|
|
|
|
|
|
Re: بأمر مدير القتاة ... النيل الازرق يتم تحويلها الى جامع (Re: الصادق سيكا)
|
الحبيب سليمان القرشى .. قواسيب من الود ..
حقيقة المداخلة بتاعتك دى شحمانة جدا .. الا انو الشحم ده طلع ورم ساى من زعلك
ويبدو لزاما على أن أنفسك قليلا يا دفعتى وسبب زعلك شكلك كده ما فهمت انا عايز اقول شنو .؟
او أنا كنت ما موفق فى طرح فكرتى ..
Quote: يعني انت شايف اي حاجه مانافعة
في نظرك تبقي مسجد استخفاق
بالمساجد ولاشنو؟
|
بكل تأكيد لا .. بل كلا يا صديقى .. ما علاقة الحاجات المانافعة بالجامع ..؟
وماهى الحاجات المانافعة التى تعنيها ..؟ وأين انا ذكرت هذه الجزئية لأعتذر عنها ..؟
Quote: وتاني حاجة انت فاتح بوست وبتسئ
للقناة
|
أين ذاك البوست الذى فتحته لأسئ للقناة ..؟
ان كنت تقصد هذا البوست ( بأمر مدير القناة .. النيل الازرق يتم تحويلها الى جامع )
هنا انا لم أسئ الى القناة وان كان هذا العنوان ذات دلالة للاساءة للقناة فأنا أعتذر ..
اخى سليمان ..
للجامع قدسيته وأحترامه لآنه بيت من بيوت الله .. يجب عليك أن تكون فى خشوع
وخنوع ومذلة وأنت تذكر الله وانت بالجامع .. كذلك لابد أن يكون ملبسك لائقأ بهذا البيت الجليل
فالنساء زيهنّ يختلف من زى الرجال كماً وكيفاً .. على المرأة الستر ( ولا يُبْدِينَ ¨َ زِينَتَهُنَّ إِلَّالِبُعُولَتِهِنَّ أَوْآبَائِهِنَّ أو آبَاءِ بُعُولَتِهِنَّ أَوْ أَبْنَائِهِنَّ)
و (وَلَا يُبْدِينَ زِينَتَهُنَّ إِلَّامَا ظَهَرَ مِنْهَا) هذا فى العموم .. فى الجامع وغير الجامع .. وليس لدى اعتراض فى ذلك ..
لكن قانون الجامع هذا صعب تطبيقه فى القناة او أى قناة أخرى .كذلك أنا أرى أن لبس المرأة السودانية عامة ولبس المذيعات فى كل قنواتنا
زى ساتر . والسودانية بطبعها وطبيعتها تحب الستر ..
ان تخرج علينا بين الفينة والاخرى هذه القناة لتعلن على الملآ أنها فصلت زيد من الناس بسبب المظهر هذا ليس صحيح وغير
متجانس مع قانون الجامع الذى يأمر بالستر ( من ستر مسلما ..) . اذن لماذا هذا التشهير فى وطن اذا أخطأت الفتاة فى أمر ما وجل من لا يسهو .
اذا اخطأت تنصب لها المشانق وتقتل فى اليوم الف مرة ..
كيف هى نفسيات الشابة وقد انتشر خبر ايقافها بين العالمين .. وكيف كان مظهرها عندما خرجت من بيتها ..؟ وماذا كانت ترتدى ..؟؟
ياخى دى قالوا ليك مشت ام فكو ساى .. لا ياخى قالو مشت بى اسكيرت .. لا قالوا مشت لابسه بنطلون . لا قالوا دخلت الاستديو بى شورت ..
اليست هذه اسئلة قد ترد فى لسان الناس .. ام الا يحق لهم ان ترد مثل هذه الاسئلة على بالهم وهم يقرءون خبر الفصل بسبب المظهر ..؟
الا يمكن ان يكون هو لون الثوب .. او .. او .. أو هو ايقاف كيدى مثلا ..؟
Quote: حقيقةً انا لا أعرفها جيدا
لكن محدثى ذكر لى أنها بنت فى غاية التهذيب ومن اسرة فى غاية الاحترام وانى أصدقه القول
لاننى من بيت سودانى وأعرف أخلاق أخواتى الماجدات من السودان بغض النظر عن اى منطقة
كنّ فيها أو أتين منها . |
يا سليمان عندما أوردت هذه الجزئية لم تكن هى الفيصل والدليل القاطع فى كلامى لكنك اذا استصحبت معك عدد المذيعين والمذيعات
الذين واللائى تم فصلهم وفصلهن ستعرف تماما ان هذا الرجل يجحف ايما اجحاف فى حق العاملين والعاملات ..
ليته يدع ما للقناة للقناة وما للجامع للجامع ..
ومرحباً بمن يخالفى الرأى قبل من يؤيدنى ..واشكرك أخى سليمان لمداخلتك الورمانة هذه ..
فدادين أحترامى
| |
|
|
|
|
|
|
| |
الصادق سيكا
محمد بابكر محمد
Asim Fageary
طارق جبريل
عبداللطيف شريف على
علي الكرار هاشم
سليمان القرشي
تبارك شيخ الدين جبريل
ياسر منصور عثمان
فيس بوك
تويتر
انستقرام
يوتيوب
بنتيريست