|
|
|
 Re: غـــــــــــرّق ليو.. (Re: الامين موسى البشاري)
|
الكــلام اعلاه أو (غـــرٌق ليو) دي ...
لواحد بسكر سكر شديد وابوه مرازيهو مرازه شديد ..
مرة قاعد في الانداية سمع انو ابوه عمل حادث حركه ومات ..
من اندايتو ديك وجــري على المستشفى وابوه بين الحياة والموت ..
سمع ليك الجماعة ناس الحلة اها يا جماعة نحضر الكفن والدافنه عشان نكون مستعدين..
السكران نطه (وهو مبسوط طبعاً) قال: الكفن دا علي انا علي بالطلاق زول يحضّروا ماف ..
هبش جيوبو لقاها فاضية ... غايتو بهنا بهنا الجماعة مرقوا ليو حق الكفن وادوه ليو ..
يلا بالله امشـــي اشتري ليك كفن وجهزو للطوارئ..
السكران : يا جماعة انتوا متأكدين الزول انجقس خلاص ولا دي حركات منو ساي هع؟
الجماعة يا زول أنت امشي جهز الكفن إن بقي حي الحمد لله .. ولو مات ياها حال الدنيا
السكران : وبعد ضمن القريشات في جيبو هيع .. هيع .. خلاص كدا نصبر شوية ..
حقن الكفن دا بجيب ليهو كم قزازة سيوبر ..
..
..
| |
  
|
|
|
|
|
|
|
|
Re: غـــــــــــرّق ليو.. (Re: الامين موسى البشاري)
|
ابوه الله شاف ليو وما مات ..
صاحبنا السكران حلل القريشات وضمن حق الشربة ..
صدفة كدا لقى ليو واحد من الجماعة الدفعو حق الكفن لاقاهو وقال لصاحبنا السكران :
الراجل: حمد الله على سلامة ابوك ياخ!
السكران: ها آآزول ها قول حمد لله على ضمان حق اليوم ..
وواصل حديثه : هيييع الزول مقرضها علينا لا داير يدينا ولا داير يتكل هيع
الراجل: لا حولاااا ولا قوة الا بالله .. عاين الزول التليفه دا
------:اقول ليك حمد لله على سلامة ابوكـ تقعد تقول لي في كلامكـ الشين دا ..
------:عليك الله في زول بتمنى الموت لأبوه ... الله لا باركـ فيك ياخ..
السكران : هوووووي يا دا ابوي شنو كمان اتا...
------- : انت شفتو قاعد يصرف علي .. حق الشربه دا الا نجازفه منو مجازفه ياخ..
------- : ربنا فاتحها عليهو ومضيقها علينا .. مش أحسن يتكل بالله؟! قال حمد لله السلامة قال
------- : قوم لف عليك الله .. والله كان علي أكلم عزرائيل هسي يشيل روحه ..
------- : خلينا نمشي نشوف نظامنا بلا ابوك بلا أمك ... بلا بلوله معاكـ
الراجل : اعوذ بالله من سخط الله ... واللهي صحي النار بتخرا الرماد..أمشي بلا يخمك ياخ
| |
|
|
|
|
|
|
|
|
|
Re: غـــــــــــرّق ليو.. (Re: الامين موسى البشاري)
|
صاحبنا السكران وبالرغم من مكانة أبيه بين الجيران
الا إنو فاضحو فضيحه .. كل يوم عامل ليهو مشكلة
يمشي الابو يضمنو من الحراسة ..
ومرة تانية ناس الحلة يلقوه مجدوع في واحد من الخيران سكران
المهم معذب ليكـ ابوه عذاب الهدهد لامن جاهو الضغط والسكري
بقى الولد يقع سكران والابو يقع من كومة السكر والضغط
..
..
| |
|
|
|
|
|
|
|
|
|
Re: غـــــــــــرّق ليو.. (Re: الامين موسى البشاري)
|
يوم من الايام صاحبنا السكران دا قاعد في اندايتو سكران لط
وفجأة كدي يسمع ليك الكواريكـ في الحلة ...
بعدها بشوية جاهو واحد في الانداية وكشحو ليكـ فاتحة
الزول : البركة فيك ..ابوك مات
السكران: يا زول أنت متأكد .. هيع هيييع؟
الزول ايوا والناس مشت المقابر
السكران: يا زول يمكن تكون كومة حقت سكر ساااي
-------: ابوي دا عنده سبعة ارواح فعليك الله ما تطير لينا الفي راسنا ساااي
المهم على مضض من محله داكـ والمقابر جاك زول (طبعاً سكران لط)
قعد جنب الناس البحفروا ما جايب خبر ..
اها الجماعة خلصوا القبر وحفروا ود اللحد .. وبقوا جاهزين للدفن
صاحبنا عاين للحفرة كدي وشطح بخياله
السكران: أسمع ياخ الزول دا غــرّ ليو عليك الله
-------: الحفرة دي صغيرة ..
-------: أسمع الزول دا ما مضمون ياخ .. غــرّق ليو تاني 4 متر
-------: عشان ما يمرق لينا بكره ... انت اسمع كلامي بس وغــرّق ليو
..
..
| |
|
|
|
|
|
|
|
|
|
Re: غـــــــــــرّق ليو.. (Re: الامين موسى البشاري)
|
اها وحاتكم السودان لحق ابو السكران دا ...
وغــرّقــوا ليــو بالاربعة ...
ودفنوه مع الهلال في المقبرة ...
غايتو حالة (سعبه) خلاث ..
والسكران مازدا قاعد يتفرج ...
اللهم حوالينا ولا علينا ... والغريق قدام
| |
|
|
|
|
|
|
|
|
|
Re: غـــــــــــرّق ليو.. (Re: درديري كباشي)
|
| Quote: والله يا هندسة الهلال يمرق من أ ربعاته ديل والوصيف يغرق بمترينه ديل علا تشوف ليك بلد اتمرقك بس من الخرج جنوبا حتى اليمن اوعى اشوفك حايم بعن جيهة الرياض بيجاي |
دريري كيفك يا صاحب ..
أنا مرقتي هينه البمرقنا من الاربعات السنة دي شنو؟
غايتو اصبح المعز محجوب والاربعات صنوان
| |
|
|
|
|
|
|
| |
الامين موسى البشاري
فيس بوك
تويتر
انستقرام
يوتيوب
بنتيريست