|
|
 قيقا والمشرف....شباب زي الورد
|
جمعنا هذا الفضاء الاسفيري,عرفتهم من خلال كتاباتهما في هذا الفضاء...وليس هناك من تقاطعات شخصيه عميقه.
محمد المشرف شاب مهموم بقضايا وطنه وربما ملتزم تنظيميا,يكتب باسلوبه الانيق تماما كطلته البهيه مرتب الافكار,ودود التعامل,ذو سند معرفي جيد وان كان لا يخلو من ديالكتيك
نتفق او نختلف مع رؤاه,ولكنه يظل سمحا في كتاباته وسمحا في نقاشه وسمحا في طرحه,لم نري منه فجورا في خصومه او خروجا عن الاخلاق ناهيك ان نري منه الحادا او زندقه,او كما وصفه البطل في ترهاته المجانيه تلك.
قيقا
من الشخصيات المحبوبه جدا,لطيف التعامل صاحب مدرسه مميزه في الكتابه,يوصل فكرته باسلوب فكاهي محبب,يستند ايضا علي ارث معرفي كبير,وملم بكثير من مناهج التفكير,له قاموسه اللفظي المرتكز علي عبارات
تخصه وحده لا شريك له فيها,يناكف احيانا ويخشي (البل)كثيرا ربما لخوفه من بهق الاحتكاك العنيف,وهي هنا اشاره مهمه تدل علي ان الرجل اي قيقا زاهد في الخصام ناهيك عن الفجور فيه,يظل من اكثر اهل المنبر
اتساقا,وفي رائي الشخصي اكثرهم موده وتهذيبا.وهو حاج راتب لمعلومية البطل اي علي مرمي من الكعبه كماقال البطل ولكنه مرمي المحبه والتدين السوداني الاصيل....
|
|
 
|
|
|
|
|
|
|
|
Re: قيقا والمشرف....شباب زي الورد (Re: حافظ انقابو)
|
فعلاً قيقا والمشرف قدموا درس عملي كبير في التسامح،
والإنسانية،
...
تعجز الكلمات عن إيفائهما حقهما!
كفاية إنهم ذكرونا بحاجة جميلة اسمها قيمنا السودانية الأصيلة!
شكراً جزيلاً لهما!
وشكراً لك يا فاروق!
| |
|
|
|
|
|
|
|
|
|
Re: قيقا والمشرف....شباب زي الورد (Re: حافظ انقابو)
|
انقابو ازيك
شايفك بطلت الشلاقه وبقيت كائن رزين
مشتاقين ياخ
سم ثانين خليني اتجدع بي وهمات قيقا ما عارفو بكتبها كده ولا كيف
انت ما نصيح دايرني اتلح سودانيز دي لما يجبوني في الجرايد واطلعوني مجرد كافر وزنديق سغير,انت الله ما ليك ولا شنو
| |
|
|
|
|
|
|
|
|
|
Re: قيقا والمشرف....شباب زي الورد (Re: فاروق عثمان)
|
البطل حاول اغتيال شخصية المشرف وقيقراوي بادوات صدئه,حاشدا العاطفه الدينيه وضاربا علي وتر الدين والذي لو يدري اصبح وترا ضعيفا خالي من اي نغمات
حشدويه,فقد ضرب عليه حلفائه الجدد حتي تقطع من فرط النفاق,ومحاولا استدرار عطف الذهن الجمعي للسودانين,والذين فيما مضي كان هكذا خطاب ينطلي عليهم
ويحرك في دواخلهم نزعات الحميه للدين,ولكن ايضا كان هذا فيما مضي فقد استهلك حلفائه الجدد ذات الخطاب لنيف وعشرون عاما,حتي اضحي خطابا سمجا ممجوجا ومكررا.
وقد استعمل بطلنا في محاولته ذبح قيقا سكينا حاقده,بايراد منطقة سكنه ولم يكتفئ بذ لك بل اشار الي عمل قيقراوي بجوار الكعبه او كما اشار ليحشد ابواق المكفرين,ولتتم عملية ذبحه
بمقصلة الدين ومشانق قطع الرزق بخبث وحقد عجيبين,ولكن ما فاجاء البطل ورد كيده في نحره ان الجميع يعرف هولاء الشباب ومعدنهم وطيب نواياهم واخلاقهم العاليه,فهبت جموع المدافعين والمتضامنين
والمتعاطفين في ظاهره لم يالفها المنبر,فحتي المختلفين فكريا وايدلوجيا مع هولاء الشباب انصفوهم ايما انصاف وقالو فيهم مالم يقله الاوائل شكرا ومحاباه...............................
واكتفي قيقا بابتسامته الساخره فقد كفاه القوم شر القتال
| |
|
|
|
|
|
|
|
|
|
Re: قيقا والمشرف....شباب زي الورد (Re: فاروق عثمان)
|
سلامات د. فاروق
Quote:
وهو حاج راتب لمعلومية البطل اي علي مرمي من الكعبه كماقال البطل ولكنه مرمي المحبه والتدين السوداني الاصيل
|
هو ما حج لكن ... بيع سبح ساااي!
خدمة ضيوف الرحمن تهمة لا ننكرها ... وشرف لا ندعيه
-----------
بتعرف الليالي العشر الاقسم بيها الله يا بطل؟
بتعرف اعظم عشرة ايام؟
الزول دا راسو مليااان ورجغة!
جيبوهو لي نعزم ليو في راسو الكعب دا
المافي شنو!؟
قيقاداوي فكي ديغتال .. يجيب الرايحة ويروح الفي
صداعك دا ما بياخد معانا كتير .. راسمالو بزغتين بس
شنو توزع ساااكت في صكوك الكفر والايمان، التقول الاسلام دا شلت ليك فيو سيف
مكة شن عرفك بيها انت كمان؟
دجلك دا تعملو للوهم بتاعنك ديل هناك .. سمعتا؟
اسي بتعرف تفرق بين سنن الوضو وفرايضو .. ول ورجغة فاضية منك؟
| |
|
|
|
|
|
|
|
|
|
Re: قيقا والمشرف....شباب زي الورد (Re: قيقراوي)
|
قيقا
ياخ انت مره قيقاراوي
ومره قيقاحاوي
لكن قيقاداوي ده عجيببه
غايتو متعتني بي حكاية بزغتين في الراس دي
هههههههههههههههههههه
ذكرتني عزومة الخلفاء باعتبار ابوي خليفة خلفاء وكده
شكرا ياصديق
| |
|
|
|
|
|
|
| |
فاروق عثمان
حافظ انقابو
قيقراوي
فيس بوك
تويتر
انستقرام
يوتيوب
بنتيريست