|
بوردابيان فى القفص الذهبي( أسمهان - الفاتح) بورداب الأمارات لنتحفل بهم
|
وصل إلي دولة الأمارات (إمارة دبي ) العرسان الأستاذة/ أسمهان- والأستاذ/ الفاتح التهنئة القلبية الصادقة وألف مبروكـ . وبيت مال وعيال يارب .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بورداب الأمارات .. وتحت قيادة نائب الزعيم / القرضابي وذلك بأعتبار الأب الروحي / عثمان رغيم هو الزعيم لطائفة أونلاين هو المسئول عن التنظيم بأعتباره أمير المنطقة تعالوا لنحتفل بأحلي العرسان فى دبي .. المقترح الأول هو يوم الجمعة القادم الموافق 29/3/2013 وننتظر أقتراحاتكــم..
|
|
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: Yahia Abd El Kareem)
|
Quote: بوردابيان فى القفص الذهبي( أسمهان - الفاتح) بورداب الأمارات لنتحفل |
** ود حمدين.. ## ســلام ومساءك خير..
** أولاً:- مبروك للأخ الفاتح والأُخت إسمهان .. ## ثانياً:- عشان مايتضارب الإختصاص - نُحيل الموضوع لمدير العلاقات العامه الزنجى (محمد عبدالله) - تحت إشراف مسؤول المنطقه عبدالله كسلا .. ## ثالثاً:- القرضابى بقى مسؤول كبير عشان كدا أوكلنا إليه فحص المشروبات والمأكولات قبل تقديمها.. ## رابعاً:- ابو رغيم بصفته الريس سوف يحضر بعد نصف ساعه من حضور الضيوف وعلى حسب البرامج سوف يقضى معكم 45 دقيقه ..[/red (ودام الود بيننا)
** بـــنــــكو إى يوم معاكم...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عبد الله كسلا)
|
السلام عليكم جميعا
ودبي نورت بقدوم اسمهان والفاتح و الف مليون مبروك وربنا يديم السعادة والحبور عليكم و علي الجميع
شكرا معروف علي البوست و لا مانع مبدئيا من اقامة الفعالية يوم الجمعة القادم وسوف اكون متواجدا بدبي اعتبارا من صباح يوم الثلاثاء بعد غد.
________________________________________________________ القرضابي ملازم ومتابع لاقامة العرسان و توفير سبل الراحة لهم وله خالص الشكر علي ذلك .......... ومتابعين معه
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: محمد عبد الماجد الصايم)
|
يلا يا شباب ... خلونا نحدد الزمان والمكان من هسي ..
إقتراحاتكم بالله .. ما تقولو الجمعة بعيدة ... هسي بتلقوها .. بكرة ...
جنا بدري سمين ... وعشان الناس الجايين من الإمارات التانية يرتبوا أمورهم من بدري ..
أنا شخصياً ودائماً بقترح الشارقة لأنه عدد البورداب الفيها أكبر من العدد الفي دبي ..
فإقتراحي في الموضوع هو .. وكالعادة .. الساعة 9 مساءً .. في مطعم دانيال بالشارقة ..
وأيِّ زول عنده إقتراح تاني .. ينورنا بيهو بالله .. عشان نتفق من بدري ..
والدعوة لكل بورداب الإمارات بالطبع للمشاركة ...
ومرحب مرة تانية بالعروسين ...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عفاف الصادق بابكر)
|
يلا سلاااام ياخ ده خبر جميييل جدا جدا جدا ,, ألف مبروك للعرسان وبيت مال وعيال يااااااا رب
وين فادية اليمني؟ يا فدو إسمهان دي مش ياها صاحبتنا الحليونة ولا انا طشيت شبكة خلاص لوولز
الأخوان الفاتح وأسمهان مبارك عليكم إن شاء الله وربنا يسعدكم يا رب التحية لبورداب الإمارات والهلالابي وزير العريس قريبي الوجيه القرضابي وأسرته سلام وتحية الأخ معروف , وألف مبروك للعرسان
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عبدالكريم أحمد الامين)
|
Quote: ## رأيكم شنو فى قـــــوس قُـــــــزح لــلـــمـــشــــويــــات - دبى - ديره - شارع الميناء (شارع فندق حياة ريجنسى) - بعد الدوار الرابع للقادمين من نفق الشندقه المطعم حيكون على ايدم الشمال جوار شيشة بترول الإمارات __ ** من الشارقه والأمارات الشماليه بطريق الممزر بعد الدوار التالت على إيدم اليمين __ ## عشان الواحد يكون قريب للبندر .... |
(نحن نؤيد حزب السيد)
اويد اقتراح مولانا عبدالكريم
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: osman righeem)
|
وقطعت جهيزة قول كل خطيب ...
ما دام زعيمنا وأبونا الروحي أيد فكرة سعادة المستشار عبد الكريم ...
يبقى خلاص .. معاكم معاكم إن شاء الله ... في مطعم "قوس قزح للمشويات" ..
وبرضو تكون فرصة لإستكشاف مكان جديد للمات البورداب الجاية ..
في إعتقادي .. وحسب وصف سعادة المستشار القبيل ... للجايين من الشارقة ...
عدم الدخول في نفق الملا بلازا ... والإتجاه لليمين من تقاطع الملا بلازا في شارع الوحيدة في إتجاه قهوة الفنانين ...
والإستمرار في شارع الوحيدة حتى آخر دوار ... ثم الإتجاه لليسار في إتجاه حياة ريجنسي .. ولكن وبعد حوالي 200 متر تقريباً ..
وقبل الوصول للدوار التالي توجد شيشة بترول الإمارات يمين الشارع ... والمطعم ده قبل شيشة البترول مباشرة ...
أتمنى إنه الوصف ده يكون واضح يا جماعة ...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: محمد البشرى الخضر)
|
Quote: بس ادونا خريطة واضحة يا شباب و احجزوا لينا باركنغ من أسي |
حبيبنا ود البشرى .. تحية طيبة .. وعبرك التحية موصولة لبورداب العين الجميلة ..
المسألة ما دايرة خريطة ..
تعرف قهوة الفنانين الفي شارع الوحيدة ..؟ طيب تعرف سنشري مول الفي نفس الشارع ؟
تخلي قهوة الفنانين وسنشري مول ديل على يمينك .. وتمشي في شارع الوحيدة ده لحدي آآآخر دوار ..
مع الدوار ده في مركز دفاع مدني .. ظاهر بمبانيه المميزة ... تاخد الدوار ده شمال ...
وبعد 200 متر تقريباً حتلقى شيشة بترول الإمارات .. المطعم قبل أو بعد الشيشة دي طوالي .. ظااااااهر ..
اما حكاية الباركنغ دي .. إلاَّ تسأل منها سعادة المستشار عبد الكريم ..
أنا شخصياً أول مرة امشي المطعم ده .. وما عندي فكرة عن الباركنغ الفيهو ..
لكن ممكن امشي وأشوف الحاصل شنو واكلمك قبل الجمعة إن شاء الله ...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: بله محمد الفاضل)
|
Quote: هنالك محاوله من القرضابى مع فندق اللوتس (مكان إفطارنا الدائم) سوف تُحسم مساء اليوم - لانو إحتمال تكون فى رِبـــه.. |
والله يا مولانا انا بفتكر انه اكتشاف مكان جديد يكون احسن ونوع من التغيير ..
بعدين الفندق ده نهائي ما عجبنى عشان منعونى ما ادخل العصيده وملاح التقليه والروب فى رمضان (وش زعلان)
لكن ناصر الولد الهميم هرب العصيده للداخل ... (وش مبتسم) ههههههههه ..
وبعدين لمن سميرة دنيا عايزه تغنى هرشونا ....
فى النهاية معاكم معاكم إن شاءالله فى صالونى المتواضع ده ... ومرحب بيكم ..
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: صابر فضل المولي)
|
## من:- الإداره العليا لتجمع أغلبية بورداب الإمارات..(بموجب تفويض من الريس) ##الى:- مدير الضيافه والتغذيه عمر القرضابى.. ** الموضوع:- تجهيزات حفل عشاء العرسان (أسمهان والفاتح) ## للتكرم بإجراء اللازم وإخطار الإداره العليا والإداره الوسطى بكافة إمارات الدوله وبصوره عاجله اليوم عن الترتيبات .. ع\ الإداره العليا بموجب تفويض الريس أُبو رغــيــم..
## نسخه:- لمعروف والزنجى وكسلا . للإرشيف..[/B]
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: معروف حمدين)
|
Quote: أنتهت المهلة ود كسلا أرفع التمام |
والله يا معروف أنا زااااتي ما عارف أيِّ حاجة .. وفي إنتظار معلومات من سعادة المستشار ..
وسعادة المستشار في إنتظار معلومات من القرضابي ... والقرضابي كالعادة عامل مجنون ..
لا بيرد على التلفون ... ولا بيرجع للمتصلين عليهو ..
واهو بنمد في حبال الصبر .. ونستغفر .. ونلعن الشيطان ...
وما معرروف ... يا معروف ... الحال ده حيستمر لمتين .. الله غالب ...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عبد الله كسلا)
|
Quote: والله يا معروف أنا زااااتي ما عارف أيِّ حاجة .. وفي إنتظار معلومات من سعادة المستشار ..
وسعادة المستشار في إنتظار معلومات من القرضابي ... والقرضابي كالعادة عامل مجنون ..
لا بيرد على التلفون ... ولا بيرجع للمتصلين عليهو ..
واهو بنمد في حبال الصبر .. ونستغفر .. ونلعن الشيطان ...
وما معرروف ... يا معروف ... الحال ده حيستمر لمتين .. الله غالب ... |
هههههههههههه مع قرضابي مش حا تقدر تغمض عينيك ...
عبدالله كسلا يا اخوي قرضابي حا يفقع مرارتك يلحقها مرارته ....
قرضابي لمن يرد التلفون تكون الجمعة 05/04/2013 جات ومشت ...
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عبدالكريم أحمد الامين)
|
تعرف قهوة الفنانين الفي شارع الوحيدة ..؟ طيب تعرف سنشري مول الفي نفس الشارع ؟
تخلي قهوة الفنانين وسنشري مول ديل على يمينك .. وتمشي في شارع الوحيدة ده لحدي آآآخر دوار ..
مع الدوار ده في مركز دفاع مدني .. ظاهر بمبانيه المميزة ... تاخد الدوار ده شمال ...
وبعد 200 متر تقريباً حتلقى شيشة بترول الإمارات .. المطعم قبل أو بعد الشيشة دي طوالي .. ظااااااهر ..
اما حكاية الباركنغ دي .. إلاَّ تسأل منها سعادة المستشار عبد الكريم ..
أنا شخصياً أول مرة امشي المطعم ده .. وما عندي فكرة عن الباركنغ الفيهو ..
لكن ممكن امشي وأشوف الحاصل شنو واكلمك قبل الجمعة إن شاء الله ...
_______________________________________________________
طيب وبالنسبة للجاي من المطار يصل كيف؟؟
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: Muna Khugali)
|
Quote: طيب وبالنسبة للجاي من المطار يصل كيف؟؟ |
** بت خوجلى.. ** مساءك خير.. ## بالنسبه للجاى من المطار :- يكتب رقم الرحله وتاريخ الوصول وعلى إى خطوط الباقى مابنعرفو بإى صاله ننتظروا - وزمن الوصول المتوقع .. يخلص إجراءاتو وينتظر خارج المطار بتجيهو عربيه توصلو وما بحتاج للوصف .. وفى رواية أُخرى ســيــرة عربيات .... (ودام الود بين الجميع) (ابو محمد فؤاد)
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: أسامة العوض)
|
Quote: وسأحاول إرفاق رسم كروكي لموقع المطعم في محاولة لتسهيل الوصول للجميع ... |
** الصديق كـــســـلا .. ** صباحك خير .. ## والله الكروكى خطير ,, وبطريقتك دى حا تداقر الجماعه المُهندسين فى أكل عيشم .. بس باقى ليك الرقم الهندسى وتعمل لى خريطة العماره الجديده أصلى باقى لى أقل من شهرين فى الوزاره ...
## مكان الإحتفال :- بيت المشويات "قوس قُزح" - ديره - دبى - شارع الخليج - تابعو الكروكى .. ## الـــزمـــان :- الجمعه 29\03\2013 - الساعه الثامنه (08:00) مساءاً ,,, الساعه الثامنه (08:00) مساءاً ,, الساعه الثامنه (08:00) مساءاً ,, الساعه الثامنه (08:00) مساءاً ,, الساعه الثامنه (08:00) مساءاً .. (هذه المواعيد ليست بالسودانى)
## تم تأكيد الحجز صباح اليوم الخميس 28\03\2013 ... وحتى ساعته لم يُرفع إلينا التمام !!!!!!
(ودام الود بين الجميع)
| |
|
|
|
|
|
|
Re: بوردابيان فى القفص الذهبي( أسمهان - الفاتح) بورداب الأمارات لنتحفل (Re: عبدالكريم أحمد الامين)
|
Quote: Quote: ## والله الكروكى خطير ,, وبطريقتك دى حا تداقر الجماعه المُهندسين فى أكل عيشم .. بس باقى ليك الرقم الهندسى وتعمل لى خريطة العماره الجديده أصلى باقى لى أقل من شهرين فى الوزاره ... ## مكان الإحتفال :- بيت المشويات "قوس قُزح" - ديره - دبى - شارع الخليج - تابعو الكروكى .. ## الـــزمـــان :- الجمعه 29\03\2013 - الساعه الثامنه (08:00) مساءاً ,,, الساعه الثامنه (08:00) مساءاً ,, الساعه الثامنه (08:00) مساءاً ,, الساعه الثامنه (08:00) مساءاً ,, الساعه الثامنه (08:00) مساءاً .. (هذه المواعيد ليست بالسودانى) ## تم تأكيد الحجز صباح اليوم الخميس 28\03\2013 ... وحتى ساعته لم يُرفع إلينا التمام !!!!!!
(ودام الود بين الجميع) |
|
| |
|
|
|
|
|
|
|