|
وطننا غلاء معيشة ومعارك يومية لتأمين الحد الادني لمستلزمات الحياة
|
وطننا ... و البدايات الأولى في الحياة .. و تعلم مفردات المحبة و السماحة .. و الحبوبات .. وطننا ... و تلك السحنات - و إن إختلفت أحيانا ً - وشما ً يبقي ما بقيت الحياة .. و فقط هي الثعابين التي تملك قدرة الإنسلاخ من جلودها دون مضاعفات .. وطننا ... لهجات .. و مفردات - وحتى الشمار - أعطتنا تميزا ً و صارت من مفردات الوطن ، ما إن نسمعها حتى نتبسّم و نتلفت حولنا بحثا ً عن المتحدث بها .. وطننا ... نشد له الرحال .. و نحن مشتتين أيدي سبأ في منافي الأرض .. و ذاك الإحساس - الأكلان - مرة أخرى لحظة تطأ بــك الطائرة أرض المطـــار ... وطننا ... حبيبة بعيدة - بتشتغل منديل حرير لحبيب بعيد .. - وا أسفــــاي .. و زينوبا .. و قلب تعب من مشاوير السفر .. و إرث وجداني لن نملك منه فكـاكــا ً ... وطننا ... ضرائب ... و تحويلات إلزامية ... و اسعار صرف .. و تضخم و غلاء معيشة .. و معاناة ... و أناس ترى معنى حبهم للحياة ، و حبهم لك ما أن تطل عليهم برغم كل المعارك اليومية لتأمين الحد الأدنى من مستلزمات الحياة ...
|
|
|
|
|
|
|
|
Re: وطننا غلاء معيشة ومعارك يومية لتأمين الحد الادني لمستلزمات الحياة (Re: باسط المكي)
|
. . وطنّا.... البي إسمك كتبنا ورطنّا يا من سكنت بين ضلوع أهل المنافي .... محفورٌ في شغاف القلب ومرسومٌ في جدار الذاكرة..أين منك المفر؟ فأينما نأت بنا مراكب الغربة شدَّنا إليك حبل الإنتماء ، حنين إلى مدفن السُّرة ،وشوق إلى مرافيء أهلنا الحُنان. الشوق والحنين يختزلان ليل الغربة الطويل .... شريط الذكريات تستعرضه المخيلة..زينوبه وآمنه وسعاد تركناهم هناك.... صَدَفـَة في شاطيء سواكن.. نخلة في بستان في كريمة..لوزة في حواشة في الجزيرة..شجرة منقة في زالنجى.. شجرة تبلدي تنبت في قلبي وتشرب من وريدي:
محبَّتِك، عِرْقاً مِجَزِّر في القَلِبْ حُباً مَوَتَّد في تضاريس الزمان مِن كُنتَ شِيتاً ما تْعَرَف ولا فَجَّ في أرضِكْ مكان لو قالوا حُب الناس مذاهِبْ أهَلِك قِبيل كِسبوا الرِهان صَدَق اللي قال، وانا فيك بقول مكتول هواك يا كُردفان
| |
|
|
|
|
|
|
Re: وطننا غلاء معيشة ومعارك يومية لتأمين الحد الادني لمستلزمات الحياة (Re: محمد فضل الله المكى)
|
Quote: لشوق والحنين يختزلان ليل الغربة الطويل .... شريط الذكريات تستعرضه المخيلة..زينوبه وآمنه وسعاد تركناهم هناك.... صَدَفـَة في شاطيء سواكن.. نخلة في بستان في كريمة..لوزة في حواشة في الجزيرة..شجرة منقة في زالنجى.. شجرة تبلدي تنبت في قلبي وتشرب من وريدي:
محبَّتِك، عِرْقاً مِجَزِّر في القَلِبْ حُباً مَوَتَّد في تضاريس الزمان مِن كُنتَ شِيتاً ما تْعَرَف ولا فَجَّ في أرضِكْ مكان لو قالوا حُب الناس مذاهِبْ أهَلِك قِبيل كِسبوا الرِهان صَدَق اللي قال، وانا فيك بقول مكتول هواك يا كُردفان |
سلامات ود العم البوست زانه حضورك شكرا علي التداعي الجميل يابلد كن بخير وماتبتعد
| |
|
|
|
|
|
|
Re: وطننا غلاء معيشة ومعارك يومية لتأمين الحد الادني لمستلزمات الحياة (Re: عمر ادريس محمد)
|
وطنى المابفوتك بى وشى
وطنى البريدو منو لى
همى الى بوى وأمى وأخى
لحمى البحاحيلو الحدى
تحية ليك باسط عمر أدريس
مشيت البلد
والله الحال مابسر حبيب ولاقريب وكل الناس تعافر من الدغش متل تور الساقى وكل الناس مرضانى ومهمومه عل مابشتكو بتشوف وتلمس همهم وغمهم وضل الشدر كتر والناس كتاراً تحتو ومقهورين والناس كتار جو أمدرمان لآنها حنينة ولوفة بتقبل أى زولا يجيها واتمددت من التعب لامن وصلت قوز ابوضلوع وقهوة ام الحسن والهادى ادريس يقولك ياحليلكم لمن تمشيلو فوق دكيكنو ويقولك نحن شداد متل واطاتنا قتلو يعلم الله ماكم شداد وبنحكى عن الحاصل والمتحصل ومشيت وين وجيت من وين قتلو بس بكيات ودفن فى الحبان يالهادى المقابر اللتنين إتملن امس لقطلك ناس عوض الطويل وصابر واسامة مشينا زرنا محجوب شريف عل ناسو كتار قالى الله يقلعك يالمسنوح ماجيت سقتنى مالك طيب لو قلتلك انا وعبقرينو مشينا نفتش دار عزة فوق الخرتوم سالنا بطان صغار قالوا ديل طلبة جامعة الخرطوم عشان كده الحيكومة حاقاربم
وطنى العافية فى الزمن المريض
| |
|
|
|
|
|
|
Re: وطننا غلاء معيشة ومعارك يومية لتأمين الحد الادني لمستلزمات الحياة (Re: باسط المكي)
|
Quote: وضل الشدر كتر والناس كتاراً تحتو ومقهورين والناس كتار جو أمدرمان لآنها حنينة ولوفة بتقبل أى زولا يجيها واتمددت من التعب لامن وصلت قوز ابوضلوع وقهوة ام الحسن والهادى ادريس يقولك ياحليلكم لمن تمشيلو فوق دكيكنو ويقولك نحن شداد متل واطاتنا قتلو يعلم الله ماكم شداد وبنحكى عن الحاصل والمتحصل ومشيت وين وجيت من وين قتلو بس بكيات ودفن فى الحبان يالهادى المقابر اللتنين إتملن امس لقطلك ناس عوض الطويل وصابر واسامة مشينا زرنا محجوب شريف عل ناسو كتار قالى الله يقلعك يالمسنوح ماجيت سقتنى مالك
|
عبد الحافظ سلامات وواصل من اخبار عن البلد والطير الاخضر وناس بتنفخ في نار الثورة من زمن ومصرين حتي المووووووووت التحية عبرك لمحجوب والهادي ادريس وهو متمترس في ذااك الركن الحنين محطة تلاقي لكل الاجيااال ويا حليلك يابلدنااااا
| |
|
|
|
|
|
|
Re: وطننا غلاء معيشة ومعارك يومية لتأمين الحد الادني لمستلزمات الحياة (Re: باسط المكي)
|
Quote: وطننا ... ضرائب ... و تحويلات إلزامية ... و اسعار صرف .. و تضخم و غلاء معيشة .. و معاناة ... و أناس ترى معنى حبهم للحياة ، و حبهم لك ما أن تطل عليهم برغم كل المعارك اليومية لتأمين الحد الأدنى من مستلزمات الحياة ... |
سلام باسط مكي كيفك يا رجل وطم صابر وطن جابر وطن حاضر نمة فرح البتسعد خاطر فيه امال شمسنا البتشرق باكر مع التحييييييييييييييييية
| |
|
|
|
|
|
|
|