|
|
 ميزة في السودانيين
|
السوداني لو قرأ لحدي الوسطى
قول الإبتدائي
لو أديتو ورقة قلت ليهو وريني الحاصل فيها شنو بختك في الصورة
باقي الأجناس لو أديتو ورقة بلغتو الأم وهو بيعرف إنجليزي او عربي
ما بقدر يوريك الحاصل فيها شنو
يا ربي لغاتهم ديل نقة وكتابة بس ما بتقري ولا شنو ؟
جربو الآسيويين تحديد
|
|
 
|
|
|
|
|
|
|
|
Re: ميزة في السودانيين (Re: Alfatih Alhalawi)
|
تحياتي.
| Quote: جربو الآسيويين تحديد |
جربناهم، كلهم ما عندهم مرووة،( ما عدا البتان).
قبل فترة خلت ذهبنا لزيارة بعض الأقارب في الشارقة.. ووجدنا عربة
أحد السودانيين ( مع أسرته) وحلانة في الرمل.. وتلقائياً ذهبنا
وأنقذنا الموقف، بينما الآسيويون كانوا يتفرجون.
الشيئ المؤثر أن زوجة السوداني كانت تبكي وتزغرد في آن.. وتقول
السودانيين إن شاء الله الله ما ينزع منهم المرووة.
| |
|
|
|
|
|
|
|
|
|
Re: ميزة في السودانيين (Re: عثمان رضوان)
|
أهلا عثمان رضوان
| Quote: جربناهم، كلهم ما عندهم مرووة،( ما عدا البتان). |
كمان حتة المروءة دي أنسى لو مت قدامو ما بيشتغل بيك
ياخ السوداني لو سألتو من اسم مكان بس يتفانى ويخلي شغلو ويقوم يوصف ليك
ديل لو قلت ليهو اسمك منو يقول ليك ما في معلوم
دا غير إنو السودانيين عندهم ملكات شخصية لفهم الأشياء بسرعة وتقريبها
يعني بفهموها طائرة عكس كتير من الشعوب الواحد تشرح ليهو لحدي ما نفسك يقوم
| |
|
|
|
|
|
|
|
|
|
Re: ميزة في السودانيين (Re: Alfatih Alhalawi)
|
Quote: ((أنا زعيم بأن الإسلام هو قبلة العالم منذ اليوم.. وأن القرآن هو قانونه.. وأن السودان، إذ يقدم ذلك القانون في صورته العملية، المحققة للتوفيق بين حاجة الجماعة إلى الأمن، وحاجة الفرد إلى الحرية الفردية المطلقة، هو مركز دائرة الوجود على هذا الكوكب.. ولا يهولن أحدا هذا القول، لكون السودان جاهلا، خاملا، صغيرا، فإن عناية الله قد حفظت على أهله من أصايل الطبائع ما سيجعلهم نقطة التقاء أسباب الأرض، بأسباب السماء..))
الأستاذ محمود محمد طه |
| |
|
|
|
|
|
|
|
|
|
Re: ميزة في السودانيين (Re: Salah Farah)
|
يشبهنا كثيرا بعض شباب السعوديين الفي منتصف العمر
يعني بين 30 - 45 وحصلت لي معاهم أكثر من حادثة خاصة في الطرق السفرية بين المدن
عادي بينزل يكرب جلابيتو في نصو ويجيكـ
..
الجميل فينا المروة لا سن لها وهي زي الجارية في دمنا ومرات بتدخلنا في حتات ضيقة خاصة في دولة زي السعودية
لأنو بعض الأشياء تحتاج لإجراءات نظامية وهي تحفظ الحقوق اكتر .
..
أمس شاب في احد المطاعم معاهو آخر سعودي ، بعد ما بدو يطلبو السعودي قال لولدنا بنشي اسحب فلوس واجي
طبعاً زولنا طوالي أداها قسم غليظ وصاحبو المعاهو رقد قش
ابتسمت لزولنا ففهمها واستغل فرصة انو صاحبو مشى وقال لي ممكن يكون بستهبل واستغل حاجاتنا ههههههههههه
| |
|
|
|
|
|
|
|
|
Re: ميزة في السودانيين (Re: الصادق صديق سلمان)
|
مراحب يا حيدر
Quote: ياخي لغتك العربية دي كلها كم وعشرين حرف
الناس ديل عدد حروف لغاتهم من 300 وانت طالع |
هي لكن دا مبرر إنو يكون فيهم زول متعلم وما يعرف معاني كلمات مكتوبة بلغتو
طيب لما يكونوا في المؤسسات التعليمية بدرسوها ليهم كلها ولا مقسمة لي مجموعات حروف كل مجموعة عندها استخدامات محددة ؟
ياخي ديل الواحد تجيب ليهو جواز أو بطاقة تقول ليهو وين مكان جهة الإصدار يقول ليك هذا أنا مافي معلوم وهو عندو دبلوم على الأقل
طيب يا سجم دبلومك دا أدوك ليهو شفهي بالتلقين ولا بلغة الإشارات
أه عندنا بتاع رابعة إبتدائي بتديهو ورقة بسمعها ليك من طق طق لي السلامو عليكم
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
تعرف ياحمد في مجال شغلي الحالي (الترجمة)
معانا نيبالي مسلم مسؤول من ترجمة اخبار من الصحف الصادرة باللغة النيبالية الى الانجليزية وبعد داك انا اقلبها للعربية
تخيل مرات كثيرة يقيف في تعابير معينة يتصل بالتلفون عشان يسال عن معناها
ويسأل بقية الموظفين والموظفات الشغالين معانا برضو يقولو ليهو ماعارفين
لما تسأله يقول ليك دي مكتوبة بلغة رفيعة شديد وبالقواعد اللغوية القديمة
نفس الحال في سريلانكا حيث كنت اعمل في نفس المجال
لغات دول جنوب اسيا بالتحديد معقدة شديد
دياناتهم - بحسب ما قرأت - سبقت الديانة الاسلامية بـ 400 سنة
وتعال شوف حجم التغييرات الحصل على مدار هذه السنوات في لغاتهم الكثيرة
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
السودانيين فعلا فيهم ميزات حلوة كتيرة ( حاجي احكي ليكم منها )
لكن بالمقابل فيهم ( حاجات كدة بتزعل ) انا بقول الكلام دا وعامل ساتر جاهز
اها ورونا انتو شوية من الحاجات دي
عشان برضو نكون منصفين
حمد ازيك ياخي انتا وضيوفك
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
مرحب عمران
Quote: يشبهنا كثيرا بعض شباب السعوديين الفي منتصف العمر
يعني بين 30 - 45 وحصلت لي معاهم أكثر من حادثة خاصة في الطرق السفرية بين المدن
عادي بينزل يكرب جلابيتو في نصو ويجيكـ |
فعلا السعوديين فيهم كتير ناس فزاعين وخصوصا في السفريات وفي الشوارع
مرة أنا معاي اسرتي في نص الرياض دي العربية سخنت وقفتها وفتحت لقيتها ناقصة موية طبعا ما بقدر أبطلها وهي مسخنة فتحت اللديتر عشان البخار يخفف الحرارة شوية
وماشي عشان أجيب موية في اللحظة ديك كان واقف سعودي ومعاه اسرتو وعلى وشك يحرك سيارتو لما شافني ماشي ناداني قال يا سوداني أوعاك تمشي وتخلي اشرتك في عربية شغالة
المهم قال لي روح جيب موية نحن بننتظر لحدي ما تجي وقد كان
ما مرت من القصة ثلاثة شهور بس قدام مكتبنا وشوف عين
سوري وقف عربيتو وزوجتو فيها ونزل على صراف البنك، هوب جوا اتنين ركبو العربية وساقوها بزوجتو والله عايز يجن في الحتة ديك
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
استاذنا السني حبابك
Quote: لوعايز تختصر كل المعاني الجميلة ونبيلة في جملة
.... انا سوداني .... |
تعرف أنا مرات كدا بحاول أتخيل إنو أنا ماسوداني يمين بتجيني قشعرير وشيء أشبه بالخوف
ياخ السودان دا حاجة تانية
لكن نقول شنو؟ نسكت بس
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
اهلا بكري عباس
Quote: السودانيين فعلا فيهم ميزات حلوة كتيرة ( حاجي احكي ليكم منها )
لكن بالمقابل فيهم ( حاجات كدة بتزعل ) انا بقول الكلام دا وعامل ساتر جاهز
اها ورونا انتو شوية من الحاجات دي
عشان برضو نكون منصفين |
ياخي الحاجات السيئة دي في أي شعب موجودة ورغم ذلك المؤشر حق السودانيين لا يزال في منطقة متقدمة جدا مقارنة بالآخرين
أبدأ لينا بالحاجات الجميلة أولا
| |
|
|
|
|
|
|
|
|
|
Re: ميزة في السودانيين (Re: حمد عبد الغفار عمر)
|
حيدرنا
Quote: تعرف ياحمد في مجال شغلي الحالي (الترجمة)
معانا نيبالي مسلم مسؤول من ترجمة اخبار من الصحف الصادرة باللغة النيبالية الى الانجليزية وبعد داك انا اقلبها للعربية
تخيل مرات كثيرة يقيف في تعابير معينة يتصل بالتلفون عشان يسال عن معناها
ويسأل بقية الموظفين والموظفات الشغالين معانا برضو يقولو ليهو ماعارفين
لما تسأله يقول ليك دي مكتوبة بلغة رفيعة شديد وبالقواعد اللغوية القديمة
نفس الحال في سريلانكا حيث كنت اعمل في نفس المجال
لغات دول جنوب اسيا بالتحديد معقدة شديد
دياناتهم - بحسب ما قرأت - سبقت الديانة الاسلامية بـ 400 سنة
وتعال شوف حجم التغييرات الحصل على مدار هذه السنوات في لغاتهم الكثيرة
|
لو السبب تداخل اللغات في تركيب بعضها ممكن يكون مبرر مقبول
ياخي انا برضو بعمل في الترجمة حاليا ولما تجينا اللغات دي بنعتذر ليهم رغم إنو اسعارها أعلى بكتير من الإنجليزية والعربية
لذلك بقول ليك مغروض فيك ويمكن يكون بينا تعاون كبير في الحتة دي
بتصل بك في الأيام الجاية
| |
|
|
|
|
|
|
| |
حمد عبد الغفار عمر
عثمان رضوان
حيدر حسن ميرغني
سيف الدين محجوب
عمران حسن صالح
محمد سنى دفع الله
الصادق صديق سلمان
بكري عباس علي
فيس بوك
تويتر
انستقرام
يوتيوب
بنتيريست