|
|
 الغش في الشهادة السودانية
|
خلال فترة تدريسي القصيرة في السودان مررت بتجربة مراقبة إمتحانات الشهادة السودانية الأولى أثناء فترة أداء الخدمة
الوطنية ، كان هناك بعض الطلاب يحاولون الغش بالبخرات ومن حسن الحظ كان المراقب الآخر من الخبرات في المدرسة ومرت فترة
الاختبارات بسلام ولم نثبت حالة غش واحدة بالرغم ضبط بعض البخرات التي نستلمها قبل أن يستفيد منها الطالب ونتركه يواصل
الامتحان .
|
|
 
|
|
|
|
|
|
|
|
Re: الغش في الشهادة السودانية (Re: حسين ديقول)
|
تجربة الأخرى والأخيرة في السودان ، في أحدى مدارس العاصمة ، تم تعيني رسميا جاءت فترة الامتحانات ، ولسو الحظ تم توزيعي في فصول
اتحادات المعلمين ، تعالوا شوفوا الفنون وقوة العين في البخرات ما أن تأخذ بخرة إلا تطلع أختها أكثر من نصف الفصل بخرات صفحات
كاملة من الكتب تجدها مصورة مصغرة ولما طلفح الكيل كنا نأخذ البخرة وكراسة الاجابة ونستدعي الكنترول ونكتب تقرير بالحالة
وهنا يأخذ الطالب صفر في المادة المعينة وقد عملتها مع ثلاثة طلاب ومنها قررت أن لا أراقب أي شهادة سودانية في المستقبل
مهمها كانت الاسباب والحمد لله كانت تلك آخر تجربة ،
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
سلام كتير أستاذ ديقول
ظنِّي أن الحكي ذو شجون في مجالكم
فيا ريت لو تقدر تحكي لينا أغرب حالات مسك البخرات
أعتقد أن هذا البوست سوف يجتذب الكثيرين ممن عملوا في المجال
بأمانة وأمانة شديدة - أحب جداً كل معلم وكل من اشتغل في هذا المجال الطيب الجليل
فلك ولكل من علّمني حرفاً وافر إجلال وتقدير ومحبات تصل عنان السما
| |
|
|
|
|
|
|
|
|
 Re: الغش في الشهادة السودانية (Re: مجاهد محمد الهادي)
|
ديقول
سلام
احكي ليك واقعة حقيقية ظريفة جدا وصاحبها سوف يقرأها هنا وطبعا ولايفتح خشمو
في كل امتحان بشيل معاهو بخرة وطيرة ههههههه
طيرة زرزور مع البخرة
ادخل الطيرة في الدرج واقفل عليها الدرج
واطلع البخرة واشتغل ولاخساهو
لمن احس بان المراقب شافو وجاء ماش عليهو
اخلي المراقب بعد اقرب ليه وعلي عينو ادخل البخرة في الدرج
المراقب افتح الدرج
الطيرة فرررررررررر تطير
انقر تاني المراقب بجي جنبو
ويتكرر هذا الحدث في كل مادة
وحتى الان اسمو يوسف طيرة
| |
|
|
|
|
|
|
|
|
|
Re: الغش في الشهادة السودانية (Re: عبدالله ود البوش)
|
هههههههههههههههههه
يوسف طيره عديل
هههههههههههههههههههههههههه
غايتو ما بتذكر انى عملت العمله المنيله دى
حالتى لو اتهورت وغششت صحباتى بكون منهاره عصبيا من الرعب
وبتذكر فى مره سلمت ورقة الاجابه فاضيه وكنت فى مصر لانى ما ذاكرته
وصحباتى يشيلوا ويحنسوا فينى اغش زيهم وانا رافضه
الرسوب بضمير ولا نجاح حمير
:)))))))))))))))))))
| |
|
|
|
|
|
|
|
|
|
Re: الغش في الشهادة السودانية (Re: مجاهد محمد الهادي)
|
Quote: سلام كتير أستاذ ديقول
ظنِّي أن الحكي ذو شجون في مجالكم
فيا ريت لو تقدر تحكي لينا أغرب حالات مسك البخرات
أعتقد أن هذا البوست سوف يجتذب الكثيرين ممن عملوا في المجال
بأمانة وأمانة شديدة - أحب جداً كل معلم وكل من اشتغل في هذا المجال الطيب الجليل
فلك ولكل من علّمني حرفاً وافر إجلال وتقدير ومحبات تصل عنان السما |
شكرا مجاهد على المرور
طبعا تجربتي في التدريس قصيرة جداً
في أحد المدارس النائية تم التفريط في المراقبة بصورة لا يمكنك أن تتصورها
اشترك في ذلك كل استاف المدرسة ، وكان الغرض أن تأتي المدرسة ضمن الأوائل
عند إعلان النتيجة ، تم اكتشاف اللعبة في الجولة التفقدية في بداية وتم لفت
نظر إدارة المدرسة ، بعد ذهاب الوفد عاد الحال كما هو عليه في بقية الأيام
وناس المدرسة والطلاب اشتغلوا زي ما دايرين ، انتهت الامنتحانات وجاء التصحيح
المدرسة كانت في البلاك لست ، وحرم كل طلاب الفصل العلمي من النتيحة في ذلك العام
واعتبرت الحالة غش جماعي ، اما طلاب القسم الأدبي فقد حققو درجات عالية بسبب حرفنة
مدرسي المواد الأدبية فقد أمرو الطلاب بتغير اسلوب الاجابات.
تخيل هذا حدث في السودان .
ههه الخلاء دا فيه حاجات تشيب الرأس
| |
|
|
|
|
|
|
|
|
|
Re: الغش في الشهادة السودانية (Re: مجاهد محمد الهادي)
|
Quote: ديقول
سلام
احكي ليك واقعة حقيقية ظريفة جدا وصاحبها سوف يقرأها هنا وطبعا ولايفتح خشمو
في كل امتحان بشيل معاهو بخرة وطيرة ههههههه
طيرة زرزور مع البخرة
ادخل الطيرة في الدرج واقفل عليها الدرج
واطلع البخرة واشتغل ولاخساهو
لمن احس بان المراقب شافو وجاء ماش عليهو
اخلي المراقب بعد اقرب ليه وعلي عينو ادخل البخرة في الدرج
المراقب افتح الدرج
الطيرة فرررررررررر تطير
انقر تاني المراقب بجي جنبو
ويتكرر هذا الحدث في كل مادة
وحتى الان اسمو يوسف طيرة |
ود البوش صباح الخير
ههه ، صاحبك دا أظنوا ما خلى ليه زرزو طاير ، غايتو دي ما سبقو عليها زول
المراقب بيفتكر أنو الزول دا مخاوي .
في طلاب الواحد لمان يحسن المراقب ماشي عليها على طول يفتح ليك سستة البطلون
ويحشر ليك البخرة جوة ، المراقب الحريف في الحالة دي يعمل فيها ما شافه ويشدد
عليه المراقبة ، ما بقدر يمرقها تاني وبكدا بيكون ما استفاد من البخرة.
شكرا ود البوش على المرور
| |
|
|
|
|
|
|
|
|
|
Re: الغش في الشهادة السودانية (Re: مجاهد محمد الهادي)
|
يا مجاهد والله ضحكت لمان دموعي جرن
يا أخي الزنجي بالغ عديل كدا ، الكتاب كلتو ختاله في البوت ( دا بفضل ماكينات التصوير ) طبعا اسهمت كتير في
اخراج البخرات ، اما اليابانيون ديل حكايتهم تحير عديل كدا يا ربي ولادنا ح يصلو المرحلة دي متين . هه
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
كنت ضيفا في احد مدارس الضهاري
تبقت دقائق على قرع الجرس
وكيل المدرسة يتجول في فناء المدرسة
استوقفته أحدى الطالبات وقالت ليه يا أستاذ
القصيدة الفلانية ما حافظها ،
كان رده بخريها ، او أكتبيها في الشباك
حيث كانت تجلس قرب الشباك.
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
Quote: يا مجاهد والله ضحكت لمان دموعي جرن
يا أخي الزنجي بالغ عديل كدا ، الكتاب كلتو ختاله في البوت ( دا بفضل ماكينات التصوير ) طبعا اسهمت كتير في
اخراج البخرات ، اما اليابانيون ديل حكايتهم تحير عديل كدا يا ربي ولادنا ح يصلو المرحلة دي متين . هه |
ناس تحير ههههههه
| |
|
|
|
|
|
|
|
|
|
Re: الغش في الشهادة السودانية (Re: رانيه محمد الشيخ)
|
Quote: غايتو موضوع االمدرسه دى مبااااااااااااااااااالغه
يعنى من ساسها خربانه
ما نلوم الطلبه كان كده الفيها
بالجد المدرسين ديل كانوا نصحين فى فهمهم دا |
سلام رانية منورة
المشكلة يا رانية هي اختيار نفس ستاف المدرسة للإشراف على عملية
الامتحانات وبالطبع أي ستاف مدرسة يحب أن يرى مدرسته في المقدمة
ولكن الجماعة ديل كترو المحلبية ، وأضروا بطلابهم وبسمعتهم،
مرة من المرات كنت في مكتب التعليم الخاص بالمنطقة الفيها المدرسة دي
جات سيرة المدرسة أحد الموجهين قال لي دي مدرسة سمعتها بطالة وبالتأكيد
ليست هي المدرسة الوحيدة يا رانية.
الغربية في أمتحان الشهادة الابتدائية زمان ( ناس سادسة ) يكون الامتحان في
مركز تتجمع فيه عدد من المدارس ويكون الكنترول والمراقبين من أساتذة المرحلة
المتوسطة ، اما في امتحان الشهادة المتوسطة فيكون المراقبين من أساتذة المرحلة
الثانوية ومدريسنا لم نكن نراهم إطلاقا في مركز الامتحانات، النظام دا لو تم تطبيقه في المرحلة الثانوية
كان ح يحد من مسألة الغش شوية.
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
كتروا المحلبيه ساى
ياهو دا المضيعنا
اى زول عايز يصل القمه لمجرد الوصول
بغض النظر هى القمه هدفها شنو ومعناها شنو
لذلك اصبحنا نرى قمما كوشه ساى
الله يديك العافيه يا حسين
هو تعليم انتهى من هين
| |
|
|
|
|
|
|
|
|
|
Re: الغش في الشهادة السودانية (Re: رانيه محمد الشيخ)
|
Quote: كتروا المحلبيه ساى
ياهو دا المضيعنا
اى زول عايز يصل القمه لمجرد الوصول
بغض النظر هى القمه هدفها شنو ومعناها شنو
لذلك اصبحنا نرى قمما كوشه ساى
الله يديك العافيه يا حسين
هو تعليم انتهى من هين |
صدقتي يا رانية ومرحبا بك مرة أخرى
اغفال الجانب التربوي من الامتحانات له ما بعده
عندما يعين المدرس طالبه على الغلط
أكيد ح ينتج طالب فاشل ح ( يخبط ) في
أول سنة من حياته الجامعية أو يخلص
دراسته عن طريق البخرات وأيضا لن تسلم
حياته العملية من الأغلاط.
تحياتي
| |
|
|
|
|
|
|
|
|
|
Re: الغش في الشهادة السودانية (Re: شهاب الفاتح عثمان)
|
Quote: فلك ولكل من علّمني حرفاً وافر إجلال وتقدير ومحبات تصل عنان السما
وصحباتى يشيلوا ويحنسوا فينى اغش زيهم وانا رافضه
الرسوب بضمير ولا نجاح حمير |
سلام دكتور شهاب ومشكور على المرور
نجاح الحمير حدو قريب يا دكتور
الطالبة ريحت نفسها وضميرها .
زمان كنا بنقول الامتحان امتحان رب العالمين يوم الوقف العظيم
وندخل الامتحان متوكين على الله معتمدين على ما راجعناه والاسبوتنق
بالنسبة للأدبيين يا جاب يا خاب ولم نفكر يوما في الغش والحمد لله
| |
|
|
|
|
|
|
|
|
 Re: الغش في الشهادة السودانية (Re: حسين ديقول)
|
سلام ومحبة للجميع
الشهادة السودانية 1995 بخرة الجغرافية بتاعي
باسماء لاعبي كرة القدم العالميين -كاس العالم 94 امريكا- متاثر بيهو
شديد
الدير- برازيل
كانيجا-الارجتين
سالينكو- اسبانيا
برولين- السويد
البهجة -المغرب
اسكوبار -كولومبيا
-----
| |
|
|
|
|
|
|
|
|
|
Re: الغش في الشهادة السودانية (Re: عثمان الشريف اسحاق)
|
Quote: سلام ومحبة للجميع
الشهادة السودانية 1995 بخرة الجغرافية بتاعي
باسماء لاعبي كرة القدم العالميين -كاس العالم 94 امريكا- متاثر بيهو
شديد
الدير- برازيل
كانيجا-الارجتين
سالينكو- اسبانيا
برولين- السويد
البهجة -المغرب
اسكوبار -كولومبيا |
شكرا عثمان اخوي يبدو انك من الجيل الجديد
1995 أخوك في رابعة جامعة
غياتو بخرتك دي إلا تكون مشفرة
| |
|
|
|
|
|
|
|
|
|
Re: الغش في الشهادة السودانية (Re: عثمان الشريف اسحاق)
|
Quote: سلام ومحبة للجميع
الشهادة السودانية 1995 بخرة الجغرافية بتاعي
باسماء لاعبي كرة القدم العالميين -كاس العالم 94 امريكا- متاثر بيهو
شديد
الدير- برازيل
كانيجا-الارجتين
سالينكو- اسبانيا
برولين- السويد
البهجة -المغرب
اسكوبار -كولومبيا |
شكرا عثمان اخوي يبدو انك من الجيل الجديد
1995 أخوك في رابعة جامعة
غياتو بخرتك دي إلا تكون مشفرة
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
Quote: شكرا ليك علي طرح الموضوع المهم
وعشان حكاية الغش ده تركت المراقبة من اربعة سنوات
وغش لدرجة ان بخرات الاسلامية بل مذكراتها ومصاحفها تجدها في الحمامات
تاني بيدوك احساس انه لم يتبقي في هذه البلاد شريف |
شكراً أخي محمد خير
شيء مؤسف حقا ومنظر قبيح ، وغير كدا يا أستاذ محمد
في طلاب بشقوا صفحات المصحف صادفتنا أكثر من حالة
في المراقبة ، الطالب همو ينجح بأي طريقة وبدون مراعاة لقدسية المصاحف
أنا الحمد لله طلعت من السودان بعد تدريس سنة واحدة نظاميا ، وعندي اخت
تخرجت من تربية في اول امتحانات قلت ليها برسل ما يعادل قروش المراقبة
واتركيها أحسن لك وقد فعلت.
| |
|
|
|
|
|
|
|
|
|
Re: الغش في الشهادة السودانية (Re: حسين ديقول)
|
كتب قير في شباك الفيس
| Quote: ويا لسؤ حظك إذا كنت مراقباً للبنات.... البعض منهن يكتبن البخرة على جسمهن في الجزء العلوي من الفخذ. فلديك خيار من إثنين إنتهاك عفة نظرك إذا لمحتها تقوم بالقراءة أو ألا تنظر نحوها مرة أخرى تاركاً إياها تفعل ما تريد. |
في الحالة دي يستحسن أن يكون المراقب الآخر أستاذة يمكن أن تنبهها
لبخرة البت ، في بنات يضعن البخر في صدورهن أو تحت الخمار طبعا ما تقدر كمراقب أن تمد
يدك لأخذ البخرة ، وإن تكن معك استاذة مراقبة تحاول ان تشدد المراقبة حتى لا تستفيد من البخرة
تحياتي قير ومشكور على الاضافة
| |
|
|
|
|
|
|
|
|
|
Re: الغش في الشهادة السودانية (Re: محمد التاج)
|
Quote: واما في الجامعات-حكومية وخاصة- فحدث ولاحرج,,,
|
صباك خير محمد
إن كان الطالب دخل الجامعة بالغيش فأكيد ح يستمر فيه بالجامعة
الجامعات على أيامنا كانت قوانينا صارمة في مسألة الغش دي
ترى هل تبدل الحال الآن
| |
|
|
|
|
|
|
| |
حسين ديقول
مجاهد محمد الهادي
عبدالله ود البوش
شهاب الفاتح عثمان
محمد احمد القاضي
فيس بوك
تويتر
انستقرام
يوتيوب
بنتيريست