قبل الخوض في ما انا اليه ... اوجه كل احترامي لكل السناير ( المحترمين ) ...
اما اصحاب ( الفارغة ) مقابل ( المقدودة ) من البقية الباقية فهاكم ما انا اقصده ...
_______________________________________________________ تعود أهل هذا المنبر من ( السناير ) علي دخول الأعضاء الجُدد ( بالقطاره ) ...
لا بل واكثر من ذلك تعودوا علي رؤية بوستات ( التزكية ) الشهيرة والتي يُبرز فيها ( المُزَكِّي ) مفاتن و محاسن ( زبونه المُزَكَّي )
و كيف أنه سيُثري المنبر بكتاباته وكيف سيكون هو العضو ( المنتظر ) ...
وهنا يتداخل ( السناير ) كل حسب ( وزنه ) المنبري في التأييد ويبدأون في ( شحد ) الباس ويرد... ان كان سنيراً ( كشا مشي)
أو قلع و انتزاع الباس وورد ( الغالية ) ان كانوا من اصحاب النفوذ و الثِقل المنبري ( حسب فهمهم ) ... من شيخنا بكري ( الشحيح ) في عطائه في ذلك الزمن ...
عادة كانت تلك البوستات ( الشاحدة ) تأخذ وقتاً طويلاً قد يصل الي شهر أو أكثر يكون فيها ( المُزَكَّي ) قد أريق ماء وجهه قبل وصوله الميمون الي الكتابة في المنبر
ويأتي بعد رحلة التعذيب ( البَكْرِية ) ( مُسَخْسِخاً ) قاطعاً للنفس ... ووقتها يجده ( سناير ) الغفلة لقمة سائغة و مادة مضمونة ( للتضقيل ) ...
الأغرب و الأدهي ان ابطال ( التضقيل ) ممن يعتقد انهم ( سناير ) ... كانوا (نياماً ) استيقظوا فجأه من سباتهم ووجدوا تاريخ تسجيلهم يؤهلهم الي نيل ذلك الشرف الرفيع ...
تغير الحال في الشهور الأخيره ... وقرر صاحب المال و الحلال فتح الباب علي مصرعيه للكل ... وله في ذلك شأن ...لا يعنينا و لا يغنينا من جوع ...
ودخلنا انا و غيري في اغسطس المنصرم ... ثم جاءت دفعة 2013 الشهيره ...
وبدأ (بعض سناير الغفلة ) في التذمر ... والمحاولات الفاشله في ( التضقيل ) ...ورأينا ما رأينا من سباب ... و اوصاف ... لم نستغربها ...
لاننا لم نري من هؤلاء المتذمرين حتي في ( اهم ) بوستاتهم ... سوي ( التدني) ... و ما شاكل ذلك من ادمان الفشل ...
هل يا تري الشأن الذى لم يعنينا في قرار ( المعلم ) بفتح الباب ( مؤخراً ) له علاقة بذلك الهبوط الحاد ...
لا يهمني ذلك الامر اطلاقاً ...
ما يهمني و يحز في نفسي ان اري من كنت اعتبرهم قدوة ...و منهم من يمتلك ناصية اللغة العربية و ملكة الكتابة ...متذمرا ايضا ...
وما يهمني اكثر فأكثر ... فقدان من آثر الاختفاء و فضّل ان يجلس في مدرجات المتفرجين ...
يا احبتي ... لو اذنتوا لي في هذه المساحة ان اقول لكم .. بحكم ( العقود ) الخمس ( و زياده ) ... التي قضيتها علي وجه البسيطة ...
ان المساله لا تعدو ان تكون سوي مسالة وقت ...ستفرز فيها ( الكيمان ) ... و سيبقي الجاد ... و يتبخر الزائد ...
اعطوا الجميع فرصة ... وعِفّوا اللسان ... و اصبروا ...
كويس يا يحي...!!! اها سناير الغفلة ..و عرفنا البيهم.. وين سناير اليقظة؟!!! اصالة عن نفسي..و نيابة عن سنيورات اليقظة.. عشة بت فاطنة.. دومه (زينب الفحل) ، بت قضيم.. شيري..و صاحبي سنير اليقظة الجميل يحي فضل الله..و يا برالمة المنبر داير لي واحد نجيض ( اصلو ما فيكم برلومات.. ملاحظ الحاجة دي يا يحي قباني؟ بكري بقى انصار سنة فات الحد ذاتو يااااخ..!!!!..ياخي الزول ده بقى قاعدة عديييييل..!!!!)..يجيب لي تلاتة اعمال غنائية ، اثري بيها يحي فضل الله مكتبة الغناء السوداني؟..جبتيوها ، يبقى فعلا في سناير غفلة... ما جبتيوها ، يبقى فعلا انتو برالمة غفلة..!!!!
كثيرا ما قرأت لصديقنا الجميل يحي قباني.. و عمري ما كنت متصور انو الرجال برلوم و كده.. و قريت لبرالمة كتيرين... منهم حرسم.. ايمن محمود..و اخرين كثر..المهم..!
و يا برالمة.. المنبر ..زي ما قال ليكم يحي قباني انو في سناير غفلة.. انا بقول ليكم في سناير يقــــــظة برضو..و الله صحي..!
و عشان صديقنا يحي يفرح..و يضحك لمن الضحك يشرطو.. بنقول للسادة البرالمة (بكري ما جاب جكس ، و هو لا يعلم أن الجكس ملح الأرض ياااااااخ)...انو: ورد في الأثر الجميل قولهم(الشاعر قاصد حاجات تانية..و نحن نقصد صديقنا يحي قباني.. عشان تاني يعمل حكاية السبق و الترصد دي)..:
ما السمحين .. بيسامحوا.. و الحلوين.. بيحنوا.. احكام الليالي ، متين كانت باٍيدنا؟
اها .. لسناير الغفلة..و برالمة اليقظة..معا.. الوقفة دي اتغيرت متين؟..
و يحي.. اعمل اختبار.. و اسأل البرالمة: منو الغنى (البنريدو تايه.. يا حليل البريدينا)...؟ و لو ما قالوا ليك حقة مصطفى حمزة أو بالعدم محمود عبد العزيز.. احلق شنبي؟
و زي ما قالن بنات ابا السمحات: ما السمحين ، بيسامحوا.. و الحولوين ، بيحنوا احكام الليالي ، متين كانت بأءيدنا؟
و دمتم
عمكم كبر ( لكن اصغر من صديقنا يحي.. و الله صحي) و حضر انقلاب هاشم العطا..حسن حسين عثمان.. محمد نور سعد.. سعد بحر.. سوار الدهب.. عمر البشير..صلاح قوش..!!! و يايحي..تكتر النقة شوية.. بعد شوية بنجيب ليك كرسي القماش الكان قاعد عليهو علي المك..!!! و يا برالمة هوي ، البروف على المك كان كتب قصة قصيرة اسمها (كرسي القماش)..و على المك ده بيعرف امريكا اكتر من باراك اوباما.. و الله صحي..!!!
03-05-2013, 07:55 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
يآخي صراحة سلقتو بيضنا او كما قال.. شنو اي واحد شابكنا ليك برلوم وسنيــر والشغلة المبيضة دي.. أكتب البعجبك.. زول شاغلك او لمح لبرلوم وما ادراكـ ايه تجليهو كانك ما قرات وتواصل في كتابتك وقراية العاوزه..
لكن مسألة كل زول يكون شايل قلمو ويصحح ..دا سنيـر وقاصد البرالمة ودا بيقول والتبرير بتاع كبار في السن وخبرة اسفيرة والكلام البيحش افكر دا ياهو البيضنة زاااتها..
شوف في شهر كم مداخلة وكم بوست في قصة برلوم وسنير ومن ناس معينين بالعدد من المسجلين أخيراً وكلها تدور في نفس الموضوع وكانه ماعندهم موضوع ولا عندهم شئ يكتبوه غيـر دا برلمني ودا قاصد ودا ما ادراك ايه والشغلة المنيلة دي..
هسع الواحد قرأ عنوانك وقال دا زول كبيــر وخبرة اسفيرية وما ادراك ايه من الحنك العاضي جاء لقاك بتسلق في بيض ابيض من بيض من سبقوكـ..
و يحي.. اعمل اختبار.. و اسأل البرالمة: منو الغنى (البنريدو تايه.. يا حليل البريدينا)...؟ و لو ما قالوا ليك حقة مصطفى حمزة أو بالعدم محمود عبد العزيز.. احلق شنبي؟ ----------------
لكن دي ما بالغت فيها يا كبر ، ومع تعليقك الفوق ده يا كبر يشهد الله اني بعتبرك سلطان المنبر لاني بصراحة بحس بمتعة وبي سلطنة عجيبة اثناء قرايتي لكتاباتك ومداخلاتك ربنا يسعدك زي ما بتسعدنا
تحياتي استاذ يحي والمشاركين
03-05-2013, 08:43 AM
مها عبدالمنعم مها عبدالمنعم
تاريخ التسجيل: 01-02-2013
مجموع المشاركات: 683
غايتو ولافرقت معاي كتير قصة برلوم والا سنير دي الا من حيث الخبره في التعامل مع المنبر وانا لهسه مابعرف اعمل الابتسامات والضحكات والدموع وماالي ذلك المهم الرحب حبابو والمارحب حبابو برضو اتذكرنا ايام الجامعه بعد اتخرجنا للان لمن نذكر مافعله بنا سنايرنا يجعلنا نبتسم الغريب اظن انا البنت الوحيده فيي الدفعه ودا شي كويس وماكويس في وكت واحد من ناحيه انت تحمل مسوؤلية دفعة 2013 بنين دي في حال جاء يوم تنبري للدفاع عن امر بالبنوت دفعة 2013 ومن ناحية تانيه اذكر ان صديقتي دخلت الجامعه كلية الهندسه المدنيه عطبره وكانت الدفعه مؤلفه من 125 شاب و9 شابات فشنو يايبقن بنات ويتعبن او يختارن الحل الصعب يبقن صبيان في تعاملهن مع الاولاد الكبير دا اها كدا كدا الامور مشت وتخرجن مهندسات وزملاء دراسه فهسه القصه بتمشي اديها صنه الموضوع كان شنو
03-05-2013, 04:36 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: كثيرا ما قرأت لصديقنا الجميل يحي قباني.. و عمري ما كنت متصور انو الرجال برلوم و كده.. و قريت لبرالمة كتيرين... منهم حرسم.. ايمن محمود..و اخرين كثر..المهم..!
و يا برالمة.. المنبر ..زي ما قال ليكم يحي قباني انو في سناير غفلة.. انا بقول ليكم في سناير يقــــــظة برضو..و الله صحي..!
حينما يجاهر الفرد ( بكفر ) كلماته ... ياتيه نوعين من البشر للتصدي ...
يأتيه من هم في مقامك و حجمك يا استاذى البديع ( كبر ) ... فيسعده حضورك ...
وحينما يكتب يتأمل ان يتضمن ردك له مثل هذا:
Quote: ورد في الأثر الجميل قولهم(الشاعر قاصد حاجات تانية..و نحن نقصد صديقنا يحي قباني.. عشان تاني يعمل حكاية السبق و الترصد دي)..:
لك الود في كل وقت ...
ونحن نحب ما تكتب ... ونحس ان السودان ما زال بخير .,.
03-05-2013, 04:58 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
Quote: يا كبر يشهد الله اني بعتبرك سلطان المنبر لاني بصراحة بحس بمتعة وبي سلطنة عجيبة اثناء قرايتي لكتاباتك ومداخلاتك ربنا يسعدك زي ما بتسعدنا
عزيزي أمير ...
من اجل هذا نكتب ...
فامثال استاذنا كبر ... هم كما قال شاعرنا عبدالواحد عبد الله
من ... غـرسـو الـنـواة الـطاهـرة ونـفـوسـهـم فـاضـت حـمـاسـا كـالـبـحـار الـزاخـرة
فوالله لا نقوي علي فقدهم ... فقد سئمنا ( التفجيخ و التظويط ) ... _______________________________________________________ منذ متي صار رجالنا يقولون ( سجمي ووب علي ) ... هل طالت بي الغربة الي ذلك الحد ؟؟؟
03-05-2013, 05:12 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
ياخي ما بتعرف لي باشمهندس ( علم الدين الهادي ) وين ...
زميلي في المعمار ... وكان ثيردباك الهندسة ولعب في القوز ...
يعافيكـ ياقباني يأخ .. ومشكور شديد ..
علم بعرفه كويس .. لكن آخر أخباره ماعندي هسه .. لاني طولت من البلد .. لكن ممكن أسال ليكـ .. وبرضو لو مر من هنا زول من القوز .. ممكن يديكـ آخر أخبار علم ..
03-05-2013, 07:52 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
كأحد المعنيين بمصطلح (سناير الغفلة) فاذكر أنني قد نعتك ببرلوم على خلفية أمتعاضك من شخصي عندما جلبت لك لنك من مكتبتي ووضعته في بوست يخصك من أجل تدعيم البوست وأنت فهمت شيئا أخر ..!!
على كل حال فأنني في مثل هذه الأمور دائما ما أتذكر مقولة الريس بكري ابو بكر بأن هذا المنبر بأرشيفه الضخم والذي يغطي على كل أوجه حياتنا السودانية ومجتمعنا المعاصر هو ملك للاجيال القادمة بعد عشرات ومئات السنين ليكون مادة خصبة للدراسة وتاريخا موثقا بالصور والمشاهد الحية من ألسن من عايشوها وعاصروها !!
صدق كنت داير أجيب ليك رابطين مهمين لتدعيم حديثي أعلاه لكن خفت تاني تفهمني غلط !! يا يحي !
03-05-2013, 08:35 PM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
الأخ يحي قباني أبتداءً لك ودي المصحوب بمحبتي .. وأحب أن أؤكد لك أيضاً ابتداءً أنني من محبيك ومعجبيك وقارئيك .... واسمح لي صديقي أن أخاطب بنفس الكلمات أخي كبر .... مضيفاً مخاطبيتي له "يا Boss" إنت ماحضرت إنقلاب العقيد جعفر نميري؟ ولا حضرت الديموقراطية الأولى زمن ناس شيخ على عبدالرحمن والمحجوب ؟ ولا حتى ثورة أكتوبر ؟ وجبهة الهيئات؟ ولا سمعت نشيد " في 17 بعثت ثورة ثورتنا الشعبية لما أذيع لأول مرة من "هنا أم درمان"؟ الفريق ابراهيم باشا عبود طيب الله ثراه وثرى رفاقه .. طيب ولا أكلت حلاوة "ريا" .... أوعى تقول الزول برلوم دفعة د. عبدالله علي ابراهيم !!!! مودتي ومحبتي لكم جميعاً ....
صاحب البوست وصحبه تحياتي لا أعتقدان فكرة السينيور والبرلوم فكرة سديدة أو قابلة للتطبيق هنابحسبان ان هذا المكان رحب والجميع فيه متساوون وأقدمية العضوية لا تعطي ميزة عملية لصاحبها.. البعض يطلقهاهنا على سبيل الدعابة والبعض يطلقها جادا ويرى أن المنضم حديثا لا يملك ما يملك هو وهو غير محق في ذلك وِِالبعض يطلقها بهدف تثبيط الجددواغتيالهم معنويا.. خلاصة القول هي ليست فكرة سديدة فضلا عن كونها غير مجدية
محبتي
03-05-2013, 08:00 PM
أيمن التوم حسن أيمن التوم حسن
تاريخ التسجيل: 04-26-2010
مجموع المشاركات: 1067
الأخ يحي قباني مرة أخرى لك الود والتحايا الطيبات الكود أو الطريقة التي يعمل بها منتدى سودانيز مختلفة تماماً عن بقية المنتديات وأقصد في مجال رفع الصور وعرض الفيديو ....الخ .. لقد حاولت إضافة صورة للبروفايل ونجحت بعد آلاف المحاولات وما زلت أحاول إضافة الصور والفيديوهات .. بالإضافة لضرورة التأني لفهم القارئ حتى نستطيع تقديم مايناسبه .. اؤكد أننا حديثي انضمام للمنبر ولكن لدينا بالتأكيد مانريد قوله .... تحياتي لك وللمتداخلين ..
Quote: كأحد المعنيين بمصطلح (سناير الغفلة) فاذكر أنني قد نعتك ببرلوم على خلفية أمتعاضك من شخصي عندما جلبت لك لنك من مكتبتي ووضعته في بوست يخصك من أجل تدعيم البوست وأنت فهمت شيئا أخر ..!!
على كل حال فأنني في مثل هذه الأمور دائما ما أتذكر مقولة الريس بكري ابو بكر بأن هذا المنبر بأرشيفه الضخم والذي يغطي على كل أوجه حياتنا السودانية ومجتمعنا المعاصر هو ملك للاجيال القادمة بعد عشرات ومئات السنين ليكون مادة خصبة للدراسة وتاريخا موثقا بالصور والمشاهد الحية من ألسن من عايشوها وعاصروها !! صدق كنت داير أجيب ليك رابطين مهمين لتدعيم حديثي أعلاه لكن خفت تاني تفهمني غلط !! يا يحي !
الأخ ناذر الخليفة ...
خطأين يا حبيب ...
الأولاني لست معنيا علي الاطلاق لا انت و لا اي احد يعينه ... لا اتذكر انك امتعضت من كون ان الكاتب برلوم او غيره ...
فلما ادخالك شخصك لتلك الفئة ...!!
و التاني ...لماذا الاصرار علي اني فهمتك خطأ ؟؟؟
فقط تعلمنا السلام حينما نخرج علي الجمع ... ونستأذن عند الجلوس و المصاحبه ...
03-05-2013, 11:35 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: والبعض يطلقها جادا ويرى أن المنضم حديثا لا يملك ما يملك هو وهو غير محق في ذلك وِِالبعض يطلقها بهدف تثبيط الجددواغتيالهم معنويا.. خلاصة القول هي ليست فكرة سديدة فضلا عن كونها غير مجدية
لعلهم يفهمون ...
03-05-2013, 11:58 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
ياخي ما بتعرف لي باشمهندس ( علم الدين الهادي ) وين ...
زميلي في المعمار ... وكان ثيردباك الهندسة ولعب في القوز ...
يا سلام يا قباني ياخ رجعت بي لسنين عددا ياخي الناس ديل كنا جيرانم منذ ان كنت في المرحلة الابتدائية مدرسة القوز 2 وعلى فكرة انا دفعة اخوه اسامة والله الدنيا دي ضيقة جنس ضيق . طبعا انا درست في مدرسة القوز 2 لحدي سنة سادسة بس كنا إنتقلنا لمدينة الصحافة وكنا بننزل في محطة اليافطة ومن هناك دغري للمدرسة ياخي والله ذكريات تقشعر منها الابدان ... لكن امسك في جمال ود القوز اكيد بوصلك ليهو قبل 6 سنة كان معانا هنا في الرياض إبن خالة علم الدين .. الملقب بابو سحابة اظنك بتعرفو برضو اسمه عبدالناصر
03-06-2013, 00:24 AM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
اشفق علي بعض الاخوة ( البرالمة ) ...والذي بدأ البعض منهم بمواضيع و كتابات رائعة ...
ثم انرلقوا الي قاع المدينة ... لا ادري ان كان هذا هو الاصل ... ام هي سياسة السوق عاوز كده !!! ___________________________________________________________
03-06-2013, 05:16 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: لكن دي ما بالغت فيها يا كبر ، ومع تعليقك الفوق ده يا كبر يشهد الله اني بعتبرك سلطان المنبر لاني بصراحة بحس بمتعة وبي سلطنة عجيبة اثناء قرايتي لكتاباتك ومداخلاتك ربنا يسعدك زي ما بتسعدنا
صديقي امير..حبابك ياخي كتر خيرك كتير خلاس..و الله لقد حنفشت تواضعنا حتى قام ليهو ريش عدييل..!!! كتر خيرك على الثقة الغالية..و نحن هنا يا صديقي طيلة هذه السنين..بنكتب و في جوانا عشم كبير..! المنبر ده كن فيهو سلطان واحد.. ياهو قريبي العريبي و صديقي الجميل محسن خالد.. اما نحن..رعاوية خلا ساكت.. في غفلة زمن البنادر لقوا ليهو فرقة يدخلوا رويسهم..
و لك الود يا صديقي
كبر
03-06-2013, 07:27 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي يحي..حبابك كتر خيرك على هذه المطايبة الوسيمة.. عمنا طيب الذكر اٍيليا ابو ماضي.. قال: يصنع الصانعون وردا..و لكن وردة الروض لا تضارع شكلا
فبعض السانير ، يا يحي ، حرفهم من بعيد يسر الناظرين..و لكن لمن تجي من قريب ..ريحة البلاستيك تخليك تطرش عديييل..! و بعضهم ورد روض..تشوفو من بعيد تستخسروا.. تقرب من قريب تدي ربك العجب..!
اما الكفر.. خصوصا لمن يكون فك اخر الجمال.. فهو في حد ذاته جمال...! و الثقافة يا صديقي تصنعها المكابدات اليومية.. عبارة.. غنية.. موقف.. اسامي حلاوة (زي ما جابها صديقنا بابكر قدور)...اما الكتب و العبارات الأجنبية.. و الطنقعة في الفارغة و المقدودة (كما يفعل بعض من سناير الغفلة اياهم)..فهذه لن تخلق ثقافة..!
و برضو بنقول للأصدقاء و الصديقات البرالمة.. اتكلموا ساكت..و نحن من نفر ما عندنا اجندة مسبقة.. لاحزب..ولا استعلاء ثقافي او فكري أو سياسي مسبق.. القانون عندنا: الحد الفاصل نكون انسان..!
Quote: فبعض السانير ، يا يحي ، حرفهم من بعيد يسر الناظرين..و لكن لمن تجي من قريب ..ريحة البلاستيك تخليك تطرش عديييل..! و بعضهم ورد روض..تشوفو من بعيد تستخسروا.. تقرب من قريب تدي ربك العجب..!
صدقت ياصديقي .. بجد في ناس هنا فاكنها فينا وفي روحهم شديد وعاملين فيها افلاطون ....
Quote: و برضو بنقول للأصدقاء و الصديقات البرالمة.. اتكلموا ساكت..و نحن من نفر ما عندنا اجندة مسبقة.. لاحزب..ولا استعلاء ثقافي او فكري أو سياسي مسبق.. القانون عندنا: الحد الفاصل نكون انسان..!
مع خالص التحايا لك و للاخ يحي
03-06-2013, 07:44 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
استشراف حذق .. لخطوات قد يتخذها البعض ... السخرية المتواصله .. والتي يظنها البعض خفة دم .. قد تولد بعض الحنق .. لدى البعض ممن قدموا كجدد .. وكما قلت يا قباني .. بعض الناس القدام الهنا .. يظن بعلو كعبه .. فهما ومنطقاً وكل شئ .. هكذا يظن !! .. (ويطلع في الكفر) على حس الأقدمية دي .. متكئاً على لا شئ .. وهو ممكن يكون نافلة قول ساي .. فيربكـ الناس معاهو .. طبعاً للشلليات هنا دور .. مؤثر .. ومؤثر بقوة كمان .. ولايفوت ذلكـ على مدقق ومتابع .. فأحياناً ترى مواضيع ذات تناول عميق .. تروح شمار في مرقه .. متهاوية الى دركـ الصفحات السحيقة .. وتطفو بدلاً عنها لغة المجاملات .. وشيلني وأشيلكـ .. هذا ليس تأففاً مني .. فقد رأيت ذلكـ في كافة المنتديات .. التي خبرتنا سنين عددا .. لكن يجب أن يكون سودانيز غير ذلكـ .. هكذا أعتقد ..
03-06-2013, 08:35 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: الأخ يحي قباني أبتداءً لك ودي المصحوب بمحبتي .. وأحب أن أؤكد لك أيضاً ابتداءً أنني من محبيك ومعجبيك وقارئيك .... واسمح لي صديقي أن أخاطب بنفس الكلمات أخي كبر .... مضيفاً مخاطبيتي له "يا Boss" إنت ماحضرت إنقلاب العقيد جعفر نميري؟ ولا حضرت الديموقراطية الأولى زمن ناس شيخ على عبدالرحمن والمحجوب ؟ ولا حتى ثورة أكتوبر ؟ وجبهة الهيئات؟ ولا سمعت نشيد " في 17 بعثت ثورة ثورتنا الشعبية لما أذيع لأول مرة من "هنا أم درمان"؟ الفريق ابراهيم باشا عبود طيب الله ثراه وثرى رفاقه .. طيب ولا أكلت حلاوة "ريا" .... أوعى تقول الزول برلوم دفعة د. عبدالله علي ابراهيم !!!! مودتي ومحبتي لكم جميعاً ....
بابكر..حبابك يا صديقي كتر خيرك على المطايبة السمحة الفارهة..
دكتور عبد الله على ابراهيم شنو؟.. ياخي البشوف كلامك ده يقول بابكر ده كان محرر في جريدة (الناس)...!!! وكتها ، يا صديقي ، كان الشعار (لابد من بيروت و ان طال السفر)...و الليلة بيروت تعج بناس عمك حسين نصر الله واليرموك..و الذي منو..و شرحبيل احمد..يكون نسى ليك حكاية ( و الشراب اسكوب ، كب يا علي بكبابي الشووب..)!!!!
عارف يا صديقي.. سنوات و سنوات..و انا اغالط في الشعب السوداني الفضل.. ياخي الزول ده في اول بيان ذاعو.. كان عقيد.. و رقا روح لرتبة عميد لمدة تلاتة ايام..و الشعب السوداني يشيل و يحلف ليك بدين امو و ابوهو.. الزول ده تووشك طفر في السودان و كان برتبة لواء..!!! (كتر خيرك يا بابكر.. على الأقل اثبت لينا انو الواحد لسه ما جنا و فقد المحنة..!!!)..
اها يا بابكر.. نحن ما نقول حاجة.. لكن شفت كيف المسافة كانت قصيرة خلاص بين (17 نوفمبر..و حارسنا و فارسنا و كنا زمن نفتش ليك)؟...و لو قلنا حاجة.. عينك ما تشوف الإ النور..!!!!..ياخي جخانين الثقافة السودانية دي مرات تخليك تشوطن عدييل..!!!
حلاوة (ريا ) حضرناها يا صديقي..و جضمناها ليك جنس تجضيم واحد..و برضك لمن كانت العطور طأئفية..اي و الله.. زي حكاية هلال مريخ اليومين ديل (و بالعدم سودان قديم و سودان جديد).. السودان كان فيهو عطرين: واحد السيد على الميرغني (اتحاديين لمن شايلين معاهم فتة كمان)..و التاني بت السودان (انصار لمن لابسين ليك جناح ام جكو)..!!!..و ده كلو هين ، يا بابكر ،..القاسي.. في كندا ، في الأيام الأولي.. لاقيت ليك صديقة من كينيا.. حلفت بدين ابوها انو عطر (بت السودان) صناعة كينية صرفة.. و أي واحدة سمحة في كينا عطرها المفضل يا هو (بت السودان)... ده غير بت ابا الصومالية ايمان.. الحلفت بالتقطعها.. انو غنية (عزة في هواك) غنية من التراث الصومالي؟.. صومالي بتاع عينك...!!..دي اول حاجة مرقت من لسان ..و معاها جريت (دي).. طويلة خلاس..!!!
جبهة الهيئات؟؟.. ايه يا باكر..ياخي نحن برالمة ساكت.. ناس نشرة الساعة تلاتة بتذيعها ليك محاسن سيف الدين..و يقوم يجيك المسلسل,, من اخراج صلاح الدين الفاضل..و تمثيل تحية زروق و مكي سنادة..زو بعد داك غنية لثنائي النغم لمن كانن تلاتة ( يا برالمة التالتة كانت منو؟).لكن النصيحة لله.. لمن جات (النص الحلو) و (الدهباية) الواحد كان بي شنبو..!!!..و الله صحي,,!!!
و برضك لو دقستو شوية.. بنقول لصديقتنا مها عبد المنعم.. خطي جنبك طوبة ياااااااااااخ..!!!
و عشان امير يضحك اكتر.. بنقول ليهو : على بالحلال يا امير..لو واحدة من مذيعات القنوات السودانية (ناس اليومين ديل) قامت عملت حوار مع بابكر ده..و قالت ليهو تحب تسمع شنو..و يقوم صاحبنا يخلف رجل على رجل...و يقول ليها داير اسمع قمر دورين..اكيد قريبتك المذيعة ح تقوم تجوعر و تملانا فقر و تقول لأخونا بابكر..و معاك نحي استاذنا عبد الكريم الكابلي..!!!..و ده لو ما حصل .. برضك اقوم احلق شنبي..!!!
نعتذر لصديقنا يحي عن هذه التخريمات... و دمتم جميعا.. كبر
03-06-2013, 08:56 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: حلاوة (ريا ) حضرناها يا صديقي..و جضمناها ليك جنس تجضيم واحد..و برضك لمن كانت العطور طأئفية..اي و الله.. زي حكاية هلال مريخ اليومين ديل (و بالعدم سودان قديم و سودان جديد).. السودان كان فيهو عطرين: واحد السيد على الميرغني (اتحاديين لمن شايلين معاهم فتة كمان)..و التاني بت السودان (انصار لمن لابسين ليك جناح ام جكو)..!!!..و ده كلو هين ، يا بابكر ،..القاسي.. في كندا ، في الأيام الأولي.. لاقيت ليك صديقة من كينيا.. حلفت بدين ابوها انو عطر (بت السودان) صناعة كينية صرفة.. و أي واحدة سمحة في كينا عطرها المفضل يا هو (بت السودان)... ده غير بت ابا الصومالية ايمان.. الحلفت بالتقطعها.. انو غنية (عزة في هواك) غنية من التراث الصومالي؟.. صومالي بتاع عينك...!!..دي اول حاجة مرقت من لسان ..و معاها جريت (دي).. طويلة خلاس..!!!
مرحى بهذا الانبهال والاجترار الذكرياتي الأنيق .. حبيبنا ياكبر .. بابكر قدور .. قامة في صياغة و سكـ الحروف .. وصقلها .. كالدهب المجمر ..
ــــــــــــــــــــــــــــــــــ
بوركـت ياقباني .. فقد نحيت منحى .. يحسدكـ عليه الف سينير .. وجريت الخمسين .. الجابت البرلوم البي ألف سينير .. أما نحن فسنظل كمالة عدد ...
متابعة من على شرفات المتعة ... بس الناقصنا حلاوة ريـــــــا دي .......
03-06-2013, 11:46 AM
امير بوب امير بوب
تاريخ التسجيل: 01-02-2013
مجموع المشاركات: 1552
الاخ العزيز يحى قبانى سلام وتحايا ... وشكرا ليك على كتاباتك الطاعمة و المسبّكة ! انا من المتابعين لك و بنقلاتك النوعية بخصوص ماطرحته فى هذا البوست ... فهذه حقيقة واتّفق معك فى كل ما ذهبت اليه ... وقد سبق وان فتحت بوست بهذا الخصوص بعنوان أكلونى البراغيث ! ... وكما اوضحت فيه ان غرض البوست لم يكن مناقشة لغة بنى الحارث... واِنما المقصودين براغيث المنبر ! ولكن بصراحة بطنى طمّت من تلك الهرجلات التى تحدث هنا وهناك ... وربما بشكل منظّم ورغم ان بعض الشباب يحاول الاستخفاف بطرح هكذا مواضيع ... ولكن اعتقد ان أمثال بعض هؤلاء هم المعنيون بالأمر ... وربما لمسهم طرف السوط لذلك يحاولون اللجوء لاِفراغ مثل هذه البوستات من مضمونها .... وربما يعتبرون تناولها شىء من الاستبياض ... رغم انهم البيض زاتو ! عموما ... بعض اِسقاطات المنبر على قلتها واضحة للعيان ... والمتابع للمنبر يدرك ذلك حتى قبل الدخول للحوش ... وأعتقد ان هناك الكثير من الأقلام الجيدة والقامات الفكرية التى كان يمكن ان تكون اِضافة جيدة .... ولكنها أحجمت عن الاِنضمام للمنبر بسبب مثل هذه الظواهر السالبة ... وآثروا الجلوس فى مقاعد المتفرجين ... والمستغربين ! فعلاَ هناك من يؤمن بسنيرته ... ويعتقد فيها ... لا لشىء سوى أقدميته فى البورد ... وحين نعمل له جرد حساب ونشوف مساهماته الفعليه ... او ماهى الاِضافة الفكرية والمعرفية له فى المنبر .... نتفاجأ باِنو قاعد فى السهلا ساكت ! وهناك النوع القاعد بس لتتبع بوستات الآخرين ... ورصد سقطاتهم اِن وجدت ! .... وربما يدخل المنبر ويبدا البحث فى البوستات ... ليس عن معلومة معينة او اِثراءً للنقاش , بل ليجيب الديب من ديلو .... ويقول ليك انو كلامك دا ملطوش من حتة تانية او انك سارقو ! ... وتجده يجتهد فى اِثبات ذلك ... ربما لنفسه قبل الآخرين ... رغم انه لا يعرف ماهو الفرق بين السرقات الأدبية ... وعدم ايراد المصدر وربما يكون ماسمع بحاجة اسمها لم يسمع الوايبو فى حياتو! وبمجرد ان ينجز هذه المهمة ... تراه يزوغ من موضوع البوست الرئيسى ... ولا تجد له ولا مداخلة !! وكأنو دى شغلتو الوحيدة فى المنبر ! .... من اين يأتى هؤلاء ياخى ؟!!!! ثم ... فى المقابل يا أخ يحى تجد ان هناك نوع من الناس يصدق عليهم لقب برلوم ! وهو بنفسه يثبت برلمته للآخرين ... وذلك بشتارة التصرفات والتوسع فى البوستات ...وملاحقة من يعتقد انهم سناير حسب فهمه ! تراه يتودد لهم ويتظارف ... ربما ليثبت انه ليس اقل لزوجة منهم فى هذا المجال ! وقد تكون الشغلانة كلها محاولة اِيجاد مساحة للتمدد والاِنتشار .... وان كان بشىء من السماجة وتقل الدم ! وحين تنظر لمجموع بوستاته القادينا بيها ... تجدها لا تخرج عن لفح لعناوين الأخبار فى الصحف وبعض المواقع الالكترونية ! ورغم انو الناس كلهم قروها وعارفنها سلفاً ! وبالتالى تلقاه ذى العميان الأدوه باسوورد ! اعتقد ان المنبر بحاجة الى غربلة شاملة .... وستثبت الأيام الصالح من الطالح ... ولكن حتى ذلك الحين ... على بعض المتسنيرين على الفاضى ان يختّوا الكورة واطا والشغلانة بدت هظار ولا تتجاوز حدود المزاح والمشاكسة .... ولكن يبدو ان البعض ماخد الشغلانة جد جد ... وتلقاه كالهر يحاكى صولة الأسد ! ولكنه فى الحقيقة كديس بيت ساى ... يتحاوم من بوست لآخر ... ويقتات على بقايا فتات موائد الآخرين !!
تحياتى أخى يحى قبانى ... واتشرف بمعرفتك كن بخير
03-06-2013, 12:44 PM
garjah garjah
تاريخ التسجيل: 05-04-2002
مجموع المشاركات: 4702
من السناير من ملاْ هذا المنبر باروع الخيوط واختفى في الزحمة منهم يازول يازول اخونا الغالي هشام جبريل وخالد قرشو وود العازة ونهى جي وبت الجزيرة وتماضر شيخ الدين ورجاء وراوية ونادية عثمان وخلق كثير توقفت اقلامهم عن الصرير في صفحات هذا المنبر نرجو أن يعودوا قريبا وبقوة .
Quote: يا سناير ( الغفلة ) ... رُبّ ( برلوم ) خير من الف سينيَر ...
هذا واقع نعيشه حتى خارج هذا الحوش فكم من ناس علمناهم وسبقونا وكم من ظننا ضعيفا حتى دارت الايام فكان من اصحاب الرؤوس المليانة
ممكن نرجع ليك تاني
03-06-2013, 05:19 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
قدمت بيدي هذه ( كوز ) من الكركدي للزعيم الازهري ... وكان يرتدي بدلة العمل ...
انفض الجمع و بقي من بقي .. الي ان اتي وقت صلاة المغرب ... وكان الحوش يعج بالمعزيين ...
وكانت مهمتنا بعدها ( تلقيط الفوارغ ) من كبايات الشاي و فناجين القهوة ...
انصارا و اتحادين و شيوعين ... اتذكر تماما ..ان الازهري اتي ( ماشيا ) علي الاقدام من بيته وكان يرتدي جلبابا ابيض ..
ودخل و جلس كمثل الجميع ... و كان ذلك هو الدرس رقم واحد ... _______________________________________________________________________ اكلنا بسكويت ( كوكو ) وعلبة بسكويت ( الحرمين ) الخضراء اللون ...
وحلاوة لبن والتي تشبه ال FUDGE الذي يأكله الناس هنا في كندا ...
شربت اللويزو و الحرية و الشيكان و الدبل كولا ...
قرأت الايام و الصحافة وهي بالحجم الصغير ... قبل تغييرها في عهد النميري في 70
بكيت علي جمال عبد الناصر ... و حرموني لاني صغير من السفر في ( الطيارات المجانية ) التي امر بها النميري للعزاء والتشييع
اعتزلت الاكل عند وفاة ام كلثوم ... وعزمت ان اجمع كل ما غنته ...واحمد الله ان لي مكتبة تساوي كل ما غنته ( الست )
كتبت في استراحة جريدة الايام في عام 1985 ( بعد الإنتفاضه ) ...في وقت كانت الاستراحه هي استرحة ( حساس محمد حساس )
شربت من الليمون المخلوط بالشعير و المثلج من بوفيه نادي العمال في الخرطوم ...
اكلت قصب السكر في صفوف الكور في جميع الاستادات ...
اكلت فول ( سلوي ) بالسمن البلدي في الخرطوم ...وفول ( أحمد سعد ) في ود نوباوي ...وسمك ( السكي ) في الموردة ...
فقدت ( فردة ) شبط جديد لنج في مقابر ( الكمونولث ) وانا راكضاً من رصاص امن الدولة في اخر ايام الإنتفاضة ( التي ) سُرِقَتْ ...
...__يحيى يا حكّاي...عندنا قريبنا في الخرطوم 3 زول عجيب جداً...تقول ليهو فلانة دي (في السجانة مثلاً)..زولة كبيرة لكن جميلة خلاص ...يقول ليك ..يا زول أنت ما شفتها لما كانت في (اليونتي)...حرّم كانت موقّفة الخرطوم على كراع واحدة ........مرة سلّم على واحد وانا معاهو واقفين في الفرن ...سألني (عرفت الزول ده)؟...رديت ..أبداً...قال لي شفت الحاجة (المشّلخة) ال في علبة حلاوة (ريا)؟ ...قلت ليه أكيد ب اتذكّرا ...رد بكل هدؤ ...دي أمّو!!!! تسلم يا هندسة
03-06-2013, 08:44 PM
أمير محمد ادريس أمير محمد ادريس
تاريخ التسجيل: 01-17-2013
مجموع المشاركات: 1248
أشكرك عزيزي كبر على هذه الكلمات الجميلة واتمنى ان أكون عند حسن ظنك بي . استاذي يحي قباني والاستاذ كبر اتمنى يتواصل هذا البوست في التدفق الجميل وهذا البوست ليس بأقل من البوستات التي لا تسمن ولا تشبع والتي تستمر الى أرباع وأرباع
لكم مني كل الود والتقدير والى المشاركين بالبوست
03-06-2013, 08:46 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
Quote: ياساتر علينا اتارينا قاعدين مع جدودنا ونحنا ماجايبين خبر!!
........قالوا ال بيلعب مع الجريوات بيخربشّنو ...عملنا الحالة واحدة ..تلقى واحد /ه ..قدر أصغر أولادك ..يلمّوا فيك يا برلوم ..ويا ماعارف أيه كده ...قلنا أخير لينا ناسنا و دفعتنا ...أقلاهو تجد الأحترام ...تحياتي و احترامي
03-06-2013, 11:10 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلام يا باشمهندس الموضوع بدأ مزاح زي ما قلتو لكن اي شي بفوت حدو ببقى غير مقبول و بصراحة الطرفين زوّدوها سواء البتعمّد التصغير من شأن البرالمة و من البرالمة نفسهم برد الفعل الأوفر و الحساسية الزايدة عموما زي ما قلت مرة قبل كدا انو مسألة برالمة دي حدها قريب بقبول الدفعة الجدية لكن ح تنتهي المشكلة بالنسبة للمجموعة الحالية وتنتقل للمجموعة الجديدة لكن اتمنى ان يستفيد الجميع من الدرس و تتوقف حكاية برلوم وسنير طالما جابت ليها مشاعر سلبية لا داعي لها
Quote: طبعاً للشلليات هنا دور .. مؤثر .. ومؤثر بقوة كمان .. ولايفوت ذلكـ على مدقق ومتابع .. فأحياناً ترى مواضيع ذات تناول عميق .. تروح شمار في مرقه .. متهاوية الى دركـ الصفحات السحيقة .. وتطفو بدلاً عنها لغة المجاملات .. وشيلني وأشيلكـ .. هذا ليس تأففاً مني .. فقد رأيت ذلكـ في كافة المنتديات .. التي خبرتنا سنين عددا .. لكن يجب أن يكون سودانيز غير ذلكـ ..
ود القوز يا مدرسة ...
القوز الجابت صاحبي علم الدين ...صحي بطنها ولّاااده ...
ابقي قريب يا زول ... انت فاهم اللعبة تب ...
03-07-2013, 05:53 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ياباشا شوف هنا: Re: التكاسي هشام هباني: أجب على هذه الاسئلة العمر بقى بتاريخ التسجيل فى سودانيزاونلاين وحياتك أنا زعلان عشان طلعت أكبر منك ومن كبر!
يا بله ما كنت دفعتي ...الحصل شنو ؟
شكلك دخلت المدرسة 8 سنين ...
انا خشيت عمري 6 غايتو ... _____________________
قريت اللينك ...
لا تعليق ...
03-07-2013, 06:04 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: استاذي يحي قباني والاستاذ كبر اتمنى يتواصل هذا البوست في التدفق الجميل وهذا البوست ليس بأقل من البوستات التي لا تسمن ولا تشبع والتي تستمر الى أرباع وأرباع
امير يا جميل ...
الناس مقامات ياخي ...
لازم بوستاتهم تمشي ارباع و اخماس ...
يعني القاعد 10 سنوات سنة ( تنطح ) سنة ...
يتساوي مع الجايين اول امس ...ولسه سنون لبنهم ما وقعت !!!
03-07-2013, 06:18 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الود لا يفرض ولكنه يكتسب ... الخوف من التغيير وكل ما هو جديد غريزه انسانية متأصلة فينا.. وخصوصاً عندنا نحن السودانيين فلا تبتئس ياخ.. لم تكن هناك معايير معينة يمنح بموجبها عضو المنبر حق الكتابة في هذا المنبر.. الأمر كان له علاقه بالصدفة المحضة أو مدى علاقتك ببكري أو اصدقائه فقط.. ظللت اقدم لعضوية المنبر منذ العام 2003 وذلك عبر رسائل طلب عضوية لبكري .. ورغم معرفتي بالكثيرين هنا إلا إنني لم أمنح احدهم شرف الامتنان علي بالتوسط لدى بكري لمنحي العضوية ظللت مشاركاً برأي في صفحة المقالات وكنت أوصل رأي عبره الى أن منحني بكري العضوية (بدون واسطه من أحد) .. فشنو سيبك من حكاية والله زمنا كان تولع السيجارة برنجي تطفيها بينسون .. وزمنا كان تخت السفة في الخرطوم تجدعها في القضارف دا ياخ.. أعرف الكثير من الكتاب المميزين خارج المنبر ولو منحتهم العضوية الآن لرفضوها .. ليس زهداً في الكتابة والمساهمة ولكنهم يبتعدون بأنفسهم مما يدور في المنبر من اساءات
ولك التحايا العطره
03-07-2013, 10:31 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
اول مره قبل ايام قريت اول مداخلات وفكرت ارجع بعدها اساهم.. بعدين دخلت الليلة ولقيت نفسي بس بقرا.. لفت نظري تساؤل عن ظن القدامي في البورد بصغر سن العضو الجديد.. فكرت في الإفتراض ولم أفهم ابعاده تماما.. علي كل حال صغر العمر ليس بمقياس في حد ذاته لرفض الآخر بل ما يكتبه هو الفعل المعني بالإهتمام.. وربما تمكنت من أن أكتب بذهن صافي في العمر وإشكالياته في المنبر من نواحي مختلفة..
......... .........
في رأيي أن القبول الاخير جاء بعضوية تعرف بشكل عام المنبر وتفاعلاته وطرق الكتابة به.. بالطبع التعميم المقصود منه العدد الأكبر في العضوية النشطة في الدفعة الأخيرة.. كما أن عديد منهم يتميز بثقة في النفس عبر عنها العديد هنا.. قصة السينير والبرلوم قصة ما قوية للاسباب التي تم ذكرها..
......... .........
المنبر ملك للجميع مادام الجميع عنده العضوية.. وما يرسخ في الذهن هو الكتابات المفيدة والتعامل الإنساني اللطيف.. غير ذلك لا شيء يدوم..
تحياتي لك يا ود قباني وللجميع ..
03-07-2013, 11:27 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
الود لا يفرض ولكنه يكتسب ... الخوف من التغيير وكل ما هو جديد غريزه انسانية متأصلة فينا.. وخصوصاً عندنا نحن السودانيين فلا تبتئس ياخ.
ود البشاري يا صفوة ...
اولا اطمئنك تماما اني لست مبتئسا ... فقد علمني احتراف الهجرة و الاغتراب الكثير ...
رأيت من اتعلم ( شرب الخمر ) وهو في سن الاربعين !!!
و رأيت من تركته زوجته ... مقررة ان حياتها ستكون افضل بدونه ...
و رأيت من طلبت له زوجه ( الشرطة ) فهما منها ان هذه البلاد تُعني بشأن المرأه ...
لا شئ بات يدهشني ...
تعلمنا من ( كبارنا ) ... ان احترام الاخرين لك يؤخذ و ينتزع ...بإحترامك لشخصك ...
وبما تقدمه لللآخرين ...
هنا ...في هذا المنبر ... رأيت ما رأيته ...وايضا ما عاد يدهشني ...
مراكز القوي ... و( القطط السمان ) ... تسيطر علي الموقف ...
يأتي احد ( العتاولة ) كما يظنون ... بموضوع ... لا تنفع معه كل حبوب ( الجرافول ) ... ولا حواشة من ( القرض ) ...
وتجد ( الهتيفة ) و ( المطبلاتية ) ... يهللون ...
وكاني اخال ردودهم كما الجزية المفروضة ... لو لم تؤدي في موعدها ... فالويل ثم الويل ... ________________________________________________________________________ كن بخير يا ود البشاري ...
لم تشفع لنا كتاباتنا الحديثة ... ولا حتي التي كتبناها قديما علي حوائط ابو جنزير بعد الخروج من كلوزيوم ...
Quote: يا سلام يا قباني ياخ رجعت بي لسنين عددا ياخي الناس ديل كنا جيرانم منذ ان كنت في المرحلة الابتدائية مدرسة القوز 2 وعلى فكرة انا دفعة اخوه اسامة والله الدنيا دي ضيقة جنس ضيق . طبعا انا درست في مدرسة القوز 2 لحدي سنة سادسة بس كنا إنتقلنا لمدينة الصحافة وكنا بننزل في محطة اليافطة ومن هناك دغري للمدرسة ياخي والله ذكريات تقشعر منها الابدان ... لكن امسك في جمال ود القوز اكيد بوصلك ليهو
هاشم خلف الله يا زول يا فنان ...
ذكرياتي مع علم الدين ايام الجامعة لا تحصي و لا تعد ...
وانشالله ود القوز بيلمني فوقو ...
علم صاحب ابتسامة تريح القلوب ... انسان نضيف ...
03-08-2013, 04:57 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا سلام يا قباني ياخ رجعت بي لسنين عددا ياخي الناس ديل كنا جيرانم منذ ان كنت في المرحلة الابتدائية مدرسة القوز 2 وعلى فكرة انا دفعة اخوه اسامة والله الدنيا دي ضيقة جنس ضيق . طبعا انا درست في مدرسة القوز 2 لحدي سنة سادسة بس كنا إنتقلنا لمدينة الصحافة وكنا بننزل في محطة اليافطة ومن هناك دغري للمدرسة ياخي والله ذكريات تقشعر منها الابدان ... لكن امسك في جمال ود القوز اكيد بوصلك ليهو قبل 6 سنة كان معانا هنا في الرياض إبن خالة علم الدين .. الملقب بابو سحابة اظنك بتعرفو برضو اسمه عبدالناصر
هاشم ياحبيبنا .. أخباركـ يارجل .. والله مشتاقين شديد ..
03-09-2013, 10:53 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
رغم انو صاحبها بدل ما يمشي ( الدبلوسي ) علي راي صاحبنا ( جِلّي ) ... جا عملها هنا في المنبر علي شكل موضوع ...
مرات تشوف انو بعض ( الرادين ) فيها ... زى المجبورين ... ( يتنحنح ) ... و يرد
فتحس انو صاحب البوست رسل ليهم رسالة في الخاص ( يلكزهم ) ...انو يجبروا بي خاطرو ...
و في بعض ( الرادين ) ...رغم ( سَفْهْ ) صاحب البوست ليهم ...الا انهم متحملين ورادين ...
نظام من جاور السعيد يسعد ... ( بالمناسبة كلمة ( سَفْهْ) الفوق دي فيها ( سكونين ) واحده فوق الفاء وواحده فوق الهاء ...مش مبالغه !!! اقصد ( موبالغة ) ...
رغم انو صاحبها بدل ما يمشي ( الدبلوسي ) علي راي صاحبنا ( جِلّي ) ... جا عملها هنا في المنبر علي شكل موضوع ...
مرات تشوف انو بعض ( الرادين ) فيها ... زى المجبورين ... ( يتنحنح ) ... و يرد
فتحس انو صاحب البوست رسل ليهم رسالة في الخاص ( يلكزهم ) ...انو يجبروا بي خاطرو ...
و في بعض ( الرادين ) ...رغم ( سَفْهْ ) صاحب البوست ليهم ...الا انهم متحملين ورادين ...
نظام من جاور السعيد يسعد ... ( بالمناسبة كلمة ( سَفْهْ) الفوق دي فيها ( سكونين ) واحده فوق الفاء وواحده فوق الهاء ...مش مبالغه !!! اقصد ( موبالغة ) ...
غايتوا حب الناس مذاهب ... وفي ناس كده بتحب تكون ( توابع ) ...
مع انو التبيعة بياكلوها الكدايس في السودان ... ________________________________________________ بصراحة ...ذكرتوني نكتة العملها فيكم بالغ ...
الاخ يحيي سلام يا حبيب طبعا نحن دفعه في المنبر وكلامك ده صاح لاحظت انه ما نكتب نحن لا يجد صدي مش لانه ما عنده موضوع ولا لانه ركيك لكن لانه من ( قريعتي.....)
03-10-2013, 05:18 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
فكرت أن "البرالمة" لهم بعض من تفوق علي "السناير"..
لأنهم كانوا بيقروا المنبر-كما يقول أغلبهم- وعلي معرفة بمواضيع المنبر وبالتالي بما يكتبها بينما العضوية القديمة لا تعرف عن العضوية الجديدة الا ما قالوه عن نفسهم.. وهذا في رأيي مكسب يزيدهم معرفة عن العضوية القديمة..
........ ........
قرأت عدة موضوعات وتعليقات من العضوية الجديدة ولم أشعر بغربة فيها أو حتي جال بظني المقارنة بينهم وبين العضوية القديمة..
تقديري..
03-10-2013, 10:00 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: الاخ يحيي سلام يا حبيب طبعا نحن دفعه في المنبر وكلامك ده صاح لاحظت انه ما نكتب نحن لا يجد صدي مش لانه ما عنده موضوع ولا لانه ركيك لكن لانه من ( قريعتي.....)
محمد حسن ( الرومانسي )
مشتاقين يا دفعة ...
ما عليك يا جميل ... القصة لو بالاقدمية ...
كان ( حمودة ) بقي مدير الجامعة ...
03-11-2013, 01:46 AM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
لو كل الرجال اصبحوا رجل واحد ولو كل الفؤوس اصبحوا فأس واحد ولو كل الاشجار اصبحت شجرة واحدة ولو كل البحيرات اصبحت بحيرة واحدة ثم امسك الرجل الواحد بالفأس الواحد وضرب الشجرة الواحدة و سقطت الشجرة الواحدة في البحيرة الواحدة اكيد حتحصل طرطشة كبيرة اوى.......اوى.........اوى
مالي آري بعض الأموات ... يستيقظون
ياخوانا موتوا موتكم ... مافي شئ يستدعي
03-12-2013, 12:47 PM
Kabar Kabar
تاريخ التسجيل: 11-26-2002
مجموع المشاركات: 18537
و يا يحي ، سؤال غبي و عابر يااااااخ ، انت وين من استاذنا عبد الكريم قباني؟.. باقي ، يوم زرت السودان ، بعد طلطاشر سنة في نوفمبر 2012، قام استاذي و صديقي عبد الرحمن بليا (فنان تشكيلي من الدلنج ، و ترعرع في حي كوبر ، اي و الله نفس الحي القام فيهو عمك واحد اسمو عمر البشير.!!!) ، اهداني برنامج توثيقي عن تجربته الفنية ، و كان الراوي فيهو استاذنا عبد الكريم...!!!! المهم ، على قول تبارك ، سناير الغفلة ، يا يحي ، مرقونا في اطرقا عراض ياااااااخ..!!!! تكون بتسمع في ابراهيم عوض ..ليل نهار...و لمن تخش المنبر.. تلقى الموضوع بقى ابيض و اسود (ما عارف العالم دي بتقطع الألوان دي من وين بالظبط)...و يطلع عمك الفنان الذري ابراهيم عوض .. فنان جلابي ساكت ، من حي العرب امدرمان ، و عشان انتا مهمش من الدلنج و كده.. لو قمت اعلنت انك بتسمع للزول ده.. تبقى انت ذنجي كاره لذاتو ، و رمادي ، و خاتف لونين..و الذي منو!!!!.. شفت يا يحي ، نحن ضعنا قدر شنو يا عم...!!!
زمان يا يحي ، لمن كنت طالب في كلية القانون جامعة الخرتوم.. عملت حركة كده..و قلت الود لازم يطلع حاجة كده مختلفة ، و كنت وقتها.. السكرتير الثقافي لجمعية طلاب و طالبات كلية القانون بجامعة الخرتوم.. اها قلت ياخي الواحد يطلع من طورو.. و يعمل حاجة لم تحدث من قبل...اها في الأسبوع الثقافي... حلفت باليمين اجيب ليهم فنان من مدني اسمو (فتــــــاح السقيد)...و الناس تشيل و تسال: ياخي انتا راعي بقر غرابي ساكت.. شن عرفك بي ناس مدني يا اااخ؟!!!! في نفس الأسبوع ، يا يحي ، غنا فتاح ( لأنو على السقيد حلف بالتقطعوا ما يغني لينا في اسبوعنا الثقافي..!!!)...و غنا فنان الفنانين السودانين ،و النخبة ذاتا ، و اسمو عمك العاقب محمد الحسن..!!!!..و جبنا ناس الهيلاهوب بقيادة شاب صغنوني كده اسمو طارق اللمين..!!! (و اهلنا قالوا ، كضاب الما عندو شهيد ، و انا شهيدي على الكلام ده عضو البورد زميلي و صديقي الظريف عثمان دغيس ، و الرجل فنان بمعنى الكلمة .. غايتو دغيس ده ، يا يحي ، عندي ، لا يقل شأوا من الموصلي و احمد باص و الفاتح حسين في ذات نفسو..!!!!)...
في يوم من الأيام ، يا يحي ، فتحت بوست تنبيه ، لناس سودانيز اونلاين.. عشان تنتبه لناس الأصول... لأنو اكتشفت ان غنية (العزيزة ن بتاعة سعد الدين ابراهيم)..ناس كتير فاكراها بتاعة الطيب مدثر...ده اذا ما مرق فيك زول و طلعك جاهل ساكت.. انو الغنية بتاعة محمود عبد العزيز...و اهديت البوست.. لصديقتي الجميلة ..دكتور اشراقة مصطفى حامد..و قريبي المستهبل.. علاء منصور (تمبس)...و ده كلو مش مهم.. لكن المهم... اكتشفت انو بعد سنتين قاموا ناس قنوات التلفزيون السودانية.. انتبهوا ليك للفنان فتحي حسين..و نفضوا الغبار عنو.. الراجل ظهر في اخر هندام..و من عجب انو بعض من اغنياتو كان بيرددها فنان عظيم اسمو الهادي حامد (و الغريبة ناس البورد..واحد فيهم يقول ليك محمود عبد العزيز اتاثر بالهادي حامد...!!!.. صحيح حيدر بورتسودان (دي ليك يا يحي) ردد غنا الهادي حامد ، و محمود عبد العزيز ردد غنا الهادي حامد..و الهادي حامد ردد غنا فتحي حسين.. اها منو المؤثر في التاني؟.. الأصل عندي فتحي).. شرحو...!!! ياناس القنوات السودانية.. ناس مدني سمحين تب و مافيهم كلام..و عمر جعفر فنان اسكت ساكت خليهو... لكن..! هل هناك امكانية تفتشو فنان مدني الأول فتـــــــاح السقيد؟.. ياخي ان شاء الله نقول ليهو كيفك يا زول و عساك طيب يا زول يا فنان..!!! و لو سمعنا صوت مذيعة اذاعة ود مدني الأستاذة (الشــّفة)...سلنقى الرب و نحن راضون.. و الله صحي..!!!! و الى صديقاتي .. أي و الله صديقاتي عديييل كده .. المتناثرات في سموات الذاكرة ارواحا شفيفه ، و اجسادا في جغرافيا المكان: في هولندا.. في لندن.. في سنار.. في الدلنج..ليكن كل المحبة.. و انا واالله سعيد للغاية.. بس ياريتكن كلكن سعيدات زي سعادتي دي..!! و زي ما قالت فيكن واحدة ، لمن قلت ليها قاعد اسمع ابراهيم عوض ، و قالت لي دي ردة ذوق ما بعدها ردة.. ح اقول ليها و اقول ليكن كلكن..: ما باصرح يوم باسمو.. ما بقول للناس ده مين اخشى انو يجيبوا سيرتو..ويحكوا عنو في حكي حين ما بوري الناس حكايتو ، و حياتو في كلمتين.. بعت العمر عشان حياتو ، و باقي العمر على دين..!!! ما بقدر ابوح ، انا ما قادر اصرح..!!!!
و قريباتي..ياني ياني نفس الزول الزمان.. الإتقاسم معاكن نبضات دراما سعد الدين ابراهيم..و غنيات عبد العال السيد ( من زمن ناس يا زهرة السوسن).. و كنت سعيد لمن و يوم سمعت عبد الله محمد في سنة 2011 بيغني
لأ.. ما بنقدر نغير في الأيام سجية محسوبات علينا ، مرة و هنية..!!!
عيييييييك ...! نبضة السكة ، خطوة مهما طال طريقا.. مهما الشك تجمع ، من حول الحقيقة..!
و برضو ، الريدة الأكيدة ، تفصل هي هي..!
و جمال القوز يشيل و يقول ليك اندياح؟.. اندياح شنو يااااخ؟ ده نزيف بالباب العديل..!!! و يحي قباني و بابكر قدور.. ماعافي ليكم دنيا و اخرة... و ان شاء الله في كل خطوة يعتر ليكم جمال ملفوف في ورقة محبة.. يطلع عينكم ذاتو..!!!!!
كبر
03-12-2013, 04:43 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: و جمال القوز يشيل و يقول ليك اندياح؟.. اندياح شنو يااااخ؟ ده نزيف بالباب العديل..!!! و يحي قباني و بابكر قدور.. ماعافي ليكم دنيا و اخرة... و ان شاء الله في كل خطوة يعتر ليكم جمال ملفوف في ورقة محبة.. يطلع عينكم ذاتو..!!!!!
يأخ البوست ده بقى حاجة مامعقوله .. وبقى ماخد شكل قون في التمنيات عديل كده .. يا كبروياقباني وياقدور .. ما اندى هذا النزف الاندياحي .. فبكل جلاء أسمع عجلة الزمن تصر وتئن .. تحت وطأة وثقل الاندياح الذكرياتي المسكوب هاهنا ..
03-12-2013, 05:32 PM
أمير محمد ادريس أمير محمد ادريس
تاريخ التسجيل: 01-17-2013
مجموع المشاركات: 1248
Quote: وبدأ (بعض سناير الغفلة ) في التذمر ... والمحاولات الفاشله في ( التضقيل ) ...ورأينا ما رأينا من سباب ... و اوصاف ... لم نستغربها ...
اهلنا ناس الغرب عندهم مثل بيقول (الداير يقول النصيحة يكبِّر عكَّازو) فما ذكرت يا اخي عن السنيرة الجوفاء هو عين الحق رضىَ بعض الناس بذلك ام ابوا. فهذا مظهر من مظاهر رفض الجديد، وربما احساس عند البعض بعدم الثقة في انفسهم. هذا يذكرني بالذي عاناه خريجو الجامعات من رؤسائهم الرانكرز في الخدمة العامة لعقود من القرن المنصرم. فاذا كان تناول البرلمة من باب الدعابة والتلطف فلا ضير. ليست هنالك حاجة الى تأكيد الحقيقة التي سطَّرها عنوان البوست، فهي تتحدث عن نفسها. لقد فتح الاخ محمد كابيلا من قبل بوستاً عن شلليات المنبر وتكتلاته وامَّن الكثير من الاعضاء على ذلك.
فيا عزيزي، اترك الهتيفه والطبالين لما ارتضوه لانفسهم، وركِّز جهدك مع الذين لهم ما يقدمونه وتحركهم اهمية المواضيع لا الاسماء وتواريخ التسجيل.
الحفلة رابة والشباب مبسوطين والعمدة واحد .. وفنانة خضر بشير متجلى وبمزاج بغنى . اخى الصنديد يحى قبانى من جد النحل بطن وسط الشذى والجمال .. بس العسل هنا ....ومن هنا البداية تجدنى اعانق احرفك ومن زمن المتاوقة والحنية .
اخوك دفعتك والله قريت وقت الجلابية والعمة والمدونة ؟.... وبرضو اسمى برلم ... حسيتنى بعرفك من زمن لسع وبى بطلة جمال حروف ناس كبر وجمال القوز ووو والزميلة منى خوجلى من منبر الراكوبة تاكدت انى فى صحبة ناس حلوين والفهم عندهم مش ناس ديك ....
غايتو انا بعتبرك الاب الروحى لنا نحن البرالمة ....
Quote: تكون بتسمع في ابراهيم عوض ..ليل نهار...و لمن تخش المنبر.. تلقى الموضوع بقى ابيض و اسود (ما عارف العالم دي بتقطع الألوان دي من وين بالظبط)...و يطلع عمك الفنان الذري ابراهيم عوض .. فنان جلابي ساكت ، من حي العرب امدرمان ، و عشان انتا مهمش من الدلنج و كده.. لو قمت اعلنت انك بتسمع للزول ده.. تبقى انت ذنجي كاره لذاتو ، و رمادي ، و خاتف لونين..و الذي منو!!!!.. شفت يا يحي ، نحن ضعنا قدر شنو يا عم...!!!
حبيبنا كبر ...
انا عندي قناعة تامة ... زي ما رديت علي موضوع كاريكاتير عمر دفع الله...
انو التفريق من اجل سيادة ( الإنقاذ ) مدروس بعناية فائقة ...
زيو و زي التخويف بالدين ... مدروس بعناية ....
و زيو و زي التجهيل ... البهدلو بيهو الشباب في مناهجهم الدراسية ...
ديل خلونا نمسك في القشور ... ونتحسس من اشياء كانت لا تسمن و لا تغني من جوع ...
الباقي علينا يا كبر ... بي يدنا دي ممكن نرفض ... وبي يدنا دي ممكن نعيد الكان ...
ياخي ... عمرنا ماشفنا الانسان من خلال لونه و لا اصله و لا فصله ...
لكن ناس فرق تسد عملوها فينا ... الواحد بقي لما يكتب كلام ...
يصحح الاخطاء الاملائية ... ويقرا الكلام عشرين مرة ...خوفا من الاخطاء ( العنصرية ) ...
Quote: غنا فتاح ( لأنو على السقيد حلف بالتقطعوا ما يغني لينا في اسبوعنا الثقافي..!!!)...
علي السقيد فنان لا يشق له غبار ... وهو صديق حميم اعتز و افخر بي صداقته ... وفي اعتقادي انو
احسن من غني الحقيبة بعد اسيادها ... وعلي بيمتاز بمخارج حروف تخوف عديل كده ده ...
فتاح هو شقيق علي السقيد ... وغنااااي ... شديد
والاتنين بيتنافسوا في عدم الظهور ... مقلين مقلين مقلين ...
كدي اسمع علي السقيد في تحفة ابوصلاح لحظك الجراح
ولي عودة لي مداخلتك الجعيصة الخلتني اتضرع دي ...
03-13-2013, 00:23 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يأخ البوست ده بقى حاجة مامعقوله .. وبقى ماخد شكل قون في التمنيات عديل كده .. يا كبروياقباني وياقدور .. ما اندى هذا النزف الاندياحي .. فبكل جلاء أسمع عجلة الزمن تصر وتئن .. تحت وطأة وثقل الاندياح الذكرياتي المسكوب هاهنا ..
ود القوز ... ياخي الحرف كان فاتك ...ما بجينا ...
والله اني عشقت كل ما تكتبه ... و اجمل ما في احساسي بصدقك ... وجميل دواخلك ...
اني اري فيك صديقي الرائع باشمهندس علم الدين الهادي ...
فأتيقن ان السر ليس صدفة ...انما السر في تلك البقعة السحرية التي تدعي القوز ...
حفظك الله ... وجعل قلمك مدرارا يا فنان ...
انا زاتي احب القوز ... واتدردق في الرميلة ...
03-13-2013, 05:14 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: فما ذكرت يا اخي عن السنيرة الجوفاء هو عين الحق رضىَ بعض الناس بذلك ام ابوا. فهذا مظهر من مظاهر رفض الجديد، وربما احساس عند البعض بعدم الثقة في انفسهم.
الاخ الجميل عثمان دنقس ...
في حدق العيون .. وعلي هامات الرؤوس نحمل وصيتك ...
تسلم علي طيب كلماتك يا بديع ...
03-13-2013, 05:18 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: في يوم من الأيام ، يا يحي ، فتحت بوست تنبيه ، لناس سودانيز اونلاين.. عشان تنتبه لناس الأصول... لأنو اكتشفت ان غنية (العزيزة ن بتاعة سعد الدين ابراهيم)..ناس كتير فاكراها بتاعة الطيب مدثر...ده اذا ما مرق فيك زول و طلعك جاهل ساكت.. انو الغنية بتاعة محمود عبد العزيز...و اهديت البوست.. لصديقتي الجميلة ..دكتور اشراقة مصطفى حامد..و قريبي المستهبل.. علاء منصور (تمبس)...و ده كلو مش مهم.. لكن المهم... اكتشفت انو بعد سنتين قاموا ناس قنوات التلفزيون السودانية.. انتبهوا ليك للفنان فتحي حسين..و نفضوا الغبار عنو.. الراجل ظهر في اخر هندام..و من عجب انو بعض من اغنياتو كان بيرددها فنان عظيم اسمو الهادي حامد (و الغريبة ناس البورد..واحد فيهم يقول ليك محمود عبد العزيز اتاثر بالهادي حامد...!!!.. صحيح حيدر بورتسودان (دي ليك يا يحي) ردد غنا الهادي حامد ، و محمود عبد العزيز ردد غنا الهادي حامد..و الهادي حامد ردد غنا فتحي حسين.. اها منو المؤثر في التاني؟.. الأصل عندي فتحي)..
Quote: ود القوز ... ياخي الحرف كان فاتك ...ما بجينا ...
والله اني عشقت كل ما تكتبه ... و اجمل ما في احساسي بصدقك ... وجميل دواخلك ...
اني اري فيك صديقي الرائع باشمهندس علم الدين الهادي ...
فأتيقن ان السر ليس صدفة ...انما السر في تلك البقعة السحرية التي تدعي القوز ...
حفظك الله ... وجعل قلمك مدرارا يا فنان ...
انا زاتي احب القوز ... واتدردق في الرميلة ...
القلوب شواهد ياقباني يا أخوي .. وللتاريخ ومنذ مجيئي الى هذي الديار .. لم يعجبني بوست كما هذا .. تحس بالتخمه وإنت تتنقل بين سطوره .. من كثرة مافيه من دسم معارفي وذكرياتي .. ولحرفكـ ياقباني أناقة غير معهودة .. فأكتبني من ضمن معجبي هذا الحرف الفخيم .. وصدقني .. الاناقة قاسم مشتركـ .. بين حرفكـ وذاكـ الصديق الذي يبهجني احتفاءكـ به .. فعلم الدين اسم على مسمى .. ويحمل كل دلالات هذا الاسم .. مشكور شديد ..
03-14-2013, 03:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: القلوب شواهد ياقباني يا أخوي .. وللتاريخ ومنذ مجيئي الى هذي الديار .. لم يعجبني بوست كما هذا .. تحس بالتخمه وإنت تتنقل بين سطوره .. من كثرة مافيه من دسم معارفي وذكرياتي .. ولحرفكـ ياقباني أناقة غير معهودة .. فأكتبني من ضمن معجبي هذا الحرف الفخيم .. وصدقني .. الاناقة قاسم مشتركـ .. بين حرفكـ وذاكـ الصديق الذي يبهجني احتفاءكـ به .. فعلم الدين اسم على مسمى .. ويحمل كل دلالات هذا الاسم .. مشكور شديد ..
لك من الود أقصاه ...
انت و الحبيب علم الدين الهادي ...
و لك شكري ياخي علي الاطراء الذى يأتي من شخص
حباه الله بموهبة السرد و تنميق الحرف ...
فخور بمعرفتك ...
03-14-2013, 04:47 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
كتر خير الأصدقاء..جميلة.. امير.. جمال.. يحي..و بقية من يتابع هذا الخيط الوسيم.. كتر خيرك يا يحي على هذه الفيديوهات..و استاذننا عبد الكريم من الأصوات التي علقت بالذاكرة.. يا اخوي نحن ناس قدام..محاسن سيف الدين.. اسراء زين العابدين... محمد الكبير الكتبي.. احمد سليمان ضو البيت..عبد الكريم قباني.. و استاذنا محمد حمادة الورداني...و اسماء كثيرة.. حينما نذكرها اليوم.. ح تقوم الناس تنط ليك في حلقك.. تقول ليك انتو بتجيبوا الأسامي دي من وين..و لكن ياهو جزء من بعض وجداننا..صحيح نحن ناس خلا رعاوية ساكت.. لكن السمح بيعجب الله..و الأصوات دي سمحة تب..
بعد اذنك يا يحي..و اذن الشباب هنا.. نهدي المادة التالية.. للصديقة جميلة..و الأصدقاء امير..و جمال..و اهلنا زمان بيقولوا الكلام المكتوب ممكن يعبر عن سيدو.. لكن كمان مرات الصورة و الصوت بيعملوا فرق كبير..و اكيد الشباب ديل لمن يشوفوا عمهم كبر صورة و صوت.. ح يقوموا و يشهقوا ويقولوا ليك : بالله...ياهو ده؟..
و يا يحي.. اجمل ما في هذا العمل ..و هو شغل هواة ساكت.. أنو في لحظة الواحد قالد استاذنا محمد المكي ابراهيم (يعني لو الواحد داير يكتب سيرة ذاتية ح يقول للخلق.. محمد المكي قالدني في هذه اللحظة).. التحية لصديقنا و عضو المنبر.. استاذنا النصري امين..و هو الذي قام بتسجيل العمل و نشره في اليوتوب..و لو الفيديو فتح مع الناس.. النصري يا هوالزول البيقول (كلنا سافرنا في القطر يا كبر.. لكن ملح ساكت)..!!!! بالنسبة لي.. لازلت اتمسك بالإدعاء الذي قلته في المداخلة (الزول السوداني ، تعيد صياغتو لي شنو.. خلي لينا كده ياااخ)..! اتمنى انو المادة تعجبكم..و كده..و لي قدام نجيب تداعيات اخرى..و يا يحي : غيرت رأيك في سناير الغفلة ولا لسه؟..
فكرة التواصل.. و هنا عندنا موازية لفكرة النقد.. عملنا منها بعض الحاجات منشورة في المنبر..و هي اتجاهنا في التعامل مع الأعمال الإبداعية ( لوحة..شعر.. قصة قصيرة.. رواية .. الخ) و شرحنا الفكرة في اعمال سابقة..و هي عندنا اكثر حميمية من فكرة النقد الجاف..و كنا ننوي ان نعمل منها سلسلة طويلة.. لكن المشاغل و المشاكل.ز دوما تقعدنا..و نوعد اننا سوف نواصل في النهج... و دمتم جميعا..
كبر
03-20-2013, 10:20 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
كان فيما مضى للقطر طعم خاص .. كنا نهرع اليه صباح مساء وهو على مشارف الخرطوم .. فما اندى متابعة طقطقات حركة عبوره .. على فواصل القضيب في تقاطعاتها مع الفلنكات .. .. وهي تشدو بكل ذاكـ اللحن المتناغم المدوزن .. الذي لامجال فيه لنشاز ... فنقف نتابعة ونحن ممتلئين بالاندهاش .. وهو يلفظ أنفاسه الأخيرة قبيل بلوغه المحطة الرئيسية ... أسفل كبري الحرية .. كانت لنا الكثير من الذكريات الجميلة معه .. كنا ونحن صغارا نركض خلفه الى قبيل غابة السنط .. فتاره نضع الابره في مساره معتقدين بانها قد تقلبه .. وتاره اخرى نتشعبط في العربات الاخيره .. لنلتقط منها ما تطاله ايدينا الغضه .. وحين يتعبنا الجري وراءه .. كنا نتحلق حول العربات الفارغة التي تقف بمحاذاة غابة السنط .. ونتجول فيها .. لنكتشف ما بداخلها .. ونلتهم ما تبقى فيها من بقايا سمسم متناثر .. ثم نطفق عائدين الى منازلنا بعد أن هدنا التعب .. جراء الجري وراء هذا القطر الجميل ..
الذي يملؤكـ بالحسرة هو هذا الاهمال المقيت.. الذي لحق بهذا القطار ومؤسساته .. فباتت خرائب ينعق فيها البوم وأمست قاعا سفسطا .. بعد ان تم بيع باحاتها .. وطالتها أيدي الفساد .. وتلكـ الأفكار التي تجعل لكل شئ قيمة هي برسم البيع .. متناسين أن هناكـ أشياء لا تقدر بثمن .. ثم بعد خراب مالطا بتنا نسمع دعاوى تسخر من ما كنا نعتقده .. في جدوى وأهمية هذا القطار .. من هي على شاكله لا بديل .. للسكة حديد إلا السكة حديد .. وكأنهم قد اكتشفوا الذره يأخ ..
مشكور على شكركـ لنا بمتابعة هذا السرد الحكاياتي المشوق .. فلا زال فينا بقايا من مواطن استشراف مواقع الجمال .. بعد أن عبثت بعقولنا كل هذه البضاعة المزجاة في الاسافير .. والتي قطعاً لا تصلح للاستهلاكـ العقلاني الرشيد .. واصلوا أنت وحبيبنا قباني .. ونحن لا شكـ من على شرفات هذه الروعة التي تنثرونها هاهنا .. مطلون .. وحيناً آخر مشاركين ..
تابعنا سردكـ صوت وصورة .. بعد أن قابلناكـ هنا حرفاً يضج بالروعة .. فمشكور على هذه القصيدة التي تجسد .. رحلة قطار الغرب .. وترسمها لوحة ومشهد .. مكلل بالاندهاش ..
ففي السفر سبع فوائد .. ولا شكـ أن في السفر بالقطار ما يتجاوز ذلكـ .. دمتم جميعاً ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
مجاهد محمد الهادي
حبيب نورة
Kabar
HAIDER ALZAIN
أمير محمد ادريس
مها عبدالمنعم
Balla Musa
محمد محمود محمد
جمال ود القوز
ناذر محمد الخليفة
بابكر قدور
أيمن التوم حسن
هاشم أحمد خلف الله
garjah
محمد البشرى الخضر
الامين موسى البشاري
Muna Khugali
محمد حسن محمد ادم
حسين نوباتيا
جميلة ابراهيم السيد
Osman Dongos
عبداللطيف شريف على
فيس بوك
تويتر
انستقرام
يوتيوب
بنتيريست