|
|
 يا جماعة عن أذنكم .... مـــمكن ؟؟
|
أنا عايز
للزول ده
انا برلوم وما عندى شله هنا
بقول يعنى بدل ما الواحد يصاحب
ناس ود جبرين وشلتو العجيبة ديك
احسن نصاحب أبو نضترات ده
وحات سيدى الحسن اليلم فيهو ود جبرين
المسحوت ده بلحقو امات طه ...
|
|
  
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: Mahir Mohammed Salih)
|
| Quote: يا زول كسر ساااااااااكت ،، حاسب بس ما تفلت تلجاية تعورك كده والله كده |
هذا السينير أشك فى نواياه ...
ربما كان هارشا من اب نضارات ..
ربما ..على كل سننظر لك بعين
الاعتبار عندما نمتن العلاقه مع هندسه
بالمناسبه ( هندسة ) دى برضو داخله فى
برنامج كسير التلج ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: طارق جبريل)
|
اها جيت ....؟
وحات سيدى الحسن قايلك نايم وما عارف الكلام حار بجيك ..
زمان البنات كانوا عندهم غنوة بتفول .. أريتو أب صلعة طاير
يشرب فى السجاير .... هيهيّا ... زمن جميل بشكل ...
الان اب صلعة بقى البنات كلهم يحبوهو وخسوسا فى البلد
اللتنا دى ..
بذكر أول ما جيت جديد لقيت ليك الجكس هنا كلو متكبى
رز فى أبو صلعة وانا عندى تفى (تفه) جاي بيها من البلد
فرحان .. وحات سيدى الحسن لقيت ليك الجكس شدة ما
متجاهلنى بعاين لى بى طرف عينو متل التكنك مكجنى
قمت مشيت الحلاق ودفعت من حر مالى سته دولارات
وبى انقليزى يطمم البطن قتلو ( بليز كان يو كط ماى هد
نمبر ون )؟
الحلاق استغرب وقعد يبحلق فينى ... جانى واحد سودانى
ود حلال اتكلم مع الحلاق بى انقليزى زى البسكويت
المتبننو فى الشاى ..
بعد الحلاقه عاينت فى رويسى وحات سيدى الحسن بقى
لى زى كرورة الدومى الماكلاها العرضة .. جنس حفر فى
الراس .. شوال اسمنت ما يساويه ...
بعداك بى كم يوم عرفت الواحد لو داير يستعمل الحمام
بقول ( نمبر ون ) او ( نمبر تو ) حسب ما تستدعيك الحاله
والموقف . المهم الصلعة ما ظبطط معاى ..
علا انت يا بطليموس الصلعة ما عندك .. كان جيت هنا
تعمل لينا ازمة وفى ذات الرواية تعمل شح فى الموارد
الانسانية اللطيفة ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: امجد محمد الأمين)
|
Quote:
كسر كما يحلو لك ..
الكسار عمل لي شله كبيرة في سودانيز اون لاين .. |
اى كدا يا السناير خليكم مع اللعبة الحلوة والتشجيع واجب وطنى
ما تعملوا لينا احباط زى ود جبرين ده .. تمشى حيطو يقول ليك قوم لف
يجيك هنا يقول ليك سيئه وشنو ما عارف ... لكن ليك على امرق من هنا امش
اشخبتلو حيطو ..
اى يا امجد ياخى راعى حرمانى واخشى عامل البرلمة
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق عز الدين)
|
| Quote: الصرااااحة ............. رااااااااااااااااااااااااحة باااااااااااااااااااااااااااااااال |
شنو يا دفعة انت دافن كادوك هنا ولّه شنو ؟
كل ما أحاول أرد عليك القى نفسى فى الشارع...
تخيل الموقف ده اتكرر معاى تلاته مرات ..
حركاتك دى امشى أعملا لى ناس ود جبرين وشلتو
ما معاى يادفعة ياخى .. بتبالغ ..
قلت لى فنانك المفضل ود اللمين ؟؟ امال البسمع الحوت منو ؟
مع احترامى لى ود اللمين وبالمناسبة بحبو جداً علا محمود الله يرحمو
وحات سيدى الحسن ما سمعت غناهو الا يوم موتو .. عمك جلك يا الصادق
وبما انك ود صغير ويادوبك فى عمر الزهور فبالله ما تضايقنا فى ود اللمين ياخى
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: طلحة عبدالله)
|
Quote: هلا والله بالصادق سيكا .
إتا أخو عباس سيكا ؟ |
طلحة يا حبيب منور يا بيه
اوعى يكون الزول الجمبك قال ليك فى علاقه بينى وبين عباس سيكا ؟؟
تصدق مابعرفو .. لكن احتمال يطلع من شجرة العائلة المباركة ..
اصلن فروعها مشربكة مالى الدنيا .. لكن عادى ممكن اتلبط فيهو..
زمان يا طلحة كنت فى التدريب اليل البوليس كان فى لواء فى البوليس
اسمو عبداللطيف ابوساطور كان زول صعب .. ما بقرب لى نهائى
كنت لما التدريب يسخن معاى أمشى للتعلمجى أقول ليهو خالى
عبداللطيف قال لى كلم التعلمجى خليهو يديك اذن انا دايرك ..
فالتعلمجى يقوم يدينى اذن تلاته يوم .. امشى الف فى الحلة اقشر
بالصلعة نظام الود جنابو وكده .. المهم ( ما بتاعت تبارك ديك)
التعلمجية كلهم بقوا ينادونى بى يا ود اللواء ومن يوم داك انا بحب اللبط
جدا وخسوسا لو الزول مسعول كبير ..
فياخى ياريت تكلم الزول الجمبك ده يعرفنى بى عباس حتى لو طلع
وكيل عريف برضو حاجة ما ساهلة اليومين ديل
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: صلاح أبودية)
|
Quote: أهلين سيكا
إستعجلت فى كسير التلج !
كان تخليهو لمن الطوبة تقع فى المعطوبة !!! |
ود ابو ديه يا حبيب ليه الحقد السنيرى ده ياخى ؟
ياخى انا اتحصب الله مالى ومال الطوب ياخى ؟
بعدين انا اصلى ما متوقع ده يحصل منك بما انى من معجبى
الراحل المقيم خالك ابراهيم ابو ديه ربنا يرحمو كنت مفتكر
انت بالذات اول واحد يقيف معاى .. عموما مرحب بيك ياخى
ومنور
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق سيكا)
|
Quote: ود ابو ديه يا حبيب ليه الحقد السنيرى ده ياخى ؟
ياخى انا اتحصب الله مالى ومال الطوب ياخى ؟
بعدين انا اصلى ما متوقع ده يحصل منك بما انى من معجبى
الراحل المقيم خالك ابراهيم ابو ديه ربنا يرحمو كنت مفتكر
انت بالذات اول واحد يقيف معاى |
والله أنا نصحتك غايتو ..
بعدين بتكوس للتلج ده بتلقاهو كلو ساح !
والله أنا متضامن معاك فى كسير التلج بس مختلف معاك فى التوقيت !
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: صلاح أبودية)
|
Quote: والله أنا نصحتك غايتو ..
بعدين بتكوس للتلج ده بتلقاهو كلو ساح !
والله أنا متضامن معاك فى كسير التلج بس مختلف معاك فى التوقيت ! |
بما انو من صوتك التخين ده شكلك مضامن معاى يا ود ابوديه لكن ما متأكد
لآنو الكاب بتاعك ده مضارينى .. لكن حسستنى انو الموقف متأزم شوية بحكاية
التوقيت دى والغريبة انحنا راعينا فيها فروقات الوقت بالنسبة للاقاليم ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: محمد حيدر المشرف)
|
Quote: ...
هسع بكره بعد بكره بكرى يديهو مكتبه ..
وقيقراوى ما زال -وسيكون- أباطو والنجم !! |
اها شفت يا جمال ود القوز شايف حسادة السناير ديل...؟
يعنى يا ود المشرف دايرنى أقعد بلا مكتبة هنا ..؟؟؟
ناس البلد يقولوا على شنو ؟؟ سيكا بكرى ما أداهو مكتبه ؟؟
يعنى بعد قرابة الاسبوعين خدمة فى سودانيز أطلع ما عندى مكتبه ؟؟
انفضح أنا وسط البنات ..؟
لكن يا ود المشرف بتبالع .. مع انك من الطبقة المستنيرة هنا فمفروض
تقيف مع الغلابة والمسحوقين من البرالمة ..
بالمناسبة يا ود المشرف لما تكون متصالح مع نفسك بتكب حلاة حروف
هنا وبى فهم تدى ربك العجب .. بريدك ياخ
لكن صاحبك قيقا ده اباطو ملايان ومدكن شايفو قبل يومين عندو احتفال
قلت امشى عليه لكن للاسف ما كان عندى حق المواصلات
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق سيكا)
|
أحتمال ما أقدر أرد عليكم لأنى معزوم غداء مع الباشمهندس بكرى .. فاعذرونى
.....
قلت ليك يا هندسة ياخى الضبيحة دى انا شايف مافى اى داعى ليها انا ما ضيف ياخ
فعادى ممكن الواحد يتغدى بملاح تقلية لزوم سودنة الجو الامريكى وكده . مع أنها
( الويكة ) بتسهلنى ...ومرات مرات بتعمل لى استظراط فى الذاكرة ..
اتفقنا يا هندسه ...؟
بالمناسبة الدكوة والشرموط راقد عندنا هنا فى دكان عبدالغنى فما تشيل هم
يلا انا جاييك مسافة السكة بس
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: Balla Musa)
|
Quote:
قالوا بكرى سجلكم بصورة الجواز
عليك الرسول بالصح؟ |
لا يادكتور بله دى اشاعات ساى ياخ .زى الجماعة القالو ابو الهول نقلوه باريس .
هندسة صاحبى شديد وكنت متغدى معاهو داك اليوم
فالراجل أصر فى الاول علشان أجى أكتب هنا ولما
شافنى بدون ما يلبس نضارتو قام ألح على فى البداية
أعتزرت ليهو بى أدبى الرفيع داك وانت عارفو يا دكتور
فى النهاية اتناقشنا نقاش موضوعى واتفقنا انو مصالح
الدول الاوربية لازم تمشى .. وعلى الاساس ده انا اتسجلت
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق سيكا)
|
يالله ... الواحد اشتاق ليكم جد الفترة الفاتت ..
طبعا الفترة الفاتت فترة عجيبة ..
يا سلام يا بكرى أبو بكرى يا هندسة ..
يا سلاااااام على الصداقه البيناتنا ..
انا عارف الزمن ده الناس بقت تحسد بعض ...
اى عديل كده .. وبالذات السناير ديل حسدونى
ليه .. كيف انت تصاحب بكرى ابوبكر ..
ياخ انتو مساكين .. على بالطلاق انتو ما ناقشين اى حاجة ..
اول شئ بكرى ده صاحبى من الابتدائى .. اى شفتو كيف ...
الهوم ويرك بتاع الحساب كنا بنشتغلو مع بعض ..
انت قايلنى عرفتو هنا .. يخس عليكم يا سناير يخس
يعنى عشان انا فتحت البوست ده يا ناس ود الباوقة تفتحوا بوستين
يعنى شنو ..؟ دايرين تشتتو الكوره ...
بكرى صاحبى زاتو بكون فهما .. الا صراحة لمّا كنت بتغدى معاه
ما جاب سيرتا بس كان ظاهر فى عيونو انو ما راضى وخسوسا بعد
ما قلع النضارة ..
دقيقة يا شباب هندسة صاحبى ضارب لى ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: ابراهيم عبدالناصر)
|
ابراهيم عبدالناصر
تاريخ التسجيل: 11-10-2012
مجموع المشاركات: 5
ابراهوما ..
دى يفهموها كيف ..؟؟
يعنى قبل ما تجى حلتنا كانن أربعة ؟؟
انت ما عملو ليك قيدومة لمن سجلت ؟؟
ولّله زمنكم ما كان فى ترحيب وقيدومة والناس تجى تبارك ..
ولّه انت كنت بتكتب و هندسه صاحبى كان بيعقبك ويمسح ..؟
عموما يا دفعة الواحد مبسوط شافك حايم فى حلتنا .
ياخى مرحب بيك
Quote:
اسم الصنف شنو ؟؟؟؟ |
تصدق شاى ..!! اى شاى ساده وسكرو ملعقتين ..
لكن اقول ليك حاجة بذكر كان معاهو قرقوش ..
غمزته واحده بس فى الشاى .. القرقوش ما عجبنى
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: نجلاء سيد أحمد)
|
العزيزة نجلاء .. قواسيب من الود
هى لكن يا نجلاء البكان ده لو ما كان السقط الفيهو دا
هندسه ما كان استركن معاى .. لكن عارف يا نجلاء
ياخ هندسه مجننى جن بالتلفونات ... حكمة الله ما يتكيّف
الا لى ونستى ... تصدقى مرات يصحينى من النوم ..
الا أحكى ليهو نكته .. غايتو اليومين الفتو ديك عملنا ازمه فى النكات
ياخ الازمة قالوا انشرت فى البلد حصلت المواصلات شفتى كيف ..!!
| Quote: (النسعلك بالصح انت محمد سيكا مو اخوك ) |
اسمعى ماتصدقيهو .. من يوم ما اتسجلت فى الموقع ده اى زول داير
يعمل فيها صاحبى .. خسوسا ناس حلتنا .. ياخى حتى سيد الطاحونة اللت بلدنا
مرسل لى طلب صداقة مع انى كنت زعلان منو لانو قبل كده سرق منى طاستين
دقيق مريق .. يلا .. كتيرا رايح وقليلا رايح
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: osly2)
|
Quote:
لو كان الاخاء كمن كتبت
لفضلت الصداقة بلا جدال
فلا التكسير للوح الثلج عيبا
ولا المسمار ضرا للنعال
وشاكوش يدق الثلج دقا
سيبقى ديمه مضرب للمثال
|
سنضرب ان اردنا التلج ضربا
ونخسف باليمين وبالشمال
نفتفت اى تلج فى طريقنا
كدق العيش فى قيساب بلال
فلا نخشى من الشرى فى هدومنا
ونكرش جلدنا من دون نبالى
الحبيب اوسلى2 .. قواسيب من الود
ياخى سعيد جدا بى طلتك وين مختفى يا راجل ..
تصدق أمس كنت فاطر مع بكرى صاحبى كنت قررربت
اسأل هندسة منك لكن نسيت . بس ما مشكلة المره الجاية بسألو منك ..
فى الختام نحن بخير ولا ينقصنا سوى عدم رؤياكم الغالية ..
أعرفك أن الجميع فى نيويورك بخير .. الاخ جعفر الماحى وصل نيويورك
بالسلامة وأحضر معه تمباك نمرة واحد .. اما حسن حماد فقد فتح مطعم جديد
فى شارع فرانكلين ...بالنسبة لى عبدالمنعم صاحبك اليومين ديل ما بطلع
الشارع لانو مطلوب قروش ... اعرفك ان الافريقية السمحة ديك ام جعبات
طلقوها ..ايضا أود أن اعرفك بان شغل التكسى اليومين ديل مولع نار لانو
الناس صارفه قروش الtax .. بالنسبة لى عباس ابوراس سمعنا تحت تحت
قالوا داير يعرس فوق مرتو والخبر لم يتم تأكيده بعد لكن سنوافيك بالجديد
حالما توفرت لدينا معلومات ..
ملحوظة
الرجاء ما تقول لجعفر الماحى انا الوريتك بموضوع التمباك .. اعمل نفسك
سامع الخبر ده من البلد..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق سيكا)
|
عزيزى المشاهد ... عزيزتى المشاهدة
أود أن الفت عنايتكم أن صديقى الباشمهندس بكرى ابوبكر
قد منحنى بسوردين .. هى مفردة باسوورد .. وهو جمع مذكر سالم
الباسوورد الاول باسم الصادق عثمان محمد اللى هو انا ويشار اليه بالطرف الاول
الباسوورد الثانى باسم الصادق سيكا واللى هو انا برضو ويشار اليه بالطرف التانى ..
اذن من هذه المعادلة نستخلص للاّتى :
أن الصادق عثمان محمد هو نفسه الصادق سيكا وهو المطلوب اثباته .
ومن المعلوم بالضرورة من الدين اذا سبك او شتمك الصادق عثمان محمد
لا يجب ان تسب او تشتم الصادق سيكا وهذا يعتبر تعدى على حقوق الملكية الفكرية ...
اها يا شباب لقيتونى كيف فى الرياضيات ...؟؟ ما اقنعتكم ..؟؟؟
على بالطلاق مش انتو اقنع ليكم بكرى ابوبكر صاحبى زاتو ..
بالمناسبة بكرى ابوبكر صاحبى هو ذاتو مقتنع انى مجضم الكيمياء العضوية
وخسوسا حساب المثلثات .. اقول ليكم حاجة حساب المربعات زاتو مجضمو
انتو قايلين الشهادات المعلفا فى البوست دا انا جايبا ساى ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الزنجي)
|
| Quote: كسير التلج دا يا للخو بوديك بلدا طيره بلدي |
كونو انو واحد من السناير وفى رواية أخرى من الرعيل الاول
ويعشق وداللمين يزورنا هنا ده دا تواضع ما عادى منو ..
مش زى ناس ود الباوقة يضايقوك فى كسير التلج بى بوستسن
الحمدلله... الله اداهم قدر نيتم طلع تلجم مسوس ..
فيا حبيب ألبى الزنجى أنت أكيد منور يا باشا
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: كمال ادريس)
|
| Quote: عموما أنا داخل على طمع |
ايوااااااااا وانا أقول كيمو دا ليه الايام دى عامل فيها صاحبى
وصديق الاسرة...!!!
مع أنك منور البوست وأشكرك جدا على مرورك الجميل
كسنير محترم .. لكن ...
بصراحة يا كيمو البت عايزة تقرا ..
| |
|
|
|
|
|
|
|
|
|
Re: يا جماعة عن أذنكم .... مـــمكن ؟؟ (Re: الصادق سيكا)
|
جاى هسه من الدكتور يالله الدكتور ده سغيل ياخ
تخيل قال لى انت سمين ... يعنى المفروض برااااحة
يقول الكلام مش يفاجعنى .. فى الاول انا كنت داخل عليهو
حسيت انى كويس وتمام وكده بس لما قال لى كلامو الحامض ده
معنوياتى النفساويى نزلت خالص لامن دقرت لى فى جزمتى ..
دكتور ما متحضر .. شفتو كيف ..
| |
|
|
|
|
|
|
| |
الصادق سيكا
طارق جبريل
محمد بابكر محمد
محمد عبد الماجد الصايم
طلحة عبدالله
صلاح أبودية
أمير محمد ادريس
جمال ود القوز
محمد حيدر المشرف
ابراهيم عبدالناصر
نجلاء سيد أحمد
osly2
الزنجي
كمال ادريس
فيس بوك
تويتر
انستقرام
يوتيوب
بنتيريست