|
|
 تانى جيتكم يا بورداب .. مشكلة الاسبير ما زالت قائمة
|
كنت قد توجهت للاخوة البورداب بهذا النداء :
ابنى احمد يعمل فى وظيفة مونتير ( تصميم و مونتاج )على برنامج final cut و يعتمد بصورة اساسية على جهازه
mac book pro و قد توقف الجهاز و قيل انه يحتاج لكرت شاشة ، بعض المهندسين ذكر ان
كرت الشاشة لا يتوفر منفصلا و لابد من شراء motherbaord كامل .
ارجو لو تكرم احد الاخوة بتوفير احدهما و انا على استعداد لسداد القيمة بالكيفية التى يراها .
ختاما هو رجاء و امل فى خدمة من اخوةاثق انهم لا يتوانون فى مثل هذه الخدمة الجليلة .
و لكم الود فى كل الاحوال .
وموديل الجهاز :
1286
و كان الاخ خال فاطمة مشكورا قد تكفل بالبحث عن الاسبير فى ابوظبى و بعد جهد عرف انه متوفر فى دبى ، لكن كانت المفاجأة ان سعر
الـ motherbaord حوالى 4000 درهم ، يعنى 8 مليون جنيه ... اكتر من سعر الجهاز زاتو ..
شكرا خال فاطمة للجهد الذى قمت به و جزاك الله خيرا فى مبادرتك و جهدك .. بارك الله فيك .
الاخوة المهندسون اشاروا بأن الاسبير يمكن ان يوجد بسعر مناسب فى الدول الغربية ..
و لو فى بورداب فى الصين بكون بى تراب الواطة ..
يا ربى اخونا يحى مصطفى بدخل سودانيز اون لاين ؟
اها يا جماعة .. انا فى حواكم .. جهاز بى خمسة مليون قبل سنة فى الظروف الطاحنة دى نقنع منو ؟
و احمد راسو انقطع فى جهاز يشتغل بيهو ..
انا فى رجاكم ..
ملوظة هامة : اهلنا قالوا : اكلوا اخوان و اتحاسبوا تجار .. على استعداد لدفع قيمة الاسبير بالكيفية
التى يراها من ييسره الله لخدمتنا ..
|
|
  
|
|
|
|
|
|
|
 Re: تانى جيتكم يا بورداب .. مشكلة الاسبير ما زالت قائمة (Re: انور التكينة)
|
مهند عوض جمعه
00249990804477
بحري المحطه الوسطى امام مبني محليه بحري عماره شيكان
مايسترو صيانه اللابتوبات وتحديداً الماك, كل المحلات البتشوفوها فى العاصمه المثلثه لمن شغل الصيانه بغلبهم بجيبوه ليه
وهو يا حلاها يا حلاها مفيش يمه أرحميني, كشغل علمي تخصصي ممكن يعمل دائره كهربيه معادله تؤدي نفس عمل الدائره
الفيها المشكله, وعشان شغل ولدك ما يتأثر بي عامل الزمن خلي مهند يديه الهادريسك ويواصل المونتاج فى اي جهاز ماك تاني
مسافه ما الجهاز يتصلح.
وعشان تكون عارف من هسه خليك مسكسك الراجل لأنو بتأخر لسببين الأول زحمه الشغل والتاني إنو راجل مززنجي خالص
الموود لو ما كان بتاع شغل ولا بشغل الكاويه اساساً لأنو الشغل دقيق ومحتاج موود موزون وإلا كان الضرر اكبر من الإصلاح
تحياتي
ولو بكري إعتبر الموضوع ده إعلان بالله يمسح المداخله دي لكن يرسل ليك الرقم فى الخاص
| |
|
|
|
|
|
|
|
|
|
Re: تانى جيتكم يا بورداب .. مشكلة الاسبير ما زالت قائمة (Re: انور التكينة)
|
و لو فى بورداب فى الصين بكون بى تراب الواطة ..
الاخ/ انور التكينة من الصين سلام
انا من الاعضاء الجدد هنا وكنت متصفح منذ العام 2005 وهذه اول مشاركة لى فى سودانيس اونلاين ولفت نظرى هذا البوست
ونتابع كل تلك البوستات والصور التى ترفد بها البورد شكرا لك لقد نقلت لنا كل ما هو جميل عن السودان وكاننا كنا حاضرين معكم
لعلك تقصد MACBOOK PRO A1286 MD318 I7 2.2GHZ 15" laptop late 2011 اليس كذلك ونرجو التاكيد او النفى و التصحيح وهذا مهم جدا
انشاء الله طلبك بسيط ومجاب وفى كل الاحوال هو متوفر جديد ومستعمل واصلى وصينى
المشكلة الان هنا اجازة عيد الربيع والبلد كلها فى اجازة والاسبوع الجاى سافيدك بكل التفاصيل
وابنك احمد هو ابننا
راجع ارقام تلفوناتى فى البروفايل
| |
|
|
|
|
|
|
| |
انور التكينة
مزمل خيرى
Emad Eldeen Ali
فيس بوك
تويتر
انستقرام
يوتيوب
بنتيريست