|
تشيلن وتِتجلبطن سااااكت يا النسوان، وماكن خابرات شِئ. عووووع...
|
أمريكا الشمالية دي بلد العجايب والغرايب. والله صحي.
بعض الوظائف عند العلوج ديل تحيرك !!!. يعني ممكن تلقالك واحدة سايقا ليها كورجة بتاعت كلاب، وتتنزه في حديقة. تحتار، تقول المرا دي الكلاب ديل قاعدة تحلِبِن ؟؟؟، وتزداد حيرة عندما تعلم إنوا الكلاب ديل حقات علوج تانيين بس هي عاملة ليهِن بيبي سيتِيق علي بال إسيادهن يرجعوا من العمل !!!.
يعني دي وظيفتا البتاكل منها عيش. عايشة علي ضهر الكلاب. والله صحي...
|
|
|
|
|
|
|
|
Re: تشيلن وتِتجلبطن سااااكت يا النسوان، وماكن خابرات شِئ. عووووع... (Re: معاوية المدير)
|
مرّة واحدة من بنات اللصفر ديل شلتها مشوار. وقفتني جنب محل وقالت لي، بس دقيقة. بعد شويّة جات شايلا ليها سِميكة سغيرووونة وجميلة في كيس. قلت ليها إشتريتيها بكم ؟. قالت لي، ما إشتريتا، دي سمكتي كنت في إجازة، لمدة إسبوع وجبتها المحل دا يعملوا ليها بيبي سِتينق علي بال ما أرجع. قلت ليها بتدفعي عليها كم في اليوم ؟ قالت لي سبعة دولارات.
قلت مقدرة يا قول حبوبتي.
أها في المداخلة الجاية دي تعالوا شوفوا الأعجب من دا كلو !!! ! ! !
| |
|
|
|
|
|
|
Re: تشيلن وتِتجلبطن سااااكت يا النسوان، وماكن خابرات شِئ. عووووع... (Re: الزبير بشير)
|
Quote:
ههههه ههههه يا ود المدير انا قلت جبت سيره البتاع الحيوى داك لانو برضو بستعملوهو فى ادوات التجميل .......!
زمان اماتنا بمسحن الصاج بطايوقه والصاج تلقاهو ناير ويلمع والكسره زى العجب .... ! |
يا سامي أخونا سجيمان الله يطرا بالخير ما قصّر مع الحيوي، وكمان عمران قال ليك كلو صارقيل، والفرق بين ذآك وهذا أنّ الذي نتحدث عنه يُرى بالعين المجردة بينما الأخر لا يُري بالعين المجردة.
حليل الصاج والطايوقة الحكاية بقت صارقيل عديييييل كدا.
| |
|
|
|
|
|
|
Re: تشيلن وتِتجلبطن سااااكت يا النسوان، وماكن خابرات شِئ. عووووع... (Re: معاوية المدير)
|
Quote: معاويـة، سلام
كله دا هين.
فى عالم هنا تأكل شيـة دود وتمسـح خشمها وتحمد ربهـا.. ويأكلوا بعض أجزاء الحميــر والحصين - مرات يشووها ومرات يحمروهـا.. وفى وجبات لو زكرناها ليك تانى كلما شفت كلمة سودانيز فى اى حتة حتقول اووع.. عشان كدا نعفيكم منهـا.
disgusting |
سلآمات يا ابو الريش.
سأل رجل اعرابي، ماذا تأكلون في البادية ؟ قال، نأكل كل شئ إلا أُم حبينٍ. قال الرجل، فلتهنأ لأُم حبينٍ العافية.
دحين يا ابو الريش أخوي الصينيين ديل أُم حبينٍ زاتا كان لموا فيها بيضربوها، وشوفُن حايكنسوا تلفزيون السودان كيف!!!. غايتو أنا قايل أخير تضايروا إرشيف التلفزيون...
| |
|
|
|
|
|
|
|