الكل متفق على ضرورة التغيير حتى بعض منسوبي المؤتمر الوطني ينادون بالتغيير !! رياح الربيع العربي لم تصل الى السودان لأسباب كثيرة ربما من بينها دموية التغيير في ليبيا ومايجري الان في سوريا والاحباط من نتائج التغيير في تونس ومصر والحالة الغير مفهومة في اليمين فربيع اليمن تمخض عن مولود لا هو حصان ولا هو حمار !!! الشعب السوداني كان معلم الشعوب في عالم الثورات الشعبية فهل يقدم الأن درساً جديداً في كيفية إحداث التغيير عبر صناديق الانتخابات !!!
02-09-2013, 07:11 AM
omer osman omer osman
تاريخ التسجيل: 06-09-2007
مجموع المشاركات: 15218
سيقول البعض هذه دعوة للتخذيل ووضع العصا في عجلة الثورة !! سيقول البعض الأخر ستكون مزورة ومخجوجة وبالتالي لن نشارك فيها !!! وسيقول أخرون لن ندخلها حتى لو جاءت مُبرأة من كل عيب أو كما قال الزعيم الأزهري !!! سيقول أخرون الانتخابات تحتاج الى حريات !!! والبعض الأخر سيقول الانتخابات تحتاج الى اموال والاموال عند النجار والنجار عاوز عروس ..!!! لكني هنا اتشبث بكلمة كان يقولها لي والدي محمد عثمان عبدالحليم له الرحمة ((لا تهزم نفسك)) وذلك عندما اقول له مثلاً الموضوع ده منتهي لانو كذا وكذا وما ممكن يحصل او يتم عشان كيت وكيت .... الخ فكان رده دائماً ((لاتهزم نفسك)) حاول ربما تنجح وربما تفشل !!!
لماذا لاتجعل احزابنا من عام 2013م هذا عاماً لترتيب البيت من الداخل بالطبع لن يتم الترتيب بالشكل المثالي الذي ننشده لكن في كل الاحوال ما لايدركه جله لايترك كله !!! ثم تجعل من عام 2014م عاماً للاستعداد الميداني للانتخابات والبحث عن صيغ لتحالفات تكتيكة يكون الــــ Target بتاعه الفوز بـــ 55% من مقاعد المجلس الوطني و 70% من مقاعد مجالس الولايات و ما لايقل عن 50% من مناصب ولاة الولايات.
02-09-2013, 07:21 AM
omer osman omer osman
تاريخ التسجيل: 06-09-2007
مجموع المشاركات: 15218
اما عن إنتخابات رئيس الجمهورية قد تكون هناك صعوبة في ايجاد تحالف مرضي يقضي باختيار مرشح واحد في مواجهة مرشح حزب المؤتمر الوطني وخوفاً من ان يتسبب ذلك في شرخ في جسد التحالف الحزبي التكتيكي اعتقد انه من الاصوب ترك امر المشاركة فيها لكل حزب حسب تقديراته وحتى ان فاز مرشح المؤتمر الوطني ونجحت الاحزاب الاخري في الفوز بالمواقع الاخري حسب النسب اعلاه نكون قد نجحنا في إحداث تغيير كبير وربما تعديل الدستور او ايجاد دستور جديد وخلقنا حالة من التوازن لوطن يحتاج وبشدة لذلك التوازن والاستقرار.
02-09-2013, 07:24 AM
omer osman omer osman
تاريخ التسجيل: 06-09-2007
مجموع المشاركات: 15218
فلتكن فكرة و محاولة ضمن محاولات التغيير الكثيرة يكمن تصيب و يمكن للمعارضة تقييم النتيجة و تحديد خططها المستقبلية بناء على ضوء ذلك.
تحياتي ___________ أتشبس دي شوف ليها صرفة عشان نحن البرالمة ديل ما نكتبها كدة لقدام:)
<<<<<<<<<<<<<<<<<<<<<<<<
هلا ادم تحياتي الاحزاب الأن تنظر تحت قدميها وتنتظر تغيير يهبط عليها من السماء وزي ماقلت انت اهو فكرة لن تضر بشيء !!! والف شكر على التصحيح (اتشبس) دي انا اكون جبتها من (شيبس) ده كلو من الشفع هههههههههه
02-09-2013, 09:05 AM
محمد درار محمد درار
تاريخ التسجيل: 01-24-2013
مجموع المشاركات: 307
Quote: سيقول البعض هذه دعوة للتخذيل ووضع العصا في عجلة الثورة !! سيقول البعض الأخر ستكون مزورة ومخجوجة وبالتالي لن نشارك فيها !!! وسيقول أخرون لن ندخلها حتى لو جاءت مُبرأة من كل عيب أو كما قال الزعيم الأزهري !!! سيقول أخرون الانتخابات تحتاج الى حريات !!! والبعض الأخر سيقول الانتخابات تحتاج الى اموال والاموال عند النجار والنجار عاوز عروس ..!!! لكني هنا اتشبث بكلمة كان يقولها لي والدي محمد عثمان عبدالحليم له الرحمة ((لا تهزم نفسك)) وذلك عندما اقول له مثلاً الموضوع ده منتهي لانو كذا وكذا وما ممكن يحصل او يتم عشان كيت وكيت .... الخ فكان رده دائماً ((لاتهزم نفسك)) حاول ربما تنجح وربما تفشل !!!
ناس الانقاذ بيخجوها نهارا جهارا و بقية الاحزاب قاعدة تتفرج بيجندوا ناسهم يجهزوا الناس في الاحياء ويسجلوا اساميهم حتى بيكونوا مجهزين معارضين لتجميل الصورة ويملئوا الاعلام والدنيا بمرشحيهم وانحنا وانحنا ..... والشريعة ... و الكباري .. و لن نذل ولن نهان ... ولو بعد دا حسوا انو دا كله ممكن يفشل بيكونوا مجهزين الخطة البديلة
واحزابنا النايمة دي بيتخيل انها ممكن تفوز بالحوا !! لا حزب متماسك ولا برنامج لا إعلام لا نشاط يذكر ... ولو غلبتهم خلاص بيقولوا ليك نقاطعهم!
02-09-2013, 09:18 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: ناس الانقاذ بيخجوها نهارا جهارا و بقية الاحزاب قاعدة تتفرج بيجندوا ناسهم يجهزوا الناس في الاحياء ويسجلوا اساميهم حتى بيكونوا مجهزين معارضين لتجميل الصورة ويملئوا الاعلام والدنيا بمرشحيهم وانحنا وانحنا ..... والشريعة ... و الكباري .. و لن نذل ولن نهان ... ولو بعد دا حسوا انو دا كله ممكن يفشل بيكونوا مجهزين الخطة البديلة
هذه هي الجدية التى تفتقر إليها الاحزاب أنا متأكد بأن المؤتمر الوطني الان ونحن في 2013م يكون قد قطع شوطاً كبيراً في الاستعداد للانتخابات القادمة !!!! ونسأل الله ان يكون في تصريحات المفوضية وهذا البوست وغيره جرس إنذار يوقظ هذه الاحزاب من نومها العميق !!!
Quote: واحزابنا النايمة دي بيتخيل انها ممكن تفوز بالحوا !! لا حزب متماسك ولا برنامج لا إعلام لا نشاط يذكر ... ولو غلبتهم خلاص بيقولوا ليك نقاطعهم!
تعرف يامحمد لو تحلت هذه الاحزاب فقط بــــ 10% من جدية المؤتمر الوطني بامكانها اكتساحه في الانتخابات. لكن هل تفعل ؟!
02-09-2013, 09:36 AM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
Quote: عشان كدا موضوع الانتخابات الجاية مع الواقع دا بتغيير سلمي عبر صناديق بكل تاكيد السيطرة والاشراف ح يكون لصالح الحكومة هو مزيد من دفع الطاقة في جسم الموتمر اللاوطني وتنشيط ليه في ميدان هو مسيطر عليه تماما في عدم وجود ضغوط حقيقية من الخارج او الداخل
تحياتي الفاتح ....... التسليم المبكر بالهزيمة في ظل سيطرة المؤتمر الوطني التى لاخلاف حولها يضخ المزيد من الدماء في جسد المؤتمر الوطني لذا الافضل في رأي مقارعته عبر الصناديق وان فشلنا في تحقيق النسب اعلاه فالنحقق نصفها في هذه الدورة ونستكمل الباقي لي قدام ، فاذا كنا قد صبرنا على الانقاذ 23 سنة لن تضيرنا 8 سنوات اخري نضايقهم ونزاحهمهم فيها إنتخابياً !!!
02-09-2013, 09:38 AM
الجنيد حمد الجنيد حمد
تاريخ التسجيل: 01-02-2013
مجموع المشاركات: 626
الاحزاب لم تكن على قدر الفعل في كثير من الاحيان ولسان حالها يقول ليس بالامكان افضل مما كان
النظام الحاكم يعلم سر البقاء من خلال الانتخابات ...؟؟
في انتخابات 2010 كانت الفرصة جيدة لاحداث تغيير ولكن انسحاب الاحزاب كان قاصمة الظهر للسودان ...؟؟؟
عمليات التزوير التي حدثت لو كانت الاحزاب موجودة ومتفقة على نظام محدد لادارة العملية الانتخابية لما كان البشير رئيساً اليوم
الانتخابات القادمة في ظل النظام الحالي غير معترف بها ...؟ على البشير تسليم السلطة اليوم قبل الغد إذا كان حريصاً على استقرار السودان كما يدعي والاستعداد مثله مثل الاخرين للانتخابات إذا ثبتت براءته من الجرائم المتهم بارتكابها في كل السودان.....؟
ودمتم
02-09-2013, 10:01 AM
Frankly Frankly
تاريخ التسجيل: 02-05-2002
مجموع المشاركات: 35211
ما دام الأحزاب جربت "قرفنا" لتغيير الحكم في السودان فعلى الأقل تجريب "الانتخابات" مهما كانت نتائجه سلبية بالنسبة لهم فهو مران يصب في النهاية لمصلحة الحزب
لكن من ناحية أخرى قبل الحديث عن مشاركة الأحزاب في الانتخابات يجب الاتفاق على الدستور
ومن ثم الاتفاق على مسألة تمويل الأحزاب من الدولة على قدم المساواة
الاتفاق على اتاحة الفرصة للأحزاب المسجلة بعرض برامجها الإنتخابي (إن وجد) عبر وسائل الإعلام الحكومية بالتساوي زمانياً ومكانياً مع الحزب الحاكم
الاتفاق على أحداث التغيير عبر الوسائل السلمية ونبذ العنف والتغيير بقوة السلاح وغذدانة أي عمل مسلح لإسقاط النظام
إذا تمّ الاتفاق ففرصة التغيير ستكون كبيرة وذات مصداقية
Quote: الانتخابات القادمة في ظل النظام الحالي غير معترف بها ...؟ على البشير تسليم السلطة اليوم قبل الغد إذا كان حريصاً على استقرار السودان كما يدعي والاستعداد مثله مثل الاخرين للانتخابات إذا ثبتت براءته من الجرائم المتهم بارتكابها في كل السودان.....؟
لقد قلت وكان قولك الحق أخى الجنيد حمد...لك من الله كل خير
02-09-2013, 10:22 AM
Mohammed Sedeq Mohammed Sedeq
تاريخ التسجيل: 01-08-2013
مجموع المشاركات: 735
سلامات يا جنابو عمر كان عندي مشاركة قبل كم شهر في احدى المنتديات بنفس الفهم ده وده نصها احزابنا السياسية تمر بحالة هي نتاج طبيعي لممارسات الحكومة تجاهها على مدار العقدين الماضيين تتمثل هذه الحالة استكانة الاحزاب للامر الواقع واعترافها ضمنيا عن عجزها عن مقاومة الحكومة واظهارها للمقاومة في الظاهر لكي تعطي الشعب احساس انها ما زالت موجودة لتكون قادرة على ركوب اي موجة تغيير قادمة وهنا انا اتكلم عن الاحزاب كمؤسسات وليست كافراد لاني اعلم ان المقاومة موجودة فعليا علي نطاق الافراد في كل الاحزاب لكنها تقل الى ان تصل لدرجة الانعدام على مستوى الاحزاب كمؤسسات . والسبب كما اسلفت هو استرتيجية الحكومة المتبعة في اضعاف الاحزاب بدءً من تفتيتها وتقسيمها واختراقها وصولا الى تشويه صورتها في المجتمع السوداني بوصفها انها احزاب موالية لقوى البغي والاستعمار وتريد نشر العلمانية والفجور في المجتمع السوداني تحت مسمى الحريات وهو تكتيك رائع من الحكومة وخبيث جدا تحسد عليه فهي بهذا التكتيك لم تقضي الاحزاب فقط وتضعفها بل قضت على رغبة الشعب نفسه في التغيير بجعله يتسائل دوما عن البديل وتساؤل الشعب يبدو منطقيا لو نظرنا الى الامور من منظور الشعب نفسه فالصورة السلبية التي رسمتها الحكومة للاحزاب ككيانات او كقيادات جعلت الشعب زاهدا في اي تغيير يأتي من قبل هذه الاحزاب ويبدو هذا الامر ظاهر في كل التصاريح التي تصدر من الافراد المنتمين للحكومة تصريح نافع اعلاه مثالاً وما يدل على قوة هذا التكتيك هو تمكنه من تشويه صورة الترابي في اذهان الشعب وكلنا يعلم المكانة التي رفع لها الترابي قبل المفاصلة فبنفس القوة التي رفعته بها الحكومة انزلته بها لدرجة اصبح فيها الشعب ينظر للدكتور الترابي كزنديق مخرف بعد ان كان داعية ومفكر اسلاميا ومرشدا للاخوان في السودان كذلك الصادق المهدي تمكنت الحكومة من تشويه صورته تماما اما الميرغني وان كانت الحكومة لم توليه اهتماما كثيرا لكنه ساعدها بوضع نفسه في برج عاجي وصل فيه لدرجة التقديس فانعدم اثره في المجتمع اما الحزب الشيوعي فمجرد اسمه سبب كافي لنفور الشعب عنه وهو وكافة الاحزاب اليسارية فتوجهها بدلا من ان يكون نقطة قوة لها وبرنامجا تصل فيه للمجتمع والشعب اصبح نقطة تخترق منها ولن يتغير هذا الامر الا بتغيير هذه الاحزاب لتوجهاتها ومعرفتها لرغبة الشعب الحقيقية او بان يتغير الشعب السوداني كله ويتغير توجهه واعتقد هذا الامر بعيد التحقق لخلفية الشعب الاسلامية المتأصلة فيه. ثانيا الشعب: الشعب السوداني وصل لدرجة كبيرة من المعاناة والتعب والفقر والجهل ولكن هذه العوامل بقدر ما يعتقد انها قد تكون سببا في ذهاب الحكومة هي كذلك سبب في بقائها فالمواطن مشغول باكل عيشه وتوفير لقمة العيش لابنائه واسرته وليس لديه زمن للالتفات للسياسه وامورها فهو يكتفي بالحوقلة ( لا حول ولا قوة الا بالله) وكأنه يترك الامر برمته لله سبحانه وتعالى في تخليصه مما يجده . فشخص يعول اسرة يتخوف من ان خروجه للشارع قد يتسسب في سجنه مما يجعل اسرته بلا معيل وايضا الحكومة زرعت في اذهان الشعب انها حامي حمى الدين والمدافع عنه في وجهة قوى الظلم والكفر وبقية الاحزاب ما هي الا مجرد عملاء وخونة وفسقة فجعلت الشعب بين خيارين احلاهما مر اما ان يقبل الحال الحالي بكل مافيه او ان يغيره بواقع ينتشر في الفسق والرزيلة والعلمان ية فالحكومة شوهت صورة كل معارض لها من هذا الجانب فاصبح اي بديل في نظر الشعب تنطبق عليه هذه المسألة لذا فإن اول سؤال يبادرك به اي شخص من العامة تكلمه عن التغيير: لكن البديل منو؟ اذن من كل ما سلف نقول ان الشعب فقد الثقة في كل الاحزاب السياسية التقليدية الاخرى رغم احساسه بفشل الحكومة فاصبح الشعب لايستجيب للاحزاب مهما فعلت الحكومه به خوفا من ان يأتيه من هو اسواء من الحكومة الحالية مما اتاح للحكومة الفرصة لتفعل ما تريد بهذا الشعب من تقسيم للبلد ونهب لخيراته وتقتيل لابنائه وتشريدهم. في ضوء كل ما سلف ماهو الحل؟! هذا سؤال كبير والاجابة تعني حلحلة كل مشاكل السودان الحالية انا لا اقول اني املك الحل في يدي ولكني اقدم ما اراه من وجهة نظرة شخصية هو الحل فانا اؤمن بحتمية التغيير ولكني اؤمن ايضا انه لن يأتي من خلال ثورة فالشعب لن يثور على الحكومة الحالية للاسباب التي ذكرتها اعلاه كما ان التغيير عن طريق ازاحة النظام عن طريق صناديق الانتخابات جملة واحدة يعتبر مستحيلا ايضا من وجهة نظري والحل هو تطبيق النموذج التركي واعني تجربة حزب الحرية والعدالة فهي تجربة ارضت الجانبيين الاسلامي والعلماني في تركيا ويمكنها ان تفعل ذلك في السودان بصورة افضل ولكن وفق معطيات معينة اجملها في نقاط معينة اختصارا للوقت * على الاحزاب ان تجدد في مؤسساتها وتنشر الديمقراطية فيها اولا و ان يكون لها اهداف ورسالة واضحة وبرنامج واضح وفق خطط معينة * علي الاحزاب ان تقوم بنشاط على ارض الواقع بجانب نشاطها في المنابر لان الانسان البسيط يحكم بما يراه على ارض الواقع وليس بما يدور في المواقع الاسفيرية والقاعات المكيفة * لا بد من تقديم قيادات جديدة مقبولة ومعروفة لدى عامة الشعب ولا تحوم حولها الشبهات للقضاء على تخوف الناس من البديل القادم * يجب التركيز على الانتخابات البرلمانية كمرحلة وليس الانتخابات على مستوى الرئاسة لسببين اساسيين اولا الحكومة لا تولي الانتخابات البرلمانية اهتماما كبيرا فرغم القيادات التي تدفعها للترشح عن بعض الدوائر الا ان هذه القيادات لا تجد القبول دائما وقد يكون المرشح ليس من ابناء الدائرة لذا فهو لن يجد القبول اذا وفقط اذا ترشح ضده شخص مقبول ومحبوب لابناء الدائرة ومنتمى للدائرة (لذا اقترحت ان تنزل الاحزاب للشعب لتقديم هذه القيادات وابرازها للشعب بالاعمال الطوعية والتنموية) ثانيا اي مرشح على مستوي الرئاسة قد يكون من الصعب جدا ان لم يكن من المستحيل عليه ان يفوز في مواجهة مرشح من الحكومة لاسباب كثيرة وتقل هذه الصعوبة كلما قلت اهمية المنصب المترشح له
فوائد هذه الخطوات اولا انها سوف تتجاوز الصورة السلبية التي رسمتها الحكومة في اذهان الناس عن الاحزاب وقياداتها ثانيا سوف تقدم قيادات جديدة ترضى طموح الشارع وللنجاح في كل ذلك يستحسن ان تتحد الاحزاب في هذا الامر حتى الاطاحة بالحكومة الحالية وبعد نشر مناخ الديمقراطية والحرية لكل الناس يمكن للاحزاب ان تتنافس فيما بينها قد يقول قائل ان الفوز عن طريق الانتخابات مستحيل نسبة لعمليات التزوير ولمثل هذا اقول ان الدوائر الانتخابية الصغيرة نسبة التزوير تقل فيها خصوصا اذا كان المرشح من الدائرة نفسها ومعروف ومحبوب كما ان اتحاد الاحزاب قبل الانتخبات واهتمامها بامر الرقابة ودعوة المراكز والهيئات المختصة سوف يضمن انتخابات نزيهة بنسبة كبيرة اما السؤال الذي قد يظهر ايضا اذا حصل وتم هذا الامر ان شاء الله فكيف يمكنه تغيير الواقع طالما الحكومة على مستوى الرئاسة والوزراء هي نفسها اقول ان البرلمان هو السلطة التشريعية ولا يمكن تمرير اي قرار او تكوين اي حكومة بعيدة عن البرلمان فوجود برلمان معارض للحكومة سوف يكون اول اسفين يدق في جسد الحكومة وقنبلة موقوتة مزروعة في جسدها وفي ظرف اربعة سنوات فقط سوف ينتهي هذا السرطان الذي استعمر جسد الوطن عقدين من الزمن.
02-09-2013, 10:30 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: ما دام الأحزاب جربت "قرفنا" لتغيير الحكم في السودان فعلى الأقل تجريب "الانتخابات" مهما كانت نتائجه سلبية بالنسبة لهم فهو مران يصب في النهاية لمصلحة الحزب لكن من ناحية أخرى قبل الحديث عن مشاركة الأحزاب في الانتخابات يجب الاتفاق على الدستور ومن ثم الاتفاق على مسألة تمويل الأحزاب من الدولة على قدم المساواة الاتفاق على اتاحة الفرصة للأحزاب المسجلة بعرض برامجها الإنتخابي (إن وجد) عبر وسائل الإعلام الحكومية بالتساوي زمانياً ومكانياً مع الحزب الحاكم الاتفاق على أحداث التغيير عبر الوسائل السلمية ونبذ العنف والتغيير بقوة السلاح وغذدانة أي عمل مسلح لإسقاط النظام إذا تمّ الاتفاق ففرصة التغيير ستكون كبيرة وذات مصداقية وهذا ما نامل
تعرف يافرانكلي القاسم المشترك بين الحاجات القلتها دي كلها شنو ! (الجدية) ولاشيء غيرها هسي الاحزاب دي مش بتتكلم عن الدستور الجديد قول لي اى حزب فيهم وينو تصوركم المكتوب للدستور الجديد ده !! وان وجد وجلسوا في تفاوض مع المؤتمر الوطني تجدهم يدفعوا بأهل السمع والطاعة لا اهل الخبرة والدراية ويطلعوا مغلوبين عشرة/صفر. على هذه الاحزاب جرد حساب معارضتها للانقاذ طوال 23 سنة ما اذا كانت المحصلة ؟! اتمني من صميم قلبي ان يجربوا هذه المرة الخيار الانتخابي وبالجدية اللازمة !!!
02-09-2013, 10:21 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: في انتخابات 2010 كانت الفرصة جيدة لاحداث تغيير ولكن انسحاب الاحزاب كان قاصمة الظهر للسودان ...؟؟؟
والله يا الجنيد لا تتخيل الى اى مدي كان المؤتمر الوطني يحسب حساب للاحزاب الأخري !! برغم انه يعلم علتها جيداً !!! وهذا ما دفعه للعمل بكل جدية !! ولو ضغطت تلك الاحزاب قليلاً في تقديري ان المؤتمر الوطني كان قد يقبل بشراكة وتسوية انتخابية من نوعاً ما !!!
Quote: نتخابات القادمة في ظل النظام الحالي غير معترف بها ...؟ على البشير تسليم السلطة اليوم قبل الغد إذا كان حريصاً على استقرار السودان كما يدعي
على افتراض ان الذي كتب الكلام أعلاه (معارض) ! ما هو الفرق بينك و بين الأحزاب التي تنتقدها الآن؟
هل جملة (على البشير تسليم السلطة اليوم ) هي الحل في فهمك؟ و كلمة (على) الآمرة هذه تصدر من (من) (لمن)؟
الخيبة واضحة وضوح الشمس و المشكلة معروف مكانها و لف دوران حول الحقيقية: أرجعوا لحال الأحزاب من خلال ما تقوله هذه الأحزاب عن نفسها!!! لتعرفوا أين الخلل كل الأحزاب تعري نفسها بنفسها و تكشف خيبتها ما محتاجة لمؤتمر وطني يزور ليها انتخابات
02-09-2013, 10:20 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
Quote: انتخابات 2015م على الأبواب ! هل يمكن أن نحدث التغيير عبر الصندوق !
التغيير المنشود ليس في تغيير سلطة واستبدال مواقع مابين المعارضة والحكومة أو استبدل الشمولية باخرى طائفية والتى في نظري هي تكرار للتجارب الفاشلة وإعادة لانتاج ازمتنا الازلية.. الاحزاب والنقابات هي الاطر الاكثر جدوي في تفعيل دور المجتمع والاقدر علي فرض حضور المجتمع في السلطة السياسية ولكن مع الاسف إذا كانت مكونات مجتمعنا الحية والفاعلة هي طائفية او جهوية او قبليه فإن الديمقراطية ستاخذ شكلها ومضمونها وهذا واقع احزابنا الحالية. نحن في حاجة لمرحلة وعى بالديمقراطية واحزاب تقوم على اساس فكري برامجي لاعلى ولاء طائفي او قبلي او جهوى ثم بعد ذلك نفكر في صناديق الاقتراع ..
تحياتي ..
تحياتي ،،
02-09-2013, 10:19 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
معليش ياجماعة بسبب (الكوتة) ح ارد عليكم في مداخلة واحدة :
ودالباوقة ...
Quote: فرصة تاريخية للاحزاب لتنظيم صفوفها والاستعداد المبكر للمنازلة وفي النهاية من كد وجد شكرا جنابو ...
او كما يقول اهل الامارات (الميدان ياحميدان) تحياتي ياودالباوقة ........
Quote: : الانتخابات القادمة في ظل النظام الحالي غير معترف بها ...؟ على البشير تسليم السلطة اليوم قبل الغد إذا كان حريصاً على استقرار السودان كما يدعي والاستعداد مثله مثل الاخرين للانتخابات إذا ثبتت براءته من الجرائم المتهم بارتكابها في كل السودان.....؟
لقد قلت وكان قولك الحق أخى الجنيد حمد...لك من الله كل خير
الاخوان اسامة خلف الله والجنيد تحياتي اها الزول ده وحزبو قالو ليكم هم ما ماشين إلا بالانتخابات وواقع الحال يصدق ذلك فلا ثورة اندلعت ولافجر جديد سيحمل الخلاص للشعب السوداني !!! اها نقعد نطبق يدينا لمن 2015م تجي ونقعد ملومين محسورين والا الفهم شنو !!!!
الأخ محمد صديق تحياتي اتفق معك في كثير مما ذكرت وبالاخص في نقطتي اتحاد الاحزاب وعدم التركيز على الانتخابات الرئاسية لكن دعني اختلف معك في أمرين اخرين بشأن استراتيجية المؤتمر الوطني في اضعاف الاحزاب وتشويه صورتها وصورة المعارضة !!! صحيح المؤتمر الوطني سعي الى ذلك واصاب فيه نجاح نسبي لكن ما فعلته الاحزاب بنفسها هو الذي اضعفها حقيقة وشوه صورتها خذ عندك مثال المجموعات التى تنسلخ من الحزب الاتحادي الديمقراطي الاصل بدعوي هيمنة الميرغني على الحزب لاتلبث هي نفسها ان تنقسم الى عدة كيانات !! خذ مثال أخر مايفعله بعض المعارضين هنا من كذب رخيص ومفضوح الا يشوه صورة المعارضة باكثر مما يفعل المؤتمر الوطني !!!
02-09-2013, 10:44 AM
Mohammed Sedeq Mohammed Sedeq
تاريخ التسجيل: 01-08-2013
مجموع المشاركات: 735
الخلاصة التغيير عن طريق الانتخابات رغم صعوبته هو اسهل الطرق المتاحة لنا حاليا اذا حددنا خيارات التغيير المتاحة لنا وهي: التغيير العسكري عن طريق حركات التمرد وهو مستبعد تماما ونسبة نجاحه تكاد تكون معدومة ثانيا التغيير عن طريق ثورة شعبية على غرار ثورات الربيع العربي ومن وجهة نظري ايضا هو خيار مستبعد على الاقل في المدى القريب ونسبة حدوثه ضئيلة جدا جدا الخيار الثالث انقلاب عسكري وهو مستبعد ايضا ولا اتوقع حدوثه اطلاقا الخيار الرابع تغيير من داخل الحكومة وايضا هو خيار مستبعد لاسباب كثيرة ليس المجال مجال تفصيلها الخيار الخامس هو خيار الانتخابات ونسبة نجاحه اكبر من بقية الخيارات وهناك عدة عوامل يمكن ان تساهم في انجاح هذا الخيار الانتخابات السابقة كان فيها نسبة من الحيادية نختلف او نتفق على درجة هذه الحيادية لكنها كانت موجودة الاحزاب لديها ورقة ضغط قوية وهي وحدتها واتفاقها على نقاط اساسية لضمان انتخابات حرة ونزيهة فإجماع كل الاحزاب السياسية على عدم المشاركة في انتخابات لا تحوي شروط النزاهة سوف يحرر شهادة فشل لهذه الانتخابات ولن يعترف بها احد الامر الذي سيشكل ضغط على الحكومة وسيجعل المعارضة تحقق الكثير من شروطها لضمان انتخابات نزيهة بقدر كبير الامر الثاني قيادات المؤتمر الوطني يدور حولها الكثير من الشبهات ومن الصعب عليها المنافسة في انتخابات برلمانية ضد قيادات من ابناء الدوائر الانتخابية نفسها يتمتعون بكفاءة وسمعة جيدة كثير من الشباب المتعلم والمثقف اليوم هو في صف المعارضة ويمكن ان يشكل الة اعلامية ميدانية قوية جدا ان اول خطوات التغيير من وجهة نظري هي كسر سيطرة الحزب على البرلمان وبعض الولايات كما اسلفت اخي عمر وحتى على مستوى الرئاسة رغم صعوبة هذا الامر وعلمي ان حزب المؤتمر الوطني لن يفرط في منصب الرئاسة ولكن يمكن للمعارضة ان تنافس اذا اجمعت على شخصية لديها قبول واسع في اوساط الشعب السوداني وعدم ترشيح اكثر من شخص لضمان عدم تشتيت الاصوات فيمكن احداث تغيير . اخيرا اخشى ان اقول انه الطريق الوحيد المتاح امام المعارضة الان اما ما سواه فسوف يستغرق وقتا طويلا اذا ظللنا نعالج الامور بنفس الالية الحالية وسوف نطيل من امد معاناة الشعب و الوطن تحياتي يا جنابو
Quote: التغيير المنشود ليس في تغيير سلطة واستبدال مواقع مابين المعارضة والحكومة أو استبدل الشمولية باخرى طائفية والتى في نظري هي تكرار للتجارب الفاشلة وإعادة لانتاج ازمتنا الازلية.. الاحزاب والنقابات هي الاطر الاكثر جدوي في تفعيل دور المجتمع والاقدر علي فرض حضور المجتمع في السلطة السياسية ولكن مع الاسف إذا كانت مكونات مجتمعنا الحية والفاعلة هي طائفية او جهوية او قبليه فإن الديمقراطية ستاخذ شكلها ومضمونها وهذا واقع احزابنا الحالية. نحن في حاجة لمرحلة وعى بالديمقراطية واحزاب تقوم على اساس فكري برامجي لاعلى ولاء طائفي او قبلي او جهوى ثم بعد ذلك نفكر في صناديق الاقتراع ..
فايز ودالقاضي ....... كلامك ده نظرياً صحيح 100% والتغيير المنشود اكبر من تغيير وجوه او مسميات لكن عشان نصل لي كده خلينا نتعامل مع الواقع الموجود عندنا ومشوار تطور الدول وارتقائها يجب ان لايقاس بالسنة او السنتين !!!
Quote: سلام يا عمر ،،، انا كناخب: ايه البضمني انو المشاهد التالية ما تحصل؟!
مافي ضمانات يا ايمن !!! لكن ارجو ان لاتظن ياصديقي وان لاتظن الاحزاب بأن المؤتمر الوطني فاز بسبب عربية حكومة او قل مية عربية حكومة شغالة معاهو في الانتخابات !!! التشخيص السليم هو بداية العلاج !!!
02-09-2013, 11:04 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
Quote: فايز ودالقاضي ....... كلامك ده نظرياً صحيح 100% والتغيير المنشود اكبر من تغيير وجوه او مسميات لكن عشان نصل لي كده خلينا نتعامل مع الواقع الموجود عندنا ومشوار تطور الدول وارتقائها يجب ان لايقاس بالسنة او السنتين !!!
بالتأكيد ياعمر لن ننتظر تغير الواقع ولكن يمكن وضع دستور للبلاد يراعي كل اشكال التنوع الثقافي والسياسي والاجتماعي وتتساوى فيه الحقوق والواجبات ولايميز بين المواطنين على اساس عرقي وجهوى ، وتوزع السلطة والثروة بعدالة حينها لايهم من يحكم ..
تحياتي ،،
02-09-2013, 11:05 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: مافي ضمانات يا ايمن !!! لكن ارجو ان لاتظن ياصديقي وان لاتظن الاحزاب بأن المؤتمر الوطني فاز بسبب عربية حكومة او قل مية عربية حكومة شغالة معاهو في الانتخابات !!! التشخيص السليم هو بداية العلاج !!!
يا عمر انا بتكلم عن استغلال المؤتمر الوطني لجميع موارد الدولة لمصلحته - ابتداءا من العربات الحكومية مرورا بالتلفزيون الرسمي للدولة وانتهاءا باموال الدولة عديل كده ! عمليات التزوير مثبته بالصور واشرطة الفيديو !! اهم حاجة ضمان نزاهة الانتخابات ! انا كحزب ما ممكن اصرف قروشي المحدودة وابزل مجهودات ضخمة - عشان افشل بسبب التزوير واستغلال الحزب المنافس لامكانات الدولة لمصلحته - الانتخابات بتكلف الاحزاب اموال كبيرة جدا !!
02-09-2013, 12:11 PM
omer osman omer osman
تاريخ التسجيل: 06-09-2007
مجموع المشاركات: 15218
Quote: يا عمر انا بتكلم عن استغلال المؤتمر الوطني لجميع موارد الدولة لمصلحته - ابتداءا من العربات الحكومية مرورا بالتلفزيون الرسمي للدولة وانتهاءا باموال الدولة عديل كده ! عمليات التزوير مثبته بالصور واشرطة الفيديو !! اهم حاجة ضمان نزاهة الانتخابات ! انا كحزب ما ممكن اصرف قروشي المحدودة وابزل مجهودات ضخمة - عشان افشل بسبب التزوير واستغلال الحزب المنافس لامكانات الدولة لمصلحته - الانتخابات بتكلف الاحزاب اموال كبيرة جدا !!
يا ايمن صحيح المؤتمر الوطني عندو موارد وبستغل جزء من موارد الدولة لكن السؤال هم كم ؟ والاحزاب التانية كم ؟ تعداد سكان السودان بعد الانفصال زي 33 مليون المؤتمر الوطني بقول انو عندو فيهم 6 مليون (عديها لاغراض النقاش) طيب من الـــ 33 باقي كم باقي 27 مليون اقسمه النص (ناس صغار وناس كبار وناس ماعنده شغلة بالانتخابات) يفضل 13.500 مليون شيل الــ 3.500 دي ذاته باقي كم باقي 10 مليون يعني اكثر من ضعف منسوبي المؤتمر الوطني قرش مني وقرشين منك + عربيتي وعربيتك ........ وتشكل لجنة تحرس الصناديق وتنظم الصفوف ... الخ يمين تخلي ليهم الانتخابات دي خرم أبرة بس البقنع الديك منو هههههههههه
02-09-2013, 12:15 PM
omer osman omer osman
تاريخ التسجيل: 06-09-2007
مجموع المشاركات: 15218
يا جنابو ح نعيد نفس الأخطاء لمتين أي انتخابات الجاي تقول عليها في ظل جهاز أمن لا يحترم حتى قانونه الذي وضعه وحده و أجازه وحده وأكله واحده أصغر عسكري بموتر و جهاز لاسلكي بمقدوره منع صحيفة طبعت آلاف النسخ من الخروج للمكتبات و بمقدروه اغلاق دار أكبر حزب جماهيري أو مركز ثقافي ولا تدري من تراجع بالتالي ياتو ندوات جماهيرية ح تقوم وياتو منشورات او ملصقات ح تتوزع اي انتخابات يا جنابو في بلد طلابه يساقون جهارا امام الملأ ويعثر على جثثهم تاني يوم يقال "غرقوا" في ترعة عمقها نصف متر
ونعم بنصبر تمانية سنين تاني مالو يا قولك صبرنا كم وعشرين سنة لكن ما أراه بمعدل الفشل الحالي السودان نفسه لن يصبر التمانية سنوات ولن يكون موجودا بشكله الحالي بنهايتها
02-09-2013, 06:18 PM
Kabar Kabar
تاريخ التسجيل: 11-26-2002
مجموع المشاركات: 18537
عمر..حبابك يا صديقي كتر خيرك على هذه المفاكرة..و زي ما قال احد الأصدقاء.. هي رمي الحجر في البركة..و الباقي على الناس.. الأحزاب يا صديقي نست حكاية الصناديق..و بالتالي ما عندها غير برنامج واحد و هو اسقاط النظام..و هذه المسألة الشعب السوداني قاعد يقراها كويس..و بيقول ليك نفس النهج اتجرب بعد اكتوبر 1964 و بعد ابريل 1985. سقطت الأنظمة القمعية..و صعدت الأحزاب الى السلطة..و اكتشفت انو ما عندها أيتها حاجة في يدها.. عشان كده مهدت الطريق للعسكر..ده واقع الأحزاب بتزوغ منو بالباب العديل..و تقعد تملانا فقر نغير النظام.. و تعالوا نسقط النظام..! تجربة 2010..وضحت خفايا ادركتها كثير من الأحزاب..و انها فعلا الزمن اتجاوزها خالص..لأنو الحكي الكانت بتحكيهو اصبح مافي زول فاضي عشان يسمعوا.. الفكرة هنا انو احزاب اليوم بعيدة عن الواقع بسنوات ضوئية.. منذ 1989 قاعدين نهاتي بالتغيير..وللأسف الجهة الوحيدة القاعدة تعترف بالكلام دي هي ناس المؤتمر الوطني..و كل ما نحن نقول التغيير هم القاعدين يتغيروا و نحن قاعدين في نفس الخانة.. لآ غيرنا انفسنا ..ولا احدثنا تغيير في البلد.. في نوفمبر 2012.. زرت مدينة صغيرة اسمها ود عشانا (ضمن زيارتي للسودان بعد كم طاشر سنة)..و كنت بتنوس مع شباب..عاطل..و مستاء للغاية..سألتهم عن الحاصل في جنوب كردفان ما عندهم فكرة.. النيل الأزرق ما عندهم فكرة.. دارفور ما عندهم فكرة..لكن عندهم فكرة أنو الحكومة سيئة و مطلعة عينهم..و قالوا..ح نغيرها بالإنتخابات..!!!..يعني ديل يا قريبي لا راكب في راسهم فجر جديد ولا الذي منو..و ديل ياهم المنكوين بالنار..و منذ تلك اللحظة كنت مفكر اسأل سؤال: افرض لغاية 2015 الحكومة ما سقطت و النظام قاعد.. الخطة البديلة شنو ؟.. حتى لو اختارت الأحزاب طريق الإنتخابات.. فهي ليس لديها ما تقنع بيهو الناس..عشان كده هي ماسكة في حاجة واحدة : اسقاط النظام..و لمن النظام يسقط ح يقيف حمـــار شيخها في العقبة..! صحيح المؤتمر الوطني ارتكب الفواحش التي لا تخطر على بال..و لكنه جاد في كل حاجة بيعملها.. قالوا انتخابات هو جاد..قالوا دواس هو جاد.. قالوا تنمية.. هو عندو الحاجات باليغالط بيها مع الناس.. قالوا التغيير عندو حاجات كتيرة و ممكن يقول للناس ياهو التغيير البنقدر عليهو و انتو شايفينو في روحكم و معاشكم.. و الأحزاب ما عندها قدر ده..و لا عندها الإستعداد تسمع الجماهير دايرة شنو..! اخطر خطوة ممكن يلجأ ليها المؤتمر الوطني.. ممكن بكل سهولة يعمل ليهو اتفاق سلام مع النخبة المتوحشة ..و يجيبهم الخرطوم..و يقول ليهم تعالوا نلعب انتخابات..و برضك ح يصيعهم ليك زي الما حاصل.. شئ.. طبعا لمن نقول كلام زي ده النخبة الهايفة ح تعقد تشبكنا ليك بقيتو مؤتمر وطني و بطيخ..! الواقع الشايفو.. لغاية الإنتخابات ما تجي.. لا حكومة ح تسقط..ولا البشير ح ينقبض و يمشي لاهاي..يبقى البديل شنو؟.. و ناس الأحزاب لو عندهم حاجة مقننعة.. مالو ما يجربوا الإنتخابات..و يسقطوا..عشان يعرفوا يبنوا روحهم للمستقبل..! مطلبنا.. وقف الحرب.. كفاية دمار.. و دمت.. كبر
02-10-2013, 06:59 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: كتر خيرك على هذه المفاكرة..و زي ما قال احد الأصدقاء.. هي رمي الحجر في البركة..و الباقي على الناس.. الأحزاب يا صديقي نست حكاية الصناديق..و بالتالي ما عندها غير برنامج واحد و هو اسقاط النظام..و هذه المسألة الشعب السوداني قاعد يقراها كويس..و بيقول ليك نفس النهج اتجرب بعد اكتوبر 1964 و بعد ابريل 1985. سقطت الأنظمة القمعية..و صعدت الأحزاب الى السلطة..و اكتشفت انو ما عندها أيتها حاجة في يدها.. عشان كده مهدت الطريق للعسكر..ده واقع الأحزاب بتزوغ منو بالباب العديل..و تقعد تملانا فقر نغير النظام.. و تعالوا نسقط النظام..! تجربة 2010..وضحت خفايا ادركتها كثير من الأحزاب..و انها فعلا الزمن اتجاوزها خالص..لأنو الحكي الكانت بتحكيهو اصبح مافي زول فاضي عشان يسمعوا.. الفكرة هنا انو احزاب اليوم بعيدة عن الواقع بسنوات ضوئية.. منذ 1989 قاعدين نهاتي بالتغيير..وللأسف الجهة الوحيدة القاعدة تعترف بالكلام دي هي ناس المؤتمر الوطني..و كل ما نحن نقول التغيير هم القاعدين يتغيروا و نحن قاعدين في نفس الخانة.. لآ غيرنا انفسنا ..ولا احدثنا تغيير في البلد.. في نوفمبر 2012.. زرت مدينة صغيرة اسمها ود عشانا (ضمن زيارتي للسودان بعد كم طاشر سنة)..و كنت بتنوس مع شباب..عاطل..و مستاء للغاية..سألتهم عن الحاصل في جنوب كردفان ما عندهم فكرة.. النيل الأزرق ما عندهم فكرة.. دارفور ما عندهم فكرة..لكن عندهم فكرة أنو الحكومة سيئة و مطلعة عينهم..و قالوا..ح نغيرها بالإنتخابات..!!!..يعني ديل يا قريبي لا راكب في راسهم فجر جديد ولا الذي منو..و ديل ياهم المنكوين بالنار..و منذ تلك اللحظة كنت مفكر اسأل سؤال: افرض لغاية 2015 الحكومة ما سقطت و النظام قاعد.. الخطة البديلة شنو ؟.. حتى لو اختارت الأحزاب طريق الإنتخابات.. فهي ليس لديها ما تقنع بيهو الناس..عشان كده هي ماسكة في حاجة واحدة : اسقاط النظام..و لمن النظام يسقط ح يقيف حمـــار شيخها في العقبة..! صحيح المؤتمر الوطني ارتكب الفواحش التي لا تخطر على بال..و لكنه جاد في كل حاجة بيعملها.. قالوا انتخابات هو جاد..قالوا دواس هو جاد.. قالوا تنمية.. هو عندو الحاجات باليغالط بيها مع الناس.. قالوا التغيير عندو حاجات كتيرة و ممكن يقول للناس ياهو التغيير البنقدر عليهو و انتو شايفينو في روحكم و معاشكم.. و الأحزاب ما عندها قدر ده..و لا عندها الإستعداد تسمع الجماهير دايرة شنو..! اخطر خطوة ممكن يلجأ ليها المؤتمر الوطني.. ممكن بكل سهولة يعمل ليهو اتفاق سلام مع النخبة المتوحشة ..و يجيبهم الخرطوم..و يقول ليهم تعالوا نلعب انتخابات..و برضك ح يصيعهم ليك زي الما حاصل.. شئ.. طبعا لمن نقول كلام زي ده النخبة الهايفة ح تعقد تشبكنا ليك بقيتو مؤتمر وطني و بطيخ..! الواقع الشايفو.. لغاية الإنتخابات ما تجي.. لا حكومة ح تسقط..ولا البشير ح ينقبض و يمشي لاهاي..يبقى البديل شنو؟.. و ناس الأحزاب لو عندهم حاجة مقننعة.. مالو ما يجربوا الإنتخابات..و يسقطوا..عشان يعرفوا يبنوا روحهم للمستقبل..! مطلبنا.. وقف الحرب.. كفاية دمار.. و دمت.. كبر
والله يا استاذ كبر حاولت اقتبس اهم النقاط من كلامك ده لقيتو كل مهم وكلو في الصميم قراية واعية وقريبة من نبض الشارع وفيه شيء عملي ما كلام نظري ساكت .. حتى الاحزاب البتصر على إسقاط النظام هسي قول ليهم خطتكم شنو لاسقاط النظام ده شنو الفعل الايجابي العملتوهو في سبيل اسقاط النظام لاشيء ونظل ندور في هذه الحلقة المفرغة حتى يرن جرس امتحان 2015م وتكتشف الاحزاب بانها لم تسقط النظام ولم تستعد للانتخابات ّّّّ
02-10-2013, 06:53 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: يا جنابو ح نعيد نفس الأخطاء لمتين أي انتخابات الجاي تقول عليها في ظل جهاز أمن لا يحترم حتى قانونه الذي وضعه وحده و أجازه وحده وأكله واحده أصغر عسكري بموتر و جهاز لاسلكي بمقدوره منع صحيفة طبعت آلاف النسخ من الخروج للمكتبات و بمقدروه اغلاق دار أكبر حزب جماهيري أو مركز ثقافي ولا تدري من تراجع بالتالي ياتو ندوات جماهيرية ح تقوم وياتو منشورات او ملصقات ح تتوزع اي انتخابات يا جنابو في بلد طلابه يساقون جهارا امام الملأ ويعثر على جثثهم تاني يوم يقال "غرقوا" في ترعة عمقها نصف متر ونعم بنصبر تمانية سنين تاني مالو يا قولك صبرنا كم وعشرين سنة لكن ما أراه بمعدل الفشل الحالي السودان نفسه لن يصبر التمانية سنوات ولن يكون موجودا بشكله الحالي بنهايتها
لماذا لانضعهم امام هذا الامتحان ياودالبشرى بدلاً عن الاجابة بالنيابة عنهم بانهم سيفعلون وسيفعلون لن نخسر شيء وكما قال العالم الكبير لمساعده بعد فشل تجربة يجرونها للمرة المائة (لاتحزن ولاتيأس على الأقل اصبحنا متأكدين الأن ان المائة طريقة التى جربناها فاشلة) وفي حال رفضنا خوض الانتخابات ماهي الحلول والخيارات الأخري !!! ام ننتظر حتى تاكل دابة الارض منسأة النظام !!! الانتظار فعل سلبي لماذا نقوم بشيء إيجابي !!!
02-09-2013, 01:58 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
جنابو عمر والضيوف .. سلام دستور السودان الساري حالياً يعطي رئيس الجمهورية سلطة حل المجالس التشريعية ولا تنعقد إلا إذا دعاها للإنعقاد ولا يسري أي قانون أو تشريع إلا بعد موافقة رئيس الجمهورية عليه ومن حقه رفض أي قانون وإرجاعة للمجلس لتعديله والدستور لا يلزم رئيس الجمهورية بإبداء اسباب لحل المجلس او رفض القوانين وفي نفس الوقت لا يستطيع المجلس التشريعي إتهام رئيس الجمهورية إلا بموافقة ثلاثة أرباع جميع أعضاء الهيئة التشريعية
الخلاصة أنه مع تمركز كل السلطات في يد رئيس الجمهورية لا معنى للفوز بنصف مقاعد الهيئة التشريعية إذن لا يمكن التغيير عن طريق الإنتخابات إلا بالفوز برئاسة الجمهورية وهذا ما لن يسمح به المؤتمر الوطني بأي شكل
في رأيي الفائدة الوحيدة للأحزاب من الإنتخابات هي حرية الحركة نسبياً والتي تمكنها من الوصول للجماهير ومخاطبتها وفي الآخر لا تغيير إلا عن طريق الشارع
02-09-2013, 06:25 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
بالخج يا علاء الدين بالتزوير وبتجيير إمكانات الدولة من آليات وعربات.وفلوس لشراء الذمم والاصوات. بتسليط جهاز امن النظام علي الخصوم السياسيين وإرهابهم ..بالإعتقال والإستد عاء , ب.... ب.. ...الخ....
وتحياتي عمر عثمان.
02-09-2013, 07:08 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: بالخج يا علاء الدين بالتزوير وبتجيير إمكانات الدولة من آليات وعربات.وفلوس لشراء الذمم والاصوات. بتسليط جهاز امن النظام علي الخصوم السياسيين وإرهابهم ..بالإعتقال والإستد عاء , ب.... ب.. ...الخ....
يامرتضي تحياتي ...... طيب اذا افترضنا انو فعلاً دي الاسباب الخلت المؤتمر الوطني يفوز (راجع ردي لاخونا ايمن) خلينا نصعب عليهم المهمة دي ونضايقهم فيها وصدقني تستطيع هذه الاحزاب ان تحلت بالجدية ان تفوز في كثير من الدوائر لماذا الاستسلام ورفع الراية البيضاء في ظل عدم فعالية الخيارات الاخري على الأقل حتى الأن !!!!
02-10-2013, 07:12 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: سلامات يا جنابو شوف تأريخ هذه التّغريدة متين ؟
تحياتي ياعلاء ......... عارف ياعلاء وما بستغرب وزي مابقول المثل كان متنا شقينا المقابر هههههههههههه في اغلب دول العالم كله احزاب المعارضة تكون اكثر جدية وفعالية وتنظيم من الحزب الحاكم لان واحد من اهم اهداف الحزب السياسي هو (الوصول الى السلطة) حالها اشبه بحال الفريق الذي يسعي للفوز في مباراة مصيرية بالنسبة له يكون اكثر اندفاعاً وحيوية في مواجهة الفريق الذي يكفيه التعادل للظفر بنتيجة المباراة إلا في السودان احزاب المعارضة تلعب للتعادل او الهزيمة بشرف بينما يسعي المؤتمر الوطني للفوز !!!!
02-10-2013, 07:04 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: دستور السودان الساري حالياً يعطي رئيس الجمهورية سلطة حل المجالس التشريعية ولا تنعقد إلا إذا دعاها للإنعقاد ولا يسري أي قانون أو تشريع إلا بعد موافقة رئيس الجمهورية عليه ومن حقه رفض أي قانون وإرجاعة للمجلس لتعديله والدستور لا يلزم رئيس الجمهورية بإبداء اسباب لحل المجلس او رفض القوانين وفي نفس الوقت لا يستطيع المجلس التشريعي إتهام رئيس الجمهورية إلا بموافقة ثلاثة أرباع جميع أعضاء الهيئة التشريعية الخلاصة أنه مع تمركز كل السلطات في يد رئيس الجمهورية لا معنى للفوز بنصف مقاعد الهيئة التشريعية إذن لا يمكن التغيير عن طريق الإنتخابات إلا بالفوز برئاسة الجمهورية وهذا ما لن يسمح به المؤتمر الوطني بأي شكل في رأيي الفائدة الوحيدة للأحزاب من الإنتخابات هي حرية الحركة نسبياً والتي تمكنها من الوصول للجماهير ومخاطبتها وفي الآخر لا تغيير إلا عن طريق الشارع
يامصطفي تحياتي الفوز بمقاعد البرلمان هو الطريق الصحيح لتغيير الدستور وليس الفوز بمنصب رئيس الجمهورية !!! فسلطة تعديل الدستور هي سلطة برلمانية !!! وقبل ذلك الأن مطروح نقاش حول الدستور الجديد فالدستور الحالي هو دستور 2005م وبانفصال الجنوب تغيرت امور كثيرة الأن السؤال ماهي رؤية هذه الاحزاب للدستور الجديد (رؤية مكتوبة) مش كلام وطق حنك في الصحف والتلفزيون !!!!
02-10-2013, 07:16 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ياجنابو وضيوفه سلام الانتخابات في السودان علم براهو وحساباته مختلفة مثلا الدائرة رقم (صفر) يتم اختيار المرشح حسب القبيلة والمكانه الاجتماعية للمرشح وبعد ذلك يتم التحرك في هذا الاتجاه ثانيا المرشح غير معروف وهو من قيادات الحزب الحاكم يتم الاجتماع بأعيان المنطقة وزعماء القبائل ومشايخ الطرق الصوفية ويتم التفاوض في ماذا يقدم المرشح للمنطقة ويتم من خلال المفاوضات يتم البيع والشراء في الناخب دون علمه وهو تابع لشيخه وزعيم قبيلته وتكون النتيجة مضمونة والذي يخالف هؤلاء المفاوضين سوف تناله لعنات الحكومة بعدة طرق حرمان من العمل رسوم محلية ضرائب إلغاء تراخيص يعني لوخالفت ميتة وخراب ديار ( نموذج للريف)
02-10-2013, 08:41 AM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: يامصطفي تحياتي الفوز بمقاعد البرلمان هو الطريق الصحيح لتغيير الدستور وليس الفوز بمنصب رئيس الجمهورية !!! فسلطة تعديل الدستور هي سلطة برلمانية !!! وقبل ذلك الأن مطروح نقاش حول الدستور الجديد فالدستور الحالي هو دستور 2005م وبانفصال الجنوب تغيرت امور كثيرة الأن السؤال ماهي رؤية هذه الاحزاب للدستور الجديد (رؤية مكتوبة) مش كلام وطق حنك في الصحف والتلفزيون !!!!
كلامك صحيح 100% لكن أقرا كلامي مع كلام ود البشرى في الصفحة الأولى ومعاك إنو مفروض يكون في دستور جديد لكن هل تتوقع إنو يكون أفضل من دستور 2005 ودة ساهم فيهو مراقبين ومجتمع دولي وجهة معارضة تسعى لشراكة حقيقية وبعد كدة لما جينا للقوانين بقى الدستور ما عندو معنى مثلاً جهاز الأمن الدستور بقول (تكون خدمة الأمن الوطني خدمةً مهنيةً وتركز في مهامها على جمع المعلومات وتحليلها وتقديم المشورة للسلطات المعنية) وجا القانون أداهو سلطات الداخلية كاملة من إعتقال وتحري وحبس وبقى عندو علاقات خارجية ومصالح تجارية وحتى القانون المفصل على كيفهم زي ما قال ليك ود البشرى ما شغالين بيهو
الخلاصة تاني انو ما ممكن تكون في إنتخابات حرة ومتكافئة الفرص في ظل الحكومة القائمة إذا المؤتمر الوطني واثق من قوتو وضعف الأحزاب اليسلم السلطة لي حكومة قومية تشرف على الإنتخابات
02-10-2013, 10:29 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
الانتخابات آلية ديمقراطية وتنويرية مهمة لا يمكن لحزب ديمقراطي حقيقي ان يتجاوزها ولكن الديمقراطية هي اعمق واكبر من مجرد عملية الانتخابات .
اغلب احزابنا من حزب حاكم لمعارضة ليست اصلا احزابا ديمقراطية لذلك بعضها مثل المؤتمر الوطني يختزل ويشوه ويزور الانتخابات؛ والبعض الاخر يقاطعها بسهولة لا،ه اصلا لا يعول على الاليات الديمقراطية
الان هناك انتخابات تكميلية لوالي القضارف ودائرة واحدة في القضارف وانتخابات تكميلية في 6 دوائر بالخرطوم .. أين الاحزاب منها ؟
Quote: ياجنابو وضيوفه سلام الانتخابات في السودان علم براهو وحساباته مختلفة مثلا الدائرة رقم (صفر) يتم اختيار المرشح حسب القبيلة والمكانه الاجتماعية للمرشح وبعد ذلك يتم التحرك في هذا الاتجاه ثانيا المرشح غير معروف وهو من قيادات الحزب الحاكم يتم الاجتماع بأعيان المنطقة وزعماء القبائل ومشايخ الطرق الصوفية ويتم التفاوض في ماذا يقدم المرشح للمنطقة ويتم من خلال المفاوضات يتم البيع والشراء في الناخب دون علمه وهو تابع لشيخه وزعيم قبيلته وتكون النتيجة مضمونة والذي يخالف هؤلاء المفاوضين سوف تناله لعنات الحكومة بعدة طرق حرمان من العمل رسوم محلية ضرائب إلغاء تراخيص يعني لوخالفت ميتة وخراب ديار ( نموذج للريف)
في قريتي يا عمر هذا ما حدث بالظبط - كان هنالك مرشحين من اهل المنطقة ، واحد شبه امي وموالي للحكومة والاخر دكتور في جامعة النيلين - المهم انتهت الانتخابات بتاعة المجلس الوطني اظن وفاز مرشح المؤتمر الوطني - في الاجازة تحدثت مع بعض شباب القرية وكنت مستغرب لفوز مرشح المؤتمر الوطني ومستنكر لذلك - وحسب معرفتي اهل المنطقة كلهم غير مؤيدين للمؤتمر الوطني . ردهم بالنسبة لي كان بسيط ومفحم - زولنا(الدكتور) لو فوزناهو ما حيقدر يعمل لينا اي حاجة وما بيقدر يجيب لينا دعم من الحكومة ، بس مرشح المؤتمر الوطني الحكومة بتدعمو وبتسهل ليهو الامور وبيقدر يقدم لينا حاجة ولو بسيطة !! غير القروش الضخمة الصرفها مرشح المؤتمر الوطني - ده مثال من الواقع !
02-10-2013, 07:38 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: لماذا لانضعهم امام هذا الامتحان ياودالبشرى بدلاً عن الاجابة بالنيابة عنهم بانهم سيفعلون وسيفعلون لن نخسر شيء وكما قال العالم الكبير لمساعده بعد فشل تجربة يجرونها للمرة المائة (لاتحزن ولاتيأس على الأقل اصبحنا متأكدين الأن ان المائة طريقة التى جربناها فاشلة) وفي حال رفضنا خوض الانتخابات ماهي الحلول والخيارات الأخري !!! ام ننتظر حتى تاكل دابة الارض منسأة النظام !!! الانتظار فعل سلبي لماذا نقوم بشيء إيجابي !!!
يا جنابو يا ريتها لو كانت اجابة عنهم وافتراض انهم ح يعملوا و ح يسوّوا المشكلة إنهم بعملوا و بسوّوا فعلا و حاليّا أسّي ناو وقبل الإنتخابات بسنتين هل الأمن ملتزم بحدود سلطاته و قانونه؟ هل ما مجلس الصحافة هو السلطة الأعلى و المرجع في ما يخص الصحف اصدارا و ترخيصا و عقوبات؟ هل وزارة الثقافة مثلا أو الشؤون الإجتماعية أو الشباب أو أي وزارة مختصة هي التي لها الكلمة العليا و النهائية في ما يتعلّق بالمراكز الثقافية و النشاط الثقافي؟ يا جنابو احنا ح نغش نفسنا ولاّ إيه, لا انتخابات في ظل اجهزة لا تخضع حتى لقوانينها التي وضعتها بنفسها و حنخسر مزيد من الإحباط و الجهد الكان ممكن يوجه في مناحي اخرى أقلّاها ممارسة ضغوط على الحكومة ان تلجم نفسها و اجهزتها شوية و الضغوط دي مقاطعة الإنتخابات أحد أشكالها
بالنسبة للحلول و البدائل كضَاب البقول ليك عندي! لكن قطعا مشاركة المؤتمر الوطني في مسرحية انتخابات بالظروف الموجودة حاليا ومشاركته في إضفاء شرعية كاذبه عليه ليس أحد هذه الحلول و البدائل
02-10-2013, 08:12 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: بالنسبة للحلول و البدائل كضَاب البقول ليك عندي! لكن قطعا مشاركة المؤتمر الوطني في مسرحية انتخابات بالظروف الموجودة حاليا ومشاركته في إضفاء شرعية كاذبه عليه ليس أحد هذه الحلول و البدائل
7
انا بقول عندي يا باشمهندس وهي الشارع ورأيي إنو ما في غيرو خيار لا جبهة ثورية ولا فجر جديد وبالضرورة ولا إنتخابات غير كدة إلا معجزة يتنازل فيها المؤتمر الوطني عن السلطة ودي مستحيلة
يا جنابو عمر الانتخابات طريق للمؤتمر الوطني لنيل شرعية كاذبة وإذا الأحزاب مشت في الطريق دة يبقى تستسلم لنتايجو
02-10-2013, 10:50 PM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
الاخ الراقى الاخ المريخابى الضابط النشط هنا وهناك (عدا دفتر أحوال الضابط المناوب !!) الاخ عمر عثمان تحياتى وصراحة تجدنى (أغبطك ) على هذا النشاط الاسفيرى والشوت فى كل الاتجاهات وهذا يعفيك من العتاب واللوم فى دفترنا بى هناك !!وآهو سادى النبطشية (كجوكر ) مره شرطة ومره أمن ومره إستخبارات عسكرية ومره كورة وأصلو الحمد لله ما (غلبتك القراية !!) وأنا لسع بعمل فى مقدمة لكى أدخل فى صميم موضوعك !!شُفت مقدمات الهلال دى كييف السنه دى ؟؟ الحالة (وزأوت سيدا !!!) . منعرج السياسه السودانية عويص ورغم تكرار المنوال فيه منذ ما بعد الاستقلال الى حكومة ديمقراطية لا تصبر عليها أحزابنا الكبيرة (الامة الانصار والاتحادى الختمية بسبب عدم ديمقراطية الاحزاب ) وإعتمادها على ديكور النخبة المتعلمة (الازهرى والمحجوب ) والذين هم أبعد الناس من الحزبين قناعة وأقربهم مناصب بل وأهم المناصب !! وتفشل الديمقراطية ويسلموا أو يستلم الجيش فى أول محاولة (حكومة عبود ) ويستمر (العسكر ) حسب ما يصفهم الشيوعيين وغيرهم رغم أنهم من أكثر أهل السودان (أمانة وكفاءة وقبيلة وتأهل ولكن عدم قناعة الشارع والحزبين بهم ثم إنشغالهم هم أنفسهم بالمنقلبين عليهم من زملاء السلاح للوصول للسلطة وبريقها (إنقلاب شنان وغيره من المحاولات فى حكومة عبود والاعدامات التى عرفها الشعب السودانى مبكراً وسط ضباط الجيش فى ذلك الزمان) ثم تأتى إكتوبر 21 1964م كأول (ربيع عربى أفريقى فى ذلك الزمان البعيد ) وتأتى حكومة ديمقراطية سرعان ما تنهار خلال 1969م لينقلب الرئيس نميرى على الديمقراطية وينقلب عليه الشيوعين ليفتك بهم (مدنيين وعسكرين فى سابقة هزت العالم وفرقتهم أيدى سبأ) وأيضاً ينقلب نميرى على الحزبين الكبيرين ويشتت شملهم بما فيهم تحالف الاخوان المسلمين فى ذلك الزمان ويتحدوا (تحت راية القذافى فى ليبيا ) ويدخلو السودان لخلع نميرى فى العام 1976م بما عرف عند حكومة نميرى بإنقلاب المرتزقة والذى كان من ضمن من شارك فيه من هم أكثر بياضاً من كليين وهو المناضل والشجاع وقتها غازى صلاح الدين العتبانى والذى كان يحمل مدفعة فى مكاتب المواصلات السلكلية واللاسلكية فى دار الهاتف ليقطع السودان من العالم . وتأتى المصالحة ويرفض الصادق المهدى العمل بعد أن صالح نميرى وهنا ينتهز (الثعلب السياسى الدكتور حسن عبدالترابى الفرصه ) ويدخل بالاخوان المسلمين الى عمق التجربة المايويه ويقبل بكل نظرياتها من إتحاد إشتراكى أصبح حقيقة وإصلاح زراعى وتكامل مع مصر كان فى أوجه والتكامل كان سياسياً رفع شأن مصر بعد توقيع كامب ديفيد مع إسرائيل (وهذا موضوع طويل فى سياسة نميرى وتحولاتها والعمل على إطالة عمره فى الحكم والتى لعبت فيها أمريكا ثم إسرائيل دوراً محورياً وهاماً ) الى أن جاء عهد الثمانينات وتطبيق الشريعة الاسلامية أو قوانين سبتمبر والتى لعب فيها الترابى ( وأبناء أبو قرون عوض الجيد والنيل ) دور أساسى أدى أن يساعد فى إطاله عمر الرئيس الى ثلاثة سنوات حتى الانتفاضة والتى لعبت فيها الولايات المتحدة الدور المحورى فى القضاء على الرئيس نميرى وحكمه . جاءت إنتفاضة أبريل 1985م (الربيع العربى الافريقى الثانى وكان وقتها كل العرب فى نوم عمييييق تونس ومصر وليبيا وسوريا واليمن والعراق وغيره ). كل هذه الاحداث تفتت من عضد الاحزاب التقليدية (الامة الانصار والاتحادى الديمقراطى الختمية والتى أساساً تعتمد على أهل البيوت والتنكراط وحمله الشهادات الجامعية من خارج البيت ممن لهم ولاءات قديمة لجدودهم أو ذويهم أو تحالفات قديمة مثل تحالف الميرغنى مع اليسار فى الستينيات من القرن المنصرم ) ، كل هذه التداعيات أدت الى ظهور ما يعرف بعد الانتفاضة (بالجبهة الاسلامية القومية والتى كان عرابهاالدكتور حسن عبدالله الترابى قد وجد شعبية ومقاعد محترمه فى البرلمان رغم عدم فوزه فى دائرة الصحافة المشهورة ) لكنه سرعان ما دخل البرلمان وأصبح وزيراً أو نائب للبرلمان زاد من نفوذه ونفوذ حزبة (الجبهة الاسلامية القومية والتى كانت قد أرست السياسات الاقتصادية منذ أيام نميرى فى السبعينيات مستفيده من عطاء رجال الاعمال والمال وأبناء الفيصل من بنك فيصل الاسلامى بالسعودية ومن بعض رجال الاعمال القريبين من محمد الفيصل كرجل الاعمال الاسلامى المعروف الطيب أحمد عثمان النص إبن العيلفون البار والذى قدم لنفسه ولحزبه ولأقاربة الخير الكثير وما زال نائباً لدائرة العيلفون لثلاثة دورات برلمانية منذ الثمانينات . وجاء الانقلاب الاخير (ثورة الانقاذ الوطنى ) والتى هى ثوره حزبية عرابها الدكتور حسن عبدالله الترابى رغم كل حركات الاخفاء والتخفى فى الاشهر الاولى وبدأت بمؤتمرات سياسية وإقتصادية وأمنية وأحكمت القبضة الحديدية على الاقتصاد وفتحت السوق الحر والذى من خلاله دخل (المنتفعين والبلطجية ورافعى شعار أى حكومة وظهرت شعارات التمكين وهى لله هى لله والواقع بعيداً عن الله ورسوله ) فكانت سياسات تفرقه الاحزاب وتقسيمها الى أكثر من قسم قبل المفاصله المشهورة فى 1999م بين الترابى والبشير والتى قسمت (الانقاذ والحركة الاسلامية ) الى معسكرين (وطنى وشعبى ) ظهرت بعده مباشرة أن نشطت (الحركات المسلحة فى دارفور) والتى كانت أصلاً (تتملل ) منذ أزمان تاره ضد هيمنه الاحزاب الكبرى وتاره من ظلم المركز فى العدالة التنموية وفى الخدمات رغم إنضمام أعداد مهوله من أبناء دارفور الى الحركة الاسلامية عموماً وتركهم بمحض إرادتهم الانضمام الى الاحزاب التقليدية (الامة والاتحادى ) . ظهور الحركات المسلحة فى دارفور إضافة الى حرب الجنوب والتى إتخذت فى عهد الانقاذ طريق (الحرب الجهادية بدخول قوات الدفاع الشعبى الموالية للإنقاذ صاحبة التدريب الاقل والولاء المطلق على حساب القوات المسلحة السودانية والتى أدى تشريد المخلصين منها للوطن الى أن تكون فى يد الانقاذ وخاصه أن الرئيس البشير إبن الحركة الاسلامية هو رئيس الجمهورية والقائد الاعلى للقوات المسلحة السودانية وفى يده كل شىء دستورياً . رغم توقيع إتفاقية السلام الشامل (نيفاشا مع الحركة الشعبية بجنوب السودان ورغم الانفصال والذى كان برغبه جنوبية حقيقية وبشجاعة شمالية متأخره لحل الاحتراب إلا أن ذلك لم يؤدى الى وقف الحرب ) والسبب أن الغرب الذى دفع فواتير عديدة منذ التمرد الاول فى الجنوب يريد أن تكون له الكلمة العليا فى تكوين الحكومات هنا وهناك خاصه بعد ظهور البترول علناً وموارد أخرى هامه متوافره فى باطن أرض السودان وقد ظهر منها الان البترول والذهب . بعد توقيع الاتفاقيات مع الجنوب ومع بعض الحركات المتمرده فى دارفور كانت إنتخابات 2010 الرئاسية والبرلمانية والتى كانت فى ظروف حساسه كانت الاحزاب غير جاهزة لتمكن المؤتمر الوطنى من كل موارد الدولة ومن كل سبل رزق المواطن والذى أصبح وكأنه (لم يسمع بهذه الاحزاب فى ظل النهضة الاقتصادية والبحبوبه المعيشية التى ظهرت على شعب السودان بعد 2002م ظهور البترول ورغم أنها محدوده ولكن توقفت هذه بعد العام 2011م وإنفصال الجنوب وأصبح الغلاء والفقر المدقع هو الذى يملأ الساحة السودانية من عاصمتها الى أريافها وأصقاعها التى تعانى الامرين . سمن وتدوعل وكبر وأنتفخ (المؤتمر الوطنى ) بصورة لم تخطر على بال أى رئيس حزب وأصبح بمقدوره الفوز بالانتخابات بى طرف إيدو وبالصف الثانى فى كل شىء !! ،فالاحزاب للأسف الاسيف أنشغلت (بإسقاط حكومة المؤتمر الوطنى بكل السبل وتناست أن هناك إستحقاق فى العام 2015م!!) فتحى اليوم الاحزاب التى ترفع السلاح (لحركات المتمرده وقطاع الشمال المدعوم من دولة الجنوب ومن الحكومات الغربية والولايات المتحدة الامريكية وغيرها ) كل هؤلاء لديهم إستراتيجية واحده فقط والحكومة لها إستراتيجيتان وهى محاربه من يرفع السلاح والاستعداد للإنتخابات وهى قابضة على كل موارد الدولة ولا يهمها (محمد أحمد الغلبان أو بنته التى يغتصبها إستاذها !!!) المهم أن الفوز فى الانتخابات القادمة لابد أن يكون للمؤتمر الوطنى رغم أن الرئيس البشير أعلن عدم رغبته فى الترشح ويبقى حال المؤتمر الوطنى مع الاحزاب كحال من يعلن (عن صندوق أو خته بالطريقة السودانية ويدفعها ويصرفها لنفسه !!!) .
أخوانى الكرام الاخ جنابو عمر عثمان صاحب البوست والمتداخلين أرجو أن تركزو وتردوا وتتداخلو مع هذه المداخله الهامة والتى تؤكد أن أحزابنا التقليدية ليست لها أى إستراتيجية لا قديمة ولا جديدة!!! . يبدو لى تأريخياً بعد أن دخل الامام محمد أحمد المهدى الخرطوم وأستقر بها وكون عاصمته أمدرمان فى حياته أبو بعد وفاته بقليل قام أولاده بشراء أراضى زراعية واسعة فى المنطقة من الحلفاية حتى الجيلى على النيل وكان أشهر ما أشتروا من أراضى من الزبير باشا فى السقاى وكان أجدادنا أيضاً قد أشتروا من الزبير باشا ولكن أراضى بسيطة مقارنه بأراضى آل المهدى ، أشتهرت أراضى المهدى بجنينة المهدى بالسقاى وأستراحة المهدى والجنينة كانت حتى الثمانينيات والتسعينيات المصدر الاعظم للعاصمة بكل أنواع المانجو والخضار والحمضيات والشتول وغيرها وإستراحتها معروفه بقضاء العطلات والرحلات فما أن نقول من السقاى وإلا يرد عليك 10 من المجلس يقولو جينا رحله إما طلبة فى المدارس والجامعات أو موظفين دولة . عاصرنا أن عاصرت أنا إنتخابات 1986م بعد الانتفاضة وكان الصادق المهدى وحزبه فى أحسن حالاته فلم نسمع له بأى مرشح من العيار الثقيل فى الدائرة والتى توجد بها (قرية السقاى الانصار من ضمن القرى الثلاثة للسقاى الكبرى كلها أنصار المهدى من حلاوين وأبناء النيل الابيض وكردفان ودارفور) وهم نعم الاخوان والرجال !!فلو قام الصادق المهدى بنفسه بزيارة هذه القرى وعمل برنامج لهذه القرى ينطلق من جنينة المهدى بالسقاى وشارك أهل القرى خدماتهم الرياضية والعلاجية والتعليمة وأخرج من أموال أراضيهم ومزارعهم البسيط صرفاً على الخدمات ومشاركة لهذه القرى فى تلك الدائرة لضمن هذه الدائرة والى الابد !!فحدث أن فاز بها مرشح الاتحادى الديمقراطى (أبوحريرة ) فى إنتخابات 1986م وفى الانتخابات الاخيرة فاز بها الدكتور عوض الجاز رغم أننا لانعرف عنهم أى شىء !!!. والان أقول لكم لو أن حزب الامة والصادق المهدى جاد فى أمر الانتخابات وفوضنى بعد أن أقدم له خطه العمل فى الدائرة من الان فوضى لهذه الدائرة أقول أننى سوف أضمن له الفوز (إن شاء الله فى هذه الدائرة ) بشرط تنفيذ كل مطالب أهل الدائرة قبل وبعد الانتخابات وهى خدمات أساسية ومشروعة والسيد الصادق المهدى وحزبه ومن خلال فقط الامكانيات المتاحه من الاراضى التى لم تُباع بعد والمشاريع القائمة (وأراضى أسرة الصادق التى لم يبييع منها شئياً ) من خلال هذه الامكانيات سوف أضمن الفوز لحزب الامة وهذه دائرة طارت من المؤتمر الوطنى أو أن هناك مستقلاً له إمكانيات طيبة وقبول وكان من أهل المنطقة وممن خدموها ونافس فى هذه الدائرة ومن الان لفاز على مرشح المؤتمر الوطنى وبكل سهوله !!! فمن منكم يضمن دائرة ودائرة الى أن تكتمل دوائر الفوز فى حالة عدم سقوط المؤتمر الوطنى والذى لا أراه قريباً ليس بسبب قوة المؤتمر الوطنى ولكن (لزهد المواطن السودانى وعدم قناعته بجدية الاحزاب ) .
الأخ عمر عثمان لك التحايا ولكل المتداخلين الكل متفق على ضرورة التغيير حتى بعض منسوبي المؤتمر الوطني ينادون بالتغيير !! رياح الربيع العربي لم تصل الى السودان لأسباب كثيرة ربما من بينها دموية التغيير في ليبيا ومايجري الان في سوريا والاحباط من نتائج التغيير في تونس ومصر والحالة الغير مفهومة في اليمين فربيع اليمن تمخض عن مولود لا هو حصان ولا هو حمار !!! الشعب السوداني كان معلم الشعوب في عالم الثورات الشعبية فهل يقدم الأن درساً جديداً في كيفية إحداث التغيير عبر صناديق الانتخابات !!!
قلت ان رياح الربيع العربي لم تصل السودان وتعتقد ان عدم وصولها هو ما الت اليه احوال بلدان الربيع العربي! اولا ما زال الوقت مبكرا للحكم على ثورات الربيع العربي. ثانيا كل البيحصل في السودان ده انت ما شايفو؟ انت قاعد وين يا زول؟ لا شايف الناس البتطلع في الشوارع ولا شايف الطلبة البموتو ولا شايف السجون المليانة ولا شايف النيران المولعة في دارفور والنيل الازرق وجبال النوبة! ولا شايف النسوان البنجلدن وينسجنن كل يوم ديل ولا شايف وفود تمشي كمبالا ووفود تمشي القاهرة؟ تعرف يا اخي العزيز البوست بتاعك ده واحد من تلاتة احتمالات 1- انك ما فاهم البيحصل شنو قدامك . 2- انك ناقش كل حاجة وانك كوز لابس جلابية معارض 3- انك زول طيب النية ونفد صبرك في الخلاص وانا لأني ما بعرفك سوف افترض الاحتمال نمرة 3 واتمنى من صميم قلبي ان لا تأخذ المسألة شخصية فانت اتيت برأي وطرحته للنقاش وسوف اناقشه معك في حدود الأدب والاحترام معروف حكومة الانقاذ ومنذ زمن بعيد عايشة رزق اليوم باليوم يعني كلام انتظروا الانتخابات ده دايرين يكسبوا بيهو سنتين زيادة ليس الا ودي ما عايزة ليها درس عصر. نحن لو ما فهمنا الانقاذ لغاية دلوقتي بعد 23 سنة والله الرمادة في خشمنا ده! هو الله ده شافوهو بالعين ولا عرفوه بالعقل؟ قال انتخابات قال؟ يعني كيف تكتف لى زول ايديهو ورجليهو وتقول ليه يالاك نمشي نعوم في البحر ده ونشوف البفوز منو؟ ثم ان المسألة في الأصل ليست انتخابات! يعني حتى لو نزلت احزاب المعارضة الانتخابات وفازت بالنسب التي ذكرتها فانك استبدلت شخوص من الحزب الحاكم بشخوص من المعارضة! المشكلة هي انو النظام بكامله نظام فاسد ولا يصلح للوطن بل هو سام وقاتل ويجب رميه في النفايات وبعناية تامة. يجب حلحلته بأكمله وبكامل مشروعه اللاحضاري، وهذا لا يتم الا بثورة شعبية شاملة. واضح انك زول بتاع كورة وبتحب اللعبة الحلوة، طيب لو كنت قائد لفريق وعرفت انو خصمك اشترى الحكم الأول ومساعديه والحكم الرابع ومش كدة وبس كمان اي لاعب في الفريق بالاحتياطي ادوه مطوة دخلها في شراب الجزمة حا تمشي برضو تلعب مباراة زي دي؟ اخي العزيز عمر الثورة قادمة قادمة وهي اقرب مما يتوقع الكثيرون ورأيك الذي طرحته هنا اليوم نال استحسان الكيزان فصفقوا له وجاؤا يظاهرون بعضهم بعضا. فان كنت ليس من ملتهم وترغب في زوال هذه الطغمة الباغية من فوق ظهرنا فاعد قراءة وتحليل راهن الواقع السوداني من جديد وانا متأكد انك سترى النصف الملئ من الكوب. ولك اخي العزيز عمر خالص احترامي وتقديري
02-12-2013, 07:23 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: بعد توقيع الاتفاقيات مع الجنوب ومع بعض الحركات المتمرده فى دارفور كانت إنتخابات 2010 الرئاسية والبرلمانية والتى كانت فى ظروف حساسه كانت الاحزاب غير جاهزة لتمكن المؤتمر الوطنى من كل موارد الدولة ومن كل سبل رزق المواطن والذى أصبح وكأنه (لم يسمع بهذه الاحزاب فى ظل النهضة الاقتصادية والبحبوبه المعيشية التى ظهرت على شعب السودان بعد 2002م ظهور البترول ورغم أنها محدوده ولكن توقفت هذه بعد العام 2011م وإنفصال الجنوب وأصبح الغلاء والفقر المدقع هو الذى يملأ الساحة السودانية من عاصمتها الى أريافها وأصقاعها التى تعانى الامرين . سمن وتدوعل وكبر وأنتفخ (المؤتمر الوطنى ) بصورة لم تخطر على بال أى رئيس حزب وأصبح بمقدوره الفوز بالانتخابات بى طرف إيدو وبالصف الثانى فى كل شىء !! ،فالاحزاب للأسف الاسيف أنشغلت (بإسقاط حكومة المؤتمر الوطنى بكل السبل وتناست أن هناك إستحقاق فى العام 2015م!!) فتحى اليوم الاحزاب التى ترفع السلاح (لحركات المتمرده وقطاع الشمال المدعوم من دولة الجنوب ومن الحكومات الغربية والولايات المتحدة الامريكية وغيرها ) كل هؤلاء لديهم إستراتيجية واحده فقط والحكومة لها إستراتيجيتان وهى محاربه من يرفع السلاح والاستعداد للإنتخابات وهى قابضة على كل موارد الدولة ولا يهمها (محمد أحمد الغلبان أو بنته التى يغتصبها إستاذها !!!) المهم أن الفوز فى الانتخابات القادمة لابد أن يكون للمؤتمر الوطنى رغم أن الرئيس البشير أعلن عدم رغبته فى الترشح ويبقى حال المؤتمر الوطنى مع الاحزاب كحال من يعلن (عن صندوق أو خته بالطريقة السودانية ويدفعها ويصرفها لنفسه !!!) .
بامانة ياسيادتو بشرى ماخلتك كلها قيمة جداً وفيها سرد تاريخي وتسلسل منطقي وتوصيف شامل لحال كل فترة من فترات الحكم في السودان منذ الاستقلال لكن صراحة المقتبس اعلاه فيهو زبدة الكلام ويمكن انت تكون صغت الفكرة بشكل افضل مني وعبرت عن ما اود قوله عندما قلت في كلامك ((فالاحزاب للأسف الاسيف أنشغلت (بإسقاط حكومة المؤتمر الوطنى بكل السبل وتناست أن هناك إستحقاق فى العام 2015م!!) فتحى اليوم الاحزاب التى ترفع السلاح (لحركات المتمرده وقطاع الشمال المدعوم من دولة الجنوب ومن الحكومات الغربية والولايات المتحدة الامريكية وغيرها ) كل هؤلاء لديهم إستراتيجية واحده فقط والحكومة لها إستراتيجيتان وهى محاربه من يرفع السلاح والاستعداد للإنتخابات)) الف شكر على هذه المداخلة القيمة الثرة ...........
02-11-2013, 08:22 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: هل الأمن ملتزم بحدود سلطاته و قانونه؟ هل ما مجلس الصحافة هو السلطة الأعلى و المرجع في ما يخص الصحف اصدارا و ترخيصا و عقوبات؟ هل وزارة الثقافة مثلا أو الشؤون الإجتماعية أو الشباب أو أي وزارة مختصة هي التي لها الكلمة العليا و النهائية في ما يتعلّق بالمراكز الثقافية و النشاط الثقافي؟
الاجابة بالتأكيد لا !!!
Quote: و الضغوط دي مقاطعة الإنتخابات أحد أشكالها
ده فعل سلبي ياودالبشرى والاحزاب تقوم اساساً لأجل القيام بالافعال الايجابية !!!
02-12-2013, 07:15 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: شكرا لهذا البوست المهم الانتخابات آلية ديمقراطية وتنويرية مهمة لا يمكن لحزب ديمقراطي حقيقي ان يتجاوزها ولكن الديمقراطية هي اعمق واكبر من مجرد عملية الانتخابات . اغلب احزابنا من حزب حاكم لمعارضة ليست اصلا احزابا ديمقراطية لذلك بعضها مثل المؤتمر الوطني يختزل ويشوه ويزور الانتخابات؛ والبعض الاخر يقاطعها بسهولة لا،ه اصلا لا يعول على الاليات الديمقراطية الان هناك انتخابات تكميلية لوالي القضارف ودائرة واحدة في القضارف وانتخابات تكميلية في 6 دوائر بالخرطوم .. أين الاحزاب منها ؟
الف شكر استاذ عادل على مرورك وإثارتك لنقطة مهمة وجوهرية إلا وهي غياب الديمقراطية والمؤسسية داخل الاحزاب نفسها وهو بالفعل أس البلاوي النحنا فيها دي حتى قرار المشاركة او المقاطعة للانتخابات من الذي يتخذه داخل الحزب ؟ وهل يخضع لأي دراسة وتمحيص ام وفق رغبة الرئيس فقط !!! مقاطعة الانتخابات مهرب جيد للاحزاب من مواجهة واقعها الداخلي المليان مشاكل وبلاوي !!!
02-11-2013, 08:17 AM
omer osman omer osman
تاريخ التسجيل: 06-09-2007
مجموع المشاركات: 15218
Quote: ثانيا المرشح غير معروف وهو من قيادات الحزب الحاكم يتم الاجتماع بأعيان المنطقة وزعماء القبائل ومشايخ الطرق الصوفية ويتم التفاوض في ماذا يقدم المرشح للمنطقة ويتم من خلال المفاوضات يتم البيع والشراء في الناخب دون علمه وهو تابع لشيخه وزعيم قبيلته وتكون النتيجة مضمونة والذي يخالف هؤلاء المفاوضين سوف تناله لعنات الحكومة بعدة طرق حرمان من العمل رسوم محلية ضرائب إلغاء تراخيص يعني لوخالفت ميتة وخراب ديار ( نموذج للريف)
تحياتي محمد المسلمي ...... بالعكس دي فرصة انو الاحزاب دي تتحرك وسط الناس ديل وتسألهم عن ما انجزه لهم نائب دائرتهم ممثل حزب المؤتمر الوطني خلال فترة الاربعة سنوات عمر الدورة البرلمانية وغالباً ما تكون النتيجة سلبية يبقي الاحزاب تضرب على الوتر ده !!!
02-11-2013, 09:32 AM
محمد علي البصير محمد علي البصير
تاريخ التسجيل: 06-24-2011
مجموع المشاركات: 5367
حسب تفاءلك الشديد يا جنابو عمر ـ لو فرضنا إنو أحزابنا دي جمعت كل أطرافها ، ووحدت صفوفها وعملت موقف تاريخي زي موقفها في دائرة الصحافة وجبرة هل حاتفوز مع حزب جمع كل موبقات الدنيا من نفاق وفساد وتزوير وبطش وقمع وتصفيات وكذب ـ وفي يدو السلطة والمال والإعلام ؟؟؟
صعب جداً !!! لكن خليني اقول ليك حاجة يامحمد البصير في الصفحة الأولي انا اوردت نص والدي لي وهي (لاتهزم نفسك) وبضيف عليها نظرية تانية (ما كل المشاكل بتتحله في وكت واحد) يعني شنو ؟ يعني الفوز في الانتخابات مشكلة رقم 1 وتخلي ناس نافع عن الكراسي مشكلة رقم 2 طيب نحن حالياً نركز على حل المشكلة رقم 1 اذا نجحنا نفكر في حل المشكلة رقم 2 اتحلت خير وبركة ما اتحلت اثبتنا لانفسنا اننا قادرون واثبتنا للمؤتمر الوطني بأن الجماهير معنا واثبتنا للعالم كله انو الشرعية معانا وبعد كده ببقي فيلم جديد صراحة ماعندي ليها سيناريو جاهز !!!
Quote: والله يا جنابو أول مرة أقراء ليك كلاب هباب ومخستك وماليه أي قيمة قال إنتخابات قال
البلد كلها مخستكة والمنبر زاتو مخستك بقت على جنابو هههههههه
02-12-2013, 09:11 AM
أسامه الكرور أسامه الكرور
تاريخ التسجيل: 10-31-2008
مجموع المشاركات: 1525
تحياتي الاخ عمر أعتقد أن مداخلتي هذه هي أول مداخلة لي معك واتمني ان لا يكون فيها أي مخاشنة وان كانت فأعلم انها غير مقصودة أحييك أولاً على شجاعة الطرح والذي اختلف معك فيه جملة وتفصيلاً عدا مايخص الديمقراطية كألية تداول سلمي للسلطة اعتقد في ان هذا الطرح يحتاج لشجاعة متناهية لان أول ماتبادر لذهني هو ما أورده أخونا ودالبشرى مقرونا بمداخلة الاخ عاطف فارس والتي أرى انك تجاوزتها فالمنطق يقول انه لايمكن الاحتكام لأي من نظم التنافسية دون الاليات التي توفر وتحمي تساوي الفرص بين المتنافسين والامر في منتهاه هو قيام انتخابات ديمقراطية في ظل حكومه انتقالية متوافق عليها بدستور انتقالي متوافق عليه يفضي لجمعية تأسيسية تضع دستور دائم متوافق عليه شعبياً يعني انتخابات في ظل حكومة شمولية لاأعتقد بصحة خوضها هذا موقفي في انتخابات 2010 رغم أنها كانت تعتمد على شرعية نيفاشا لما رأيت من خروقات واضحة للعملية الانتخابية من مرحلة التسجيل.وسيكون هذا موقفي من اي انتخابات قادمة في ظل نظام شمولي لا تتوفر فيه ادنى شروط النزاهة وحرية العمل السياسي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
omer osman
الفاتح سليمان
الجنيد حمد
Frankly
أسامة خلف الله مصطفى
Mohammed Sedeq
فايزودالقاضي
أيمن محمود
محمد البشرى الخضر
Kabar
مصطفى عبيد
علاء الدين يوسف علي محمد
محمد المسلمي
Abdel Aati
بشرى مبارك ود السقاى
عاطف فارس
محمد علي البصير
أسامه الكرور
فيس بوك
تويتر
انستقرام
يوتيوب
بنتيريست