|
وزارةَ غُبش...........قصيدة.....
|
بيت طين صغير......باب ضلفتين لكن تقيف كل الخلوق مزدحمة شان تدخل عليهْْ الرايق أو داير يروق الفايق الجاي للنضِم الضاق وما طايق الهِِدم الطالب الكايس العلم والجاية تشكي من الفقُر لا لاقية كسرة.....ولا جمُر هي ياسعاد...... ماشفتي عاد.....حال السواد يايمة من قومة الفجُر لا هسي مابلينا ريق والجوف تقول باق فيهو حريق لمتين انحنا؟؟ وتنعبر....ماتطلع الكلمة....وتجوط... ويجينا راي الدين هنا شان برضو كان في الملتزم والساسة ضباط القسم والراي يكون ميدان نقاش والفكرة ذاتا بتتنسي لمن شباب الكورة يلفتوا انتباه اللمة بي صوت الصياح: والله ماكان حقكم بس الحكم كان منكم راشينوا بي كم يابشر؟؟؟ ماالغش ده جاري في دمكم والتاني ردوا سريع يصل: المابِحصِل..... يقول كده.. ابداها من اول هدف والتاني لي قونكم نسف والفاول الساي اتحذف يا أمة ألعبوا بي شرف وفي الساعة ديك سكت الجميع... ماالقهوة فاحت ريحتا وجات قمرة شايلة صحن فيشار والهمبريب طير شوية ...ولقطوا يااخونا ياخ خلو الشكل كل يوم انحنا في ها النقار؟؟ كل يوم نحاحي...تقول صغار ماالكورة زي الدنيا حظ.. يوم ترفعك فووووق للسماء وباكر تنسيك العمار ممكن تكون يوم في مِلِك وتصبح تكوس ضل بالايجار إتأمل الشارع امش تلقاهو ماف حتي الشبه بين زول عمارتو بتترقش وجم بابا زول فارش تِبِش بين زول بيرقد في حرير وبين زول ممدد فوق برش بس يمكن الراحه العليهو مالامي فيها سيد القرش ماالرازق الادي الطيور قانون تهاجر شان تعش... ماضيع الاداهو روح بي فرحة ممكن تنتعش ومااصلوا ماف زول بيضمنا دي مالعبة فيها ملِك بِكِش والرجعت سيرة الملك صوت دندنة نغماً حنين مارق من الاوضة الورا كانت بنية وصوتا ناي وكانت بتعشق (مصطفي) قاعدة بتمشط خالتا وعز اندماجا مع المشاط في غنوة تمرق آهتا وإتلخبطو الصوت والبخور والضحكة من جوة القلب اتشايلو الهم فنّو طار وإتلاشت احزان الكبار فضلت ضماير كالحليب مافيها لي ها الدنيا هم باكر كما جينا بنمش فوق كم نزوّد ليها نار؟؟ وإتحلت القعدة البدت ونسة حريم.. ميدان فِكِر جلسة ذِكِر وصوتاً حنين كان جد وزارة ناس غُبش..... بيت طين صغير..
|
|
|
|
|
|
|
|
Re: وزارةَ غُبش...........قصيدة..... (Re: omar altom)
|
ممكن تكون يوم في مِلِك وتصبح تكوس ضل بالايجار إتأمل الشارع امش تلقاهو ماف حتي الشبه بين زول عمارتو بتترقش وجم بابا زول فارش تِبِش بين زول بيرقد في حرير وبين زول ممدد فوق برش بس يمكن الراحه العليهو مالامي فيها سيد القرش ماالرازق الادي الطيور قانون تهاجر شان تعش... ماضيع الاداهو روح بي فرحة ممكن تنتعش ومااصلوا ماف زول بيضمنا دي مالعبة فيها ملِك بِكِش
لا لا لا لا لا لا
متمكنة صح
اليوم ولدت شاعرة
مرحى مرحى
| |
|
|
|
|
|
|
Re: وزارةَ غُبش...........قصيدة..... (Re: Nada Alamin)
|
Quote: ماالرازق الادي الطيور قانون تهاجر شان تعش... ماضيع الاداهو روح بي فرحة ممكن تنتعش ومااصلوا ماف زول بيضمنا دي مالعبة فيها ملِك بِكِش والرجعت سيرة الملك صوت دندنة نغماً حنين مارق من الاوضة الورا كانت بنية وصوتا ناي |
شكرا لك أيتها الشاعرة منتظرين الجديد من قصائدك قصيدة رائعة من حيث المضمون وتعدد الصور والمشاهد دمتي لنا يا(برلمومة ) دفعتنا 2013م
| |
|
|
|
|
|
|
Re: وزارةَ غُبش...........قصيدة..... (Re: معتز يوسف نجم)
|
اهليييييين معتز..وشكرا علي مرورك والتعليق..واكيييد ان شاءالله تقرأ الجديد في المنبر قريب..بس انا ما عارفه حكاية البرلمه دي شنو..نحن المنبر ده منتمين ليه من زمااااااان بس يمكن الاشتراك هو الاتاخرنا فيو..يعني كان بالحساب بنطلع معيدين عدييييييل ..
| |
|
|
|
|
|
|
| |