|
|
 الهندي عز الديــن .. اداهم النجيضـة من فجرا بدري ..
|
بالنسبة للناس البتكورك .. الفجـر الجديد ، والفجـر القديم ، والفجر الصباح بدري ..
..
عنصرييهم على باحثي سلطـة .. على رايح ليهم الدرب .. على اطفال انابيب سياسـة .. وكهول حقب زمنية واحزاب مترهلة .
..
اضف لذلك :
ابطال انترنت ، ومواقع الكترونية تنتهي هتافاتهم بإنقطاع الاتصال..
|
|
  
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: tmbis)
|
Quote: قوى الإجماع الوطني
صديق يوسف ابراهيم النور رئيس وفد قوى الاجماع الوطني
صلاح مناع حزب الامة القومي
طارق محجوب المؤتمر الشعبي
د. ابوالحسن فرح الحركة الاتحادية
هالة محمد عبدالحليم رئيسة حركة القوى الجديدة (حق)
السيد / مبارك الفاضل المهدي
الحركات الشبابية
حركة قرفنا
المجموعات النسائية
نجلاء سيد احمد الشيخ - مبادرة لا لقهر النساء
المجتمع المدني
عبدالمنعم الجاك - المجموعة السودانية للديمقراطية أولاً |
اعــلاه اشعة مقطعية .. توضح اسماء بعض الموقعين على ميثاق الاتفاقية ..
لاحظ اللون الأحمــــر .. بي صورة أوضح :
اين البقيـة؟؟
وين صفية اسحق ؟؟
ووين لبنى حسيــن ؟؟
مش مفترض ديل يجن يوقعـن ويرجعن الحتات القاعدين فيها مش خرجـن من أجل الفجـر الجديد دا زاتوووو .؟
..
خليك من لبنى ومن صفية ..
ووين تراجي مصطفى ..؟
اما كان من الاحرى والأجدر انو تراجي توقع مع الناس ديل ..؟
هي لا تقل نضالا عن مبارك الفاضل ولا عن نجلاء سيد أحمد ولا عن لبنى .. ولا بعض الداسنهن او الداسنهم في المنظمات المكتوبة دي ..
يعني بقــت علي تراجي المسكينة دي .. وهبت نفسها للقضية طيلة فترة تواجدها في هذا المنبر وفي النهاية تطلع من الفجر وترجع من غير حمص ..؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عبد الحكم ابراهيم الحاج)
|
| Quote: - سؤالك موضوعى جدا وكيفنى للطيش |
والله يا عبد الحكم .. انا بعدما راجعته الناس الجات وقعت وبصمت بالعشرة .. العرفتهم فيهم والما عرفتهم ..
افتقدته (الكمريده) تراجي مصطفى ..
وطالما المسالة ديجيتال . فهي صاحبة اشهر صولات وجولات في هذا العالم الفسيح من عالم الديجيتال بعد ان حل مكان الواقع الانالوق واصبح الابطال يتم صناعتهم اونلاين بعد التطبيل لهم وكيل المدح وتقليدهم النياشين والاوسمـة ..
فكان وجب ان نرد الحق إلى أهله .. وأن ننصف الكمريدة خاصة وانها والمناضل استيف .. كانوا هم اول من بشرونـا باجتياح الخرطوم ، وقلع حقنا بالقوة .. وهم في غمرت نشوتهم وذلك ابان فوضى يوم الاتنين الاسود .. التي عمت الخرطوم في غفلة من الزمااان دبر لها وخطط لها كغيرها من التخطيطات التي يقوم بها بعض الذين يتشبسون في السلطة بايديهم وارجلهم ودقونهم .. وذلك بمشاركة بعض بتاعين الحركات القاعدين يعملو معاهم في حركات ..
شكرا يا عبد الحكم .. سنواصل رحلة البحث والمد الثوري ..
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: ود الباوقة)
|
Quote: التحية للهندي عز الدين
باتخاذه للكيي كعلاج اخير |
.. ياريس عمر ..
والله فعلا لو فاته الاوكازيون دا تكون افنت زهرة شبابه كلوو في سيرفر مضروب .. يعني كان تريح نفسه من زمان وتشوف ليها فلاش كم قيقه وتعمل رايحـه ..
..
الهندي عز الدين اذا كان البعض هنا يتفق معه أو يختلف ، كما حالي انا ، فهو رجل يعبر عن رائه بشكل صريح جدا وبالحته الفيها الحديدة .. واستغرب كيف يستنكر البعض ذلك .. حتى وإن خرجوا إلى الشارع سيجدون مثل هذا الراي في انتظارهم بخطوات عملية وليست حبر على ورق ..
خير دليل على الرفض الذي يسعى له بعض الحالمين هو ما حدث ايان احداث هجليج .. الذي شاركت فيه بعض الشخصيات الموقعة على هذا الميثاق الركيك .. فهل يعقل ان هذه الحركات تتحدث بي انها تعمل من أجل المواطن السوداني وزيفا تقدم الهتافات باسم الشعب كما نرى هنــا وتتوهم انها الخلاص .. وعلى راس موقعيها من تم تجريبهم واتضح سعيهم نحو السلطة بثوب جديد فقط تم تبديله من حيث المسمى والشكل واللون .. والبعض الآخر يعرف جيدا عن نواياه والتي عبر عنها بشكل جيد جدا في البنود الركيكة والتي تمت صياغتها بعيدا عن المصلحة العامة بل من أجل أن اهوا شخصية واماني عراض جدا صعب تحقيقها لكن من السهل جدا ان تكون مشروعة.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: محمد البشرى الخضر)
|
الكلام دا كتبو الهندي عز الدين ..
Quote: { لأن الشعب السوداني أحمق وساذج لا يفقه (ألف باء) السياسة، فإنه سيخرج غداً إلى شوارع الخرطوم وجميع المدن، والفرقان، مرحباً ومستبشراً بميثاق تحالف (معارضة الداخل) مع (الجبهة الثورية) العنصرية بقيادة الفريق "مالك عقار اير"!!
{ ولأننا (أراجوزات) ومخابيل، فإننا سننتظر السلام والأمن والاستقرار يعم بلاد السودان فور سقوط (نظام البشير)، وحل القوات المسلحة السودانية وجهاز الأمن والمخابرات والدفاع الشعبي - حسب الميثاق - لتحل محلها قوات (الجبهة الثورية) العنصرية!!
{ إن السادة "نصر الدين الهادي المهدي"، "التو مهجو"، "طارق محجوب"، "صديق يوسف"، "أبو الحسن فرح" و"هالة عبد الحليم"، كانوا - وآخرين من أنصاف ساسة (معارضة الداخل) - مجرد (كومبارس) في حفل توقيعات ميثاق ما يسمى بـ (الفجر الجديد)، الذي ينضح كل فصل وكل حرف فيه، عنصرية مقيتة، ستقضي على ما تبقى من أخضر السودان ويابسه!!
{ الميثاق الذي أقر العمل العسكري والكفاح الثوري المسلح لإسقاط النظام الحاكم في البلاد، اعتمد فترة انتقالية مدتها (أربع سنوات) تجري بنهايتها الانتخابات العامة.
{ السادة (الكومبارس) وافقوا و(بصموا بالعشرة) على (حل) القوات المسلحة السودانية وتشكيل جيش (قومي) أساسه قوات الجبهة الثورية (الجيش الشعبي بقيادة "عقار" و"الحلو" زائداً قوات حركات التمرد في دارفور)!!!
{ والسادة (الكومبارس) وافقوا و(بصموا بالعشرة) على جمع ولايات (شرق السودان) الثلاث في إقليم (واحد) يسمى الإقليم الشرقي!! وإضافة (الشمالية)، التي كان مرشحاً فيها لمنصب (الوالي) السيد "أبو الحسن فرح"، إضافتها إلى ولاية نهر النيل باسم (الإقليم الشمالي)، كما كان الحال قبل نحو (ثلاثين عاماً)!!
{ أما ولاية (الجزيرة)، مركز الثقل السكاني، وحاضنة أكبر مشروع زراعي في العالم، فقد جعلوها جزءاً من (الإقليم الأوسط)، الذي يضم ولاية النيل الأبيض وولاية (سنار) التي ترشح لمنصب (الوالي) بها السيد "التوم هجو"، أبرز الموقعين على وثيقة التخريب الكبرى!!
{ لكنهم جعلوا (جبال النوبة) إقليماً قائماً بذاته!! و(كردفان) إقليماً، و(دارفور) إقليماً، و(النيل الأزرق)، التي كانت في الماضي جزءاً من (الاقليم الأوسط)، جعلوها إقليماً منفصلاً مميزاً!!
{ وحسب الوثيقة فإن حكام الأقاليم سيصبحون (نواباً) لرئيس الجمهورية، رئيس مجلس الوزراء!!
{ لكن ساسة (الكومبارس) لا يفهمون هذه الحسابات، فهم فرحون بأنهم مناضلون.. ثوريون، سيسجل التاريخ توقيعاتهم على وثيقة الدمار بأحرف من نور!!
{ وغباء ثوريي زمن الغفلة، يدفعهم إلى إقرار (فصل الدين عن الدولة) في وثيقة دولتهم (السودانية) المرتقبة، في وقت تتجه فيه (كل) شوارع منطقة الشرق الأوسط وشمال أفريقيا باتجاه (الإسلام) والإسلاميين، من (تركيا أردوغان) إلى (مغرب بنكيران)!!
{ لكن أمثال "عبد الواحد" و"مناوي" و"مالك اير" آخر من يفهمون هذه الشفرة!!
{ و"الكومبارس" سيصلون "الخرطوم" وعقولهم تتوهم أن (الثورة انطلقت).. وأن (الشارع ثار... وغضب الأمة اتمدد نار).
{ أنا مؤمن تماماً بأنه لن يكون هناك (سودان) - أصلاً - إذا - لا سمح الله - تحقق بند (واحد) من بنود هذا (الكابوس) المسمى (الفجر الجديد)!!
{ قاتلكم الله.. وشتت شملكم.. وخسف بكم سبع أرضين. |
..
وما تم تلوينـه بالخط الأحمــــر .. من عندي انا دا القدامكم دا ..
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: tmbis)
|
الخلاصة يا تمبس : ان السودان القديم لم يعد له وجود او بالاحرى لن يستمر كثيراً . الان المعركة بالنسبة للنظام معركة وجود ( حياة / موت ) و بالنسبة للمتنفذين معركة حفاظ على الاموال التي اكتسبوها فساداً من قصور و شركات , اما بالنسبة لرأس النظام الرئيس البشير معركة كرامة حتى لا يمرغ انفه في لاهاي .
ده طبعا بعد السلام .
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: الصادق ضرار)
|
| Quote: الخلاصة يا تمبس : ان السودان القديم لم يعد له وجود او بالاحرى لن يستمر كثيراً . الان المعركة بالنسبة للنظام معركة وجود ( حياة / موت ) |
اهلين يا الصادق ضرار يديك العافية ..
والله فعلا بعد خلاصتك ونجيضتك دي مقرونا بما قرأته في الوثيقة اضف له اسماء الموقعين عليها ومن لم يطفو منهم على السطح من اجل ان يتم التوثيق له لهذه الحقبة المهمة من تاريخ الثورات .. بعد هذا كله لا املك إلا وأن اقوليك عديلة تـب اصلو كلامك ما بنرجعك بيهو ..
لكن كيف لنا ان نسقط انو المسالة مسالة معركة مع النظام ..؟
لو معركة مع النظام والله كان الناس دي نظمت النظام زمااان .. لكن للاسف بقت الشغلانة والتحدي الآكبر ما معركة نظام بس .. بقت معركة نظام ومعركة مجتمع .. ومعركة ناس قاعده معاكم في عالم الديجيتال والنت العريض دا وبتعمل ليك نظام الكمدة بالرمدة .. فما وصل من معظم هذه الحركات لا يغري بي اتفاق .. وما تقدم من امثال هذه الجماعات ادى إلى نتائج عكسية ستكون في مقدمة الخطوط الدفاعية قبل ان تتدخل الحكومـة ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
سلامات يا علاء ..
لفترة طويلة جدا كنت أتسائل .. ما جدوى هذه التحالفات التي تقام وتفرقع كل فترة .. ماهي أهدافها وما هو أثرها على الشارع السوداني الذي يعول عليه لأسقاط هذا النظام ؟؟ عامة الشعب الذي يسطلي بنار الغلاء ويكتوي بأثر الفساد والإقتصاد المنهار .. لا يعرف شيئا .. عن الفجر الجديد .. ولا عن الجبهة العريضة .. ولا عن .. ولا عن !! وليس لديه وسائل إتصال حديثة حتى يتصل بالإنترنت ويقرأ وثيقة الفجر الجديد .. إذن ما هي الرسالة التي تريد توجيهها هذه التحالفات ؟
أذكر أنني ناقشت أحد المبشرين بالجبهة العريضة لاسقاط النظام قبل فترة في هذا المنبر .. عن أثر هذه الجبهة العريضة على الشارع السوداني .. لم أجد إجابة شافية .. وأغلب ظني (وإن بعض الظن إثم) أنها - هذه التحالفات - محاولات لاستجداء المزيد من الدعم المادي من المنظمات أو من الدول المانحة
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: محمد عمر جبريل)
|
مليون سلام يا محمد عمر .. واخبارك كيف ..؟
Quote: وليس لديه وسائل إتصال حديثة حتى يتصل بالإنترنت ويقرأ وثيقة الفجر الجديد .. إذن ما هي الرسالة التي تريد توجيهها هذه التحالفات ؟
|
. والله يا محمد غلبني اعزل من ووين عشان اقتبس من كلامك لانو كل حرف فيهو .. في الصميم .. وكل جملة مربوطة مع الوراها والقدامـة لانو كلو حقائق تاريخيه واسئلة حائرة فترنا عديل كدا ونحن بنطرح فيها .. وكوركنا وقلنا هنا مية مرة كلام الدجيتال والنت هو كلام ديجتال ونت .. قالو لينا ما تكوركو ..
نزلنا السودان وقلنا الناس ما فاضية تشحن ليها رصيد عشان تقرا لي قريمان .. يا تشوف ابنعوف يا نزار يوسف .. يا نجلاء سيد أحمد وتراجي .. الناس دي قربت تطلعنا من وطن من ليس له وطن دا ..
كل الاجابات كانت بتصب في مصلحـة الضغط ومزيدا من الضغط على محمد أحمد المسكين .. ما بين اسهم تنالها الحكومـة جراء حماقات الحركات وتعرف الحكومة جيدا كيف توظفها .. وزتحول تلك الاسهم إلى رصيد .. يعينها في اداء واجباتها نحو المزيد من غلاء المعيشة والضغط والمزيد من الضغط في الناحية الأخرى .. أرتفاع الدولار محفز على المزيد من الكيانات والمنظمات والحركات والافراد الذين يعملون من أجل ارتفاع الرصيد المتناسب مع حركة الدولار .. يعني في النهاية الناس القاعده بره وعامله بتاعت حركات قاعده تجيب من ووين غير المنظمات والحركات .. وبلاش نقه وكلام فارغ .. والناس البتلبع جووه دي قاعده تلبع من وووين خلاف دم المواطن الصالح الاصبح عندو انيميا وايدز وتايفويد وضبانه واحدة وباعوضاية ممكن يجهجهو ليك حنان كريات دمو البيضا دا لو كان في باقي منها ..
كل ما كتبته صحيح يا محمد عمر .. واي واحد فعلا تدخل معاهو في نقاش .. ح يتفلسف ليك ويلف ويدور حول نفسو وهو ما عارف الساعة كم زاتووو .
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: محمد البشرى الخضر)
|
يا ود البشر(ي) :
ياخ انت طيلة فترت قعادك هنا ما اتعلمت ليك نقله كويسة ..؟
امنجي وعنصري وإلخ دي بقت ما بتاكل عيش بعد نار اليشب .. اعمل ابديت للسوفت ووير بتاعك دا ..
حسع الحنك بقى :
يا ما فجري جديد
يعني زي ما في واحد فاتح ليهو بوست قال الصفوف اتفرزت يا معانا يا مع الخيانـة ..
اهــا
يا فجري يا ما فجري ..
طبعا كمية من الاشواق .. وبركة بالعودة اكان رجعته قالو لي اتجدعته في صاج السمك ، وفي مناطق متفرقة من الجمهورية ..
طبعا بلدا ما فيها تمبس تتجدع فيها انت واساسي ووهبـة .. حاجة عجيبة
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
بيان من تحالف قوى الإجماع الوطني حول ميثاق الفجر الجديد الذي تم توقيعه بكمبالا تداولت الهيئة العامة لقوى الإجماع الوطني في إجتماعها أمس الإثنين المواقف 7/1/2013م مشروع ميثاق الفجر الجديد الذي تم التداول فيه مع الجبهة الثورية في كمبالا وتوصل الإجتماع للأتي:- 1. أكدت قوى الإجماع الوطني على أهمية اللقاء والحوار مع الجبهة الثورية ومع كافة القوى الوطنية السودانية بإعتبارها ضرورة وطنية لتوحيد قوى المعارضة السودانية من أجل إسقاط النظام وإقامة بديل وطني ديمقراطي متفق عليه. 2. جددت قوى المعارضة السودانية إلتزامها بإخضاع مشروع لقاء كمبالا للمراجعة وصولاً لإتفاق وطني شامل يعبر عن إرادة شعبنا وقواه السياسية المعارضة في الداخل والخارج. 3. تؤكد قوى الإجماع الوطني على نهجها السلمي الديمقراطي لإسقاط النظام عبر وسائل العمل الجماهيري، كما أكد الإجتماع على تمسك قوى الإجماع الوطني بوحدة وإستقلالية وسيادة الوطن. 4. أدان الإجتماع التصريحات العدائية لبعض مسؤولي الحزب الحاكم تجاه لقاء كمبالا وهو مؤشر خطير لتجاوزات أمنية مرتقبة بحق قيادات ورموز المعارضة بإتجاه المزيد من التضييق على الحريات العامة. 5. أكد الإجتماع على أن الحوار مع كافة مكونات شعبنا وقواه الحية سيستمر كإستحقاق وطني هام نحو إيجاد مخرج ديمقراطي لأزمات الوطن المتفاقمه بسبب سياسات النظام الديكتاتوري. تحالف قوى الإجماع الوطني
ياتمبس سلام
اها شوف اسياد الشي زاتا
قالوا في البند رغم 2
انو الفجر الكاذب حايخضعوه للمراجعة عشان يصلو لي اتفاق وطني شامل
يعني لسة فجرهم مانجض
اما بالنسبة لنا ومن لف لفنا فنقول
نجضت نجضت مابنديها بغاث الطير
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: عبدالعزيز حسين عبدالرحيم)
|
| Quote: يا تمبس ميلك الفوق دا صحيح عشان ارسل ليك شتائم من الخارج واسوي المديدة الحارة |
صحيح ونص وخمسة واطلع بي الواحد يا عبد العزيز ..
لكن مبدئيا كدا .. دا منو الارقوز الكتب الكلام دا وعايز يعمل فيها مقددده .. هو ما عارف تمبس دا في عالم الاسافير وكونو من اولاد قلبـه قاعد هنا دا علشان يعمل شنـو ..؟
ما يقوم يزعلنا ساكت يخلينا نعمل استدعاء هنا دا لي معاوية عن موضوع اتصالو دا بلاش اوهامات من ناس مواهيم ..
..
اكيد الوهم دا بيكون من العنصريين الزعلانين من نفسم .. يا من الروس الفرحانين بي انو بكتبو ليهم في حرف لي ود قلبـه عشان يجي يرد ليهم .
النشوف الكلام دا وبنجي راجعين ..
عالم وهم تخاف ما تختشيش
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عبدالقادر علي عبدالرحيم)
|
Quote: بقيت تستشهد بكتابات
الهندي عزالدين
واطاتك اصبحت |
يا عبد القادر .. ازيك .
كتبت انو بتفق وبختلف مع الهندي عز الدين ، لكن المرة دي مش بستشهد بس ببصم بالعشرة عديل كدا ..
واخير لي واطاتي تصبح من فجري يبقى جديد ..
ما ياهو الفجر الجديد انا شايفو في المنبر .. وشايف البطبلو ليهو عاملين كيف ، والله اخير منهم الواحد يقعد يقرا ويبق محاية الهندي ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: Ayman Khalifa)
|
| Quote: فجر جديد فجر بايت بيرة باردة .. دولار طلع يورو نزل انا دى ما مشاكلى .... |
كيفن ما مشكلتك يا ايمـن ..؟
المسالة ما على كيفك .. وما عندك خيارات .. الخيار الوحيد المتاح امامك ، هو التوقيع او الاتفاق مع هذه الوثيقة هنا في منبر وطن ما لا وطن لـه .. وإن لم تفعل او قول بالميت ساكت ابديت رايك السلبي تجاه الوثيقة .. والله تتشم هنا دا لمن تقفل نخرينك ..
اما لو كنت بالع حبوب الصراحـة وقلت انك لا مع دا ولا مع دا .. ح تشوف ايام سوداء في البورد دا .. وقس على ذلك .
..
| Quote: الهندى عذالدين يخش رويل كير يتعالج ويجى ينظر وانا بفتش لى حبوب ملاريا ..وربع ربع لحمة وربطة جرجير وليمونتين بى 35 جنية |
.. اسمح لي اقوليك كلامك دا ما في محلو .. في كل العالم في ناس بتاكل من البراميل حقت الوساخة في ناس ما بتلقى في البراميل اي حاجة .. وفي ناس بيهدو ليها مفاتيح العربية من الدهـب الخالص ..
مسالة دا عندو وانا ما عندي دي اطلع منها ..
لانو بي ببساطة كدا ندى القلعـة عندها بودي قارد وبتكون لابسه ليها قنطار بتاع دهب .. بينما واحد من الفنانين الكبار بتاعننا جا قعد هنـا بشيلوهو شيل .. وبيتمو ليهو حق مشي المستشفى ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عمر صديق)
|
| Quote: يعني لسة فجرهم مانجض |
سلامات يا عمر صديق ..
ياخ اسياد الشي مفروض اصلا .. اصلا ما يعارضو ليهم وثيقة زي دي .. لانو لو عارضو الوثيقة دي طوالي ح يطلعو كيزان ..
الجميل في الامور دي يا عمر صديق انو كل حركة بتطلع جديدة يا تنظيم بيلغي مباشرة ما قبله ولا يعترف به .. ودي الحاجات البتوضح فعلا النية بتاعت القسمة على كم قطعـة ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عمر صديق)
|
Quote: بيان من تحالف قوى الإجماع الوطني حول ميثاق الفجر الجديد الذي تم توقيعه بكمبالا تداولت الهيئة العامة لقوى الإجماع الوطني في إجتماعها أمس الإثنين المواقف 7/1/2013م مشروع ميثاق الفجر الجديد الذي تم التداول فيه مع الجبهة الثورية في كمبالا وتوصل الإجتماع للأتي:- 1. أكدت قوى الإجماع الوطني على أهمية اللقاء والحوار مع الجبهة الثورية ومع كافة القوى الوطنية السودانية بإعتبارها ضرورة وطنية لتوحيد قوى المعارضة السودانية من أجل إسقاط النظام وإقامة بديل وطني ديمقراطي متفق عليه. 2. جددت قوى المعارضة السودانية إلتزامها بإخضاع مشروع لقاء كمبالا للمراجعة وصولاً لإتفاق وطني شامل يعبر عن إرادة شعبنا وقواه السياسية المعارضة في الداخل والخارج. 3. تؤكد قوى الإجماع الوطني على نهجها السلمي الديمقراطي لإسقاط النظام عبر وسائل العمل الجماهيري، كما أكد الإجتماع على تمسك قوى الإجماع الوطني بوحدة وإستقلالية وسيادة الوطن. 4. أدان الإجتماع التصريحات العدائية لبعض مسؤولي الحزب الحاكم تجاه لقاء كمبالا وهو مؤشر خطير لتجاوزات أمنية مرتقبة بحق قيادات ورموز المعارضة بإتجاه المزيد من التضييق على الحريات العامة. 5. أكد الإجتماع على أن الحوار مع كافة مكونات شعبنا وقواه الحية سيستمر كإستحقاق وطني هام نحو إيجاد مخرج ديمقراطي لأزمات الوطن المتفاقمه بسبب سياسات النظام الديكتاتوري. تحالف قوى الإجماع الوطني
|
لو تم تعديل البنود التحت دي.. سيبصم لهم الشعب السوداني بالعشرة..
كل الشعب...
وهي كما أظن:
تجاهلوا عمداً.. لغة البلاد الرسمية في وثيقتهم ...
1- أليس اللغة العربية هي لغة التفاهم السودانية...
2- سيحكمنا (عقار) لمدة أربعة سنوات بدون انتخاب...
(يعني ننتظر تاني 4 سنوات بعد السنوات العجاف الفاتت)
3- التمييز الإيجابي.. يعني تمييز أهل الهامش على أهل المركز..
نرجع تاني للتمييز .. ويأتي الفجر الجديد ويصبح أهل المركز.. هم المهمشين..
ويتجهو لخيار البندقية برضو...
4- بعد أن ننتفض ونخلع المؤتمر الوطني.. ونصبح دولة ذات سيادة وقضاء عادل... رغم ذلك نصدر مجرمينا ليحاكمهم الآخرين.. (محاكمات وطنية ودولية عادلة(
5- عقوبات لمن ينكر المجازر والإبادة.. -مجرد الإنكار- يعاقب.
( على شاكلة معاداة السامية)؟؟!!!
6- الاعتذار وطلب الصفح.. (من يعتذر لمن )؟؟؟!!!
7- حق التنصير أو التبشير مصرح به بالوثيقة..
8- إقرار مبدأ الوحدة الطوعية لجميع الأقاليم..
أي إقليم ما عاجبو السودان.. يشيل قشو.. ويسوي دولة براهو أو ينضم لدولة مجاورة أو حتى غير مجاورة.. !!!؟؟؟؟ ههه مش على كيفه...!!!
أما إسلامية الدولة أو علمانيتها... فالشعب سيقرر... بطريقة ديمقراطية.. والتجربة المصرية.. قريبة ماثلة...
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عوض أبو عيش)
|
- إقرار مبدأ الوحدة الطوعية لجميع الأقاليم..
أي إقليم ما عاجبو السودان.. يشيل قشو.. ويسوي دولة براهو أو ينضم لدولة مجاورة أو حتى غير مجاورة.. !!!؟؟؟؟ ههه مش على كيفه...!!!
أما إسلامية الدولة أو علمانيتها... فالشعب سيقرر... بطريقة ديمقراطية.. والتجربة المصرية.. قريبة ماثلة...
....................................................................................................................................................................
اوسكار ياعوض يااخى
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عوض أبو عيش)
|
الهندي عزالدين بيعبر عن مصالحه المتوافقة مع الفئة الحاكمة
لكن انت يا تمبس ماعرفناك بتعبر عن من
الهندي يحاول ان ينفر الناس من اتفاق الفجر الجديد مستخدمآ نفس طريقة النظام
وهي التخويف من اولاد الهامش البيشكلو خطر على على اولاد الذوات في المركز من الحاكمين
وانت وهو تتناسو عن عمد أن ناس المركز ذاتهم تحولوا إلى هامش بسبب سياسات النظام
بل أن بعض كوادر النظام صاروا هامش بالنسبة للفئة القابضة على السلطة فطفقوا يدبجون المذكرات
ويجهرون بمعصيتهم للنادي الحاكم ويوجهون انتقادات مريرة ويخططون لقلب نظام الحكم
الفجر الجديد بالرغم من علاتها ونواقصها فهي افضل مليون مرة مما ينتظرنا من ناس ودابراهيم ومن لف لفهم
لو فيك ذرة نفع كان انتقادك يكون من زواية ملخص بيان قوى الإجماع
وليس من المتهافت الهندي يا بتان
غايتو قطعتو قلبها يا اولادها
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أبو ساندرا)
|
تحياتي يا تمبس.
كتب أبو عيش :Quote: 8- إقرار مبدأ الوحدة الطوعية لجميع الأقاليم..
أي إقليم ما عاجبو السودان.. يشيل قشو.. ويسوي دولة براهو أو ينضم لدولة مجاورة أو حتى غير مجاورة.. !!!؟؟؟؟ |
هذا هو بيت القصيد ... ينضم إقليم جنوب كردفان وجنوب النيل الأزرق وربما دارفور إلى دولة الجنوب.. ومن هناك يتم الزحف شمالاً
و( إخناع) سكانه أياً كانت مسمياتهم.
وهذا هو بالضبط الهدف الإستراتيجي لمشروع السودان الجديد..
شكراً يا أبوعيش ومرحباً بك.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عثمان رضوان)
|
| Quote: وهذا هو بالضبط الهدف الإستراتيجي لمشروع السودان الجديد.. |
مش كدا عليك الله يا ابو عفــان ..؟
زماان قلته ليهم انا بالذات خلوني في سوداني القديم دا .. ماف واحد يعمل لي اي حركة من شأنها يبقيني سودان جديد ...
سودان جديد قالو على انقاض السودان القديم .. والله يا عثمان دي قصة قصيرة عديل كدا او كمان يكون فلم هندي ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أبو ساندرا)
|
Quote: الهندي عزالدين بيعبر عن مصالحه المتوافقة مع الفئة الحاكمة
لكن انت يا تمبس ماعرفناك بتعبر عن من |
سلامات يا باركود:
المسالة مش المهم تعبر عن منو .. ما ياهم الجماعة ديل بيعبرو عن انفسهم وتطلعاتهم .. كل زول بيحلم وبيتوحم وبيتشهى ..
لكن العجيبة إنو طيلة فترتك دي حسع دي جاي تسالني انا بعبر عن منو .. يا ابو ساندرا ..؟
مية مرة قلنا هنا انو لا عندنا قضية مع حكومة ولا بنحب حركات المناضلين النص كم دي .. ماف واحد ناوي يصدقنا .. ولما الواحد يجي يكتب كلام واضح تقوم يا ابو ساندرا تحاصرو .. طيب ياخ ما تعاين في ورقك وشوفني قلته شنــو..؟
Quote: الهندي يحاول ان ينفر الناس من اتفاق الفجر الجديد مستخدمآ نفس طريقة النظام
وهي التخويف من اولاد الهامش البيشكلو خطر على على اولاد الذوات في المركز من الحاكمين |
والله يا ابو ساندرا مع احترامي لي مقامك الرفيع .. الكلام الكتبتو دا اخير منو بنود الاتفاقية الركيكة دي .. وانت زول سياسي وتنظيمي .. دا كلام شنو البتقول فوقو دا .؟ واولاد ذوات شنو البخافو ليك من اولاد الهامش ..
مش ياهي دي نفس النظرية بتاعت اولاد الهامش الجات اتكلمت عنهم تراجي وبتحرشم على اولاد المصارين البيض اللونم ابيض ..؟ وانو اولاد الهامش بيقرمشوكم ..؟
انتو يا جماعة جادين ..؟
واللا كمان استيف عندو حق لما قالينا ح نجي نقلع بيوتكم ..؟
الكلام الفوق دا يا ابو ساندرا يقولو زول جاهـــــــل .. عديم التعليم وكان معمول مخلل من زمن الجاهليـة
| Quote: الفجر الجديد بالرغم من علاتها ونواقصها فهي افضل مليون مرة مما ينتظرنا من ناس ودابراهيم ومن لف لفهم |
.. دا منطقك طبعا من زاوية الشوف حقتك وانا شوفي انو كل الحركات الموقعه دي ضف ليها نفس الرموز القديمة والكهنوت + انصاف السياسيين القال عنهم الهندي + نظريتك الجبتها لينا بتاعت التخويف بتاع الهندي دا .. ديل كلهم مجتمعين ما بيعبروا عن قناعاتي .. هذا اضافة ل ياشياء اخرى اكتسبتها عن تجارب في كيفية التعامل مع نوعيات محددة من البشر وعقليات متحجرة ترفض النظر بعيد عن ارنبة انفها ..
الفجر الجديد ليس فيها علات ولا نقصان إلا انها .. كسيحـة ، ومضلمــة وما فيها اي ثمرة يستفيد منها الشعب .. يعني جايبنها ليهو عضم منقـه .
Quote: لو فيك ذرة نفع كان انتقادك يكون من زواية ملخص بيان قوى الإجماع
وليس من المتهافت الهندي يا بتان
غايتو قطعتو قلبها يا اولادها |
تعرف يا قوندة .. اليوم البفكر مجرد تفكير اني اعاين لي ناس قوى الاجماع ديل بي نظرة موضوعية لما يطرحونـه , بتحسس راسي وعقلي ودماغي ..
هم منو زاتهم ..؟
مش نصهم كان جوه الحكومة دي .. والنص التاني زحف بي بطنو وضهرو نحة السلطـة ..؟
مش ياهم نفس النماذج الكانت بتجر السيخ من وراها والباقي جاي يتعلم فينا الف باء تاء ثاء سياسة .. مش كدا ..؟؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: عوض أبو عيش)
|
Quote: لو تم تعديل البنود التحت دي.. سيبصم لهم الشعب السوداني بالعشرة..
كل الشعب... |
والله يا عوض لو الشعب السوداني دا منتظر الخلاص من الجماعات دي واطاتو اصبحت .. كدي ارجع اقرا مداخلة محمد عمر جبريل دي .. لانو الشعب السوداني المنتظر التعديل دا مجرد ما يلقى اسماء محددة وجبهات وتكتلات صدقني عندو راي تاني ..
..
البنود كلها والله ممتعة .. زنق ليك الشعب السوداني دا في حتة ضيقة خلاص ..
ودا الشي الواضح انو الجماعة ديل مشكلتم الكبيرة هي الشعب السوداني الفضل ..
عجبني البند ستة حق الاعتذارات دا ..
اذكر انو في واحد من انصاف المثقفاتية الهنا ديل قبل كم سنة كنت بتكلم معاهو بعيد عن جو البورد دا .. قام قالي مشكلة الجنوب دي مافي حل غير اننا نعتذر للجنوبيين ..
قلت ليهو كيف يعني ..؟
قالي نحن الشماليين نعتذر لي ناس الجنوب .. نتيجة العملو فيهم اجدادنا ..
تخيل عقلية زي دي يا ابو عيش .. هي القاعدة علشان تنظر للناس في الانترنت والعالم الاسفيري العجيب دا .. مش ليها حق عليك الله تعمل ليها فجر جديد .. واعتذارات ..؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
فجر جديد فجر بايت بيرة باردة .. دولار طلع يورو نزل انا دى ما مشاكلى ....
الهندى عذالدين يخش رويل كير يتعالج ويجى ينظر وانا بفتش لى حبوب ملاريا ..وربع ربع لحمة وربطة جرجير وليمونتين بى 35 جنية
النجيضة من البوست دي, انو التسجيلات الاخيرة, نصيرة وحريفة. اذا كانت بمنطق ايمن العقلاني
الفوق دي. وشكلها كدة.
ابوساندرة, توقيعك بالوثيقة واجب وفرض.
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: الفاضل يسن عثمان)
|
اخوى الفاضل ...
الناس ديل كل يوم سك سك وحجر الطاحونة شغال فرم فى الناس فاليحكمنا الاسلاميون او اليهود او الانجاس يمشى حرامى ويجى نصاب كل يبكى على ليلاه والدنيا تمصر فينا زى اليمونة الماقادرين نشتريها .... وطن كلو زول قعد تحت ضل راكوبة قال دة حقى نحنا بقينا نفتش فى حق العلاج وحق الاكل وحق الجامعة وحق المواصلات وحق القزازة
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: صلاح أبودية)
|
Quote: تمبس !
قريت البند ده ؟؟
شوفت الناس دى مهمومة كيف بهموم التعليم فى الوطن ؟؟ |
يا سيادتك ..
كيفن ما بقراهو .. دا اشد بند في البنود دي كلها ..
انا ما عارف المسالة دي سودان جديد كيفن والناس دي بتلف وتدور في سودانا القديم .. ياخ نحن تطير عيشتنا
من الروضة عودنا راكب .. وقرينا مختلط
جينا الابتدائي عودنا راكب .
المتوسطة عودنا كان نص .. نص ..
دا كلو ضيف ليهو الاجازات والكورسات ومراسيل الدكان عشان تجيب علبة صلصة وإلخ ..
عليك الهل حسع دا ما هم وطني يا كمندان ..؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
Quote: { لأن الشعب السوداني أحمق وساذج لا يفقه (ألف باء) السياسة، فإنه سيخرج غداً إلى شوارع الخرطوم وجميع المدن، والفرقان، مرحباً ومستبشراً بميثاق تحالف (معارضة الداخل) مع (الجبهة الثورية) العنصرية بقيادة الفريق "مالك عقار اير"!!
{ ولأننا (أراجوزات) ومخابيل، فإننا سننتظر السلام والأمن والاستقرار يعم بلاد السودان فور سقوط (نظام البشير)، وحل القوات المسلحة السودانية وجهاز الأمن والمخابرات والدفاع الشعبي - حسب الميثاق - لتحل محلها قوات (الجبهة الثورية) العنصرية!! |
استغرب انه ما زالت بعض القيادات الحالمة .. وبعض الفرحانين بالوهم الذي وصلهم من وثيقة الفجر الجديد ما زالوا يتحدثون باسم الشعب ..
الشعب الذي يريد النازيين والعنصريين الذين صرحوا بقتل الاطفال في هذا المكان ..
وامثالهم من عديمي الفهم والمعرفة الذين يستحضرون الشعب السوداني في اكلشيهات خطاباتهم .. وهم في عزلة تامة عن الشعب وعن عزيمة الشعب الرافضة لامثالهم ورفضتهم من عهود بعيدة ..
ما كتبه الهندي في السطرين اعـلاه لهو رسالة واضحـة قبل ان تصلهم رسالة الشعب .
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
| Quote: نظريتك الجبتها لينا بتاعت التخويف بتاع الهندي دا |
دي ما نظريتي أنا يا علاء ، تكوتها وما تفهمها ؟
انا قلت الهندي بيتبع طريقة النظام في التخويف
يعني نظرية التخويف دي حقت النظام وليس التعيس بركوتا
وتحديدآ النظرية دي حقت علي عثمان طه قالها لأهله الشايقية
ومعنى قوله ( لو نحن مشينا ح يجوا يحكموكم ناس دارفور والهامش
ونحنا حامنكم منهم لأنهم لو حكموكم ح يطلعوا زيتكم )
وذات الكلام قالوا البشير بصيغة اخرى معناها ( نحن آخر حكومة عربية في السودان )
شوف كلام عمر البشير وعلي وعثمان وقارنه مع كلام الهندي
وبرجع ليك على باقي الكلام
مع وافر التحايا
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أبو ساندرا)
|
Quote: ومعنى قوله ( لو نحن مشينا ح يجوا يحكموكم ناس دارفور والهامش
ونحنا حامنكم منهم لأنهم لو حكموكم ح يطلعوا زيتكم ) |
عاين يا باركود انا بكوته ليك تاني عشان تطلع لي من المود حق الهندي عز الدين وعلي عثمان والبشير ..
وبضرب ليك المثل دا على نفسي .. انا الما قاعد اهتم لي كلام البشير والكلام حق علي عثمان البتقال للناس البسطاء الما بتسمع وما بتشوف وما بتتابع انترنت وما عندها طريقة تغرد في التويتر ولا بتزرع (يقطين) ولا (ثمرة الحب) في المزرعـة السعيدة ..
خطاب الحركات المسلحة المنبثقة من حركة او القائمة على انقاض حركتها خطاب بيستعمل فيه الافراد عبارات البطولات التي لا يتم فيها التفريق بين أحمد وحاج أحمد .. من البورد دا بس ومن مداخلات منتسبين للحركات دي والجماعات دي بجيب ليك النظرة الواقعية لمنفستو الحركات العرقية دي وما تكنه للناحية المشالية كلها بما فيهم انت القاعد حسع تقولي دا كلام الهندي عز الدين ..
وما اتضح اخيرا في خفايا برنامج الفجر الجديد بعد القراءة بتاني .. لابعاد الاتفاق بعد ان جعل مواطنين درجـة اولى واقاليم درجـة اولى خصما على مواطنين اساسا روحم طالعة واقاليم اصبحت مجرد رسم بياني وخطوط كنتور ..
الدفع المعنوي في خطاب اي رئيس جماعة من الجماعات اياها يستمده من مبدا كراهية بينه ويغذي بقية المجموعة ويحفزهم كما يحفز مصاصي الدماء بعضهم البعض في افلاممهم ..
خليك من الهندي ومن التركي ومن البنغالي .. ماشي بعيد لييه على مستوى الرئاسة ما تعاين هنا دا تحت اقدامك . ولو عندك وكت ومعاك ساعة حسع دي بجرجر ليك اتنين تلاتة وبوريك خطاباتهم عاملة كيفن ..؟ والواحد لما تدقو فتاشة تلقاهو كاتب ليهو ديباجة طووووويلة لمن شايلنها نفرين .. انو هو الناطق الرسمي .. وانو هو القاعد يعمل اي حاجة..
طيب لو فرضنا انو كان دا خطاب الهندي عز الدين والحكومة البتم توجيهو اعلاميا وفي المنابر المقروءة المسموعة .. اها الناس الجاية تغير دي بيضيره شنو لو غيرت اخلاقه شوية وخاطبت الناس بخطاب يضحض فكرة الجماعة ديل ..
ولو كانت الانقاذ والهندي عز الدين هم البقدرو يأثروا في الشعب بي سطرين او بي كلمتين في المايك ، اها انتو حارقين رزكم في دار ابو منو ..؟
ووينو الدور التنويري بتاع توعية الشعب من الغيبوبة الداخل فيها وذلك قبال ما تشيلو ليهو البندقية وتجو تقلعو بيوتو ومحلاتو التجارية زي ما قال الزعيم استيف الشهير بي محمد سليمان ..
بالمناسبة:
موقف حزبك شنو من الخرمجة الحاصلة في كمبالا دي ..؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
Quote: وحل القوات المسلحة السودانية وجهاز الأمن والمخابرات والدفاع الشعبي - حسب الميثاق - لتحل محلها قوات (الجبهة الثورية) العنصرية!!
|
يعني بالمعني انو ناس قريمــان عايزين يجو يلقوها باااردة ساااكت .. لافيها دفاع شعبي ولا فيها دبابين .. ولا فيها اخوات نسيبة ..
عايزين يجو داقين سستم .. ويحكمو البلد والبلد ما فيها لا جهاز امن .. لا دبابين .. لا مظلات ولا قوات خاصة ..
والله دا في حد زاتوو انا بعتبرو نوع من الجبنـــه ..
يقولو ليك نحن ح نسوي ونحن ح نعمل ونحن ح نقلع ..
يعني كلامم دا معناتو بعدنا يخشو الخرطوم ويقرضو الجيش والمخابرات وإلخ ..
يللا الباقي من الجماعة ديل يقومو يحلو ..
حسع الميزة ووين في الكلام الفطير دا ..؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
سلمنا أن هناك خطاب مأزوم
وأن هناك عنصرية مضادة فيه
لكن نقد هذا الخطاب يجب ان يصوب مباشرة على ذات الخطاب
وليس عن طريق نقد أي خطوة ولو كان فيها خلاصنا
وبصرف النظر عن ثقواب ميثاق الفجر الجديد
فإنني أعتبره خطوة مهمة في طريق وحدة القوى الساعية للتغيير
موقف حزبنا أن هناك إستعجال في الإعلان عن الميثاق
لأنه مازال في طور القراءات الأولى ، يعني مزال مسودة
قابلة للتعديل بالحذف و الإضافة
راجع بوست الشريف ( بالإنكليزي ) حول لقاء مع سكرتير الحزب
ليتضح لك موقفه تحديدآ من الخرمجة
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: د.نجاة محمود)
|
| Quote: لكن الناس خائفة من امنجي وشنو من كلامات الطوربيدات الفشنك |
مش كدا وبس يا دكتورة ..
الطوربيدات .. والطرابيد ، وعلماء النضال اتلمو من كل صوب وحدب بيمجدوا في فجرهم الكاذب .. وكالعادة البوستات ما تديك الدرب ... وكلما ترفع ليك طوبه في البورد تلقى ليك مية واحد منظراتي بيفتي لينا .. عن الشرعية وعن الدستور وعن .. وعن ..
لكن
واحد بس يكتب كلام مخالف يقعدوا كلهم يرقصوا ويتجرسوا ..
ولى زمااان السكات .. واعتقد انو اي زول قادر يتكلم وبالع كلامو ... يراجع ضميرو .. والناس القاعده تخوف في الناس في البورد بالعنصرية وبي قوة السلاح .. وبي الكلام الما جايب تمنو دا .. ديل ناس ما عندها موضوع وكلامه حدو ايقونات بكري التاميها زهور ونقاش وظرف جواب مفتوح وزول بقرا ليهو في كتاب ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أبو ساندرا)
|
Quote: اسمح لي اقوليك كلامك دا ما في محلو .. في كل العالم في ناس بتاكل من البراميل حقت الوساخة في ناس ما بتلقى في البراميل اي حاجة .. وفي ناس بيهدو ليها مفاتيح العربية من الدهـب الخالص ..
مسالة دا عندو وانا ما عندي دي اطلع منها ..
لانو بي ببساطة كدا ندى القلعـة عندها بودي قارد وبتكون لابسه ليها قنطار بتاع دهب .. بينما واحد من الفنانين الكبار بتاعننا جا قعد هنـا بشيلوهو شيل .. وبيتمو ليهو حق مشي المستشفى |
تمبس يا اخوى ازيك ...
بجيك فى الضل دقيقة بس .
يا اخوى من الهندى لى ندى القلعة لى البراميل الدوشة الانتا فيها دى شنو (ندوية ) قنطار بتغير كل فاصل والبركة فى ناس الشريف الهندى بااااااااااااااااايع القضية وربنا يزيدو مالو (لقى هبوبو يضرى ورقو ) انتا شايل الطبلة دى فى شنو
بعدين انا بقول ليك فترنا من كيزان وعبد رحمان الحالة وصلت مرحلة من الدرش (الله خلقو ) يعنى الموضوع فى الطب والطب البلدى متفقين فى البتر (الكى ) علاج قديم والجلد اترقع ماتجى تقول لى حدد موقف واعمل شخيت باختصار انا اتعاون مع الشيطان حتى يستقيم الحال يعنى الكلام تخطى مرحلة الشعارات وكان ما عارف اضرب لى ناس بيتكم تلفون يا اخوى ...
احترامى ..
كارورى
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
| Quote: لانو بي ببساطة كدا ندى القلعـة عندها بودي قارد وبتكون لابسه ليها قنطار بتاع دهب .. بينما واحد من الفنانين الكبار بتاعننا جا قعد هنـا بشيلوهو شيل .. وبيتمو ليهو حق مشي المستشفى |
اجيب ليك من وين يا تمبس ما دا القيتو قدامى ...انا بقول ليك فى كوستى ما لاقين عيش (رغيف الفى البراميل داك ) وحبوب ملاريا ودايربن حل وانتابجيب فى زى الكلام الملتقو ليك انا فوق دة اديناحل ووجة نظر نبلعا بى مويتنا العكرانة دى
وتااانى احترامى
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: الصادق صديق سلمان)
|
للأسف الفجر الجديد لا يختلف عن مقررات أسمرا ولكن للأسف النتيجة هذه المرة ستكون أسوأ.
في أسمرا تحالفت الحركة الشعبية مع أحزاب وتنظيمات الشمال المعارضة. الحركة تقود العمل المسلح والمعارضة الشمالية توفر لها الغطاء السياسي. النتيجة الحركة عندما توصلت لهدفها عقدت إتفاق منفرد مع الحكومة وباعت المعارضة بثمن بخس وتركتها تائهة تتخبط وتندب حظها.
نفس الشئ يتكرر الآن الحركات المسلحة في دارفور والنيل الأزرق وجبال النوبة ورغم توحدها في الجبهة الثورية فإنها فشلت في تسويق نفسها في الداخل والخارج وحتي في معاقلها كبديل مقبول لنظام الإنقاذ ولذلك هي في أشد الحاجة لغطاء ودعم سياسي ذو صبغة وطنية جامعة حتي تجد الدعم والقبول في الداخل والمحيط العربي الأفريقي والعالم أجمع وهي تعرف أنها لن تتمكن من تغيير النظام دون هذا الدعم.
الأحزاب بلعت الطعم خاصة بعد فقدانها الأمل والحيلة في التغيير السلمي وفي بالهاالأول نتحل من الإنقاذ وتاني يحلها الف حلال. ولكن يبدو بعد أن إطلعت علي الميثاق وجدت نفسها فيه في دور المحلل الذي ما أن يؤدي مهمته يركل إلي الأبد.
ميثاق الفجر الجديد يمكن للحركات المسلحة فيما لو حصل التغيير وفترة الأربعة سنوات ليست لتصفية نظام الإنقاذ لأنه لا يحتاج كل هذه المدة ولكن هي لتصفية كل ما يعرف بالسودان القديم بأحزابه ومنظماته ليحل محله سودان جديد الكلمة العليا فيه لحملة السلاح.
ودا السبب الخلا ألأحزاب السياسية (الأمة والشيوعي والشعبي)التي وقع مندوبيها تتنصل وتنسحب من الميثاق بأعذار واهية و خجولة بعد أن عاد لها وعيها وعرفت ما يخبئ الميثاق!
غايتو لو حصل التغيير حسب ميثاق الفجر الجديد فالسيناريو سيكون كما حدث في أفغانستان توحدت كل الحركات المسلحة سنتها وشيعتها ضد نظام كابول الشيوعي مما وفر لها الدعم الإقليمي والدولي وتمكنت من إقتلاع النظام ولكن بعد أن طارت نشوة الإنتصار تحولت هذه لحركات إقليمية وطائفية وقبلية كل يريد الإستئثار بالحكم وأراقت من الدماء وأحدثت من الدمار أكثر مما حدث في حربها مع النظام وأفرز هذا الواقع ظهور حركة طالبان المتشددة التي بعمائلها وأفعالها المتطرفة أعادت أفغانستان للوصاية الدولية والإستعمار.
حتي يحفظ الوطن من الضياع والفوضي لا مفر من أن يكون التغيير من الخرطوم وبثورة شعبية مدنية يشارك فيها كل أهل السودان كما حدث في أكتوبر وأبريل أو سيكون مصير أفغانستان والصومال في الإنتظار.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: د.نجاة محمود)
|
| Quote: هذا البوست المفروض يترفع لانه أهم بوست منج بداية هذا الربع |
كلامك صح اختنا بت ابوى د.نجاة محمود
لازم يكون فوق وفى العناوين كمان
لكن نقول شنو حكمتو بالغة
والغريبة الناس البتهلل للفجر الكاذب
فلان وقع وفلان انسحب وفلان اعتقلوه
عاملين زايغين من البوست ده
وخايفين من الزعمطه 
تعرفى يا دكتورة اخونا علاء ده لما يكتب بوست بكون حريص جدا
اعرف من تداخل فى البوست وماذا قال
وما رد علاء ؟؟
والله دائما ردودا بتكيفنى جدا
وما انسى الف تحية لصاحب البوست اخونا المهندس علاء
| |
|
|
|
|
|
|
|
|
 Re: الهندي عز الديــن .. اداهم النجيضـة من فجرا بدري .. (Re: جمال محمود)
|
تشكراتي يا باشمهندس جمال ..
لكن عليك الله ما تجيبوي لي الهوا انت والدكتورة ..
انا خايف بي احتجاجكم القانوني دا اللقى البوست دا في خبر كان ..
وغايتو لو بكري سمع كلامكم ورفع البوست دا يبقى انتصار لقوى الرجعية وطيور الظلام في البورد .. وانو البورد مقبل على مرحلة ديمقراطية وفجر جديد
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: د.نجاة محمود)
|
| Quote: هذا البوست المفروض يترفع لانه أهم بوست منج بداية هذا الربع |
طبعا لا يا دكتورة ..
اديك ميزة ..؟
بوستات زي دي بكري يرفعـه تاني يوم المناضلين يطلعوهو من امريكا .. التلفونات تشتغل قرش ونص .. ناس تجي تبكي عندو ..
اضيفي لذلك ..
الخوف الذي يواجهه صاحب الموقع .. جراء الارهاب والوصم بي التحابي مع الكيزان ..
اظنك يا دكتورة تذكري بوست اكتساااااح الاولاني ابان فترة الانتخابات ..
..
عارفه البوست دا الان ريحتو للدواء مافيش ..؟
بعدما حاول المناضلين بتاعين الكيبورد .. جاهدين ومجاهدين انهم ينتهوا من البوست بعد مسلسل الشتيمة والارهاب والكباب + بعض القاعدين ساكت في افكارم وكواريكم ..
قام بكري للاسف بحذف البوست من السيرفر بعد فترة من الارشفة وبدل ما يوديهو المكتبة الخاصة بي ويقعد للزمان ويحاسبني عليهو التاريخ لو كان فيه من الجرم ..
للاسف التلفونات كالعادة اشتغلت قرش ونص .. وبكري انصاع للشلة اياها .. واكتشفت بالصدفة انو مافيش حتى في عالم السايبر إلا عنوان فقط .. وللاسف ما عندي نسخـه منو .. وهذا البوست تحديدا سوف اسال منو بكري ابوبكر يوم الموقف العظيم ، لما يجيو يسالونا كتبتو شنو في بورد بكري ..؟؟
غايتو البركـة في بكري ما شال البوست بتاع اختطاف الخاتم عدلان اياهو .. نقطة التحول المهمة في حياتي السودانيزاونلاينية وذلك بعد ان اكتشفت تفاهة الثوار .. حوار مع شقيق الراحل عدلان ... حقائق حول مواراة جث...الخاتم عدلان الثرى
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: مهدي صلاح)
|
Quote: تعنت الحكومة وعنجهيتها واحتكارها للسلطة مع آلة القتل المدورة في الاطراف هي الوصلت الناس للفجر الجديد... هل المطلوب من قوى الهامش ان تستكين وتستسلم ويتفرجوا بس
التحية لك الاخ تمبس ولكل المتواجدين |
سلامات يا مهدي ..
ليس مطلوب من أي أحد ان يقف عن الظلم .. لكن ان تحاول ان تسترد حقك وتعيد انتاج دورة الظلم مرة أخرى بشكل مرتب يخدم مصالحك دون مصالح الاخرين أو على انقاض الاخرين .. فهذا هو المرفوض تماما ..
ليس هناك اتفاق كامل سوف يرضي طموحات الجميع حتى إن وجد لابد من المخالفين للرأي ..
لكن
على اقل تقديرات لا تتجمل لكي لا ينكشف وجهك القبيح .,.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أسامة البلال)
|
اسامـة البلال ...
الف شكر للرؤية من زاوية أخرى غابت عن بعض المتابعين عن الشأن الخاص بالوثيقة ..
قراءة واعية جدا لسيناريوهات تتكرر مع تكرر الشخوص ، وإن اختلفت المسميات | Quote: الأحزاب بلعت الطعم خاصة بعد فقدانها الأمل والحيلة في التغيير السلمي وفي بالهاالأول نتحل من الإنقاذ وتاني يحلها الف حلال. ولكن يبدو بعد أن إطلعت علي الميثاق وجدت نفسها فيه في دور المحلل الذي ما أن يؤدي مهمته يركل إلي الأبد. |
هذه الخلاصة ، والنقطة المهمة التي انتبه لها البعض بعد القراءة السليمة اما بقية الذين اتوا تبع الفوج من شخصيات اعتباريه ومن رموز ادمنت الفشل ، ومن مراهقين سياسة فمع مرور الزمن سرعان ما يدركون فداحتة ما ينتظرهم تحت اقدامهم ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: الصادق صديق سلمان)
|
Quote: تمبس,, سلاح حبيبي
بالتأكيد أنا ضد الفجر الجديد وضد كل ما أو من يريد فصل الدين عن الدولة السودانية,,,
والداير يشيل الدين من الدولة ويفصله عنها إلا بعد ما يغوص في اعماق دمائنا التي ستسيل بحوراً نصرةً لدين الله |
حبيبنا الصادق ..
المسالة ليس فصل الدين عن الدولة .. انما هناك العديد من الاجندة الخاصة والتي عبرت عن تطلعات فئة محددة .. لذلك وجب الانتباه والوقوف ..
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: أبو ساندرا)
|
Quote: سلمنا أن هناك خطاب مأزوم
وأن هناك عنصرية مضادة فيه
لكن نقد هذا الخطاب يجب ان يصوب مباشرة على ذات الخطاب
وليس عن طريق نقد أي خطوة ولو كان فيها خلاصنا |
ليس هناك من نقد يوجه إلى الخطاب ولا بصيص أمل لتصحيحه لان ما بني على باطل سيستمر على باطل .. الخطاب بني على نهج مخطط بشكل عرقي في المقام الأول التحالف يستمد شرعيته من الالتفاف العرقي الذي تم بعناية شديدة .. بحيث ان الكيكة توزع كما تم توزيعها في الايام الاولى من سنين الانقاذ وضاع فيها الشعب .. نفس الشعب المسحوق يحاول اصحاب الوثيقة زج اسمهم من أجل اضفاء الشرعية فيه واستدراء العطف كما ظهر في عبارتك (خلاصنـا) .. ليس هناك خلاص يا سيدي العزيز بل مزيد من الضياع لهوية الشعب وهذه المرة ضياع بشكل مؤسس جدا الغلبة فيه لاصحاب الجماعات العرقية وفلول الاحزاب المجربة وبعض النخب التي ادمنت الفشل ..
..
Quote: وبصرف النظر عن ثقواب ميثاق الفجر الجديد
فإنني أعتبره خطوة مهمة في طريق وحدة القوى الساعية للتغيير |
لتتحد القوى .. وللتجمع ويحمل كسيحهم اعماهم .. لكن إلى اي تجاه تغييرهم .. طالما البعد الحقيقي ليس استهداف الحكومة للتغيير انما استهداف انسان الشمال بشكل خاص وبشكل فني جدا.
Quote: موقف حزبنا أن هناك إستعجال في الإعلان عن الميثاق
لأنه مازال في طور القراءات الأولى ، يعني مزال مسودة
قابلة للتعديل بالحذف و الإضافة |
.. تتفق معي ان نجاح اي عمل او فشله يكمن في ضربة البداية ..؟
على كل ظهرت الملامح الاولى لشكل الوثيقة وما جاء في الاستعجال كشف عن اهم شروط نجاحها .. ولو تمت محاولة حذف او تعديل في البنود الاساسية .. لظهر الاختلاف ، كما ظهر تنصلت العديد من الجهات التي وقعت على الوثيقة في هوشتها الاولى .
اتابع العديد من البوستات ذات الشأن لكن في المقام الأول لا يهمني إلا عناصر بعينهم فمنهم تجد الخبر اليقين .
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
| Quote: ليس هناك من نقد يوجه إلى الخطاب ولا بصيص أمل لتصحيحه لان ما بني على باطل سيستمر على باطل .. الخطاب بني على نهج مخطط بشكل عرقي في المقام الأول التحالف يستمد شرعيته من الالتفاف العرقي الذي تم بعناية شديدة .. بحيث ان الكيكة توزع كما تم توزيعها في الايام الاولى من سنين الانقاذ وضاع فيها الشعب .. نفس الشعب المسحوق يحاول اصحاب الوثيقة زج اسمهم من أجل اضفاء الشرعية فيه واستدراء العطف كما ظهر في عبارتك (خلاصنـا) .. ليس هناك خلاص يا سيدي العزيز بل مزيد من الضياع لهوية الشعب وهذه المرة ضياع بشكل مؤسس جدا الغلبة فيه لاصحاب الجماعات العرقية وفلول الاحزاب المجربة وبعض النخب التي ادمنت الفشل |
نحن متفقون منذ الساعة الاولى فى عدم شرعية هذة الوثيقة وان معظم او اغلبها ( بواد غير ذي زرع )وان الاحزاب السودانية حتى وان ارادت التجديد فى ظاهرها فهى كيانات (مترهلة فكريا )وان راعت التجديد فى اجندتهاكما انها كائنات مشوهة وغير عقلانية تعيش خارج زمنها فإن الأزمة هي في الجوهر أزمة إنتاج فكرى يواكب الحالة الاقتصادية للمواطن السودانى العادى .ولأنها متصنعة وغير طبيعية تتكلف العفوية وتفرضها قسرا.
(الزيت) ان الأحزاب السياسيةالسودانية لا تنبت على أرض اجتماعية محروقة حروب ومطاحنات قبلية وحزبية فى كل النواحى ، ولا تنبت حيث ترتد الدولة ذاتها إلى محض حزب واحد مسيطر على كل الادوار الفنية والاقتصادية والعلمية الخ الخ (سوبرمان ). ما ينبت فى مثل هذة الظروف الاقتصادية والاجتماعية هو المسوخ امثال الفجر الجديد.
يا تمبس ..
انا داير (نص ربع لحمة عضم وحبوب ملاريا وربطة جرجير وليمونتين بى 35 جنية )
التمباك خليتو بسف من (حقة حبوبتى )
كارورى
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: Ayman Khalifa)
|
الأخ علاء
تحياتي مرة أخرى.ومشكور على هذا الجهد المقدر.
أسمح لي أن أعقب على كلام الأخ أسامة البلال (كل كلامه) العميق والمؤسس| Quote: حتي يحفظ الوطن من الضياع والفوضي لا مفر من أن يكون التغيير من الخرطوم وبثورة شعبية مدنية يشارك فيها كل أهل السودان كما حدث في أكتوبر وأبريل أو سيكون مصير أفغانستان والصومال في الإنتظار. |
ولكن هل تعتقد أن ( الفريق) ( القائد) مالك عقار ممكن أن يصبر على ذلك؟؟ والفرقتان التاسعة والعاشرة من أين
(تاكل عيش)؟ خاصةَ وأن يوغندا ليست لديها حدود متاخمة لجنوب النيل الأزرق لكي يتمكنوا من ترويع الأهالي الأبرياء
وقتل المزارعين ونهب الثروة الحيوانية من الرعاة. وتنفيذ الأجندة التي لم تعد خفية على أحد.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: Ayman Khalifa)
|
Quote:
Quote: ( الفريق) ( القائد) مالك عقار
عثمان ازيك ..
خليك من النضمى الكتير الرئيس عبارة عن "كاريزما" ولا نحنا خلاص يعنى
اى (مكوجى) شال بندقية يحكمنا يعنى |
أيمن .. أولاً تحياتي وحبابك.
أوردت هذه الألقاب على سبيل التهكم. لأنني أعرفه وأعرف إمكانياته جيداً. كما يعرفها سكان النيل الأزرق.
وأعتقد أنها يفترض أن تُقرأ هكذا حسب السياق الذي أوردتها فيه.
ثالثاً عبارتك أعلاه ( بالأحمر) لا أعتقد أن هنالك داعياً لها.
وأخيراً كامل تضامني واحترامي للمكوجية وجميع أصحاب المهن الشريفة.
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: Elbagir Osman)
|
لازم تكتب كلام زي دا .. ما كمان الباقر موسى الثوري الكبير في سودانيزاونلاين ..
بركـة البقيت تدخل بوستات كاتبه العبد للـه وبقيت ترد لي الامنجية وضباط الأمن ..
حسع الله بسالك البوست دا كلوووو ما شفت فوق إلا كلام العنصرية البغيض دا ..؟
ما في كلام ابغض منو اتكتب قبال ما يجي العنصري البغيض دا .. مالك ما جيت (نقطتنا) لينـا هنا إن شاء الله بي دولارين بس ..
..
قال ايه ..
جايين تتونسو مع البنات ..
حسع البوستدا فوقو بنات ؟؟
الجابك هنـا شنـو ...؟
| |
|
|
|
|
|
|
|
|
|
Re: الهندي عز الديــن .. اداهم النجيضـة من فجرا بدري .. (Re: tmbis)
|
الغريب انو الجماعة بتاعين الفجر المشرق ديل خلو كلام الهندي بي سكـة وكنكشـو في كلام ايمـن دا وقامو جاريين بيهو ..
ضف لذلك :
انو اتاريهم بيحاحو بي بـره .. ويقرو .. والواحد فيهم اصلو ربنا ما فتح عليهو بي كلمة يجي يكتبه هنانستفيد منها لي الزمان لو اصلو فيهم ثمرة ونكهة..
فووووووووووق
| |
|
|
|
|
|
|
| |
tmbis
عبد الحكم ابراهيم الحاج
محمد البشرى الخضر
الصادق ضرار
محمد عمر جبريل
الشيخ سيد أحمد
عمر صديق
Ayman Khalifa
عوض أبو عيش
أبو ساندرا
عثمان رضوان
الفاضل يسن عثمان
صلاح أبودية
الصادق صديق سلمان
أسامة البلال
مهدي صلاح
جمال محمود
Elbagir Osman
فيس بوك
تويتر
انستقرام
يوتيوب
بنتيريست