|
Re: الوظائف دي فتحت والمرتبات بين 8 ألف و20 ألف دولار في الشهر (Re: عثمان رضوان)
|
عزيزنا محمد البشري سلامات يا ود البشري ياخ أنت مالك ومال الموج وسقطو وتلتلتو . علي كل حال الشركات دي كلها شركات لبنانيين وسوريين وشوية مغاربة . وجد هي شركات قوية قوية والفرص موجودة والفلوس بهله بس يا ود البشري في وأحد أخونا حبشي قال : هم مشوا ألسكا خمسة كلهم عيال عم من مدينة بحر دأر الحبشية . قال : الخمسة رجعوا منهم 2 . قال : ضربة السقط تطقك تخليك أبلكاشة .
| |
|
|
|
|
|
|
Re: الوظائف دي فتحت والمرتبات بين 8 ألف و20 ألف دولار في الشهر (Re: د. ياسر عبد القادر)
|
ود العم د / ياسر عبدالقادر سلامات مرتبات تقشير السمك شوية مازي البحر . يعني شغلة التقشير بين ال 8 ألف دولار وال 9 ألف دولار في الشهر بس وقعان البحر بكون بين ال 15 و ال 20 ألف بس في الحالتين أحتمال الموت كبير . عيال اليمن بقولوا الموت مكنكش في البحر أجمل من الموت في الدكاكين النواصي . يا دكتور ياخ بيع حوأشة جدك ديك وتعال نعمل لينا شركة والكاتل الله .
| |
|
|
|
|
|
|
Re: الوظائف دي فتحت والمرتبات بين 8 ألف و20 ألف دولار في الشهر (Re: Osman Musa)
|
السلام عليكم ورحمة الله وبركاته الأخ العزيز عثمان الأخوة المشاركين سنة2002 سمعت الناس بتكلمو عن شركات صيدالسمك فى سياتل طوالى سافرت من الجنوب لسياتل وجدت سودانيين لا يتجاوز عددهم خمسه وعدد لابأس به من غرب أفريقيا ولايوجد عربى واحد ولاحبشى ولاصومالى العمل بالساعات لذا يعمل الفرد حوالى 18-20 ساعة فى اليوم ولاتوجد محطات تلفزيونية فى خلاء البحر وربما تصل شواطئ اليابان كل العمل هو تنظيف السمك طيلةالرحلة بواسطة الساطور لاوقت للراحة والمرض حيث يعمل الأفارقة طيلة اليوم للكسب ومعهم زوجاتهم للعمل أيضآ ستةشهور للعمل فقط لذا يعمل الأفارقة ستة شهور ويعودون لغرب أفريقيا الأولية لعمال الموسم السابق
تجربه لاأنصح أحد بالقيام بها
| |
|
|
|
|
|
|
Re: الوظائف دي فتحت والمرتبات بين 8 ألف و20 ألف دولار في الشهر (Re: يسرى معتصم)
|
العزيز يسري لك التحية
Quote: تجربه لاأنصح أحد بالقيام بها |
ارجو ألا تحول بين الناس واحلامهم، ياخي الناس سافروا لصحراء البيوضة وغطسوا في رمالها 40 مترا تنقيبا عن الذهب او بحثا عن مجهول، تقول لي تجربة شنو شنو.. هسع الضمان ستة شهور على ظهر سفينة ولا ستة اسابيع في باطن التربة! خلي الناس تستنشق نسيم خليج هدسون بدلا عن مناخ القبور واستنشاق الفسفور..
___________________________ يا عثمان انت من زمن الفان ،، الحمدلله خلصت القراية ولا زلت في عاصمة العالم ،، المدينة التي لا أطيق فراقها
| |
|
|
|
|
|
|
Re: الوظائف دي فتحت والمرتبات بين 8 ألف و20 ألف دولار في الشهر (Re: معتصم احمد صالح)
|
عزيزنا محمد النيل سلامات الفشينغ هي الغربة الجديدة المضروبة في دبل غربة يا محمد . تركب الموج ناطح السحاب . ترجع متين يا ود النيل ده علمو عند الله . علي كل حال يا محمد صاحبك ود الشيخ عاد الي اليابسة في الحساب 80 ألف دولار أي ورقة في ال 80 دي مكتوب عليها this note is legal tender . ود الشيخ رجع قال شاعر بي قلبو زي مافي من سقط الحوت .
| |
|
|
|
|
|
|
Re: الوظائف دي فتحت والمرتبات بين 8 ألف و20 ألف دولار في الشهر (Re: Osman Musa)
|
قبل ثلاثة سنوات جابو لينا ناس النرويج القادميين الى بيرمنجهام (سيره البحر ) أقصد سيره السمك فى النرويج وقالوا (البنغاله والهنود وبعض الافارقة عملو قروش !!!)وقالو لو مابقييت بتاع (مجقومات ) أقلها الفودكابتقدر على الشغل !! لكن عدا ذلك والله (صيره ما تقدر تقبضه !!!) لذلك لم نفكر حتى فى سمك النرويج والذى يعتبر مقارنه بسمك (ألاسكا!!) زى التقول فى مصر !!!! على العموم ربما رشحنا لكم بعض الشباب لكن نحنا وإن كان (البنيان واقف فى الطابق الارضى !!!) لكن كفاية القضيناهو فى الشرطة فى السودان !!والله الحكاية لو فك وتركيب وإستعمال سلاح ومجاذفات فى دفو كنا بنباصر الموضوع لكن والله الليلة الجو فى بيرمنجهام بارد الواحد ما قادر يتكلم من البرد بس نتابع فى الكورة !!! آها ألاسكادى فيها متابعة كورة أم متابعة الامواج والسواطير !!!! والصلاة كيييف ؟؟ والوضوء والغسل والعبادات الاخرى يا جماعة ربنا ما أمر بالتهلكة دولار زى ده طاير يا زول .
| |
|
|
|
|
|
|
|