|
|
|
 Re: هترشات دائش (Re: عادل الباهي عبدالرازق)
|
** ود الباهى..
** سلام ومساءك خير..
## ربنا يديك الصحه والعافيه وطولت العمر ..
## ويمتعك فى جكس الدنيا .. وتخلى الحور العين لأخوان الشياطسن..
## والترابى يصلح النسل بناس الصين ...
(ودام الود بين الجميع)
(ابو محمد فؤاد) - الماكيكى....
| |
  
|
|
|
|
|
|
|
 Re: هترشات دائش (Re: عادل الباهي عبدالرازق)
|
من بيئتنا
واحد ضابط صف بالقوات المسلحة كان يسكنا معنا بالحي وكان زول كويس فتمت ترقيتة لرتبة الملازم
ومن يوم ما ركب ليكم الدبورة فوق كتفوا أنقلب حاله وأصبح يعامل ليكم الناس بعجرفه وعنجهية وتكبر، كانو
مافي ضابط غيرو في الدنيا ( صدمة حضارية وكدة ) حتي مع أهل بيته وقيل زوجتة قالت سعيلي الله أبراهيم
زوجي دا من كترة مافاكيها في روحو سمعت ذات مره وهو ينوي صلاة المغرب يقول بعد التكبير للصلاة معاك
الملازم أبراهيم سعيد ومن ثم قال الله أكبر وكان يستغل الترحيل الجماعي للضباط وهو أصغر رتبة وأكبر
رتبة كان مقدم ويسكن الكلاكلة وهو خال أحد أصدقائي بنفس الحي ونحن بالمرحلة الثانوية ، قام صاحبي
كلم ليك خالو المقدم دا. قال ليهو يأخ عمك ابراهيم سعيد دا كرهنا الحي دا وحكي ليهو كل وهمات عم ابراهيم
يقوم المقدم يدي سواق الترحيل تعليمات بان وصول الترحيل لسكن الضباط حسب الرتبه يعني لازم يركب آخر
زول اعلي رتبة وينزل أول زول نهاية الدوام وعمكم أبراهيم راح في الرجليين بلاهي الترحيل بيجيهوا من النجمة
بعد صلاة الصبح ياخدو ليكم وهو يسكن بالقرب من محطة أبو حمامة ويلفوا بيهو القوز والرميله ، اللاماب،
الشجرة وأخيرا الكلاكلة ويصل القيادة العامة دايخ عديل كدة وفي نهاية الدوام الترحيل يجي بالقرب من منزله ويهداك بيتو ومافي طريقة ينزل لانه
أصغر رتبة ولمن يصل البيت بتكون صلاة المغرب دخلت . في أحدي المرات جالسين تحت عمود كهرباء
حضر عم أبراهيم عاوز يمارس علينا عجرفتة ووهماتة وقف قدامنا وقال لينا تاني لو لقيت لي ولد قاعد في
الحي دا تحت العمود بخلي عسكري بسط الامن الشامل دا يختو في صفيحة الزبالة ، مفتكر الناس حتخاف
منو فما كان من صديقي الا ان قال له في وجهه شوف ياعم أبراهيم بلاش وهمات معاك يأخ أنت بقيت
عامل زي المايو ( السروال) يلبسوهو اول حاجة ويخلعوهو آخر حاجة .( قاصد طبعا شكل عم أبراهيم في الترحيل )
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
Quote: * يتم غسل جثماني بواسطة الجنس اللطيف أيادي ناعمة وكدة وراجل واحد يدخل مافي مكجتن الرجال ، الجكس حنين يأخ .
* شنب واحد يصلي علي أو يواريني الثري مافي يقدوا يتغالطوا قدام راسي هيثم مصطفي قال والبرير فعل ويكسروا لي راسي وانا محتاج اكون مركز للاسئلة تحت
ويحبذ من الجنس الناعم لو ركزتوا لي علي جكس جامعه مامون حميدة وعلوم التقانه والاحفاد بنات دبي شهادة عربية واي جكسوية شايلا مادة ماتباريني . |
هترش يا اخوي لامن أجيك صاد
وربنا يديك طولة العمر ياخ
| |
|
|
|
|
|
|
|
|
|
Re: هترشات دائش (Re: الامين موسى البشاري)
|
Quote:
** ود الباهى..
** سلام ومساءك خير..
## ربنا يديك الصحه والعافيه وطولت العمر ..
## ويمتعك فى جكس الدنيا .. وتخلى الحور العين لأخوان الشياطسن..
## والترابى يصلح النسل بناس الصين ...
(ودام الود بين الجميع)
(ابو محمد فؤاد) - الماكيكى.... |
أبو محمد فؤاد
حياك الله وعام سعيد عليكم
أيوة دي الدعوة السمحة جكس الدنيا ، والله أخوان الشياطين شبعو
في الدنيا دي كل يوم قابضين واحد منهم في خور الله لا كسبهم
عمرنا راح . الجكيس الجد جد وجه لوجه العين تقابل العين وبهوي
أصارحو لكن طق الحنك عبر الفيس بوك والاسكاي بي والله ولا
من تعبو . الواحد يقعد يطق الحنك في الانترت لمن تجيهو فلايت
وقطايع في ضهرو وفي النهاية تكتشف الطرف التاني راجل بي شنب وداخل بأسم بنت 
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
Quote:
هترش يا اخوي لامن أجيك صاد
وربنا يديك طولة العمر ياخ |
الامين ياخوي هرمنا هرمنا هرمنااااااااااا نعمل شنو ؟
والله الصيام ساكت كتل حيلنا أهو الواحد قدر الطاقة العندو دي
بيوزعها بين الهترشات والصيام والمشاكل .
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
إنجمامة مع فتاوي المصريين ( منقول)
ذهب الدكتور أنور ماجد عشقي (رئيس مركز الشرق الأوسط للدراسات الاستيراتيجية والقانونية)
إلى القول بأن الحور العين ليسوا للمتعة الحسية وذلك لأن الدوافع الجنسية غير موجودة في الجنة، وان آدم لم
يغادرها إلا بعد انكشاف سوءته ( عورته)، وأن الإستمتاع بالحورالعين ليس جنسياً بل هو معنويا.
فالجنة لا جنس فيها لأن الأجهزة التناسلية للإنسان تختفي، لأنه ليس في حاجة إليها في الجنة، كما ليس في حاجة
إلى كل الغرائز التي ابتلى الله بها الإنسان على وجه الأرض لتستقيم الحياة.
الجنة ليس فيها جنس وليس فيها خوف، بل تنعدم فيها معظم الغرائز.
قرأ المقال مصري متغرب فرد عليه بالاتي :
أيه ده..؟ يخرب بيتك، أنت ولّي كتبته..!
بقى أنا متغرب طول السنين ديت، وبشوف اللحم الأحمر قدامي، واستغفر ربي واصوم واصلي، وأعزب وحافظ نفسي من يوم ماتولدت وطلع الشيب براسي...
عشان تقولّي، يابن ستين جزمة، دلوقتي بالجنة مافيش حور عين..؟ وكمان طيّنتها مافيش أعضاء..؟
أمّال نعمل أيه..؟ ناكل ونشرب وننام..؟
دنتم بتستهبلوا ولا بتستعبطووا..؟ أيه الهباب ده..؟
بقا كل السنين الي عشتها حافظ نفسي، بتقولي ياخدو البتاع..!
روح جتك داهية، أنت ومخك..!
وكمان بتكدّب حديث الرسول !!
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
عادل ولدي
الله ارضى عليك هترش في امور دنيتك العفينة دي وخلي ما بعدها للواحد المنان
لان الهترشة فيها خطيرة بالجد
ونصيحة لزول بدور ليك الخير دنيا وآخرة
والله اديك طولة العمر والصحة والعافية
تحياتي واحترامي الذي تعلم
.
.
جيت جاري كنت داير اهترش معاك لكن لقيت هترشتك ما بتنهبش طب
عرس عرس يا عادل عرس
| |
|
|
|
|
|
|
|
|
|
Re: هترشات دائش (Re: عبدالله ود البوش)
|
Quote:
عادل ولدي
الله ارضى عليك هترش في امور دنيتك العفينة دي وخلي ما بعدها للواحد المنان
لان الهترشة فيها خطيرة بالجد
ونصيحة لزول بدور ليك الخير دنيا وآخرة
والله اديك طولة العمر والصحة والعافية
تحياتي واحترامي الذي تعلم
.
.
جيت جاري كنت داير اهترش معاك لكن لقيت هترشتك ما بتنهبش طب
عرس عرس يا عادل عرس |
الحبيب عمنا عبدالله ود البوش
حبابك و2013 سعيدة عليكم فكل النواحي يارب
شكرا علي النصائح الغالية وماعدمناك . حرمت تب
تعال ساي أنجما وهترش . باقي ولدك الوحده كاتلاهو قلت أفضفض شوية
أحترامي الذي تعرف
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
شكرا عادل عارفك اصيل والله ومن بيت كبير
عشان كدا انا قلت ليك عرس عشان تاني ماتلقا طريقة لجنس الهترشة دي
.
.
عاين جاي
الولد شابك ابوهو داير اعرس يابا .. عرس لي يابا
ابوهو قاليهو يا ولدي العرس هين
لكن مما تقبل علي الجزارات ديك الا خشمك ابقى قدر خشم القفة الشايلا
حمالتك علي لاسع الولد فاغرا فاهو واكثر من خشم القفة ههههههههه
.
.
ما تخاف العرس دا زي حمام الشتاء ... الشهقة اللولانية وتاني عادي تغني
قَلِبي لي الليلة يا هويدا قَلِبي لي فنانا ابوعبيدة
قلبي لي الليلة يا شادية قلبي لي فنانا ود البادية
وقلبي ليييييي قلبي ليييييييي حسب اسم العروس محظوظة الحظ
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
الباهي أبن شقيقتي الشهير بالتبرلي في الروضة قبل فترة في لحظة أندياح معه
عوقني بسؤال أنت يا خالو إسم الروضة الدرست فيها أسمها شنو؟ كرشت رأسي
وغلبني أديهو عقال نافع ومع أصراره لمعرفة الجواب قلت ليهو ياولدي خالك درس
في روضة ست فله التجارية وسرحت وأنا أردد الله لا كسبكم يا السياسيين في السودان
عيشتونا طفولة عذاب بس والله لو الدولة أهتمت بينا زي أهتمام الدول المحترمة بناس التبرلي دا أسع
علي أسواء الفروض الواحد كان مفترض يكون إستشاري جراحة المخ والاعصاب . لكن من ما مرقنا
في الدنيا دي لقينا حال البلد يغني عن السؤال حكومات تجيء ويملوء جيوبهم ويشبعو والشعب ينتفض
وتاني يجونا تماسيح يشبعوا ويملوء كروشهم والشعب ينتفض وكهذا تدور الساقية والوطن والمواطن والاطفال
لا بواكي عليهم . طفولتنا كلها عدينها لافين حفيانين في الرمضاء من أبوحمامة الي ديم سلك نشرك ونحاحي للطير
وكمبلت ماخلينا لينا علبة صلصة لافا ونختم اليوم بأكل الخيار بالشطة في لفه القوز والواحد يرجع البيت أغبش
تحلف تقول قايم أسع من القبر . غايتو أي زول مقاس الحذاء بتاعوا مقاس 43 و44 عاش طفولة ماسعيدة
أسع شفتوا ليكم ود راحات رجلو أكتر من مقاس 42 ؟ ديل الناس الكانو ضاربين الموكيت والضل ، لعب ساي
في الشارع مابيلعبو والله الواحد فيهم نشوفو من صلاة عيد الي صلاة عيد .
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
ياود البوش عندنا قريبنا كدة بيحب ليهو واحدة من الحي وهو شغال جزار مع والده
مشي أتقدم لخطبتها. البنت موافقة ولكن عندها أخوانا مغتربين رفضوا الفكرة من أصلها
بحكم أنو الزول دا مستواهو شهادة سودانية وأختهم خريجة جامعية وقالوا مافي تكافؤ في
المؤهلات المهم بعد شد وجذب الخطوبة تمت . وأهل البنت دي عندهم كــــــــلب بيجيء
كل يوم للجزارة مع كـــــلاب الحي فصاحبنا من مايشوف ليك كــــلب أهل خطيبتو يطرد ليك
باقي الكـــــلاب ويقطع ليك أحسن قطعة لحمة بدون عظم ويرميها للكـــــلب فيقوم والدة يكورك
فيهو ياولد ماتجدع اللحمة للكــــلاب يقوم يقول لوالدة يا أبوي يأخ دا كــــلب ناس سمية. وأستمر
الحال علي هذا كل يوم هو في مسلسل يا أبوي دا كـــلب ناس سمية يأخ. الي أن أكتمل الزواج
وأستقر في منزل لوحده مع زوجتة بعد الزواج بي ثلاثة أشهر الشمطيبا قامت في البيت والنقه
قام جاء علي المجزرة فوجد والده قبله بلاهي صباح الخير ماقالا وصاري وشو . يقوم الكــــلب
المسكين يجيء كالعادة لاخذ نصيبة من اللحمة فما كان من قريبنا الامسك ليك الساطور
ومعط ليك ال###### بيهو وجاب أجلو فقام أبوة سألو دا شنو يا ولدي ؟ قال ليهو يا أبوي
كتلتو . قام أبوة قال ليهو مرة أخري هي ياولدي دا ما كــــــــلب ناس سمية . قال ليهو
يا أبوي كـــلب ناس سمية أنتهيت منو وفضل لي سمية وأبوها
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
تيتا: أقوووليش
x : آهاااا
تيتا: أنا حبِّشِ
x دي تقرأ أبو و أم حتوت و حتوت و توتا ونموش
دي تيتا بعد اتعلمت الكلام اليوم كلو بالطريقة دي و الله يقدرها على x ما يقول (آهاااا)
| |
|
|
|
|
|
|
|
|
|
Re: هترشات دائش (Re: محمد البشرى الخضر)
|
Quote:
تيتا: أقوووليش
x : آهاااا
تيتا: أنا حبِّشِ
x دي تقرأ أبو و أم حتوت و حتوت و توتا ونموش
دي تيتا بعد اتعلمت الكلام اليوم كلو بالطريقة دي و الله يقدرها على x ما يقول (آهاااا) |
ود البشري ربنا يحفظ تيتا ويجعلها من الصالحات بداية الكلام هين بعد شوية
بتجيك للأسئلة التعسفية يابابا كان عندك زمان بلاي استيشن ، عندك wij ، وغيرها
والله ود أختي دا منجضني جنس نجاض وطوالي بطير مني الحمام والله في مزه كدا
شغالا في سيوبرماركت كل ما أجيء أحاسب عندها بتبتسم لي ، مرة واحدة دقست سقت
معاي التبرلي دا ومن ماشافتوا أفتكرتوا ولدي بلاهي صرت لي وتاني عمري ماشفت سنونا
وهو زاتو بس مرقنا كده قال لي ياخالو ليه بتعاين للبنت . قلت ليهو خلاص خربتها وقعدت
علي تلها والله ياود اللذينا تاني ماتباريني شبر بعد اليوم .
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
| Quote: بتجيك للأسئلة التعسفية |
هههههههه لا الملف دا ماسكو حتوت و مجضمه تمام
لدرجة الواحد بقى حريص على اي تصرف أو لفظ قدامه, اليوم داك في كورة دجوليبا لما يوسف محمد ضيّع البلنتي كبست ليه بضمير كبسة زي الكبسة لا خليت أبوه لا أمه ولا شريف نيجيريا ولا بوكو حرام
بعد استغفرت و قعدت لقيت حتوت راجيني ليك بقائمة اسئلة تعسفية, وعينك ما تشوف إلاّ النور شي كبكبة وشي لف و دوران ومحاولات فاشلة لاقناعه انو دي كورة نوع من اللهو بالتالي يجوز فيها اللغو ومش عارف ايه
غايتو ما ظنيته اقتنع لكن بكون مشّاني ساي
المهم .. يا قريبك سقف الهترشة هنا حدّو وين, عندي قصص ما عارف كيف, لكن ما اظنها بتتناسب مع الظرف الوطني الدقيق البتمر بيه البلاد وكدا :)
هل يمكن الواحد يهترش بيها هنا وكدا
| |
|
|
|
|
|
|
|
|
|
Re: هترشات دائش (Re: محمد البشرى الخضر)
|
Quote:
المهم .. يا قريبك سقف الهترشة هنا حدّو وين, عندي قصص ما عارف كيف, لكن ما اظنها بتتناسب مع الظرف الوطني الدقيق البتمر بيه البلاد وكدا :)
هل يمكن الواحد يهترش بيها هنا وكدا [/QUOTE
ياود البشري أنا غايتو عن نفسي تعهدت لعمنا ود البوش أن أتجنب الاشياء الدينية لكن باقي الاشياء
السقف حدو السماء يا الخور . هترش ساي هي الهترشة عليها ضريبة؟ مفيش حد ماخد منها حاجة
ههههههههههههههه . والله لو منتظر الظرف الوطني الدقيق دا يتحسن شكلك حتنتظر كتير وكتير أوي .
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
شاحد ربي ومولاي الفيس بوك القاعد أمفكو دا يعملو الدخول والخروج بالقروش النشوف الناس دي بتقبل وين ؟ بلاهي
الاعمي شايل المكسر والفيس بوك جاك زول والبيزعل الناس لو بتجيب أفكار من دقنوسا مالا، الناس شغاليين كوبي
آند بيست لا بيتزكروا حقوق أدبية ولا ملكية فكرية الواحد عادي يسرق وينجعص والشله تشبكو شيء اطراء وشيء
لايكات وهو يتبسم زي أم العروس ، الجماعة قاعدين جوز جوز وهاك يا كضب وتلميع ، تدخل من صباح الرحمن
تلقي ليك خمسين طلب صداقة ولا بتكون بتعرف زول فيهم ، تقعد تبحت عشان تعرف هو منو تلقاهو صاحب صاحب
صاحبك ويقول ليك صديق مشترك بينكم ود عجوبه هي أنا بعرف ود عجوبه أنت أضيفك لشنو يعني ؟ بس عشان يكتبو
ليك عندك 3000 صديق يعني حيصرفو ليك حافز ؟ ومره خجلت قبلت طلب صداقة بنت وبعد فترة شافتني اون لاين
كتبت لي أنت منو ,اضفتك كيف ؟وجيت في قائمة أصدقائي كيف ؟ قلت ليها جابني السيل ، السيل اليشيلك أنتي قبيل
لمن رسلتي طلب الصداقة كنتي منومه مغنطيسيا. والبيفقع المرارة ناس القروبات يضيفك في قروب بدون مايستأذنك
ودا كلو كوم وناس المزرعة السعيدة كوم تاني، النهار والليل شابكني فلان يدعوك لمزرعتة السعيدة ، علان عمل ليك
لكز بلاهي لمن جابو لي فلايت في ضهري من كتره اللكيز وانا نائم أو بالاحري عامل رايح النشوف آخرتا شنو معاهم
والمضحك نظام الاشتراك بتاع الاحاديث النبوية في ناس كده ماخايل فيهم ، أنا بعرف واحد تقريبا عمرو ما ركع بلاهي
لو دفرتو مابيقع علي جبهته بيقع علي ضهرو وتلقي اسمو في الصفحة الرئيسية كلها احاديث نبوية تحلف تقول الشيخ
كشك هي اول حاجة أعرف طريق المصلاية وبعدين اشترك في خدمة الاحاديث النبوية .هو زاتو الفيس بوك دا شيال
حال والله صحي النهار والليل سعيد جاكات وبنت صفية المقملة أصبحو أصدقاء يأخ نحن مالنا ومالهم يصبحوا
أصدقاء ولا يتزوجوا زواج عرفي نحن ناقصين ، حسن وهمات اعجب بصورة
فتحية فللوا ، فلان عمل لكز لعلان ، ود تور الجر أضاف صورة جديدة ،وعشان الفيس بوك لسانو
مابتتبلا فوله فيهو حان موسم الهجرة الي الهوت ميل والماسنجر لابيغلط عليك ولا بيوســـخ ايديك
فيهو الجو هاديء ورومانسي كمان .
| |
|
|
|
|
|
|
|
|
|
Re: هترشات دائش (Re: عادل الباهي عبدالرازق)
|
اعتزاري لمن يصله طرف الصوت لم أقصد التعميم
بنت ميمونة وهي في بعد سن الثمانية عشر تكورت وتدورت وجسما بقي زي الزير ماشاءالله
يا أرض أحفظي ماعليك لكنها كانت تمني نفسها في عريس لقطة أسم وجسم ووش مبتسم
كل ما تشرق شمس يجيها عريس وطوالي ردها لشقيقتها الكبري حسن شنو البعرسوا انا؟
شوفي خلقتوا كيف أسع دا جقر أقابلوا أنا من الصباح؟ انا مواصفاتي أول شرط راجل يكون
زي عاصي الحلاتي أو الممثل التركي مهند شقة ملك وسيارة في السلك ويخرج حسن من حياة بنت ميمونة ويكسب زمنوا تمر أيام ويتقدم بله لها وطوالي تشبك أمها أوووب علي
أنا الانتهيت معقولة ياناس أعرس بله بتاع البقالة أول حاجة أسموا شين ويجيب اللوز والنهار
كلوا يرص في علب الصلصة وريحتوا قرنجال وحلبه مالي بدفن روحي بالحيا انتوا لو زهجتوا
مني ببطل القراية وامشي افتش لي شغل ويأخذ المسكين بله شاكوش . شهر شهرين كمان
تجي جارتهم والله يابتي جبت ليك عريس مكمل من مجاميعوا خلقة واخلاق وكمان حاجي
بيت الله الحرام سته مرات ومغترب في السعودية وانتي بتعرفيهوا ود ستنا البيتهم فيهوا المجزرة .
بت ميمونة طوالي تركب وش ككو للجاره شوفي يا خاله أنتي شايفاني انا عارضا نفسي للزواج
ولمن أعرس بعرس ود ستنا مالي عاضاني ######ه وماتقولي لي حاجي ستة مرات ولا عشرة مرات
اصلوا حيشفع لي يوم القيامة . طوالي الجارة ترد عليها هيا بتي أستهدي بالله ود ستنا والله راجل
خلوق وبيشيل حملوا وماشايفا فيهوا عيب ومغترب في السعودية . بنت ميمونة أخلاقا تصل راس
نخرتا عيبوا أموا مدغلبة وقصيرة بعدين بنتي لو شالت جينات حبوبتا العاملة جسما زي أنبوبه أبرسي
دي اقع بيها وين ؟ وتاني هم ماتقولي لي مغترب في القشورية دي مغتربين القشورية الزمن دا طلعوا
مواسير ساكت تلقي بيت العزابة في جده او الرياض مستف زي بنطون شندي زمان لاشغل ولا مشغله
ماعندهم غير لعب الكوشنينة والفارغة
الزمن ماشي وبت ميمونة كل عريس عندها فيهوا رأي لمن دخلت الزون ( أي زول حريف كوشتينة بيعرف شنو
الزون ) يعني قربت تحرق وتاني لو عندها جوكرين في يدها مابينفع بتحرق بتحرق المهم وبداء المرض يتسلل
لذلك الجسم ذو القوام الممتليء يوم تقوم من الصباح تركب الصف في مستشفي مكه لعل الحظ يبتسم لها وتقابل
الطبيب وتكشف وتعمل ليها نظارة طبية قعر كباية ما بت ميمونة شوفا بقي طشاش . يومين ثلاثه تمد بوزة لاهلها
أصلكم ماشغالين بي الشغلة سنوني وضروسي كلهن موجعاتني وبيتهوززوا زي اللوري الشايل ليهوا فضية عده واللثه
ملتهبه وتمشي مستشفي الاسنان شيء قلع وشيء حشوة بلاهي خشما بعد ماكان الناظر الية يردد في سره أنا لااصدق ان هذا 00الأحمر المشقوق فم
بــل وردة مبتـــلة 00 حمراء من لحـم ودم
بقي زي السروال الماعندو تكة مخير الله يابت ميمونة دنيا فرندقس ومابتدي حريف
بت ميمونة الجسم أترهل والضعفة حصلت هم ساكت , وكل يوم مدورا ليها مشكلة .الصباح مع الخضرجي و
بعد الفطور مع نسوان الصناديق صرفتي وصرفتك وترجع تنوم وتستعد للشوط الثاني من المشاكل الجيران
مامرتاحين معاها وكمساري الحافله في غضب الله . جأتها في عصرية بنت الجيران وزوجها مغترب يا بت
ميمونة والله انتي ماشينة بس زبطي روحك ساي بي حبه كريمات من دكان قدر ظروفك بيجيك صاحب
النصيب وكمان قالوا في الصيدلية في حبوب البنات السلكن ديل كلهن أشترنهن من الصيدلية وبلعنهن
والكمدة بالرمدة الواحد تتكور وتتدور والعرسان المغفلين يجوا يطاقشوا مفتكرين القبة تحتا فكي . بت ميمونه
فتحت خشوما زي التمساح لكن الحبوب دي بتزبط شنو ولاشنو ؟ وحبوب السجم دي أسما شنو ؟ ونعل ماغالية ؟
ردت الجارة المكارة لالا ماغالية ماشائفا الخرطوم دي كلها بقت ترمش طالبات الجامعات والموظفات والفي البيوت
كل واحدة ماليا شنطتا منهن وهاك يابليع ( الخرطوم تطير عيشتا تلقاها من الصناعة الصينية المضروبه ولا
العروسات المضروبات الوش فانتا واليدين والرقبا كوكولا).
الجارة المكارة زوجها المغترب أجازتوا علي وشك وهي من كثرة ماضعيفة أحرف جزار مايطلع منها ربع كيلو
لحمة وكلها عضام ومعصعصة تحلف تقول بدرالدين قلق لاعب المريخ وخائفا زوجها يعرس فيها قالت التترفق
للصيدلية ببت ميمونة وقعدت العصرية كلها تزن لبت ميمونه ماتخليكي عويرة والله كلامي دا تتذكريهوا في الكوشة
وكمان رجال الزمن دا عاوزين المرا الملايانا وتريانا أسع انا القدامك دي مش متزوجها ماشا أجيب حبوب السجم
دي عشان الراجل العامل عيونوا زي ميزان الشطه ما يعاين للبنات المنفخات بالحبوب ديل واروح انا في شربه
مويه . من كثرة ما الجارة زنت علي راس بت ميمونة لمن سرحت وافتكرت روحا خلاص الرحط قطعوا وبقت
تتململ في البنبر وفجاءة لفحت توبا وقالت للجارة نحصل الصيدلية قبل ما تقفل .لكن ماعرفتي لي أسم الحبوب
شنو . يابت ميمونه نحن نصل الصيدلية ونسأل ويافكيك علي الصيدلية أول مادخلن الصيدلية دي تلز دي خجلانات
في النهاية بت ميمونة قالت المضطر بيحضر موية برودوا وتوش بقت تسأل وتتلفت للوراء . أسمع عاوزين حبوب
قالوا بيستعملوها البنات الايام دي . الصيدلي من أول وهله عرف المقصود بس عاوز يتساخف . يا أخوات الصيدلية
دي كلها حبوب ياتوا حبوب العاوزاتنها. الجارة قالت ليهوا دقيقة النسأل بالتلفون ونوريك . نطت بت ميمونة عاوزا تسألي
منو؟ عاوزا أسأل أحسان بت الجزار السهتانا ديك العرسوها قبل شهرين . بت ميمونة مابتاعت مشاكل مخير الله هو عليك
الله أحسان دي أبوها جزار وتكوس للسمن بالصيدليات أبوها دا قاعد يضبح صهريج ؟ أتصلت الجارة بي أحسان بعد
ماسلمت طوالي قالت ليها أسمعي يا أحسان عاوزاك في أستشارة بس مايكون زوجك قريب منك قالت ليها لالا زوجي
بعيد . بدون احم ولادستور نحن مغروضين في أسم الحبوب البلعتيها قبل العرس أسما شنو . طوالي أحسان فتحت
فيها هووووي ختي شخيط وأقيفي بعيد حبوب شنو الببلعا انا , أنا يا أختي الجسم عندنا وراثه مافينا حاجة بتنجدع عشان
نفتش في الصيدلية عان دي بلاهي ياقاعدين يكفيكم شر الجايين ( ما أصلوا الشينه منكورة) لكن انا عندي صاحبتي
كان بتستخدم الحبوب دي . يـأختي طيب ينوبك ثواب أسما شنو ؟ هي الحبوب أنواع في تشاهد غدا , جاري الشحن
وثلاثه تسعات وكوني النجمة . لكن أي بنت بتشتري حسب حوجتها في تكبير وفي تصغير وفي زيادة وفي نقصان وريني
أنتي عاوزا تكبري شنو وانابقول ليك تشتري شنو ؟ لالالالا ما أنا العاوزاهم عاوزاهم بت ميمونة . أحسان عييييييك بت
ميمونة سعيلي الله محتاجاهم كلهم أنشاءالله ربي يفك صاجورا.
بعد انتهاء المكالمة أتلفتت الجارة لبت ميمونة قائلا عايني يا أختي قالوا الشغلانية دي أنواع أنا عن نفسي بشتري
حبوب جاري الشحن وكوني النجمة للوش انا حبوب تشاهد غدا ما محتاجاها ولدي اب جضوم منفخة زي اللقيمات
المطفحة في الزيت ماقصر ,الشفع ديل كلهم بيرضعوا سنتين وهو رضع سنتين ونص هلهلن ولحقن أمات طه وخلاهن
مقاس xxxxl والله كل ما احتاج للكسوة اقعد التجارا بين السوق الشعبي وسعد قشرة وكان تاني ربنا رزقني بي جنا
الا اخيط لي خرتاية عديل كدة اريتوا كبر تشاهد غدا دا لو جأني في جاري الشحن عشان ابلع راجلي دا لسانوا. أها
يابت ميمونة انتي عاوزا تشتري شنو وتخلي شنو عشان الوقت أتاخر . بت ميمونة كرشت راسا والله كلهن محتاجاهن
بس السعر غالي وصندوقي ما صرفتوا حقوا اشتري الباقيات وتسلفيني ولدك يومين ثلاثة يرضع لتشاهد غدا عسي و
لعل غدا نشاهد عريس داقي الباب أنشاءالله بتاع اللبن .
بعد ما أستدانت بنت ميمونة من الجارة أتلفتت علي الصيدلي عاين يا أخوي أنا عاوزا حبوب جاري الشحن وثلاثة
تسعات وكوني النجمة وتشاهد غدا لكن تعمل لي تخفيض وبجيب ليك بنات الحي كلهن زبائن . أبتسم الصيدلية
يا أخت دي صيدلية ما محلات عطارة الحاجة العاوزاها دي فتشي ليها عند العطار بتلاقيها أعشاب لكن عندنا بعض
من المطلوب اب نجمة والمسجور . خرجت بنت
ميمونة وجارتها الماكرة من الصيدلية مطأطأت الراس . وطوالي علي موقف الرقشات لمحلات العطار وما لبسن
الا ساعة وربع الساعة حتي كان بحوزة بت ميمونة كل الاعشاب عسي ولعل الله يفك صاجورا وتعرس . وهاك يا
شراب وقعت ليكم في الاعشاب زي عطشان السنين وتبلع في الحبوب وكل ما تشرق شمس تقوم علي المرايا تحسس التغييرات علي
جسدها المتهالك . أسبوع أسبوعين وبداء جسم بت ميمونة في التغيير الواضح للعيان السدر أتنفخ و الوش بقي
ابيض من وش اصالة نصري وتكورت وتدورت لكن حدث مالم يكن في الحسبان أذ أمتلاءت احد رواف بت ميمونة
وظل الرادف الاخر علي ضعفتة وتشوفا ماشا من هناك تحلف تقول هايس وعجلوا الشمال مركبين ليهوا كركاسا .
من هنا بدأت مأساة بت ميمونة والجري مع أطباء التجميل تمشي للطبيب وترجع علي غرفتها عدل قاطعت الناس
كلهم وندبت حظها العاثر الف مرة و مرة وأخلاقا بقت في راس نخرتا ولسوء حظ الجارة الماكرة حضرت لزيارة
بت ميمونة بعد ما فقدتها أيام عديدة ومن ما دخلت وقالت السلام عليكم نطت ليك بت ميمونة يسلموك البوليس
يا وش النحس الله يازيك أزايا تشوفي في عيالك وابوهم وطوالي الجارة شبكتا ما تداعيني الدعوة التسد حلقك
مالك يابت عملت ليك شنو؟ بت ميمونة عايني لي روادفي من ماشربت السم الهاري دا واحدة بقت ضعيفة و
الثانية سمنت عاوزا تطق . ضحكت الجارة بصوت عالي للمنظر وطوالي تبعتها كنت عاوزا أعمل ليك سمكرة
عشان سوقك يحر دي حسنتي فيك يا مسنوحة يابايرة شكلك كترتي من الجرعة يا كمان عين ساكت من عيون
خلق الله دي تعالي اوديك لشيخ فرج الله قالوا سروا باتع . بت ميمونة كما الغريق الذي يأمل في النجاة علي
قشة نمشي أسع ومن دربك دا ولفحت توبا وباب الشارع جاك بلاء , ماهي الا نصف ساعة وكانت بت ميمونة
راكبا الصف في أنتظار مقابلة شيخ فرج الله , كالعادة بدأن في القطيعة في الناس القاعدين في الصف . بت
ميمونة بصوت خافض لجارتها انتي يا أختي معقولة المرا اللابسا توب بني دي كايسا العرس ؟ بالتعرس ركبيها
أسع دي ما قدر أمي نحن الصغار ومكملات من مجاميعوا مالقينا ود الحلال خليها هي الكبيرة وعاملا وشيها
زي سرويس الضلع . الجارة هو يابت ميمونة صمي خشمك عليك والله تسمعك الا تمسح بيك الواطه دي . تتململ
بت ميمونة وتمشي تطفح ليها كوز موية من المزيرة وترجع تقعد وتتأمل في الحضور وتلتفت تاني علي الجارة
بهمس عايني للراجل القاعد ولابس الجلابية أوووب علي شوفي الوسامة دي كيف وشوفي الدقن الدائرية دي
ماشا الله عيونوا فيها شيء يحير يكون معرس ليهوا مرا هي وامها مربطاطنوا بالفقرا عشان كدة جاء للشيخ .
الجارة يابت ميمونة بطلي بكاء الببكيك شنو ؟ بت ميمونة جنس البزار دا ماببكي ؟
الزمن يمر وبت ميمونة وجارتها يزحن من كرسي لي كرسي حتي من الله عليهن بالدخول لشيخ فرج الله وطوالي
شبكت الشيخ انا داخلا فيني عين في أوراكي ديل زول شافن وما صلي الله النبي وتاني حاجة عاوزا لي عريس
أنشاءالله مجنون بعالجوا بالكمون واصافحوا بالقانون . الشيخ أول حاجة ختي البياض وانا بديك بخرات تستعمليهم
الروادف بتتزبط والعريس بيجي بس أنتي تساعديني. بت ميمونة فهمت الشيخ غلط أجي أساعدك كيف ومعاها
صرت وشي . الشيخ تساعديني قابضي قابضي أي راجل تشوفيهوا في الشارع في المواصلات قابضيهوا بالكلام
الزمن بقي صعب تعملي فيها تقيلا قطرك بيصفر , نطت الجارة أجي قطر بت ميمونة يصفر أكثر من كدة كيف ؟
| |
|
|
|
|
|
|
|
| |
عادل الباهي عبدالرازق
عبدالكريم أحمد الامين
الامين موسى البشاري
عبدالله ود البوش
محمد البشرى الخضر
فيس بوك
تويتر
انستقرام
يوتيوب
بنتيريست