البرالمة الجدد بالله اجمعوا هنا و ورونا حنانكم زاتو زي السوسيو متلبين

Quote: فكرتك عن البرالمة ممتازة وتدل علي فهم واعي كماان ترحيبك الحار بنا مقدر ومشكور لكن قصة الـ 13 سؤال دى ما صعبة شديد ياخ :)

Quote: هيثــــم اشكرك على ترحيبك الدافئ السؤال الاول: اسمي محمود قسم السيد السؤال الثاني: معارفي الشخصيه المباشره في المنبر محدوده جدا اما معارفي بالاشخاص ككتاب فهي واسعه نظرا لمتابعتي المستمره لمنبر سودانيز اون لاين السؤال الثالث: انا من المتابعين لمنبر سودانيز اون لاين منذ عام 2004 السؤال الرابع: الاهداف كثيره اهمها التعلم و المشاركه السؤال الخامس: لست اجد اي شخص يعكر المزاج... فالكل هنا يعبر عن رأيه و لونه بطريقته طالما ان حريه الرأي في اطار احترام الاخر السؤال السادس: الكل هنا جميل و المجال لا يسعني لذكرهم جميعا السؤال السابع: كل بوست جميل مكتوب بحرفيه و يحترم الاخرين هو بوست جميل... ليس هناك لون معين من البوستات يجذبني فأنا اقرأ في السياسه و الادب و قليل من الرياضه الخ السؤال الثامن: اكثر البوستات بغضا بنظري هي التي تطعن في الاشخاص... فالاختلاف لا يكون على مستوى الشخوص بل المواقف و الافعال و الاراء... قد اختلف معك لان تصرفك لم يعجبني و لن اختلف معك ابدا لانك فلان ابن فلان السؤال التاسع و العاشر اجابتهم صعبه السؤال الثاني عشر و الثالث عشر لا اجابه لهم لاني لم اعرف بنفسي بالمنبر بعد مرة اخرى اشكر لك ترحيبك و كلامك الجميل دمت بصحه و عافيــــــــه

بس شكلك عامل حساب من البورداب كويس
اصلم ديل ما بتقربوا باخوي واخووووك


ممتن جدا لكـــ ...

Quote: ليبيا فتحت بجيك صاد بعد ندقش الزقاقات

Quote: أها هسي نكتب حاجة ما تعجبكم تلقى التصنيفات دورت يا كوز، يا رمادي، يا انتهازي، يا عميل ، يا شيوعي ، يا.... ( وش بيضحك لحدي ما نتعلم بيعملوه كيف) المهم... لا لا خلاص ما المهم ولا حاجة، هسي يقول ليك يا حرامي البوستات... غايتو سلام يا ناس البيت و النشوف موضوع اسئلتك الكتيرة دي شنو؟ يا أمنجي (وش مادي لسانو، انتو بالجد الحاجات دي بيعملوها كيف؟)

كامل الاحترام اخوي ،،،

Quote: هيثـــــم لقيتك حصيف و بتقرا بين السطور جيدا و حتى الانفعال الكتابي

Quote: Quote: . . 1- الاسم : محمد الصديق احمد 2- الميولات في الكتابة : فكرية ,سياسية ,اجتماعية, رياضية 3- المعارف هنا: لا اعرفهم شخصيا لكن اعرف الغالبية عن خلال كتاباتهم 4- كيف عرفت او سمعت بالمنتدى: بالصدفة :) 5- هدفك شنو هنا: طرح ارائي ومناقشتها مع الاخوة هنا ومناقشتهم اطروحاتهم ايضا 6- رايك شنو في بعض الناس المعكرين مزاجك هنا: حقيقة ما عندي مشكلة معاهم في شخصهم ولا في افكارهم مشكلتي في تصرفات بعضهم 7- رايك شنو في بعض المبسوط منهم هنا: ديل كتيرين والله ويستاهلوا فعلا انهم يكونوا كتاب في سودانيز 8- اكتر البوستات جاذبية لك: البوستات الثمينة البكون فيها طرح فكري ونقاش وحوار ومعلومات ممكن استفيد منها 9- اكثر البوستات بغيضة في نظرك: البوستات الغثة الفيها تهريج وما فيها فائدة والبوستات الخادعة يعني صاحبها يكتب عنوان عشان يجذب المتابعين ليه وتفتح الموضوع تلقاه ما فيه حاجه تستحق 10- افضل الذين قرأت لهم قبل تسجيلك: كتيرين والله 11- و أسوأهم: من وجهة نظري ماف انسان سيئ في تصرفات سيئة اي انسان ممكن يكون افضل اذا اتحكم في تصرفاته وعرف كيف يناقش افكاره بدون ما ينفعل ويسئ للاخرين 12- افضل المرحبين بك: بصراحة وبدون مجاملة انت والله 13- وأسوأهم : ماااف ههههههه ما مجبورين على التلاتشر سؤال ديل اختاروا الاعجبكم ...

Quote: ممكن نتشرف بنبذه مختصرة لكل منكم بهذا البوست يسعدنا سماعكم وتعريفكم بالجميع

Quote: ماصعب والله

Quote: الأخ الكريم هيثم التوم اخوك منير عثمان مقيم بهولندا متزوج وأب لطفلين ضابط سابق بالقوات المسلحة أنا من المتابعين الجيدين لسودانيزأونلاين وحقيقة أصبحت ذي المدمن للمنبر لازم استعرضو كل يوم مرة على الأقل - مرضة رسمي كدة- هنا تجد آخر أخبار الوطن والتحليل للأحداث وتقرأ لكل الشخصيات ، ومن الأشياء الجميلة في المنبر الواحد مرات كدة كان بيقرأ كلام في بوست بيقيظو ويمقصك أحياناً بيجي زول ويفشي ليك غبينتك كأنما قرأ أفكارك ، وأحياناً كنت أتمنى لو أستطيع أن أرد، بنفسي . هنا تجد كل الآراء ما كنت تتوقعه وما لم تتوقعه ما تصدقه وما هو كذب بائن وترى تفاعل السازج والحصيف مع كل هذا وذلك، ولعل ده البيجعل المنبر متميز ومفعم بالحيوية أخيراً وبالمختصر لقد أحببت هذا المنبر الحر وتمنيت دائماً أن أكون جزء منه. مودتي،،،

Quote: شكرا للتحية والاستقبال ............ عجبتنى مقدمتك للبوست .... تحياتى برلومة

Quote: 1- الاسم عثمان الشريف 2- الميولات في الكتابة دي صعبة شوية 3- المعارف هنا كتار وماكتار 4- كيف عرفت او سمعت بالمنتدى من 2004 - 2005 مصاقرين فيهو 5- هدفك شنو هنا عايز اتعلم واعرف اكتر 6- رايك شنو في بعض الناس المعكرين مزاجك هنا هم برضوا في ناس معكرين ليهم مزاجهم 7- رايك شنو في بعض المبسوط منهم هنا ربنا يزيدهم انبساطة زي ما بسطونا 8- اكتر البوستات جاذبية لك التي تناقش فكرة اوتحلل وتدرس ظاهرة ما او......البوست الناس بكون متفقة انها مفيدة 9- اكثر البوستات بغيضة في نظرك اي بوست عن قبيلة او عرق ما 10- افضل الذين قرأت لهم قبل تسجيلك كتار من دون اسماء 11- و أسوأهم ايضا كتار 12- افضل المرحبين بك ود ابا الامين بشاري 13- وأسوأهم تكتح في التراب وسط البحر مالك

قال تكتح في البحر قال هههههههههه
يا بسسسسسة

سعدت بالتفاصيل يا حبيب ..

Quote: اخونا هيثم تحية تقدير لترحيبك وان كان (مفتووول) (اجمعوا) دى معاها (مستجدين) يعنى احسن (مستجدين اجمعوا هنا وورونا حنانكم زاتو) حقو تسأل اخونا الرائع جنابو (عمر عثمان) فهو خير من يقدم لنا فتوى بذلك ، وانا من اكثر المتابعين لما يكتبه اخونا عمر عن ذكرياته فى (الشرطة)وبعدين باقى العنوان برضو (فيهو فتله) اخوى هيثم مشكور على الترحيب واتمنى ان يدوم التواصل لما فيه خيرنا وخير وطننا. 1- الاسم -- د/ محمد الهادي عبد الرحيم 2- الميولات في الكتابة -- سياسية , رياضية 3- المعارف هنا -- معارفي الشخصية بالمنبر في حدود (10) افراد كلهم اخوه اصدقاء احباب وفيهم ذوى قربى وزملاء دراسة وعمل. 4- كيف عرفت او سمعت بالمنتدى -- ومن منا لا يعرف سودانيز اونلاين الموقع الاكثر شهره وانتشارا. 5- هدفك شنو هنا -- لعلى استفيد من ما يكتب هنا ولعلى اضيف ولو القليل للقراء الكرام. 6- رايك شنو في بعض الناس المعكرين مزاجك هنا -- حقيقة مافى حد معكر مزاجي قد يوجد من اختلف معه فلكل فكره وآرائه مطلوب ان نحسن الانصات والاستماع اولا ومن ثم الرد اذا استطعنا الى ذلك سبيلا. 7- رايك شنو في بعض المبسوط منهم هنا -- كثر اولئك الذين ارتاح لكتاباتهم وآرائهم وافكارهم. 8- اكتر البوستات جاذبية لك -- (الرياضية) واخبار الاخ معتصم محمد صالح (الاجتماعية)وبوستات ذكريات (الشرطة) بمختلف عناوينها. 9- اكثر البوستات بغيضة في نظرك -- تلك التى يكثر فيها التلاسن والسب فتلك ليست من شيمنا كمسلمين. 10- افضل الذين قرأت لهم قبل تسجيلك – هم كثر والحمد لله. 11- و أسوأهم -- كيف لي قياس السوء فما اراه سيئا قد تراه انت غير ذلك ومطلوب ان ننظر للنصف المملوء من الكوب دائما ونضع حسن النية غالبا. 12- افضل المرحبين بك -- لا افضل شخص على اخر الا بالتقوى. 13- وأسواهم -- في نظري لا يوجد شخص سيء يوجد من تتفق معه ومن تختلف معه.

)

وفرز الكيمان من هسي
وفي وقت مبكر
لمن يريد الافصاح
كما انت ...

مخير الله في خلقو
وانا مخير في بوستينى

ميزة حوش بكري دا انك محترم في كل الاحوال ...


ردودك على الاسئلة متناغمة شديد
قربت تغنى ...

اشكرك جدا ...


((((التعديل عشان
فهلوتم دي ..
غلبتنى كلو كلو ...)))

(عدل بواسطة هيثم التوم on 01-15-2013, 12:03 PM)

Quote: اي والله برلومة تصدقى احنا لينا هسي اكتر من تلاتة سنة ولسة برالمة ..................................................... ظاهر بدون حليفة ............

هسي عليك الله لو ما لقافة ..
الحلف منو ؟؟؟

غايتو برالمة اخر
اخير منهم
برالمة اول الزمن

Quote: معارفي الشخصيه المباشره في المنبر محدوده جدا اما معارفي بالاشخاص ككتاب فهي واسعه نظرا لمتابعتي المستمره لمنبر سودانيز اون لاين

Quote: العزيز هيثم فى اول التبادى ازيك لا اخفى عليك اعجابى بقلمك وجمال احرفك شاكرا لك التشجيع الذى لمسته بين الحروف Quote: 1- الاسم : عماد الدين عبد المجيد خيرى 2- الميولات في الكتابة : شعريه - وفكريه - وثقافيه -و اجتماعيه 3- المعارف هنا : اعرف معظم سكان الحوش وبالاخص بورداب السعوديه ,وشايف البعض منهم تغابوا العرفة وبقول ليهم عبرك المنبر للجميع 4- كيف عرفت او سمعت بالمنتدى : لا اعتقد هناك سودانى فى الكرة الارضيه لايعرف المنتدى فصيته واصل للكل 5- هدفك شنو هنا : التواصل والمشاركه والاستفاده من عظماء بلادى 6- رايك شنو في بعض الناس المعكرين مزاجك هنا : المعكر مزاجى بصراحه بعض الكتاب الذين يكتبون بشخوص غير شخصايتهم الحقيقة فهم خلف الكيبورد بعيدين كل البعد عن ما يكتبون وياريت الاقلام تعبر عن اصحابها الحقيقين 7- رايك شنو في بعض المبسوط منهم هنا 8- اكتر البوستات جاذبية لك 9- اكثر البوستات بغيضة في نظرك 10- افضل الذين قرأت لهم قبل تسجيلك 11- و أسوأهم 12- افضل المرحبين بك : كل من رحبوا بى كلماتهم اوسمة ازهو بها واشكرهم جميعا 13- وأسوأهم اعتذر عن ما لم اجب عليه فهى اسئله بتجيب كتاحه ونحن لسه بنقول ياهادى تحياتى

Quote: سلامات اخونا هيثم الاسم / محمد حسن عبد القيوم دا اول حاجة وبعد كدا نقول شكرا علي البوست 2- الميولات : اهتم بالقراءة ونعشق سحر الكلمات 3- كيف عرفت وسمعت بالمنتدي ظللت متابعا للمنتدي منذ سنوات 4-هدفك شنو : يتيح منبر سودانيز اون لاين حرية التعبير وبه من المروة ما يكفي لانقاذ حياة البشر واذكر بوستا قبل سنين عن حاجة شخص لدواء كان معدوما بالسودان وكم كان هناك من تطوع لانجاز الاسعاف الدوائي تواصل بلا حدود 7-6- معا هل وجدت في الدنيا انسان في عصرنا بخواص الماء يعني نقي ومرات لا لون لا ريحة كلهم احبة 8-البوستات الفكرية 9- داء انا كابي منو الزوغة الباقي داير شوية صبر الا ان شكري لكل من رحب بي واشكرك انت كمان

Quote: برلوم جديد قلت كيف كيف

Quote: غايتو لو اى زول كتب اسمى فى السؤال العاشر ببقى زى خياله واى بوست يكتبه حتى لو فاضى حدخل اقول له احسنت :))))))))))))))))))))))))))))))))))))))))))))))

Quote: يا محمد ما تعملها ظاهره قدر دا طيب جاول سؤال ثالث تكف بيه العين ههههههههههههههههههههههههه عموما احسسسسسسسسسسسسسنت

Quote: تحياتي أخ هيثم وأسمح لي أن أرحب عبرك بالأخوة الأعضاء الجدد وأتمنى أن يطيب لهم المقام ويكونوا إضافة نوع وكم.. بدايات طيبة أتابعها من بعض الزملاء الجدد وأظننا موعودين بدفعة جديدة مميزة..

Quote: الاستاذ هيثم متابع قديم جدا لهذا الحوش واخيرا معاكم الاسم :- خضر صيام الاقامة :- الدمام متزوج اب لبنتين وولد المهنة محاسب خريج الخرطوم التجارية وجامعة السودان اميل اكثر علي التعقيب علي بعض المواضيع الخالية من السياسة والكورة

Quote: اى اى فخمتتتتتتتتتتتتك داير تحتضنهم عشان يسيروا فى قفاك ممممممممممممممممممممش غايتو من جيت انا وما لقيت لى كفيل فى حوش دا اتجرى زى الضب الطاشى من هنا لهنا لذلك يا تخلينى وكيله ليك يا بفجغ ليك حسى الجداد وبخليهم يطايروا :))))))))))))))))))))))))))))))))

(عدل بواسطة هيثم التوم on 01-23-2013, 02:11 PM)

Quote: تاريخ التسجيل: 30-04-2010

(عدل بواسطة اسماعيل عبد الله محمد on 01-23-2013, 04:56 PM)

Quote: الاسم: محمد السؤال العاشر: رانيه الشىخ شكرا

Quote: تحية طيبة العزيز هيثم التوم الشكر لك على الترحيب (البوست ده الم فيهو يطش تاني جديد وكده) الاسئلة كتيرة دايرالا بخرات ومذاكرة عديل وجني وجن القراية انصاص الليالي (قالوا) بتقصر العمر اها بقية الاسئلة كل الناس ديل من اقصى اليمين الى اقصى اليسار سعيد أن اكون بجوارهم وكلهم جميلين تحياتي واحترامي

والله لكين لقيتك دبلوماسي جد
قلت لي محايد وكدا هههههه

سعدت بتواصلك الجميل

(عدل بواسطة هيثم التوم on 01-31-2013, 07:16 AM)

Quote: ما جاوبتنى يا هيثم معاك ولا عليييييييييييك حدد :)))

Quote: اى زول ما تم 4 سنوات فاكثر فى المنبر العام يعتبر still فى مرحلة البرلمة.

Quote: تاريخ التسجيل: 26-08-2007

مقصر جلابيتك مالك
يا سنير

Quote: ألف مرحب بالأعضاء الجدد أسأل الله أن يكونوا إضافة حقيقية .. نفعا للبلاد والعباد كالغيث نفعا..أو كالنور أملا *** شكرا هيثم

Quote: السلام عليكم برالمة و سناير شكراً أخونا و (كبيرنا) هيثم على العزومة الكاربة دي وآسفين على التأخير و الشكر موصول لكل مرحب مر من هنا راجعين للأسئلة ما تستعجل تحياتي

Quote: 1- الاسم * زي ما مكتوب فوق (ما في داعي للتكرار) 2- الميولات في الكتابة * بنحاول نجادع في أي مجال عندنا فيهو شوية معرفة 3- المعارف هنا * كتار الحمد الله و ربنا يزيدهم و يبارك فيهم 4- كيف عرفت او سمعت بالمنتدى * ما أذكر بالضبط ، أظن الموضوع كان صدفة من خلال التصفح 5- هدفك شنو هنا * و الله يا حبيب أهداف كتيرة أقلها التعلم و الإستفادة و التواصل مع القامات الهنامباشرة، يعني هسة لو داير لي فتوى شيخ عماد قريب و لو عايز شي من الحقيبة داك صديق الموج و الكثيرين من أصحاب التخصص في العلوم و المعارف و المهن المختلفة، دا أكيد مكسب كبير. 6- رايك شنو في بعض الناس المعكرين مزاجك هنا * لو من معارفين المباشرين بنصحهم نصيحة أخوية و لو ما من معارفي الموضوع عادي نتحملو بروح رياضية لأن المكان يسع الجميع و لا أفترض أن مزاجي هو الفيصل في الأمر. 7- رايك شنو في بعض المبسوط منهم هنا * و الله بحاول أتواصل معاهم مباشرة و أتعرف عليهم عن قرب ما وجدت إلى ذلك سبيلا و أتمنى لهم التوفيق و ربنا يكتر من أمثالهم ليحلو هذا المكان أكثر 8- اكتر البوستات جاذبية لك * و الله حسب المادة المقدمة و طريقة الطرح و تمكن صاحب البوست من الموضوع المقدم لكني بشكل عام أميل إلى السياسة و التراث و الإجتماع 9- اكثر البوستات بغيضة في نظرك * بوستات المشاكل و تصفية الحسابات، خاصة التي تستخدم فيها أساليب غير كريمة و بشكل أخص ضد الجنس الآخر (أخواتنا و خالاتنا و عماتنا الكريمات هنا) 10- افضل الذين قرأت لهم قبل تسجيلك * و الله كتيرين كل في مجاله على سبيل المثال، محمد حسبو، محسن خالد، عادل عبد العاطي، كمال عباس، محمد سليمان، عزاز شامي، تماضر شيخ الدين، محمدين إسحق،أساسي، المهندس محمد إبراهيم، الدكتور أبكر آدم إسماعيل، عادل البدوي، محمد المشرف ، تيسير عوضة و غيرهم كثير. 11- و أسوأهم * السوء دا ما قاعدين نهتم بيهو كتير 12- افضل المرحبين بك * كلهم خير و بركة و مشكورين و شكراً خاص طبعاً لمن سبق و بادر مثلك و الأخت إنعام و دكتور بلة و خالد و فقيري، كلكم فيكم الخير و لله 13- وأسوأهم * مافي حد سيئ برحب بزول :) تحياتي....

عشان كدا ناس تصفية الحسابات ديل جر عصاتك معاك لم تجيب سيرتم
ولو كنت ركزت على لاسئ قبل الحسن كان عملت حسابك وجيت بي سلاحك !

ممتن جدا لمكاشفتك الرزينة ...