|
|
 نشوف عالى هلالنا وليهو نبنى نملى وقصيدة للهلال السودانى
|
نشوف عالى هلالنا وليهو نبقى نعلى
ونترك كل تشاحن ندعو الوئام ونصلى
حا نرفع هلالنا قمرنا وليهو تب ما ندلى
إلا نشوف لى كأس قارى وبيهو بيهو نملى
شوت يا قائد فريقنا وأصلك حرييف ما تجلى
************************
الازرق نهض وداوى لكل جراحو
ورمم لى إدارتو الفيها ديمة فلاحو
نجومنا نجوم فريدة فى الراس تشوف لى سلاحو
توزيعات رهيبة وتمريرات عجيبة تجيب لكل الراحو
*************************
لو هيثم قرارو قرر يفوت ناديهو
كم بطلاً جديد طامح هناك هناك واديهو
نشوف عرضاً جميل والحالى بى بى حاليهو
لو جنبك أخوك أبوك تحلف تحلف ما تديهو
**************************
يا هلال الملايين يا الدود كلامك قولو
ورينا العروض من زمن ناس زولو
ساعين للهدف بكره بكره ببقى وصولو
ناكل كبده حاره وغيرنا ياكل ياكل فولو
****************************
يا عميد الهلال يا ود على* قول قول لينا
سطورك من دهب والخير هو ماشى علينا
يارب يا كريم أرزقنا أرحمنا أرحمنا كما صلينا
وفى حب الهلال فى حب الهلال بكينا كييف بلينا
* ودعلى هو سعادة المشير شرطة عمر على حسن عميد رؤساء الهلال والذى كتب مقالاً ضافياً شخّص فيه كل أزمات الهلال ووعد بالخير الكثير القادم إن شاء الله ، وكنت قد أطلقت عليه هذه الرتبة الغير موجود فى الشرطة فى سودانيز أون لاين فرد على أن هذه الرتبة يستحقها من هو أكفأ منه من الضباط الموجودين على قيد الحياة وهم كُثر حسب إفادته (وقد أضاف أن ود السقاى بشرى مبارك يرقى على كيفو!!!!! ) وعلى العموم أنا سعيد لو قام السيد رئيس الجمهورية المشير عمر حسن أحمد البشيرومنح السيد اللواء شرطة معاش عمر على حسن رتبة الفريق شرطة حتى نرتاح من حكاية لواء شرطة معاش .
|
|
 
|
|
|
|
بشرى مبارك ود السقاى
فيس بوك
تويتر
انستقرام
يوتيوب
بنتيريست