هـــل توقف برنامج نجـــوم الغـد عن خلق نجوم تصلح للغــد ...؟

مرحبا Guest
اخر زيارك لك: 03-28-2024, 07:11 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-01-2013, 12:09 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
هـــل توقف برنامج نجـــوم الغـد عن خلق نجوم تصلح للغــد ...؟

    ..سؤال .. يطرح نفسـه ويتكرر بصورة ملحــه ..
    مع كل دورة جديدة فشـل فيها البرنامج عن تقديم نجوم .. يجبرونك على أن تحبس انفاسك أمام الشاشة في متابعة اي من النجوم وهو يؤدي عمل فني خاص به او من القديم يضيف عليه لمساته الصوتية المميزة . ومع كل دورة يتم فيها تغيير الاوركسترا ظنا أن الاوركسترا بدورها ستقوم بالمطلوب وتصنع من النجم المرتقب عملاقـا سيحجز له مكانا بين العمالقة الكبار .. أو بصماته ستتضح في بداية مشواره نحوم النجومية .. ..
                  

01-01-2013, 12:33 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    بالأمس عرضت قناة النيل الأزرق .. مع خواتيم العام 2012 وبدايات العام 2013 حفلة من دبي للاستاذ / محمد الأمين والســت نانسي عجاج .. والابن حسين الصادق ..
    ومن خلال المتابعة اتضح ان الكبير كبير .. واعني الاستاذ محمد الامين فبالرغم من الذي حدث في البحرين .. فهذا لا يقدح ابدا في استاذية الاستاذ وتربعه على قمـة الطرب الاصيل في السودان حاليـا ..
    في الناحيـة الأخرى .. نانسي عجاج .. بالغــت عديل كدا .. والله شاء طلحـة عبد الله أم ابى
    كانت نانسي عجاج تستجدي الصوت ان يخرج بعيدا عن النشاذ القانوني واللا قانوني لو فرضنا جدلا ان النشاذ مسموح به في علم الموسيقى ..
    حسين الصادق هو الآخــر ضرب العداد وتغنى بطريقة عدي من وشك ..

    استغرب ..
    كيف لمحمد الأمين ان يدمج حفلته مع نانسي عجاج وحسين الصادق هل لغة العدادات هي التي غلبت على المحافظة على الشكل العام ومدى تاثر بالواقع المعاش حاليا ..


    ملحوظــة :
    تمت الاستعانة بالنماذج اعــلاها كجزء تكميلي لموضوع البوست
                  

01-01-2013, 12:42 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    يا تامبا كيفنك
    ياخي انا عندي رأي صادم جدا جدا
    ناسي دي ما بتعرف تغني عدييييييييييل




    اما حسين الصادق في اغنية : أنساني
    يمين سوا ليها الطهورة في بتاع النصارى
                  

01-01-2013, 12:48 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: طارق جبريل)

    Quote: اخي انا عندي رأي صادم جدا جدا
    ناسي دي ما بتعرف تغني عدييييييييييل

    وينك يا اب صلعة ... وكل سنة وانت طيب والسنة الجاية دي اشوفك بي عيوني ..
    يا زول رايك دا على العين والراس ، لا صادم ولا حاجة .. إلا يجي طلحـة تنظير يفتح فيك بلاغ هنـا دا ..
    اغنية انساني ما سمعتها يا طارق .. لكن حب الناس حقت الخالدي شرتمـه .. وفي اغنية كدي ما عارفه اسمه البت الصغيرة واللا اسمه البت المالا ما عارف .. انا ما عرفت اللحن دا قاصد بيهو شنـو بالضبط ..
    اللحـن طبعا .. ناجراهـو زولة ما متذكر اسمه ..
    المهم يا زول كدي عاين لينا في ورقك بتاع نجوم الغد دا .. لانو بالجد البرنامج دا بقى ينرفزني ويعمل لي نفسيات ..
                  

01-01-2013, 01:06 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    اعجبتني النسخة العربية من برنامج The Voice الذي تم تقديمه على قناة الـ MBC بالرغم مما فيه من بعض الهنـات والاشكالات التي تمثلت في دمج المشاركين المتغنيين بالعربية والمتغنيين بالانكليزية ..
    وبالرغم من محاولة التاثير الواضح من الفنانـة شيرين عبد الوهـاب ومحاولتها الفاشلة للترويج للمغني المغربي فريد الذي حصر نفسـه في تجربة مكرورة ..
    لكن في النهاية كانت الغلبـة لصاحب الصوت القوي والمتفرد الذي تم التصويت له وهو اهل لذلك ..
    ..
    تجربة برنامج The Voice هي الاقرب جدا لبرنامج نجوم الغد من الناحية التنافسية وتختلف عنه في ان البرنامج الاخـر يقوم بتقديم خدمـة على مستوى عالي جدا من الاكاديمية وكبسلتها في فترة قصيرة
    والذي ساعد على ذلك أن معظم المتنافسين سبقت لهم تجارب عدة أمام الجمهور وشاركوا في العديد المحافل الفنية .. هذا اضافة إلى أن معظمهم على المام تام بعلم الموسيقى وعلم الحرف الذي هو داخل نوتته الموسيقية ..
    لكن بالرغم من ذلك فإن اضافات وتوجيهات الفنانيين الكبار كاظم الساهر ، وصابر الرباعي ، وعاصي الحلاني اضافة للكاست الموسيقي المرافق في علم الصوت والبيانو والذي يقوم بالتدريب .. كان لهم الدور الواضح في توجيه المتنافسين واضافة الكثير ابتداء من توظيف الصوت حتى الوقوف على خشبـة المسرح والتعامل مع الجمهـور ..
    فهذا هو علم الموسيقى وهي طريقة التعامل معه عندما يتعلق الأمر بجمهور ومنافسة حية وبدايات لشق طريق واضح ..
                  

01-01-2013, 01:20 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    تجربـة .. ريماز ميرغني ، حرم النـور ، افراح عصـام ..


    وهي من اشهر التجارب ويجب الوقوف عندها ليس لتقييم البرنامج مدى نجاحته أو فشلـه .. لكن لغرابـة التجربة ، وبدايتها والنقطة التي تم الوقوف فيـها ..
                  

01-01-2013, 01:13 PM

صبري طه

تاريخ التسجيل: 08-10-2009
مجموع المشاركات: 9706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    نجوم الغد .. بصمة صوت جديدة وفريدة في الدُفعة 18 مافي ...

    ولكن رامي عُمر مبدع ...




                  

01-01-2013, 03:40 PM

moaz elsir
<amoaz elsir
تاريخ التسجيل: 09-13-2008
مجموع المشاركات: 1652

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    Quote: ولكن رامي عُمر مبدع


    لا لا لا لا والف لا لا لا لا
                  

01-01-2013, 03:44 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: moaz elsir)

    هيثم مصطفى كيف بعرف يغني ولا ما بعرف ؟


    هاهاهاهاهاهاهاهااااااااااااااااااااااااااااااااااااااااااااااااااااااااااااااااااي
                  

01-02-2013, 09:12 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: وليد محمد المبارك)

    Quote: لا لا لا لا والف لا لا لا لا

    ولا يهمك يا معاز .. بس انت روق المنقــه في ناس عدييل بقت البرنامج زاتو ما قاعده تفتحو
    ..
    Quote: هيثم مصطفى كيف بعرف يغني ولا ما بعرف ؟
    هاهاهاهاهاهاهاهااااااااااااااااااااااااااااااااااااااااااااااااااااااااااااااااااي

    طبعا يا وليد غناء هيثم مصطفى دا بعد كدا انتو التسمعوهو .. وتغنوا ليهو وتعملوا ليهو اي حاجة .. هذا بالاضافة لي انو موضوع هيثم دا المرة الفاتت اديتك فوقو النجيضة .. وحسع دي مداخلتك دي يا وليد بتثبت لي كلامي بتاع المرة الفاتت .. الخوف كل الخوف اللقى فيصل الرشيد فاتح ليهو بوست بمناسبة انو اشترى ليهو بنطلون جينز ونضارة سوداء عشان يمشي يحضر حفلة بالليل لي هيثم مسطفى .
                  

01-01-2013, 03:48 PM

moaz elsir
<amoaz elsir
تاريخ التسجيل: 09-13-2008
مجموع المشاركات: 1652

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: moaz elsir)

    Quote: ناسي دي ما بتعرف تغني عدييييييييييل

    هي مش ما بتعرف تغني لكن بتتكلف فى الغنا جابوه فى صباح الخير فشلت فشل زريع فى عكس صورة جميله عن الغناء السوداني

                  

01-01-2013, 03:52 PM

mekki
<amekki
تاريخ التسجيل: 06-15-2003
مجموع المشاركات: 3433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: moaz elsir)

    البركة في وجود البرنامج ذات نفسة

    حكاية وجود نجوم للغد من عدمو....دي مسألة ملحوقة....يا تمبس.....!
                  

01-01-2013, 08:43 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: mekki)

    عزيزنا أستاذ تمبس
    سلامات
    الفنان المغربي الموسيقار عبدالوهاب الدكالي يا تمبس بعد ما أستمع
    للفنان الموسيقار محمد الأمين يغني أغنية يا ناعم العود . أتخلع . واندهش . واتخلع تاني ولي يوم الليلة مخلوع في
    جلد الزول ده للعود وفي الصوت .
    أكيد يا أخ تمبس الأستاذ محمد الأمين معلم من المعالم الموسيقية والفنية الضخمة في العالم . يديه العافية .
    وبعدين يا تمبس كلام الأخ طارق عن الطهورة كلام صاح .
    الفنان الشاب حسين الصادق في أغنية أنساني والله جد قطع حبل التقليد القديم . حسين قطع الحبل من البربندي وسرح في الأغنية سرحان جميل .
    والله يا تمبس جد حسين في دي طار .
    لو سألتني عن جماعة لجنة برنامج نجوم الغد يا تمبس بتخيل الجماعة ديل ماعندهم علاقة بي ال ART و ال MUSIC الا نتف من هنا ونتف
    من هناك . يعني مافي تخصصات وده شيء ختري شديد للغد .
    تحياتي
                  

01-02-2013, 10:19 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: Osman Musa)

    Quote: الفنان المغربي الموسيقار عبدالوهاب الدكالي يا تمبس بعد ما أستمع
    للفنان الموسيقار محمد الأمين يغني أغنية يا ناعم العود . أتخلع . واندهش . واتخلع تاني ولي يوم الليلة مخلوع في
    جلد الزول ده للعود وفي الصوت .

    حبيبنا عثمان ..
    سلامات وكل سنة وانت بالف خير ..
    عارف معظم الناس الحايمه بتغني في الوطـن العربي ديل وحول العالم بيعرفو ليك فنانينا واحد واحد .. ما توفم كدا رافعين القزاز لكن للاسف فنانينا هم الما عارفين قدر نفسهم وما قادرين يسوقو لي نفسهم بالشكل الجيد ..
    لطالما كانت ندى القلعة هي التيرموميتر بتاع التقليعات .. لدرجة انها عاملة ليها ( بودي قارد ) عشان يحرسه وهي بتغني في حديقة حبيبي مفلس يا في واحـة الخرطوم ، وناس محمد الامين اصبحوا يغنوا مع الواعدين في صحن واحد ..
    اتحدى اي من الفنانين والعرب بالذات .. ان ياتو في مناظرة بالعود مع الباشكاتب .. اداء وغناء .. وبدون مؤثرات موسيقية ، يعني بي صورة اوضح .. الحشاش يملى شبكتو .. وللنتظر على السباعي او الخماسي .. وهي ميزة الباشكاتب .. ان يطربك في الخماسي حتى النخاع .. ويلخمك في السباعي إلى درجـة الخلــعة ..
    Quote: وبعدين يا تمبس كلام الأخ طارق عن الطهورة كلام صاح .
    الفنان الشاب حسين الصادق في أغنية أنساني والله جد قطع حبل التقليد القديم . حسين قطع الحبل من البربندي وسرح في الأغنية سرحان جميل .
    والله يا تمبس جد حسين في دي طار .
    طبعا يا عثمان انا الطهورة ما حضرتها ... بالرغم من اني بحب استمع لي حسين الصادق .. لكن اليوم داك ما كنت في المود البسمح لي اجازف بي اي حاجة تانية ليهو خاصة بعد حب الدنيا الغناها للراحل الخالدي .
    Quote: لو سألتني عن جماعة لجنة برنامج نجوم الغد يا تمبس بتخيل الجماعة ديل ماعندهم علاقة بي ال ART و ال MUSIC الا نتف من هنا ونتف
    من هناك . يعني مافي تخصصات وده شيء ختري شديد للغد .

    الحاجة المحيرة يا عثمان انو الناس ديل قديمين جدا في مجال الاعلام سواء ان كان مقدم البرنامج بابكر الصديق .. او الاستاذ محمد سليمان وهو رجل مثقف وعلامة في مجال الاعلام .. وهي دي الرموز الثابته في البرنامج من فترة .. ود. الدرديري ايضا من الشخصيات القديرة جدا في مجال الموسيقى ومن ضمن المتخصصين الذين يعدون بعدد الاصابع في السودان .. محمد الصافي ، وبقية المجموعة من الذين يتم اختيارهم في كل مرة من جيل الشباب اعتد انهم اكثر انفتاحا على الاعلام ..
    لذلك..
    اتحير .. اين الاضافات واين التوصيات ولماذا الانحدار السريع نحو الهاوية ..؟
                  

01-02-2013, 09:50 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: mekki)

    Quote: البركة في وجود البرنامج ذات نفسة
    حكاية وجود نجوم للغد من عدمو....دي مسألة ملحوقة.... يا تمبس.....!

    ..
    يا باشمنهدس مكي ..
    والله فعلا البركة في وجود البرنامج بعد الغسيل بتاع الطيب مصطفى في التلفزيون وايام الشبكة الكانت بتجيك ماشة من حيث لا تحتسب .. يعني كان استمرينا كدا حسع دي الواحد كان حول التلفزيون لي شنطة عدة ..
    للاسف يا باشمهندس بعد امتداد تجربة البرنامج تقريبا من العام 2005 فترة انطلاقة البرنامج إن لم تخني الذاكرة وبعد التجارب الناجحة الاتقدمت فيهو فترة مفترض ان يكون البرنامج اخد خطوات متقدمه تفيد الموهبة المنافسة وتفيد المتابع وتفيد حتى البرنامج وتطورو وتقيمو بشكل يضيف ليهو .. لا أن يتراجع البرنامج ويصبح نسخة مشوهه من نفسه ..
    اعود وارجع لتجربة قصر الشباب والأطفال وهي التجربة التي اصبحت اكبر غصة في الحلق بعد ان تم عن قصد هدم هذا الصرح العظيم حتى وإن كانت الجهات الداعمة وهي الحكومة الكورية قد رفعت يدها عن الدعم ، فكان اولى بحكومتنا الرشيدة ان توجه وزير ثقافتها واعلانها اي كان فيهم بإن يأخذ بيد المواهب في نجوم الغد ويخصص المنشأة من أجل تأهيلهم وتدريبهم لطالما تم عن عمد حذف حصة التربية الموسيقية في المدارس وتم تبديل الزي المدرسي بالزي العسكري ..
    تجربة قصر الشباب والاطفال رفدت الشان الثقافي السوداني بالكثير من اعمدته الحاليين في مجالات الفنون المختلفه ، موسيقى ، مسرح ، تشكيل ، تصوير، رياضة .. إلخ من المناشط التي كانت تهتم بالعقلية الشبابية وترسم للطفل المسار الخاص لتوجهه عن طريق العل السليم في الجسم السليم ..

    (عدل بواسطة tmbis on 01-02-2013, 09:56 AM)

                  

01-02-2013, 09:31 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: moaz elsir)

    Quote: هي مش ما بتعرف تغني لكن بتتكلف فى الغنا جابوه فى صباح الخير فشلت فشل زريع فى عكس صورة جميله عن الغناء السوداني

    بالعكس يا معاز ..
    انا لما جابوها في صباح الخير يا عرب ... رسلته لي الماسك الملف حق نانسي في سودانيزاونلاين طلحـة طنظير الشهير بي طلحـة عبد الله وتحملت تبعات ما يتمخض عنه الاتصال .. لانو بالجد انا انبسطته انو صباح الخير يا عرب البرنامج الاكثر مشاهدة صباحا .. يسلط الضوء على السودان في شخص مطربة ..
    يللا بعداك ..
    نحن في بعضنا كدا نقوم نصلح حاجاتنا من جوه البنقدر نصلحو بالكتابة بالنقد الممنهج بكل الادوات المتاحة
                  

01-02-2013, 07:02 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    Quote: نجوم الغد .. بصمة صوت جديدة وفريدة في الدُفعة 18 مافي ...
    ولكن رامي عُمر مبدع ...

    سلام يا صبري ..
    بل من فترة طويلة جدا وقفت نجوم الغد في مكانها وعجز البرنامج عن مدنا بي صوت مميز له خاصيته التي تجبرك على المتابعة كل الاصوات اصبحت عبارة عن اعادة تدوير لتجارب سابقة .. عبارة عن محاولة تقليد. وفي اي دفعة تجد هناك تجربة مكررة وهذا تم حتى في الدفعات الأولى من البرنامج .. لكن كان يجب أن يتدارك القائمين على البرنامج هذا المنحنى ، كثير من الاساتذة الذين كانوا يقومون بالتقييم في لجنة التحكيم كانوا يوصلون هذه المعلومة على خجل واستحياء كأنما الأمر لا يهمهم بشئ ، لكن انتشرت الظاهرة مؤخرا بشكل كبير حتى اصبح هناك من يأتي من أجل ان يقلد الفنان الكبير فلان الفلاني وللاسف مصيره الفشل ، وكان لابد له من أن يقوم بتوجيه الجهد الذي صرفه في تلبس الشخصية .. إلى مساعدة نفسة بالتمارين الجادة والاستفادة حتى من السمع ..
    أحدهم قام بتقليد محمد وردي بشكل ليس له علاقة بمحمد وردي
    وأخرى قامت بتقليد حرم النور ويا للهول .. ربما الدفعة القادمة نجد من يقلد ريماز مرغني ، أو عافية حسن
    رامي علي وقع في نفس الخطأ الفني الذي تحدثت عنه .. خطأ التقليد ، رامي عمر في اغنية الجريدة استخدم صوت وفكرة الأستاذ عادل مسلم الذي تغنى للاستاذ محمد الأمين بطريقته الخاصة بعيدا عن صوت الباشكاتب الذي من الصعب جدا ان يتم استنساخه فتجد أن رامي تااه ما بين عادل مسلم وبين الباشكاتب وبين صوت آخر استدعاه في أغنية يا روحي سلام عليك .. وهو صوت الأخوان الصادق .. حسين وأحمد (الصادق) بمحاولة منه مجاراة الفابريتو أو التطريب عن طريق الاهتزاز الصوتي ودي بصمة الصوت التي نتحدث عنها والخاصية التي ينفرد بها كل عن الاخر .
    هذا الكوكتيل الصوتي الذي يستخدمـه افقده بصمته الصوتيه الخاصة به وهو يتميز بخامه ممتازه .. يجب استعادة التركيز والتوجيه وهذا ما يجب ان يحدث في برنامج نجوم الغد لانتاج نجوم للغد بشكل حقيقي .
    في أغنية أخرى رامي
                  

01-02-2013, 07:17 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    اخي تمبس

    كل عام وانتم بالف خير صديقي

    لا اود الخوض في راي عن أي من الفنانين لكن تجربة نجوم الغد كانت لتنجح لو اقتدت بتجربة الاستاذ سيمون اسمر في لبنان

    لا اتذكر حاليا اسم البرنامج وهو البرنامج الذي اظهر نجوي كرم ونوال الزغبي وغيرهم .

    التجربة كانت تقوم بعد المنافسة ان يتبني البرنامج الموهبة ويرعاها ويقوم حتي بانتاج البومات

    الي الفنانين غير توجيههم بالسلالم المناسبة لاصواتهم وحتي نوع الغناء .

    العيب الوحيد والكبير في برنامج سيمون هو انه يحتكر صوت الفنان لمدة عشر سنوات

    ويتقاضي حوالي 65% من دخله.

    اما عندنا في برنامج بابكر صديق يتخيل لي انهم بفكوا المطربين عكس الهوا

    وماعندهم شغله معاهم نجحوا ام فشلوا واما الراي الاكبر فهو في اللجنة ذاتها

    التي تقيم المطربين ...

    والتي تجنح الي الاعجاب الشخصي اكثر من التقييم الموضوعي للموهبة ذات نفسها
                  

01-02-2013, 01:23 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: طارق ميرغني)

    Quote: اود الخوض في راي عن أي من الفنانين لكن تجربة نجوم الغد كانت لتنجح لو اقتدت بتجربة الاستاذ سيمون اسمر في لبنان
    لا اتذكر حاليا اسم البرنامج وهو البرنامج الذي اظهر نجوي كرم ونوال الزغبي وغيرهم .

    سلامات يا باشمهندس وكل عام وانت بالف خير ..
    البرنامج على ما اعتقد كان اسمو استديو الفـن .. وسيمون اسمر شغلو هو صناعة النجوم وبالمقابل طبعا بياخد حقو بالتقيل لما يطلع ليك محترفين ومرتزقة حقين غناء ..
    وتجربة سيمون اسمر طبعا سيطرت على العديد من البرامج التنافسية لوقت قريب جدا زي برنامج التنافس الكبير استار اكاديمي ..
    طبعا البرنامج بيديك وبياخد منك ولو ما طلعته الاول بتكفيك الشهرة وبتقشه ليك الدرب .. وإن فزته واحتكروك فهو احتكار السرور .. البوماتك وحفلاتك وكنجالاتك كلو ماشي بي شكل جيد جدا ..
    لكــن ..
    جماعتنا زي ما قلته بيفكوك عكس الهواء .. ومرات زاتو الهواء البفكوك ليهو تفتش ليهو بالفتاشة ما تلقاهـو ..
    المؤلم جدا يا طارق لي مواهب زي دي في بداية طريقة تتفكه دون توجيه ورعاية .. وتقعد تتخبط في مشوار الفن الدروبو معروفة بي صوبته ووعورته
    والمؤلم اكتر .. أن هناك مواهب حقيقية جدا شاركت في البرنامج وكان عندها فرص واسعة جدا لو لقت ليها شوية توجيه من المختصين ..
    وللاسف الشديد كمية الانتاج التجاري القدمو البرنامج يفوق كمية المواهب . كانما البرنامج اصبح يفرخ نجمات أو نجوم للشباك بدلا من تطوير الموهبة وتوجيهها بالشكل السليم ..
    انظر تجربــة حرم النـور والانتقال من وإلى ..؟
    انظر تجربـة ريماز ميرغني والثبات في مكانك ســر ..؟؟!
    انظـر تجربـة افراح عصام .. والدوران حول المحـور ..؟؟!!

                  

01-02-2013, 07:35 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 35312

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    عيييييييييييييكـ يا قول بشاشا عزيز القارئ!!
    ياخ جلينا الفكرة دي من زمااان يا معلم!!
                  

01-02-2013, 07:46 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: محمد عبد الماجد الصايم)

    تمبس سلامات

    بالاضافة الى اتفاقي معك في كل كلمة وحرف سطرته

    برنامج نجوم الغد هو :

    1- مسرح يتظارف فيهو بابكر ظرافات سخيفة ترفع ميتين ابو اهل ضغط الدم والسكري
    2- يتخفف فيهو محمد سليمان لدرجة تفقده وقاره في أحايين كثيرة خصوصا مع البنات
    3- تتملي بيهو برامج القناة (مادة يعني)
    4- تتملي بيهو جيوب القناة (تصويت) وجيوب العازفين

    لم يقدم فنانا واحدا يعتمد على نفسه
    لم يتبن َّ موهبة واحدة

    وعيييييك
                  

01-06-2013, 08:04 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: معتز القريش)

    Quote: 1- مسرح يتظارف فيهو بابكر ظرافات سخيفة ترفع ميتين ابو اهل ضغط الدم والسكري
    2- يتخفف فيهو محمد سليمان لدرجة تفقده وقاره في أحايين كثيرة خصوصا مع البنات
    3- تتملي بيهو برامج القناة (مادة يعني)
    4- تتملي بيهو جيوب القناة (تصويت) وجيوب العازفين

    لم يقدم فنانا واحدا يعتمد على نفسه
    لم يتبن َّ موهبة واحدة

    سلامات يا معتز ..
    وطبعا شوف وسمع المزيكاتيه مافوقو كلام .. خاصة لما يكون المزيكاتي اكورديونست .. والاكورديون كمان هو سيد (العازفين) وبيزبطو عليهو الدنيا كلها..
    ..
    اتفق معاك ضمنيا فيما جا من واحد إلى أربعة مع بعض الاختلافات .. إلا انو بختلف معاك في انتاج المواهب ..
    أو كما قال الناقد عمر الفاروق .. أنو لو اكتفى البرنامج بي عافية حسـن .. ووقف عندها كان احسن لينـا ..
    نعم في فترات البرنامج الأولى كانت هناك مواهب كثيرة لهم لونيتهم الخاصة جدا ولهم ملامحهم التي تميزهم عن البعض .. وكانوا مشاريع مستقبلية مميزة ولا نستطع ان نجرد البرنامج من الاصوات التي قدمها وكانت لها احقيه في الاستمرارية لكن بعضها تم خروجه بناء على التصنيف الغير عادل واحايين اخرى بالمجاملة كما حدث مع شووول الذي لا اعرف حتى الآن ما هو سر نيله المركز المتقدم وهو فاقد للموهبة غير اتنها حركات السودانيين ولجان الاختيار وموود الشعب السوداني المتعاطف .
    نعم لم يتبن البرنامج ولا ربع موهبــة ناهيك عن موهبة واحدة .. وهو موضوع هذا البوست ..
    لم يتبن البرنامج المواهب . ولم تتبنى الدولة تصحيح المسارات للمواهب لانها من اساسو ما شايله الموضوع بتاع المواهب دا وذلك في ظل ظهور حملات (امدحــت الاغاني) والغزو الفكري (لآفــة) الاورغـن .. (آفـــة) الأورغن التي امتدت وانتشرت منذ فترة طويلة فشوهت الغناء واحساس المغنيين .. وافسدت امكانية السمع وتتبع النوتة الموسيقية لكل آلة في مسارها الصحيح ..
    كل ما فعله البرنامج هو لا اضافة تذكر .. ولا توجيه تشعر به من حلقة إلى أخرى .. والمعضلة الكبرى انه حال ان ينتهي البرنامج .. تتخرج العناصر إلى حيث لا طريق سليم وقويم .. فمنهـن من تتوجه نحو غناء ( الكتمات ) والحفلات والعدادات .. ومنهم من يتجه نحو السفريات الخارجية ..
    هل قامت لجنة البرنامج والقائمين على امره بإنشاء اوركسترا شاملة بمساعدة المختصين في خلق كورال أو جماعات فردية على اقل تقدير نشعر ان البرنامج او فكرة البرنامج قدمت شئ يذكر؟؟
    هل الدولة استقلت فرصة ان البرنامج حدد لها ملامح تسير على نهجها وتقوم بإنشاء معهد متخصص يأوي تلك الجماعات على هدى قصر الشباب والاطفال أو نموذج مصغر لمعهد الموسيقى والمسرح .. وليس كلية الموسيقى والدرامـا ..؟
    في حال ان خرجت الدولة عن طورها وقامت بإنشاء (معيهد) صغير أرجو الا يتم فيه تعيين الماحي سليمان واللا يمر من خلاله عجاج .. لانه في اعتقادي الخاص هم سبب نكسة كل الاجيال الموسيقية اضف لهم علي مهدي فيما يسمى بالدرامـا والله على ما اقول شهيد ..

    (عدل بواسطة tmbis on 01-06-2013, 08:39 AM)

                  

01-02-2013, 08:18 AM

سفيان بشير نابرى
<aسفيان بشير نابرى
تاريخ التسجيل: 09-01-2004
مجموع المشاركات: 9574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: محمد عبد الماجد الصايم)

    السلام عليكم يا تمبس و يا شباب و سنة طيبة
    صراحة كتبته في البوست دا تلاته مرات و الكتابة تضيع .
    حقيقة الموضوع دا مهم و فعلاً البرنامج ضاع و اصبح في فرفرته الأخيرة لخروج الروح
    و السبب ببساطة هي أن كافة البرامج في السودان ليس لها خارطة و تخطيط و اضح حيث
    أن البرنامج يبدأ و ينجح ضربة حظ و المتابع بكل بساطة يجد أن هذا البرنامج و مقدمه في
    تراجع مريع جداً حيث أن السيد بابكر صديق بدأ برمجته الجماهيرية هذه ببرنامج (اصوات
    و آنامل) الذي استمر لفترة ليست بالقصيرة و منها تقدم السيد بابكر لهذا البرنامج(نجوم
    الغد) ربما تكون هذه طفرة جيدة ، لكن مما يوضح أن الأمر ضربة حظ و ليس تخطيط هو
    أن البرنامج (نجوم الغد) بعد تقدمه الجماهيري و نجاحه تراجع ثانياً ليصبح خليط من مروع
    من (اصوات و آنامل و نجوم الغد) رغم أن الأمر كله مواهب و فنون إلا أن فشل القائمين
    علي الأمر من دراسة البرنامج و التخطيط له اوقعتهم في هذه المعضلة الكبيرة ليصل الوضع
    لهذا الموت السريري ، كان يمكنهم أن يقسموا البرنامج لدورات شبه متخصصه مثلاً (نجوم
    الغد دورة الرسم - نجوم الغد دورة الموسيقى - نجوم الغد دورة الغناء و هكذا للخ لكافة الفنون
    و المواهب) .
    ماسبق نظرة سريعة و بسيطة اتمنى أن تجد القبول لديكم .
    بخصوص البرنامج الحالي و المجموعات الاخيرة صراحة حاجة تكتل بالخجل و تغيظ شديد
    اصلو ماممكن تكون في لجنة قاعدة و الشباب و الشابات حفظهم غلط و نطقهم للكلمات غلط
    و اللجنة ساااكته سكوت القبور !!!.
    بالجد البرنامج دا اصبح مخجل و محرج ليّ انا كمتابع .
    ركزوا لينا في البوست دا و مواضيع نانسي و المواصيع الجانبيه ارخوها لينا شوية لانو
    لو فتحنا خشمنا دا بكري بعمل الصفحة التانية بعد مداخلتين .

    اتمنى العودة السريعه .
                  

01-06-2013, 08:35 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: سفيان بشير نابرى)

    Quote: و اصبح في فرفرته الأخيرة لخروج الروح
    و السبب ببساطة هي أن كافة البرامج في السودان ليس لها خارطة و تخطيط و اضح حيث
    أن البرنامج يبدأ و ينجح ضربة حظ و

    سلامات يا سفيان ..
    احيانا يا سفيان كنت اعتقد اننا من فرط مشاهداتنا لبرامج عالية التخطيط ذات خارطـة مستقبلية مدروسة وعلماء في الاخراج والاعداد والسيناريو والديكور والملابس والمكياج إلخ من العمليات الفنية ، احيانا كنت اعتقد اننا في مشاهدتنا لبرامجنا بنظرتنا التي اعتادت على تدوين الملاحظات الصغيرة كنت اعتقد اننا قد جنينا على امكانياتنا البسيطة جدا .. لكن اتضح لي انو الفكرة دي ما ظابطـة ..
    فالموسيقى هي الموسيقى .. بعدد حروفها المتعارف عليها وكل ما كتب في هذه الدنيا وما تغنى به مر من خلال هذه السبعة احرف ..
    فلما كان البرنامج عن المواهب .. وفكرة البرنامج عن اعدادها للغد فكان من باب اولى وضع منهجية علمية سليمة من لحظة استلام الموهبة والتحقق من امكانيتها الصوتية .. وضع مؤشرات النجاح للموهبة وذلك من خلال التطوير الصوتي والاختيار للاعمال التي تتوافق مع الموهبة .. دور الاوركسترا في الرقي بالموهبة من خلال معايشتها لها ومعرفة نوعية السلالم التي يمكن ان تتحرك فيها الموهبة بشكل جيد حتى تتمكن الموهبة من ان تخرج كل ما لديها ومع التمارين المستمرة تصل للمستوى المطلوب .
    دور إدارة البرامج في التلفزيون ايضا يجب ان يكون واضح في المساعدة على التخطيط الصسليم للبرنامج من ناحية ديكور واخراج سليم ، واضاءة وصوت فهي مجتمعة تعمل على توصيل الفكرة وتعطي انطباع جيد للمتلقى وللموهبة المشاركة ..
    Quote: بعد تقدمه الجماهيري و نجاحه تراجع ثانياً ليصبح خليط من مروع
    من (اصوات و آنامل و نجوم الغد) رغم أن الأمر كله مواهب و فنون إلا أن فشل القائمين
    علي الأمر من دراسة البرنامج و التخطيط له اوقعتهم في هذه المعضلة الكبيرة ليصل الوضع
    لهذا الموت السريري ، كان يمكنهم أن يقسموا البرنامج لدورات شبه متخصصه مثلاً (نجوم
    الغد دورة الرسم - نجوم الغد دورة الموسيقى - نجوم الغد دورة الغناء و هكذا للخ لكافة الفنون
    و المواهب) .
    فعلا يا سفيان .. هناك امكانيات كثيرة كان من الممكن ان تساعد على نجاح البرنامج ولا اعتقد ان الوقوف في محطة الغناء فقط هو وحده ما يتعلق بالموهبة .. لو لاحظنا ومرينا من فترة قيام البرنامج إلى فترة موته السريري الآنية لوجدنا ان التركيز كله انحصر على الغناء وبعض المحاولات الفقيرة جدا في الشعر ، والعزف الصولو . حتى انه ليست هناك اي ملامح واضحة لتشكيل هذه المواهب على الاقل الموسيقية .
    Quote: بخصوص البرنامج الحالي و المجموعات الاخيرة صراحة حاجة تكتل بالخجل و تغيظ شديد
    اصلو ماممكن تكون في لجنة قاعدة و الشباب و الشابات حفظهم غلط و نطقهم للكلمات غلط
    و اللجنة ساااكته سكوت القبور !!!
    .
    .. بالضبط .. اذا ما فائدة اللجنــة وما دورها في تطوير ..؟؟
    استمر يا سفيان ..
                  

01-02-2013, 01:51 PM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: محمد عبد الماجد الصايم)

    Quote: عيييييييييييييكـ يا قول بشاشا عزيز القارئ!!
    ياخ جلينا الفكرة دي من زمااان يا معلم!!

    عيييك ووين يا معلم ..؟؟
    والله نجوم الغد دا .. عندنا زي الهلال .. ما بنفكو بالساهل كدا .. نعكلت فوقو ونكنكش لحدت ما نلقى لينا مخرج .. إن شاء الله مخرج (18)..
    لي فترة جليت ليك اي فكرة بتاعت اي برنامج من جوه .. وبقيت متابع البرامج البحس انها مكربـة وتعبانين عليها .. لكن ناس عمك بابكر ومحمد سليمان بيجو يفكوها فينا كل خميس .. ويكررو في نفس الكلام بتاع الكم سنـة ..
    العجيبة المرة الفاتت محمد سليمان جابه ضقله يكركب .. بحضر في البرنامج كدا ومن دون الايامات قلته كدي النشوف الحاصل شنـو ..؟
    قام وجـه كلامو للمتنافسين .. وقاليهم حقو تهتموا للقرايـة ..
    بقيت مسافة طويلة جدا بجابد فيها بي هنا وبي هنـا .. ياربي قاصد شنـو ..؟
    يعني يخلو البرنامج دا ويقرو ؟؟
    واللا يقرو ويخلو البرنامج دا ..؟
                  

01-02-2013, 07:43 AM

صبري طه

تاريخ التسجيل: 08-10-2009
مجموع المشاركات: 9706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    وعليكم السلام أخونا تمبس .. ودقيقة ياخ ...
    Quote: بل من فترة طويلة جدا وقفت نجوم الغد في مكانها وعجز البرنامج عن مدنا بي صوت مميز له خاصيته التي تجبرك على المتابعة كل الاصوات اصبحت عبارة عن اعادة تدوير لتجارب سابقة .. عبارة عن محاولة تقليد. وفي اي دفعة تجد هناك تجربة مكررة وهذا تم حتى في الدفعات الأولى من البرنامج

    لا أتفق معك في ما اقتبسته لك ...
    عندك مثلاً .. فهيمة عبدالله = صوت جديد وطريقة أداء جديدة وجمل لحنية جديدة وتطريب جديد هنا
    وكذلك عافية حسن متفرّدة بصوتها وأدائها هنا
    وأيضاً سارة النور صاحبة الغناء بالهمس هنا
    وصاحب الصوت الحالم أحمد مأمون جفون هنا
                  

01-02-2013, 07:56 AM

صبري طه

تاريخ التسجيل: 08-10-2009
مجموع المشاركات: 9706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    Quote: وبالرغم من محاولة التاثير الواضح من الفنانـة شيرين عبد الوهـاب ومحاولتها الفاشلة للترويج للمغني المغربي فريد الذي حصر نفسـه في تجربة مكرورة ..
    لكن في النهاية كانت الغلبـة لصاحب الصوت القوي والمتفرد الذي تم التصويت له وهو اهل لذلك ..

    بمُناسبة شيرين عبدالوهاب واستنساخ الأصوات والأداء في هذا البرنامج ...

    أغمض عينيك ثمّ استمع إلى مُراد بوريقي .. وتخيّل أنا الذي يُغنّي على مسمعك هو شيرين عبدالوهاب ...

    غيابك طال وبستنى .. وألبك مال يتغنّى


    في انتظارك يا حبيب



    ــــــــــ

    (عدل بواسطة صبري طه on 01-02-2013, 11:15 AM)

                  

01-02-2013, 08:39 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7662

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    سلام يا تمبس وشباب البوست

    خليك من شناة الأصوات والتقليد ياخ المؤلم بجد زول زمنو فارق لمن غلط و اللجنة تقول ليهو انت زول كويس وقدامك مستقبل باهر زي الزول الغنا الحنين يا فؤادي بتاعة وردي

    اللجنة قالت دي طريقة أداء جديدة للأغنية وصوتت ليهو بمائتين وحاجة من الأصوات (وزي ما عمل حسين الصادق في أغنية اتعلمنا من ريدا بتاعة الخالدي في دبي ) والله الواحد بيسمع وأعصابو بايظة

    الشيء التاني الأولاد ديل متشوبرين شديد خلاس يعني وردي مات عايزين يقوموا يخربوا الغناء حقو دا ؟ وفي وجود ناس موسيقيين زي د الدرديري والصافي ؟

    ياخ البلد دي ما فيها زول بقول النصيحة أصلو
                  

01-02-2013, 08:57 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: حمد عبد الغفار عمر)

    Quote: فبالرغم من الذي حدث في البحرين .. فهذا لا يقدح ابدا
    في استاذية الاستاذ وتربعه على قمـة الطرب الاصيل في السودان حاليـا ..


    يا تمبس...كل سنة وانت والاسرة بخير وكل ضيوفك

    صدقني لم يحصل أي شيء في البحرين يستدعي

    (برغم ما حصل في البحرين) والله لم يحصل
    الا كل الطرب والمتعة والخير...وإن شاء الله
    الدنيا دي تلاقيني بيك عشان أديك شريط
    الحفلة ربطة في خيط...
                  

01-09-2013, 11:53 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: nazar hussien)

    Quote: صدقني لم يحصل أي شيء في البحرين يستدعي

    نزار ...
    كيفك يا ابن عمي ..
    فققط يا نزار تحدثت عن ما اثير عن الاستاذ في الموقع بعد ان قرأت تداعيات الأمر من عدة جهات وسمعت روايات كثيرة ..
    وكنت اعني مما كتبت ان فترة حفل دبي تزامنت بالمنعطف الذي مر به الاستاذ من انتقادات حادة جرا حفل البحرين واختلاف العديد معه ..
    لكن شايف المناوشات انتهت والامر عدى على خير ..
    والله يا نزار في انتظار الشريط .. اكان بالمرسال اكان بالدرب العديل وربنا يلاقينا
    الف شكر ..
                  

01-02-2013, 08:58 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: حمد عبد الغفار عمر)

    ارحب بكل الشباب المشاركين واسمحوا لي يا شباب ان ارحــب بي سفيان نابري .. خارج القوس وهو من أول الناس التابعت معاي مشروع نجوم الغد من بدايات البرنامج
    الترحيب بي سفيان لانو امتداد لي فترة نقاشات سابقة ..
    والله يا سفيان كنت بفتش لي اني اللقاك كيف عشان اجرجرك للبوست دا .. لكن اهو طلعت ود حلال جبنا سيرتك جيت طالع ..
    ..
                  

01-02-2013, 09:03 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 18001

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    تامبا اتا كتا غاتس وين ؟
    كل سنة واتا كويس ياخ
    الأميرة عجاج لا لا ينتقص من إمارتها لعالم التطريب شوية أذواق نشاذ لا تعرف الفرق
    بين المديح والدوبيت والغناء .
    إتوا ما مثقفين واللا شنو ؟
                  

01-02-2013, 12:34 PM

سفيان بشير نابرى
<aسفيان بشير نابرى
تاريخ التسجيل: 09-01-2004
مجموع المشاركات: 9574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: طلحة عبدالله)

    تمام يا تمبس و اهو متابعين معاك هنا .

    شايف في بعض الأخوة بقولوا انو و جود البرنامج في حد نفسو حاجة كويسه !! يا جماعة حاجة كويسه كيف يعني
    و هو ما بقدم الحاجة الاساسية الاتعمل من اجلها!!؟
    و شايف اخونا صبري طه(تحياتي يا صبري ياخ و في ليلة رأس السنة قطعنا فيك انا و ياسر كرار و احمد مأمون)
    بيقول انو البرنامج لا زال يقدم اضافات !!! مع اني ما بتفق معاك ياصبري في كلامك دا بس خليني اقول ليك المفروض
    بعد الفترة الزمنية دي و بعد عدد الدورات دي البرنامج يكون عرف تمام كيف يصنع نجاحه و كيف يصنع نجومه دا
    لو كان ناس البرنامج بيعنيهم الدقة و الدراسة و التجويد لكن (حسب كلامك) لو بتقول اضافات يبقى دا بعتبر عدم نجاح
    رسمممممي و اعتماد على الحظ .
    الشي التاني المهم صراحة في بعض النماذج البتعديها اضافات بقى مردوده ضعيف شديد و آدائها مرات كتيرة يقارب
    الفشل .
    يعني يا صبري البرنامج دا كلووو و بي عنوانو الكبير دا ممكن نختصروا في :- إضافات !!! طيب ليه من البداية قاطعين
    الشك باليقين و قالوا :- نجوم الغد!!!؟



    ــــــــــــــــــــــــــــــــــــــــــــــــــــــــــــــــــــــــــــــ


    بخصوص نانسي عجاج يا جماعة استهدوا بالله
    ما تخلونا نبقى في غلاط ساي .
                  

01-02-2013, 01:07 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: سفيان بشير نابرى)

    يا سفيان عليك الله رش لي نانشي عجاج دي خلي طلحة دة يآآآآآآآآآمن
                  

01-02-2013, 01:37 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: طارق جبريل)

    سؤال في الاطار ..
    السبب شنو في تباين التقدير مابين اصوات الجمهور واصوات اللجنة ؟
    لاحظت انو زول يكون الجمهور طاير بيهو السماء ومديهو درجات كبيرة جدا في حين انو اللجنة عكس
    او العكس صحيح !!! نادر ما تتفق اللجنة والجمهور !!
                  

01-02-2013, 02:01 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: omer osman)

    Quote: السبب شنو في تباين التقدير مابين اصوات الجمهور واصوات اللجنة ؟


    الفرق انو في طرف دافع...وطرف مدفوع له بالضمة الظاهرة علي جيبه
                  

01-02-2013, 02:21 PM

صبري طه

تاريخ التسجيل: 08-10-2009
مجموع المشاركات: 9706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: سفيان بشير نابرى)

    تحياتي لك أخي سفيان وللأخوين ياسر كرار وأحمد مأمون ... وليك وحشة ياخ ...

    سأعود إلى مُداخلتك مرةً أخرى يا عزيزي ...
                  

01-03-2013, 10:32 AM

سفيان بشير نابرى
<aسفيان بشير نابرى
تاريخ التسجيل: 09-01-2004
مجموع المشاركات: 9574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    بالضبط يا تمبس البرنامج دا انا ذاتي عندي زي (المريخ*) و حريص عليه و على نجاحه عشان كدا ما ح اتعب و لا افتر من الكتابة عنه و محاولة دعمه
    بالآراء و الافكار البعتقد انها ممكن تفيده ، و في وجهة نظري (جنس الخم) البعملوا فيهو دا لازم يقيف - ما ممكن دفعة كاملة فيها اكتر من 12 مغني و
    مغنية يجونا كلهم يا فارقين زمن يا حفظهم للكلمات غلط !!!!!- طيب اللجنة و الهيلمانة بتاعة الاستماع القبل قبول المشاركة فوق آم كم!!!!؟
    انا قادر افهم يا تمبس قصدك بالعنوان ( هل توقف نجوم الغد ... الخ) انك بتناقش جوهر و فكرة اعداد النجوم و وضع منهجية تربوية تُعني بالتعبيد السليم
    و فكرتك دي هي جوهر فهمي للبرنامج عشان كدا (نقتي) كلها صابيها في قصة التخطيط و خارطة البرنامج ذات نفسه و في (نقتي) دي (شايل كل شيلتي)
    و خاتيها في السيد بابكر الصديق باعتباره هو العمود الفقري لنجاح البرنامج دا إذا اتجهز ليهو تمام و اعدة له العدة اللآزمة من للجان أساتذة و لجان إستماع
    أما مسألة شباب و شابات يجو يغنوا و يشاركوا صدقني دي اسهل حاجة و بتتوفر كتير بس كيييف السيد بابكر و لِجانه يكونوا جاهزين !!؟
    اصلاً ماممكن اقتنع بانو السيد الدرديري أو السيد محمد سيف أو السيد الصافي مهدي ممكن يكونو مقتنعين بأنو البعملو فيهو دا صح 100% !!!.



    ـــــــــــــــــــــــــــــــــــــــ
    * طبعاً مريخي لا فيهو هيثم لا فيهو علاء
    واليوم المريخ يهزم الهلال بقون من واحد
    فيهم بجي اقول تعادل.
    - ممكن تدخل معاهم العجوز الحضري .



    ــــــــــــــــــــــــــــــــــــــــــــــــ

    Quote: يا سفيان عليك الله رش لي نانشي عجاج دي خلي طلحة دة يآآآآآآآآآمن

    إي زول يسمعه بدقة و تركيز براهو بترشى ياخال .
                  

01-03-2013, 08:00 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: سفيان بشير نابرى)

    عزيزنا سفيان نابري
    سلامات
    والتحيات موصولة للمشاركين .
    حقو يا سفيان جماعة اللجنة حقت بلدنا تتابع البرنامج الامريكي .
    عشان تستفيد . مالو ؟ ماهم أستفادو من فكرة البرنامج البريطاني
    ..
    قالوا يا سفيان برنامج المواهب الامريكي ( أمريكان آيدول ) السنة الفاتت . 2012 دي
    دخلو فات ال 120 مليون دولار كلها من الاعلانات والألبومات وتذاكر الدخول وتبرع الشركات
    زي الكوكاكولا
    والفورد
    والاتصالات .
    البرنامج يا سفيان نجح بي سبب
    لجان التحكيم . لجان عندها ذوق و فاهمة ونشيطة وجميلة وقلبها علي النجاح وبتفكر في الغد .
    غايتو يا سفيان . الموهوب الحقيقي في بلدنا حيكون حقو رأيح ساكت
    وجيبتو للضو حتكون أصعب من جيبان الابره من كوم القش .
    ياخ حكاية توري الموهوب الدرب العديل دي حكاية صعبة جد . عليك الله حاول تابع قصة نجاح الراحلة ويتني .
    .. تحياتي للجميع





                  

01-03-2013, 09:43 PM

سفيان بشير نابرى
<aسفيان بشير نابرى
تاريخ التسجيل: 09-01-2004
مجموع المشاركات: 9574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: Osman Musa)

    Quote: حقو يا سفيان جماعة اللجنة حقت بلدنا تتابع البرنامج الامريكي .
    عشان تستفيد . مالو ؟ ماهم أستفادو من فكرة البرنامج البريطاني
    ..
    قالوا يا سفيان برنامج المواهب الامريكي ( أمريكان آيدول ) السنة الفاتت . 2012 دي
    دخلو فات ال 120 مليون دولار كلها من الاعلانات والألبومات وتذاكر الدخول وتبرع الشركات
    زي الكوكاكولا
    والفورد
    والاتصالات .
    البرنامج يا سفيان نجح بي سبب
    لجان التحكيم . لجان عندها ذوق و فاهمة ونشيطة وجميلة وقلبها علي النجاح وبتفكر في الغد .
    غايتو يا سفيان . الموهوب الحقيقي في بلدنا حيكون حقو رأيح ساكت
    وجيبتو للضو حتكون أصعب من جيبان الابره من كوم القش .
    ياخ حكاية توري الموهوب الدرب العديل دي حكاية صعبة جد . عليك الله حاول تابع قصة نجاح الراحلة ويتني .
    .. تحياتي للجميع


    يا عثمان موسى يا حبيب و الله مشتاقين و سنتك طيبة
    متابع البرنامج دا و كل برامج المواهب الاخري (رقص - و نجم الموضة - و الاصوات) و متابع
    الناس الدقوا خيمهم عشان يشاهدوا برتني و متابع ود عاشميق و إكتساحه لسوق الأشجار و الورود
    يازولة احمد الله بالعالم الملياااااان اقمار دا .
    و بالجد القصة هي الجان و الاعداد و التخطيط اما قصة اصوات فصدقني دي حاجة ساهلة بتتلقي
    بس كيف ناسنا ديل يكونوا في عضمهم جاهزين (ما قاصد انو اي صوت وخلاص بس متاكد انو
    لو تم الاعداد و التجهيز بجدية و لجنان نصوص و إستماع و مختصين بعلم الصوت حتتوفر ليهم
    الاصوات الممتازة و هم ذات نفسهم حيصفوا المجموعات البتجيهم حتى يصلوا للاصوات الجيدة)
    ياخ في و احدة من ولاياتكم ديل لما برنامج المواهب دا مشي ليهم اتقدموا ليهو 22 الف من نفر
    ونفرة اها ناس الجنة صبروا عليهم لما صفوا منهم 20 شفته كيف!!!
    اها نحنا دايرين صبر قدر دا اول شي .

    كن بخير ياخ
                  

01-03-2013, 10:13 PM

Mahmoud Mustafa Mahmoud
<aMahmoud Mustafa Mahmoud
تاريخ التسجيل: 11-26-2004
مجموع المشاركات: 4325

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: سفيان بشير نابرى)

    سفيان نابري يا صاحب...

    تمبس سيد البوست..

    الحضور الأنيق..

    أعترف بأني أتعمد اصطناع وافتعال مشاوير أثناء فترة بث البرنامج المذكور..

    محمد سليمان أشتر الشترة الواحدة دي...يكون قاعد بياتو صفة عشان يقول للشباب إنت صفتك وإنت نعتك...

    المهم يا سفيان..

    الحوت أخبارو شنو؟؟

    معقول ياخي تخلينا نلقط في الأخبار من هنا ومن هناك؟؟

    هات النجيضة حتى لو في الخاص أو في التلفون..

    ..

    ..
                  

01-04-2013, 10:58 PM

إبراهيم عبد الحليم
<aإبراهيم عبد الحليم
تاريخ التسجيل: 10-31-2008
مجموع المشاركات: 3563

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: Mahmoud Mustafa Mahmoud)

    الاخ تمبس

    كل سنة وانت طيب

    بوست كامل الدسم

    إبراهيم
                  

01-09-2013, 11:58 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: طلحة عبدالله)

    Quote: الأميرة عجاج لا لا ينتقص من إمارتها لعالم التطريب شوية أذواق نشاذ لا تعرف الفرق

    طلحــة طنظير ..
    سلامات وكل عام وانت بالف خير .. انا لما اغطس يا طلحــة خليني في غطساني لانو غطسان الظالم عباده ..
    اما بالنسبة لي حفلة السـت .. فصدقني :
    لم اشعر بطعم الاستياء اكثر من ذاك اليوم والسنة الخاذوق 2012 هي تحتضر وبحمد الله في ثوانيها الاخيرة سنة مرهقة وراحو فيها مني ناس كتااار حلوين ..
    ضرستني السـت ذاك اليوم .. وكنت كلما اشوف لي زول دايخ وغمران ويشجع هذا الغمرااان اقول لي زميلة البورد عاين دا تلقيهو حسع دي دا طلحــة عبد الله .. يعني بي اختصار كدا طلعت لي اكتر من طلحـة عبد الله كانو اكتر تفاعلا أوان ضرسان الست نانسي ..
    غايتو اهو زي ما شايف .. كلما الاقدار تقربنا شبر نحو الاتفاق ولو بالاحرف الاولى نحو خطك .. ونلقى ليك العذر ، تقوم الست نانسي تبوظ لينا احساسنا بالطريقة العجيبة دي ..
                  

01-09-2013, 10:51 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: حمد عبد الغفار عمر)

    Quote: زي الزول الغنا الحنين يا فؤادي بتاعة وردي
    اللجنة قالت دي طريقة أداء جديدة للأغنية وصوتت ليهو بمائتين وحاجة من الأصوات

    هههههههه ..
    ازيك يا حمد ..
    والله فعلا ناس اللجنة دخلوني في حتة ضيقة جدا مع نفسي .. ياخ الزول دا وهو بغني انا كل مرة كنت بنننط .. والاغنية دي بقت لي طوووويلة بشكل وكل مرة ادعو ربي انو ينتهي علشان اعرف ناس اللجنة ديل ح يقولو ليهو شنو ..
    لكن فعلا ادهشتني اللجنة من فرط المجاملات يا انا كمان ما بعرف وردي ولا الحنين يا فؤادي ..
    اما حسين الصادق فالعملو في اغنية الخالدي .. يلقاهو في اقرب اغنية ليهو .. اريتو بي اي اغنية ليهو يلم فيها الزول الغنا لي وردي دا يشرتمه ليهو زي ما شرتم اغنية الخالدي .. وتلم فوقو اللجنة تقول ليهو احسنت يا ولدي وليك مستقبل مشرق
                  

01-07-2013, 07:21 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    Quote: أغمض عينيك ثمّ استمع إلى مُراد بوريقي .. وتخيّل أنا الذي يُغنّي على مسمعك هو شيرين عبدالوهاب ...

    يا سلالام يا صبري ..
    هذا الشاب من اجمل الاصوات التي مرت علي مؤخرا في عالم المنافسات الصوتيه .. يستحق فعلا التتويج ببطل المنافسة من النسخة الاولى
    ايضا لاحظ الدور الكبير القام بيهو الطاقم الفني الساهم بقدر كبير في توجيه الموهبة ولاحظ التقدم من حلقة إلى أخرى ..
    هذا هو ما نتحدث عنه في تجربة نجوم الغد ..
    شكرا على الملف المرفق
                  

01-07-2013, 07:09 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: صبري طه)

    Quote: عندك مثلاً .. فهيمة عبدالله = صوت جديد وطريقة أداء جديدة وجمل لحنية جديدة وتطريب جديد

    Quote: وكذلك عافية حسن متفرّدة بصوتها وأدائها

    Quote: وأيضاً سارة النور صاحبة الغناء بالهمس

    Quote: وصاحب الصوت الحالم أحمد مأمون جفون

    سلام يا صبري ..
    لا اعتقد انك تراجع جيدا ما اكتبه ..
    لم اقم بنكر
                  

01-09-2013, 12:20 PM

صبري طه

تاريخ التسجيل: 08-10-2009
مجموع المشاركات: 9706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    وعليكم السلام أخونا تمبس ...
    Quote: تمبس كتب: لا اعتقد انك تراجع جيدا ما اكتبه ..
    لم اقم بنكر


    Quote: تمبس كتب: بل من فترة طويلة جدا وقفت نجوم الغد في مكانها وعجز البرنامج عن مدنا بي صوت مميز له خاصيته التي تجبرك على المتابعة كل الاصوات اصبحت عبارة عن اعادة تدوير لتجارب سابقة .. عبارة عن محاولة تقليد. وفي اي دفعة تجد هناك تجربة مكررة وهذا تم حتى في الدفعات الأولى من البرنامج

    يا تمبس .. الأمثلة الجبتها ليك غير مُكرّرة لا قبل ولا بعد ...
    هل تتفق معي ؟
                  

01-09-2013, 12:35 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هـــل توقف برنامج نجـــوم الغـد عن خلق نجوم تصلح للغــد ...؟ (Re: tmbis)

    الحقيقة البرنامج في السابق انتج كثيرا من الاصوات المبشزج
    ولكن عادة في مثل هذه البرامج
    فانها تدفع بتلك الاصوات الموهوبة الى الاستقلالية
    وتقديم مشروعها الفني الخاص للجمهور بدآ من الحلقة الختامية
    لتتبناهم شركة منتجة
    ولكنهم كلعم يخرجون من نجوم الغد الاجتراري الى باب الاجترار الاكبر
    فيعيشون على آغنيات المراحيم الى الايد
    -------
    الى حد كبير انا آحترم عافيه - ونهى عجاج - ونانسي - وشادن
    فلهم جميعا آجر المحاولة
    آتمنى آن يكون البرنامج في المستقبل هدفه تقديم فنلنين منتجين
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de