دعواتكم لزميلنا المفكر د.الباقر العفيف بالشفاء العاجل
|
|
 مشيت السودان وجيت , كالآتي :
|
أول ما يلفت النظر إنه الناس ما شغالة بي حاجة إسمها سياسة , وإقتنعت تماماً إنه عالم المواقع الإلكترونية في وادي غير زرع وغير وادي المواطن العادي..........
|
|
 
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
السواقة في السودان :
ياخي دي قصة عايزه ليها عبقري وصانع معجزات , ده شنو ده؟ بالله أي زول بياخد ماهية , إشترى عربية بالتقسيط أول حاجة , حتين بعد داك فتش للرخصة , حتين بعد داك حاول يتعلم السواقة , وركب الشارع , وعينك ما تشوف إلا الفنجطة العرباتية.......
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
السواقة في شوارع جمهور عقد الجلاد :
ياخي جمهور عقد الجلاد بقى لامي العقرب والدبيب , لو جيت للحفلة الساعة تلاتة ضهر حتلقى ليك إتنين سماااااان كده قاعدين في الصف الأول وحاجزين كراسي الصف الأول بأكمله والكراسي بتكون فاضية لحدي قريب نهاية الحفلة وهاك يا تلفونات ويحنسوا في أصحابهم عشان يجوا الحفلة , ده غير الفوضى الشديدة في كل شي , زي ما سواقة العربات فن , ذوق وأدب , برضو حضور الحفلات والإستماع فن وذوق وأدب , لكن والله جمهور عقد الجلاد سواها تخينة وشترا و ((مبااااااالخة))...........
موضوع جمهور عقد الجلاد ده ظو شجون وحنتكى عليه شويتين...........
| |
|
|
|
|
|
|
|
|
 Re: مشيت السودان وجيت , كالآتي : (Re: صلاح عباس فقير)
|
مرحبا فتى هاواي(ههههه)
بالمناسبة اذاكان الفن مفقود في السواقة السودانية لكن الذوق والأدب والله موجوووود من الشايفينو هنا في سواقة الأخوة السعوديين
اديك مثال : ياخي الواحد لو مشى في دولة الأمارات مثلا وقام قطع ليك الأشارة الحمراء(عادي جدا) الشرطي بتاع المرور لو لقى لوحة السيارة سعودية بخليهو يفوت طوالي !! ولايسألو
التشطيب اخبارو كيف؟
| |
|
|
|
|
|
|
|
|
Re: مشيت السودان وجيت , كالآتي : (Re: Ridhaa)
|
هلا ومراحب محمد عبد المطلب وحمد لله ع السلامة
Quote:
اخي الواحد لو مشى في دولة الأمارات مثلا وقام قطع ليك الأشارة الحمراء(عادي جدا) الشرطي بتاع المرور لو لقى لوحة السيارة سعودية بخليهو يفوت طوالي !! ولايسألو
|
دا في الامارات العربية السبع دي واللا إمارات تانية ؟
لأنو في الامارات السبع الشرطي عربية الوزير ذاتا بوقفا لو عملت مخالفة .
تحياتي .
| |
|
|
|
|
|
|
|
|
|
Re: مشيت السودان وجيت , كالآتي : (Re: طلحة عبدالله)
|
Quote:
الأخ محمد الشيخ
سلام ...
باين عليك انت ماكنت متابع .....الراجل شطب وسكن كمان
وجاب صورة الفيلا كمان في بوست .........
تحياتي |
ربنا يدك خيره ويزيك استاذ محمد واهم شي تكون جبت لينا اخبار الشعبية
| |
|
|
|
|
|
|
|
|
|
Re: مشيت السودان وجيت , كالآتي : (Re: حيدر حسن ميرغني)
|
| Quote: جيدا جيت وكل سنة وانت بالف خير |
هلا يا دكتورة ,,,
وتسلمي وكل سنة وأنتي وكل من معك ومن تحبين بألف خير وعافية , سعيد شديد بي طلتك كأول مداخلة.
تحياتي وأحترامات , وسلام شديد لي بت الفحل وإن شاء الله تكون هي والأسرة بخير.
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
Ridhaa
Quote: الأخ محمد عبدالمطلب حسن
سلام ...
ألف حمدالله على السلامة ......
ومنتظرين باقي الحكي ....
تحياتي |
شكراً يا رضا , وتسلم , خالص التحايا.
_____________
العزيز صلاح عباس :
| Quote: مرحباً، الأخ محمد حمدالله على السلامة ومتابعين! |
الله يسلمك يا صلاح وخليك متابع بالله.
_____________
محمد الشيخ :
Quote: مرحبا فتى هاواي(ههههه)
بالمناسبة اذاكان الفن مفقود في السواقة السودانية لكن الذوق والأدب والله موجوووود من الشايفينو هنا في سواقة الأخوة السعوديين
اديك مثال : ياخي الواحد لو مشى في دولة الأمارات مثلا وقام قطع ليك الأشارة الحمراء(عادي جدا) الشرطي بتاع المرور لو لقى لوحة السيارة سعودية بخليهو يفوت طوالي !! ولايسألو
التشطيب اخبارو كيف؟ |
ههههههه , عارف يا محمد الشيخ الإشارة في السودان بتكون حمراء وبتظهر الزمن المتبقي عشان تقلب خضراء , ويكون فاضل زي تلاتة ثواني , العربات دي تقوم جارية , ويا ويلك لو كنت أول زول , بضربوا ليك بوري كده لامن تتخلع , والغريبة البوري في السودان زي سب الدين واحد , ولما تقول ليهم لسه ما فتحت خضراء يقول ليك هسه بتفتح , وهاك يا جري!!!
_____________
طلحة عبد الله :
| Quote: هلا ومراحب محمد عبد المطلب وحمد لله ع السلامة |
هلا يا طلحة والله يسلملك من كل شر يا أمير.
______________
وليد :
| Quote: ربنا يدك خيره ويزيك استاذ محمد واهم شي تكون جبت لينا اخبار الشعبية |
هلا وغلا يا وليد , الشعبية حكيها عايز كلام كتير , الشعبية حب كبير ووطن غالي قائم بذاته , بجيهو بي رواقة.
شكراً يا وليد.
___________
ودالبشرى :
الله يسلمك من كل شر يا ملك.
Quote: أووووو ود عبد المطلب كيفك وحمدا لله ع السلامة
اها البرنس كيف
اول ما طلع خبر تسجيله للمريخ اتذكرتك, مبهدلو وشايل حاله زمنو الفي الهلال اها اسي كيف :) |
هههه , يا ود البشرى : هو لسه إسمه برنس؟ نحن عندنا مافي برنسات , كله سوا سوا (زيو زي موسى الزومة وااااحد)) , برنس دي عندكم هناك زمن الهملة , بعدين المريخ ده يعتبر دار من لا دار له , وملجأ لكل من جارت عليه الأيام , نوفر له مأوى يقضي فيه ما تبقى له من عمر في عالم المستديرة , هو لاعب هرم أكل عليه الدهر وشرب , تم تسجيله من باب الرأفة ولتصفية حسابات "تحت تحت" كده من بعضي إداريي المريخ الأغبياء , بالله في زول بسجل ماسورة زي دي؟ ياخي ده لو لعب شوطين يطرش في الميدان زي البتوحم , طبعاً أنا كنت في شارع البلدية لما حصلت الكارثة دي وشفت الزريباب بيبكوا ويغمى عليهم , ياخي مبالغة والله , اللذيذة أنه القصة جات مع علاء الدين في جرح شالوهوا تبع البيعة وهوااادة لي عمو هيثم , بالمناسية هسه المريخ بفتش لي أسم تاني غير سيدا , فأنا إقترحت عليهم إسم ((سيبا)) إن شاء الله ياخدو بي راي , الغريبة الزريباب أخدو بي راي وشطبوهوا , بس المريخاب طبظوها بي تسجيله , كلها خريف خريفين ويتخارج ونرتاح منه.
__________
حيدرون :
Quote:
شايفو عمل فيها غمران من الحتة دي ياودالبشرى-
سلامات هاواي مان
ان شاء الله اجازة موفقة |
أووووو حيدر ,,, ههههههه , ماسورة ونزلت في نص راسنا.
والله إجازة متعة يا حيدر , هسه فكرت جدياً أرجع وإستقر في السودان , رايك شنو؟؟
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
الأراضي وأسعارها : صباعك كان سمسار , أقطعو!!!
قطعة في مدينة النيل الأزرق , السمسار عنده مكتب عقاري فخم جداً , عرض القطعة على المشتري بي خمسمية وخمسين مليون بالقديم , ولأنه المشتري جاهو عن طريق معرفة فالسمسار وعد يحنس سيد القطعة عشان يجامله , بعد جهد جهيد من السمسار , المالك وافق يشيل الخمسين الفوق ويبيعها بي خمسمية مليون , السمسار قال عايزعمولة مكتب عشرة مليون , وتمت معاينة القطعة على الطبيعة , ولأنه المشتري تفتيحة ونقريطة فقام عمل إتصالات كرباوية تحت تحت كده وإتطقس , لقى إنه في واحد صحبه بعرف سيد القطعة والغريبة في نفس اللحظة ديك سيد القطعة كان موجود مع صحبه , فعرف إنه صاحب القطعة عايز فيها أربعمية وتلاتين مليون.
وطرشقت البيعة , والسمسار طلع سلاق بيض ساااااي لأنه لفلف بالمشتري لف شديد بي عربيته ووراهو القطعة على الطبيعة.
صعبين والله السماسرة , لكن القطعة سمحة وتستاهل بالجد.
____________
ومشييييينا الوادي الأخضر تااااااااااااني :-
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
عشان تشوف أراضي الوادي الأخضر لازم تمر بي مدينة الصحفيين اللي هي وادي أخضر على الورق لكن ما عندها علاقة بالوادي الأخضر اللي بيشتروا فيه الناس , فالوادي ده فعلاً بقى اخددددددددددددار , لكن بي كمية من العشر , غير كده عينك ما تشوف إلا الصي والفيافي........
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
البنات في السودان بقن يتشابهن زي التعاريف :
مشيت جهاز المغتربين لقيت الشغالات في المكاتب بنات جتتتتت عليهن , حكمة الله بتشابهن شبه شديد , يعني تتلفت كده وترجع تنسى روحك كنت قاعد تتكلم مع منو فيهن , قلت والله حكمته بالغة , إحتمال مدير الجهاز شغل بنات أهله ومن كل بيت تلاتة , أها قمت مشيت بنك الخرطوم , لقيت (نففففس الهاجا) , الشغالات كلهن بنات والشبه مبالغة المبالغة , ومشيت تاني الأراض , ومشيت عدد من الوكالات , ومشيت شارع النيل نفس الأمر ينطبق على ستات الشاي ....إلخ , فبعد فحص ومحص لقيت إنه القصة في الكريمات , الكريم البطلع موضة ينتشر بسرعة البرق والبركة في الفيس , وفي كريم برضو إسمه الجيران إتخلعوا ده مبالغة مره واحدة يعني لو مريت بي البوتيك الإسمو "كوني النجمة" تلقى العقرب والدبيب هناك والأعمى شايل المكسر , البنات يخشن خووووووودوور ويطلعن بإذن ربهم بووييووض بغير سوء , كبياض الفضة في وهج الهجير يشع , بعدين الدخول للبوتيك ده بكون بالدور , يعني تخش مجموعة ويقوم صاحب المحل يقفل الباب , والمجموعة التانية تنتظر لحدي ما البياض يشيل لي ناس الداخل , الغريبة في حاجة بتسمن شديد موضعياً وحسب الطلب , يعني لو البت عايزة صباعها مثلاً يتخن يقوموا يدوهو حقن في ذك الصباع اللعين وهكذا ..................ولا عزاء للخدراوات.
عقدة لون صعبة خلاص , الله يحلكن منها!!!
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
محل فريد بتاع الفول الفي بحري :
بالله لو جيت الساعة صفر تلقى المحل مليان , والمحل كله صغير زي علبة الكبريت , وفيه شباكين وواحد تاات صغبر تالت من برا كان فتحة مكيف فتم إلغاء التكييف , بعدين الشباك الصغير البي جوا شكله بتاع ناس الأمن لانه بجو وياخدو فولهم بسرعة البرق ويمشوا , أنا ما كنت فاهم القصة دي , فقلت يوم ياخي ما أجرب الشباك ده , فعلاً شلت فولي بي سرعة ولله الحمد , لكن فوله مبالغة , بالله تلقى العمال مدخلين مرق عديل جوا القدرة ويهرسوا في الفول , والقدره الواحدة شايله نص المحل , ماشاء الله , ربنا يزيده ويرزقه كمان وكمان.
| |
|
|
|
|
|
|
|
|
|
Re: مشيت السودان وجيت , كالآتي : (Re: Hassan Senada)
|
Quote: حبيبنا الصفوة ابوحميد كل سنة وانت بالف خير
لوكنا عارفين كنا قابلنا بهناك وانا رجعت قبل اسبوعين |
أوووو أبو الحسن ياخي , سلام أحمر ووهاج ليك وأن شاء الله قضيت إجازة جميلة وسط أهلك , كل الكور بتاعة الزعيم خشيتها وأولها كورة الثلاثية الضفرية وزعمطة الزريباب , مروراً بي هلال الساهل وأهلي شندي ونيل هساهيسا , وختاماً بي بلنتيات كاس الممتاز والحركة المعفنة بتاعة المعز بطة والحكم الجــــبـــان.
طبعاً لأول مرة أشوف منظر الإستاد بعد الزريباب ما كسروا كراسي المدرجات الشمالية , والسؤال الجا في راسي : بالله في زول عاقل بعمل كده؟ ياخي فعلاً فريق الزريباب ده فريق مهلهل لأنه مخ جمهوره بفكر كده (فضيحة ووصمة عار والله).
كان يكون شرف عظيم لي مقابلتك , لكن الجايات أكتر وبكرة أكيد أحلى , وكان حيين بنتلاقى يا حبيب.
تحياتي.
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
نرجع شوية لي موضوع جمهور عقد الجلاد :
عقد الجلاد أكيد عندها أهداف من تكوين الفرقة وأكيد من أهدافها إحداث تغيير ما في المجمتع , وبالضرورة جمهور العقد هو أساس إستمرارية الفرقة , فلو الفرقة ما قادرة تغير أي شئ في سلوك جمهورها , فهل يمكنها الوصول لي أهدفها؟ أكيد في النهاية عقد الجلاد غير مسئولة عن سلوك جمهورها لكن في نهاية المطاف لابد أن الأمر سيعود عليها لأنه أسمهمم في النهاية جمهور عقد الجلاد , نجي لي بعض الظواهر اللي لفتت نظري :
1- في حفلة عبود , جيبت بدرررررري عشان أقعد في الصف الأول , كالعادة لقيت الولدين السمان ديلاك حاجزين كراسي الصف الأول بأكملها وخاتين جرايد وطواقي وفرع طويل بتاع شجرة نيم "وأكياس سعوط" , وكل ما تجي تقعد في واحد يجيك ناطي يقول ليك محجوز , أها أتوكلت وقعدت في الصف التاني أصلاً ما فارقة كتير (بالمناسبة الولدين السمان العبطا ديل من الكلاكلة) أها قريب لي بداية الحفلة كده جات واحدة سايقة زولة معوقة في كرسي وطبعاً طوالي مشت على كراسي الصف الأول لأنها كلها فاضية , يقوم الود السمين العبيط داك بكل جلافة وغباء يحرجهم إحراج شديد ومنعهم يقعدوا (والله العظيم ما صدقت إنه ممكن يكن في زول كده).
2- في غنية طواقي الخوف في مقطع بقول ( البناطلين ليها سيستم والبنوك الليها بستم) فأول ما يقولوا البناطلين ليها سيتسم يقوم واحد من الجمهور يقيف على حيله وينزل البنطلون بتاعه وضهره طبعاً لينا نحن , وشفنا أي حاجة "إخخخخخخخي"!
3- في غنية حجة آمنه في مقطع يا حجة ناس الموية جوووووك , بالله تلقى كمية من الموية جات نازلة فيك لأنه الجمهور بكون كل واحد إشترى قزازة موية عشان يرشها في الهوا لما يجي المقطع ده , وليك تتخيل أن كل الجمهور ده وفجأة يرش موية وفي وقت واحد وفي ناس ما بتكون عارفة الحاصل شنو وطبعاً في ناس بتجي بي أطفالها وفي ناس عيانيين وفي ناس كبار وفي وفي وفي, والحركة دي ثابتة في كل الحفلات لحدي الفرقة نفسها وزعت ورقة في حفلة نادي الضباط تضرر أجهزتها من الموية , في نفسي قلت الحمدلله الغنية دي مافيها مقطع بقول : يا حجة ناس الشطة جو , كن تبقى عوجة والله.
4- في غنية ست البيت لما يقولوا المقطع بتاع النوم النوم النوم تعال , يقوموا الإتنين السمان ديلاك يشيلوا واحد من شلتهم ويرفعوهوا فووووق في وضع أفقي ويحركوهو يمنة ويسرا.
5- أكتر حجة مقرفة أنه الجمهور كله بغني مع الفرقة أي أغنية وبالتالي بتتحول بي قدرة قادر من أنك جاي تسمع عقد الجلاد , لي إنك بتسمع لي جمهور عقد الجلاد , فعليك تتخيل واحد بي يمينك بغني معاهم بي صوت عالي وواحد تاني بي شمالك وخمسة وراك ومية قدامك , والمصيبة أنه أصواتهم كلها منشزة كأصوات الحمير.
6- في فوضى شديدة بعد بداية الحفلة يعني الناس القدامك فجأة يقيفوا على حيلهم ويبدوا يرقصوا , وإنت أصلاً تكون متضايق من الزول القدامك لأنه مدبل كرسيين وقاعد فيهم وبالتالي بكون مغطيك من المسرح والمصيبة لو صادفك واحد مدبل كرسيين ولابس عمه ولا طاقية , وحكمة الله رقيصهم زاتهم برا الزمن ومنشز برضو.
7- الحاجة المحيراني إنه البت الوحيدة في الفرقة صوتها ضعيف شديد ومخارج حروفها سجمانة لي درجة وما بتفهم منها أي حاجة , والغريبة أول ما يكون في كوبليه حقها وبمجرد ما تقرب المايلك لي خشمها وقبل ما تغني تلقى الجمهور وقف على حيله وهالك يا صفافير وتصفيق , على شنو ما عارف؟
______
جميل من الفرقة أنه تتبنى أفكار زي محاربة الختان وحملات التبرع بالدم ووضع طاولات للجمهور للتوقيع عليها , فحقو كمان يحاولوا يرتبوا البيت من الداخل وينتبهوا لي خطورة ما آل إليه حال جمهورهم اللي ممكن وبدون تردد أقول أنه أصبح جمهور شماسي لا تشق له سلسيونة.
____
الفرقة والله رايعة وأغانيها حلوة شديد خاصة نقطة ضوء وطواقي الخوف , وكفاكي كفاكي , باب السنط واللمة التي ربت جنا المحتاج , لكن عليكم الله شوفوا لينا موضوع تغيير تشمسن هذا الجمهور , وفي النهاية بقول : يا حليل زمان وسنين زمان يا يمة لو تذكريييييييي يووووومه!!!
* البنية المعاكم دي ما بي قامة عقد الجلاد بي صراحة يا أضغطوها تجود شوية ولا كمان شوفو غيرها , هسه عليكم الله منار صديق مش أحسن منها دشليون مرة , جيبوها ياخي , حتى لو ما بدلها خلوهم بنتين عشان الجمور ده يهمد شوية.
(عدل بواسطة Mohamed Abdelmotalib Hassan on 01-05-2013, 01:04 AM)
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
Quote: اخوك بنطلونو بقى يتملص وهو قاعد
بالله بالضبط كده كم سيسي تكفي الواحد عشان ينستر؟ |
ويييييييييو.
الخوف بعد تاخد الحقنة السحرية دي ما تلقى بنطلون مقاسك حتى في Big & Tall
بعدين يا معلم الدخل البنطلون في الموضوع ده شنو؟ أنا قلت صباع , الحاجة دي
للصباعات صباعات صباعات وبس.
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
بتاعين الحركة في السودان بقوا مهندمين ونضاااااف , وكمان بقوا يتريحوا , وهاكم السبب :
زمان بتاعين الحركة مغبرين ومكندكين واليونيفورم حالته بالبلاء وتلقاهو خاتي ليه سفه دقار لوري والطاقية لابسها كيف كيف , لكن لما مشيت المره دي لقيت الجماعة ديل ما شاء الله عليهم نضاااااف والينفورم شكله مرتب تمام والطاقية مظبوطة والجزمة مورنشة والدقن محلوقة نضيييييييييف ومافي أي أثر لي أي ((سفه)) وكمان متريحين , وطوال إجازتي بالله مافي ولا بتاع حركة وقفني , مع إنه ما عندي رخصة ومرات كده بكون ناسي وما رابط الحزام , المهم بعد فحص ومحص برضو إكتشفت إنه هؤلاء بتاعين الحركة مشغولين عننا نحن السادة الرجال بالجنس اللطيف الذي إقتحم عالم السواقة من أوسع وأضيق أبوابه , مما خفف من أعباء المعيشة الملقاه على عاتقنا بسبب (الرقع) التي كانت تثقل كاهلنا وبالتالي إرتفع مستوى دخل الفرد منا , وفي ذات الوقت فالأمر لا يكلف الجنس اللطيف مثقال (رقعه) , بل إبتسامة خفيييييفه , أو جرسة كااااربة للخروج من أي زرة حركية دون خسائر فادحة في الممتلكات أو (الرقع) , وفي النهاية فالخاسر هو بتاع الحركة الذي يقضي يومه كله (مقهي) مع تلك الإبتسامات فيعمى بصره عن بقية خلق الله من الخناشير والبائسين والمقشطين , فالحمد الله الذي سلط عليهم بذنوبهم من لا (يرقعهم) ولا بي هلله ولا يخاف الله فيهم , والحمدلله الذي - وأخيراً- جعل كيدهم في نحرهم.
بالله بتاعين الحركة يوقفوا في البنيات ديل ساااااي بلا شغلة , مره حضرت موقف كالآتي : بتاع الحركة وقف البنية - والشهادة لله سمييييييحة - ويظهر رخصتها كانت منتهيه , لما الكلام كتر قام الضابط من هناك ماشي عليهم , ولما شاف البت قام هاج ليك في العسكري وأداهو ليك محاضرة في الأخلاق ونهزرو ليكم نهزرة شديدة والبت بقت تحنس في الضابط عشان يعتق العسكري "وييييييييييييو" , وفي النهاية الضابط نهر العسكري وقال ليه : إنت ما عندك نظر؟ بتوقف من طرف إنت؟ وبعنف جر الرخصة من يده وناولها للبينة وبإبتسامة ساحرة قال ليها : إتفضلي يا أستاذه طريق السلامة , آآآآآآخ لكن من العذاب ده!!! (الأخيرة دي مني أنا)!!!
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
في مواصلات الحاج يوسف : حافلة 24 راكب , وأنا السوداني الوحيد فيها :
ركبت الحافلة وقعدت في أقرب مقعد , يميني بت وشمالي بت ووراي بت وقدامي بت , وما شاء الله كلهن محجبات , قمت سألت الجنبي قلت ليها النفر بي كم؟ لما ردت علي عرفتها حبشية , بعد شوية الرطانة دورت : دنانش دنانش , أشي أشي سسش وخسسري , شريسء شيصحي , فلقيت إنه الحافلة ججججججتتت عليها حبشيات , المهم دفعت للكمساري قام رجع لي الباقي بر أثيوبي , قلت ليه : ده شنو يا معلم؟ أنا سوداني , قال لي : الليلة ما يوم السودان , معليش يا أبن العم أستحملها جائز تنفعك في يوم من الأيام , قمت سألت الحبشية الجنبي قلت ليها إنتو كلكم بنات كده ومال وين ناس تسفاي؟ قالت لي ناس تسفاي كلهم في أمريكا جاهم لوتري ونحن اتوكحنا بي حاجوسفكم دي , أها نزلت المحطة بتاعتي ولما الحافلة فاتت لي قدام عاينت كده لقيت مكتوب في ضهرها : الخطوط الأرضية الأثيوبية!
الحبشية بتاخد ما يعادل أو يقارب الأربعين ضوووورار في الشهر مع السكن والإعاشة و كدا!!!!!!
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
مناضلو الكيبورد , و"الغفلة" , هذا هو موقعكم من وجدان الشارع السوداني :
لا أحد يعرف أنكم موجودين على وجه هذه البسيطة كما تتوهمون , الشارع السوداني أصبحت له إهتمامات غير إهتماماتكم , وله هموم غير همومكم , لا يعرف عنكم شيئاً , ولا يعرف أن هناك كائنات بهذا الإسم , فأنتم والعدم في ذاكرته سواء , لقد ظهر جيل جديد لم تعاصروهوا , ولم يعاصركم , أنتم عنهم غرباء يد و لسان , جيل يقضي ليله في شارع النيل حتى ساعات الصباح الأولى , ثم يقضى نهاره مع المسلسلات والأفلام التركية وقنوات ما أنزل الله بها من سلطان , يعرفونها وحدهم , يعرفون في التكنلوجيا مع لن تسطيعوا عليه صبرا , مطلعون على آخر صيحات الموضة , لا يفقهون في السياسة مثقال (سيخة) , حالكم معهم كحال أهل الكهف حين خرجوا على الناس بورقهم بثياب رثه , شعث , غبر. لقد فات الأوآن يا هؤلاء ولم يعد بإمكانكم أن تعيشوا زمانكم وزمان غيركم , فأرجعوا إلى أوطانكم لتقضوا باقي (عميركم) حتى تتركوا ذكرى للقادمين من هذا الجيل , الذي يستخدم مفردات غير التي تسخدمونها , يتحدثون بطريقة غير مباشرة في أي موضوع حتى تخال أن حديثهم لغز , سيصعب عليكم الأمر في البداية ولكنه قدركم وعليكم أن تواجهونه قبل فوات الأوان.
أقول قولي هذا وأستغفر الله لي ولكم , قوموا إلى كيبورداتكم وطقطقاتكم , وكواريككم , وتنظيراتكم , وشعاراتكم , ومماحكاتكم , ومغالطاتكم , ومجابداتكم , ومشاكساتكم , ومناكفاتكم , ومبالغاتكم , وتلفيقاتكم , وتلييساتكم , وتجنياتكم , وفنجطاتكم , ومرافساتكم , وترطيباتكم , وشللياتكم , وناساتكم , ومعارضاتكم , وهلوساتكم , وجقلباتكم , وسكــلــباتكم , وكراكتيراتكم!!!!
والله على ما أقول شهيد ..... وكدا!!!
(عدل بواسطة Mohamed Abdelmotalib Hassan on 01-05-2013, 00:11 AM)
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
زحمة يا دنيا زحمة :
رغم الغلاء الشديد في كل شئ والشكية , لكن تمشي أي حتة تلقاها زحمة , تمشي محل الفول زحمة , تمشي حوش السمك زحمة , تمشي صاج السمك زحمة , تمشي صاج الجداد زحمة , تمشي صاج الكبدة زحمة , تمشي جاد زحمة , تمشي إستاد الخرطوم زحمة , تمشي جاكسون مبالغة , تمشي حفلة في نادي الضباط زحمة , في عبود زحمة , تمشي مستشفى مكه للعيون زحمة الزحمة زاتها , مستشفى بحري زحمة , الزيتونة زحمة , المركز الصحي زحمة , بتاعة الكوارع زحمة , ستات الشاي زحمة , شارع النيل زحمتين , حتى المقابر بتاعة الوادي الأخضر قربت تتملي برضو زحمة , تمشي المغتربين زحمة , مطار الخرطوم زحمتين.....................ما تقدر تفهم الحاصل شنو!!!
(عدل بواسطة Mohamed Abdelmotalib Hassan on 01-06-2013, 11:31 PM)
(عدل بواسطة Mohamed Abdelmotalib Hassan on 01-06-2013, 11:32 PM)
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
جمهور محمود عبد العزيز أخير منه جمهور عقد الجلاد :
بالله اكتر من نص الجمهور يا إما سكران لاطي أو كمان ساطل , وكلهم شفع صغار , أولاً كلهم بكونوا محاوطين المسرح من قبل بداية الحفلة لحدي نهايتها , وأثناء الحفلة يقلعوا هدومهم ويجدوعوها لي محمود في المسرح وفي ناس بتجدع موبايلها عشان محمود يشيل الموبايل ويرجعوا لي صاحبه , وناس بترمي ورق وقلوب من قماش .....إلخ , لكن الطامة الكبرى إنه كل خمسة دقايق بجي واحد من الشفع ديل ناطي جوا المسرح وفجأة يحضن محمود بقوة ويرفعوا فووووق ومحمود نفسه بنيته تعبانه لحدي ما نفسه يتقطع , وفي النهاية يجو العساكر والبودي قارد يحلوا الراجل , وفي الحفلة التحت دي أنا كنت حاضر وتلقوا الحدث ده في الثانبة رقم 8:50 , وأي حفلة محمود بجي فيها متأخر ويمشي قبل حداشر بي عشرين دقيقة , الغريبة في واحدة من الحفلات رفضوا يفتحوا شباك التذاكر قالوا لأنه لازم يتأكدوا إنه محمود إتحرك من بيته عشان ما يحصل الحصل في مسرح الجزيرة في مدني :
http://youtu.be/sYeKcwmlyLk
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
إستاد المريخ , السووها الزريباب في كراسينا , رقدت :
بالله منظر إستاد المريخ بعد كسير الكراسي بقت شاهد وتاريخ يتحدث عن نفسه وعن مستوى ما وصل إليه جمهور فريق الزريباب , المفروض إدارة المريخ تقاضي فريق الزريباب لحدي ما يبيعوهو زريبة العيش ويتموا عليه عشان يسددوا خسائر الإستاد , وعلى إدارة المريخ تخلي الحال كده عشان الزريباب كلما يلعبوا معانا في إستادنا يقعدوا على الحديد , بالله ما تنسوا تجيبوا معاكم بمبرز يا زريباب عشان البواسير "خاصة في الصيف" وكده :
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
كوه بتاع السمك الفي سوق سته , سمك بلون الدهب عجيب , ولكن :
المحل ده خطير جداً وبيعمل سمك سمك , مشيت لقيت ليك كوه نفسه والمحل مليان وهو واقف في الصاج بي نفسه وعرقان عرق مبالغة ووشو مليان عرق لي درجة إنه العرقاية الواحدة قدر الليمونه , والساعة التقع ليك في الصاج وتقول تشششششششششش كده يمين تلقى ليك رغوه مبالغة حولين السمكة ودوائر تحيط بها كإحاطة السوار بالمعصم , السمك والله طاعم ويستحق وقفه. (ده لو طنشت موضوع العرق طبعاً)!!!
الشهرة متاعب الله , وسمك كوه مشهور شديد!!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
دي الظاهرة اللي حيرت افكاري في السودان , ولي هسه ما قادر إستوعبها :
حفلات التخريج بقت حاجة كده غريبة , فيها حاجات لا حكت ولا بقت , يعني شكل المنصة أولاً بكون زي جسر كده قدام المسرح , في أطرافه في زي منصه شبه مقفوله بقيف فيها الخريج منتظر إسمه لما يجي عليه الدور , وفي الطرف التاني من الجسر بتكون واقفة أم الخريج وأبوهو , والجسر ده عامل زي الصراط المستقيم (مع إني ما حصل شفت لي صراط مستقيم قبل كده) , أها أول ما يبدوا يذيعوا بيانات الخريج ومراحله الدراسية ويقولوا إسمه تقوم فجأة كده تشتغل ليك أغنية هابطة هبوط السنين , واللذيذة إنه الخريح بكون في حالة بتاعة وقار كده في بداية المشية وقبل تبدأ الموسيقة ولا الغنية لكن أول ما يمشي خطوتين كده والغنية تشتغل بالله الخريج ده زي الضربه شيطان يقعد يكشف كشف هستيري شديد ويحتوا حت من لايخشى نفاذ النوته "والعجب الخريجة" , منظر لم أستطع أن أتخيله أو أفكر أنه قد يحدث في مناسبة لها هيبتها ولها مدلولاتها لمن يخطوا إولى خطواته تجاه تحمل المسئولية , أها ده كوم والكوم التاني تلقى الخريج ماشي على أمه وأبوهو وفجأة كده ررررررررب يقع في الواطة ويسجد ويبوس رجلين أمه , ياخي ده منظر ما عارف الواحد يوصفوا كيف وهل الحركة دي لائقة ولا لا؟ والغريبة خريج واحد باس رجل ابوهو مافي (ههههههه) , بتذكر واحدة من الغنيات الهابطة بتقول : شغلها لي ,وأنا عارفه خاتيها لي ..... وشنو كده ما عارف , كلام الطير في حجر الطير.
بالله في سري قلت والله أنا لو عندي سلطة على الموضوع ده كنت لغيت القصة دي من أساسها , يمين بعد تلاتة أسابيع أسمع إنه صدر قرار بإيقاف حفلات التخريج خارج إطار الجامعة , طبعاً حفلات التخريج بتنظمها جهات وتفرض مبالغ طائلة جداً على الحفلة الواحدة , الغريبة في إعلاناتهم بقولوا على حفلات التخريج حفلات "التخاريج".
وله في خريجينه وتخاريجه شئون!!
| |
|
|
|
|
|
|
|
|
 Re: مشيت السودان وجيت , كالآتي : (Re: Mohamed Abdelmotalib Hassan)
|
كبري المك نمر "ببحري" , إسم على مسمى :
سرييييع سرعة مبااااااالغة , تغمض عين في بحري تفتحها كده تلقى نفسك في الخرطوم , أكتر كبري إتكيفت منه , بس مشكلته الإستوب اللي في بدايته من الخرطوم , يعني الإستوب ده لو أحمر تلقى العربات إزدحمت في بحري لحدي الجامع الكبير , لو في طريقة مفروض يعملوا كبري طاير عشان الحركة تنزل طوالي في شارع المك نمر بدون ما تتأثر بي حركة شارع الجامعة وشارع الجامعة حركته تمشي بي تحت الكبري , وبرضو يكون في كبري يوديك طوالي شارع النيل بدل اللفه اللي ما ليها لازمة دي خاصة إنه الحتات دي كلها مصالح حكومية ماليها لازمة وممكن تتشال عادي , زي ما شالوا جزء من القيادة العامة وعملوا الشارع البطلعك عبيد ختم دون المرور بي زحمة نفق بري , عرفت إنه حيكون في كبري بربط بحري بي كبري توتي وبي كده ممكن المشكلة دي تتحل.....................وكدا!!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
المحل الإسمه باريستا ((Barista)) الفي الرياض شارع مستشفى مكه ده فيهو مناظر عجيبة :
مشيت المحل ده كتير , وفي مره من المرارير لقيت ليك البنية خااالفه رجلها والجنا قاعد جنبها وخاته راسها في كتفه وهو ماسك السجارة ويختها ليها في خشمها وهي تاخد نفس وبخبخة شديدة , والعجب لما تطلع النفس بي نخرتها "معلمه كبيرة والله" ده شنو ده؟ بعدين الملاحظ في السودان إنه قصاد كل ولد في خمسة بنات أو يزيد , الغريبة الوليدات ديل كلهم ناس ((داقي سيستم)) "دي أكتر كلمة برددها الشباب اليومين ديل في السودان" , الوليدات همهم كله يبرموا شعرهم وينصلوا بناطلينهم ويكسروا في مشيتهم وحنكشة ونياصة ما أنزل الله بها من سلطان …..... المحل ده فيهو "لاتيه" رهيب شديد والله.
منظر السجارة ده منظر عادي ومتكرر هناك , لكن في حاجات تانية لا داعي لذكرها الآن!!!
وما خفي كان أعظم!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
في شهر واحد ألفين وإطناشر القطعة في الباقير الصناعات تلتمية متر كانت بي ستة مليون , في شهر تمنية من نفس السنة القطعة بقت بي عشرين مليون ولسه مااااشة , عرفت إنه سعادة البروف مامون حميضة إشتري كل القطع أو معظمها في حتة مجاورة تسمى السمير أو السمرة - لا أذكر - فأدى ذلك لزيادة جنونية في الأراضي المجاورة!
وكدا!
يا بروف إنتو برضو بتشتروا في حتات زي دي؟ أحب الزيتون ظااااطو أنا!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
الدكتورات في السودان بايركس , وكلام بالعكس :-
لاحظت كمية الدكتورات اللي يبدو عليهن إنه قطر حلفا فاتن , وقطر كريمي فاتن , وقطر (نجالا) فاتن , وقطر الشجرة العزوزاب ظاااطو فاتن بي مراحل , حاول أجد فذلكة تاريخية للظاهرة ومحصت وفحصت فلقيت إنه القصة ومافيها إنه الدكتورة من "دول" شايفة روحها كتيرة على الزواج بصفة عامه وبصفة أخص كتيرة على كثيرين لأنها دكتورة وقرت ستة سنين وقدددت عيونها وإنه وضعها الإجتماعي لابد أن يكون ذو ترطيب وبرستيج عجيب , وبالتالي عصرت على العرسان عصرة من لايخشى البوران , فكان ما كان , وقعدن وإتشعكبن في محطة نمرة ستة في إنتظار قطر بضاعة أو سمك يتشعلقن فيه.
مصادفة تحدثت إلى صديقة عزيزة جداً - وهي طبيبة شاطرة - وسألتها عن وجهة نظري هذه فكانت المفاجأة إن قالت أنه قبل أسبوع كانوا في ورشة عمل تبع زارة الصحة وتمت مناقشة المسألة دي بالتحديد مع الطبيبات والأطباء "في فترة الراحة" , فأتفق الأطباء مع وجهة نظري ولكن الطبيبات إستماتن في الدفاع عن أنفسهن وتمسكن بأن للطبيبة مكانة كبيرة في المجتمع وعلى المجتمع أن ينظر إليهن نظرة تختلف بصفتهن طبيبات وحنك عاضي وكلام كبارا كبارا زي ده , إستغربت شديد وقلت يمكن صحبتي دي بتجامل فيني ساكت , لكن إطقست لقيت إنه النظرية صحيحة.
الكلام بالعكس ده شنو كمان؟
لاحظت إنه الناس في السودان بيتكلموا بي طريقة غريبة جداً , يعني ممكن تسأل زول عن حاجة محددة شديد يقوم يقول كلام تحلف تقول الزول بيتكلم مع زول غيرك , والقصة دي عند البنات ظاهرة أكتر تخش ليك بي حمد وتطلع بي خوجلي وإنت تقعد تفكر في القصة العجيبة دي , والقصة دي كمان عند الطبيبات مبااااالغة , مش بس في الحياة العادية لكن حتى في العيادات قدر ما تقول ليك كلام تلقى نفسك في وادي وكلامها في وادي , لحدي ما شكيت إنه مخك بقى تخين , لكن أصحابي طمنوني وقالوا لي لو كنت فهمت حاجة ده معناها إنك مافي السودان!!!
شكلهم الناس ديل دايرين يتعلموا الدبلوماسية على كبر , لكن هل يصلح العطار ما أفسده الدهر؟؟
خليك واضح ومباشر يا دووووك!!!
ده كلو من مهند ونور!!!
وكدا!!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: محمد يوسف طه)
|
Quote: سرد جميل يا (مان).
واصل ...متابعين معاك.
..؛.....................................................
شر البلية ما يشرط من الضحك. |
أووو , أبو حميد هلا بيك ومنور والله .
خليك قريب.
____________________________
الدكتور المصري ده أحرجني شديد في كلامه عن دكاترة السودان :
دكتور عيون في عيادة مشهورة في الإسكندرية في أثناء الكلام ونقة المصريين ديك جا النقاش ما عارف كيف , قام سألني سؤال : هو أنتو في السودان عندكو أخصائيات قيراحة مووخ وأعصاب؟ قمت قلت ليه أنا ما بتكلم عن السودان أنا بتكلم عن أمريكا , قام قال لي : آآآآآآآه أنا أصلي إصطغرابط أوي لما ألت لي أخصائية مووووخ وقيراحة في السودان!!!! في سري قلت ليه : طيب يا روح أمك!!
إلا بي قد : هو أحنا عندنا في السوداااان أخصائيات قيراااحة موووخ أعصاب برضو؟
الحاجة اللي لاحظتها في عيادات المصريين وإستغربت إنه الأخصائيين في السودان بشاركوهم فيها : وهي إنه أثناء ما بيكشف عليك بتكون في واحدة واقفة مع الدكتور وشغالين ونسة تقيلة أثناء ما الدكتور بيكشف عليك والونسة كلها على شاكلة :
الأخصائي السوداني :
- بالله (ويدخل ليك إنجليزي دررراب كده في النص نظام ما عايزنك تعرف بتكلموا في شنو) طلعت "برقنانت؟" ما شاء الله ربنا يكتب سلامتها ((بالله في زول في السودان ما بعرف برقنانت يعني شنو يا عمنا؟)) , أها وكيف البروف عامل؟ والله "فري ديسابوينتد" لكن الحمدلله على كل حال , والكلام ده كله هو بيكشف عليك ويعاين لي إضنينك وعيونك وقول عاااااع وقول بااااااع وباقي العذاب بتاع الدكاترة داك , تقوم تسأله سؤال يقعد يتأفف يطنشك ويواصل مع البنية الواقفة جنبه , اللذيذة إنه البنية الواقف جنبه دي منقبة ولا شغالة بي فارغتي , وفجأة يرن الموبايل : يشبك ليه المتصل : آي , إن شاء الله , مافي مشكلة , الله كريم ............إلخ , ما تفهم أي حاجة من المكالمة مع إنه الشمار بكون كاتلك "غااااااغ"!!!
الأخصائي المصري :
بقول لي : بوص أودامك , شايف الصف الأولاني اللي هناك ده؟ أوللللي الفتحه على فين , وبرضو جنبه بنية وهاك يا ونسة : بأولك أمبارح فطسنا على روحنا من الدحك , مسخرة عالآخر , وخلصنا بي عشرة كوشتينة أنما إيه كانت متعة أوي وحبسنا بحقرين شيشة ميلي ألبك يحبو , وفي نص الحوار يرن الموبايل بتاعه , يقوم يخليك في نص المعمعة دي لا إحم ولا دصطور ويطلع ويجي راجع بعد خمسة قايق ويواصل مع البنية : ألا أوليلي هي مصر ماواحشتيكش؟
مصر والسودان حتة واحدة يا بيه!!!!
| |
|
|
|
|
|
|
|
|
 Re: مشيت السودان وجيت , كالآتي : (Re: منتصر صلاح)
|
أهلاً يا محمد ومنتصر.
شكراً ليكم.
_______________
بين كل روضة وروضة , في روضة , وحتى في الأطراف اللي نشأت حديثة في كثافة في عدد رياض الأطفال , أما ترحيل الأطفال ديل فالقصة عجيبة جد , مشكوكين زي الساردين ومنظر جد مخيف خاصة لو حصل حادث لاقدر الله , المشروع ده مربح شديد ومشروع الترحيل برضو فيهو قروش كتيرة وده برضو من الحاجات العاملة أزمة في المواصلات , بعدين أي لافتة بتاعة روضة ولا مدرسة ولا غيره تلقاها في نهايتها كلمة قرآنية , روضة مين كده القرآنية , مدرسة علان القرآنية , صيدلية فرتكانه القرآنية , عيادة العلاج بالقرآن القرآنية ....وهلم جرا.
أما مشكلة إغتصاب الأطفال دي فوالله أمر يحير بسبب إنتشارها بصورة غريبة جد , حتى قانون الطفل والأسرة الجديد رغم تضمنه عقوبة الإعدام إلا إنه المشكلة ماشة في زيادة , فالقصة دي عايزة توعية للأمهات والمشرفات بتاعات الترحيل وبرضو لازم الأم تحاول تتكلم مع طفلها وتفهمه كيفية التعامل مع بعض المواقف اللي ممكن جداً الطفل يلعب دور في منع وقوع بعض الإعتداءات , برضو مفروض يكون في نيابة متخصصة وكوادر طبية تستجيب بسرعة كبيرة للحوادث دي عشان في ثغرات كتيرة بتنتج من جراء البيروقراطية في التعامل مع أمر حساس زي ده.
___________
الصلاة في مسجد سيدة سنهوري بالمنشية , والصلاة في مسجد حاج عواض في أمبده كرور : -
الدرب مرات بجيبك , والدرب فعلاً المره دي وداني مسجد سيدة سنهوري , قبل ما تخش يقابلك شحاد نضيف وقااااشر"الشحادين عندهم نمرة وصف زي تكسي المطار" تديهو الفيها النصيب يبتسم ليك ويديك إيصال كمان , تقوم تخش يقابلك واحد واقف يستلم منك الجزمة ويديك ورقة ويختها في دولاب جمييييل ونضيييف , تقوم تمشي للوضاية , صلاة النبي فوقها , تخش المسجد كده و أول ما تدخل كراعك تغطس في الموكيت قريب لي عند الركبة , والعجب لما تسجد , تلقى إضنينك الإتنين مدفونات في الموكيت , ياخي حتى الإمام جايبنه من برا وصوته ماشــاء الله , ما عايز أوصف ليكم التورتة بتاعتهم البجيبوها بعد الصلاة , في نفسي كده قلت "الله يحضرنا التهجد بتاعكم" غاااااااغ!!!!
والدرب برضو مرات بجيبك , والمره دي وداني لي مسجد حاج عواض في أمبده كرور , لقيت الشحاد قاعد برا وشكله كده شوفه ضعيف وخاتي كوريه قدامه قمت ختيت ليه الفيها النصيب , وعلى حظي الكعب كنت ماسك مفتاح العربية بي نفس اليد الفيها القروش , قووووم يا مفتاح وقووووم وأقع في الكورية , وفي نفس التوقيت مع القروش , بالله الساعة المديت يدي للكورية ((عشان المفتاح طبعاً)) بالله الساعة العمكم رفع ليك العكاز كده وطااااااخ عايز ينزله في نص راسى , ربك رب الخير وفي آخر ثانية لمحت العكاز جاي بسرعة مليون , وقمت جاري , وعمك الشحاد بقى يتكلم كلام ما مفهوم منها وبعديها عرفت من ناس إنه من دولة أفريقية مجاورة , تعبت تعب لحدي ما ألقى لي مترجم يفهم عمنا إني (ما سرقت أنا بس جيت أعاين لي مفتاحي) , وبي تحانيس حتين رضى زول يدخل يده في الكورية , وقلت للمترجم بالله رجعي لي قروشي من الزول ده , طبعاً المترجم قال لي إحتسب إحتسب يا شيخنا وقد كان , بعد الزرة دي طبعاً الصلاة كانت فاتتني , قمت صليت براي , الجامع مفروش بروش , بالله لما سجدت كده وعلى التعترني كان في حصحاصة تحت البرش بس تقول وازننها على جبهتي آآآآآآآآخ!!!
لما طلعت لقيت جزمتي مافيشة وخلي لي سفنجة مربوطة بي سلك في الفتحات التلاتة ومن النص مشقوقة زي البسبوسة القعد فيها زول. ...............وكدا!!
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
Quote: بتاعين الحركة في السودان بقوا مهندمين ونضاااااف , وكمان بقوا يتريحوا , وهاكم السبب :
زمان بتاعين الحركة مغبرين ومكندكين واليونيفورم حالته بالبلاء وتلقاهو خاتي ليه سفه دقار لوري والطاقية لابسها كيف كيف , لكن لما مشيت المره دي لقيت الجماعة ديل ما شاء الله عليهم نضاااااف والينفورم شكله مرتب تمام والطاقية مظبوطة والجزمة مورنشة والدقن محلوقة نضيييييييييف ومافي أي أثر لي أي ((سفه)) وكمان متريحين , وطوال إجازتي بالله مافي ولا بتاع حركة وقفني , مع إنه ما عندي رخصة ومرات كده بكون ناسي وما رابط الحزام , المهم بعد فحص ومحص برضو إكتشفت إنه هؤلاء بتاعين الحركة مشغولين عننا نحن السادة الرجال بالجنس اللطيف الذي إقتحم عالم السواقة من أوسع وأضيق أبوابه , مما خفف من أعباء المعيشة الملقاه على عاتقنا بسبب (الرقع) التي كانت تثقل كاهلنا وبالتالي إرتفع مستوى دخل الفرد منا , وفي ذات الوقت فالأمر لا يكلف الجنس اللطيف مثقال (رقعه) , بل إبتسامة خفيييييفه , أو جرسة كااااربة للخروج من أي زرة حركية دون خسائر فادحة في الممتلكات أو (الرقع) , وفي النهاية فالخاسر هو بتاع الحركة الذي يقضي يومه كله (مقهي) مع تلك الإبتسامات فيعمى بصره عن بقية خلق الله من الخناشير والبائسين والمقشطين , فالحمد الله الذي سلط عليهم بذنوبهم من لا (يرقعهم) ولا بي هلله ولا يخاف الله فيهم , والحمدلله الذي - وأخيراً- جعل كيدهم في نحرهم.
بالله بتاعين الحركة يوقفوا في البنيات ديل ساااااي بلا شغلة , مره حضرت موقف كالآتي : بتاع الحركة وقف البنية - والشهادة لله سمييييييحة - ويظهر رخصتها كانت منتهيه , لما الكلام كتر قام الضابط من هناك ماشي عليهم , ولما شاف البت قام هاج ليك في العسكري وأداهو ليك محاضرة في الأخلاق ونهزرو ليكم نهزرة شديدة والبت بقت تحنس في الضابط عشان يعتق العسكري "وييييييييييييو" , وفي النهاية الضابط نهر العسكري وقال ليه : إنت ما عندك نظر؟ بتوقف من طرف إنت؟ وبعنف جر الرخصة من يده وناولها للبينة وبإبتسامة ساحرة قال ليها : إتفضلي يا أستاذه طريق السلامة , آآآآآآخ لكن من العذاب ده!!! (الأخيرة دي مني أنا)!!!
|
حكاااي من الطراز الأصلي ما شاء الله
شكراً أخوي محمد
وسلام لزوار البوستي الجميل دا ياخي
الذي جاني في جرح.. وبرضو بحبك يا سودان..
ومتابعين عن كثب..
(عدل بواسطة مجاهد محمد الهادي on 01-28-2013, 06:53 AM)
| |
|
|
|
|
|
|
|
|
|
Re: مشيت السودان وجيت , كالآتي : (Re: مجاهد محمد الهادي)
|
Quote: حكاااي من الطراز الأصلي ما شاء الله
شكراً أخوي محمد
وسلام لزوار البوستي الجميل دا ياخي
الذي جاني في جرح.. وبرضو بحبك يا سودان..
ومتابعين عن كثب.. |
سلام يا مجاهد,,,
تسلم يا حبيب على المتابعة.
ـــــــــــــــــــــــــــــــــ
الموظف السعودي الفي السفارة السعودية بالخرطوم ده مالو؟ منه؟ ولا من العليه؟؟
صحبي قاطع تذكرة الخرطوم جده فرانكفورت شيكاغو , وعايز تأشيرة ترانزيت تلاتة يوم في السعودية , جوازه أمريكي , قدمه للموظف السعودي , قال ليه عشان نأشر ليك للسعودية لازم يكون عندك تأشيرة لي ألمانيا عشان إنت ماشي فرانكفورت , صحبي حاول يفهم السيد السعودي ده إنه الجواز الأمريكي ما بحتاج تأشيرة لي ألمانيا , ده غير إنه أصلاً هو ما نازل في فرانكفورت , هي كلها ساعتين كونكشن وحيكون في المطار , طلب منه يراجع الموقع بتاع السفارة الألمانية للتأكده من كده , عمنا شبك ليك صحبي بدي وما بدي وبدك تأشيرة للسعودية بدك تجيب تأشيرة لي ألمانيا , بدي ومابدي وبدك وما بدك , المهم جريت صحبي قلت ليه ياخي سيبك منه , بعدين طريقة الكلام في منتهى العجرفة والغطرسة والإستفزاز والإشمئزاز , بالله ده في بلدنا بعملوا فينا كده ومال هناك الحال بكون كيف ياربي؟
قلت لي صحبي : عندي ليك خطة سمحة , نمشي ونجي بعد أسبوع ومافي داعي تجي لابس جلابيتك وعمتك دي , لازم تجي لابس تي شيرت أبيااااااض وفي نصه مرسوم قلب أحماااااار , وشاقيه سهم أسوااااااد ومكتوب فيه I LOVE NEW YORK, وبنطلون جينز ناصل نصله لا رفعة بعدها ومعاها سلسل في الرقبة وساعة المينا بتاعتها قدر غتاية الحلة وملونة أحمر وأصفر وأخضر وظهري , وحالق صلعة زيرو , ونضارة سوداء وطاقية بيسبول حمراااا , وأهم حاجة في الخطة دي الكلام يكون إنجليزي بي آكسنت رندوكي نيويوركي قاطع , حتى لو طلع بعرف إنجليزي ما حيفهم لي رندوك نيويورك داك التكتح , وقد كان , صاحبنا مشى لي زولنا ظاااااطو في الشباك ورشاهو ليك رطانة أمها بت أبوها , عمك السعودي شبك ليك صاحبنا : وط؟ وط؟ وط؟ بقى يوطوط وطوطة شديدة خالص ومن محطة وط دي ما قدر يمشي ولا وطواية واحدة , المهم في نهاية المطاف ومن جملة محاولات عمنا السعودي ده طلع بعرف في الإنجليزي أربعة كلمات لا خامس لهن وهي : إظ , وواظ , وضظ , ووط!!
بعد جكة رندوكية كااااربة وجد عمنا السعودي نفسه أمام مأزق محرج جداً خاصة أن الصالة مليانه لي عينها بالناس القاعدة وبتسمع في الحوار الوطواطي ده , فبحمده وبرندوكه تسمع : دق دق دق دق أشرك أشرك أشرك , ومد الجواز لي صاحبنا مأشر , وبعد ما إستلم صحبي الجواز وختاهو في جيب الجينز الورا , عاين للسعودي في عينه وقال ليه : يسلم راسج طال عمرج , وبي آكسنت سعودي يحسد عليه , وخلى السعودي منطط عيونه قدر ده!!!
بالله مناضلين الكيبورد القاعدين في السعودية وسالين لسانهم قدر ده وطايحين في خلق الله يمين وشمال , يا ترى كيف حالكم مع الأوهام دي , والقهر ووجع الضهر ده؟؟؟
نسمع منكم.....وكده!!!!
(عدل بواسطة Mohamed Abdelmotalib Hassan on 02-15-2013, 01:25 AM)
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
جيت خاشي الصالة طوااااالي كده وبدون مقدمات هجموا علي إتنين وواحد قال لي : جيب جوازك بي نهرة كده وثقة زايدة , عاينت ليه كده وما إشتغلت بي فارغته وواصلت , جوا محصليني وغيروا اللهجة : أسمع مليت الفورم الأخضر؟ قلت ليهم لا , طوالي قالوا لي تعال ومشينا لي تربيزة مجدعة فيها فورمات طوالي مسك القلم وسألني أسمك منو؟ ساكن وين؟ قلت ليه : ساكن حلة الحمار فنس , قال لي : بالله؟ صدفة غريبة أنا برضو ساكن هناك , سالني : إسم الوالدة؟ قال لي : ما معقول , ده نفس إسم والدتي ((يااااراااااجل , ويييييييو)) حنك حنكين والصحوبية دورت وبعد داك طوالي مشينا لي ضابط قاعد ساي وبعاين في الموبايل بتاعه وبرسل في مسج وما شغال بي فارغة الناس المالية الصالة , مدوا ليه الجواز وخشوا معاهو طوالي في ونسة : قلت لي الليلة كيف؟غايتو بكرة ما ألقاك لافي بي جاي متأهلين متأهلين للنهائي , الضابط قال ليه ياتو يوم فريقكم برد بطنكم؟ ودق دق دق وختم الجواز ولا رفع راسه عاين لي!!!
واحدة من الشنط جات معلمه ببي تبشيرة زي خمسة صلايب كده لامن بقت عاملة زي مقابر النصارى , طوالي قال لي شنطتك دي معناها فيها ممنوعات , وسألني فيها شنو :طااااخ إتذكرت طقم السكاكين , إشتريت طقم فيه إتنين وتلاتين قطعة ويدوك طقم مجان , يعني شايل أربعة وستين قطعة , طوالي قلت ليه أيوة شايل أدوات منزلية ((غااااغ)) , شلنا الشنط وماشين على بتاع الجمارك , من بعيد رفع يدو للضابط وقال ليه يااا سعادتك : معدات منزلية , الضابط من هنااااك أشر ليه تمام تمام , ومرينا بالسلامة أها وصلوني لحدي قريب بوابة الحروج , دخلت يدي في جيبي طلعت ورقتين كل واحدة عشرين ضوووررررار سلمت كل واحد ورقة لمن نططوا عيونهم!!!
وأنا مغادر السودان , المشهد التالي لفت نظري :-
شابه شايله طفله ولابسه توب وشكلها ما متعوده عليه , وكعب عالي خالص خالص , وشايلة شنطة وماليه يدها دهب وما قادرة تمشي , والسيد بعلها ماشي قدامها مدلدل يدينو ويقدل التقول معتز صباحي , لما عايزة تركب البص للطيارة ماقدرت تركب لأنه يدينها الإتنين مليانات وسي السيد سبقها وإنجعص في كرسيه دغشاً بدري , أها طوالي مشيت عليها وشلت منها الشنطة وحاولت أساعدها تركب , وفي لمح البصر سي السيد نط من كرسيه ووصل الباب وبي قرف نتل مني الشنطة ومعاها صرة وش ولوية بوز كمان!!! ((وتيييييييييييييب؟))
(عدل بواسطة Mohamed Abdelmotalib Hassan on 02-15-2013, 01:17 AM)
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
جهاز المغتربين , موبايل , سبحه , ومصحف .... ودقي يا مزيكا :
تمشي لأي موظف تلقى قدامه مصحف وسبحه وموبايل , وقفت قدام الضابطة برتبة عقيد برضو قدامها المصحف والسبحه والموبايل , قبل ما أفتح خشمي رن رن رن رن المويايل بتاعها ضرب , وهاك يا ونسه وكلها مسائل خاصة غريب جداً تتكلم عنها والناس واقفه قدامها في الصف , وفي النهاية قالت للمتصل وبعد عشرة دقايق ردحي : شغالين والله الشغل الما بكمل ده , وكاميرتنا الليلة عطلانة. وبعد شوية بدت تشتغل , وقالت للناس تعالوا بعد الساعة واحدة ضهر والساعة كانت يادوووب تمنية صباح , وما قالت للناس السبب شنو؟ بدل اللطعة هناك باقي اليوم قلت أخير أمشي أقضي باقي مواضيعي وأجي بكرة , لما جيت بكره قالت لينا الكاميرا لسه عطلانة (ههههههههه) , يعني الزول الكانت بتتكلم معاه في التلفون هو الوحيد فينا العارف إنه الشغل متعطل عشان الكاميرا , وباقي القصة لا داعي للمواصلة فيها لأنها بترفع الكثافة وبتطول المسافة.
وكده!!!!
| |
|
|
|
|
|
|
|
|
|
Re: مشيت السودان وجيت , كالآتي : (Re: ASHRAF MUSTAFA)
|
Quote:
تحياتي أخي محمد
قدر ما افتش للبوست ده القاه اختفى
لغاية ما مشيت لعمك قوقل وسألته عنو
بوست جميل وكلام طاعم
واكان شلتو بعد الارشفة بنقراهو بمهلة
و بنشارك فيهو كان ربنا حيانا |
أووو حبيبنا وأخونا أشرف ,,,
سلام وتحية.
إن شاء الله نواصل..........
| |
|
|
|
|
|
|
|
|
|
Re: مشيت السودان وجيت , كالآتي : (Re: Mohamed Abdelmotalib Hassan)
|
ولدنا محمد الف حمدا لله لله على السلامه
ياخي انت زول حكااااااااااي عديل كدا
هسه الواحد لو ماشي ياكل سمك عن صاحبك الفوق دا يقفل اذنية عشان ما يسمع صوت العرق وهو نازل في الصاج ولا شنو ههههههههههههه
بالله كيف لقيت الاهل كلهم ...
.
.
واصل ونحنا مستمتعين للطيش
الحكاوي دي كان عايزه ضل نيمتنا ياخ
| |
|
|
|
|
|
|
| |
Mohamed Abdelmotalib Hassan
Ridhaa
MOHAMMED ELSHEIKH
طلحة عبدالله
وليد عبد اللطيف
محمد البشرى الخضر
حيدر حسن ميرغني
محمد يوسف طه
مجاهد محمد الهادي
ASHRAF MUSTAFA
فيس بوك
تويتر
انستقرام
يوتيوب
بنتيريست