دعواتكم لزميلنا المفكر د.الباقر العفيف بالشفاء العاجل
|
|
 مكتبة ؤ وجع راس ... او في هجاء (سمارت هي)
|
شنو يا معلمة؟
لكن لقيتك اسمار ت شديد:
ظهرتيها عاااااملة لكن!
--------
بكري عليييييك الله اعمل ليها مكتبة ياخي ..
المافي شنو .. ما قاعد تبذر في المكتبة لكل من هب ودب ..
توزع في الحلق حتى للما عندهم اضان (في الحقيقة ما في زول ما عندو اضان .. لكن اغلبهم اضنينم مشغولة بي القراية ؤ كدا)
ياخ راسنا دا مكتلف .. وخسرانين عليو كتيييييييييير
|
|
 
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: محمد حيدر المشرف)
|
Quote:
والله ياخ بفكر بصورة جادة انو نفك ارتباطاتنا الإسفيرية معاك ..
لا مانع من بعض التقاطع المحتمل جدا فى هذه الزحمة .. التقاطع ليس الا
|
فك ارتباط ويييين يا رفيقي في الغار
ليس بعد (الكفر) ذنب
كان فكيت كان مسكت .. فيك فيك .. معلق سيييييييييييييك
وفي قبولك
اها مسألة التواريخ .. ميلاد .. وشهود الفجيعة الوطنية الكبرى بتلقى ليها مهرب
افرش تبروقتك يا خليفة .. افرش
في المتمة او في امدبيكرات .. لا اعتبار بالمطالع
الهلال -ذاك الشمس النيئة- وااااحد .. وبشرق على كل الارض
-------------
قل إنا بدائيون إذا ..
و إنا هالكون و إن قطعنا بالسيوف بحار تسويف القضية
أصمت إذا و دعني أستبيح الآن مهزلة التواتر و التوقع
من تواشيح شيخنا .. القطب الغوث
د. تاج السر جعفر الخليفة طه الريفي
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: قيقراوي)
|
قيقا تحياتنا ياخي
العناوين الفيها هجاء ووجع راس دي بقت تجيب كثافة ناس كدا يا قيقا ياخ
ارحمن شوية يا فتح الرحمن فتح الله عليك ورحمك ووالديك
ثم انو يعني ظاتو هدى اللعب يا قيقا يا كعب ( وش اخضر وضاحك وبدور (بتشديد الواو) كمان)
تاني تحياتنا المافي شنو؟؟؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: محمد حيدر المشرف)
|
Quote:
والله ياخ بفكر بصورة جادة انو نفك ارتباطاتنا الإسفيرية معاك .. |
سبحان الله ...........
تعرف يادكتور مشرف لمن شفت البوست وشفت اسمك في أول مشاركة جات في بالي قصة ونحن طلبة في الكلية
كان معانا كم واحد من دفعتنا ونحن يادووب طلبة مستجدين لنج مشو شربو موية من تلاجة الضباط وهو جرم عظيم وقتها
اها بقي كل ما يكون في مجموعة عندها جزاء ميداني الضابط يقول ووووين الطلبة الشربو من تلاجة الضباط اطلعو مع المجموعة دي هههههههههههه
وحتى اليوم نتذكر اسماء المجموعة باعتبارهم المجموعة الشربت من تلاجة الضباط هههههههههههههههه
لكن في كل الاحوال لاتحرمنا التواجد في بوستات الاخ قيقا فهي متعة لايضايها الا الشرب من تلاجة الضباط هههههه
تحياتي وتقديري ..........
| |
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: omer osman)
|
| Quote: كان معانا كم واحد من دفعتنا ونحن يادووب طلبة مستجدين لنج مشو شربو موية من تلاجة الضباط وهو جرم عظيم وقتها |
مع فرق المقامات والمعسكرات طبعاً ..
قضينا الالزامية في معسكر المدفعية عطبرة - اللواء 49 راجمات - وضمونا لدفعة تدريب جيش رسمي ونحن طلبة جامعات ملكية ساي ... اول يوم دخلنا لقينا العشاء راصنو وفول
حلقنا الصلع واتحلقنا حول طشاتت الفول.. واحد شليق من هندسة عطبرة شايف قايد المعسكر النقيب ( صفوفي ) عثمان الفاضل
المستجد الكهنة كان مفتكرو عسكري كورك فيهو.. : يا اخينا .. !! انت هوووي .. اسمع جيب ملح الفول دا مسيخ
ما حا احكي ليك طبعاً الاسبوع الاول قضيناهو كيف او كنا بنعمل شنو او ناكل شنو 
ـ
ــــــــــــــــــــــ
إنت يا فتح المولى المُمالي ما عاوز تتوب من الهجاء دا..
قطع شك المرة الجاية حا تكون بوذي او الله اعلم حا تبقي من طائفة غلام مرزا ..:)
| |
|
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: esam gabralla)
|
Quote:
هجاء ... تاااااانى؟ كده حيتحول لادمان
|
اقبببببببببببض مسكت لي خدرجي!!
كدي قبل ما نسالك من (الاول) وينو الهجاء هنا اسي؟
وقع ليك كلامنا عزيزي القارئ!؟
اهو دا نموذج للقراية باللضنين ..
اوع يكون بكري مديك حلق .. اقصد مكتبة بس!؟
-----------
في زمن القراية ام دق .. والتسميع الجماعي
مرة واحد ما كان حافظ .. ولا انقابو ذاتو .. مستغل ليك الزحمة وشغال يورجع ليك: خيار .. تبش .. عجور .. اللخ اللخ
يفتح خشمو يسدو مع الناس .. منششششز لكن .. ولا هماهو القافية وسلامة النشيد!!
الاستاذ بسلامة اذنو الموسيقية انتبه للقصة دي .. ورصدو تماااام
وكف قبضو ليك وصاح بعبارته التي سارت بها العربان -ناس الانحنا- ركبان وماشين كداري
اقبببببببببببض مسكت لي خدرجي!!
ثم مشتاقين والله يا كسر الله
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: HAIDER ALZAIN)
|
Quote:
إنت يا فتح المولى المُمالي ما عاوز تتوب من الهجاء دا..
قطع شك المرة الجاية حا تكون بوذي او الله اعلم حا تبقي من طائفة غلام مرزا ..:)
|
لأ
[حتى يستفيق الحرف من حمى التآكل] والذبول!*
مرة لقيت ليك واحد اخونا هنا عامل ليو استيتص في الفيس "البوذية هي الحل"
كتبت ليو (الحب هو الحل)
ولا سألتو ذاتو هي المشكلة كانت شنو من الاساس ..
المافي شنو هو؟
على قول المغني:
مشاكلي بسيطة بالريدة بحلها .. وهكذا
اذا لمن تكن محدد وجهتك بالضبط .. فكل الطرق تقودك الى هناك
الاسئلة الغلط بتديك الاجابات الغلط .. وبتوديك التوج خصوصاً في سؤال الدين
ما علينا وما علينا (كما غنت الاستاذة ندى القلعة)
----------
* الذبول اضافة من عند الراوي ..ولم ترد في النص الاصلي
ما عارف ليه عندي احساس انها كان مفروض تكون!
| |
|
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: omer osman)
|
Quote:
وحتى اليوم نتذكر اسماء المجموعة باعتبارهم المجموعة الشربت من تلاجة الضباط هههههههههههههههه
|
في معسكر القطينة (اسامة بن زيد التانية) - دفاع شعبي
كان الاشهر هم علي حمودي وحسن زمراوي ..
ياخي ديل انتقلوا من مرحلة الشراب من تلاجة الضباط لي رفاهية وكامليات حضور هلال مريخ في تلفزيون الضباط عدييييل
لمن اتخرجنا كل طابور بخلوا واحد يشيل التاني، والفوق يكورك انا خروف .. والحمال يكورك انا حمار .. انا حمار
--------
كلم المشرف دا ياخي ..
محتاجنو شديد في سلسلة الهجائيات دي ..
قالو الدكتور ما بفهم كتابتو الا الصيدلي
اها قيقاداوي -اخصائي مخ واعصاب المورجغين دا- بدورلو صيدلي نجاااضة يصرف الدوا ؤ كدا
وردد وراي .. اذا بتريد:
تفارق وين تخلينا لشوقنا وذكرى ماضينا .. اللخ اللخ
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: معاوية الزبير)
|
جوز ال ..
خلاص الارشفة جات .. وجابت طاري المكتبات
أهاااا يا قيقا .. يفتح الله
__________
Quote: والله ياخ بفكر بصورة جادة انو نفك ارتباطاتنا الإسفيرية معاك ..
لا مانع من بعض التقاطع المحتمل جدا فى هذه الزحمة .. التقاطع ليس الا |
يا مشرف مافي ليك أي طريق سيك سيك قيقا معلق فيك 
تمشي وين ياخ .. بتعرفو البطل .. آي البطل
بس ياهو .. مافي طريقة !!
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: خدر)
|
Quote:
انادي ليكم البطل يشتت شملكم اسه :)
|
والله البطل هيييين .. تراهو بلتخ سااااي
وهو في حواف قبرو .. وعداد سنينو راااامي والموت في ي ي خطراتو
طلع بخاف من الموت .. وكل ما يكشف في المرايات عذرائيل يلوح ليو بابتسامة (جااااايك) .. وهو لا يقرا ابداً .. المسكين!!
عاد بي وين يا ابدرباً مااااكن!؟
الكلام اصحابو
وماذا نفعل مع (صاحب) البطل!؟
----------
مشتاقين ياخي
امبسبول يا خدوري ياخي
سعادتو من شدة ما متوحشك لمن عين الطريفي (سابقاً) في حتتك .. امبسبول
والله العظيم امبسبول ياخي!!
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: حمد عبد الغفار عمر)
|
مالك ماشي متدهور كده ??? من البطل شخصيا ....لاسمارات النكره ???
عشان ما عندى عمود راتب فى جريدة يعنى??
و بعدين يا اخوانا ما ممكن تتلموا كلكم بربطة المعلم- ود المشرف و تيسا و سيد اللسم قيقراوى- هنا...عشان البطل يفتكرنى صحبتكم و المرة الجاية يضمنى للركب الميمون. انا ما عندى بورداب يتضامنوا معاى و لا بقدر ارد براى. و ما اظن عزاز....او حسن موسى يعبرونى.
و الحاج برعى لما سمانى اسمارت ما كان قاصد اى حاجه ما كويسة, ذى مثلا انى ممكن اطلع اسمارات و لا حاجه. ما تقومى تجيبوا ليه الكلام هو الحجة ام اسمارت. انا شخصيا ما بنحدر من اى حته فى السودان. الحتة اللى اتولدتا فيها مسطحة تاما. حتى لما الامطار تنزل بتركض فى مكانها. اما ظهرى ف موضوع فى جدار معبد بتاع سيخ. حكم انا فى بلد طيرها عجم. و اقرب مسجد لى على بعد 2 ميل. (فى مصلى على بعد اقل من عُشر ميل لكنه صغير جدا بيصلوا فيه الجمعة والتراويح بس) اللى عاوزة اقوله انه بعيدة من بيوت الله.
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: smart_ana2001)
|
شكرا يا قيقراوى على لفت الانظار لقضيتى العادلة. امتلاك مكتبة فى الاسافير -لزول مثلى يقضي سحابة يومه فيها- مفروض يكون من الحقوق الاساسية.
____________________________
و الله يا جماعة انا عملتا الحركة البيض بتاعة رفع بوستات معينة يوم 27 (4 ايام قبل الارشفة) مخصوص, عشان ما يتم اتهامى بانة امارس ال ذو اليدية على الناس. كلها بوسات حبيت الفت ليها النظر مرة اخيرة قبل الارشفة ....او كان فى مداخلات مفروض ارد عليها.
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: الصادق سيكا)
|
قيقا داوي ..
ما في أسوأ من أن يفرغ أحدهم ذخيرة مسدسه بالكامل بغية قتل الخصوم
ثم يكتشف لاحقاً أنهم لسة أحياء يفرفرون ..
حنقوم نتنفض ونواصل شرابنا من تلاجة الضباط if any
ومحل رهيفة شنو؟
ـــــــ
لكن دا برضو ما بيعني إنو إقتراح المشرف ما نال إعجابي
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: الصادق سيكا)
|
بعد اذنك يا شباب نرحب ب(المحتفى) بها احتفاء يليق:
Quote:
مالك ماشي متدهور كده ??? من البطل شخصيا ....لاسمارات النكره ???
|
متاكدة انو في شخصية هناك انت؟
ثورتنا التصحيحية دي هادفة لتصحيح الاوضاع دي ذاااتا
في الواقع اسماء حقيقية، شخصيات وهم .. يا مافي كلو كلو ..
الاسم ام الافكار والاقوال والمواقف (اقري الشخصية )؟
شنو يعني دلالات اي اسم ..مش بس اسم العلم .. اي اسم حايم اسي في المشهد السياسي
(الاتحادي) اتحاد بياتو حيثيات، مع منو ولي شنو وكيف .. ولزومو شنو ذااااتو!؟
(شيوعي) شيوعي كيف يعني .. ومتين ذاتو؟
(الامة) ياتو امة في الاهل!؟
(البطل) بطل شنو ..رواية .. بطل في حرب .. بتاع الساعة كم يعني!؟
ياخي حتى (ديموقراطية بت ال######) دي ذاااتو يعني شنو؟
اسوأ ايام البلد المنكوب AKA جمهورية السودان .. الشقيق، عشناها في زمن المقبور نميري، الكان (البطل) من سدنة نظامو ..
و(الاضاف) ليها (الديموقراطية) .. هو الكلام بقروش؟
والله البطل كان فلس بي ورجغتو الكتيرة ومسيخة دي!
--------
انتي دي ذاتك يا (ذات اليدين) كان بكري يكون طالبك ملايين عديييل كدا
مع انك تستاهلي مكتبة والله .. ورجغة لي ورجغة تفرق!
اسي كان بتكتبي عن (مايكروسفت) بل قيتس دا ما كان رقعك بي مكتبة صحي صحي!
اقول قولي هذا مع اني (ابالي) .. وسليل ابالة البطانة القح
وعااارف تجارة التكنولجيا زي تجارة التلج
ولا فايدة للاجيال اللاحقة من تمجيد خلعتنا الآنية بالتكنولوجيا دي ..
ياخي في بداية تمنينات القرن المنصرم - وكت البطل بحرق البخور في معابد مايو ويمسح في الجوخ- التلفزيون الواااحد دا كان شارقنا انحنا!
لكن اهو قلنا نكسر ليك تلج
المافي شنو!؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: قيقراوي)
|
Quote:
يعني نفهم إنو إسمارتي مركبة مكنة ذو اليد اليومين ديل ؟؟
|
يا خالد ياخ كان ركبت مكنة ذو اليد .. الواحدة ما مشكلة كلو كلو ياخي!
----------
(ذات اليدين) دي اسمها الكامل سمارت برعي سمارت يا بطل ..
اما العمر ..فاسكت كب .. لا اقول ليك الفية ول سبعة هن!
لكن الثابت انها مبارية التكنولجيا دي من اول صهر الحديد في مروي ..
واختراع الكتابة
التاريخ بالضبط ما بهم معاك انت .. التخ ليها البناسب شعرك .. انت بتفرق معاك هو؟
من متين بقيت من اهل التدقيق او التحقيق انت؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: قيقراوي)
|
ندى امير بطلي القراية باللضنين من الفيسبوك ياخي
Quote:
بس ينقصه يرتب افكاره في الكتابة ويبعد شوية عن الرمزية والونسة الجانبية مع الاصحاب. وحبذا لو ترك ما تحت الخط او قلله شوية على طريقة دينا خالد.
|
ياخي قلنا في هجاء اسمارت برعي سمات ,, ما انا ياخي!
لسة دوري ما جاء في الهجاء انا
-----
ثم ذاتو شكلك خلطتي بيني وبين البطل ,,
انا مافي زول قاعد يدفع لي عشان اكتب ,,
تقروا ملح ,, وتتشرطوا كمان؟
ادفعوا بنبقى ليكم ترزية باقلامنا ونفصل ليكم على مزاجكم ,, لمن يدفع اكتر طبعاً ,, السودان دا مليون ميل ومزاج!
المافي شنو؟
حتى ذلك الحين ياها الونسة مع الاصحاب ,, والجارغون المشفر دا
ياخي عندنا شنو انحنا غير الاصحاب في الدنيا دي
لنا الله ,, واصدقاء
تشكرات كميات يا صديقة على كلامك السمح
كتري منو ,, احتمال ننظر في هجاءك
ويا حبيبنا محمد أحمد ,, صدقني {الاجمل من دخول الجنة، هو الوقوف ببابها ,, والمفتاح في يدك ,, كن دائماً على وشك}
دا ما بمنع انو ندعم قضيتك العادلة في المواطنة في وطن من لا وطن له
المافي شنو؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: أمير محمد ادريس)
|
جميلة الجميلة...الموضوع ده مستحمى...ما بينفعونى البراملة بعد العمر ده كلو.
حمد عبد الغفار ....كمان جابت ليها الهندى عز الدين ??
انا يا جماعة جرايد ما قاعدة اقرا
تيسير....بنتا اللى رافعة راسة طوالى....ما بتقصرى و الله. انا لاقية رفوف فى مكتبتك! ..غايتو لو بكرى ادى قيقا مكتبة قبلى ح احرد البورد
قيقا.....انت جيت يا ابو صيام????
| Quote: اسوأ ايام البلد المنكوب AKA جمهورية السودان .. الشقيق، عشناها في زمن المقبور نميري، الكان (البطل) من سدنة نظامو |
بالله البطل ده كمان من سدنة نميري ????? لا حولا
لكن نشيل حسو فى دى ?? هو براه صحبك ده شايل حس روحو....ما محتاج.
هسي عليك الله يا قيقا من نبيحى فى البورد ده فى الاقتصاد العالمى و فى تربية الاطفال وفى الطبيخ و الرياضة والصحة البدنية ...(و من بكرة عاوزه ابدا اكتب عن التاريخ). من ده كلو تقول لى بتكتبى فى التكنلوجيا ???
شفتا....انا فعلا محتاجة مكتبة. عشان الناس تعرف اسهاماتى فى البورد و فى نشر الوعى فى الاسافير السودانية ...احم...احم
| Quote: تقروا ملح ,, وتتشرطوا كمان؟ |
دى بلغتا فيها يا قيقا
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: محمد البشرى الخضر)
|
بخخخخخختك يا ابو حتوت
Quote:
لا بد ان العصبة المنقذة قد تركت الحبل على الغارب، فهانت الزلابيا، وانحدرت المعايير، واختلط الحابل بالنابل، فابتأس أستاذنا وضاق صدره. والمسئولية هنا مسئولية رئاسة الجمهورية ورئاسة مجلس الوزراء بغير إبهام ولا غبش. فلتأخذ كل مؤسسة منهما (طاقية) من تلك التي قذف بها شمو في الهواء، فتضعها على رأسها بغير إبطاء.
http://www.sudaneseonline.com/arabic/مقالات/2...بد-العزيز-البطل.html
|
اهو البطل بتسلف تعابيرك (الطواقي الطايرة) .. كتفاً بكتف مع الاستاذ/ فتحي الضو (العصبة ...) .. ود. حسن موسى همسلف (الزلابية) ؤكدا.
هو وكت معجب بجارغونا دا ما يجي بالدرب ..
المافي شنو؟
----------
Quote:
هههههههههههههههههههه
حلوة يا قيقرا
|
هي نان ما انحنا برضو عندنا بنات بنربي فيهن .. والظرف الاقتصادي (داغط) ياخ!
ما يدفعوا لينا على ورجغتنا دي .. برضو
المافي شنو؟
ندى يا صديقة .. كمحامي بتاعك انصحك بالاحتافظ بحق الرد
يوم هجائي بجي .. اتسدي القديم والجديد
اتفقنا ..
والخوة في ي ي ي محلها
| |
|
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: أمير محمد ادريس)
|
أمير حبيب ألبي
ياخي والله الما عندو محبة .. ما عندو الحبة
ربنا يديم المعروف
المكتبة انا قنعت منها .. كان زمان دا .. هرمنا .. هرمنا
بعد غزوة ذات البندول دي ذاتو ومعايرة البطل بالاعمار دي تاني الا الزول يغني ليها عهد جيرون:
يااا بنت عشرين ماذا تريدينَ من موعدِ خمسيني؟
قد كان لي فيك قبل هذا اليوم هواً .. اطيعهُ .. وحديثٌ ذو افانينِ
--------
بعد دا بقينا أبالة اسفيرين .. وناس باجة وهجاء سااااي
الاجيال اللاحقة ما ح تستفيد حاجة من كلام زي دا ..
خليو غثاء تذرؤه الرياح بس ..
هل تسمعني يا مشرف؟
قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو التايسا* إن خِرِب الحديث واتلَكَّك
إت قدَّامى ماك ورَّانى مقطوع شكَّك
* في النص الاصلي (النايرة) .. التايسا وااااصلة ..
ونحن بس نموت كمد باحلام الفرولة دي ..
دي ذاااتا قنعت منها .. يازول بعد ما حبيب ألبي حسن موسى كتب عني (في غير موضع ذم كمان!) ..
افتكر كدا انجزت آخر احلامي الثقافية ..
المافي شنو
ما باقي لي تاني الا موت الخميس .. ودفن الجمعة
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: الصادق سيكا)
|
Quote:
صاحبك أتهرش ولّه شنو ...؟
|
لووووووووووووب
انا وصاحبي ورفيقي في الغار كهذين .. واشار الى ود ضحوية وطه الضرير*
الليلــة أم هلال امسـت سراتك تــــارا
واسيــادك جواميــس الردف* والــدارة*
إن حرت صنـاديداً تقابــل الحــارة
وإن بردن نكافيبن سوالـف الســـارة
------------
* غار لي غار يفرق يا عمك
ان بردن ماني البخيل صرت ..
وإن حرن بكااااااااااار ماهن صفايح زيت!!
بيش نرضيهن غير ألبل جداية الباجة
هيييييييع شوف هجاء الابالة* دا لي (مايكرسوفت) كيف
ديل اهلي:
Quote:
طه الضرير والطيب ود ضحوية كانا في طريقهما إلى أبو دليق
وكان طه يبحث في اللاب توب في الإنترنيت بال Wireless عن رد من محبوبته.
فوجد رداً قصيراً فأنشد قائلاً:
شديت ال Pentium وأصبح يبرطع جايط
وال Internet دقش قلبتو سايت سايت
على أم شعراً حلال ما طوَلنو وسائط
وعطشان الغرام ما برونو K.Bite2
فرد عليه الطيب قائلاً:
ألفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي
استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يا الله أنا والحبيب نتلم
ويا الله ينصلح الرام ونتصفح ال dot com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني البنظم الجاتات
قال Defrag ما بفيد أحسن Reformat ال
بعد ما كت بزبطWord ال و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل
الخبر الأكيد الليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
غرامك Virus الهجعة البقرض الجاهو
شاعر مجهول
|
* (ابالة) من Apple ؤ كدا .. ماك سااااي!
سأعود لأبالة القرن الحادي والعشرين .. و الـiBaeer
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: حمد عبد الغفار عمر)
|
Quote:
والله يا قيقراوي أكتر حاجتين جابو ليك هواء
الهجاء والمكتبة
بس المكتبة إحتمال تفقّدك حق الرد
مخير
|
يا المخير وماااااك مسير
ما دا الزيت ذاااتو يا حمد يا ابا نعيمة ياخي
حمد ونعيمة دخلوا السيما .. سمك وكبوريا .. شمس ؤ أمر
لك سينما ما عنا .. نرفه ليكم وين؟
اهو الزول يجي يروع خواطر المورجغين ديل ويتلاشى .. المافي شنو؟
-------
" فلتحمل الريح أغنيتي ..
لا أأمل في شيء ..
لا أخاف من شيء ..
أنا حـــــــــــــــــــــــــــــــــــــــر
أنا حر !!"
شاهد قبر : نيكوس كزنتزاكس
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: قيقراوي)
|
Quote:
لكن دا برضو ما بيعني إنو إقتراح المشرف ما نال إعجابي
|
مالي اراك تكرهين الجنة!؟
افووو !!!
ذاتو [ماااا شاورتكم ناقص لي رأي ]
ناولوني القربة المريوقة .. وابروا مدافن السيل
وقربوا ابببببعد حتة متمة
حلابن وانا باكل الويل
[انا اخو* التايسا إن خِرِب الحديث واتلَكَّك]
------------
* عثمان عووضة يا عمك .. اميه .. امية يا فردة
مشيها اخوك .. الضرورة الشعرية .. ولزوم القافية ؤ كدا
وانت عااارف انو اخوك مهموم بسلامة النشيد
كلنا فخورين بي بتنا تسير ونتشرف بيها ..
المافي شنو؟
تشرف بلد بي حالا
| |
|
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: قيقراوي)
|
Quote:
ما في أسوأ من أن يفرغ أحدهم ذخيرة مسدسه بالكامل بغية قتل الخصوم
ثم يكتشف لاحقاً أنهم لسة أحياء يفرفرون ..
حنقوم نتنفض ونواصل شرابنا من تلاجة الضباط if any
ومحل رهيفة شنو؟
|
هيييع .. انثى ولا دستة ابطال
دي الروح الثورية المطلوبة في الكتيبة
لكن هي ما ذخيرة ذاتو .. سلاح ابيض .. من جنس "لعاب المنية"
"والحمد لله الذي مسخنا كلاب .. وكفاه حرباً"
نحن ح نلعب بخطة (الباقة في التلاجة) للخبير الكروي الافريقي الكبير (حسوبة) .. كاكبر ما يكون .. ثاني اثنان اذهما في الغار (مين كدا صالح الوحش في مصر .. و(حسوبة) في السودان -كوستي)
والتنكير من المصدر .. الليهو هو همسلف!
-------
اولاد اعمن لينا، مرة مشوا لطوا لطة جد .. ودقشوا ليهم حفلة ما بعرفو فيها اي ي ي ي زول!
اطقطقوا ليك طقطقة الذين اتطقطقوا ذاتو .. ما ضاقا الكــلب الختف خروف العيد ..
اثناء الطق الخاص دا يا قول حبيبنا خالد ماسا، عبد الحليم كان مستسلم جدا .. مافي مقاومة تذكر وبنصح في رفيقو:
يا وهم خليهم يطقطقوك .. انا حفظت ليك اشكالم كويييس.
بعد طارت السكرة .. وحلت الفكرة
هشام اكتشف الفجيعة الظاااهرة الصباح
والصباح ان لاح لا فايدة لي الميصبااااح!!
اها سردبوا بس .. انا حفظت ليكم البطل دا كويييييس!
| |
|
|
|
|
|
|
|
|
 Re: مكتبة ؤ وجع راس ... او في هجاء (سمارت هي) (Re: معاوية الزبير)
|
كتبت الزميلة الفيسبوكابية ندى:
| Quote: هو البطل قال شنو؟؟ قيقراوي- كاتبي المفضل هنا كتّاب وذكي ومتسق مع نفسه ومن الناس النقية هنا ما شاء الله، واضح انه مطلع وراسو مليان، بس ينقصه يرتب افكاره في الكتابة ويبعد شوية عن الرمزية والونسة الجانبية مع الاصحاب. وحبذا لو ترك ما تحت الخط او قلله شوية على طريقة دينا خالد. |
اول حاجة ما عارفة البطل قال شنو ؟؟
للضمان كدا جيبي ولي أمرك
| Quote: قيقراوي- كاتبي المفضل هنا كتّاب وذكي ومتسق مع نفسه ومن الناس النقية هنا ما شاء الله |
الكلام الفي كود دا صراحة ما بلعتو !!
ندى إختشي
_____________
قيقا يا صاحبي ما تزعل ياخ ... دي تنخيسات اخر الربع
ثم :
بتعرف الصاحب عندو عند صحبو إيه ولا ما بتعرف؟؟
لو ما بتعرف رسل ماسنجر لحبيب نورا بديك النجيضة
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: حافظ انقابو)
|
Quote:
هسي عليك الله يا قيقا من نبيحى فى البورد ده فى الاقتصاد العالمى و فى تربية الاطفال وفى الطبيخ و الرياضة والصحة البدنية ...(و من بكرة عاوزه ابدا اكتب عن التاريخ). من ده كلو تقول لى بتكتبى فى التكنلوجيا ???
شفتا....انا فعلا محتاجة مكتبة. عشان الناس تعرف اسهاماتى فى البورد و فى نشر الوعى فى الاسافير السودانية ...احم...احم
|
الصح ول الكضب عاد؟
النصيحة كلو كلامك فوق صحيح ..
لكن لو قلت انا يبقى الهجاء فوق كم؟
كزول ذمتي واااسعة -كاوسع ما يكون .. تسع الجميع- مطيت ذمتي الاستك دي .. اخترت محل رهيفة ..
تكنولجيا بتاع الساعة كم؟
شوفي الابداع دا عليك الله:
اها يا بكري المكتبة قنعنا من خيراً فيها .. ارفع الابداع مع ناس عمر دفع الله ومحمد الحلو
المافي شنو؟
ول بشيلا بمش اطلب حق اللجوء السياسي في الفورسيزونس حيث حبيب ألبي حسن موسى وحسن اولئك رفيقاً .. كاحسن ما يكون
على الاقل فارس يتحلى باخلاق الفرسان، كان اختلفت معاو ما ببهتك .. بطقطقك بي الفيك بس
----------
في قصة الاطفال دي ياخي ما حليتي لينا مشكلة الشعر ياخي ..
الجيل دا شكلو ح يتجهجه ويجهجه باكاتنا معاو ..
يوم داك لقيت ليك (وعد -6 سنة) علالاتا في السما مع امها ..
هي مصرة انو (العصا) ما مؤنث .. ومصرة على انو اسم الاشارة المناسب معاها هو (هذا)
يا بت ما تفضحينا .. كفاية عجمة اللون والشعر .. كمان دايرا تجيبلي ليها عجمة لسان؟
اصرت والحت .. وتوكلت على الله وجاوبت بي الفي راسا في الامتحان - ما بت ابوها ؤ كدا-وغالطت الاستاذة ذاتو!
دا كلو عشان مافي (تاء) مربوطة على اخرها ..
غايتو ربك رب الخير الهم اخوك .. مسكت العصاية من النص (كالعادة زي ما قال د. بشرى)
وقلت ليها كدي ختيها في حالة المثنى .. حتن ظهرت التاء
لووووووووووووب
قولوا للبطل دا : عد الى كهفك!!
الجيل الجاي حلو الشهد .. صبايا وفتية يمرحوا في صباح الغد
عيونم برقهن لماع .. سؤالم رد
ما بقتنعوا لينا بفارق حرف .. كلو كلو
ودي بداية بس ..
دا جيل الحرية
عد الى كهفك يا عمك
كم لبثتم؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: حافظ انقابو)
|
Quote:
الكلام الفي كود دا صراحة ما بلعتو !!
ندى إختشي
|
اختشي انت دا يا حافظ .. طلعت حافظ سااي انت!
ياخي قلنا ليكم البوست دا لهجاء اسمارت هي .. بالتركيز على هجاء التكنولجيا (حتة رهيف)
---------
الاختشوا ما اتوا لارض البلالات دي ذاتو ..
ياهم ناس ندى البتاوقوا بالرقراق ديل هم المختشين
حافظ دا ما حافظ يا ندى ..
ما تشتغلي بكلامو .. اصلاً مخلا هو
بعدين كترين لينا من نوع دا .. بدون بس الله يرضى عليك .. ياخي انا يتيم ياخ!
انتو ما بتقروا القرآن دا ول كيف .. سورة الضحى دي ما في جزء عم ياخ!
انا الولد البدور الشكرة
المافي شنو؟
انتو (ضظنت) ول شنو؟
يس امبسلين .. نو سيغنال توو ..
اظنكم سفنتي فايف ساااي انتو!
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: الزبير بشير)
|
Quote:
الاخ قيقراوي
لك التحيه
ندخل وله ممنوع لجيل السبعينيات الاخدو زمنهم و زمن غيرهم
الفي كتير ؟؟
الزبير الختمي
|
يا زول لو ما شالك البوست .. يشيلك راس البطل ..
ما فااااضي
فيو شنو هو؟
----------
كان علي انا غايتو شايف انو لو اتلاشيتو بكون احسن
تتلاشوا دي يعني تنسحبوا من الساحات العامة .. وتدوا فرصة للشباب
كفاية ..
قرفنا
بل سئمنا عديييل كدي
الحل التاني ليه ما الناس تاخد كورسات مكثفة في الجارغون .. وتخش في الجو ؤ كدا
يا ياها المفاصلة التاريخية
لكم جيلكم ولي جيل .. وصراحة ماااا عنكم فرصة (كان عنكم سنما في السبعينات!؟) .. سجلكم كلو فشل وانبطاح
نحنا -المخضرمين، خاتفين جيلين - ديل بننحاز ليوم بكرة جميل وباكر ضواي .. والتاريخ يسير نحو الغد
انتو ما تحجوا .. وتلزموا تبروقاتكم؟
المافي شنو .. الحج كويس ياخي!
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: معاوية الزبير)
|
انت لسه هنا؟
انا موش مرة قلت ليك قبل ما تكتب اي حاجة في البورد ده ترسلها لأي زول من بورداب دي سي يقول ليك بتتكتب ام لا؟؟؟
ما حصل قلتا لزول كلام ذي ده، لكن يا بريمة غير أنك عنصري، و بليد اجتماعيا، طلعتا كمن بليد البلادة العادية دي.
كونك ما فهمتا انا قلتا شنو دي ما مشكلتي.
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: smart_ana2001)
|
بريمة، انا عندي ليك اقتراح. اشرح ليك ( شرح مبسسسسسسسط) انا كنتا قاصدة شنو. و لأني ما بضمن انك تفهم، انا بقترح انه يجو نفرين ، قول خمسة أنفار، يحكموا بيننا. لو قالوا أن فهمك صحيح. انا ح اعتزر ليك في بوست في الربع القادم، عشان الناس كلها تشوف اعتزاري. لو الخمسة بورداب قالوا انت فهمك غلط، انت تجي تقول انك أما بليد او ما بتعرف عربي.
رأيك شنو؟
| |
|
|
|
|
|
|
|
|
|
Re: مكتبة ؤ وجع راس ... او في هجاء (سمارت هي) (Re: مصطفى عبيد)
|
Quote: أنا وأنت رضيت أم أبيت بحكم تواجدك هنا شهداء على قول أسمارت أنها بعيدة عن بيوت الله .. وأنت أقدر قول لله أنك لا تشهد .. هناك يختكم على فكم ويخرس لسانك وتشهد غصباً عنك
أيديك التى تكتب بها وأرجلك التى تمشى بها. |
دة فهمك للآية ؟؟؟
منو القال ليك الله بسأل زول من عمل زول ؟؟
ما قلت ليك انك متخيل انك شريك في الحساب
| |
|
|
|
|
|
|
| |
قيقراوي
محمد حيدر المشرف
omer osman
تيسير عووضة
HAIDER ALZAIN
خدر
معاوية الزبير
حافظ انقابو
خالد عبد الله محمود
حمد عبد الغفار عمر
smart_ana2001
جميلة ابراهيم السيد
الصادق سيكا
أمير محمد ادريس
محمد البشرى الخضر
حبيب نورة
الزبير بشير
مصطفى عبيد
فيس بوك
تويتر
انستقرام
يوتيوب
بنتيريست