|
|
|
 Re: مسـابقة أكتر والـي ولايـة فاشـل (Re: محمد علي شقدي)
|
جعفر بشير حياك الله
قلنا نحاول نفاضل بين السئ والاسوء
طبعا قريبنا الزبير بشير طه اقترن اسمو ب وارقو
اي واحد تسألو يقول يك الزبير طلع ماسورة
وهو بالطبع مثال للوالي المطيع للمركز يعني ممكن يحلب النمله على شان مشروع حياته الفاشل يستمر
| |
 
|
|
|
|
|
|
|
|
Re: مسـابقة أكتر والـي ولايـة فاشـل (Re: Alshafea Ibrahim)
|
حبيبنا الشفيع ابراهيم
سلامات يا زول يا جميل ان شاء الله انت وكل احبابك طيبين
يا خي انت ما شفت صورة الزبير وهو شايل مقشاشه بكنس في الولاية
اوعه تقولي وين بركات وادرة مشروع الجزيرة والمحالج و مصانع النسيج و وين انسان الولاية وجمال ودمدني
وين محاكمة الفساد المفسدين بالله واصل لينا انت الكلام حلو في خشم المرشح
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد شيخ الدين ابراهيم)
|
محمد شيخ الدين اولاً مرحتين حبابك الف
وياريت تدينا نبذه قصيرة عن أسباب ترشيحك لمتعصم الزاكي كفاشل اكبر دون منازع من ضمن (النومينز )10 الفاشلين
وخلينا نحدد نقاط بسيطة يمكن من خلالها التقييم
- الخدمات الأساسية لإنسان الولاية من امان وعلاج وسكن وتعليم وخلافه
- حجم الفساد المالي والادراي في الولاية
- المحافظة علي المشاريع السابقة والاراضي في الولاية ما قبل ضربة الانقاذ العكسي
- اضافة اوبناء مشاريع جديدة
- مقدار قطع الطرق بالجباية و الضرائب علي المواطنين بالنسبة لميزانية الولاية
- العمل الجاد على جلب حقوق الولاية من المركز
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
محمد علي سلامات ..
مسابقة صعبة جدا جدا ، الفوز فيها حيكون بmargin صغير جدا ..
لكن بالرغم من اني من نهر النيل ارشح الزبير بشير .. اهم انجاز له طبعا تحويل اهم ولاية منتجة / اكبر مشروع في افريقيا الى قطعة جغرافية "ساي" ،
وبالطبع تبع ذلك قضاء مبرما على ما كان يسمى بالابحاث الزراعية ..
اعطو الرجل حقه فهو يستحق اوسكار افشل والي بامتياز ..
تحياتي
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: Abdullah Idrees)
|
اخونا عبد الله ادريس حياك الله
الهادي العوض يا خوي مشكلة المناصير برها ممكن تبقى ليهو دفعه كبيرة في إتجاه الفوز
بالنسبة لوالي الجزيرة مرشحك و المكتسح من بداية المسابقة
فالجماعة لما زنقوه بالمماطله في حل مشكلات الولايه قال ليهم انا قدمت استقالتي اكثر من مره وما قبلوها
الكلام ده كان في حي عووضة
الخلاصة الزبير فاشل حتى في إستقالتو
الله هونيني
وبمنا سبة الله هونيني والي البحر الاحمر إيلا مرق من الترشيح الاولي بالنسبة لي اكيد ما اشان انو ناجح لكن كم كيلو الأسفلت ومهرجانات الطرب والقناة الفضائية مرقتو من 10 الاسوء لكن ما بتمرقوا قطعاً من السيئين
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
الاخ محمد علي شقدي السلام عليكم ومشكور علي الترحيب
سبب ترشيحي لوالي شمال كردفان كفاشل اكبر هو لان ولاية شمال كردفان ولاية غنية بكل الموارد 1- الثروة الحيوانية بالولاية تقدر ب 34 مليون راس وتساهم الولاية ب 80 % من صادرات البلاد من الثروة الحيوانية 2- اما الزراعة الولاية تساهم ب 90% من صادرات البلاد من الصمغ العربي . وتوجد صادرات زراعية اخري مثل الفول السوداني والكردي والسمسم 3 - حقول بترول 4- ثروات معدنية غير مستغلة
بالرغم من هذة الموارد مازال انسان شمال كردفان يعاني من انعدام الخدمات الاساسية والسبب هو ان المركز دائما يرشح لنا الولاة الفاشلين او ممكن تقول المطيعين للمركز ودورهم الاساسي هو زيادة عضوية الحزب الحاكم بالولاية وجباية عائدات موارد الولاية وارسالها للمركز
- الخدمات الأساسية لإنسان الولاية من امان وعلاج وسكن وتعليم وخلافه
مياة الشرب : هل تعلم يامحمد علي في ولاية شمال كردفان وبالرغم من مواردها وعائداتها الضخمة مازال 70 % من المواطنين بالولاية يشربون من مياة الامطار التي تتجمع في الحفائر التي تشرب منها بهائمهم . ومشكلة مياة الشرب يمكن حلها بكل سهولة لان الولاية غنية بالموارد المائية (حوض بارا الجوفي + حوض النهود الجوفي + ابوحبل ) . لكن حكومة الولاية عاجزة عن التخطيط لاستغلال الموارد المائية
التعليم : بالرغم من موارد الولاية الضخمة مازالت 60% من مدارس الولاية مبنية من مواد غير ثابتة ( القش) . وعدد كبير من المدارس غير مكتملة الفصول واغلب طلاب القري يقطعون يوميا عشرات الكيلوميترات مشيا علي الاقدام للوصول لهذة المدارس .
الخدمات الصحية والعلاجية :
صفر كبير
المشاريع الجديدة :
لاتوجد اي مشاريع في عهد الوالي وكل المصانع بالولاية المملوكة لافراد والعاملة في مجال الصناعات التحويلية من زيوت وخلافة توقفت بسبب الجبايات وارتفاع التكاليف
العمل الجاد علي جلب حقوق الولاية من المركز :
العكس هو الصحيح . الوالي خادم مطيع للمركز ومهمتة ارسال كل عائدات موارد الولاية للمركز
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: فايزودالقاضي)
|
غايتو يا شقدي
كان تعمل في المسابقة دي بدون القيد الزمني
وبرضو الجزيرة حتتصدر
بدايةً من عبدالوهاب داك بتاع (علي الطلاق)
مروراً بسئ الذكر الشريف (بتاع كراتين المنقا)
الي الفاسق عبدالرحمن سر الختم (التحكيم فاشل)
ختاماً بالزبير الما بشير
تعريجة :
ناس الانقاذ ديل زمان في مدني دي عندهم حاجة كاسرة عينهم وبنتقمو ولا الحكاية شنو ؟
والله سؤال برئ
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: mwahib idriss)
|
سلام يا محمد
قريبك الزبير طلع ماسورة وماسوره كبيره وكنت عاوز ارشحه لافشل والى ولاية.
لكن لقيت نفسى حا اظلم الرجل الهمام وصاحب الانجازات الكبيره فى الفشل والفساد .
@احمد عباس والى ولاية سنار.
اغنى ولاية واقذر ولاية.
والفساد فاق حد الوصف.
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: بدرالدين الطائف)
|
Quote: ارشح
1- احمد هارون - جنوب كردفان
2- الزبير بشير طه - الجزيرة
3- عثمان يوسف كبر - شمال دافور
4- احمد عباس - سنار
4- الهادي عبد الله محمد العوض - نهر النيل |
يا شقدي:
الفيك إتعرفت.
مستكتر على دارفور حتى الفوز بأفشل والي، بينما يفترض أن يتم التقييم بناء على أعمدة الأمن، المعيشة، التنمية ( عناصر نجاح السوق)
وفي هذه الحالة فإن الأول وبلا منافس:
1 - عثمان يوسف كبر - شمال دافور، أطولهم عمرا في الحكم، وإنجازاته في المجالات الثلاث دون الصفر بسنوات ضوئية.
2 - حيدر جلاكوما- الكان نايم ولقا كومه، فولايته بغرب دارفور تفتقر للعناصر الثلاث ومدنها تخلفت لتصبح قرى تعج بالسلاح،
كل حروف اللغات الحية والميتة لن تصف تلك الأحوال....
3 - حماد إسماعيل، والي ولاية جنوب دارفور، وبمناصرة الإعلام له باطنا وظاهرا، فإنك تسمع جعجعة ولا ترى طحينا، فقد ورث
فوضى بالولاية( عندك كلاش تاكل بلاش)، لم يتمكن من حسمها، ومدة حكمه قصيرة وقصيرة جدا، إن لم يتدارك نفسه.
4 - محمد فضل الله شفاه الله وعافاه، فقد شغلته الأمراض البدنية، وربما النفسية بسبب ما وجده من ( تخلف) بالولاية.....
أما سعادتو الفريق الهادي عبدالله محمد العوض، فاظنه خارج هذه القائمة تماما بسبب ما قام به من تنمية ولايته وإنسانها.
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: إسماعيل وراق)
|
ألاخ محمد على شقدى
تحية و ألســــــــــــــــــــــــــــــــلام,
-| Quote: معتصم ميرغني زاكي الدين - ولاية شمال كردفان |
تعرف معتصم ميرغنى حـســـــــــــــــــــــــــــــــــــــــــــــــــين زاكى ألدين..........دايطلع مين
دا حفيد ألناظر حسين ود زاكى الدين ناظر عموم ألبيدرية خــــــــــــــــــــــــــــــــــــــــارة النار تلدى الرماد
هوى كوز لمن مصضى .. من زمن منظمة شباب البناء .أحدى روافض تنظيمهم ألســـــــــــــــــــــــــــــــــــــــــــــــــــــــــــــــــلامى ألمتعفن
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
انا برشح
الهادي عبد الله محمد العوض والي ولاية نهر النيل
الراجل دا انا ماعرف زي الضلو ميت ضلو ميت
معقول ياخ ولاية لا في اذاعة لا في تلفزيون ما نسمع بيها؟ ياخ جيبا لينا انشا الله في الدعايات نشوف اهلنا ديل الحاصل عليهم شنو؟
اوشكت ولاية نهر النيل ان تكون نسيا منسيا غايتو بعد شوية في الخريتة حقت السودان انا خايف نلقاها مافي
اصحي يا زول
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
الشياطين الـ 13
في ولاة جنوا على ولاياتهم وهدموا الفضل ومنهم والي شمال كردفان
لكن الولاية في الأصل وقبل ولايتو كانت بتعاني من مشكلات الخدمات الأساسية
ورغم الموارد ومساهمة الولاية في الصادر إلا أنها وعلى صعيد أبسط مقومات الخدمات بتجي الطيش
عشان كدا برشح كل ولاة الولاية من زمن كردفان الكبرى وبعد الانقسام لي شمال وجنوب وغرب وتوحيد الجنوب مع الغرب وفصل جنوب كردفان من غربها مرو أخيرة
كل الولاة في كل تلك الحقب برشحهم لي مرتبة الأول مشترك
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
أخي الكريم شقدي؛ لك التحايا مثنى وثلاث ورباع وأكثر...
اقول لك بما انني من الأقليم الشمالي؛ لا اعرف من هو الوالي بعد رحيل فتحي خليل. والسبب الذي يدعوني لذلك هو أنني لم أثق في من قبله ولن أثق في من يأتي بعده الى قيام الساعة ما دام هؤلاء التتار الرويبضة يحكموننا بالحديد والنار. الألم كبير والجرح غائر يا أخي في كل الوطن من اقصاه الى أدناه. فإن كان رئيسنا المغتصب للسلطة يتنقل بين المدن بعصاه راقصاً؛ فإن شيمة اهل الدار كلهمُ الرقص...
قيل قديماً الناس نيام حتى يموتوا فإن ماتوا استفاقوا!
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: عبدالأله زمراوي)
|
الاعزاء
سامى عبد المطلب - الزبير بشير قالوا يا سامي بحكي للجماعة لما كان في الجنوب قال ليهم وصلنا لحدي ما شفنا انوار كمبالا قام لي واحد قال ليهو ياخي كمبالا انساها خلينا في مدني ستي بتاعتنا دي أسه
حامد الغبشاوي - معتصم الزاكي واضح انو متجه بخطى ثابته نحو نيل جائزة الفشل الكبرى
عبدالمنعم الطيب حسن - اوعه يكون قصدك علي عثمان طه لانو البشير من وجهة نظري غطا حله
عبد اللطيف السيدح - تقدر تحفظك
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
فايزودالقاضي - يعني بقى عليكم الوالي والقاش في الهدم ( حاولت اتصل عليك مرات عديده تلفونك مقفول يا صاحبي )
فقير الدين احمد - ايوه خلي التاريخ صاحي
مواهب ادريس - صحي والي سنار عباس بكى لم سمع نكته عليهو طيب لما ولايتو تحصد نسب فلكية من الفساد مفروض انتحر ( اوعه تكونو ده الدايرنو)
بدر الطائف - فعلا الفساد والفشل فاق حد الوصف
حماد الطاهر عبد الله - بالجد الفينا اتعرفت ياخي الامان اهم مقوامات الحياة وناس كبر بعد ده مركبين الناس الماسير والدجل
اسماعيل وراق - المراجع العام ده تطير عيشتو اي ولاية افسد من التانية
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
Alamin Ibrahim · محاسب في محاسب بالسعودية
لا اعتقد ان هناك افشل من احمد عباس ، يكفي انه المال المنهوب 53% من ميزانية ولايته وهذا مع التحفظ حول تقرير المراجعه فبالله عليكم ماتنافسونا
Seeda Zaato · Khartoum University
النجيضه انو افشل والي هو والي القضارف لدرجة انو ما متذكرينو خاااااااالص وبالمناسبه اسمو الضو الماحي الراجل دا نزل انتخابات براهو وجاء الطيش نسبة التصويت بعد الخج 12% واعظم انجازاتو ارسل قافلة لي دعم غزة ونسبة الفقر في ولايتو98ٌ%
--------------------------
ده رأي أحبابنا في الفيس مع خالص التقدير لهم
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
اخونا صاحب البوست سلام
نكون ظلمنا بعض الولاة عندما ندرجهم فى قائمة مع احمد هارون و كبر
لان هؤلاء مجرمين و نحن نتحدث عن الفاشلين
حتى هنالك فاسدين لايجب ان نشملهم مع الفاشلين مثلا ايلا
غايتو الزبير بشير بتاع الجزيرة ده منافق بائن لا لبس فية
و عندنا فتحى خليل الله يرحمو فى الشمالية راجل مرسوم بقلم الفشل
اما خليفتو ابراهيم الخضر عايز ليهو قائمة براهو نسميهو قائمة البلادة
ياخى ده زول بليد بلاده مبالغة
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
سلام شقدي
لو ملاحظ ناس دافور الكبير ممتنعوووووووون عن التصويت ولسان حالهم كالاتي:
نعلن مقاطعتنا واضرابنا التام عن هذا البوست التي تخص المثلث حمدي الكبير وفي معلوميتهم بانهم مفصول تماما عن ما يجري في السودانكم
لان البوست لم تتضمن ايهما اكثر تقتيلا وازهاقا للانفس و كلكم تتحدثون عن التنمية والتطور ونحن نتكلم عن الموت و حق الحياة كالادميين
وانتم عن ولاية وشكلها ونحن عن تقسيم الاقليم الي ماشاء الله ولا زال حصر جاريا
وانتم عن منشاءات ونحن عن كم بيت وبئر تم ردمها
وانتم عن الامية ونحن عن عدد لا معدود من المدارس الذي بناه الاستعمار وليست الحكومات الوطنية تم هدمها
وانتم عن المستوي المعيشة والانسان الولاية وونحن نتكلم عن النسيج الاجتماعي ومدي ما وصل اليه بسببهم وغيرها من الاساسيات الحياة
بالمناسبة::
محمد علي الشقدي
انت زميلي من حنتوب عليه الرحمة
صاح ولا انا غلطان؟؟
من الداخلية كيلك
جارك في العنبر واحد اسمو
عبدالله سعيد ابره
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: Suleiman Todi)
|
نقطة نظام : يا ناس شمال كردفان
لنقارن بين مدينتى سنار و سنجة و الابيض و النهود
سنار عاصمة حصرية للملاريا فى العالم و تنافسها سنجة الحجل بالرجل
فى سنار بيعت السينما كمطية للفارس الهمام لعبور الصراط
سنار لا حرمة لملك خاص او عام عمك يبيع لوحده و يبلع لوحده دون ان يخنق
سنار مواردها اكثر من كردفان الا انها اليوم افقر من كردفان
الابيض بها مطار دولى سنار مطارها مزروب بالشوك
عمك فى سنار يتحدى و يسيئ لاهل الولاية و الماعجبو يمشى يشرب من الميعة
سنار يا ناس كردفان كلما اذن الاذان يتسابق الناس على الاباريق جرى وراء الرصيف
مدينة تفتقد المنافع العامة الناس تقضى حوائجها على اقرب حيطة
سنار الفساد و المحسوبية لا تقارن بكردفان
زولنا الاول و الثانى الى ال11 وى و من بعده يمكن لزولكم ان ياتى ان تمكن من اقصاء كبر
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
الأخ محمد على شقدى
لك التحية
كل الولاة دون إسثناء يتنافسون على المركز الأول وأكاد أجزم أنهم فى السوء
فى مرتبة واحدة ويصعب التمييز بينهم والنتيجة هى التدهور المريع والمتسارع
الذى أصبح ديدن كل الولايات والفساد الذى خرج من قمقمه وصار يضرب ذات اليمين وذات
اليسار دون كابح .
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: جمال خضر)
|
العزيز - ادم عمر - ليس الوالي من قال والدي وجدي - ده ما بعيفهو من نيل شرف السوء الولائي
استاذي - يوسف محمد طاهر - الاكيد انو معظم الولاه الفشله في السودان هدفهم الاساسي للحفاظ علي مناصبهم هو ارضاء المركز وهي اسهل بكثير من التنمية والتعمير
بلدياتنا - بكري الخير - نص اهلنا في عطبرة الوالي الهادي ده من خلالهم زول منتهى الفراغ اقصى اما نيه انو يجي البشير ويعرض معاهو
العزيز - تبلدي - مشروع الفشل ضرب جذور الشجر الكبار بعد ما مص الثمر فعبر تاريخ المشروع ده كانت الجباية وبيع الاصول والتخلى عن عبء التنمية هي زادو الاوحد في الطريق
استاذي - عبد الأله | Quote: الناس نيام حتى يموتوا فإن ماتوا استفاقوا |
والناس في بلدي يا شاعرنا الأنيق تعيش بوعي أو بدونه على ضوء الصبر ألا منتهي إلا بمماتهم فممات الوالي الفاشل يخلق خانه لوالي آخر أفشل
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
عبدالحميد شيكان · Khartoum, Sudan
افشل والي في تصوري والي شمال كردفان معتصم ميرغني زاكي الدين
عبدالحميد شيكان · Khartoum, Sudan
لن نستطيع أن نحل مشاكلنا المزمنة بنفس العقلية التي أوجدت تلك المشاكل عبد الحميد شيكان
Mosab Saleh Hassan · Kordofan University
لا يوجد من هو أفشل من معتصم زاكي الدين ~ والي ش كردفان ..
مازن كرار · حسونة الثانوية
ياشقدي سلام : افشل والي هو معتصم ميرغني
-----------
تعليقات فيسبوكيه أخرى لهم جمعياً التحيه والتقدير
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
الاعزاء
جمال ود القوز
نايف - جمال الخضر
سليمان - كان يكون لي عظيم الشرف لو زاملتك عزيزي ودرست في حنتوب ولكن عائلة شقدي في مدنى كبيرة نسبياً - لك كل التقدير
كلهم كما وضحتم و عند الكثير والكثير جداً من افراد الشعب السوداني مسؤلون من هذا التدهور المريع في شى المجالات من رئيسهم الي اصغر معتمد
ولكن لنكن اكثر انصاف فان منهم بحق المجرمين والفاشلين
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
وجب علينا أن نسبعد المجرمين من التصنيف وهم احمد هارون - وولاة دار فور يمثلهم كبرهم كبر ولا يمكننا اعفاء الهادى بشري من ذلك
اما جائزة الفشل في هذا البوست فقد نالها- معتصم زاكي الدين - شمال كردفان
والتاني فاشل مشترك هو الزبير بشير طه - الجزيرة و احمد عباس - سنار
يليهم في مراتب الفشل الكبرى ولاة - كسلا - نهر النيل - النيل الابيض - ولايعفى المكلفين في الشمالية ووالي القضارف الجديد
ومشروع التغيير عبر ثورة حقيقية هو الطريق الوحيد للخروج من هذا وحل الفساد والفشل
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: محمد علي شقدي)
|
((سليمان - كان يكون لي عظيم الشرف لو زاملتك عزيزي ودرست في حنتوب ولكن عائلة شقدي في مدنى كبيرة نسبياً - لك كل التقدير
كلهم كما وضحتم و عند الكثير والكثير جداً من افراد الشعب السوداني مسؤلون من هذا التدهور المريع في شى المجالات من رئيسهم الي اصغر معتمد
ولكن لنكن اكثر انصاف فان منهم بحق المجرمين والفاشلين))
في اوائل التسعينات
في عهد الاستاذ احمد بابكر جاويش
مقيم الداخلية كيلك صلاح ركز
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: د.يوسف محمد طاهر)
|
Quote:
يا خي انت ما شفت صورة الزبير وهو شايل مقشاشه بكنس في الولاية |
الزبير ده يا شقدي واحد من الادله التى يمكن ان تساق على وحدانية الله جل وعلا وانه اى المولى عزوجل يفعل ما يشاء.. فهو رجل يمثل حالة الهوس فى اوضح صورها فحين كان مديرا للجامعه ذهب للجهاد تاركا وراءه كم هائل من المشكلات وحين ولى امر الجزيره فضل رمزية حمل (المقشاشه ) على معالجة مشكلات الولايه التى كانت سببا فى ان ترعد مصانع النسيج فى لانكشير ..يا شباب الفرق بين ولاة الانقاذ فرق مقدار ونسال الله العلى القدير ان ياخذهم اخذ عزيز مقتدر بحق من قتلوا ومن ظلموا انه على ذلك قدير.
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: منير عثمان)
|
والي شمال كردفان بامتياز أفشل الفاشلين
شمال كردفان هي رابع ولاية في السودان من حيث التعداد السكاني
بها من الموارد الطبيعية والزراعية والثروة الحيوانية مايكفي لجعلها جنة في الارض
أخيرا دخلت شمال كردفان ضمن المصدرين للذهب (التنقب العشوائي ) فصدرت خلال العام الماضي
15 طن من الذهب الخالص ، الا انها مازالت تعاني من فقر في الخدمات الانسان والحيوان يشربون من حوض واحد
الابيض عاصمة الولاية تعاني الان من العطش والظلام رقم دخول كهرباء سد مروي ، الفساد كبير هيئة مياه المدن بشمال
كردفان فاق المليارات ، تقرير المراجع العام ارقامه مهول في ازدياد عام بعد عام ،، المحليات حدث ولاحرج تنعدم فيها الخدمات
تماما ،،، صحي النار بتلد الرماد !!! نضيف اليه بالاشتراك احمد عباس
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: معتز يوسف نجم)
|
Quote: 318 مليار جنيه حاجة بسيطة ....!!!!!!!
ـــــــــــــــــــــــــــــــــــــــــــــــــــــــــــــــــ
الفاتح جبرا - ساخر سبيل
(حسن سينما) عليه رحمة الله كان من شخصيات بيت المال المشهورة وهو من أوائل من وضعو على محالهم يافطة (ترزي نسائي) وقد كان رحمه الله شخصية لطيفة ومحبوبه صادقته حيناً من الدهر في ثمانينات القرن الماضي وعرفت فيه معني (اللطافة) والذوق والتهذيب وكان من فرط تهذيبه له عبارة واحدة يرددها إذا إختلف مع شخص مهما كانت حدة الإختلاف إذ كان يقول له : (ياخ إنتا زول عديم إحساس) !!
تذكرت (حسن سينما) وأنا أقرا خبراً عن كشف المراجع العام لإعتداءآت علي المال العام بولاية سنار بلغت 318 مليون جنيه و314 جنيها، من جملة ميزانية الولاية والتي لاتقل عن 600 مليون جنيه !!
يعني القصة فاتت ذلك المثل الذي يقول (ادى العيش الى خبازو ولو ياكل نصو) والذي أصبح يحتاج إلى تعديل طفيف حتى يواكب (المشروع الحضاري) ليصبح بعد التعديل (ادى العيش الى خبازو ولو ياكل تلات ترباعو) !
طيب والـ 282 دي خالينها ليه؟ نظام (شفقة وحنية) على المواطنين وللا الفهم شنو؟!
طيب تعالو نشوف ماذا قال رئيس اللجنة الاقتصادية بالمجلس التشريعي بالولاية المنكوبة الأستاذ (يوسف محمد عثمان) :
قال سيادته واصفاً حجم هذه المخالفات بـ (القليلة) مقارنة بالميزانية الكلية للولاية ! يا حضرات القضاة والمستشارين ويا هيئة علماء السودان ويا اعضاء المجمع الفقهي .. ويا لجان الحسبة بالمجلس الوطني والمجلس الطبي والمجلس البلدي ومجلس الأمن ويا من تطالبون (الوزيرة) بغطاء الرأس ... السيد رئيس اللجنة الإقتصادية بالمجلس التشريعي لولاية سنار بيقول 318 مليار جنيه حاجة بسيطة .. 318 مليار جنيه حاجة (بسيطة) في بلد تتوقف فيه ماكينات غسيل الكلي بسبب (كم مليون) فيخرج المرضي محتجين ليلقوا بأجسادهم الواهنة على ظلط شارع المستشفي .. الله يرحم حسن سينما !
ولم يكتف رئيس اللجنة الإقتصادية بالمجلس التشريعي لولاية سنار بتبسيط المسألة بالرغم من جسامتها وكارثيتها بل صرح بان الامر مقدور عليه .. تفتكروا مقدور عليهو ليه؟ يجيب سعادته : (لانها في النهاية اخطاء بشر) ؟ وهنا فليسمح لي السيد (يوسف محمد عثمان) أن اخالفه الراي إذ ان هذا النوع من (الهبر الجماعي) لا يمكن أن يقوم به بشر .. قول أبالسة ... قول شياطين (كده ممكن) لأن هذه المسألة تستعصي على أكثر البشر (تدرباً وإحترافاً على اللصوصية) ... يا اخي لو أن هذه الميزانية وضعت في العراء (يعني في السهلة) ليأخذ منها السابله (واللصوص) لتبقى منها أكثر من ذلك ! الله يرحم حسن سينما
نعم ليس هنالك من شخص في الدنيا أو جماعة تستطيع القيام بإختلاس اوتبديد أكثر من نصف ميزانية ولاية (او مقاطعة) وهذا رقم إن تم تسجيله في موسوعة جينيس لما تم كسره حتى يرث الله الأرض وما عليها !
أما تصريح سيادته بأن الأمر مقدور عليه فقد قمت بتركيب الفهامة علني أستطيع فهم مسالة (الأقتدار) دي لكن الفهامة لم تسعفني بل خاطبتني قائلة : عليك الله هو لو في إقتدار كان (صار) ما (صار) ؟
إلى هنا عزيزي القارئ المسألة بس محتاجه ليها شوية (إسعافات أولية) لكن لو (ركبتا راسك) وعايز تواصل المقال وتعرف خاتمة تصريح السيد رئيس اللجنة الإقتصادية بالمجلس التشريعي لولاية سنار فواحد من إتنين يا تبلع حبوبك وللا بعدين القصة ح تجيب ليها (عناية مكثفة ) وإحتمال (أحمد شرفي)
على طريقة (عارف وصيوان عرس البت) والتي تجعل من (مال المسلمين) وممتلكاتهم شأناً (خاصا) الزول يعمل فيهو (العاوزو) قال لا فض فوه (نحن مع التقويم وليس التجريم) ... يعني سادة يا أفاضل بالعربي كده (لا بلاغات لا محاكم ولا يحزنون) .. تجريم أيه يا سعادتك هي الناس دي عملت (جريمة) وللا حاجة (وحشة) لا سمح الله .. هم شويتين مليارات من الميزانية .. الجماعة ديل بس شالو (النص وزيادة) وخلو (للمواطنين كوووولهم) الباقي (دي فيها حاجة؟) !!
العبدلله بيفتكر التقويم (برضو حلو) عشان كده بيقترح على (حكومة سنار) يقوموا كده يجمعوا الناس(اللهطت) القروش دي ويصلوا (المغرب) جماعة وبعد الصلاة يقولو ليهم .. يا جماعة كمان ما تبالغو .. 318 مليار حته واحدة؟ خلوها حلوة .. مية مليار .. ميتين هي الدنيا طارت ما الميزانيات الجايات أكتر من الرايحات !! الله يرحم حسن سينما !! |
نسجل كامل اعتراضنا على النتيجة المعلنة بتفوق زول شمال كردفان على زولنا السنارى < التحكيم فاشل >
نرفع الامر لسيد الحوش الاخ بكرى ابوبكر مشفوع بالادلة فحادثة لهط اكثر من نصف الميزانية تكفى لزولنا
لاحراز المرتبة الاولى على مستوى العالم و على امتداد التاريخ البشرى
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: mwahib idriss)
|
يا مواهب إنظري الجزء المليان في الفشل بإقتران والي سنار في المرتبة الثانية بوالي الجزيرة الذي في عهده تم إنهيار و (تشليح ) اكبر مشروع زراعي في افريقيا ( كما درسونا )
حبيبنا سليمان إختلط عليك الأسماء يا صاحبي أنا درست الثانوي في السني حيث الأساتذه قرفا و الفاضل السنوسي ومامون و محمد علي كيمياء
يا دكتور محمد الزيبر بشير ده رجل تربطنا به أنساب وصداقات وجزيرة الفيل فما تضغط عليه أكتر من كده تحياتي
| |
|
|
|
|
|
|
|
|
|
Re: مسـابقة أكتر والـي ولايـة فاشـل (Re: معتز يوسف نجم)
|
الاعزاء
منير - فعلاً في هذا العهد مقاييس الفشل اصعب بكثير من تحديد درجات النجاح
معتز يوسف - بصراحه عندما دار في ذهني هذا التسائل لم اكن اتوقع ان يكون هذا المعتصم هو نجم الفشل الوائي بعد ان استبعدنا مجرمين الحرب الكبار
| |
|
|
|
|
|
|
| |
محمد علي شقدي
محمد شيخ الدين ابراهيم
Abdullah Idrees
Imad Khalifa
Artiga Gilani
حامد الغبشاوي
سامى عبد المطلب
عبدالمنعم الطيب حسن
عبد اللطيف السيدح
فايزودالقاضي
FAKHER ELDEEN AHMED
بدرالدين الطائف
حماد الطاهر عبدالله
إسماعيل وراق
Adam Omer
د.يوسف محمد طاهر
بكري الخير
جمال ود القوز
نايف محمد حامد
Suleiman Todi
جمال خضر
د.محمد بابكر
منير عثمان
معتز يوسف نجم
فيس بوك
تويتر
انستقرام
يوتيوب
بنتيريست