عاشق وصل لدرجة اليأس يقول لمحبوبته .. ياخي من الآخر كدا لو عاوزة نفضها سيرها نفضها ... ولو بتقولي ناس كتار متقدمين ليك زي الكلية الحربية اختاري منهم واحد وخارجينا ..
لدرجة انه يتمادى ويقول لها
يا عايش في دنيا من اوهام خيالك
يا تاعب ضميرك وما رضيان بحالك ..
دا الكلام الراجل وصلة مرحل يقول لها ة يا موهومة وعاملة فيها بنازير بوتو
01-23-2013, 02:24 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
ياااااااااااااااااااااااا درديري ما عذبتنا المكان ده بقى شبه فاضي - إلا من رحم ربي - فما تكمِل لينا كل الكوته في ربع واحد خلي بوستاتكـ تشحم شوية ونتونس فيها - قراية طبعاً - وبعدين تقلب لينا الصفحة يمكن حلاوة الموضوع وطريقة طرحو ترجِع باقي الأقلام الراحت عارف جعبتكـ مليانة أفكار حلوة بس ياخي فترتنـــــا
الجواب الجانا من كسلا سالنا من وين قالو من مدنى امبراطورية البريد انهارت فى السودان ذلكم انهيار احزننى على صعيد شخصى لما تلك المؤسسة فى نفسى من علائق لا تفضها الايام حيث ارتبطت لدى بالاغنية والقصيدة والابداع الذى خرج لدنها فمن منا لا يذكر حملتك خطابى يا ساعى البريد للسافر وطول فى البلد البعيد السافر عشانى ما قصدو الغياب داير يبنى نفسو زى كل الشباب ويرجع لى تانى ينسينى العذاب وهو كان اداة تبشير للنساء اللاتى يسافر ازواجهن فى الداخل او الخارج فتكون الوسيلة الوحيدة هى (الحوالة ) التى تجئ دائما فى وقتها تحملها يد ساعى البريد الحانية وهو من كان يركب(عجلة ) اذكر انه كان فى ميدان الربيع منفذ للبريد نمضى البه حين يرسل لنا والدى الابيض الحوالة اول كل شهر حين نكون فى الاجازة فى امدرمان نمضى الى هناك ونصرف الحوالة بعد ان يكون قد حملها ساعى البريد فى شكل اخطار للصرف كان محمود تاور الفنان فى ذلك الوقت يتعلم كيف يغنى وكنا اول مستمعيه يجئ الينا فى البيت ( العباسية ) حاملا عوده فخور انه يحفظ ( رسايل ) الكاشف حبيبى اكتب لى وانا اكتب ليك فيربط الى وثاقنا البريد وما كان يعنى وحين غنى الفنان كمال ترباس اغنيته الاشهر رسلت ليك اجمل خطاب لليلة ردك ما وصل كنا نحنق من رجل البريد لان الاغنية تضرب فى وتر الخاص لان الاغنية احيانا تنطوى على تجريم لساعى البريد امكن يكون ساعى البريد عجبو الكلام نايم عمل رغم علمنا ببراءته ومن الممكن ان تكون (الحبيبة ) هى (الزعلانه ) فى مصر فى احصائية عن البريد انه ( ما زال متطورا ولا زال يؤدى دوره بحيوية رغم وجود شركات منافسة ويبلغ موظفو البريد خمسة واربعين الف موظف ،وهو هيئة تابعة للدولة ) حين المقارنة نجد ان الدولة لدينا تعانى من قصور النظر لان البريد ما زال فى كل انحاء العالم رغم البريد الاليكترونى يشكل حضورا وما تزال الاغنيات فى الشان البريدى تغزونا خاصة اغنية( البت الشترا ) الجواب الجانا من كسلا سالنا من وين دا قالو من مدنى وما يزال البريد يخرج لنا مبدعين شعراء ومغنيين صلاح مصطفى ، مصطفى سند ، احمد مصطفى الحاج القاص ، وغيرهم لكننا نهفو الى مكاتب البريد وبنات البريد والتلغرافات التى تاتى معلنة خبر زواج او حتى خبر وفاة الذى كان يجئ عبر التلغراف والذى لا يسلمه البوسطجى الا لشخص كبير راشد وعاقل ، لكن تظل الخدمة البريدية محببة الينا ونفتقدها كثيرا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمران حسن صالح
سلمى الشيخ سلامة
فيس بوك
تويتر
انستقرام
يوتيوب
بنتيريست