|
|
|
 Re: رونالدو البرازيل هل هو اعظم لاعب انجبته الملاعب حتي الان (فيديوهات (Re: Maawya Hussein)
|
..| Quote: رونالدو لويس نازاريو دي ليما (بالبرتغالية: Ronaldo Luand#237;s Nazand#225;rio de Lima)، المعروف برونالدو، رونالدو لويس نازاريو دي ليما لعب كرة قدم سابق اعتزل اللعب في شهر فبرير 2011، ولد في 22 سبتمبر 1976 في بنتو ريبيرو في ولاية ريو دي جانيرو في البرازيل، لاعب كرة قدم برازيلي كان هداف كأس العالم لكرة القدم 2002 برصيد ثمانية أهداف ،اختير من قبل بيليه كأحد أعظم 125 لاعب حي في العالم في مارس2004، وقد فاز رونالدو مع (منتخب البرازيل لكرة القدم) في كأس العالم لكرة القدم 1994 وكأس العالم لكرة القدم 2002، وفاز بجائزة أفضل لاعب بالعالم ثلاث مرات في أعوام 1996 و1997 و2002. |
لاعب جمع بين الموهبه والقوة والمهارة والسرعة والاخلاق ..لاعب رغم بروز نوابغ كرويه مثل ميسي ورونالدو ورونالدينهو لم تستطع ان تجمع بين صفاته ومهاراته المتعددة ..شارك مع منتخب بلادة وهو ابن الـ18 عام واعتزل اللعب وهو ابن الـ34 عاما ..لاعب او ظاهرة في رايي لن تتكرر في الملاعب العالميه من جديد
| |
  
|
|
|
|
|
|
|
|
Re: رونالدو البرازيل هل هو اعظم لاعب انجبته الملاعب حتي الان (فيديوهات (Re: Wael Jabir)
|
يا معاوية انا ما شايف الفديوهات ..
لكن رونالدو عندو معجزة إسمها العودة اكثر قوة بعد كل إصابة خطيرة تتوقعو بعدها ما يدقها تاني..
وأهم ميزة لي رونالدو إنو متى ما نوى يرجع نجم بيرجع ..
زول عندو القدرة على التحمل بي صورة ما عادية ..
بيظهر ليك في بداية الموسم وبعد الإصابة بي وزن ممكن يكون 90 كيلو..
بيغيب ليهو إسبوعين بس تمارين بيرجع وزنه 65 كيلو ..
ما حبيتو أبداً لي سبب واحد إنو أضاع الحلم الألماني وانا العاشق لألمانيا في نهائي 2002 بي حلاقتو المسيخة والقونين الحاراااات ..
| |
|
|
|
|
|
|
|
|
|
Re: رونالدو البرازيل هل هو اعظم لاعب انجبته الملاعب حتي الان (فيديوهات (Re: صبري طه)
|
شكرا معاوية على البوست الماتع
أتحت لينا فرصة نادرة للنظر و المقارنة
خاصة فيديو the best player in history
فعلا رونالدو البرازيلي يتميز بالقوة و السرعة زي ما قال صبري
و هو إختياري هنا رغم عقدة مارادونا و بيلية النشأنا عليها
صحيح بيلية فلتة زمن غابر و قديم, و دي ميزة من ناحية تاريخية يعني! على قلة السوبرستار آنذاك!
مارادونا ستايله مميز بحسب تكوينه,
ميسي ذهنيته حادة و سريعة و مباشرة
كريستيانو متأثر بالبرازيليين, ذكي و .. إستعراضي
زيدان لعاب و مزاجه شرق أوسطي, يعني كورة فيها جينة شرقية..
عجبني رونالدو أكتر,القوة و المتعة و بشتنة المدافعين بالجملة!
| |
|
|
|
|
|
|
|
|
|
Re: رونالدو البرازيل هل هو اعظم لاعب انجبته الملاعب حتي الان (فيديوهات (Re: محمد حيدر المشرف)
|
Quote:
رونالدو هو الاسطورة الكروية التى أؤمن بها وأعشقها يا حسين .. "شكرا على الفيديوهات"
ميزة رونالدو الاساسية كانت إجباره لمدربين الخصوم أن يلعبوا بخطين دفاع ..
ربما يكون ميسي كذلك ..
الا أنى منحاز تماما لرونالدو ..
ويعود اليه الفضل فى تشجيعى لريال مدريد وحتى الآن .. |
امتع حاجه في سودانيز اون لاين تلاقي فيهو ناس التقول بتقرا افكارك
وناس تعبر عنك كما فعلها دكتور المشرف ومعاوية حسين لفتحه هذا البوست
الذي كان رغبتي في وقت سايق بوضعه هنا وان اقدمه هدية لقراء سودانيز اون لاين مع حديث عن الاسطورة الكروية رونالدو
بقول اضافة بسيطه لكلام الاخوان هنا كان في مدرب هولندي اول ما لعب رونالدو خارج البرازيل بس ما متذكر اسمه
دا اول زول اكتشف بان رونالدو حاجه غير طبيعيه وقال مافي انسان بتجتمع فيهو القوه والسرعه والمهاره في وقت واحد وهو اول من تنبا بان رونالدو ظاهره كونية في الملاعب
كنتاضحك عندما اره ينطلق بقوه وبنفس القوه يحاور الحارس ويدخلها الشباك مافي حارس ما رقدوا سلطه
وحطم اسطورة الحارس العملاق الالماني الوفر كان ( قلب الاسد ) وعجبني ليك ياعمر الفاروق لان في هذه الدور كنت متعاطف مع رونالدو جدا
وكرهت انانية ريفالدو معه وبعد دا هزم المانيا شر هزيمه
Quote: يا معاوية انا ما شايف الفديوهات ..
لكن رونالدو عندو معجزة إسمها العودة اكثر قوة بعد كل إصابة خطيرة تتوقعو بعدها ما يدقها تاني..
وأهم ميزة لي رونالدو إنو متى ما نوى يرجع نجم بيرجع ..
زول عندو القدرة على التحمل بي صورة ما عادية ..
|
يتخيل لي هذا هو سر رونالدو الذي جعله يكون ظاهره كونية
غير الاصاابات الزول دا مره بظروف نفسية ما عادية ومرضية ايضا ( البول لا إرادي )
وانفصال عن عن زوجته التي كانت تعشق شخص اخر
بعد كل هذه الظروف يزداد قوه وجبروت في الملاعب لا تستطيع ان توقفه كل الترسانات التي توضع له
Quote: بيظهر ليك في بداية الموسم وبعد الإصابة بي وزن ممكن يكون 90 كيلو..
بيغيب ليهو إسبوعين بس تمارين بيرجع وزنه 65 كيلو ..
ما حبيتو أبداً لي سبب واحد إنو أضاع الحلم الألماني وانا العاشق لألمانيا في نهائي 2002 بي حلاقتو المسيخة والقونين الحاراااات .. |
65 كيلو شنو ياعمر الفاروق الزول دا وزنه حصل 97 عديييييييل وسرعته وقوته لم تتغير وكأن مافي حاجه حاصله 65 كيلو دا بتوقفنا نحنا بس ياعمر الفاروق
ولو متذكر كان اكثر اهدافه في كاس العالم بسن الجزمه
.
.
معاوية ابدا ماحرمت الناس من مشاهدة امتع شي في كرة القدم السرعه القوه المهاره في وقت واحد
| |
|
|
|
|
|
|
|
|
|
Re: رونالدو البرازيل هل هو اعظم لاعب انجبته الملاعب حتي الان (فيديوهات (Re: Maawya Hussein)
|
يا معاوية ..
أييي لاعب ينضم فيهو بيليه ويقول ليك ده لاعب المستقبل طوااالي ترمي طوبتو..
بيليه ما بيعرف الزول اللعاب من الزول الما لعاب ..بيليه ما عندو بعد نظر أصصصلو ..إضافة لي إنو زول كج..
أيي منتخب يرشحه بيليه في كاس العالم بيطلع من دور ال16 كان بااالغ
أي لاعب يتنبأ بمستقبله بيليه بيفشل بعد موسم واااحد بس..
نيمار عامله البرازيلييون كما يتعامل الانجليز مع نجومهم..الصناعة والهالة الإعلامية وأسمع جعجعة ولا أرى طحين..
نيمار ليهو تلاتة سنوات أندر فوكسينق ولحدددي اللحظة ماشي من سيئ لي أسوأ..
اللاعب هازارد ده لو خت الرحمن في قلبو ما سااائل في نيمار ده..
| |
|
|
|
|
|
|
| |
Maawya Hussein
Muhib
محمد حيدر المشرف
Emad Ahmed
Wael Jabir
عمر الفاروق
المعز ادريس
وليد عبد اللطيف
فيس بوك
تويتر
انستقرام
يوتيوب
بنتيريست