|
|
|
 Re: بكل حماس ارفع راسك ونادي انا انقاذي من الساس لين الراس (Re: فرح الطاهر ابو روضة)
|
| Quote: بكل حماس ارفع راسك ونادي انا انقاذي |
نديك شعار تاني !!!!!!!!!!!!!!!!!
أرفع راسك ونادي بأنك كوز إنقاذي غازي للسودان .. ملوث للدين ... مقطع الاوصال .. مثير النعرات
ملأت الدنيا ضجيجاً وصخباً وشطرت الوطن أرضاً وقلبى .. سفكت الدم بحوراً إستبداداً وتجبرا
تعشقون بخور الاجساد تعذيباً وحرقى .... أرفع راسك أمامك كوز يجيد القدر تسلقاً وتملقاً
| |
 
|
|
|
|
|
|
|
|
Re: بكل حماس ارفع راسك ونادي انا انقاذي من الساس لين الراس (Re: ود الباوقة)
|
أردم أردم ما تجيبو حي .........أردم يا خي .........طالما في بعض الاخوة ...ظلو يسبون سيدكم الرئيس انت قاعد تعمل في شنو ؟؟؟؟؟اردم ياخي .....
طالما هناك بعض الاخوة وكمان في بعض المنتديات "لاحلوااااااااااااة" يسبون سيدكم الرئيس يحق لك ان تعدمهم ان تقتلهم لانهم اساءو لولي نعتهم وهو القائد وهو الرئيس دائماً....... مالاح الحمام ........
لا تسبهم ياخي فانت سليل الاسلام فيجب عليك ان تردمهم كما اصووك اخوتك في الجنة انشاء الله وشركاءك في الحور العين ........ فعليك بالردم .......لا تسخر منهم ولا تلعنهم فان لعنتك لا شك ستصيبهم في رزقهم في ماكلهم في اولادهم ......ولكن فقط عليك بالردم ايها الفارس الرادم ...
وهم لم يحالو للصاح العام ولا حاجة .......لكن لعنة الاسلامين هي التي اودت بهم الي في ضنك العيش والفقر .......ارجوك لا تدعو عليهم فقط اردمهم .......
| |
|
|
|
|
|
|
|
|
 Re: بكل حماس ارفع راسك ونادي انا انقاذي من الساس لين الراس (Re: الفاتح شلبي)
|
Quote: بل ويتجرأ البعض منهم
في سب أولي الامر فيهم من قائد المسيرة ونائبة الامين0 |
يااااا عمر دى لكن بالغت فيها .....قلت لى يتجرأ .......؟
غايتو هى قريبة من يتجزاء.......!!!
الزول حكى بلسان التابعين الاولين وجعل (مش الفى الخريطة والجرى وكده) جعل من يجعل فهو صائر
جعل من عمر وعلى (شوفوا الصدف ) صحابة منزهين عديل كده.....!
شقى لكن يا دفعة .....!
حضرتك كدة ولا بتهزر ساااااااااااااااكت.
| |
|
|
|
|
|
|
|
|
|
Re: بكل حماس ارفع راسك ونادي انا انقاذي من الساس لين الراس (Re: بدرالدين الطائف)
|
هلا وسلامات حبيبنا يا بدر الدين ..
قائل البيت اعلاه هو القائل أيضاً :
فإن يأتكُمْ منِّي هجاءٌ *** فإنّما حَبَاكُمْ بهِ مني جميلُ بنُ أرْقما
تجلّلَ غدراً حرملاءَ وأقلعتْ *** سحائبُهُ لمّا رأى أهلَ ملهَمَا
فهلْ لكُمُ فيهَا أليّ فإنّني *** طبيبٌ بما أعيَا النّطاسيُّ حذيمَا
فَأُخرِجَكُم من ثوْبِ شَمطاءَ عارِكٍ*** مُشَهَّرَة ٍ بَلّتْ أسافِلَهُ دَما
وَلَوْ كانَ جارٌ مِنْكُمُ في عَشيرتي *** إذا لرَأوا للجار حقّاً ومحرمَا
وَلَوْ كانَ حَوْلي من تميمٍ عِصَابة ٌ *** لمَا كانَ مَالي فِيكُمُ مُتَقَسَّما
ألا تَتّقُونَ الله إذْ تَعْلِفُونَها *** رضيخَ النَّوى والعُضِّ حولاً مجرَّما
وأعجبَكُمْ فيهَا أغرُّ مشهَّرٌ *** تلادٌ إذا نامَ الرّبيضُ تغمغما
اما المناسبة فلا علم لي والله..
أما المعني.. فببطن الشاعر كما يقولون .. 
| |
|
|
|
|
|
|
|
|
|
Re: بكل حماس ارفع راسك ونادي انا انقاذي من الساس لين الراس (Re: عمر عثمان عبد الوهاب)
|
أنا غايتو عن نفسي الامارة بالسوء كل حياتي أنتمي لحزب البهجة والمسرة وفكرت لحظات
أصبح كوز بين ليلة وضحاها فشاورت شيطاني في الامر ولكنه أحبطني وقال لي الجنوب انفصل
وثلاث أرباع الغله راحت معاهو والخزينة خاوية علي عروشها والشبع شبع زمان فعدلت عن رائي
لانو ببساطة مستحيل أصبح أهتف للرجال وهم يكدسون في الاموال. وأسع علي أستعداد أي حزب
يستقطبني كيزان ، أحزاب الطائفية ،علمانية ،ليبرالية أنشاءالله حزب الشيطان زاتو بس الكاش بيقلل
النقاش وعشت شعبا لكل حكومة
| |
|
|
|
|
|
|
|
|
|
Re: بكل حماس ارفع راسك ونادي انا انقاذي من الساس لين الراس (Re: سمير شيخ ادريس)
|
سلام ياود عبدالوهاب عثمان
سبحان الله في طبعكم ياخ
الواحد لو عارفكم كده كان جا داخل ويشتم ويسب في الانقاذ
ولا دي الراي والراي الاخر حقتكم
طريتونا اهلنا المريخاب يكونو خمسه يلمو في هلالابي يكرهو في الدافوري
بعدين القرايه والكتابه قلنا ليكم ضعيفين وشكرا لنصائحكم الغاليه
في اصلاح شخصنا الضعيف للتعلم
طيب مادامكم هنيين ورضيين كده نصائحكم دي ماتحاولو
تصلحو بيها حال الانقاذ وتنقذو البلد
--
بلدكم دي مالها تجيب الطشاش كلها عثمان وعبدالوهاب وعمر وعلي
| |
|
|
|
|
|
|
|
|
|
Re: بكل حماس ارفع راسك ونادي انا انقاذي من الساس لين الراس (Re: وضاحة)
|
Quote: سبحان الله في طبعكم ياخ
الواحد لو عارفكم كده كان جا داخل ويشتم ويسب في الانقاذ
ولا دي الراي والراي الاخر حقتكم |
الاخ عمر
يبدو ان تجربتك بسيطة وشايلك الحماس اكتر من اللازم وما قدرت تفهم وجهة نظر الناس والمكان دة
مافى زول حجر عليك اختيارك ولا كنا ح نصفق ليك لو جيت داخل شاتم للانقاذ .. انت البتحاول تحجر راى الناس وتفرض رايك
لكن بوستك مستفز لانك انطلقت من مسلمات انت شايفها صاح وحبيت تفرضها على الناس
يعنى ما ممكن تطلب من الناس على اختلاف مشاربهم انهم يرفعوا راسهم ويفتخروا بانقاذيتهم وانها معسكر الشرفاء
الناس كتار عندهم غباين من انقاذك الاتفصل والاعتقلوه والفصلوه هو او قريب او صاحب ليه
فتجى انت بكل بساطة عايز الناس دى تتناسى غباينها دى وتترفع راسها وتهتف معاك .. مستحيل طبعا .
انت فى رقبتك دى قول انا انقاذى ودة خيارى وبعتقد فى صحتو وبرفع راسى .. شوف البشتغل بيك منو
لكن ما تستفز الناس وتفرض عليهم وضع ولما ما يوافقوك ويدافعو عن خياراتهم تقعد تجقلب
| |
|
|
|
|
|
|
| |
عمار عبدالله عبدالرحمن
أيمن محمود
عباس الدسيس
بدرالدين الطائف
فرح الطاهر ابو روضة
الجنيد حمد
هشام عباس
بشير أحمد
سامى عبدالله
الفاتح شلبي
HAIDER ALZAIN
ibrahim alnimma
عبداللطيف شريف على
عادل الباهي عبدالرازق
خضر الطيب
وضاحة
كمال سالم
حامد بدري
محمد البشرى الخضر
محمد حبيب الله
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست