|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: يا صاحبي الدكتور خليهو اسمع كلامي انا دا..
انت مافي شي بجيبك واطة غير سهرك العجيب دا..
امبارج تاوقتة للمنبر 4 صباحاََ شايفك متحكر قاعد..
ما تقول لي انت المصحيك لــ4 صباحا شنو .. كنت شغّال:) |
إنت مالك داير تبقالي في رقبتي زي وضاحة ؟؟؟.
يا أخي أنا لي 17 سنة شغال ليل. الوآحد قرّب
يبقى خفاش. والله صحي.
أها أيه رايك هسّع قايم علي الشغلآنية المابتكمل دي،
وبعدين بجي أشوف إتهام ود الملك دا !!!؟
التحايا ليك والأُسرة الكريمة...
| |
 
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
| Quote: إنت مالك داير تبقالي في رقبتي زي وضاحة ؟؟؟. |
انت رقبتك الكلها دغت دي كان بقوا ليك فيها ما تفرح:)
عندنا صاحبنا برضو زيك كدا يا ود المدير شغال ليل ليهو سنين
قال ليّ جوهو ضيوف نص النهار ساعة نوموا وكانوا مشايخ
وبعد اكرمهم وهو برجف من التعب -- قاموا قالوا ليهو
جيب المصالي نصلي الظهر جماعة ...
حلف قال لي امامهم تقول بقرا البقرة في السجدة
قال لي لمن يقول الله اكبر من السجدة هو بصحى ويقوم يقعد ماهم
فيلقى محل سجدتوا كلها ريالة ههههههههههههه
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: ملاسي لو عمل مُدآخلة في البوست دا،
بديكم كل وآحد عشرين دولآر. |
وانا جاك بقوم انضر نضر رجعتي كنور اضبح لك عتود فوق عبد المعروف البقلب الراجل خروف..
اقول دا كرامة عشان خاتر خطوة ود المدير الوضعتو في خانة كبيرة مع كبار الكتاب والصحفيين امثال حسين ملاسي ..
ان جاك عاد دي ما بتكون بركة دعا الوالدين ورضاهم
هييييييييع
عتود شنو دي عتود ومعاها زفة ( قِربة ) كاااربة ادورها ليك من قبة عبد المعروف ما تقيف الا في خلوة ود السُكي ... والله صحي
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
ياود المدير كان عندي طبيب عجوز كدة كل ما أمشي ليهو يقول لي أشرب موية وأطفح خضروات
مرة كدة زعلت ليك منو قلت ليهو أنت خريج طب ولا زراعة وقطعت رجلي منو بقيت مابهوب بعندو
وقلت في قرارة نفسي دا مابمشي أهبش عند دكتور لمن أقع أردلب كدة فقبل عام ونصف يقوم طبيبي العجوز
دا ينتكل يموت جابو لي طبيبة نجاضة تشرح القلب والله بقيت لو جأتني كوابيس بالليل بقوم الصباح بتصل
وأعمل مواعيد .
الناس أجدادهم ورثوهم القروش ونحن أهلنا ورثونا الضغط والسكري فغايتو منتظرين دورنا ههههههههه
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: عادل الباهي عبدالرازق)
|
Quote: الرمان دا أعصروا عليهو.
|
ود المدير سلام
الميزة في الرمان يختلف عن الكركدي في حكاية المياعة للرجل وخليك متسحسح
Quote: عصير الرمان لة تاثير رائع على إزالة الدهون حول المعدة وتقليل الوزن وفقا لدراسة قام بها باحثون حيث ، حيث قام متطوعون بتناول قنينة عصير رمان يومياً لمدة شهر وتبين أنهم أقل عرضة لتشكل خلايا دهنية حول بطونهم. وتبين أن لهؤلاء ضغط دم أقل مما يقلص خطر إصابتهم بنوباتٍ قلبيةٍ وجلطات أو أمراض في الكبد..
وذكرت صحيفة “ ديلي ميل” البريطانية أن الباحثون وجدوا أن عصير الرمان يقلص كمية الحمض الدهني في الدم الذي يعتقد أن زيادته تؤدي إلى تشكل الدهون حول البطن وقد تؤدي إلى أمراض في القلب والسكري..
وكانت الأبحاث الحديثة كشفت فوائد جديدة للرمان منها الشفاء من بعض الأمراض الخطيرة، كالسرطان والضعف الجنسي، وثبت أن الرمان مصدرٌ غنيٌّ بمضادات الأكسدة والتي تقوم بدورٍ مهمٍ في وقاية الجسم من الأمراض المزمنة، كأمراض القلب والأوعية الدموية وتصلب الشرايين.
وإذا واظبت النساء على تناول الرمان يحصلن على حيوية ووقاية طويلة الأمد من الأمراض التي قد تسبب ظهور أمراض تقدم العمر وتساعد بالتالي على نشاطهن ومرونتهن.
كما ينصح الباحثون السيدات بتناول عصير الرمان عند الوصول إلى سن اليأس لحمايتهن من أمراض القلب والشرايين وهشاشة العظام وسرطان الثدي، وذلك لما له من قدرة على تدمير الخلايا السرطانية بطريقة “الانتحار الذاتي”، بينما لا يحدث تلفاً في الخلايا الأخرى السليمة.
وترتفع في الجزء الصلب من الرمان “البذور” نسبة البروتين إلى 9%، والمواد الدهنية إلى 7%، وإحدى المزايا الهامة لحبوب الرمان “التي يبلغ عددها في الرمانة الواحدة نحو 840 حبة، حسب دراسة بريطانية” فهي قدرتها على هضم المواد الصعبة، وخاصة الشحوم والدهن، لذلك فإن استخدامها في المأكولات الثقيلة يساعد المعدة في عملية هضم الطعام. |
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: حيدر حسن ميرغني)
|
| Quote: اكيد قضيت قدر عمري ودقداقة بولندا في الحيط المجاورة |
اتاريها الحيط لي هسع لونها اسود وريحتها ترمي الصقر .. قدر ما يدوها جير او بوماستك اللون يتحتّ براهو والا تبقى مثبقعّة زي راس الشافع العندو قوب..!
والعجيبة كمان الحيط من تحت تلقاها مُنخورة كدة و ( الرِتيلا ) تمرق من تحتها دايخة وانا اقول نمل عطبرة دا مالو ما بيقرص اتاريهو دايخ من كيماوي ود المديــر ..
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: حيدر حسن ميرغني)
|
Quote: أسه في داعي للعنوان ده يا معاوية؟؟
الله يسامحك! |
ود المدير ... و مني و كل الاحبة ...
عندنا صاحبنا دكتور وصل ال 50 قبالنا بي كم سنة كده ...
سالتو قلت ليهو اها احساسك شنو بعد ال 50
طبعا دكتور ولازم يدخل كلام الطب و الإنجليزي ...
قال لي ... physically طبعا مافي اي احساس باي تغيير ...
بس psychologically لما اقعد افكر انو في اجيال كامله بقت بي وراي
فيهم رؤساء دول و زعماء و كتاب و مديرين شركات كبيره ...
الموضوع شوية بشغل لي راسي ...
انا غايتو بفتكر انو زوي ما بقولوا اهلنا الكنديين ...
age is just a number
لو عمرك 20 و داير تدخل رقبتك في الحالة حقة العجز و الهم ... فكلو بي ايدك ...
تعرفوا ... اول الاسبوع الفات ...
مريت علي المول داير اشتري حاجة ...
ولقيت رقبتي جعان ... جبتلي حاجة سريعة و اقرب سور جوة المول قعدت اكل ...
جا واحد قعد جمبي ... زول شكله كويس صحيا ... ( كندي ) ... وطوالي دخل فيني شمال ...
قال لي ياخي انا بقيت اتعب ما زي زمان ...
كنت الف الدنيا بي كرعيني نفسي ما يقوم ...
رغم اني نزلت وزني ...
قلت ليهو الظاهر عليك انك fit ... هل راجعت دكتورك ...
قال لي ايوه وكمان عملو لي عملية و ركبوا دعامة في القلب ...
مع اني كنت رافض ... بس قالوا دي بتديني 10 سنين تاني من غير تعب ...
بعدين عاين لي قال لي انت عارف عمري كم ؟؟؟
قلت و الله ما قادر اقدر ...
قال لي 85 ...!!!!!!!!
____________________________________________________
جدي محمد سعيد يا ود المدير جاب كفنه وراهو لاولاده و بناته من عمره 45 سنة ...
| |
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: حيدر حسن ميرغني)
|
ود المدير سلامات
وتبرأ يابا وتستبرأ من الضغط!
الا يا اخوي الاربعين ولا الخمسين خليها.....
انت ما جايب آخرك غير شغل الليل ده....يا اخي ربنا ذاته قال (جعلنا لكم اللليل لباسا)!
اها في آيه زي دي ولا انا غلطانه؟!
شغل الليل صعب ومتعب للصحه حاول تغير بعد ده.
قلل الملح و اللحوم واتريضوا انتو بلا المنابر دي شيء حيودينا التوج مافي هههههههههههههههههه.
اها عصير الرمان ده ما قصرتوا وضوحتوا فوائده الا انه فاكهه متعبه بت###### الهدوم وبتصبغ
ونظافتها بايخه وعبيطه......الشيء الثاني عصيرها الجاهزر في محلات العرب شكله مخمر وبيجيب وجع المعده من شدة حموضته شوفوا لينا بديل ههههههههههههه.
وكلام عادل اباهي ده ما تديه الواطه
الخضار و المويه........
وان شاء الله يا عادل الباهي دكتورتك السمحه دي تهريك برضو خضار ومويه ههههههههههههههههههه.
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: Salah Habib)
|
Quote: ان جاك عاد دي ما بتكون بركة دعا الوالدين ورضاهم
هييييييييع
عتود شنو دي عتود ومعاها زفة ( قِربة ) كاااربة ادورها ليك من قبة
عبد المعروف ما تقيف الا في خلوة ود السُكي ... والله صحي |
غايتو يا ود الزين ثقتك في صاحبي ملاسي ناطحت السحاب.
والله صحي.
أجدادي عبد المعروف وود السبكي يلحقوني وينجدوني، ولوّمك بي أكان
عرفوا ولدهم بقى يكتب مع النحارير لشرأبت قبورهم فرحا...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: ياود المدير كان عندي طبيب عجوز كدة كل ما أمشي
ليهو يقول لي أشرب موية وأطفح خضروات |
هههههههههههههههههههههههههه،
علي اليمين يا ود الباهي الزول دا كان مشيت فوق كلاموا،
أكان بقيت إنقاية.
Quote: الناس أجدادهم ورثوهم القروش ونحن أهلنا
ورثونا الضغط والسكري فغايتو منتظرين دورنا ههههههههه |
الله يرحمن ويغفرلهم، ما قصروا معانا تب. قالوا وكت أصلنا
مارقين أحفادنا ديل النخليلُن شي ينفعهم.
ما تسو لي حجز مع دكتورتك دي أكان أخِف شوية...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
سلامات يارجل ياحلو
الزول كان دق الأربعين يتعالج بي دي
{وَوَصَّيْنَا الْإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ}
وشوف النتيجة في الآية اللي بعدها:
{أُوْلَئِكَ الَّذِينَ نَتَقَبَّلُ عَنْهُمْ أَحْسَنَ مَا عَمِلُوا وَنَتَجاوَزُ عَن سَيِّئَاتِهِمْ فِي أَصْحَابِ الْجَنَّةِ وَعْدَ الصِّدْقِ الَّذِي كَانُوا يُوعَدُونَ}
نسأل الله الشفاء لنا ولكم
الدغِت ده علاجو اربعة سواسيو محمرة . بس بشرط امهن تكون من ساحل العاج ـ وتكون مطلَّقة
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: عبدالعزيز الفاضلابى)
|
Quote:
أضافت دراسات حديثة عرضت في مؤتمر البيولوجيا في واشنطن مزيدا من الإثباتات التي تشجع على أكل اللوز،
وتبرز فوائده المتعددة التي تغيب عن الكثير من الناس، فقد أكدت هذه الدراسات ما أظهرته بحوث سابقة من أن اللوز
يخفض مستويات الكولسترول الضار ويساعد في تقليل مخاطر الإصابة بأمراض القلب وحماية الخلايا من التلف.
ويرى الباحثون أن تناول حفنة من اللوز أو ما يعادل أونصة واحدة يوميا كجزء من الغذاء الصحي، يساعد في تقليل
خطر الإصابات القلبية وذلك لفاعليته في تقليل مستويات الكولسترول الكلي وكولسترول البروتين الشحمي الضار قليل الكثافة.
وأشاروا إلى أن كل انخفاض في الكولسترول بنسبة 1% يقابله انخفاض في خطر الأمراض القلبية بنسبة 2%، وهذا
يعني أن بإمكان الأشخاص الذين يملكون مستويات أعلى من 200 مليغرام من الكولسترول لكل ديسيلتر من الدم تقليل
هذا المستوى إلى 190 مليغرام لكل ديسيلتر بجعل وتوصلت إحدى هذه الدراسات التي أجريت في جامعة تورنتو الكندية
إلى آثار مشابهة للوز إذ تبين أن الرجال والنساء الذين تناولوا أونصة واحدة أو حفنة من اللوز يوميا نجحوا في خفض
مستويات الكولسترول في دمائهم بنحو 3%، وزادت هذه النسبة إلى الضعف عند تناول حفنتين يوميا من اللوز وقشوره
قد تقدم حماية كبيرة مما لو كانا منفصلين عن بعضهما.
وأكدت دراسة أخرى من جامعة كاليفورنيا أن المواد المضادة للأكسدة في قشور اللوز بالإضافة إلى محتواه الطبيعي من
فيتامين (e) تؤثر بصورة إيجابية في الصحة العامة وخاصة عند تناول الثمار بقشورها.
وليست هناك مخاوف من أن يؤدي تناول اللوز لزيادة الوزن والسمنة، فقد أظهرت دراسة أجريت في كلية (كنغ) الطبية
البريطانية أن جدران الخلايا في ثمار اللوز قد تلعب دورا في امتصاص الجسم للدهون الموجودة فيها، فعند أكل اللوز
لا يمتص الجسم جميع الدهون فيه، فلا تدخل في عملية الهضم وتطرح خارجا، الأمر الذي يجعل اللوز طعاما صحيا قليل السعرات.
وهناك المزيد من الفوائد الصحية للوز من أبرزها استخدامه لتقوية الباه حيث يتم تناول مسحوق يتألف من حفنة لوز، وملعقة حبة
سوداء، وملعقة قرفة، وعسل نحل طبيعي، ويمزج هذا الخليط، بعد سحقه، مع حليب ساخن، ثم يُتم تناوله، فهو يقوي الباه بإذن الله تعالى.
|
أها اللوز دا كمان أعصروا عليهو شديد، بس كمان ما يمشي وآحد يختلو
قفة ويقعد يدرُش لأنوا زي ما قالوا بيقوم بالزول. الحرص واجب برضو.
مع تمنياتي لكم بدوام الصحة والعافية.
د/ ود المدير...
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: أسه في داعي للعنوان ده يا معاوية؟؟
الله يسامحك! |
اوووووووه، حبوبتنا مُنى،
والله مشتاقين يا قول الغناي.
غايتو أنا حكاية الحبوبات البدُخلن النت ويكتبن في المنتديات
دي تب أبت تقع لي.
عارفة يا منى، عندي عماً لي اظنوا دخل في التسعينات، ويمتاز بذاكرة
زي الموس. الراجل دا لحدي اليوم بيتذكر أرقام الأيتِم الكانت عندو في
العهدة في مخازن السكة حديد. أها، مرّة غالتني في عُمري غُلآت شديد،
وذكر لي أحداث وقعت يوم ولدوني. قمت قلت ليهو: يا عم ما تاكلني
حنك ساكت، أنا عندي شهادة ميلآد. قال لي زمان الناس بيكتبوا علي
كيفهم، وراح منقص لي سنة كاااااملة من عمري بتاع الشهادة، وقال
لي دا عُمرك الحقيقي.
والله يا منى فرحت جِنِس فرحة، كأنوا عمري بقى 23 سنة.
أمسكي معاي في مقولتي المفضلة:
الشباب في القلب ما بتجيك عوجة تب...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote:
اتاريها الحيط لي هسع لونها اسود وريحتها ترمي الصقر .. قدر ما يدوها
جير او بوماستك اللون يتحتّ براهو والا تبقى مثبقعّة زي راس الشافع العندو قوب..!
والعجيبة كمان الحيط من تحت تلقاها مُنخورة كدة و ( الرِتيلا ) تمرق من تحتها دايخة
وانا اقول نمل عطبرة دا مالو ما بيقرص اتاريهو دايخ من كيماوي ود المديــر .. |
يا ود الزين إنت كناري مسغّف. ملاسي لو شافك بترد علي بياع السجاير
في صف السينما (الجمهورية كمان!!!) صدقني بيختك معاي في زاوية
حادة وتاني بتقعد تفتش بالفتاشة عشان يرد عليك. إن شاء الله يجي حتي
لو يفالج وما يعالج.
ود حسن ميرغني دا مطموس ساكت. زمااااان أكان عندي قريبي شغال
في الإدارة المركزية بقرأ العدادات. أها، أنا مرّة وااااااحدة مشيت معاهو
قرينا عدادات السينما الجمهورية وما جاورها، ومنها بطلت دخول السينما،
وزاتي الزمن داك أُكُنت سغير.
الجنا دا كلموا...
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: طارق جبريل)
|
Quote:
الأخوان ود الباهي و ود المدير____
______
عندنا صاحبنا جا تص الليل طاااشم ..جا متلّب بالحيطة...لقى ابوهو صاحي...قال ليه (انا ما عافي منك يا ولدي)
رد عليهو (انا ال ما عافي منك ..ورثّتني عمارات ولاّ بيت في المنشية..ما ياهم الضغط و السكري ديل)_____تحياتي |
هههههههههههههههههههههههه.
مرحبتين حباب محمد محمود.
ذكرتني عبود عبد النبي،
جاء بالليل من حفلة دقّ الباب.
ابوهو قال: مين ؟؟؟
قال ليهو: يا ابوي أنا عبود أفتح الباب.
أبوهو من فوق عنقريبو قال ليهو: أمشي بيت محل ما كنت.
اليوم التاني عبود أصلوا ما طلع من البيت، ومساهر لحدي ما أبوهو
قام مشى صلاة الصبح في الجامع. قام عبود طوالي بعد أبوه مرق
علي الجامع، تربس الباب ورقد في عنقريب أبوهو. عمنا عبد النبي
جاء من الصلآة يدق دِق في الباب. عبود من فوق العنقريب قال
ليهو: مييييين ؟؟؟
عبد النبي قال ليهو: أنا أبوك، أفتح الباب.
عبود قال ليهو: أمشي بيت محل ما كنت...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: سلام وتحياتي ود المدير، ومتابعنك من على البعد عن قرب.
وتحياتي لود نوباتيا، أضحك الله سنك . . . لكين زولك الشيوخ عصروا عليهو شديد لامن ريالتو سالت هههههه |
الصادق عباس يا متاوق من الشباك،
لك عاطر التحايا وألف شكر.
تعرف، أُكُنت شغال من الساعة 7 مساءً للساعة 7 صباحاً.
طبعاً بصل البيت منتهي، وأوآت ما أبقى زول نوم مجموعة
من جماعة التبليغ طظظظظظ، يطظوا الجرس وما يقيفوا
لحدي ما إنجبر أفتح لهم. أها، يدخلوا يشبكوني لك كلآم
كتير أنا من التعب ما بفهم مِنوا التدعك.
يوم وآحد قال لي: تعرف، المسلمين بقوا يتنصروا. قبل
أيام مشينا دقينا الباب لوآحد صومالي ردت علينا زوجته
قالت لينا الزول دا بقى نصراني !!!
علي حِس تعبي وقرفتي، قلت ليهو: ما مِن عمايلكم.
قال لي: عمايلنا ياتا ؟؟؟
قلت ليهو: هسّع أنا براي أكان إتلحتوني كدي بقلب هُوّبا.
أها، من اليوم داك الجماعة تب قطعوا...
| |
|
|
|
|
|
|
|
|
 Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
ههههههههههههههههههههههههه،
يا معتصم عليك الله سلّم عليهوا، وقول ليهوا
يعصر علي الكركدي، ويعصر الرمان وأنا
علي برسّل ليهو الأسبرين.
الزول دا صحتو بتهمنا شديد. أسعل ود الزين.
الدولارآت دي بتجهجهك.
قالوا قبل كدا إتحاد الكورة الأفريقي رسّل للإعلآميين السودانيين
مبلغ 10 ألف دولار، وكانت حديث الوسط الإعلآمي قبل يتم
توزيعها عليهم. أها، في الوكت داك كانت في مبارأة هلآل مريخ
والمزيع علي الريّح. علي الريّح مع الشهوشة بتاعتوا كان موضوع
الدولارآت ضارب في راسو. الكورة كانت فاول برا خط الـ18،
علي الريّح داير يقول الحكم بيحسب في الخطوات، بشهوشة
شديدة قال: فاول برا خط الـ18 في منطقة خطيرة والحكم بيحسب
في الدولارآت...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: ود المدير سلامات
وتبرأ يابا وتستبرأ من الضغط!
الا يا اخوي الاربعين ولا الخمسين خليها.....
انت ما جايب آخرك غير شغل الليل ده....يا اخي ربنا ذاته قال (جعلنا لكم اللليل لباسا)!
اها في آيه زي دي ولا انا غلطانه؟!
شغل الليل صعب ومتعب للصحه حاول تغير بعد ده.
قلل الملح و اللحوم واتريضوا انتو بلا المنابر دي شيء حيودينا التوج مافي هههههههههههههههههه.
اها عصير الرمان ده ما قصرتوا وضوحتوا فوائده الا انه فاكهه متعبه بت###### الهدوم وبتصبغ
ونظافتها بايخه وعبيطه......الشيء الثاني عصيرها الجاهزر في محلات العرب شكله مخمر وبيجيب وجع المعده من شدة حموضته شوفوا لينا بديل ههههههههههههه.
وكلام عادل اباهي ده ما تديه الواطه
الخضار و المويه........
وان شاء الله يا عادل الباهي دكتورتك السمحه دي تهريك برضو خضار ومويه ههههههههههههههههههه. |
سلآمات يا تراجي.
أخباركم والوليدات ؟؟؟.
غايتو يا تراجي أعفوني من ترك شغل الليل مع إني جادي أخليهو، بس ما هسّع.
رغم إني كنت زول رياضي جداً لكن والله مع الجري الكتير دا بكل أسف تركتها وبحاول جادي
أرجع ليها تاني.
بالنسبة لموضوعنا دا الرياضة تعتبر أهمّ جانب فيه. سامع الكلآم دا يا ود الباهي ؟.
أها، عصير الرمان دا يا تراجي أنصحك ما تفرطي فيهو تب، بس بشرط تختي دكاكين العرب
والهنود، ديل ما بيتورعوا عن بيع البضاعة الضاربة. ما عندي ليكِ ايّ بديل، ومُصر إصرار
شديد لازم تكتري منوا.
النوع المُرفق دا جيّد جداً وأصلي 100%:
يا تراجي وكل من يمر علي هذا البوست
خاسةً الناس الدقوا اللربعين والفاتوها عليكم
بعصير الرمان، الرمان، ثمّ الرمان.
مع تمنياتي لكم بدوام الصحة والعافية.
د/ ود المدير...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: محمد عوض السيد)
|
Quote: مرة اشتكيت لواحد صاحباً لى ظريف عن التعب والسن
قال لى: بتقدر تلبس البنطلون واقف؟ بدون ما تتكل على حاجة؟
قلت ليهو : ايوا
قال لى كان كدا ماعندك عوجة
وقس ذلك على السروال
.. وعلى ذلك تبقى قولة الكنديين حقة اخونا يحى صاح 100% |
هههههههههههههههههههههههه،
صلاح حبيب يا حبيب،
إنت منوّر هنا يا اخ.
يا اخوانا العايز يقيس علي السروال الطويل دا لازم يكون واثق من نفسو شديد.
علي اليمين السروال دا يتعنكل في كرعين واحد فيكم ما يتفكّ مِنو لحدي ما حمار
الخلا يهنّق.
العايز يجرّب اليجرّب بالبنطلون. كلمناكم أهو...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote:
الدغِت ده علاجو اربعة سواسيو محمرة . بس بشرط امهن تكون من ساحل العاج ـ وتكون مطلَّقة |
عبد العزيز يا حبيب،
لك أشواقي الكبيرة.
سألت عنّك وعلمت أنك كنت في الفاضلآب.
إن شاء الله تكون وجدت الأهل والبلد بخير.
يا عبد العزيز التحمير دا ما كويس مع الدغت، السواسيو ديل ضيف ليهِن
بتاعات الفريق القومي وأعملوهن لي قاورما.
عليك الله الدغت دا خاتي أكان رشانا ؟؟؟...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
هاااااا يا ناس احمدو ربكم ساكت.. الجابت ليها ضغط بعد الاربعين..
ان صبرتو شوية كان بتجيب ليها طهورة بعد الاربعين... والله صحي
هسع كان تلقانا متكوكشين من تحت النخل ندبز فوق حـمـيـرنا .. رابطين جركانت المريسة وحاقبين طنابيرنا وماشين على السيالة..
هااااا يا ناس على وين ؟! لالالا ماشين على ناس عمنا المدير .. باقي الليلة اربعينية ولدو المدير .. وقالوا قرر يبقي مسلم وجايبين ود سلمان الجزار يجزّو..
لا كان كدي بسلامتكم .. وعوافي ليهو.. إلا الجابرو شنو على ود سلمان.. إن قعد ختاهو للترولى في القضيب كان انجع ليهو واسرع..
لالا قال ود سلمان عندو ساطور سمح جابو ليهو ود الفضيل من الصعيد..!!
دي شغلة دي..!! ما اخير تحمدو ربكم على تعب الضغط من مصيبة القطع
ـــــــــــــــــــــــــــــــــــ
هاااكم اها شان ما تقولوا الود دا قاصد شنو هههههههههههه
بعد الحلاقـــة .. جــابت ليها طهورة كبار ..
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: تعرف ياود المدير واحد فى الرينج دا دقشوا سكرى و الجماعة
فى بلدنا بسمو السكرى سمير المرض البزعمط الجداد داك~~اها هو بريد الكسرة
و اصلا مافى غيرها الدكتور قالو ابعد من الكسرة زولك اتجرس الدكتور حن عليو
قالو خلاص تاكل طرقة واحدة~~جاء البيت لقى الولية تعوس قال لها الطرقة الجاية
كبريها قالت ليه قالها الدكتور قال طرقة واحدة |
هههههههههههههههههههههههه،
عبد العزيز يا متاوق من الشباك،
ليك سلآمنا والآف التحايا.
أقيف صلعة يا عبد العزيز.
والله صحي.
إن شاء الله عادل الباهي تجيهو وآحدة زيها،
وتكون فيها شيب كمان. (حسادة بس).
هههههههههههه،
قلت لي قال ليها كبري الطرقة !!!؟ أحي يا الحر.
يا أخي بعد اللربعين دي بتكون في جرسة مبااااالغة.
عندنا وآحد صاحبنا عندو الدغت. أها، وكت أكون بسوي في الفول
يجي يقيف جنبي ويقول لي يا ود المدير الجبنة لا تكترا، وهو بيريد
اللكل. أها، أنا مضرّة مني بكتّر الجبنة وهو بيريدا، عارف زولك
يجي يقول لي، ما قلنالك ما تكترا، وينزل فيها نسِف...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
| Quote: في عطور باريسية وملآبس نسائية، ولُعب أطفال |
إشتغلت فيهن تب برضو في الاجازات
ان شاء الله تكون متذكر محل (عطر الاميرة) في السوق الكبير
اها ده حق ود عمي فقيري ، شيلة العرس كاملة كانت بتطلع منو
ده غير تخصصه في شرايط الغناء السمح وبتوكيل كمان
أي زول ماقاشر ماكان بعتَب المحل ،
في ناس تجي تتفرج سااكت وتاخد صور وتمشي
صدقني بكون كحلتك الزمن داك بس عملت نايم وماناديتك عشان الجكس ما يتهجم
-
انا بزوزي جنب السينما بـ ح ق ي
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: aosman)
|
Quote:
محمد محمود ياحبيب حياك الله
الضغط والسكري هينات تعرف أكثر حاجة خائف منها أخوك الشيب والصلعة . عندنا قريبنا
بتاع جكس قال والله العيب أحسن من الشيب ههههههههه |
ده الكلام البخلينا ما نخت صور بروفايلات زاته
الصلعة معاي من بدايات الجامعه وبالعشره الطويلة اتصالحت معاها
إلا الشيب ده جا نازل فجأة كده وضرب الشنب بكثافة
عشان كدى هسه نحن بنمر بعصر الحكحكه دلوقت
اركزوا ساي يا ود المدير وحيدر
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: احمد التجانى احمد)
|
Quote: إتـــــــــا آآ المدير ..
اللوز ده دحين ماياهو البتور اللوز للزول . ؟؟ .....
ولا داكـ واحدن تاني ..
حاكم ناس بعد الاربعين ديل بيدورو لهم شيتن يتور لهم اللوز بالعنيه يعني ... |
ود القوز،
نعلّك طيّب ؟؟؟
هو لُوز نصاح نان !!!؟
إياهو زاتو، ودا ما بيعرفلك أربعين وعشرين أكان قام بالزول
بيقوم بنمرة خمسة وتاني أوّعك من يتراجع. أمانة مُو كعب.
يا ود القوز، أقع اللوز.
مرحبتين حبابك في كرقة بكري
أبو صلعة العامرة...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote: هاااااا يا ناس احمدو ربكم ساكت.. الجابت ليها ضغط بعد الاربعين..
ان صبرتو شوية كان بتجيب ليها طهورة بعد الاربعين... والله صحي
هسع كان تلقانا متكوكشين من تحت النخل ندبز فوق حـمـيـرنا .. رابطين جركانت المريسة وحاقبين طنابيرنا وماشين على السيالة..
هااااا يا ناس على وين ؟! لالالا ماشين على ناس عمنا المدير .. باقي الليلة اربعينية ولدو المدير .. وقالوا قرر يبقي مسلم وجايبين ود سلمان الجزار يجزّو..
لا كان كدي بسلامتكم .. وعوافي ليهو.. إلا الجابرو شنو على ود سلمان.. إن قعد ختاهو للترولى في القضيب كان انجع ليهو واسرع..
لالا قال ود سلمان عندو ساطور سمح جابو ليهو ود الفضيل من الصعيد..!!
دي شغلة دي..!! ما اخير تحمدو ربكم على تعب الضغط من مصيبة القطع
ـــــــــــــــــــــــــــــــــــ
هاااكم اها شان ما تقولوا الود دا قاصد شنو هههههههههههه
بعد الحلاقـــة .. جــابت ليها طهورة كبار .. |
هههههههههههههههههههههههههههههه،
يا ود الزين يا أخي إنت وتمبس اللِتنين في الكنبة الورا.
الناس بقت ترسم تاتُو، تقول لي ترولي !!!؟
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote:
إشتغلت فيهن تب برضو في الاجازات
ان شاء الله تكون متذكر محل (عطر الاميرة) في السوق الكبير
اها ده حق ود عمي فقيري ، شيلة العرس كاملة كانت بتطلع منو
ده غير تخصصه في شرايط الغناء السمح وبتوكيل كمان
أي زول ماقاشر ماكان بعتَب المحل ،
في ناس تجي تتفرج سااكت وتاخد صور وتمشي
صدقني بكون كحلتك الزمن داك بس عملت نايم وماناديتك عشان الجكس ما يتهجم
-
انا بزوزي جنب السينما بـ ح ق ي |
الحقنة التخليك تزوزي بلا صايب. قول بي عدلي
بدل حقي. فضل نفتح لكم فصل بس .
يا اخي عطر الأميرة دا كان زي مارك آند إسبنسر. والله صحي.
بس الناس الشغالين كانوا كلهم وجيهين، إنت كنت خلف الكواليس
واللآ شنو؟؟؟.
يا حليل الزمن الجميل. والله بتذكر فقيري، وفعلاً نحن كنا بنمشي
نكشف بهناك، لكن يا حيدر أنا لمان أكون بايع لي قُفة تمُر مااااكنة
طوالي بخُش لي في شريط بوني ام أو بوب مارلي، وآخر شريط
إشتريتو من عطر الأميرة بتاع البِي جِيز (حمى ليلة السبت).
الزمن ما بيرحم، بعد الثقافة دي كوووولها جاني الدغت...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: Dr. Salah Albashier)
|
Quote:
الأخ معاوية لو داير تعرف الشخص وصل الأربعين ولا لا شوفه وبتلقاه بنخس أسنانه
بي قشة بعد الأكل, ولمن يصلي ولابس جلابية بتلاقي الجلابية بتدبس بي وراء, وبتكلم كتير
عن ماضيه وأيام زمان, وبكون لابس نضارة نظر أو هنالك ضعف في النظر وعلامات أخرى |
سلآمات يا أوزمان.
يا أوزمان حكاية نخيس السنون لناس اللربعين دا سغرة نفس
ساكت. هو وصل اللربعين بيعضعِض في اللحم مالو ؟؟؟.
في ناس شِدّة اللربعين ما بتطرطِشُن حتي الجلآبية دي وكت
تدبِس يعجز يمد إيدو يمرقا.
غايتو حكاية النضمي الكتير عن الماضي دي بقت عندنا
كتيرة، الله يمرقنا من الخرف.
مودتي...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote:
ده الكلام البخلينا ما نخت صور بروفايلات زاته
الصلعة معاي من بدايات الجامعه وبالعشره الطويلة اتصالحت معاها
إلا الشيب ده جا نازل فجأة كده وضرب الشنب بكثافة
عشان كدى هسه نحن بنمر بعصر الحكحكه دلوقت
اركزوا ساي يا ود المدير وحيدر |
أحمد التجاني،
سلآمات.
صلعة من الجامعة !!!، يا راجل إنت ما ضُقت للجامعة طعم.
يا اخي البنوت زمان جنهن والصلعة. عليك الله كنت قاعد
تمشي الجامعة كيف ؟؟؟
أها،
أنا جبت ليك دي للشيب، خلي بتاع عطر الأميرة
دا يشوفلك صِرفة للصلعة.
قوزلك عِمّة زي اللتِي دي واقع البروفايل
ما بتجيك عوجة.
مودتي...
| |
|
|
|
|
|
|
|
|
|
Re: الناس الدقوا اللربعين والفاتوها، نصيحتي دي لا تابُوُّها... في نصيح (Re: معاوية المدير)
|
Quote:
اخو الدكتور معاوية المدير
سلام
العرب قالت: ما أطال النوم عمراً ولا قصر في الأعمار طول السهر
انا قلت للمدام حاجتين ما بعملن لا بتني ولا بمشي الدكتور واتي باقى
عمرك بتميهو حبس .. أها شن قولك .. ابهاتنا ماتوا واقفين على طولهم ..
إن شاء الله نبقى رجال زيهم .. لا أكلوا رمان ولا فرس.
ودي |
سلآمات يا دكتور،
صلاح البشير.
غايتو كلام العرب دا عجبني بالحيل.
المسكينة دي داير تدردرا بالحبس مالك ؟؟؟. يا أخوي أبهاتنا البيحميهم
يموتوا وآقفين علي طولُن شنو ؟؟؟، يخدموا الليل والنهار ويقلعوا من
حيضانُن وياكلوا، ويبركوا فوق الجدول يشربوا، واللبن من ضرعوا
والملآح من جرفو لا بيعرفوا كيماويات لا بيوت خدرا.
أخيرلك تبقى معانا زول رمان رجالتهم ما بنقدر عليها. يا صلاح
قنِّب في الوآطة الله يرحمُن ديل ناساً ما بيتلحقو.
مودتي...
| |
|
|
|
|
|
|
| |
معاوية المدير
محمد على طه الملك
حسين نوباتيا
حيدر حسن ميرغني
يحي قباني
HAIDER ALZAIN
عادل الباهي عبدالرازق
عباس الدسيس
Muna Khugali
محمد محمود محمد
معتصم محمد صالح
Tragie Mustafa
الامين موسى البشاري
عبدالعزيز الفاضلابى
طارق جبريل
وليد التلب
محمد عوض السيد
جمال ود القوز
جدو
aosman
احمد التجانى احمد
فيس بوك
تويتر
انستقرام
يوتيوب
بنتيريست