|
|
 الله اكبر ... انبهال بترول تشاد عبر بورتسودان .....
|
كتيبة الردع الإلكتروني
الرئيس التشادي يصل البلاد .. تصدير بترول تشاد عبر بورتسودان
دخول ليبيا في مشروع القوات المشتركة بين السودان وتشاد وأفريقيا الوسطي أمر محتمل
02-07-2013 10:37 PM
وصل الي البلاد مساء الخميس الرئيس التشادي إدريس دبي في زيارة رسمية تستغرق يوما واحدا
يبحث خلالها مع المشير عمر البشير رئيس الجمهورية عددا من القضايا ذات الاهتمام المشترك ،
وكان في استقباله بمطار الخرطوم المشير عمر البشير وعدد من الوزراء .
وقال الأستاذ صلاح ونسي وزير الدولة بالخارجية في تصريحات صحفية عقب وصول الرئيس دبي
ان الزيارة تأتي في إطار التباحث والتشاور المستمر بين قيادتي البلدين .
وأضاف ونسي أن العلاقات السودانية التشادية راسخة ومتطورة في جميع المجالات مشيرا إلي التعاون
المستمر بين البلدين لاسيما في المجالات الاقتصادية والسياسية والأمنية وخصوصاً
في مجال تأمين الحدود عبر اللجنة المشتركة بين البلدين .
وأشار سيادته إلي أن العلاقة بين شعبي البلدين متطورة لافتا الى التعاون الثقافي
والاجتماعي الوثيق بين البلدين.
وأوضح وزير الدولة بالخارجية أن المباحثات بين الجانبين ستضم بجانب الرئيسين
وزراء البلدين الشقيقين في المجالات ذات الاهتمام المشترك .
وفي رد علي سؤال صحفي قال ونسي إن دخول ليبيا في مشروع القوات المشتركة بين السودان
وتشاد وأفريقيا الوسطي أمر محتمل خصوصاً وأن ليبيا من الدول ذات الحدود المشتركة مضيفاً أن
الأمر يحتاج إلي دراسة عميقة وتعاون بين الدول لإنجاح العمل وقال إن هذا الموضوع
يمكن أن يكون على طاولة المباحثات مساء اليوم .
البشير يبحث مع دبي عدداً من القضايا ذات الاهتمام المشترك:
بحث المشير عمر البشير رئيس الجمهورية ببيت الضيافة مساء الخميسىمع الرئيس التشادي
إدريس دبي عدداً من القضايا التي تهم البلدين في المجالات الاقتصادية والسياسية والأمنية .
وقال البشير في تصريحات صحفية عقب جلسة المباحثات ببيت الضيافة إن المباحثات تركزت
حول مناقشة مشروعات الربط بين البلدين المتمثلة في الطريق القاري والسكة حديد بين السودان وتشاد،
كاشفا أن المجهودات الآن منصبة في تنفيذ الطريق، مشيرا في هذا الصدد إلى أن الجانب السوداني
يعمل بجهد لإكمال الطريق لإيصاله إلى مدينة الجنينة ومن ثم تبقى مسافة بين الجنينة وإدري .
وأوضح رئيس الجمهورية أن الشقيقة قطر وافقت على تمويل الطريق بين ابشي والجنينة،
مشيرا إلى وجود شركات صينية تعمل على ربط البلدين بالسكة الحديد.
وأعلن البشير عن تعهد السودان بمنح تشاد إمتيازات ومساحات على البحر الأحمر تستخدم
لنقل بضائعها الواردة والصادرة.
وكشف البشير عن تعامل السودان مع تشاد في مجال النفط، موضحا أن تشاد تعد دولة نفطية
ولديها مؤشرات لإنتاج نفط في الشمال، مؤكدا مرور النفط التشادي بعد استخراجه قريبا عبر
الأنابيب والمنشآت النفطية السودانية للتصدير عبر بورتسودان.
وأوضح رئيس الجمهورية أن المباحثات تناولت أيضا التعاون في مجال التعليم خصوصا في المجالات
الطبية المختلفة ومجال الزراعة والري وحصاد المياه. وقال إن البلدين ينعمان بحدود آمنة بفضل القوات
المشتركة السودانية التشادية التي تعمل على نحو جيد أسهم بصورة كبيرة في الوصول إلى استقرار تام في الحدود المشتركة.
وأكد البشير أن زيارة دبي تعد دفعا لكل هذه المجالات، مبديا استعداده لزيارة إنجمينا قريبا
للمشاركة في قمة دول الساحل والصحراء .
من جانبه وصف الرئيس دبي العلاقات السودانية التشادية بأنها متطورة، موضحا أن زيارته
تأتي في إطار سعي الجانبين للاستمرار في علاقات ممتازة تعود بالنفع على البلدين.
وأكد أن المباحثات خرجت بنتائج طيبة علي كافة الأصعدة ذات الاهتمام المشترك في الاقتصاد والسياسة والأمن.
وأضاف أن الزيارة أيضا تأتي من منطلق العلاقات الطيبة بين السودان وتشاد علي مستوى المسئولين والشعب.
|
|
 
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
Quote: تعهد الرئيس السودانى عمر البشير اليوم الخميس بمنح تشاد امتيازات ومساحات على البحر الأحمر تستخدم لنقل بضائعها الواردة والصادرة.
جاء ذلك فى تصريحات صحفية أدلى بها البشير عقب اجتماعه مع نظيره التشادى إدريس ديبى الذى وصل إلى السودان فى وقت لاحق فى زيارة رسمية، بحسب وكالة الإنباء السودانية "سونا".
وأضاف البشير أن تشاد تعد دولة نفطية ولديها مؤشرات لإنتاج نفط فى الشمال مؤكدا مرور النفط التشادى بعد استخراجه قريبا عبر الأنابيب والمنشآت النفطية السودانية للتصدير عبر ميناء بورسودان. |
| Quote: بمنح تشاد امتيازات ومساحات على البحر الأحمر تستخدم لنقل بضائعها الواردة والصادرة. |
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
وكمان فرحاااااااااااااااان
بالله نحن بقينا نتسول حتى على تشاد المعلمة الله وما عندها شي
نحن ارض النيل اطول انهار العالم واعذبها
عندنا من الاراضي الخصبة ما يعادل دولة تشاد كلها
عندنا ثروة حيوانية مقابل كل فرد اربعة رؤوس من الابقار
عندنا ثروة سمكية يحسدنا عليها العالم
عندنا معادن طبيعية في وش الارض
وعندنا بترول لكن للاسف دا دخل كروش الكيزان وما اظن يطلع تاني
كل هذه الثروات ونحن بنتسول العالم العربي
والعجمي وبقينا برضو بنتسول تشاد
دا كلو لانو سيدك الرئيس خادم القرآن الكريم والسادة المرتزقة
اعوانه وكيزانه الذين يحكمون السودان 23 عاما ما عندهم ايييييي مخ
وما عندهم اييييي تصور للمستقبل بس بعرفو كيف ياكلو حق الناس واليتامى باسم الدين
وكمان انت فرحان هههههههه والله شرية البلية فعلاً يضحك
هشتكنا وبشتكنا يا ريس
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: Haytham Ghaly)
|
بالله نحن بقينا نتسول حتى على تشاد المعلمة الله وما عندها شي
نحن ارض النيل اطول انهار العالم واعذبها
عندنا من الاراضي الخصبة ما يعادل دولة تشاد كلها
عندنا ثروة حيوانية مقابل كل فرد اربعة رؤوس من الابقار
عندنا ثروة سمكية يحسدنا عليها العالم
عندنا معادن طبيعية في وش الارض
وعندنا بترول لكن للاسف دا دخل كروش الكيزان وما اظن يطلع تاني
كل هذه الثروات ونحن بنتسول العالم العربي
والعجمي وبقينا برضو بنتسول تشاد
دا كلو لانو سيدك الرئيس خادم القرآن الكريم والسادة المرتزقة
اعوانه وكيزانه الذين يحكمون السودان 23 عاما ما عندهم ايييييي مخ
وما عندهم اييييي تصور للمستقبل بس بعرفو كيف ياكلو حق الناس واليتامى باسم الدين
وكمان انت فرحان هههههههه والله شرية البلية فعلاً يضحك
........................................................................................
يا زول انت قاعد وين
ما شفت الذهب امس ( كتل كتل ) في التلفزيون برنامج في الواجهة
مع الوزير كمال عبد اللطيف
بعدين ما عندك علم انو في 2014 في حقول نفط كثيرة ستدخل في انتاج النفط
دا غير المستثمرين المنبهلين للاستثمار في مجال الزراعة
والصناعات التحويلية المساندة
تعرف انا فرحان ليه لانو زيادة الخير خيرين
مش كدا
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
عمـر،
سلام
الصــورة دى للحقيقـة والتأريخ تتحدث عن عكس ما أردت لهـا، فالرئيس سلفـاكيير كانت هـذه دوع الفرح بإستقلال الجنوب. والحرر من العنصـريـة والإقصـاء لعقود، حارب من أجلها وتوجت ذلك اليوم.
أما زيارة دبى والخبر المنشـور، فهـذا لا يعنى سوى حرب قريبـة بين السودان وتشـاد والله يكضب الشينـة.. ما أظهرت هـذه الحكومـة نيـة طيبـة وتصالحـا مع احـد إلا طعنتـه اليوم التالى.
مالك مقومين حرب فى زمن زى دا ياخ؟
ود الباوقـة
إتعــظ
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
Quote: يا زول انت قاعد وين
ما شفت الذهب امس ( كتل كتل ) في التلفزيون برنامج في الواجهة
مع الوزير كمال عبد اللطيف
بعدين ما عندك علم انو في 2014 في حقول نفط كثيرة ستدخل في انتاج النفط
دا غير المستثمرين المنبهلين للاستثمار في مجال الزراعة
والصناعات التحويلية المساندة
تعرف انا فرحان ليه لانو زيادة الخير خيرين
مش كدا |
يا ود الباوقة دي 23 سنة عانى فيها الشعب كل انواع العذاب
وبعد دا كلو جايين تقولوا لينا حا نعمل وحا نعمل
مسألة البترول دي نحن تاني خلاص ما بتمشي علينا نهائي
وين تأثير البترول علينا قبل انفصال الجنوب؟؟؟؟
تقدر تقول لي اي تاثير ايجابي للبترول في السودان ؟؟ بل بالعكس كان التأثير سلبي للغاية
وانتو بتسموا مثل هذه العمايل انجازات لعلمك الانجاز لا يمكن ان يسمى انجاز الا اذا ظهر تأثيره في حياة اصغر مواطن
يعني ظهور اثار ايجابية على حياة الشعب ودا ما حصل في السودان بعد استخراج البترول وبالعكس تماماً كانت اثاره السلبية كثيرة جدا
بعدين مسألة الدهب الشفتو دا يا سيد دا مجرد اعلام والوراك منو انو دهب وهل كمال عبداللطيف اهل للثقة حتى تكون متأكد تماماً كدا
وهل اي شي بجيبوا ناس حكومتك ديل في التلفزيون حقيقة ؟؟؟ والله انت عارف انو كلو كذب ونفاق
بتتذكر سيدك الرئيس عمر البشير ساعتو الشايل الطورية ومتفنس وبحفر في ترعة كنانة والرهد ؟؟؟ اها وينا الترعة ووينا المشاريع الزراعية
كلها كلام تلفزيون ساااااكت كلها راحت ادراج الرياح عبارة عن اعلام فقط وللاسف اعلام كذب ويدخل ضمن الانجازات سااااااااااااكت
النفرة الزراعية ، النهضة الزراعية ، النفرة الخضراء كلها مأكلة في مأكلة وكلام فارغ يخرج من رؤوس فارغة ومتعفنة
فقراً علينا اتربعوا
ديل لا بيخافوا من الاله
لا بيختشوا لا بيشبعوا
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
عمـر،
سلام
الصــورة دى للحقيقـة والتأريخ تتحدث عن عكس ما أردت لهـا، فالرئيس سلفـاكيير كانت هـذه دوع الفرح بإستقلال الجنوب. والتحرر من العنصـريـة والإقصـاء لعقود، حارب من أجلها وتوجت ذلك اليوم.
أما زيارة دبى والخبر المنشـور، فهـذا لا يعنى سوى حرب قريبـة بين السودان وتشـاد والله يكضب الشينـة.. ما أظهرت هـذه الحكومـة نيـة طيبـة وتصالحـا مع احـد إلا طعنتـه اليوم التالى.
مالك مقومين حرب فى زمن زى دا ياخ؟
ود الباوقـة
إتعــظ
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: Abureesh)
|
الاستاذ هيثم غالى
لك التحية الطيبة و الف مرحب بك فى المنبر العام
راجع معلوماتك شوية فيما يختص يتشاد .. !!
Quote: وكمان فرحاااااااااااااااان
بالله نحن بقينا نتسول حتى على تشاد المعلمة الله وما عندها شي
نحن ارض النيل اطول انهار العالم واعذبها
عندنا من الاراضي الخصبة ما يعادل دولة تشاد كلها
عندنا ثروة حيوانية مقابل كل فرد اربعة رؤوس من الابقار
عندنا ثروة سمكية يحسدنا عليها العالم
عندنا معادن طبيعية في وش الارض
وعندنا بترول لكن للاسف دا دخل كروش الكيزان وما اظن يطلع تاني
كل هذه الثروات ونحن بنتسول العالم العربي
والعجمي وبقينا برضو بنتسول تشاد
دا كلو لانو سيدك الرئيس خادم القرآن الكريم والسادة المرتزقة
اعوانه وكيزانه الذين يحكمون السودان 23 عاما ما عندهم ايييييي مخ
وما عندهم اييييي تصور للمستقبل بس بعرفو كيف ياكلو حق الناس واليتامى باسم الدين
وكمان انت فرحان هههههههه والله شرية البلية فعلاً يضحك
هشتكنا وبشتكنا يا ريس |
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: الطيب رحمه قريمان)
|
Quote: الاستاذ هيثم غالى
لك التحية الطيبة و الف مرحب بك فى المنبر العام
راجع معلوماتك شوية فيما يختص يتشاد .. !!
|
استاذنا قريمان عساك بخير
المقصود من كلامي يا قريمان ان مهما بلغت ثروات تشاد
فلن تمثل شيئ بالنسبة للثروات العندنا هنا في السودان
ورأيي يا قريمان ان السودان لولا الحكومات الدكتاتورية
وجهل الحكام الحكموهو منذ الاستقلال لكان لنا شأن كبير
في العالم وكان من الممكن ان يكون (السودان) اغنى دول العالم
لانه يمتلك كل مقومات الدول العظمى ولكننا للاسف افتقرنا للديموقراطية
وللحكم الرشيد الذي كان من الممكن ان نبني به دولة عظيمة غنية وقوية
مع مودتي واحترامي
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: Abureesh)
|
ياباوقة سلامات
عنوانك مضلل لانو لسه البترول ماطلع وافرض انو استخرجوهو نحن حينوبنا شنو عشان نفرح نحن كان عندنا عملنا بيهو شنو ظهر في حياتنا بي شنو اي انسان عاقل عارف انو ماحيفيدنا في حاجه لانو نحن مجرد عتالة لي بترول تشاد فحقو نكون بنتعامل بواقعية اكثر وانا متاكد انك عارف الموضوع مافيهو اي اهمية لكن الماعارفو بتعمل كدا ليه والله اشفق عليك اخي ود الباوقة
الناس ياباوقة بقت واعية وفاهمة الحاصل فحقو تحترمو عقولنا شوية
وانحنا يااخوي اتلدغنا كتير في بترولنا بقينا نخاف من جر بترول تشاد بي علينا
تسلم
| |
|
|
|
|
|
|
|
|
|
Re: الله اكبر ... انبهال بترول تشاد عبر بورتسودان ..... (Re: ود الباوقة)
|
Quote:
انتو يا كافي البلا ما دايرين البلد دي تمشي الى امام
سبحان الله |
كيف ما عايزين البلد تمشي لي قدام؟؟؟
نحن يا ود الباوقة عايزين البلد تمشي لي قدام بالجد
وبالحقيقة وبالصدق
موش بالكذب والتضليل والنفاق ولا اقصدك انت في شخصك
ولكن اقصد حكومة الانقاذ منذ بزوغ فجرها الاول ملأت الدنيا شعارات زائفة
ما عدت بضع سنوات انكشف فيها زيف شعاراتهم عن الدين وعن التنمية وعن
كل ما تحدث سيدك خادم القران عنه في خطابه الاول
نسيت يا ود الباوقة
ناكل مما نزرع ونلبس مما نصنع تهلييييييييييييييييييييييييل
ومزقنا فاتورة القمح ... اللاااااااااااااااااه اكببببببببببر
نسيتو الحاجات دي خلاص
للاسف اسع بقينا ما في اي شي بناكلو مما نزرع حتى الطماطم قاعد تجيبوها من الاردن
خليك من القمح والحاجات التانية
يا ود الباوقة نحن عايزين صدق لا كذب يكفي الكذب على الشعب 23 سنة كفااااااااااااااية
علييييك الله يا ود الباوقة تقول النصيحة
| |
|
|
|
|
|
|
| |
حيدر حسن ميرغني
فايزودالقاضي
Deng
بدرالدين الطائف
الطيب رحمه قريمان
فيصل محمد خليل
Abureesh
بدر الدين مهدي
سليمان القرشي
فيس بوك
تويتر
انستقرام
يوتيوب
بنتيريست